Category: Uncategorized

Umuhanda wa kaburimbo Huye-Gisagara ufite ibirometero 14. Imirimo yo kuwukaba yararangiye. Ba nyiri amazu uyu muhanda wagonze barishyuwe kimwe n’abo wanyuriye mu masambu.

Abasigaye batarishyurwa ni abo imashini zakoze uyu muhanda zatigishirije amazu agasenyuka andi agasatagurika.

Bamwe ibikuta by’amazu yabo byaraguye abandi ibikuta by’amazu yabo byarasataguritse. Aya mazu nyuma yo gutigiswa n’izi mashini zitsindagira umuhanda arava kuko hafi ya yose yari asakaje amategura. Amategura yagiye arekurana.

Umwe mubafite iki kibazo batuye mu kagari ka Muzenga yabwiye UKWEZI ko inzu yabo yari imeze neza mbere y’uko imashini zikora umuhanda zitangira kuyitigisha. Nyuma igikuta cyayo kimwe cyaje kugwa n’amategura ararekurana none arara anyagirwa.

Yagize ati 'Ikibazo dufite ni uko imashini z’Abashinwa zadusenyeye inzu. Baraje baratubarira batwara n’ibyagombwa by’ubutaka batubwira ko bazadusanira turategereza turaheba. Naje gusubirayo njya kubaza nti ese impamvu batatwishyuye ni ukubera iki cyangwa ngo badusanire, ngo nimutegereze ntabwo igihe cyanyu kiragerwaho'.

Sebufenge Yohani, avuga ko imashini zikora umuhanda zikimara gutigisa inzu ye igikuta kimwe kikagwa yagiye ku karere, bamubwira ko basamusura bakareba. Abayobozi b’akarere nyuma baramusuye barapima bamubwira ko ibye byuzuye bazamusanira.

Yagize ati 'None amaso yaheze mukirere. Gusenyuka kwayo ni za modoka z’Abashinwa cyakindi gitigisa cyaraje kiratigisa mbona igikuta cyo hepfo kiraguye'.

Sebufenge avuga ko uretse igikuta cyaguye n’amategura yarekuranye akaba asigaye arara anyagira. Ati 'Iragwa nkegama nka hariya mu nguni, naho yahanyagira nkongera nkajya ahandi, gutyo ndara ntaragurikaaa ! Nkarinda ubwo imvura numva ihise'. Abaturage basizwe iheruheru n’ikorwa ry’uyu muhanda barasaba akarere kumva ugutakamba kwabo

Aba baturage ikindi kibazo bafite ni uko ubuyobozi bw’akarere buri kubasaba kuvugurura amazu bubabwira ko adakwiriye kuba ku muhanda, nyamara ntibubahe amafaranga bwabemereye yo gusana.

Umuyobozi wungirije w’Akarere ka Gisagara ushinzwe iterambere ry’ubukungu Jean Paul Habineza asaba ko aba baturage bakomeza gutegereza bihanganye. Abizeza ko bazishyurwa vuba gusa ntabwo atanga igihe.

Avuga ko babanje kwishyura abo amazu yabo yagonzwe n’umuhanda, bakurikizaho abo amasambu yabo yagonzwe n’uyu muhanda, ikiciro cya gatatu nibwo ngo hazishyurwa abo amazu yabo yangijwe n’imashini zakoze umuhanda.

Yagize ati 'Icyiciro ya gatatu ni iyo ikorwa ry’umuhanda hari imashini zitigisa, inzu zari zishaje zikaba zarangiritse rwose biri vuba aha turabishyura'.

Habineza yavuze ko mu minsi mike iri imbere azajya guhura n’abayobozi b’ikigo gishinzwe ibyubakire y’imihanda n’ibiraro RTDA ngo azongera yibutse iki kibazo cy’aba baturage.

Ati 'Umufatanyabikorwa ni RTDA niyo yagombaga kwishyura, ubuvugizi bwarakozwe, igisigaye ni uguhuza imibare, umuturage akishyurwa kuko n’ubundi ibi byose dukora tubikora ku neza y’abaturage nta kibazo gihari rwose twabahumuriza, bashonje bahishiwe'.

