Category: Uncategorized

Ni amakuru Umuvugizi wa RIB, Dr Murangira B. Thierry, yatangarije IGIHE, kuri uyu wa Gatatu tariki 16 Mata 2025.

Ati 'Nibyo koko Ntazinda Erasme arafunzwe bishingiye ku iperereza riri kumukorwaho. Nta byinshi twavuga kugeza ubu, kwirinda ko byabangamira iperereza.”

Ntazinda yatawe muri yombi nyuma y'icyemezo Inama Njyanama y'Akarere ka Nyanza yafashe cyo kumuhagarika ku nshingano zo kuyobora ako Akarere.

Umuyobozi w'Inama Njyanama y'Akarere ka Nyanza, Mukagatare Judith, yabwiye IGIHE ko ihagarikwa rya Ntazinda rishingiye ku myitwarire mibi yagiye imuranga nubwo atasobanuye iyo ariyo.

Ntazinda yari ayoboye Akarere ka Nyanza muri manda ya kabiri, nyuma y'uko mu matora yo mu 2021 yongeye gutorerwa kuyobora ako karere yari amaze imyaka itanu abereye umuyobozi.

Ntazinda wayoboraga Akarere ka Nyanza yafunzwe nyuma y’amasaha make akuwe ku mwanya we

Byatangajwe kuri uyu wa 16 Mata 2025 ubwo hatangazwaga ibyavuye mu bushakashatsi bwa karindwi ku mibereho rusange y'ingo mu Rwanda.

Ingo zo mu mijyi zifite amashanyarazi zageze kuri 88% zivuye kuri 76%, mu gihe izo mu cyaro zifite amashanyarazi zageze kuri 65% zivuye kuri 25%.

Umuyobozi Mukuru wa NISR, Yvan Murenzi yavuze ko uwo musaruro ari ikintu gishimishije cyane, ndetse agaragaza ko hakozwe umurimo ukomeye mu bijyanye no kwegereza abantu amashanyarazi, bigeze ku bo mu bice by'icyaro biba akarusho.

Ati 'Twavuye kuri 25% tugera kuri 65% by'ingo zigerwaho n'amashanyarazi mu cyaro. Ni ikintu gikomeye cyane mu kugeza serivisi z'ibanze ku bafatanyabikorwa abo mu byaro badasigaye.'

Murenzi yagaragaje ko ibyo bigaragaza uburyo imishinga itandukanye ifasha mu kugeza ku baturage serivisi z'ibanze iri gushyirwa mu bikorwa mu buryo bunoze.

Uyu muyobozi kandi yavuze ko ikindi barangamiye ari ukugeza ku baturage serivisi z'ibanze hashingiwe ku bushobozi bwabo, hagaherwa ku bakennye cyane kugeza bafashijwe kubuvamo.

Ati 'Nureba urabona ko amashanyarazi yageze ku bakennye. Murabona ko umubare w'ingo zagejejwejo amashanyarazi wikubye ariko biba akarusho bigeze ku bakennye cyane.'

Muri ubu bushakashatsi kandi byagaragajwe ko ingo zigerwaho n'amazi meza zageze kuri 90%, zivuye kuri 87%, abakoresha ingufu zitangiza mu guteka bageze kuri 5%.

Ingo zo mu Rwanda zifite sima cyangwa amakaro mu nzu ni 39%, izifite telefoni ni 85%, izikoresha internet ni 30%, abarangiza amashuri abanza bari hagati y'imyaka 14 na 16 ni 42%.

Mu bindi byagaragajwe n'ubu bushakashatsi ni uko amafaranga Umunyarwanda akeneye ku mwaka mu kubona ibyo kurya n'ibindi nkenerwa ari 560.127 Frw.

Ubukene mu Banyarwanda bwageze kuri 27,4% buvuye kuri 39,8% mu 2017, mu gihe ingo miliyoni 1,5 zavuye mu bukene, bingana n'igabanyuka rya 12,4%. Kugeza ubu ubukene bukabije bugeze 5,4%.

