Category: Uncategorized

Ni mu gitaramo cyiswe 'Fuego Fest' cyateguwe na 'Evolve Music Group Ltd' yagiye itegura ibindi bitandukanye mu Rwanda. Iki gitaramo giteganyijwe kuba ku wa 31 Gicurasi, aho kizabera ndetse n'abahanzi bashobora kuzakiririmbamo ntabwo biratangazwa.

Gilbert M Rukundo uhagarariye sosiyete yatumiye uyu musore yabwiye IGIHE ko batekereje kumutumira i Kigali, kuko ari umwe mu bamaze iminsi bafite izina rikomeye cyane cyane mu gucuranga Amapiano. Ati 'Ni umusore ugezweho, twizeye ko benshi bamutegerezanyije amatsiko.'

Vigro Deep afite imyaka 23. Ni Producer, DJ ndetse akaba n'umucuranzi wa piano. Yamamaye mu ndirimbo yagize uruhare mu ikorwa ryazo zirimo 'Blue Monday', 'Africa Rise', 'Wishi Wishi' yakoranye na DJ Maphorisa, Kabza de Small, Scotts Maphuma na Young Stunna, 'Ke Star [Remix]' yahuriyemo na Focalistic na Davido n'izindi.

Evolve Music Group [EMG] yatumiye Vigro Deep ni imwe muri sosiyete zimaze igihe zitegura ibitaramo mu Rwanda ariko by'umwihariko ikanafasha abahanzi mu bindi bikorwa. Iyi sosiyete yateguye ibitaramo birimo icya Trapish Music Concert 2 cyatumiwemo umuhanzi Singah wo muri Nigeria cyabaye mu 2022.

Guhera mu 2017 kandi nibwo iyi sosiyete yatangiye gutegura ibitaramo bikomeye ihereye ku cyatumiwemo umuhanzi Tekno Miles wo muri Nigeria cyiswe 'My250 Concert 1st Edition'. Mu bindi bakoze harimo icyiswe 'Love and Drunk Party' yatumiwemo Yceee wo muri Nigeria, 'Campus Music Fest' n'ibindi.

Mu minsi ishize yarebereraga inyungu za Gabiro Guitar ariko baza gutandukana.

'Ke Star [Remix]' zimwe mu ndirimbo za Vigro Deep utegerejwe mu Rwanda

Uyu mugabo w'imyaka 61 wo mu Kagari ka Rurangazi, Umudugudu wa Kigarama, yari mu murima ahinga ku wa 28 Werurwe 2025, abona grenade agira ngo ni iteke, aniyemeza kuyitahana mu rugo.

Ari mu nzira ataha, yahuye n'umugabo w'inkeragutabara amubwira ko icyo atahanye ari igisasu cyo mu bwoko bwa 'grenade', amusaba kukizibukira.

Umuyobozi w'Akarere ka Nyanza, Ntazinda Erasme yabwiye IGIHE ko iyo grenade bakiyibona, inzego z'umutekano zahise zibimenyeshwa.

Ati 'Yageze mu nzira, ahura n'umuntu w'inkeragutabara wahoze mu gisirikare, amubwira ko ari grenade, ahita ayishyira hasi, maze bahita batumenyesha, duhamagara abasirikare bajya kuyitegura.'

Meya Ntazinda yavuze ko iyo grenade bigaragara ko yari ishaje cyane, abihuza n'uko agace ka Nyagisozi kahoze mu gice cya 'Zone Turquoise' yari muri Perefegitura ya Gikongoro.

Umusaza yabonye grenade mu murima agira ngo ni iteke

Iki gikorwa kizwi nka “Arsenal Africa Fans Festival” cyitezweho guhuriza hamwe abafana barenga 1,000 baturutse mu bihugu 14 byo muri Afrika. Ni ku nshuro ya kabiri iri serukiramuco rizaba ribereye mu Rwanda.

Nk'uko byatangajwe na Bigango Valentin uyobora itsinda Rwanda Arsenal Fans Community (RAFC), ibikorwa by'ingenzi biteganyijwe birimo ubukangurambaga bw'ubugiraneza, aho bazasura Aheza Healing and Career Center iherereye mu Bugesera.

Iki kigo gifasha abarokotse Jenoside yakorewe Abatutsi mu 1994, kizahabwa inkunga n’abafana ba Arsenal igizwe na 'studio' izajya ifasha mu gutunganya inkuru zigaragaza ibikorwa by'iki kigo.