Akarere ntabwo katubwiye umubare w’amafaranga yose hamwe aba baturage bishyuza, gusa kavuga ko abasigaye batarishyura bagera kuri 200.

Ubuzima bw’aba baturage buri mu kaga kuko n’abari barakodesherejwe kubishyurira byahagaze basubira mu bizu birangaye. Ibikuta bisigaye bitaragwa bafite ubwoba byazabagwa hejuru mu gihe batasanirwa vuba.

Lindsey Graham ni umwe mu bashyigikiye ko Biden ahabwa raporo ya buri munsi y'ubutasi, ariko akomeje kuba ku ruhande rwa Trump

Umukunzi wacu twise Jessica yatwandikiye adusaba ko twamugira inama ku kibazo gikomeye afite kijyanye na muramu we ushaka ko baryamana nyuma yo kumusanga mu cyumba yambaye ubusa.

Umutoza mukuru w’ikipe ya APR FC, Adil Erradi Mohammed yavuze ko nyuma yo guhagarika Ishimwe Kevin nta gahunda n’imwe bafite yo kumugarura muri iyi kipe bitewe n’ikinyabupfura gike.

Ishimwe Kevin yahagaritswe muri APR FC kugeza igihe kitazwi kuva ku wa 28 Ukwakira 2020 ari nabwo APR FC yabitangaje, nta kosa yakoze rizwi ariko harimo kuba yarabwiye nabi umutoza mu myitozo yo ku wa 27 Ukwakira biza bisanga imyitwarire ye itari myiza yari asanganywe.

Nyuma y’umukino wa gishuti APR FC yaraye itsinzemo Sunrise FC, umutoza Adil Erradi yavuze ko uyu musore yihanganiwe bishoboka rero icyemezo cyafashwe n’ubuyobozi, ntabwo uyu musore azongera gukinira ikipe y’ingabo z’igihugu.

Ati'Niba nta kinyabupfura gihari, niba nta guhuza guhari, nta mwanya uhari muri APR mu by’ukuri. Oya, nta kugaruka. Icyemezo cyafashwe hari byinshi byihanganiwe, twarabibonaga tugakosora, tukabibona tugakosora, ariko nyuma y’igihe birarambirana.'

'Ubuyobozi bwa APR, umuryango wa APR wafashe icyemezo kidakuka, ni icyemezo cya nyuma. Nta kugaruka guhari, oya oya. Dukora kinyamwuga, hano dukeneye abakinnyi bafite imyitwarire ya kinyamwuga, y’ikipe kandi bitwara neza muri APR. Niba icyemezo cyafashwe, cyafashwe. Rimwe guteranyaho rimwe bingana na kabiri.'

Ishimwe Kevin yinjiye muri APR FC umwaka ushize wa 2019 avuye muri AS Kigali. Ni umusore wakiniye amakipe atandukanye nka Rayon Sports ndetse na Pepiniere FC.

Adil ahamya ko nta mwanya Kevin agifite muri APR FC

Ishimwe Kevin yirukanywe muri APR FC kubera imyitwarire mibi

Inama y’Abaminisitiri yateraniye muri Village Urugwiro iyobowe na Perezida Kagame, ku mugoroba wo ku wa Gatatu tariki 11 Ugshyingo 2020, niyo yashyizeho abayobozi barimo na Aimable Twahirwa wagizwe Umuyobozi Ushinzwe Umuco muri Minisiteri y’Urubyiruko n’Umuco.

Twahirwa nk’umwe mu bazwi muri muzika ndetse uretse kuba yarabaye umuhanzi yanakunze kuba umwe mu bagize akanama nkemurampaka mu irurshanwa rya Primus Guma Guma Super Star.

Guhabwa inshingano n’umukuru w’igihugu ni ibintu byakoze ku mutima abarimo Muyoboke Alexis wavuze ko ari ishema kandi azabahagararira neza.