Minisitiri w’Intebe, Dr Ngirente Edouard na we ari mu bitabiriye imurikwa ry’ibyavuye mu bushakashatsi bwa karindwi ku mibereho rusange y'ingo mu Rwanda

Minisitiri w’Imari n’Igenamigambi, Yusuf Murangwa na we yitabiriye

Umuyobozi Mukuru wa NISR, Yvan Murenzi mu bitabiriye imurikwa ry’ibyavuye mu bushakashatsi bwa karindwi ku mibereho rusange y'ingo mu Rwanda

Abayobozi batandukanye bitabiriye igikorwa cyo kumurika ibyavuye mu bushakashatsi bwa karindwi ku mibereho rusange y'ingo mu Rwanda

Abiyemeje gufatanya n'abandi kubaka u Rwanda ni abateraniye mu itorero riri kubera mu kigo cya Hanika TSS giherereye mu Murenge wa Busasamana, Akarere ka Nyanza, mu ntego yo kwimakaza ubumwe, ubwiyunge n'ubudaheranwa.

Bahujwe kandi mu buryo bwo kumenyeshwa uruhare rwabo mu kurandura burundu ingengabitekerezo ya Jenoside no mu iterambere ry'igihugu.

Ni amahugurwa batangiye kuva ku wa 13 akazageza ku wa 16 Mata 2025, aho mu nyigisho bagenerwa zigaruka ku mateka, isenyuka ry'ubumwe bw'Abanyarwanda, mu bihe bya gikoloni na repubulika ya mbere n'iya kabiri, ndetse n'ingamba zafashwe mu kongera kubwubaka nyuma ya Jenoside yakorewe Abatutsi.

Bamwe mu bitabiriye iri torero bavuze ko uko babona u Rwanda muri iki gihe bibanezeza. Bahize ko na bo bazakomeza gufata inshingano zo gusigasira ibyiza igihugu kigezeho no kugira uruhare mu kubyongera.

Nyiraminani Valérie yabwiye IGIHE ati “Nari mfite impungenge z'ukuntu nzakirwa mu muryango ariko rwose banyakiriye neza, kandi iri torero riri kunyereka ko mfite agaciro mu muryango nyarwanda ndetse ko n'umusanzu wanjye mu iterambere ari ingirakamaro.”

Mugenzi we Rusunika Edouard, ati “Twakoze amahano, ariko twemeye guhinduka. Iri torero riratwibutsa ko ubwiyunge bushoboka, kandi ko tugomba kubiba imbuto z'amahoro aho dutuye, tukarwanya ingebitekerezo ya Jenoside kugira ngo u Rwanda tuzaraga abana bacu ruzabe ari rwiza.'

Umuyobozi w'Akarere ka Nyanza, Ntazinda Erasme, yasabye abitabiriye kwitandukanya n'amateka mabi, ahubwo bakagira uruhare mu rugendo rwo kubaka u Rwanda rwunze ubumwe.

Yagize ati” Kugaruka mu muryango nyarwanda ni amahirwe, ariko ni n'inshingano. Umuntu wafunguwe arangije ibihano ku cyaha cya Jenoside agomba kuba icyitegererezo mu kurwanya ingengabitekerezo ya Jenoside, akaba umusemburo w'ubwiyunge aho atuye.'

Yababwiye ko batumiwe ngo bafatanye kubaka u Rwanda rwiza ruzira amacakubiri, ruzira Jenoside aho umuntu aryama agasinzira azi ko ntawe umuhiga.

Abitabiriye iri torero baratozwa imiyoborere myiza, ihungabana n'isanamitima, Ndi Umunyarwanda, ndetse n'uburyo bwo kubana neza n'abo bahemukiye no kwiteza imbere binyuze mu bufatanye n'umuryango nyarwanda wose.

Abari mu Itorero ni abafunguwe guhera 2018, bose hamwe bakaba ari 159, barimo abagore icyenda, bose bari barahamijwe ibyaha bya Jenoside bakanabihanirwa.

