Category: Uncategorized

Musabyemahoro w'imyaka 15 yakubiswe kuri Noheli, ubwo we na mugenzi we bafatwaga na Gitifu abakukiranyeho gutera amabuye imodoka ye ubwo yari mu bikorwa byo gukurikirana uko amabwiriza yo kwirinda COVID-19 yubahirizwa.

Uyu mwana yakubitiwe mu Mudugudu wa Kanto II, Akagari ka Saga, Umurenge wa Muganza mu Karere ka Gisagara.

Amakuru yatanzwe n'abatangabuhamya bari bahari biba bavuga ko ku wa 25 Ukuboza 2020 uwo Gitifu yafashe abana babiri, abafungira mu biro by'Umurenge wa Mukindo, arabakubita.

Umwe yagize ati 'Yabafashe abahora ko bateye imodoka amabuye no kutubahiriza amabwiriza ya COVID-19.''

Nyuma y'iminsi ibiri, umwe mu bana bakubiswe yitabye Imana ndetse abari bahari bakeka ko urwo rupfu rwaba rufitanye isano n'inkoni yakubiswe.

Umuvugizi w'Umusigire w'Urwego rw'Igihugu rw'Ubugenzacyaha, RIB, Dr Murangira B. Thierry, yabwiye IGIHE ko Gitifu ukekwaho uruhare mu rupfu rwa Musabyemahoro yafashwe.

Ati 'RIB ya Gisagara yahawe amakuru ko Etienne Musabyemahoro w'imyaka 15 mwene Sibomana Paul na Nyiratebuka yitabye Imana. RIB yihutiye kuhagera hanyuma umurambo woherezwa muri Laboratwari y'u Rwanda y'ibimenyetso bishingiye ku bumenyi n'ubuhanga bikoreshwa mu butabera (RFL) ku Kacyiru kugira ngo ukorerwe isuzuma rigamije kugaragaza icyo yazize.''

Yavuze ko mu gihe iperereza rirakomeje ngo hagaragazwe ukuri nyako kw'icyateye urupfu rw'uwo mwana, 'Gitifu w'umurenge yatawe muri yombi'.

Ati 'Mu ibazwa ry'ibanze Umunyamabanga Nshingwabikorwa w'Umurenge wa Mukindo yemera ko yamukubise ariko ngo ntiyamukubise ku buryo byamuviramo gupfa.''

Uyu muyobozi wahoze ayobora Umurenge wa Musha yasimbuye Rutaganda Jean Félix wari Umunyamabanga Nshingwabikowa w'Umurenge wa Mukindo, na we wafunzwe na RIB ku wa 25 Kanama 2020.

Rutaganda yari muri dosiye imwe n'abantu barindwi bakurikiranyweho ibyaha bitandatu birimo gufunga umuntu binyuranyije n'amategeko, gukubita cyangwa gukomeretsa ku bushake. Nyuma yaje gufungurwa n'Ubushinjacyaha, akurikiranwa ari hanze.

Gitifu w'Umurenge wa Mukindo akurikiranyweho icyaha gihanwa n'ingingo ya 121 iteganya ko umuntu wese, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha.

Iyo gukubita cyangwa gukomeretsa byateye urupfu, igihano kiba igifungo kitari munsi y'imyaka 15 ariko kitarenze imyaka 20 n'ihazabu y'amafaranga y'u Rwanda atari munsi ya miliyoni 5 Frw ariko atarenze miliyoni 7 Frw.

Uyu mwana yakubitiwe mu Mudugudu wa Kanto II, Akagari ka Saga, Umurenge wa Muganza mu Karere ka Gisagara ku itariki 25/12/2020 yitaba Imana tariki 27/12/2020 bikaba bikekwa ko urupfu rwe rufitanye isano no gukubitwa.

