Webrwanda Backend

Category: Uncategorized

  • Abakinnyi ba APR FC bagiye mu Mavubi, Danny Usengimana asimbura Yannick Bizimana #Rwanda #RwOT via @kigalitoday #rwanda #RwOT

    Mu gihe ikipe y’u Rwanda Amavubi iri gukora icyiciro cya kabiri cy’imyitozo yo gutegura imikino ibiri bazahuramo na Cap-Vert, abakinnyi b’ikipe ya APR FC ndetse n’abandi bakina hanze bari bataragera muri iyi myitozo.

    Abakinnyi 11 ba APR FC bahamagawe mu ikipe y
    Abakinnyi 11 ba APR FC bahamagawe mu ikipe y’igihugu Amavubi

    Mu gitondo cyo kuri uyu wa mbere ni bwo abakinnyi 11 ba APR FC bamaze gusanga abandi i Nyamata, abakaba biyongereye ku bakinnyi bakina hanze bahageze mu mpera z’iki cyumweru barimo Meddie Kagare, Abdul Rwatubyaye na Rubanguka Steve.

    Meddie Kagere waje afite imvune yabanje gukorana n
    Meddie Kagere waje afite imvune yabanje gukorana n’umuganga ku ruhande

    Abakinnyi 11 ba APR FC bahamagawe mu ikipe y’igihugu ni Rwabugiri Umar, Manzi Thierry, Mutsinzi Ange, Omborenga Fitina, Imanishimwe Emmanuel, Niyonzima Olivier Seifu, Manishimwe Djabel, Niyomugabo Claude, Tuyisenge Jacques, Byiringiro Lague ndetse na Danny Usengimana wasimbuye Bizimana Yannick wari wahamagawe mbere.

    Rwatubyaye Abdul nawe yamaze gutangira imyitozo
    Rwatubyaye Abdul nawe yamaze gutangira imyitozo

    source https://www.kigalitoday.com/imikino-11/football/article/abakinnyi-ba-apr-fc-bagiye-mu-mavubi-danny-usengimana-asimbura-yannick-bizimana

  • Umukinnyi wa 3 ukina hanze y’u Rwanda yageze mu Rwanda yitabiriye ubutumire bw’Amavubi #rwanda #RwOT

    Umukinnyi ukina mu kibuga hagati mu ikipe ya AE Karaiskakis Artas yo mu Cyiciro cya Kabiri mu Bugereki, Rubanguka Steve yageze mu Rwanda yitabiriye ubutumire bw’ikipe y’igihugu Amavubi izakina na Cape Verde.

    Yageze mu Rwanda ku wa Gatandatu ahita ajya mu kato k’umunsi umwe, yavuye mu kato ejo ku Cyumweru ahita asanga bagenzi be mu mwiherero i Nyamata ndetse uyu munsi yakoze imyitozo ya mbere ku kibuga cya Nyamata.

    Rubanguka Steve akaba yageze mu Rwanda nyuma ya Rwatubyaye Abdul na Meddie Kagere bahageze ku wa Gatatu tariki ya 28 Ukwakira 2020.

    Uyu munsi kandi ni bwo abakinnyi 11 ba APR FC bahamagawe mu ikipe y’igihugu basanze basanze abandi mu mwiherero.

    Abandi bakinnyi bakina hanze y’u Rwanda bahamagawe bazatangira kuza ku munsi w’ejo, nka Muhire Kevin ukina mu misiri, Amavubi azakina uyu mukino adafite myugariro Nirisarike Salomon wamaze kwandura icyorezo cya COVID-19.

    U Rwanda ruzasura Cap-Vert mu mukino ubanza uteganyijwe tariki ya 11 Ugushyingo mu gihe uwo kwishyura uzabera i Kigali tariki ya 17 Ugushyingo 2020.

    Rubanguka Steve yageze mu Rwanda

    Rubanguka Steve(uri iburyo), yaherukaga ku mukino wa Centre Afrique

    Source : http://isimbi.rw/siporo/umukinnyi-wa-3-ukina-hanze-y-u-rwanda-yageze-mu-rwanda-yitabiriye-ubutumire-bw-amavubi

  • No excuse for poor services- President Kagame #rwanda #RwOT

    The President made the remarks at the inauguration ceremony of the 2019/20 Performance contracts signing. In last year’s performance, the district came first in the North followed by Huye and Rwamagana while Nyabihu, Karongi and Rusizi were the last.

    President Kagame said that in some instances, officials fail to deliver to the expectation and they give an excuse that their institutions failed to work together.

    He said in some instances things don’t work because a leader was not given some bribe to do the work or in other cases, leaders say that there was no planning.
    'They (citizen) paid you long ago through taxes-how do you delay them again, how do you ask them more money?' he said.

    The President is aware that some officials delay services and bring an excuse of the laws and procedures.