Abasoje ibihano bijyanye no kugira uruhare muri Jenoside biyemeje kubaka u Rwanda ruzira amacakubiri

Abitabiriye iri torero bavuze ko bongeye kubona ko igihugu kikibakunda nubwo bagihemukiye bikabije

Umuyobozi w’Akarere ka Nyanza, Ntazinda Erasme, yasabye abari mu itorero kwirinda gusobanya n’abandi basanze mu rugamba rwo kubaka igihugu

Umukuru w'Igihugu yakiriye itsinda ryari riyobowe n'uyu Mugaba Mukuru w'Ingabo za Ethiopia ku mugoroba wo ku wa 15 Mata 2025, nk'uko Ibiro by'Umukuru w'Igihugu byabitangaje.

Ni nyuma y'uko Perezida Kagame yakiriye ubutumwa bwa mugenzi we uyobora Sénégal, Bassirou Diomaye Faye, bwazanywe na Minisitiri ushinzwe kwishyira hamwe kwa Afurika n'Ububanyi n'Amahanga, Yassine Fall.

Uruzinduko rwa Field Marshal Birhanu Jula rwatangiye ku wa 13 rukazageza ku wa 16 Mata 2025.

Akiza yabanje guhura n'Umugaba Mukuru w'Ingabo z'u Rwanda, Gen Mubarakh Muganga, anaganira na Minisitiri w'Ingabo, Juvenal Marizamunda.

Nyuma yasuye Urwibutso rwa Jenoside rwa Kigali ruri ku Gisozi yunamira inzirakarengane zihashyinguye, ndetse asobanurirwa amateka arambuye ya Jenoside yakorewe Abatutsi.

Yanasuye Ingoro y'Amateka y'Urugamba rwo Guhagarika Jenoside iri mu Ngoro y'Inteko Ishinga Amategeko, asobanurirwa byinshi mu bikorwa by'Ingabo zari iza RPA zahagaritse Jenoside yakorewe Abatutsi mu 1994.

Uruzinduko rwa Field Marshal Birhanu Jula ni amahirwe yo kurushaho gushimangira ubufatanye bumaze igihe kirekire hagati y'ingabo z'impande zombi no kuganira ku mahirwe mashya y'ubufatanye ashobora kubonekamo.

Uyu muyobozi yasuye u Rwanda nyuma y'uko ku wa 13 Werurwe 2025, Umugaba Mukuru w'Ingabo z'u Rwanda Gen Mubarakh Muganga yari muri Ethiopie, mu ruzinduko rwasize hasinywe amasezerano y'ubufatanye mu bya gisirikare.

Ni amasezerano yo kwagura imikoranire yasinywe mu ruzinduko Gen Muganga we n'itsinda yari ayoboye bari bari kugirira muri Ethiopia.

Gen Muganga n'itsinda bari kumwe basuye icyicaro gikuru cy'Ingabo za Ethiopia ari na ho ayo maseserano yashyiriweho umukono.

Umubano mu bya gisirikare w'u Rwanda na Ethiopia umaze imyaka irenga 20, aho bifatanya mu guhugura abasirikare. Kuri ubu ubwo bufatanye bwagukiye no muri Polisi z'ibihugu byombi.

Uretse ubufatanye bw'ingabo na polisi kandi, u Rwanda na Ethiopia bafitanye umubano ushingiye ku butwererane mu nzego zirimo ubuhinzi, ubucuruzi, uburezi n'izindi.

Mu myaka irindwi ishize kandi u Rwanda na Ethiopia byasinyanye amasezerano y'ubufatanye kuri serivisi z'ingendo zo mu kirere, bituma sosiyete z'ubwikorezi bwo mu kirere za RwandAir na Ethiopian Airlines bikorana nta nkomyi.

Perezida Kagame yakiriye itsinda riyobowe n’Umugaba Mukuru w'Ingabo za Ethiopia, Field Marshal Birhanu Jula, riri mu ruzinduko rw’akazi mu Rwanda

Mu mujjyi wa Brirmingham kuri Villa Park Ikipe ya Aston Villa yari yakiriye Paris Saint-Germain mu mukino wo kwishyura wa ¼ muri UEFA Champions League. Ni umukino Aston Villa yari imbere y'abakunzi bayo ishaka gutsinda kuko umukino wari wabanje PSG yari yatsinze Aston Villa ibitego 3-1.

