Category: Uncategorized

Mu buzima bwa buri munsi umubabaro ntushobora kubura kuri twe kandi hari amakosa twagiye dukora .Ariko iyo tubwiye abana bacu ahahise hacu tukabereka n’uko turimo kubigenza ngo ibitaratunejeje bihinduke, nibwo nabo babimenya bagasobanukirwa icyerecyezo n’uruhare rwabo mu kubaka ahazaza habo heza.

Umunsi umwe hari ku cyumweru mu rusengero, umugabo n’umugore badusangije inkuru itoroshye y’ukuntu umugabo yakoreye umugore we ubugome bwo kumuca inyuma imyaka myinshi. Umugore we amaze kumenya amakuru ateye ubwoba y’uko umugabo amuhemukira, yumvise ahamagariwe n’Imana gushikama mu rushako no gusengera umugabo we akihana.

Umugore Yasenze imyaka myinshi, nta gucika intege ashaka ko umugabo we yakizwa akareka izo ngeso mbi.

Icyo gihe abakobwa babo, nabo barababaye cyane bitewe n’ibikorwa bya se, batangira gusenga. Uyu muryango wari ukeneye Imana kugira ngo igarure amahoro mu rushako n’umuryango wabo wasaga nk’aho wacitse intege.

Uyu muryango wari uri imbere y’iteraniro bagamije kuvuga amateka yabo. Igishimishije, ibi bivuze ko umugabo yamenye ko ibyo yakoraga atari byiza kandi yarihannye asaba imbabzi kubera ibikorwa bibi ndetse yiyemeza kongera kubaka umuryango we.

Ni iki dukwiye kubwira abana bacu ku bijyanye n’ahahise hacu

Amakosa n’umubabaro bishobora kutwihererana, ariko abana bacu bakeneye kumva uko twatsinze ibihe bikomeye twanyuzemo. Ibibi twanyuzemo bishobora kuducecekesha ariko ntidukwiye guceceka kuko kubivuga nibyo biha abana bacu icyizere bakamenya ko twahindutse bashya.

Nyuma yo kudusangiza iyo nkuru, wa mugabo wari warananiye umugore we amuca inyuma yaravuze ati:”Uyu munsi izina ryanjye ryarahindutse sinkitwa umusambanyi ahubwo ndi umugabo ukijijwe”. N’ubwo uyu mugabo yihannye ariko mbere yumvaga afite ipfunwe ry’ukuntu yatinyuka kubivuga abana n’umugore bamwumva.

Uyu mugabo yasobanukiwe ko mbere atari uwo kwizerwa, yikundaga, yihugiragaho ndetse agatsindwa kuzuza inshingano z’urugo. Ariko amaze gufata icyemezo cyo kwihana yabaye umubyeyi mwiza wo kwizerwa imbere y’umuryango we n’Imana.

Mubyukuri mu buzima habaho igihe ababyeyi bakoze amakosa, ariko ni ngombwa kuyasabira imbabazi kuko niyo ntambwe ya mbere. Intambwe ya kabiri ni ukwakira imbabazi. Uyu mugabo twabonye yakiriye imbabazi zivuye ku muryango we, ariko nawe yatangiye kwibabarira kubera ubusambanyi yakoze.

Hatitawe ku mahitamo mabi twakoze cyangwa ibibi twakoreye abandi, iyo tumaze kwihana ntibitinda guhinduka bishya. Ntuterwe ubwoba n’ahahise ahubwo hitamo inzira nziza kugira ngo uyiyobore igisekeru kizagukurikira kandi abana bawe bazabigushimira.

Source: familylife.com

[email protected]

Uyu mwanzuro witezweho kuzatuma urumogi rutangira kwifashishwa mu bushakashatsi bwinshi bugamije ubuvuzi hirya no hino ku isi.

Umuyobozi Nshingwabikorwa w’Ikigo mpuzamahanga gikora ubushakashatsi ku rumogi (cannabis consulting firm Global C), Jessica Steinberg, yavuze ko iri tangazo ry’Umuryango w’Abibumbye ari andi mateka yanditswe.

Ati 'Ikintu nk’iki ntikivuze ko noneho rugiye kwemerwa ku isi yose, ariko mu by’ukuri ni andi mateka yanditswe.'

