Category: Uncategorized

Umuvugizi wa Polisi y’u Rwanda, CP John Bosco Kabera

Ibyo kudohoka kuri ayo mabwiriza, abantu ahanini barabiterwa n’uko imibare y’abandura yagabanutse ugereranyije n’uko byari bimeze mbere, cyane ko n’imirimo myinshi yari yarafunzwe mu rwego rwo kwirinda ubu yasubukuwe.

Umuvugizi wa Polisi y’Igihugu, CP John Bosco Kabera, avuga ko icyorezo cya Covid-19 kigihari kandi kiri mu gihugu hose bityo ko nta kwirara kwagombye kubaho.

Agira ati “Turasaba Abaturarwanda kumva ko icyorezo kigihari, mugize iminsi mwumva abanduye i Musanze, i Nyagatare, mu Mujyi wa Kigali n’ahandi, bivuze ko icyorezo kiri hirya no hino mu gihugu. Kubera ko serivisi nyinshi zagiye zifungurwa, umuntu umwe wanduye ashobora guteza ibyago byo kwandura abandi benshi”.

Ati “Abantu rero ntibakwiye kudohoka ahubwo ni bwo bakwiye gufata ingamba zikomeye zo kwirinda kugira ngo intambwe twateye tujya imbere itazakurikirwa no gutera nyinshi tugaruka inyuma. Dutangira guma mu rugo imibare y’abandura yari myinshi ariko ubu yaragabanutse ari bwo abantu bashaka kuvuga ko byarangiye, ntabwo byarangiye, abantu bakomeze kwirinda kandi ntituzareka no guhana abarenga ku mabwiriza”.

Nubwo CP Kabera atavuga igihe kongera ibihano ku batubahiriza amabwiriza yo kwirinda Covid-19 bizatangira gushyirwa mu bikorwa, iyo gahunda ngo irahari kuko abantu bakomeje kwirara bakora ibitemewe.

Ati “Haracyari abantu bafatwa bacuze umugambi wo kunywa inzoga, umuntu agafata abantu akabashyira mu nzu agakinga bakanywa inzoga, hagira abaza kureba ibihabera ukabakingirana. Warangiza ukabaha imfunguzo ngo inzego z’ubuyobozi niziza bajye mu byumba bifungirane, byumvikane ko bikomeje gutyo, abantu badohoka ku kubahiriza amabwiriza, ibihano bizongerwa”.

CP Kabera avuga kandi ko abantu bafite inshingano zo kwirinda no kurinda bagenzi babo, akanagira inama muri rusange Abanyarwanda yo gukomeza kwirinda kuko bose bazi uko iyo ndwara yirindwa.

Ati “Icya mbere ni uko abantu bamenya ko Covid-19 igihari, icya kabiri ni uko buri wese azi uko yirindwa bityo yirinde, icya gatatu ni uko abashinzwe kugenzura uko amabwiriza yubahirizwa bahari. Umuntu rero uzandura icyo cyorezo nta rwitwazo afite, umuntu uzafatwa agahanwa nta rwitwazo afite, bityo rero buri muntu yumve ko kwirinda ari inshingano ye”.

Kugeza ku ya 10 Ugushyingo 2020, mu Rwanda abamaze kwandura Covi-19 ni abantu 5,262 barimo 20 banduye kuri uwo munsi. Abakize icyo cyorezo ni 4,967 bangana na 97%, abishwe na cyo ni 40 mu gihe abakirwaye barimo kwitabwaho ari 255.

Rihanna afite umutungo ubarirwa muri miliyoni 600 z’amadolari ya Amerika. Ageze kuri uyu muhigo nyuma yo kwinjira mu nganda zikora imideli itandukanye.

Nk’uko Forbes ibitangaza, uyu mugore w’imyaka 32 y’amavuko kuri ubu akize kurusha Madonna ufite umutungo ibarirwa muri miliyoni 570 z’amadolari, Celine Dion ufite miliyoni 450 z’amadolari na ho Beyonce, we ngo abarirwa muri miliyoni 400 z’amadolari.

Amazina bwite ya Rihanna ubusanzwe ni Robyn Rihanna Fenty. Yavutse ku ya 20 Gashyantare 1988, avukira muri Barbados. Ni umuririmbyi, umukinnyi w’amafilime, n’umucuruzi. Impano ye yavumbuwe n’umuproducer w’Umunyamerika witwa Evan Rogers wanamutumiye muri Amerika gufata amajwi y’ibanze, nyuma yo kubona ko afite impano idasanzwe y’ubuhanzi.

Nyuma yo gusinyana amasezerano n’inzu itunganya muzika ya Def Jam Record Label mu 2005, bidatinze yahise amenyakana nyuma yo kumurika alubumu ze ebyiri za mbere yakoreye muri iyo studio.

Iya mbere ‘Music of the sun’ yagiye hanze muri (2005), iyitwa ‘A girl like Me’ yakurikiye ho muri 2006, zamugejeje ku rwego rwo hejuru no mu myanya icumi ya mbere muri Billboard yo muri Amerika mu ndirimbo 200 za mbere ziba zahize izindi.

Muri iki gihe Rihanna afite inzu y’akataraboneka ifite agaciro ka miliyoni 14 z’amadolari i Manhattan muri Leta ya New York, mu gihe yanaguze inzu mu burengerazuba bwa London mu Bwongereza kuri miliyoni 7 z’amapound ubwo hari muri Kamena 2018, kugira ngo yegere akazi mu bikorwa aheruka gufungura mu bijyanye n’imideli muri Label ye y’imyambarire yise ‘FENTY’.