Umukino wo kwishyura watangiye Paris-Saint Germain iri gukinana imbaraga zivanze n'ubwenge budasanzwe maze ku munota wa 11 Ashraf Hakimi afungura amazamu nyuma yo kwisanga arebana n'umuzamu wa Aston Villa.

Imbaraga za Paris Saint Germain zagumye kuzamuka uko umukino wigiraga imbere. Ku munota wa 28 Osmane Dembere yafashe icyemezo azamukana umupira maze awuzamuye mu rubuga rw'amahina usanga umunya Portugal Nuno Mendes nawe ukina yugarira aba atsinze igitego cya kabiri cya PSG.

Aston Villa ikimara gutsindwa ibitego bibiri, abakinnyi bayo barimo Marcus Rashford bagumye kureba ko nabo bakoramo bakareka gusuzugurirwa mu rugo ariko PSG iguma guhagarara neza. 

Ku munota wa 34 nyuma y'uko John McGin yari akinanye neza na Youri Tiermanns, Youri yateye umupira maze William Pacho wa PSG arawuyobya ujya mu izamu igitego cya Aston Villa kiraboneka.

Ibitego 2 bya Paris Saint Germain kuri kimwe cya Aston Villa ni byo byasoje igice cya mbere maze PSG igira igiteranyo cy'ibitego bitanu kuri bibiri bya Aston Villa.

Igice cya kabiri cyagarukanye imbaraga zo ku rwego rwo jehuru ku ruhande rwa Aston Villa maze ku munota wa 55 John McGin atsinda igitego cya kabiri cya Aston Villa. 

Ku munota wa 58 Marcus Rashford yacenze abakinnyi bose ba PSG maze atanga umupira kwa Ezri Konsa aba abonye igitego cya gatatu cya Aston Villa maze ibintu bihindura isura kuri Villa Park.

Aston Villa yakomeje guhiga igitego cya kane biranga. Umutoza Unai Emery yahisemo gukora impinduka maze Marcus Rashford aha umwanya Ollie Watkins naho Ross Bakery asimbura Youri Tiermans ariko kubona igitego cya kane biguma kugorana.

Umukino warangiye ari ibitego bitatu bya Aston Villa kuri bibiri bya Paris Saint Germain, maze Paris Saint Germain igera muri kimwe cya kabiri ku giteranyo cy’igitego 5 kuri 4 bya Aston Villa.
 

Hakimi yatangiye afungura amazamu ku ruhande rwa PSG

Abakinnyi ba PSG bagowe n’umukino wa ASton Villa

Rashford mu bakinnyi bafashije Aston Villa

Ku rundi ruhande Brussia Dortmund yari yakiriye FC Barcelona mu mukino wo kwishyura. Ni umukino Brussia Dortmund yatangiranye imbaraga zo ku rwego rwo hejuru ishaka kureba ko yatsinda umukino kuko umukino ubanza yari yatsinzwe na FC Barcelona ibitego 4-0.

Imbaraga za Brussia Dortmund zatumye ku munota wa 11 ibona igitego cyatsinzwe na Serhou Guirassay kuri Penaliti. Igitego cya Dortmund ni nacyo cyasoje igice cya mbere maze igiteranyo gisigara ari ibitego 4 bya FC Barcelona kuri 1 cya Brussia Dortmund.

Igice cya kabiri cyagarutse Brussia Dortmund ikinana imbaraga zo ku rwego rwo hejuru maze Serhou Guirassay arongera ayibonera igitego cya kabiri ku munota wa 49. 

Ibyo bikimara kuba, FC Barcelona yahise yiminjiramo agafu bidatsinze ku munota wa 54 Ramy Bensebain aba yitsinze igitego ubwo FC Barcelona iba ibonye igitego kimwe.

Ku munota wa 76 Serhou Guirassay wari wagoye FC Barcelona yongeye gutsinda igitego cya gatatu maze abakunzi ba FC Barcelona bakomeza gutegereza ikiza kuva mu mukino cyane ko ibitego hamwe byari bimaze kuba 5 bya Barca kuri 3 bya Brussia Dortmund.

Umukino warangiye ari ibitego 3 bya Dortmund kuri kimwe cya FC Barcelona maze Barcelona igera muri 1/2 ku giteranyo cy’ibitego 5-3.