    'The first thing a leader should be doing is to find a way to deliver well and quickly instead of finding reasons that allow them not to deliver,' the president said adding that laws were not put in place to delay procedures but to speed up services.

    He said the only problem is that corrupt officials tend to complicate them with an intention to mislead or to push service seekers to bribe them.

    'When you consider that there was no problem of budget, you wonder how someone would lack the will to do what they are expected to,' the president said. 'How do you explain that?'

    'Suppose that one lacks planning skills, but again, how do you still fail to hire someone who can help you do proper planning, yet you have a budget?'
    The President said he is concerned that sometimes he talks to leaders who lack development ambitions.

    'My wish would be that we all graduate from petty things, but I will always swallow my pride since others have also the right to do what they want. However, we shall keep pushing to have someone on board who is willing to also take the development path.'

    President Kagame criticized leaders who discourage others when they come into offices and try to introduce new ways of working, highlighting an example of returnees who may have worked abroad.

    'In other [developed] countries, there is limited room for mistakes and you are held accountable for the things you are meant to do,' he said.

    'When people who worked in that setting come back home and try to introduce that way of working, they are intimidated by those they find in offices that they can’t work that way,' he added.

    He insisted that this behavior shouldn’t be entertained in any way.

    The president showed concrete examples of mediocrity from district performance-imihigo.

    'The districts that have been doing well are now doing bad and vice-versa and some of you may blame COVID-19 but it is not the case,' Kagame said.

    Talking about a challenge that he personally witnessed in Musanze district while on his outreach last year, the Head of State said: 'I showed both the mayor and the governor something but I was surprised they could not see it,' Kagame said.

    He explained that he saw fire gutting a specific hill and he showed it to both the mayor and the governor.

    “For example, I spent the night in Musanze, in the morning until about noon, at eight o’clock looking everywhere, and I noticed a place that was on fire and smoke in a very big place,” he said.

    'I wanted to know what was happening, what they were doing was burning the forest, making charcoal. So I called leaders and asked them what they knew about the fire I was seeing if it was a daily thing. I asked [the authorities] do you not live here in this district? […] I found out that they don’t see it. It was when I pointed a finger to asking them, don’t you see the smoke? They saw it because I was telling them to look at it. '

    President Kagame tasked leaders to go back and improve targets and widen the scope, including indicators related to improving housing and hygiene for citizens.

    Nicole Kamanzi M.

    Source : https://en.igihe.com/news/article/no-excuse-for-poor-services-president-kagame

  • Perezida Evariste n' umugore we baragirira urundi ruzinduko mu mahanga #rwanda #RwOT

    Kuri uyu wa Mbere tariki ya 2 Ugushyingo 2020, Perezida Evariste Ndayishimiye n'umugore we, Angeline Ndayubaha baragirira uruzinduko muri Guinée Equatoriale , nk' uko byatangajwe n' Ibiro by'Umukuru w'Igihugu cy'u Burundi.

    Nk'uko itangazo ry'ibi biro ribivuga, Perezida Ndayishimiye n'umufasha we baramara iminsi itanu muri iki gihugu, aho Abakuru b'Ibihugu byombi bazaba biga ku buryo bakomeza umubano usanzwe ari mwiza.

    Uru ni uruzinduko rwa kabiri Perezida Ndayishimiye agiye kugirira mu mahanga kuva yatangira kuyobora u Burundi tariki ya 18 Kamena 2020.

    Urwa mbere yarugiriye muri Tanzania afata nk'inshuti magara, tariki ya 19 Nzeri 2020, aho baganiriye uko bakomeza umubano w'ibihugu byombi. Icyo gihe kandi yari kumwe n'umufasha we, Angeline Ndayubaha.

    Guinée équatoriale itegekwa na Perezida Teodoro Obiang Nguema umaze imyaka 41 ku butegetsi, ni umuntu wa kabiri ku isi umaze igihe kinini ku butegetsi, butari ubwa cyami.

    Ni igihugu gifite ubukungu bushingiye ku bucuruzi bwa petrol yahavumbuwe mu 1996.
    Umurwa mukuru wacyo Malabo uri ku kirwa kitwa Bioko kiri muri kilometero zigera 250 uvuye mu ku butaka bunini bw'igihugu. Igisipanyole nirwo rurimo rukoreshwa cyane muri Guinée équatoriale.

    Perezida Evariste n' umugore we baragirira urundi ruzinduko mu mahanga

    Source : https://impanuro.rw/2020/11/02/perezida-evariste-n-umugore-we-baragirira-urundi-ruzinduko-mu-mahanga/

  • Nyundo: Abanyeshuri basanze ibikoresho byarangijwe n’umugezi wa Sebeya #Rwanda #RwOT via @kigalitoday #rwanda #RwOT

    Imyenda n
    Imyenda n’ibindi byasizwe n’abanyeshuri byarangiritse

    Frère Nsengiyumva Bartazal, umuyobozi w’ishuri rya Nyundo ryigisha ubugeni, yabitangarije Kigali Today mu gihe abanyeshuri barimo bagaruka ku ishuri bagasanga amashuri yarasukuwe ibyo basizemo bitarimo kubera kwangizwa n’umugezi wa Sebeya.