Mu yindi gahunda, abafana bazifatanya na Orion BBC mu gikorwa cyo gutera ibiti, hagamijwe kubungabunga ibidukikije. 

Hazanabaho urugendo rw'ubukerarugendo ruzanyura mu bice bitandukanye bya Kigali nk'aho bazasura Stade Amahoro, BK Arena n'ahandi.

Abazitabira iri serukiramuco bazanarebera hamwe umukino wa Arsenal na Ipswich Town. Nubwo ari igikorwa cyateguwe n'abafana ba Arsenal, n'abandi bakunzi ba ruhago bazaba bemerewe kucyitabira.

Iri serukiramuco ryaherukaga kubera mu Rwanda mu mwaka wa 2018, kuri iyi nshuro rikazitabirwa n'abafana baturutse mu bihugu birenga 14 birimo u Rwanda, Ghana, Sudani y'Epfo, Nigeria, Kenya, Uganda, Zambia, u Burundi, Zimbabwe, Tanzania na Namibia.

Arsenal isanzwe ifitanye umubano wihariye n'u Rwanda binyuze muri gahunda ya Visit Rwanda, aho iri jambo ryamamaza igihugu riri ku mwenda w'iyi kipe kuva mu 2018.

 

Abafana ba Arsenal Barenga 1000 barateganya guhurira i Kigali mu bikotwa bitandukanye harimo n’icyubugiraneza

Kuva muri 2018 Arsenal isanzwe ikorana n’u Rwanda muri Gahunda ya Visit Rwanda

Umwuga wo kubara kugena no kugenzura ingano y'ibintu n'ibiciro mu bwubatsi (Quantity Surveying) ni umwuga wihariye ugira uruhare mu gutegura neza inzira yo gutanga amasoko, aho abakora muri uyu mwuga bapima kandi bagena ibiciro by'imishinga minini y'ubwubatsi n'iyindi mishinga y'ubucuruzi, yaba iya leta cyangwa iy'abikorera ku giti cyabo.

Ufite kandi uruhare rukomeye mu kwemeza agaciro k'amafaranga akoreshwa no gukurikiza amategeko n'amahame ngengamyitwarire, ukaba umaze igihe mu Rwanda, kuko watangiye kuva mu 2008 ariko nta cyemezo cyemewe n'amategeko, kandi ntiwahabwaga agaciro ukwiye mu ishyirwa mu bikorwa no mu micungire y'imishinga.

Kuba uyu mwuga utari uhari cyangwa ukaba utari ufite itegeko riwugenga, byatumye amafaranga abarirwa muri za miliyari akoreshwa nabi cyangwa anyerezwa bitewe n'uburangare mu gukurikirana imishinga y'iterambere yari iteganyijwe.

Imwe muri raporo z'Umugenzuzi Mukuru w'Imari ya Leta igaragaza ko imishinga 66 ya leta ifite agaciro ka miliyari 551.91 Frw yadindiye, imitungo idakoreshwa ifite agaciro kanini aho hari imitungo 90 idakoreshwa ifite agaciro ka miliyari 15.86 Frw mu nzego 22.

Mu Ugushyingo 2024, Umutwe w'Abadepite wemeje ishingiro ry'umushinga w'itegeko rigenga imirimo y'ubuhanga mu guhanga inyubako, iy'ubuhanga mu by'ubwubatsi n'iy'ubuhanga mu kubara, kugena no kugenzura ingano y'ibintu n'ibiciro mu bwubatsi.

Uyu mushinga w'itegeko umaze amezi uri mu biganiro muri komisiyo y'Inteko Ishinga Amategeko kandi biteganijwe ko uzemezwa mu mezi abiri ari imbere.

Mu rwego rwo kwitegura ibi, RIQS hamwe n'izindi nzego zifite aho zihuriye n'uyu mwuga, zirimo Ikigo cy'Igihugu Gishinzwe Gutanga Amasoko ya Leta (RPPA), Ikigo cy'Igihugu Gishinzwe Imiturire (RHA) ndetse n'Ishyirahamwe ry'Abakora mu Gutanga Amasoko, bateguye amahugurwa yo Kuzamura Ubumenyi mu Mwuga (CPD) ku wa 27 Werurwe 2025.