Serhou Guirassy yihereranye FC Barcelona ayitsinda ibitego bitatu

FC Barcelona yakatishije itike ya 1/2 cy’irangiza muri Champions League

Abantu benshi bakoresha amazina y'amahimbano ku mbuga nkoranyambaga, bigatuma batinyuka kuvuga no gukwirakwiza amagambo cyangwa ibitekerezo bitemewe, birimo no guhakana Jenoside yakorewe Abatutsi, kuyipfobya cyangwa gukwirakwiza urwango. 

Amagambo n'amashusho abiba ingengabitekerezo ya Jenoside ashobora kugera ku bantu benshi mu gihe gito, cyane cyane binyuze kuri YouTube, Facebook, X (Twitter), WhatsApp n'izindi.

Hari abantu cyangwa amatsinda yifuza guhindura amateka, bagakoresha imbuga nkoranyambaga bashaka kugaragaza Jenoside yakorewe Abatutsi nk'iyabaye hagati y'amoko abiri, cyangwa se bavuga ko itateguwe, nyamara bikaba bihabanye n'ukuri kwemejwe n'Isi yose.

Bamwe mu bahakana Jenoside yakorewe Abatutsi, baba hanze y'u Rwanda, aho rimwe na rimwe baba bafite ubufasha cyangwa uburenganzira bwo kuvuga ibyo bashaka, ibi bikabaha umudendezo wo gukwirakwiza ingengabitekerezo ya Jenoside.

Nubwo hari amategeko abihana, hari igihe bitinze cyangwa bikagorana gukurikirana abakoze ibyaha byo kuri internet, cyane iyo baba hanze y'igihugu.

Gusa u Rwanda rwashyizeho amategeko ahana ingengabitekerezo ya Jenoside, ndetse n'inzego z'ubugenzacyaha zikomeje gukurikirana ababikora.

Kuri uyu wa Mbere tariki 14 Mata 2025, Umuvugizi w'Urwego rw'Igihugu rw'Ubugenzacyaha, Dr Murangira B. Thierry yabwiye Televiziyo Rwanda ko mu Cyumweru cy’Icyunamo abantu 87 batawe muri yombi bakekwaho ibyaha by’ingengabitekerezo ya Jenoside yakorewe Abatutsi n’ibyaha bifitanye isano na yo.

Yavuze ko mu Cyumweru cy'Icyunamo cyo kwibuka Jenoside yakorewe Abatutsi, hakiriwe dosiye 82 z'abakurikiranyweho ibyaha birimo ingengabitekerezo ya Jenoside, ivangura no gupfobya Jenoside yakorewe Abatutsi.

Icyaha cyo guhohotera uwacitse ku icumu rya Jenoside yakorewe Abatutsi ni cyo kiri ku isonga kuko habonetsemo ibyaha 36, gupfobya Jenoside yakorewe Abatutsi ni ibyaha 16, ingengabitekerezo ya Jenoside habonetse ibyaha 11.

Muri dosiye z'abakurikiranyweho ibyaha by'ingengabitekerezo ya Jenoside uko ari 82, icyo guhohotera uwacitse ku icumu rya Jenoside yakorewe Abatutsi ni cyo kiganje ku kigero cya 45, 6%, gupfobya Jenoside yakorewe Abatutsi ni 0, 3%; 

Ingengabitekerezo ya Jenoside ni 13, 9%, guhakana Jenoside yakorewe Abatutsi ni 11, 9%, kuzimiza cyangwa gutesha agaciro ibimenyetso byerekeye Jenoside yakorewe Abatutsi ni 5, 1% no guha ishingiro Jenoside yakorewe Abatutsi ni 3.8%.

Polisi iragenzura kugeza no kuri 'Like' wakanze ku butumwa bw'abandi

Ukwezi kwa Kane (Mata) kwihariye hafi 40% y’ibyaha bikorwa by’ingengabitekerezo ya Jenoside n’ibyaha bifitanye isano nayo, ugereranyije n’andi mezi. 