— Rwanda Investigation Bureau (@RIB_Rw) December 28, 2020

Kuwa 27 Ukuboza nibwo Minisiteri y'Ubuzima yatangaje ko hari abagororwa 103 bo muri Gereza ya Huye bagaragayeho ubwandu bwa Covid-19. Nyuma abanduye bagiye bagaragara no mu zindi gereza zirimo iya Ngoma n'iya Musanze.

Uyu mubare w'abandura muri izi gereza uje ukurikira abandi bari bagaragaye muri Gereza ya Rwamagana, Muhanga na Mageragere mu kwezi gushize.

Umuvugizi wa RCS, SSP Pelly Gakwaya Uwera mu kiganiro yagiranye na RBA kuri uyu wa Kabiri, yavuze ko kugeza ubu abagororwa bo muri Gereza za Rwamagana, Muhanga n'iya Mageragere bari baragaragaweho iki cyorezo bakize.

Gusa nubwo bimeze uku, hari abakirwaye bo muri Gereza za Huye, Ngoma n'iya Musanze.

SSP Pelly Gakwaya yavuze ko mu barwaye bose nta n'umwe urembye. Ati 'Ntawe dufite urembye, ntawe dufite wabona ngo ubone ko arwaye ariko mu by'ukuri ubwirinzi bwo ni bwa bundi burimo gukaraba no kugira isuku […] bose nta muntu ugaragaza ko arwaye ngo ubone ararembye.'

Yakomeje avuga ko ugaragaweho iki cyorezo ashyirwa ahantu hihariye kugira ngo atanduza abandi.

Ati 'Hari aho bateguriye ugaragayeho uburwayi, bari mu kato ahantu habo hihariye baritabwaho kimwe n'abandi Banyarwanda muri rusange kandi turakaza ingamba zo kwirinda kuko bugeze (ubwandu) muri bariya bantu bose byaba ari ikibazo.'

Akomoza ku gishobora kuba ari intandaro y'ubwandu bwa Covid-19 mu magereza, Gakwaya yavuze ko batarakimenya neza kuko ibikorwa byose byatumaga abagororwa bajya hanze byahagaze ariko yemeza ko bakeka byaba ari ababazanira ibiryo n'aho abagororwa bajya kwivuriza iyo bibaye ngombwa.

Ati 'Imirimo yose yarahagaze imirimo yo hanze twarayihagaritse rero kuba ubwandu buhagera uravuga uti se ni iki kidakorwa, abatugemurira ibiribwa by'abagororwa baturuka hanze ya gereza, umugororwa urwaye indwara isanzwe ajyanwa mu bitaro bivurirwamo abandi banyarwanda muri rusange, iyo tubona atakiri ku rwego rwo kuvurirwa muri Gereza.'

'Kugeza ubu numva Minisiteri y'Ubuzima ifatanyije n'Ikigo cy'Igihugu cy'Ubuzima bazatubwira neza ariko mu byukuri njyewe aho ngaho numva ariho umuntu yashakishiriza kuko muri gereza ntabwo tugikora ibindi bintu byo hanze.'

Perry Gakwaya yasabye abantu kudacikamo igikuba igihe bumvise ko hari ubwandu bwa Covid-19 bwageze muri gereza, yemeza ko ari nk'uko bwagera ahandi hose bidaterwa n'uko badashyira mu bikorwa ingamba zo kwirinda iki cyorezo.

Kugeza ubu abamaze kwandura Covid-19 mu Rwanda bagera ku 8021, mu gihe abo imaze guhitana bagera kuri 75.

RCS yatangaje ko nta mugororwa wanduye Covid-19 urembye

Muri uyu mukwabu, ubuyobozi bwafashe abantu 23 bagaragaye muri ibyo bikorwa, barimo abakobwa bemera ko bijanditse mu bikorwa by'ubwambuzi ndetse n'abandi bemera ko ari abajura ariko bifuza kubireka.

Mu kiganiro na IGIHE, bamwe mu bafatiwe muri ibi bikorwa twaganiriye batubwiye ko bashaka kubireka kuko ntacyo bibamariye kandi bishobora kubagiraho ingaruka zirimo no gufatirwa ibihano n'amategeko.