Ibi byari bigamije guha abanyamuryango ba RIQS n'abanyeshuri biga uyu mwuga ubumenyi ku mategeko n'imyitwarire kugira ngo bahindure imyumvire iriho ubu no guteza imbere ubufatanye hagati y'inzego zose zifite aho zihuriye no gushyira mu bikorwa imishinga.

Frederick Nyaminani, Visi-Perezida wa RIQS, yavuze ko iri tegeko rishya rigomba gusanga abakora muri uwo mwuga biteguye kwemeza inshingano zabo.

Yagize ati “Ibi bisaba guhindura imyumvire, kumenya inshingano zacu no kumenya ko umushinga uwo ari wo wose dufasheho, tuzabibazwa.”

Nubwo bamwe mu bashinzwe imishinga barimo abakora ubwubatsi, abakanishi ndetse na bamwe mu bagena agaciro k'imishinga bahanwe kubera imishinga yananiranye, Nyaminani yavuze ko abagena ingano y'ibintu n'ibiciro mu bwubatsi bagomba kwirinda kuba abagizi ba nabi kuko ibaruramari ryabo rigomba kuba ridafite aho ribogamiye kandi rikozwe kinyamwuga.

Umukozi wa RPPA ushinzwe E-Procurement, Vincent Ngarambe, yavuze ko amaze imyaka myinshi ajya muri Komisiyo y'Inteko Ishinga Amategeko Ishinzwe Gukurikirana Imikoreshereze y'Imari ya Leta aho abayobozi babazwa ku mishinga yashowemo amafaranga, yavuze ko iri tegeko ry'abagena ingano y'ibintu n'ibiciro mu bwubatsi, rizatuma habaho igabanuka ry'imicungire mibi n'imishinga itabwa na ba rwiyemezamirimo.

Ati “Uru ni urwego rw'ingirakamaro cyane kandi dukorana na rwo (mu gutanga amasoko ya leta) bityo ibi bibazo byo gutinda n'imishinga itabwa, twabonye bizakemurwa n'itegeko ryabo kandi bizatuma habaho imyitwarire myiza n'ubunyamwuga.”

Ikirezi Angelique Benita, umunyeshuri muri Kaminuza y'u Rwanda, yavuze ko kumenya byinshi ku itegeko rishya n'imyitwarire muri rusange mu Rwanda bitanga icyizere cyo kuba ashobora gukoresha ubumenyi yize kugira ngo ateze imbere uru rwego ariko na none agire uruhare mu iterambere ry'imishinga y'igihugu.

Yagize ati “Ukurikije aya mahugurwa, twebwe nk'abanyeshuri ndetse n'abahanga mu kugena ingano y'ibintu n'ibiciro mu bwubatsi b'ejo hazaza, tubasha kwigira ku bari mu mwuga ariko na none tukaza nk'amaraso mashya yo guhindura ejo hazaza.”

Irankunda Vedaste, umunyamwuga usanzwe akora, yavuze ko iri tegeko rishya ritegerejweho gukemura bimwe mu bibazo biri muri uyu mwuga ariko nanone rikemeza umwanya wabo ukwiye mu rwego.

Ikirezi Angelique Benita, umunyeshuri muri Kaminuza y’u Rwanda yishimiye kumenya byinshi ku itegeko rishya

Ngarambe Vincent yavuze ko iri tegeko rizatuma habaho igabanuka ry’imicungire mibi n’imishinga itabwa na ba rwiyemezamirimo

Frederick Nyaminani, Visi-Perezida wa RIQS, yavuze ko iri tegeko rishya rigomba gusanga abakora muri uwo mwuga biteguye kwemeza inshingano zabo

Ni itsinda rigizwe n'abagore 46 n'abagabo 4 rikorera mu Mudugudu wa Kigugu, Akagari ka Kigoya, Umurenge wa Kanjongo ryashizwe nyuma yo kubona ko mu mugoroba w'ababyeyi, abagore batavuga amakimbirane yo mu ngo bisanzuye kubera ko haba harimo urubyiruko rudafite amakuru ku bibera mu ngo.

Nyirajyambere Julienne, uri mu bagize iri tsinda yabwiye IGIHE ko barishinze muri Mutarama 2023 baryita Mutimawurugo rikaba rifite intego yo kurandura amakimbirane yo mu ngo.