Mu myaka itandatu ishize (2019-2024), ukwezi kwa Kane niko gukorwamo ibyaha byinshi, hagarukiraho n’ukwezi kwa Gatanu.

Isesengura rigaragaza ko biterwa ahanini no kuba ukwezi kwa Kane kuba ari igihe kiremereye kuri bamwe, ku buryo abifitemo ingengabitekerezo ya Jenoside babifata nk’igihe cyo gutoneka uwakorotse Jenoside yakorewe Abatutsi.

Ni nabwo n’abantu bakoresha imbuga nkoranyambaga bahaguruka bakagaragaza ibibarimo, ndetse ntibigarukira ku banyarwanda gusa, kuko hari n’abo mu mahanga babonekaho amagambo yo kubiba ingengabitekerezo ya Jenoside.

Umuvugizi wa Polisi y’u Rwanda, ACP Boniface Rutikanga aherutse kubwira Televiziyo Rwanda ko mu iperereza bakoze basanze bamwe mu bantu babarizwa mu Rwanda bijandika mu byaha by’ingengabitekerezo ya Jenoside boshywa n’abantu baba mu mahanga bakabizeza amafaranga.

Ati “Mu iperereza twagiye dukora hamwe n’abandi, usanga abamwoshya kuvuga ubwo butumwa ni n’abantu bari hanze y’Igihugu […]”

ACP Boniface yavuze ko mu rwego rwo kugenza ibyaha bijyanye n’ingengabitekerezo ya Jenoside n’ibifatanye isano, bagenzura kugeza no ku muntu wakanze ‘Like’ ku butumwa bwanditswe n’undi muntu.

Yagize ati “Reka nibutse urubyiruko, ibitekerezo bipfobya, bihakana, bifite gukwirakwiza urwango, kariya ka ‘Like’, ‘Retweet’, ‘Post’ na ‘share’ bivuze ko wemeranyije mu by’ukuri kuri iki/icyo gitekerezo. Nabyo birahagije ko twagukurikirana. Ibi ngibi ubihagazeho? Urabishyigikiye? Ni cyo bivuze.”

Akomeza agira ati “Niba se mvuze igitekerezo gipfobya Jenoside hanyuma ugakanda ‘Like’ bivuze iki? Bivuze ko tubyumva kimwe. Ndagira ngo mbabwire aho tugera, tugera n’aho. Ni ukuvuga y’uko iryo sesengura turarikora, tukareba wowe wihuje gute na biriya bitekerezo.”

Yavuze ko iyo bazi umuntu baramuhamazaga cyangwa se bakamushakisha. Ati “Iyo tukuzi turaguhamagaza, cyangwa se tukagushakisha. Ugomba kutubwira izi mvugo twebwe tubona nk’ikibazo wowe uzishyigikiye ute? Mu ruhe rwego? 

Bivuze ko nawe aba yagiye mu mujyo wo gukwirakwiza, gushyigikira, guhakana Jenoside, gupfobya Jenoside, cyangwa urwango ndetse no kubikwirakwiza. Ubwo bivuze ko uhagararanye n’uwo nguwo turiho dushakisha cyangwa tubona ko ari ikibazo.”

ACP Boniface yavuze ko bagenzura ibitambuka ku mbuga nkoranyambaga zose, aboneraho gusaba buri wese kwirinda no kwitandukanya n’ababiba ingengabitekerezo ya Jenoside.

Inkuru wasoma: MINUBUMWE yavugutiye umuti abapfobya Jenoside yakorewe Abatutsi bitwikiriye imbuga nkoranyambaga

Hari icyizere ku guhangana abitwikira imbuga nkoranyambaga

Mu kiganiro n'itangazamakuru, cyo ku wa 3 Mata 2025, Minisitiri w’Ubumwe bw’Abanyarwanda n’Inshingano Mboneragihugu, Jean-Damascène Bizimana, yavuze ko Guverinoma iri gukora uko ishoboye mu biganiro bigamije kuganira n’ibigo bifite mu nshingano imbuga nkoranyambaga kuko zinyuzwaho amagambo yo guhakana akanapfobya Jenoside yakorewe Abatutsi, kugira ngo ababikora bahanwe.