Umwe mu bajura utashatse ko amazina ye atangazwa yagize ati 'Ndabyemera ndiba pe. Niba imyenda n'amabase n'amatelefone, tukabigurisha abandi. Ni ukugenda nyine turunguruka tureba. Nta kamaro bimariye n'ubundi nari narabivuyemo, sinzi uko nabisubiyemo.'

Undi wemera ko akora uburaya yavuze ko yiteguye kubureka. Ati 'Njyewe ndashaka kureka uburaya nkashaka ikintu nkora.'

Bamwe mu baherutse kwibwa ibikoresho bitandukanye bavuga ko bishimiye igikorwa cyakozwe cyo gushakisha ababahungabanyiriza umutekano.

Ntakirutimana Jena Claude ati 'Nasize ibintu hanze ngiye ku muhanda, ngarutse nsanga barabitwaye ndetse n'ibyari biri mu nzu ndabibura. Ibyo nabuze ni imyenda, amashuka, inkweto, matola n'igikapu cyarimo ibindi bintu.'

Undi musore avuga ko hari abakobwa basigaye bafite andi mayeri yo kwiba, ku buryo bafatanya n'abagabo maze bagacucura umuntu mu buryo butamenyerewe.

Yasobanuye ibyamubayeho, avuga ko rimwe yaparitse igare umukobwa akamwambura telefone ariko ari gukorana n'abandi bagabo. Yagize ati 'Nkimara guparika igare, indaya yaraje inyambura telefone ngo 'wowe wanteye inda nyikuramo' [ubwo] aba arayijugunye maze uwitwa ngo ni umugabo we arayifata ariruka.'

Umunyamabanga Nshingwabikorwa w'Umurenge wa Tumba, Migabo Vital, yavuze ko bafite intego yo guca ubujura, urugomo n'uburaya mu Murenge ayoboye, agira inama ababikora kubireka bagashaka ibindi byiza bakora.

Yagize ati 'Ni ukugira ngo dukumire ibyaha bitaraba. Hari ibyiciro twigishije turabarekura barataha ariko hari n'abandi bagiye kujyanwa ahandi kugira ngo abakekwaho ibyaha abo babikoreye babashinje, abandi nabo bigishwe mu gihe gito bagaruke mu muryango Nyarwanda.'

Hashize igihe abatuye mu Murenge wa Tumba bataka kwibwa ibikoresho byo mu rugo birimo iby'isuku, imyenda n'ibindi. Muri uyu Murenge kandi hashize iminsi hagaragara urugomo rw'abatega abantu bakabambura ibyabo.

Uyu mukwabu wafatiwemo abantu 23 bakora ubujura, urugomo n’uburaya mu Murenge wa Tumba wo mu karere ka Huye

Ubuyobozi bw’Umurenge wa Tumba bugira abantu inama yo kureka ibikorwa bihungabanya umutekano

Ibi biganiro byaranzwe no gusuzuma ibyagezweho mu myanzuro y'ibiganiro byabaye umwaka ushize ndetse na mbere yaho. Hanabayeho kandi umwanya wo kwakira Ambasaderi Dieudonné Sebashongore nk'umunyamuryango uherutse guhabwa inshingano zo guhagararira u Rwanda mu Bubiligi.

Ngabo Eric uyobora Abanyarwanda baba mu Bubiligi bibumbiye mu Muryango wa FPR Inkotanyi, yashimye ibyagezweho ndetse anagaruka ku kunoza ibitaragenze uko byifuzwaga mu nyungu rusange z'umuryango.

Ngabo yanerekanye imihigo biyemeje kuzashyira mu bikorwa mu minsi iri imbere, irimo gushishikariza urubyiruko ruvukira cyangwa rugakurira mu mahanga kuzagira urugendoshuri mu Rwanda mu mpeshyi ya 2021, bagasura igihugu bari kumwe kugira ngo basobanurirwe amateka yacyo.