    Frère Nsengiyumva yagize ati “Imvura yaguye tariki 7 Gicurasi 2020 ihirika urukuta rubuza amazi kwinjira mu kigo yangiza ibyari mu mashuri byinshi cyane cyane ibyo abanyeshuri bari barasizemo bataha kubera ko na bo gutaha byabatunguye.”

    Uwo muyobozi akomeza avuga ko ibikoresho nk’ibitabo n’amakayi byangiritse, ibiryamirwa ndetse n’ibiribwa ikigo cyari cyarasigaje na byo byangijwe n’amazi.

    Ati “Twabimenyesheje ababyeyi kugira ngo bazagurire abana ibisimbura ibyo basize kuko byinshi byangijwe na Sebeya.”

    Frère Nsengiyumva avuga ko igihombo kitageze ku banyeshuri gusa kuko n’ubuyobozi bw’ishuri bwahombye ibiribwa byangijwe n’amazi byari bibitse, hiyongeraho n’igihombo cyo gukoresha amasuku no gusubiza ibintu mu buryo.

    Ati “Byatugizeho ingaruka mu gusana ibyangiritse, ubu turubaka urukuta rwa metero 84 rwari rwasenyutse, ubu dusigaje metero 35, ni ibihombo kuko ayo mafaranga ntitwari twayateganyije.”

    Bimwe mu bikoresho byasizwe n
    Bimwe mu bikoresho byasizwe n’abanyeshuri byangijwe n’amazi

    Frère Nsengiyumva avuga ko ibihombo batejwe na Sebeya bigera kuri miliyoni 8 birimo ibyangiritse, gukoresha amasuku, kubaka urukuta rukumira amazi no gushaka ahajugunywa ibyari byangiritse.

    Muri Werurwe 2018, abanyeshuri n’abarezi bo mu ishuri rya Nyundo nabwo bari batewe n’umuvu w’amazi wisutse mu kigo ukangiza ibikoresho uturutse mu mugezi wa Sebeya wegereye aho ishuri riherereye mu Karere ka Rubavu.

    Ibyangiritse byarimo ububiko bw’ibiribwa, ibikoresho byo kuryamirwa, ibikoresho by’isuku, ibikoresho byo kwigiraho, imyenda y’abanyeshuri, ibikoresho by’ishuri, moteri z’amashanyarazi n’ibikapu 39 by’abanyeshuri bitwarwa n’umuvu.

    Icyo gihe byabaye ngomba ko Minisiteri ishinzwe kurwanya Ibiza no gucyura impunzi ibagenera ubufasha bw’ibanze.

    N’ubwo umugezi wa Sebeya mu gihe cy’imvura wuzura ukinjira mu kigo kigisha ubugeni cya Nyundo, umuyobozi wacyo avuga ko hari icyizere ko urukuta ruri kubakwa ruzajya rubuza amazi kwinjira.

    Ubuyobozi bw’Ikigo gishinzwe gucunga no guteza imbere amazi n’amashyamba, bwemeje ko bidasubirwaho ibibazo biterwa n’Umugezi wa Sebeya bizaba amateka kubera umushinga w’amaterasi y’indinganire arimo kubakwa mu misozi ihanamye mu Murenge wa Kanama mu Karere ka Rubavu ndetse no kubungabunga uyu mugezi.

    Uyu mushinga ugamije kubungabunga ahantu nyaburanga hanyurwa n’utugezi duto tuvamo Sebeya hagamijwe kuzamura imibereho no kurengera umutungo kamere, hakazakorwa ahantu hareshya na kilometero kare 286 zinyura mu turere twa Rutsiro, Ngororero, Nyabihu na Rubavu.

    Matela zangijwe n
    Matela zangijwe n’amazi

    Ni umushinga watangiye muri Kamena 2019 bikaba biteganyijwe ko uzarangira mu 2022 utwaye akayabo ka miliyari 22 z’amafaranga y’u Rwanda zirimo gukoreshwa mu kurangiza ibibazo byose biterwa n’Umugezi wa Sebeya.

    Umushinga uzamara imyaka itatu uri gushyirwa mu bikorwa n’Ikigo Gishinzwe Umutungo Kamere w’Amazi mu Rwanda ku bufatanye n’Umuryango Mpuzamahanga wita ku kubungabunga Ibidukikije (IUCN) ndetse n’Ikigo cy’Abaholandi gishinzwe Iterambere (SNV) ku nkunga ya Ambasade y’Abaholandi.