Avuga ko mu myaka ibiri bamaze bakora basanze amakimbirane yo mu ngo aterwa no guhishanya imitungo, umugore akaba afite ibyo yita ibye, n'umugabo akagira ibyo yita ibye.

Ati 'Mu itsinda tweretse umugore ko ntake gihari, nta cy'umugabo gihari, ko ibintu byose ari iby'umuryango'.

Nyiraneza Adrie avuga ko basanze ikindi gitera amakimbirane yo mu ngo ari ubukene, kuko umugabo hari igihe ava mu rugo akajya gukorera amafaranga yazagaruka agasanga umugore we yabyaye undi mwana, amakimbirane agatangira kubera uwo mwana.

Mu myaka ibiri iri tsinda rimaze rishinzwe rimaze kunga imiryango myinshi yari ibanye mu makimbirane ndetse hari n'imiryango itatu yabanaga itarasezeranye ryigishije ifata icyemezo cyo gusezerana imbere y'amategeko.

Uwineza Solange n'umugabo we bari bamaze imyaka umunani babana batarasezeranye, bigatuma mu rugo rwe hahora amakimbirane ashingiye ku kwimwa uburenganzira ku mitungo y'urugo no ku gucana inyuma kuko ngo umugabo yakorera amafaranga akayahonga abandi bagore.

Ati 'Nari narabuze aho navugira icyo kibazo nisanzuyeho nisunga abategarugori bo mu itsinda 'Mutimawurugo' batugira inama tujya mu murenge turasezerana, dushyingirwa no mu itorero ubu turi gutahiriza umugozi umwe tukiteza imbere'

Itsinda Mutimawurugo ryaje gutahura ko hari abagore babyara bakabura ababahemba kuko ababyeyi babo bapfuye, bituma ryiyemeza no kujya rihemba abagore babyaye ndetse n'ugiye gushyingira rikamufasha gutegura no kuyobora ubukwe.

Mu karere ka Nyamasheke habarurwa imiryango 637 ibanye mu makimbirane n'ibirego 268 by'ihohoterwa rishingiye ku gitsina birimo ibirego 80 by'abana basambanyijwe.

Mu karere Nyamasheke abaturage bashyizeho itsinda bise ‘Mutimawurugo’ rishinzwe kurandura amakimbira yo mu ngo

Imam w'Umuryango w'Abayisilamu mu Ntara y'Iburengerazuba, Sheikh Iyakaremye Ahmad, mu butumwa yahaye abitabiriye iri sengesho, yabasabye kuzirikana ibihe u Rwanda rugiye kujyamo byo Kwibuka Jenoside yakorewe Abatutsi, abasaba kuzakomeza gukora ibikorwa bifasha abayirokotse.

Ati 'Tugiye kwinjira mu bihe bitorohera benshi byo kwibuka Jenoside yakorewe Abatutsi, tuzakomeze kurangwa n'imico myiza dutozwa n'idini ryacu yo gufasha abayirokotse batishoboye no kubabanira neza, dukomeza kubereka ko turi kumwe nabo ibihe byose.'

Yavuze ko muri iri sengesho banaboneyeho kwibutsa abayoboke b'idini kuzitabira gahunda zose Leta izashyiraho muri ibi bihe byo kwibuka ku nshuro ya 31 Jenoside yakorewe Abatutsi.

Kuri Stade Umuganda habereye iri sengesho hari hateraniye abantu benshi, biganjemo Abanyarwanda n'abanyamahanga, ari naho Sheikh Iyakaremye yaboneyeho kubakangurira nabo kuzagira uruhare mu bikorwa u Rwanda rugiye kwinjiramo byo Kwibuka.

Hadji Ramadhan Maguru, umuturage wo muri aka Karere ka Rubavu avuga ko yanejejwe n'ubutumwa bwa Imam, kuko kuva muri 1994 nk'Abanyarwanda umuco ari umwe wo kwifatanya mu gihe cyo Kwibuka.

Bamwe mu bayisilamu bo muri RDC baganiriye na IGIHE bagaragaje ibyishimo byo kwizihiza umunsi mukuru wa Eid al-Fitr hamwe n'abaturanyi babo b'Abanyarwanda i Rubavu.

Djuma Kabemba, utuye mu mujyi wa Goma yakomeje ati “Ndishimye cyane kuba nabashije kwifatanya n'abandi Bayisilamu hano kandi ndashimira uburyo batwakiriye. U Rwanda ni igihugu cy'amahoro kandi natwe twasenze mu mahoro. Ahari amahoro byose biba ari byiza, natwe muri Congo turifuza amahoro.'