Uru rugendoshuri kandi rugamije kwereka urwo rubyiruko ibyo igihugu cyabo cyagezeho n'imbaraga byatwaye kugira ngo na bo bazabashe kubisigasira no gutera ikirenge mu cya bakuru babo.

Uru rugendo ruzaba rutandukanye n'ingendo zisanzwe bamwe muri uru rubyiruko basanzwe bakorera mu Rwanda, zirimo nko gusura imiryango yabo, ahubwo rukazaba ari rugamije gufasha urwo rubyiruko kumenya igihugu cyabo.

Ngabo yanashimiye ibikorwa by'amashyirahamwe y'abagore bagize Umuryango FRP Inkotanyi, abasaba gukomereza aho kuko ari bo nkingi z'ingo zirimo imbaraga z'u Rwanda rw'ejo hazaza, ari rwo rubyiruko rubakomokaho.

Bayingana Aimable wari watumiwe nk'Umunyamuryango uhagarariye Ibiro by'Ubunyamabanga Bukuru bw'Umuryango wa FPR Inkotanyi, yashimiye abanyamuryango batuye mu Bubiligi ku buryo bakomeje kuba ku isonga mu bikorwa by'umuryango Nyarwanda uri mu mahanga, abashimira ku buryo bashyira hamwe kandi bagakomeza kugira uruvugiro, bamagana uwashaka kuvuga nabi u Rwanda.

Yagize ati 'Ndabifuriza gukomeza kumva ko Umuryango ari moteri cyangwa umuyoboro w'ibitekerezo n'ibikorwa byo kubaka, guhera mu ngo zacu kugeza ku gihugu n'umugabane wacu wa Afurika.''

Yasabye abanyamuryango batuye mu Bubiligi gushishikariza urubyiruko kwitabira ibikorwa byose bakora kuko ari uburyo bwo kubaha ukuboko, kugira ngo babe ari bo bazabikomeza nk'u Rwanda rw'ejo.

Amb. Sebashongore yashimiye Abanyarwanda bibumbiye mu Muryango wa FPR Inkotanyi, agaruka ku ntego nkuru ziranga umunyamuryango nyawe.

Ati “Biragaragara koko ko uko muri hano mwumva neza amahame y'umuryango, bikaba bigaragarira mu biganiro musoje. Byanyeretse ko muganira mutishishanya, mubwizanya ukuri kandi nabonye ko mwibuka ko iyo turi mu Muryango, nta kugendera kuri njye nkora ibi, ndi kanaka, mfite amapeti aya n'aya mu kazi, […] Oya, twese tuba tureshya, ni ho Umuryango uduhuriza hamwe koko twese.''

Yongeyeho ko mu biganiro bagiranye, hari imishinga bagarutseho yamunyuze. Ati “Hari imishinga mwaganiriye myiza nshyigikiye, nko kwiyubakira Inzu Ndangamuco y'u Rwanda mu Bubiligi. Nanabonye mwarabitangiye, mukomeze igihe muzatwereka aho mugeze nanjye nzakora ubuvugizi muterwe inkunga.''

Abanyamuryango kandi bagize umwanya wo kuganira, habazwa ibibazo bitandukanye kandi birasubizwa.

Ngabo Eric uhagarariye Abanyamuryango ba FPR Inkotanyi mu Bubiligi yashimye umusanzu abanyarwanda baba muri iki gihugu batanga mu kubaka urwababyaye urimo n'ibihumbi 40€ baherutse gutanga ngo bifashe abagizweho ingaruka na COVID-19.

