Category: Uncategorized

Imodoka ya rutahizamu wa Rayon Sports n’Amavubi yahiriye modoka 16 zahiriye mu nkongi y’umuriro yafashe igaraje rya 'Pure Pro’ .

Iri garaje riherereje mu karere ka Nyarugenge, umurenge wa Rwezamenyo, rikaba ryafashwe n’inkongi y’umuriro ku gicamunsi cyo kuri uyu wa Gatatu.

Iyi modoka ya Sugira Ernest ikaba yari mu bwoko bwa RAV 4 ikaba yari ifite agaciro ka miliyoni 7.

Iri garaje rikimara gufatwa n’inkongi y’umuriro polisi yahise iza kuzimya ariko ibintu byinshi byarimo byangiritse.

Kugeza ubu icyateye iyi nkongi y’umuriro ntabwo kiramenyekana, iperereza riracyakomeje.

Igaraje ryafashwe n’inkongi y’umuriro

Polisi yahise iza kuzimya

Source : http://isimbi.rw/siporo/article/imodoka-ya-rutahizamu-sugira-ernest-yafashwe-n-inkongi-y-umuriro

Kuri uyu munsi nibwo Paul Rusesabagina n'abandi bagera kuri 20 barimo babarizwaga mu mutwe w'iterabwoba wa MRCD/FLN bagejejwe imbere y'urukiko rudasanzwe ruca imanza zambukiranya imipaka. Muri abo harimo Callixte Nsabimana na Herman Nsengimana babaye abavugizi buyu mutwe, aho Herman yasimbuye Callixte nyuma y'ifatwa rye.

Mu byaha urukiko rubarega harimo ibyaha by'iterabwoba bakoreye mu majyepfo y'igihugu bari muri uyu mutwe aho abasaga icyenda bahasize ubuzima abandi bagakomereka ku buryo bukabije.

Urukiko rwatangiye rusoma imyirondoro y'abaregwa aho buri wese yavugaga ibituzuye mu mwirondoro we, maze Paul Rusesabagina atungurana avuga ko we bamwibeshye ku bwenegihugu bwe ko ari umubirigi atari umunyarwanda. Ibi bikaba byari bigamije gushaka kwerekana ko urukiko ruashoboye ku muburanisha ariko bikaba bitabujije ubushinjacyaha ku mwibutsa ko ari Umunyarwanda

Mu magambo ye, umushinjacyaha Ruberwa yibukije Rusesabagina ko yaba u Rwanda cyangwa Ububiligi, ibihugu byombi byemera ubwenegihugu bubiri, ndetse ko kureka ubwenegihugu bigira inzira binyuramo. Yagize ati “ Paul Rusesabagina nagaragaze ko yaretse ubwenegihugu bw'Ubunyarwanda ku buryo bwemewe n'amategeko “

Rusesabagina watangiye avuga ko yavuye mu Rwanda ahunze, yabaye nk'uwivuguruza nubwo kuko yavuzeko muri 2001 na 2003 yagarutse mu Rwanda.

Nubwo iburanisha mu mizi ritaba, amavidewo menshi anyura ku mbuga nkoranyambaga agaragaza Rusesabagina yivugira ko ari umunyarwanda. Byaje gukomera ubwo Callixte Nsabimana yafataga ijambo  aho we yavuze ko biteye isoni kubona Rusesabagina yihakana ko ari 'Umunyarwanda' nyamara yari afite umugambi wo kuruyobora.

Sankara wari Visi Perezida wa Kabiri w'Impuzamashyaka ya MRCD-FLN yavuze ko uwahoze ari umuyobozi Rusesabagina wari umuyobozi we yashakaga kuba Perezida w'u Rwanda kandi bitashobora ari umunyamahanga.

Yagize ati 'Hari ibyo numvise numva mbigizeho isoni. Bwana Paul Rusesabagina yari Perezida wacu none mu rukiko aravuga ko atari Umunyarwanda. Ese ni ya Politiki ya Mpatsibihugu? Twatangaje intambara mu gihugu, baradufata.''