    Umuyobozi Mukuru w’Ikigo gishinzwe gucunga no guteza imbere amazi n’amashyamba, Ngabonziza Prime, yavuze ko umushinga uzakorera mu cyogogo cyose cya Sebeya kigizwe n’uturere tune ari two Ngororero, Rutsiro, Rubavu na Nyabihu.

    Mu mirimo ikorwa harimo kubaka ingomero ziyobora amazi aho umuyoboro wa Sebeya winjira mu Kivu, kubaka inzira y’amazi, hamwe no gufasha abaturage mu mibereho yabo ya buri munsi no gufata neza ubutaka bwose bwo muri Sebeya kugira ngo barandure burundu ikibazo cy’imibereho y’abaturage n’icy’isuri igaragara muri iki cyogogo.


    source https://www.kigalitoday.com/uburezi/amashuri/article/nyundo-abanyeshuri-basanze-ibikoresho-byarangijwe-n-umugezi-wa-sebeya

  • Imihigo: Abayobozi ba Rusizi na Karongi bavuze impamvu zatumye baza mu myanya ya nyuma #Rwanda #RwOT via @kigalitoday #rwanda #RwOT

    Abayobozi b’utwo turere bavuga ko hari ibikorwa byinshi byadindiye byari byarashyizwe mu mihigo, birimo nk’inyubako zitandukanye, ndetse n’amafaramnga menshi ashorwa mu bikorwa byo guhangana na COVID-19.

    Akarere ka Rusizi kaje ku mwanya wa 30 ari na wo wa nyuma naho Akarere ka Karongi kaza ku mwanya wa 29 mu kwesa imihigo y’umwaka wa 2019-2020.

    Umuyobozi w
    Umuyobozi w’Akarere ka Rusizi, Kayumba Ephrem, avuga ko COVID-19 yatumye batesa imihigo uko babiteganyaga

    Ni imyanya abayobozi bw’utwo turere bavuga ko batishimiye, bagashyira icyorezo cya COVID-19 ku isonga mu byatumye batesa neza imihigo.

    Umuyobozi w’Akarere ka Rusizi, Kayumba Ephrem, avuga ko kubera kwita ku bikorwa byo kuvura n’ubukangurambaga kuri COVID-19, Akarere kashoye amafaranga menshi asaga miliyari n’igice y’u Rwanda bigatuma indi mirimo idindira.

    Avuga ko kandi hari ibikorwa bititaweho mu gutanga serivisi kuko abakozi b’akarere bitabiriye gukora ubukangurambaga bwo kwirinda Coronavirus.

    Agira ati, “Umwanya wa nyuma twagize watewe no kuba Akarere karamaze igihe kinini kibasiwe n’icyorezo cya COVID-19, twashoye amafaranga menshi mu guhangana n’icyorezo kandi umusaruro byatanze mwabonye ko ari mwiza”.

    Avuga ko kubera COVID-19 imisoro na yo itinjijwe neza kuko nka miliyoni zisaga 600 z’Amafaranga y’u Rwanda zagombaga kuva mu misoro Akarere ntayo kinjije.

    Agira ati “Ubu Akarere kongeye gusubira mu buzima busanzwe ku buryo twizeye ko iyi mihigo duherutse gusinya tuzongera kwisubiza umwanya mwiza twahoranye kuko twigeze kuba aba gatatu.”

    Umuyobozi w’Akarere ka Karongi, Mukarutesi Vestine, avuga ko umwanya wa 29 babonye batawishimiye ariko biteguye gukora cyane kugira ngo bagaruke mu myanya myiza iri imbere.

    Avuga ko hari ibikorwa by’iterambere by’ubwubatsi byahagaritswe na COVID-19 ku buryo hari n’ibyabaye nk’ibihagaze burundu kuko ba rwiyemezamirimo batabonaga uko babasha gukora akazi.

    Mukarutesi Vestine uyobora Akarere ka Karongi
    Mukarutesi Vestine uyobora Akarere ka Karongi

    Avuga ko kubera ibiza byibasiye Akarere ka Karongi byatumye kubakira abatishoboye bidakunda ku buryo hari amazu atangiye kubakwa bundi bushya.

    Agira ati, “Usibye icyorezo cya COVID-19 twanagize izindi mbogamizi zirimo no kugwisha ibiza byinshi bituma amazu y’abatishoboye twateganyaga kubaka atuzurira ku gihe, ariko turitegura kuzakora ibishoboka byose abakozi n’abandi bose tugafatanya kwesa imihigo y’uyu mwaka”.