Hari ibihugu byinshi byari bisanzwe bidafata urumogi nk’ikiyobyabwenge, hari ibyashyizeho amategeko yemerera ikoreshwa ry’urumogi mu kwishimisha (recleational marijuana), hari n’ahandi henshi bemereye kurukoresha ku mpamvu z’ubuvuzi.

Nko muri Leta Zunze Ubumwe za Amerika, Leta 15 zamaze kwemerera byemewe n’amategeko, ikoreshwa ry’urumogi ku mpamvu zo kwishimisha, mu gihe izigera kuri 35 zemereye ikoreshwa ry’urumogi ku mpamvu z’ubuvuzi.

U Rwanda narwo ruherutse kwemeza umushinga wemerera ihingwa ry’urumogi ruzajya rwoherezwa mu mahanga rugakorwamo imiti.

Inama y’Abaminisitiri ku wa 12 Ukwakira 2020, yemeje amabwiriza yerekeye ihingwa, itunganywa n’iyohereza mu mahanga ry’ibimera byifashishwa mu buvuzi, birimo n’urumogi.

Icyo gihe Umuyobozi Mukuru w’Urwego rw’Iterambere, RDB, Clare Akamanzi, yagaragaje ko icyatumye u Rwanda rwinjira muri ubu buhinzi, ari ugutanga umusanzu warwo mu bushakashatsi ku miti ndetse no gukomeza gushaka icyateza imbere ubukungu bw’igihugu.

Ati 'Bimwe muri ibi bimera byifashishwa mu gukora imiti yahangana n’indwara nk’isereri, isesemi, abarwaye kanseri, ababana n’ubwandu bwa SIDA n’ibindi. Ni ibintu kandi byakwinjiriza igihugu bigatanga imirimo. U Rwanda rero ntabwo rwifuza gucikanwa muri uru rwego, atari ugushakamo amafaranga gusa ahubwo bigamije no guteza imbere ubuvuzi.'

Hari ibihugu bimwe na bimwe ku Isi byamaze kwemeza no gushyiraho amabwiriza akaze yo guhinga no gutunganya urumogi mu bijyanye n’ubuvuzi.

Nko ku mugabane wa Afurika, ibihugu nka Malawi, Afurika y’Epfo, Zimbabwe, Zambia, Lesotho byamaze gushyiraho amabwiriza agenga ihingwa ry’icyo kimera kigamije koherezwa hanze mu bushakashatsi ku buvuzi.
Mu bihugu binyuranye birimo Leta Zunze Ubumwe za Amerika, usanga urumogi rufatwa nk’umuti wifashishwa mu kugabanya ububabare, gufasha abananiwe kurya, mu kuvura indwara zo mu mutwe, igicuri, indwara ya Parkinson n’izindi.’

Hari n’aho rukoreshwa nk’umuti w’iseseme iterwa n’imiti ivura kanseri no kuruka ndetse runifashishwa mu guhangana no kubura ubushake bwo kurya ku bafite virusi itera Sida cyangwa abarwaye Cancer. Ngo rwanaba umuti w’uburibwe bwo mu mutwe, 'neuropathic pain’.

Abaruhinga bavuga ko iyo rwabonye urumuri nibura amasaha 14 ku munsi, rukabona intungagihingwa zihagije rutangira kuraba mu byumweru bitatu.

Mu 1830, Dr William Brooke O’Shaughnessy yavumbuye ko bimwe mu bigize urumogi byakwifashishwa mu kugabanya uburibwe mu gifu ku murwayi wa chorela.

Amateka agaragaza ko urumogi ruzwi nka 'Marijuana’ cyangwa 'Cannabis’ rwabonetse mu myaka 500 mbere ya Yezu, rwakomotse muri Aziya yo Hagati muri Mongolia na Siberia y’Amajyepfo.

Jeanine Mabunda President of Assemblée Nationale DRC

Ishyari ni igice cyihariye cya kamere muntu kimuhindukirira icyaha. None ni gute dushobora gutsinda ishyari duhereye ku muzi waryo? Ijambo ry’Imana ritwereka inzira yo gutsinda ibyaha byose, ko ari ugukurikira Yesu twikorera umusaraba wacu kandi buri munsi, ni ukwiyanga!

Niwita kuri aya magambo y’Imana ntuzongera kuba imbata y’ishyari ukundi!

Ibyanditswe byera bivuga iki ku ishyari?