Sankara we yavuze ko nta nzitizi afite yatuma urubanza rudakomeza anungamo ko Rusesabagina ibyo ari gukora bigamije 'kurutinza nkana. Yongeyeho ko urubanza rwe rumaze imyaka ibiri yifuza ko rwasoza, akamenya aho ahagaze.

Urutonde rw'abaregwa muri uru rubanza

1. Nsabimana Callixte alias Sankara

2. Nsengiyumva Herman

3. Rusesabagina Paul

4. Nizeyimana Marc

5. Bizimana Cassien, alias BIZIMANA Patience, alias Passy, alias Selemani

6. Matakamba Jean Berchmans

7. Shabani Emmanuel

8. Ntibiramira Innocent

9. Byukusenge Jean Claude

10. Nikuze Simeon

11. Ntabanganyimana Joseph alias Combe Barume Matata

12. Nsanzubukire Felicien alias Irakiza Fred

13. Munyaneza Anastase alias Job Kuramba

14. Iyamuremye Emmanuel alias Engambe Iyamusumba

15. Niyirora Marcel alias BAMA Nicholas

16. Nshimiyimana Emmanuel

17. Kwitonda André

18. Hakizimana Théogène

19. Ndagijimana Jean Chrétien

20. Mukandutiye Angelina

21. Nsabimana Jean Damascène alias Motard

Ibyaha Paul Rusesabagina akurikiranweho

— Kurema umutwe w'ingabo utemewe cyangwa kuwujyamo
— Gutera inkunga iterabwoba
— Iterabwoba ku nyungu za politiki
— Gukora no kugira uruhare mu bikorwa by'iterabwoba
— Kuba mu mutwe w'iterabwoba
— Kugambana no gushishikariza abandi gukora iterabwoba
— Ubufatanyacyaha ku cyaha cy'ubwicanyi buturutse ku bushake
— Ubufatanyacyaha ku cyaha cyo kwiba hakoreshejwe intwaro
— Ubufatanyacyaha ku cyaha cyo gutwikira undi ku bushake inyubako

The post Callixte Nsabimana yibukije Paul Rusesabagina ko ari umunyarwanda yareka ibyo gutinza urubanza appeared first on RUSHYASHYA.

Source : https://rushyashya.net/callixte-nsabimana-yibukije-paul-rusesabagina-ko-ari-umunyarwanda-yareka-ibyo-gutinza-urubanza/

Source : http://www.ukwezi.rw/Imikino/article/Imodoka-ya-Sugira-yahiriye-mu-igaraje-n-izindi-zarimo

Source : http://umuryango.rw/inkuru-z-amamaza/article/ibintu-byahinduye-isura-ku-makipe-yo-mu-bwongereza-muri-europa-league-reba

Saa cyenda zo kuri uyu wa Gatatu tariki ya 17 Gashyantare 2021, nibwo iri garaje ry'uwitwa 'Murara Arthur' ryarimo imodoka 16 ryafashwe n'inkongi zirashya zirakongoka.

Muri izi modoka zahiye harimo ni ivatiri y'umukinnyi wa Rayon Sports Sugira Erneste ifite agaciro ka miliyoni 7 Frw.

Abaturage babwiye IGIHE ko iyi nkongi yatewe n'ibishashi by'umuriro waturutse ku bantu basudiraga imodoka zari zirimo gukorwa.

Bikorimana Abdoul yagize ati 'yatewe n'inkongi bari barimo gusudira imodoka noneho ifatwa n'inkongi, nibwo igaraje ryose ryahiye n'imodoka zose zari zirimo.'

Sugira Erneste yemereye IGIHE ko imodoka ye yahiriye muri iri garaje anavuga ko agiye gukurikirana icyateye iyi nkongi kugira ngo ubwishingizi buyimwishyure.

Iyi nkongi ikimara gufata iri garaje, Polisi yahise izana imodoka zo kuzimya umuriro zitangira akazi kazo.

Amakuru twamenye ni uko nta kintu na kimwe cyari muri iri garaje cyarokotse, yaba amafaranga, mudasobwa n'ibindi bikoresho byari muri iryo garaje.