Yavuze ko hari amategeko agenga itangazamakuru n’isakazamakuru, bityo ko rireba n’abakoresha imbuga nkoranyambaga ‘iyo baryishe barahanwa’. Ati “Ku bari mu Rwanda babikurikiranwaho.”

Minisitiri Bizimana yavuze ko mu gushaka gukemura iki kibazo mu buryo bwa burundu, batangiye ibiganiro n’abafite mu nshingano izi mbuga nkoranyambaga, kugira ngo buri wese ukwiza urwango akumirwe.

Ati: “Icyo turi gukora, ni ukuganira na banyiri imbuga ku rwego mpuzamahanga kugira ngo abanyuzaho ibiganiro byigisha urwango, banyuzaho ibiganiro bihakana Jenoside yakorewe Abatutsi, ibyo biganiro na byo bijye bishobora gukurikiranwa, na ba nyiri izo mbuga, kuko ziriya mbuga zose zigira amategeko n’amabwiriza bigenderaho.”

Yavuze ariko ko hari imbogamizi, zituma ubusabe bwabo budahita bwubahirizwa, kuko abenshi mu bapfobya Jenoside yakorewe Abatutsi, bakoresha ururimi rw’Ikinyarwanda, bityo ba nyiri imbuga ntibumve neza icyo bo bashakaga kuvuga.

Ati: “Ikibazo aho tugifite ni uko batugaragariza y’uko batumva Ikinyarwanda (Ba nyiri imbuga) ku buryo badashobora kumenya ibiganiro byanyuzeho, ibikubiye muri ibyo biganiro kugira ngo bumve ibibi byabo.”

Yavuze ko iki cyuho cyo kuba abafite imbuga nkoranyambaga batumva neza Ikinyarwanda, bituma abantu bidedembya ku mbuga nkoranyambaga nka Youtube na Facebook, bakanyuzaho urwango.

Ati: “Urwango banyuzaho ntabwo ba nyiri imbuga barumenya. Urumva rero natwe bidusaba ubushobozi. Guhindura mu kinyarwanda izo mvuga zose, ibiganiro batanga buri munsi, kuri izo shene zose, ntabwo ari ikintu cyoroshye.

Ariko tuzakomeza kubikoraho kugirango ibiganiro byigishe urwango, hari ababigize inzira y’amaramuko, tuzakomeza gukomeza gukurikirana na banyiri izo mbuga kugirango bakurikiranywe.”

Yavuze ariko ko ibi bitabuza abantu gutanga ibitekerezo, kuko ni ikintu na Guverinoma y’u Rwanda yemera, ariko kandi ibitekerezo byigisha urwango, bipfobya Jenoside yakorewe Abatutsi ‘biba byabaye icyaha’.

Ati: “Icyo gihe rero ntabwo bigomba kwihanganirwa. Iyo nzira niyo igomba gukoreshwa.”

Minisitiri Bizimana yashishikarije kandi Abanyarwanda kumenya gukoresha neza imbuga nkoranyambaga, bakirinda gutukana, ahubwo buri wese akagaragaza igitekerezo cye mu bwisanzure.

Umuvugizi wa Polisi y’Igihugu, ACP Boniface Rutikanga, yatangaje ko mu kugenza ibyaha by'ingengabitekerezo ya Jenoside n'ibifatanye isano nayo, bakurikirana ubutumwa bwanditswe n'ibindi kugeza no ku muntu wakanze 'Likes' agaragaza ko yakunze ubwo butumwa cyangwa se yemeranya n'ibyanditswe

Minisitiri w’Ubumwe bw’Abanyarwanda n’Inshingano Mboneragihugu, Jean-Damascène Bizimana, aherutse gutangaza ko Guverinoma iri gukora uko ishoboye mu biganiro bigamije kuganira n’ibigo bifite mu nshingano imbuga nkoranyambaga kuko zinyuzwaho amagambo yo guhakana akanapfobya Jenoside yakorewe Abatutsi, kugira ngo ababikora bahanwe

KANDA HANO UREBE IKIGANIRO KIGARUKA KU BYAMAMARE BYATANZE UBUTUMWA MU #KWIBUKA31 NYUMA BAGASABA IMBABAZI