Mu butumwa yanyujije ku rukuta rwe rwa Twitter yagize ati 'Ntewe Ishema no kuba mu gihugu cyiza kiyobowe nawe Nyakubahwa Perezida Kagame ureberera abanyarwanda ukamenya ibyo bakeneye kandi mu gihe gikwiye.'

Muyoboke avuga ko 'Ni iby’agaciro kuri njye, umuhanzi ndetse n’undi muntu wese ubarizwa mu ruhando rw’ubugeni n’ubuhanzi kumva ko umuhanzi Aimable Twahirwa yahawe inshingano zo kuba Umuyobozi ushinzwe Umuco muri Minisiteri y’Urubyiruko n’Umuco.'

Avuga ko kandi Twahirwa azwiho kuba impirimbanyi y’iterambere ry’umuco n’ubuhanzi muri rusange kuva mu mabyiruka ye.

Yakomeje agira ati 'Nizeye ntashidikanya ko agiye kuduhagararira neza kandi azabasha kugeza ubutumwa aho mwamutumye Nyakubahwa Perezida.'

Ntewe Ishema no kuba mu gihugu cyiza kiyobowe nawe Nyakubahwa Perezida Kagame @PaulKagame ureberera abanyarwanda ukamenya ibyo bakeneye kandi mu gihe gikwiye
Ni iby’agaciro kuri njye, umuhanzi ndetse n’undi muntu wese ubarizwa mu ruhando rw’ubugeni n’ubuhanzi kumva ko umuhanzi /1 pic.twitter.com/8lR2bfMyE4

— Muyoboke Alex (@MuyobokeAlex1) November 12, 2020

Aimable Twahirwa mu ruhando rw’imyidagaduro

Aimable Twahirwa yahawe umwanya muri Minisiteri y’Urubyiruko n’Umuco asanzwe ari umuhanzi ubimazemo igihe kuko yanabyigiye.

Ni umwe mu bakunze kugaragara ahabera ibitaramo afasha ababiteguye mu migendekere myiza yabyo.

Yagiye akorana hafi n’ubuyobozi bwa EAP isanzwe itegura ibitaramo bikomeye hano mu Rwanda, aho kenshi wasangaga ari umwe mu bashinzwe gukurikirana imigendekere yabyo.

Aimable Twahirwa yize mu ishuri rizwi cyane mu bijyanye n’ubuhanzi 'Ecole Internationale de théâtre Jacques Lecoq' ry’i Paris mu Bufaransa.

Anafite impamyabumeyi y’icyiciro cya kabiri cya Kaminuza mu Itangazamakuru n’Itumanaho.

Twahirwa yabaye umuyobozi wa National University Center of Arts and Drama (UCAD), ikigo cyitaga ku buhanzi, ubugeni n’amakinamico muri Kaminuza y’u Rwanda.
Yanabaye Umuyobozi Mukuru w’Ihuriro ry’Urubyiruko rya Kimisagara, aho umuziki wari kimwe mu bigize ubuzima bwe bwa buri munsi.

Muri icyo gihe kandi Twahirwa yayoboye kimwe mu bigo Mpuzamahanga bitagengwa na Leta cy’Abadage cya 'La Benevolencija HTF'.

Yateguye ibitaramo byinshi by’umuco, aho yanatoje abaririmbyi, ababyinnyi n’abakina amakinamico mu Itorero rya Kaminuza Nkuru y’u Rwanda y’i Butare ryitwa Indangamuco.

Yitabiriye amaserukiramuco atandukanye arimo '’Festival Interuniversitaire des Arts de Butare (FIAB)”, Pan African Festival for Dance (FESPAD) na The East African Festival of Arts and Culture (JAMAFEST).

Twahirwa ni umwe mu bahanzi bake b’Abanyafurika batorewe kuba mu bagize akanama nkemurampaka mu marushanwa mpuzamahanga y’ubuhanzi (Arts Competitions) yiswe 'Jeux de la Francophonie/2013'. Yabereye i Nice mu Bufaransa.