Abanyamuryango ba FPR Inkotanyi mu Bubiligi bafite ibikorwa birimo kubaka inzu Ndangamurage y’u Rwanda mu Bubiligi

Aba Banyarwanda bateranye bifashishije ikoranabuhanga

Abanyamuryango ba FPR Inkotanyi bahawe umwanya wo kubaza ibibazo byabo, bikanasubizwa

Ishyirahamwe ry’abagore ryashimiwe ku ruhare rwaryo mu iterambere ry’igihugu

Aba Banyarwanda bagarutse ku byagezweho mu mwaka ushize n’ibyo bifuza kugera mu minsi iri imbere

Aba banyamuryango ba FPR Inkotanyi mu Bubiligi biyemeje gushishikariza urubyiruko rw’abanyarwanda kuzakora urugendoshuri mu gihugu cyabo

Eric Ngabo uyobora Abanyarwanda bari muri FPR batuye mu Bubiligi atanga ikiganiro

Uyu muryango usanzwe utegura ibikorwa nk'ibi buri mwaka, aho kuri iyi nshuro wifatanyije n'abana batandatu bo mu Turere twa Musanze mu Majyaruguru ndetse na Rubavu mu Burengerazuba

Abana batandatu bifurijwe Noheli nziza n'Umwaka mushya wa 2021 baturuka mu miryango ikennye ari nayo ntandaro yatumye bayivamo bakajya kuba ku muhanda, ariko kuri ubu bakaba barayisubiyemo babifashijwemo na Foundation Ndayisaba 'NFF'.

Muri iki igikorwa cyabaye ku Cyumweru tariki ya 27 Ukuboza 2020, aba bana bahawe ibyo kurya birimo umuceri, amavuta yo guteka, kawunga, isukari, isabune n'ibikoresho by'ishuri nk'ibikapu n'ibindi.

Bane muri abo bana bose, basubiye mu ishuri mu gihe abandi babiri Ndayisaba Fabrice Foundation iri gushaka ubushobozi ngo nabo bazabashe gusubira mu ishuri nka bagenzi babo.

Ecole Maternelle Fondation Fabrice ni ishuri riri muri Kicukiro ryatangiye muri Mutarama uyu mwaka mu rwego rwo kurushaho guha uburere abakiri bato nk'imwe mu ntego z'uyu muryango.

Ndayisaba Fabrice Foundation yatangijwe na Ndayisaba Fabrice mu 2008 ubwo yigaga mu mashuri abanza, ariko itangizwa ku mugaragaro na Senateri Musabeyezu Narcisse mu mwaka wa 2008, aho intego zayo ari uguhuza abana, kubafasha kugira uburere no gukunda igihugu binyuze mu mikino n'imyidagaduro.

Uyu muryango usanzwe kandi utegura icyumweru cyihariye cyo kwibuka abana bishwe muri Jenoside yakorewe Abatutsi mu 1994, igikorwa ngarukamwaka kigirwamo uruhare n'ibigo by'amashuri bitandukanye hagati ya Kamena na Nyakanga.

Ubuyobozi bw’Ishuri ry'Incuke rya Fondation Fabrice bwasangiye Noheli n’abana bafashijwe n’uyu muryango kuva ku muhanda bagasubira mu ishuri

Abana batandatu bagenewe ibiribwa n’ibikoresho by’ishuri

Ndayisaba Fabrice uyobora umuryango NFF watangijwe mu 2008

Abo bahinzi bavuga ko nyuma yo kwigishwa guhinga imboga, umusaruro wabaye mwinshi ku buryo babona izo kurya n'izo kugurisha, gusa ngo hari nyinshi zipfa ubusa kubera kutagira aho kuzihunika habugenewe.

Hategekimana Sylvestre ukorera muri Koperative KOAGMPA ihinga mu gishanga cya Mpaza giherereye mu Murenge wa Mukura yavuze ko bahinga amashu, karoti na dodo, kandi babyeza ku bwinshi ku buryo bakeneye aho kubihunika.

Ati 'Imboga turazeza ku bwinshi, cyane cyane amashu ku buryo tugera aho tukagurisha kuri make. Iyo zereye rimwe ari nyinshi tuzigurisha make kugira ngo zidapfa kuko iyo zimaze iminsi zirapfa. Niyo haboneka inzu y'ubuhunikiro ku buryo umuntu ashobora kuzibika igihe kirekire kirenze nk'ibyumweru bibiri.'