Ijambo ry’Imana risobanura neza ibyerekeye ishyari: ni “umurimo wa kamere, ishyari ni icyaha. Icyaha, ni ikintu cyose kinyuranye n’ubushake bw’Imana n’amategeko yayo. Gukora icyaha ni ukurenga cyangwa kutumvira ayo mategeko. Irari ry’icyaha riba muri kamere ya muntu. Muyandi magambo, kamere muntu yanduzwa kandi ikangizwa n’abakora ibyaha.

Ishyari ni icyaha kidasanzwe kandi cyangiza dukeneye kurandura burundu!

Dore imirimo ya kamere iragaragara ni iyi: gusambana no gukora ibiteye isoni n’iby’isoni nke, no gusenga ibishushanyo, no kuroga no kwangana no gutongana, n’ishyari n’umujinya n’amahane, no kwitandukanya no kwirema ibice, no kugomanwa no gusinda, n’ibiganiro bibi n’ibindi bisa bityo.

Ndababwira hakiri kare nk’uko nababwiye kera, yuko abakora ibisa bityo batazaragwa ubwami bw’Imana. Abagaratiya 5:19-21

Umutima utuje ni wo bugingo bw’umubiri, Ariko ishyari ni nk’ikimungu kiri mu magufwa. Imigani 14:30.

Tugendane ingeso nziza nk’abagenda mu mucyo, tutagira ibiganiro bibi, tudasinda, tudasambana, tudakora iby’isoni nke, tudatongana kandi tutagira ishyari. Ahubwo mwambare Umwami Yesu Kristo, kandi ntimuhe urwaho imibiri yanyu ngo ibone uko ikora ibyo yifuza. Abaroma 13: 13-14.

Twe kwifata uko tutari, twenderanya kandi tugirirana amahari. Abagalatiya 5:26.

Ariko niba muhorana amakimbirane akaze mu mitima yanyu mugahorana intonganya, ntimukabyiratane ngo mubeshyere ukuri. Yakobo 3:14. kuko aho amakimbirane n’intonganya biri, ari ho no kuvurungana kuri no gukora ibibi byose. Yakobo 3:16.

Dore inkota yo kurwanya ishyari!

Turasabwa kwifashisha ijambo ry’Imana nk’inkota kugira ngo dukire ishyari. Tugomba guhuza ijambo ry’Imana n’ubuzima tubamo buri munsi. Turasabwa kuvuga dushikamye tugahitamo “Oya!” n’imbaraga z’Umwuka, koresha ijambo ry’Imana urisanishe n’ubuzima bwawe kugeza igihe uzatsinda ishyari.

Abwira bose ati 'Umuntu nashaka kunkurikira niyiyange, yikorere umusaraba we iminsi yose ankurikire, kuko ushaka kurengera ubugingo bwe azabubura, ariko utita ku bugingo bwe ku bwanjye ni we uzabukiza. Luka 9: 23-24.

Ntimukagire ingeso zo gukunda impiya ahubwo mujye munyurwa n’ibyo mufite, kuko ubwayo yavuze iti 'Sinzagusiga na hato, kandi ntabwo nzaguhāna na hato.' Abaheburayo 13: 5.

Urukundo rurihangana rukagira neza, urukundo ntirugira ishyari, urukundo ntirwirarira, ntirwihimbaza. 1 Abakorinto 13: 4.

Ariko ibigeretse kuri ibyo byose mwambare urukundo, kuko ari rwo murunga wo gutungana rwose. Abakolosayi 3:14.

Nuko niba hariho gukomezwa kuri muri Kristo, kandi niba hariho guhumurizwa kuzanwa n’urukundo, niba hariho no gusangira Umwuka, niba hariho imbabazi n’impuhwe, musohoreshe umunezero wanjye guhuriza imitima mu rukundo, mwibwira kumwe muhuje imitima. Ntimukagire icyo mukorera kwirema ibice cyangwa kwifata uko mutari, ahubwo mwicishe bugufi mu mitima, umuntu wese yibwire ko mugenzi we amuruta. Umuntu wese muri mwe areke kwizirikana ubwe gusa, ahubwo azirikane n’abandi. Abafilipi 2: 1-4.

Mwishimane n’abishima, murirane n’abarira. Muhuze imitima, ntimukararikire ibikomeye ahubwo mwemere kubana n’ibyoroheje. Ntimukiyite abanyabwenge. Abaroma 12: 15-16.