    Umuyobozi w’Akarere ka Karongi avuga ko ku bufatanye n’inzego zitandukanye bagiye gushyira imbaraga mu gukorera ku gihe, no kwihutisha ibyatangiye gukorwa, gutangira amasoko ku gihe no gukorana neza n’abafatanyabikorwa.


    source https://www.kigalitoday.com/amakuru/amakuru-mu-rwanda/article/imihigo-abayobozi-ba-rusizi-na-karongi-bavuze-impamvu-zatumye-baza-mu-myanya-ya-nyuma

  • Abarwanashyaka ba Green Party bemeranyije kugamburuza Padiri Nahimana ukwiza ibihuha #rwanda #RwOT

    Umwe mu barwanashyaka ba Green Party unahagarariye iri shyaka mu karere ka Karongi, yavuze ko abarwanashyaka bose bishyize hamwe bakanakangurira abandi banyarwanda kubigira ibyabo, babasha kuburizamo umugambi mubisha wa bamwe mu bakwiza impuha bari hanze y’igihugu bakaba bashobora no guteza imidugararo muri rubanda.

    Muri iyo nama ya biro Politiki kandi hatatangiwemo ibindi bitekerezo bijyanye n’ubuzima bw’igihugu, mu byagarutsweho hakaba harimo ikibazo cy’ibigo by’amashuri byaba byaratangiye kwaka amafaranga y’umurengera ababyeyi bayita ayo kuzagura udupfukamunwa.

    REBA VIDEO UKO BABISOBANUYE HANO :

    Source : http://www.ukwezi.rw/mu-rwanda/3/article/Abarwanashyaka-ba-Green-Party-bemeranyije-kugamburuza-Padiri-Nahimana-ukwiza-ibihuha

  • Nta joro ridacya, nta mvura idahita – Perezida wa Rayon Sports #rwanda #RwOT

    Perezida w’ikipe ya Rayon Sports, Uwayezu Jean Fidele avuga ko nyuma y’ibibazo Rayon Sports imaze iminsi inyuramo ubu igihe kigeze ngo itere umupira abantu bumirwe.

    Ibi uyu muperezida mushya watowe ku wa 24 Ukwakira 2020, yabitangaje ku wa Gatanu tariki ya 30 Ukwakira 2020 mu muhango w’ihererekanya bubasha na komite y’inzubacyuho yari iyobowe na Murenzi Abdallah.

    Uwayezu Jean Fidele yavuze ko abantu bagomba kumenya ko nta joro ridacya, bakizera ko nyuma y’ibibazo iyi kipe yanyuzemo igihe kigeze ngo bikemuke ubundi abakunzi bayo baryoherwe n’umupira.

    Yagize ati'Nta joro ridacya, nta mvura idahita, Rayon Sports imaze iminsi mu icuraburindi, abakunzi barababaye bagira agahinda, ariko ahari abagabo beza n’abagore beza ntihagwa ibara.'

    'Rayon Sports igiye gutera umupira, igiye gutanga ibyishimo, igiye gutwara ibikombe haba mu Rwanda no hanze y’Igihugu.'

    Rayon Sports yari imaze iminsi mu bibazo cyane bishingiye ku miyoborere n’amikoro, byatumye komite yari iriho iyobowe na Munyakazi Sadate ikurwaho na RGB itaringije manda yayo, ni nyuma yo kunanirwa gukora ibyo yasabwe n’uru rwego rw’igihugu rw’imiyoborere rushinzwe imiryango itari iya leta na Rayon Sports irimo.

    Perezida wa Rayon Sports, Uwayezu Jean Fidele ngo nta joro ridacya

    Yabivugiye mu muhango w’ihererekanya bubasha na komite y’inzibacyuho

    Source : http://isimbi.rw/siporo/article/nta-joro-ridacya-nta-mvura-idahita-perezida-wa-rayon-sports

  • Urutonde rw’Abaminisitiri b’Intebe bagiye bayobora u Rwanda n’uko basimburanwe kuri uyu mwanya #rwanda #RwOT

    Muri aba baminisitiri b’intebe uko ari 11, umwe niwe ufite umwihariko wo kuba yaravuye kuri uyu mwanya aba Perezida wa Repubulika. Batanu bayoboye mbere ya Jenoside yakorewe abatutsi naho abandi 6 bayoboye nyuma ya Jenoside yakorewe abatutsi.

    1. Kayibanda Grégoire

    JPEG - 51.4 ko

    Kayibanda Grégoire, niwe wabimburiye abandi kwicara mu mwanya wa Minisitiri w’Intebe w’u Rwanda. Uyu ninawe Minisitiri w’Intebe wa mbere u Rwanda rwagize, wabayeho hakiriho ingoma ya Cyami n’ubwo yari iri mu marembera. Kayibanda wari mu mpirimbanyi zashakaga ikurwaho ry’ingoma ya Cyami, yatorewe kuba Minisitiri w’Intebe tariki 26 Ukwakira 1960, mu gihe umwami Kigeli V Ndahindurwa yari yaranze ko hakurwaho ingoma ya cyami.