Abahinzi baganiriye na IGIHE bavuze ko bababazwa n'uko iyo imboga zeze zipfa ubusa mu gihe gito hashira ukwezi kumwe ugasanga abantu barabuze izo kurya. Basanga haramutse hubatswe inzu yo kuzihunikamo byakemura icyo kibazo.

Imibare itangwa n'ubuyobozi bw'Akarere ka Huye yerekana buri mwaka abahinzi baho beza imboga zisaga toni 8,550 ku buso bwa hegitari 474.

Umuyobozi w'Akarere ka Huye, Sebutege Ange, yavuze ko icyifuzo cy'abo bahinzi gifite ishingiro yizeza ko ku bufatanye n'inzego zibishinzwe bagiye kureba uko babubakira ubuhunikiro.

Ati 'Iki gikorwa remezo kirakenewe cyo kuba bagira ahantu bahunika imboga ku buryo zitakwangirika kandi bakazigurisha neza. Ni ikibazo tuzakomeza kuganiraho n'inzego zibishinzwe, by'umwihariko Minisiteri y'Ubuhinzi n'Ubworozi tukareba uko iki gikorwa remezo cyazaboneka mu Karere.'

Yavuze ko ubwo abaturage bari muri gahunda ya Guma mu Rugo kubera icyorezo cya COVID-19 ari bwo ikibazo cyo kubura isoko ry'imboga cyagaragaye cyane kuko amasoko manini zagurishirizwagaho atakoraga.

Sebutege na we yemeza ko kuba abahinzi badafite aho bahunika imboga biri mu bituma iyo zeze bazigurisha basa nk'abazitangira ubusa bikabashyira mu gihombo.

Beza amashu ku bwinshi ariko bakabura aho bayahunika

Inyanya nazo zisigaye zera ari nyinshi ariko zigapfa ubusa

[email protected]

Willy Makuza Gakunzi umuhanzi mu ndirimbo zihimbaza Imana akaba n’umuyobozi w’umuryango Heart of Worship in Action Foundation ukora ibikorwa by’ubugiraneza yashyize hanze indirimbo nshya ‘Kombo nayo’ yakoranye n’abaramyi Gaby Irene Kamanzi na Esther Masasu wo mu muryango wa Apotre Yoshuwa Masasu.

Mu rugendo rwe rw’umuziki uhimbaza Imana amaze gukora indirimbo zitandukanye zirimo; ‘Izina ryawe’, ‘Mu mababa yawe’, ‘Uhoraho’, ‘Kombo Nayo’ n’izindi zitandukanye.

Nkuko tubikesha InyaRwanda.com, Willy Gakunzi uri kubarizwa mu Rwanda muri iyi minsi, yavuze ko amashusho y’iyi ndirimbo ye nshya yayafatiye i Kigali mu minsi mike ishize. Yavuze ko ari indirimbo ifite amateka akomeye, akaba yarayikoze umwaka ushize mu Kinyarwanda, yanzura kuyishyira mu rurimi rw’Ilingala kugira ngo igere no ku bakoresha urwo rurimi. Yagize ati:

‘Kombo Nayo’ ni indirimbo twasohoye umwaka ushize mu kinyarwanda (Izina Ryawe). Ni indirimbo ivuga gukomera kw’izina rya Yesu. Nahisemo kuyishyira mu rurimi ry’Ilingala kugira ngo igere no ku bakoresha urwo rurimi nabo. Ifite amateka akomeye kuri njye, inyibutsa aho yavuye kandi ikanampa imbaraga zo gukomeza gukorera Imana kuko ni yo ishobora byose.