Iperereza riracyakomeje kugira ngo hamenyekane icyateye iyi nkongi.

Igaraje rikimara gufatwa n’inkongi, bagerageje kuzimya ariko biba iby’ubusa

Polisi yagerageje kuzimya ariko umuriro wari mwinshi

Birakekwa ko amashanyarazi ariyo yatwitse iri garaje

Imodoka zahiye zirakongoka

Nta kintu na kimwe cyarokotse muri iri garaje

Polisi yahise ihagoboka nubwo umuriro wari mwinshi cyane

Hahiriyemo imodoka zigera kuri 16 zari ziri gukorwa

Umuhanda uzwi nko Kwa Mutwe wari wafunzwe kugira ngo inkongi ibashe kuzimywa

---

Source : http://igihe.com/amakuru/u-rwanda/article/imodoka-16-zirimo-n-iya-sugira-erneste-zahiriye-mu-igaraje-i-nyamirambo

Uwahoze ari umunyamabanga wa Mukura VS, akaba ari perezida Ijabo Ryawe Rwanda(ihuriro ry’amarerero ya ruhago), Sheikh Habimana Hadan ari mu maboko y’Ubugenzacyaha bw’u Rwanda 'RIB’, akaba akekwaho kwinjira mu modoka y’umunyamakuru w’imikino wa B&B FM, Uwimana Clarisse akamwiba amafaranga.

Uyu mugabo akaba yaratawe muri yombi mu mpera z’icyumweru gishize ubu bujura bukimara kuba, aho RIB yamukuye iwe i Huye aho atuye mu gihe ubujura bwabereye mu Mujyi wa Kigali.

Ibi byatangajwe mu kiganiro Sports Plateau cyo kuri B&B FM Umwezi cyo kuri uyu wa Gatatu, aho Jean Luc Imfurayacu na bagenzi be bavuze uko byagenze kugira ngo uyu mukobwa yibwe.

Jean Luc yagize ati'Mu mpera z’icyumweru gishize umuntu yaradusuye hano aratwiba, tutamutumiye, ku wa Mbere turavuga ngo ntabwo turi buze kubivuga kuko bikiri mu iperereza tutica iperereza, batwibye ku wa Gatanu. Hari ibintu ubona n’amaso yawe ukumirwa.'

'Twarabibonye turumirwa twifata ku myanya ndangakumiro. Na n’ubu njyewe ntabwo ndayirekura, kuko ni ibintu biteye ubwoba kubona umuntu ufite izina nk’iry’uriya mugabo, ashobora gucurisha urufunguzo rw’imodoka, sinzi ahantu yarukuye kuko umuntu yibye ni mugenzi wacu Clarisse[Uwimana).'

Yavuze ko yaje bari mu kiganiro kuko yari yizeye ko nta munyamakuru waho bari buhahurire.

Ati'Yafunguye imodoka turi mu kiganiro mu ma saa sita hafi saa saba hano twe turimo turasesengura ibyavuye Limbe na Douala, twashyushye aha ng’aha kumbe hasi ibintu byakomeye. Ikiganiro kiraba kirarangira, mu kuza kwiba yari yambaye wenda na ecouteur yumva ko turi mu kiganiro, ku bw’amahirwe ye nta munyamakuru wa B&B FM bahuriye muri parikingi.'

Yakomeje avuga ko ikiganiro kirangiye Uwimana Clarisse yabwiye bagenzi be bakorana ko ari we uribwishyure ibyo kurya bya saa sita, babitumaho biraza mu gihe agiye mu modoka gushaka amafaranga yo kwishyura asanga isakoshi ye nta kintu kirimo.

Jean Luc yakomeje agira ati'Clarisse yaravuze ngo ndabizi neza ko amafaranga nayazanye ndetse nagombaga no kugenda nkayavunjisha(…) yari amafaranga menshi ntabwo twayavuga. Ino nzu dukoreramo ni inyubako nshya iriho camera, ku bw’amahirwe ahantu yari yaparitse imodoka hari hafi na camera.'