Akomeza avuga ko mu bindi byamushimishije ari inyigisho bahawe yo gusaba buri umwe gukunda igihugu cye, kuko kugikunda bibaha no gukundana ubwabo.

Mu bateraniye i Rubavu harimo n’abaturutse muri RDC bashimye uko mu Rwanda hari amahoro

Abagore nabo bari babukereye

Kuri Stade Umuganda, abayisilamu bari benshi

Abenshi bifotozanyaga n’abo mu miryango yabo

Abayisilamu basabwe kugira urukundo rw’igihugu

Sheikh Iyakaremye Ahmad yasabye abayoboke b’idini ya Islam kuzaba hafi abarokotse Jenoside yakorewe Abatutsi

Nyuma y’isengesho, abayisilamu basuhuzanyana akanyamuneza

Imibare y'Ikigo cy'igihugu cy'Ibarurishamibare igaragaza ko mu 2023/2024 u Rwanda rwagurishije mu mahanga impu z'inka zipima ibilo 1.763.844, zinjiriza igihugu 2.798.861$, na ho impu z'amatungo magufi zingana n'ibilo 440,961 zinjije 699.715$.

Guverinoma y'u Rwanda yatangaje ko ishyize imbere gahunda yo gutunganyiriza impu mu Rwanda ku buryo zinakorwamo ibikoresho bikaba ari byo bijyanwa ku isoko mpuzamahanga aho kujyana uruhu umuntu akazasubira kurugura nyuma yo kurutunganya cyangwa akagura icyakozwemo kimuhenze.

Biteganyijwe ko icyanya gitunganya impu kizubakwa i Bugesera, kikazafasha kongera umubare w'amafaranga igihugu cyinjiza, kuko kizajya cyinjiza miliyoni 430$ buri mwaka.

Uruganda rugiye kubakwa ruzajya rutunganya impu runakore inkweto

Ibi byabereye mu Murenge wa Musasa, ku isaha ishyira saa 15h00 mu kagari ka Murambi ho mu mudugudu wa Murambi no mu Murenge wa Rusebeya, Akagari ka Kabona ho mu mudugudu wa Ntereye, mu masaha ashyira Saa 16h30 kuri uyu wa 30 Werurwe 2025.

Amakuru IGIHE yamenye ni uko aha muri Musasa inkuba yakubise umwana w'umukobwa witwa w'imyaka 17, ubwo yari yugamye mu nzu n'ababyeyi be agwa amarabira. Bagerageje kumujyana kwa muganga bataragerayo ahita yitaba Imana.

Naho muri Rusebeya, umwana ufite imyaka 11, ubwo imvura yari irimo igwa, inkuba yakubise bugamye mu nzu iwabo mu ruganiriro ari kumwe na murumuna we ahita ashiramo umwuka.

Umuvuguzi wa Polisi mu ntara y'Iburengerazuba, SP. Karekezi Twizere Bonaventure, mu kiganiro na IGIHE yemeje amakuru y'izi mpfu.

Ati 'Nibyo, ayo makuru ni ukuri. Inkuba yakubise abantu babiri bo mu mirenge ya Musasa na Rusebeya mu karere ka Rutsiro, bahita bitaba Imana. Mubitabye Imana umwe yari afite imyaka 17, mu gihe undi yari umwana w'imyaka 11, iyi mpanuka yabaye mu gihe cy'imvura yari irimo inkuba nyinshi.'

Polisi y'u Rwanda yaboneyeho kwihanganisha imiryango yabuze ababo anatanga ubutumwa ku baturage.

Ati 'Turihanganisha imiryango yabuze ababo kandi tunashishikariza abaturage gukomeza kwitwararika mu bihe by'imvura nyinshi, bagakurikiza ingamba zo kwirinda inkuba, zirimo Kwirinda kugama munsi y'ibiti birebire cyangwa ahantu hitaruye, kwirinda gucomeka ibikoresho by'amashanyarazi cyangwa kuvugira kuri telefone mu gihe cy'imvura nyinshi, no gushyira imirindankuba ku mazu no ku nyubako ziberamo ibikorwa bihuriramo abantu benshi, kugira ngo hirindwe impanuka nk'izi.'