Mujye mwishimira mu Mwami wacu iminsi yose. Yewe, nongeye kubivuga nti 'Mwishime!' Ineza yanyu imenywe n’abantu bose, Umwami wacu ari bugufi. Abafilipi 4: 3-5.

Ahubwo mubanze mushake ubwami bw’Imana no gukiranuka kwayo, ni bwo ibyo byose muzabyongerwa. Matayo 6:33.

Dore imbaraga dukeneye

Iyi ntambara ishobora gusa naho itoroshye kandi rwose ushobora kumva urengewe n’ibishuko, ariko nturi wenyine! Yesu Kristo ubwe nirwo rugero rwacu rukomeye. Niwe dukwiye kwigiraho! Mu rugamba urimo kurwana, ibuka iyi mirongo, kandi usenge kugira ngo uyikoreshe ubashe gutsinde ishyari:

Kuko tudafite umutambyi mukuru utabasha kubabarana natwe mu ntege nke zacu, ahubwo yageragejwe uburyo bwose nkatwe, keretse yuko atigeze akora icyaha. Nuko rero, twegere intebe y’ubuntu tudatinya, kugira ngo tubabarirwe tubone ubuntu bwo kudutabara mu gihe gikwiriye. Abaheburayo 4: 15-16.

Kuko ubwo yababajwe no kugeragezwa ubwe, abasha no gutabara abageragezwa bose. Abaheurayo 2:18.

Ari ku ntebe y’ubuntu niho uzakira imbaraga ukeneye zo guhagarara ushikamye mu bigeragezo maze uneshe. Umutambyi mukuru wimpuhwe azagufasha mu bigeragezo byawe!

Ubutumwa bw’umusaraba n’imbaraga zubukiriro, kandi Yesu yatwoherereje Umwuka Wera kugira ngo adufashe kandi atuyobore, maze aduhe imbaraga zo kwiyanga no gutsinda ishyari, n’ikindi cyaha icyo ari cyo cyose:

yiringira yuko na byo bizabaturwa kuri ubwo bubata bwo kubora, bikinjira mu mudendezo w’ubwiza bw’abana b’Imana. Abaroma 8:26.

Ndavuga nti 'Muyoborwe n’Umwuka', kuko ari bwo mutazakora ibyo kamere irarikira, Abagalatiya 5: 16-17.

Nuko rero bene Data, turi mu mwenda ariko si uwa kamere y’imibiri yacu ngo dukurikize ibyayo, kuko niba mukurikiza ibya kamere y’umubiri muzapfa, ariko nimwicisha Umwuka ingeso za kamere muzarama. Abaroma 8: 12-13.

Umusaruro w’urugamba rwo kurwanya ishyari

Iyo dukoresheje inkota y’ijambo ry’Imana mukumvira Umwuka Wera, dutsinda ishyari kandi Imana ihita irema ikintu gishya muri twe: Duhinduka abagira ubuntu, urukundo, twuzuye imigisha kandi tunezezwa n’abishimye, tukababarana n’abababaye!

Ariko rero imbuto z’Umwuka ni urukundo n’ibyishimo n’amahoro, no kwihangana no kugira neza, n’ingeso nziza no gukiranuka,no kugwa neza no kwirinda. Ibimeze bityo nta mategeko abihana. Aba Kristo Yesu babambanye kamere, n’iruba n’irari byayo.

Niba tubeshwaho n’Umwuka tujye tuyoborwa n’Umwuka. Abagalatiya 5: 22-25.

Ariko ubwenge buva mu ijuru, irya mbere buraboneye kandi ni ubw’amahoro, n’ubw’ineza, bwemera kugirwa inama, bwuzuye imbabazi n’imbuto nziza, butarobanura ku butoni kandi butagira uburyarya. Kandi imbuto zo gukiranuka zibibwa mu mahoro n’abahesha abandi amahoro. Yakobo 3: 17-18.

Koresha ibi byanditswe byera maze utsinde ishyari, uzakuramo imbaraga maze uhabwe kubaho mu bushake bw’Imana. Turemeza tudashidikanya ko uzabera abantu umugisha mu bihe byose! Amena!

Wareba n’iyi nyigisho: Inzira yo gukira ibyaha byo mu maraso ( Kwangana, gutongana, ishyari, umujinya n’amahane)

Source: ActiveChristianity.org

[email protected]