'ikintu kiri butungure abantu ni umuntu basanzwe bazi. Clarisse ajya kureba amafaranga ngo yishyure arayabura, ibiryo byari hariya biteretse ndabyibuka, aba mbere chocolate bariye ntibazi ikirimo kujya mbere hariya hasi.'

Ngo aya mafaranga amaze kuyabura yahise atumaho ababwira ko baba bitonze kuko amafaranga asanze bamwibye, ariko bamubwira ko bitewe n’aho imodoka ye yayiparitse bashobora kubona umuntu wamwibye kuko hegeranye na camera.

Akomeza avuga ko na bashinzwe umutekano kuri iyo nyubako bamubonye ndetse bakanavuga ko atari uwo kuri B&B ariko bagaterwa urujijo n’uburyo yafunguye imodoka kuko atakoresheje urufunguzo rusanzwe yakoresheje 'Electronical key’, bagakeka ko Clarisse ari we warumuhaye cyane ko imodoka ye bayizi.

Ati'Nta kintu kibi nko kujya kwiba mu banyamakuru. Sidick aribyabuka twamaze nk’isaha n’igice tureba, twaturutse saa tanu tureba tugeza mu masaa sita n’indi minota. Turicara turategereza bigeze saa sita n’iminota 22 umugabo aba aciyeho.'

Ngo yanyuzeho ajya muri dry cleaner asohokamo ajya muri Super Market aho yamaze iminota nk’icumi agasohokamo afite envelope.

Ati'yasohotse afite envelope ya kacye ahita yinjira mu modoka, ba bantu bashinzwe umutekano bati ni uriya ni uriya. Sidi twasanze ari inde?' Nsengiyumva Sidick yahise avuga ati'bakibivuga njyewe sinzi ikintu cyahise kinzamo numva ndikanze, ndavuga nti uyu muntu si Sheikh Hamdhan? Jean Luc na we numva aravuze ngo ariko uyu ni Sheikh Hamdhan wabaye muri Mukura, akaba perezida wa Ijabo.'

Jean Luc yakomeje agira ati'icyo gihe byari mu bitugu, yinjiye mu modoka twe turikanga ariko abo bana b’abakobwa baravuga ngo ni uyu ni uyu, basubije inyuma noheno tumubona aza, twaguye igihumure hano hasi.'

Yamaze mu modoka amasegonda 48, maze umukobwa ukora isuku kuri iyo nyubako ahamagara ushinzwe umutekano amubwira ko abonye umuntu winjiye muri iyo modoka kandi adakora kuri B&B amusaba ko yajya kureba uwo ari we, amwegereye undi ahita agenda.

Icyo gihe nibwo bahise batanga ikirego muri RIB nayo itangira kumushakisha iramufata aho yari iwe i Huye, ubu akaba ari mu maboko ya RIB.

Sheikh Hamdan Habimana ari mu maboko ya RIB akurikiranyweho ubujura

Uwimana Clarisse yibwe amafaranga menshi

Source : http://isimbi.rw/siporo/article/uwahoze-ari-sg-wa-mukura-vs-arafunze-akekwaho-kumena-imodoka-y-umunyamakuru-w-imikino-clarisse-akamwiba-amafaranga

Mu gutangira urubanza,Umucamanza yabajije Rusesabagina niba yemera umwirondoro yasomewe urimo ko ari umunyarwanda avuga ko atari we.

Mu Kinyarwanda cyumvikana neza, Paul Rusesabagina yagize ati 'Ndabisubiramo ku nshuro ya gatanu. Njyewe si ndi Umunyarwanda. Ndi Umubiligi.''

Rusesabagina yavuze ko kuva yava mu Rwanda atongeye gukoresha ubwenegihugu bw'u Rwanda ubwo yari asabye ijambo bwa kabiri.

Ati 'Njye ntabwo ndi Umunyarwanda. Mvuye hano mu 1996 mpunze, kuva icyo gihe icyo natanze ni ikarita y'indangamuntu na pasiporo. Nari meze nk'umuntu. Nafashwe nk'umwana w'imfubyi, wapfushije ababyeyi bombi, ibyanjye byose narabitanze.''