    Kayibanda Grégoire, yabaye Minisitiri w’Intebe akomeza umurego mu kwinjira cyane muri Politiki, maze tariki 28 Mutarama 1961 Mbonyumutwa Dominique aza kugirwa Perezida wa mbere, akorana na Kayibanda igihe gito mbere y’uko amusimbura, akava ku mwanya wa Minisitiri w’Intebe akaba Perezida wa Repubulika y’u Rwanda, hari tariki 26 Ukwakira 1961.

    2. Dr Sylvestre Nsanzimana

    JPEG - 45.6 ko

    Kuva tariki 26 Ukwakira 1961 ubwo Kayibanda yari amaze kuba Perezida, ntabwo yigeze ashyiraho Minisitiri w’Intebe kugeza tariki 4 Nyakanga 1973 ubwo yahirikwaga ku butegetsi na Juvénal Habyarimana. Umwanya wa Minisitiri w’Intebe yari afite mbere yo kuba Perezida, yarinze apfa ntawe abonye yongera kuwicaramo. Juvénal Habyarimana nawe akimara kuba Perezida kuva icyo gihe, ntabwo yigeze aha agaciro uyu mwanya, kugeza tariki 2 Ukwakira 1991 ubwo yashyiragaho Dr Sylvestre Nsanzimana, uyu akaba yarabaye Minisitiri w’Intebe wa kabiri w’u Rwanda kugeza tariki 2 Mata 1992.

    3. Dr Dismas Nsengiyaremye

    JPEG - 19.3 ko

    Guhera tariki 2 Mata 1992, Dr Sylvestre Nsanzimana yasimbuwe ku mwanya wa Minisitiri w’Intebe na Dr Dismas Nsengiyaremye. Uyu nawe yabaye Minisitiri w’Intebe mu gihe kirenga gato umwaka umwe, aza gusimbuzwa tariki 18 Nyakanga 1993.

    4. Agathe Uwiringiyimana

    JPEG - 124.7 ko

    Agatha Uwiringiyimana, ni umwe mu banyepolitiki batazibagirana mu mateka y’u Rwanda, dore ko yabaye Minisitiri w’Intebe kugeza ubwo yicwaga azira ibitekerezo bye byo kudashyigikira ubwicanyi bwa Jenoside yakorewe Abatutsi. Agathe Uwiringiyimana, yasimbuye Dr Dismas Nsengiyaremye tariki 18 Nyakanga 1993, kugeza tariki 7 Mata 1994 ubwo yicwaga.

    5. Kambanda Jean

    JPEG - 52.8 ko

    Nyuma y’uko Perezida Juvenal Habyarimana yari yarashwe tariki 6 Mata 1994 ndetse na Minisitiri w’Intebe Agathe Uwiringiyimana akicwa bucyeye, hahise hashyirwaho guverinoma yiyise iy’abatabazi, yari igizwe na Perezida Sindikubwaho Théodore na Kambanda Jean wari Minisitiri w’Intebe. Iyi guverinoma yabayeho mu gihe cya Jenoside, kugeza tariki 19 Nyakanga 1994 ubwo ingabo za FPR Intotanyi zamaraga guhagarika Jenoside, Perezida na Minisitiri w’Intebe bahita bahunga, Sindikubwaho aza gupfira mu buhungiro muri Repubulika Iharanira Demokarasi ya Kongo naho Kambanda Jean arafatwa akurikiranwa n’ubutabera, ubu akaba ari muri gereza aho agomba kumara ubuzima bwe bwose.

    6. Twagiramungu Faustin

    PNG - 304.6 ko

    Guverinoma yashyizweho tariki 19 Nyakanga 1994 nyuma y’ihagarikwa rya Jenoside, yari igizwe na Perezida Pasteur Bizimungu, Visi Perezida Major General Paul Kagame ndetse na Twagiramungu Faustin ku mwanya wa Minisitiri w’Intebe. Uyu yabaye Minisitiri w’Intebe mu gihe cy’umwaka umwe, kugeza tariki 31 Kanama 1995 ubwo yasimbuzwaga.

    7. Pierre Célestin Rwigema

    JPEG - 65.9 ko

    Pierre Célestin Rwigema niwe wasimbuye Twagiramungu Faustin ku mwanya wa Minisitiri w’Intebe, uyu akaba ari nawe Minisitiri w’intebe u Rwanda rwagize bwa mbere wabashije kumara igihe yicaye muri uyu mwanya kuko abamubanjirije ntawawumazeho imyaka ibiri. Yabaye Minisitiri w’intebe mu gihe cy’imyaka ikabakaba itanu, kugeza tariki 8 Werurwe 2000.

    8. Bernard Makuza

    JPEG - 95 ko

    Makuza Bernard, niwe kugeza ubu wabaye Minisitiri w’Intebe w’u Rwanda igihe kirekire, kuko yasimbuye Pierre Célestin Rwigema tariki 8 Werurwe 2000 akamara imyaka irenga 11 muri uyu mwanya, kugeza ubwo yaje kuwusimburwaho tariki 7 Ukwakira 2011.