Rihanna yakundanye n’abagabo benshi, barimo umuraperi Drake n’umucuruzi wo muri Arabiya Sawudite Jameel Hassan, nyuma yo gutandukana ku mugaragaro n’urukundo rwe yatangaje ko ari urw’ibihe byose, yakundanye n’umucuranzi Chris Brown.

Mu minsi ishize ni bwo mu ikipe y’Amagaju abakinnyi bayo 11 basanzwemo icyorezo cya Coronavirus, bituma imyitozo ihita ihagarikwa ngo habanze habe indi nshuro yo gupima abakinnyi.

Nyuma y’igenzura ryakozwe na Ferwafa, yaje gusanga ikipe y’Amagaju yaragize uburangare mu kubahiriza amabwiriza yo kwirinda icyorezo cya Coronavirus, aho yinjije umukinnyi witwa Murindwa Evaritse mu mwiherero kandi atarabona ibisubizo bya COVID-19.

Mu kiganiro n’Umuvugizi wa Ferwafa Jules Karangwa, yadutangarije ko nyuma y’isesengura ryakozwe, ikipe y’Amagaju yahise imenyeshwa ko isezerewe burundu mu mikino ya Play-Off yari iteganijwe guhera kuri uyu wa Gatanu yo gushaka itike yo kujya mu cyiciro cya mbere.

Yagize ati “Amagaju nyuma y’aho abakinnyi bayo bamwe na bamwe basanzwemo iki cyorezo cya COVID bahise batugezaho raporo batumenyesha uko byagenze, ejobundi tariki 07/11/2020”

“Mu isesengura n’igenzurwa ryakozwe, byagaragayeko Amagaju yagize uburangare cyane mu birebana no kuzuza inshingano zayo mu birebana no kuzuza inshingano zayo zo gukurikirana ishyirwa mu bikorwa by’amabwiriza n’ingamba bya Ferwafa na Minisiteri”

Umukinnyi w’Amagaju ngo yarapimwe ariko yinjira mu mwiherero atarabona ibisubizo, ni nawe wanduje abandi

“Muri raporo Amagaju yaduhaye mu bakinnyi bose barapimwe basanga nta cyorezo bafite bajya no mu mwiherero, hanyuma haza undi mukinnyi nyuma yaho witwa Evaritse Murindwa bamujyana gufata ibipimo, ariko nyuma yo gupimishwa yemererwa kujya mu mwiherero n’abandi bakinnyi”

“Ibyo tubifata nk’uburangare no kutubahiriza amabwiriza uko yagenwe kuko umukinnyi aba agomba kujya hamwe n’abandi ari uko nta bwandu afite, bo rero babirenzeho umukinnyi ahura n’abandi bagera kuri 11 nk’uko babyivugiye muri raporo, aba ari nawe ukongeza abandi kuko bamusanzemo ubwo bwandu”

Jules Karangwa kandi yatangarije Kigali Today ko ikipe ya Vision yari kuzahura n’Amagaju ihita ikomeza muri 1/2, iyi nayo ikaba isabwa guhindura uburyo bakoreshaga aho bari mu mwiherero ndetse bakana banahimuka, ariko zikaba zitasezerewe nk’uko Amagaju byagenze

Minisiteri ya Siporo y’u Rwanda imaze gutanagaza ko ikipe ya Alpha Fc ndetse na Vision FC zose zo mu cyiciro cya kabiri zahanwe kubera kutubahriza amabwiriza yo kwirinda Coronavirus.

Alpha FC yahanwe kubera kurenga ku mabwiriza yo kwirinda COVID-19

Nk’uko bigaragara ku rubuga rwa twitter rwa Minisports, aya makipe yahanwe nyuma y’igenzura ryakozwe na Minisiteri kuri uyu wa Kabiri tariki 10/11/2020, aho basanze aya makipe ari mu mwiherero wo kuzakina imikino yo gushaka amakipe azazamuka mu cyiciro cya mbere, atubahiriza amabwiriza yo kwirinda iki cyorezo.

Itangazo rigira riti “Tariki ya 10 Ugushyingo 2020, Minisiteri ya Siporo yahagaritse umwiherero n’imyitozo y’amakipe ya VISION FC na Alpha FC nyuma y’ubugenzuzi yakoze igasanga aya makipe atubahiriza ingamba zo kwirinda no gukumira icyorezo cya COVID-19 mu bikorwa bya Siporo.”

Tariki ya 10 Ugushyingo 2020, Minisiteri ya Siporo yahagaritse umwiherero n’imyitozo y’amakipe ya VISION FC na Alpha FC nyuma y’ubugenzuzi yakoze igasanga aya makipe atubahiriza ingamba zo kwirinda no gukumira icyorezo cya COVID-19 mu bikorwa bya Siporo. @AuroreMimosa @FERWAFA

— Ministry of Sports|Rwanda (@Rwanda_Sports) November 11, 2020

Byari biteganyijwe ko ikipe ya Alpha FC izahura na Rutsiro, naho Vision FC igahura n’Amagaju nayo ataramenya niba azakina, mu gihe izari kuzatsinda hagati y’izi zari kuzishakamo ikipe izamuka mu cyiciro cya mbere.

Kugeza ubu hategerejwe umwanzuro uza gufatwa na Federasiyo y’umupira w’amaguru mu Rwanda, nyuma y’uko guhagarikwa ndetse n’Amagaju yanditse asaba ko umukino wabo wimurwa