Willy Makuza Gakunzi yakomeje avuga ko yayikoranye n’abaririmbyi b’inshuti ze, abakozi b’Imana akunda kandi yemera ari bo Gaby Kamanzi na Esther Masasu uyu mukobwa akaba ari umwuzukuru wa mushiki wa Apotre Masasu-ibisobanuye ko ari n’umwuzukuru wa Apotre Masasu. Ati “Tukimara kuyishira mururimi rw’ilingala njyewe n’inshuti yanjye, nacuranze guitar ndikuyiririmba mpita mubwira ko nzayikorana na Gaby Kamanzi na Esther Masasu. Bombi ni abakozi b’Imana nkunda kandi nemeza cyane cyane mu guca bugufi”.

Yunzemo ati “Nkibaganiriza igitekerezo, bacyakiriye neza cyane dutangira kubitegura. Ndashima Imana ko yadushoboje gusoza iki gikorwa. Ndashimira cyane Gaby na Esther ku bwitange bwabo, Imana ikomeze kubagura”. Yashimiye aba Producer bose bamufashije, ati “Ndashimira na Vocal producer Marc Kibamba ko yemeye gukorana natwe. Ndashima cyane nanone Video producer Doux, qualité yonyine irabihamya cyane cyane no kubahiriza gahunda”.

Willy M. Gakunzi yasoje ashimira abantu bose bakunda umuziki we, ati “Abadukunda mwese Imana ibahe imigisha myinshi kandi mukomeze mudushyigikire muri byose. Imana ibahe imigisha”. Willy M. Gakunzi umuhanzi nyarwanda uba mu gihugu cya Canada ariko muri iyi minsi ari mu Rwanda aho yaje kuhizihiriza iminsi mikuru.

REBA HANO INDIRIMBO ‘KOMBO NAYO’ YA WILLY M. GAKUNZI FT GABY KAMANZI & ESTHER MASASU

Umva hano Izina Ryawe (Official lyric Video) By Willy M. Gakunzi

Source: Inyarwanda.com

[email protected]

Iki cyemezo gikubiye mu itangazo RRA yasohoye ku wa 24 Ukuboza 2020, mu gihe habura iminsi ibarirwa ku ntoki ngo umwaka wa 2021 utangire.

RRA isobanura ko ibyo bizakorwa mu rwego rwo gushyira mu bikorwa umushinga wa EBM kuri bose, aho buri mucuruzi wese, yaba uwanditse cyangwa utanditse ku musoro ku nyongeragaciro, asabwa gutanga inyemezabuguzi ya EBM, nk'uko biteganywa n'ingingo ya 17 y'itegeko No 026/2019 ryo ku wa 18/09/219 rigena uburyo bw'isoresha.

Iyo ngingo iragira iti 'Umuntu ukora ibikorwa bisoreshwa agomba gutanga inyemezabuguzi ikozwe mu buryo bw'ikoranabuhanga bwemewe n'Ikigo cy'Igihugu cy'Imisoro n'Amahoro.'

RRA iheruka gutangira gusubukura gahunda yo guhemba abaguzi bimakaza umuco wo gusaba fagitire ya EBM kandi bakandikisha nimero ya telefoni yabo kuri fagitire igihe cyose bagiye guhaha.

Umuyobozi ushinzwe Abasora muri RRA, Uwitonze Jean Paulin, yatangaje ko hari ibihembo bishimishije muri tombola y'uyu mwaka izasozwa mu mpera za Mutarama 2021.

Yagize ati 'Buri munsi, abanyamahirwe barenga 60 bazajya batsindira ibihembo bitandukanye birimo ama-unites yo guhamagara, televiziyo na telefoni zigezweho. Murumva rero ko abantu bazunguka kabiri, kuko bazajya batsindira ibi bihembo ariko n'umusoro uba uri ku gicuruzwa aguze ugere mu isanduku ya Leta bityo banungukire mu bikorwa by'iterambere Leta yacu idahwema kutugezaho.'

Uwitonze yakanguriye buri wese kumva akamaro ka fagitire kugira ngo ajye ayisaba buri gihe dore ko ab'indashyikirwa bazajya banashimirwa mu birori ngarukamwaka byo gushimira abasora beza.

RRA igaragaza ko gukoresha EBM biteganywa n’amategeko y’u Rwanda