    9. Dr Pierre Damien Habumuremyi

    JPEG - 58.8 ko

    Pierre Damien Habumuremyi, ni we wasimbuye Bernard Makuza ku mwanya wa Minisitiri w’Intebe. Yawicayemo kuva tariki 7 Ukwakira 2011, kugeza tariki 23 Nyakanga 2014 ubwo Perezida Paul Kagame yashyiragaho umusimbura kuri uyu mwanya.

    10. Anastase Murekezi

    JPEG - 22.9 ko

    Nyuma yo guhabwa indi myanya itandukanye muri Politiki y’u Rwanda, Anastase Murekezi ni we wasimbujwe Dr Pierre Damien Habumuremyi ku mwanya wa Minisitiri w’Intebe. Uyu yabaye Minisitiri w’Intebe wa 10 mu mateka y’u Rwanda. Anastase Murekezi, yari yarabanje kuba Minisitiri w’Ubuhinzi n’Ubworozi, avaho agirwa Minisitiri w’Abakozi ba Leta n’Umurimo, ava kuri uyu mwanya tariki 23 Nyakanga 2014 agirwa Minisitiri w’Intebe, umwanya yavuyeho kuwa 30 Kanama 2017.

    11. Dr Ngirente Edouard

    Dr Ngirente Edouard, ni we wabaye Minisitiri w’Intebe w’u Rwanda wa 11 nyuma yo kuva mu mirimo yakoraga muri Banki y’Isi aho yari Umujyanama Mukuru w’Umuyobozi Nshingwabikorwa wa Banki y’Isi (Senior Advisor To Executive Director of World Bank). Yashyizweho na Perezida wa Repubulika, Paul Kagame, tariki 30 Kanama 2017, kugeza ubu akaba akiri kuri uyu mwanya amazeho imyaka isaga itatu.

    Source : http://www.ukwezi.rw/mu-rwanda/3/article/Urutonde-rw-Abaminisitiri-b-Intebe-bagiye-bayobora-u-Rwanda-n-uko-basimburanwe-kuri-uyu-mwanya

  • Menya byinshi ku itandukaniro riri hagati y' inzovu zo muri Africa na Asia ndetse unamenya amwe mu mabanga yazo utaruzi #rwanda #RwOT

    Inzovu ni inyamaswa nini cyane kandi zifite ubwonko bwibuka cyane kandi ziba mu miryango ikundana cyane, izi nyamanswa zabayeho cyera hose mu binyejana bya cyera. Ese izi nyamanswa zibaho zite?

    Hashingiwe ku ibisekuru bya kera by'inzovu biragaragara ko zari zinyanyagiye ku migabane yose y'isi uretse Australia na Antractique, Nyamara nubwo zahoze ari nyinshi muri iki gihe zisigaye ku migabane ibiri gusa, ya Afuruka ndetse na Aziya, Zikunda kuba  mu bishanga ahari ibyatsi birebire, mu mashyamba, mu butayu ndetse no mu misozi.

    Reka turebere hamwe ubuzima n'imibereho y'inzovu zo muri Afurika:

    Ku nzovu ziba muri Afurika, ingabo ziba zonyine ariko ingore zo zikaba hamwe mu matsinda, Iyo hari akana kavutse izindi ngore ziza gufasha ngenzi zayo kugahagurutsa, Kimwe mu bintu biranga inzovu ni amenyo yigonze areba hejuru, ikaba ifite ubwonko bufata ibintu byinshi kandi ikaba inyabigango.

    Inzovu zo muri Afurika ni zimwe mu nyamaswa ziramba kuko zishobora kuramba imyaka irenga 60, Umwanzi wa mbere w'inzovu nkuru ni umuntu kuko nta yindi nyamaswa yapfa kuyikorereza, Ibyana byazo byo byicwa n'inyamaswa z'inkazi nk'intare n'izindi.

    Reka turebere hamwe imibereho n'imigenzereze y'inzovu zo muri Asiya:

    Inzovu zo muri Aziya ni nto ugereranyije n'izo muri Afurika. Ziba ngufi ugereranyije n'inzovu zo muri Afurika zo mu mikenke, n'amatwi yazo ntabwo ari maremare k'uburyo yakora ku ntugu, Iyo muri Aziya  ishobora kugira uburemere buri hagati ya Toni 2 na Toni 5, ingore  ikagira uburemere bwa Toni 3, Inzovu zo muri Aziya zigira uruhu rufite ibara ry'ikijuju cyijimye, Ingore ntikunda kugira amenyo asohoka hanze (ayo bamwe bita amahembe) uretse ko niyo ameze aba ari magufi. Inzovu zo muri Aziya ubu ziboneka mu duce tumwe na tumwe two mu Buhinde, Sri Lanka, u Bushinwa no mu bihugu byo mu Majyepfo ashyira Uburasirazuba nka Bangladesh na Népal.