'Kuva icyo gihe nabonye ikarita ya Loni yanditseho u Bubiligi. Iyo pasiporo nari mfite ububasha bwo kujya mu bihugu byose byo ku Isi usibye icyanjye cya kavukire cy'u Rwanda.

Icyo gihe u Bubiligi bwaje kumpa ubwenegihugu mu 2000, ubw'Ubunyarwanda ntabwo nabusubiranye. Nashatse kuza mu Rwanda mu 2003. Nagiye muri Ambasade bambaza pasiporo mfite, mbabwiye ko ari iy'Ababiligi, bambwiye ko banterera visa nkajya mu Rwanda. Nishyuye amadolari angana n'amayero 120. Naje hano I Kigali, mwanyakiriye nk'Umubiligi, si nk'Umunyarwanda. Nyuma yaho nisubiriye iwacu mu Bubiligi. Nyuma y'umwaka umwe naragarutse, icyo gihe ni bwo nazaga nka Rusesabagina w'Umubiligi. Ndi hano bitemewe n'amategeko.''

Ubwo Callixte Nsabimana wari wariyise Majoro Sankara yabazwaga inzitizi abona ziri mu rubanza,yavuze ko amaze imyaka ibiri imbere y'urukiko kandi we yifuza ko urubanza rwihuta rukava mu nzira akamenya aho ahagaze.

Ati 'Ndifuza ko urubanza rwihuta. Ndabona ari nk'aho Rusesabagina ashaka gutinza urubanza nkana. Ndashaka ko rwihuta nkamenya aho mpagaze.''

Sankara yatewe isoni nibyo shebuja Paul Rusesabagina [wari ukuriye uriya mutwe MRCD-FLN] yavuze yihakana kuba umunyarwanda kandi yarifuzaga kuzaba Perezida w'u Rwanda hanyuma uyu akamwungiriza nka Visi Perezida.

Ati 'Hari ibyo numvise numva mbigizeho isoni. Bwana Paul Rusesabagina yari Perezida wacu. Kandi yashakaga kuba Perezida w'u Rwanda. None mu rukiko aravuga ko atari Umunyarwanda. Twatangaje intambara mu gihugu, baradufata.

Njye nari Visi Perezida we wa Kabiri mu Mpuzamashyaka ya MRCD. Ese ni ya Politiki ya Mpatsibihugu?

Me Nkundabarashi Moïse wunganira Sankara yavuze ko nta nzitizi abona zatuma urubanza rutaburanishwa. Yasabye ko umukiliya we yari amaze kwisobanura ku byaha 10 ariko byaba byiza ari we uhereweho mu kwisobanura kugira ngo dosiye ye yihutishwe.

Umucamanza Antoine Muhima ukuriye Inteko Iburanisha yasoje iburanisha ry'uyu munsi avuga ko umwanzuro ku nzitizi zatanzwe na Rusesabagina uzatangazwa ku wa 26 Gashyantare 2021 saa Mbili n'igice. Kuri uwo munsi hazanumvwa abandi bafite izindi nzitizi.

Source : http://umuryango.rw/amakuru/mu-rwanda/ubutabera/article/sankara-yabajije-rusesabagina-uko-yari-kuzayobora-u-rwanda-kandi-yihakana-ko

Mu baregwa hamwe na Paul Rusesabagina uko ari 21 harimo umugore umwe rukumbi Mukandutiye Angelina wahoze ari Umugenzuzi w'Uburezi muri Nyarugenge.

Uyu mukecuru yatahutse ku wa 21 Ukuboza 2019 ava mu mashyamba ya Repubulika ya Demokarasi ya Congo (RDC), aho yari kumwe n'abarwanyi bo mu mutwe wa FDLR bashyikirijwe u Rwanda.

Mukandutiye afite igifungo cya burundu yakatiwe n'inkiko Gacaca atigeze arangiza.

Ubushinjacyaha buhagarariwe n'abashinjacyaha batanu barimo na Habyarimana Angelique usanzwe ari Umushinjacyaha Mukuru Wungirije, Murerwa Bonaventure na Habarurema Jean Pierre.