    Hashize imyaka myinshi inzovu zikoreshwa imirimo inyuranye mu bikorwa bya muntu, nko guterura ingiga z'ibiti, kwikorera ibikoresho mu gihe cy'ubwubatsi, guheka abantu, gukoreshwa mu ntambara n'ibindi, Intambara zizwi mu mateka ya kera zakoreshejwemo inzovu ni iziswe Guerres Puniques(264-146 mbere ye Yesu Kirisitu) aho ingabo za Roma zashakaga kwigarurira ubwami bwa Carthage.

    Amateka y'izi ntambara yanditswe n'Umugereki witwa Polybe wari warajyanywe i Roma nk'umunyagano abyandika mu bitabo yise 'Les Histoires' Inzovu ni inyamaswa nini cyane k'uburyo butangaje. Iyo igenda iba isa n'iri komboka, wayitegereza ukaba wagira ngo iri mu myiyerekano w'abanyamideli,Igenda ibilometero bitandatu ku isaha, iyo iri ku muvuduko usanzwe ariko iyo yihuta igenda ibilometero 40 ku isaha.

    Kubera imiterere y'imibiri yazo, inzovu ntizishobora gusimbuka cyangwa kwijugunya mu kirere yewe ntizishobora no kwambuka imyobo nyamara ziri mu nyamaswa zizi koga k'uburyo kwambuka imigezi n'ibiyaga ari ibintu bizorohera cyane, Igira umutonzi ikoresha izamura ibyatsi igiye kurisha, Umutonzi kandi ni intwaro ikomeye ku nzovu kubera ko iwifashisha mu kuvuna amashami y'ibiti cyangwa mu kurwana. Iwifashisha  iyo iri guhumeka cyangwa guha umubiri wayo amahumbezi

    Amatwi y'inzovu ni urugingo ruyifitiye umumaro ukomeye, Iyifashisha ihoza cyangwa igabanya ubushyuhe bw' umubiri wayo, Iyo witegereje neza, amatwi y'inzovu zo muri Aziya, usanga ajya gusa n'afite ishusho y'ikarita y'igihugu cy'u Buhinde, Mu gihe inzovu zo muri Afurika zo usanga amatwi yazo ajya kugira ishusho y'ikarita ya Afurika ku ruhande rw'iburyo ku gutwi kw'iburyo, nubwo bwose usanga bidahura neza neza.abantu benshi bakaba bibaza impamvu zabyo, Inzovu ikoresha ibijigo iyo iri guhekenya ibyo iba yariye akenshi usanga biba bigizwe n'amababi, ibishishwa by'ibiti, inti z'amashami ndetse n'imizi y'ibiti n'ibindi bimera.

    Mu kigero cy'imyaka iri hagati ya 40 na 60,  inzovu zikuka ibijigo kandi ntabwo ziba zigishoboye guhekenya ibintu bikomeye, Mu gihe nk'iki iba ishobora kwicwa n'inzara gusa ibi bikaba bimenyerewe ku impfu z'inzovu kuko hari igihe zicwa no kubura ibizitunga bihagije kubera ko ziba zitabasha guhekenya, Ubwo ziba zigeze mu zabukuru, Amenyo y'imbere y'inzovu bamwe banita amahembe y'inzovu, ubusanzwe aba ari abiri kandi ari maremare, Aya niyo menyo manini kandi aremereye ugereranyije n'andi menyo y'ibindi binyabuzima byose biri ku isi, Amenyo y'inzovu ziyakoresha iyo ziri gucukura imizi y'ibiti cyangwa ziri gushakisha amazi, Ziyakoresha kandi ziri gushishura ibiti kugira ngo zirye ibishishwa, zishobora kuyakoresha kandi iyo ziri kurwanira ingore mu gihe cyo kwimya, Inzovu z'ingabo zo muri afurika zishobora kuyakoresha zirinda ko ibyana byazo byicwa n'intare ndetse n'izindi nyamaswa z'inkazi.

    N'ubwo uruhu w'inzovu rugira umubyimba munini ntibirubuza kuba wakwinjiramo udukoko nk'ibirondwe, isazi, inda, n'utundi dukoko dushobora kuyitera kugubwa nabi kubera ko tunywa amaraso kandi tukayishyiramo indiririzi (microbes), Amaso y'inzovu ni mato ugereranyije n'ubunini bw'umutwe wayo kandi ntabona neza, Iyo izunguza umutwe wayo ntibasha kureba inyuma kubera ko uba ufite aho utarenga, Ibi bituma iyo ihindukiye ihindukiza umubyimba wose.

    Source : https://impanuro.rw/2020/11/02/menya-byinshi-ku-itandukaniro-riri-hagati-y-inzovu-zo-muri-africa-na-asia-ndetse-unamenya-amwe-mu-mabanga-yazo-utaruzi/