Rusesabagina akurikiranyweho ibyaha icyenda birimo:
 
Kurema umutwe w'ingabo utemewe cyangwa kuwujyamo
Gutera inkunga iterabwoba
Iterabwoba ku nyungu za politiki
Gukora no kugira uruhare mu bikorwa by'iterabwoba
Kuba mu mutwe w'iterabwoba
Kugambana no gushishikariza abandi gukora iterabwoba
Ubufatanyacyaha ku cyaha cy'ubwicanyi buturutse ku bushake
Ubufatanyacyaha ku cyaha cyo kwiba hakoreshejwe intwaro
Ubufatanyacyaha ku cyaha cyo gutwikira undi ku bushake inyubako

Abaturage bagizweho ingaruka n'ibitero byagabwe na MRCD-FLN mu bice bitandukanye ni bo baregeye indishyi.

Rusesabagina yatangiye avuga ko afite inzitizi zituma urubanza rutatangira.Abajijwe niba umwirondoro wasomwe ari uwe, yahise abihakana, ati 'Ndabisubiramo ku nshuro ya gatanu. Njyewe sindi Umunyarwanda. Ndi Umubiligi.Njye nk'Umubiligi waje nshimuswe, nabonaga urukiko rudafite ubushobozi bwo kumburanisha. Umwavoka wanjye yabisobanura mu magambo arambuye.''

Abajijwe niba yemera ibyaha, yagize ati 'Ibyaha byose ni byo.''

Me Gatera Gashabana umwunganira yakomeje agira ati 'Twasabaga ko ikirego kitakwakirwa hashingiwe ku iburabubasha ry'urukiko rw'Urugereko rwihariye rw'Urukiko ruburanisha Ibyaha Mpuzamahanga.''

Gatera yavuze ko Urukiko rukwiye kwakira inzitizi y'iburabubasha hanyuma rugategeka ko Rusesabagina yoherezwa imbere y'inkiko z'u Bubiligi zibifitiye ububasha.

Gatera yavuze ko Paul Rusesabagina yafatiwe i Kigali ku wa 28 Kanama 2020, atangira gukurikiranwa. Yagize ati 'Ese yafashwe mu buhe buryo? Hakurikijwe ayahe mategeko?.

Gatera yavuze ko Urukiko rukwiye kwakira inzitizi y'iburabubasha hanyuma rugategeka ko Rusesabagina yoherezwa imbere y'inkiko z'u Bubiligi zibifitiye ububasha.

Ati 'Kubera ko twazamuye ikibazo cy'inzitizi ariko hari utundi tubazo twari dufite two kubagezaho. Ndumva mwakubahiriza amategeko, mukemeza ko urukiko nta bubasha rufite bwo kuburanisha uru rubanza.''

Ubushinjacyaha bwahawe ijambo buvuga ko inzitizi zatanzwe na Rusesabagina zigamije gutinza urubanza gusa. Bwavuze ko amazina ya Rusesabagina yombi ari ay'Abanyarwanda kimwe n'ababyeyi be.

Ubushinjacyaha bwagaragaje kandi ko ibihugu byose [u Rwanda cyangwa u Bubiligi] byemera ko umuntu agira ubwenegihugu bubiri butandukanye.
Buti 'Ubwenegihugu bwe bw'ifatizo ni Umunyarwanda. Kuba mu 2000 yarabonye ubwenegihugu bw'u Bubiligi, ntibimukuraho ko ari Umunyarwanda.

Ntabwo kubona ubwenegihugu bw'u Bubiligi bihita bigukuraho ubwenegihugu bw'u Rwanda.''

Ubushinjacyaha buvuga ko urukiko rufite ububasha bwo kuburanisha Rusesabagina Paul.

Urukiko rwavuze ko ruzagena igihe urubanza rugomba kumara kuko bidakozwe urubanza rwazatinda kubera ko rurimo abantu benshi.

Umucamanza yakomeje ati 'Twese tugomba kubahiriza amahame yemewe arimo kubahiriza uburenganzira bwo kwiregura no kunganirwa.

Abantu 21 barimo Rusesabagina Paul, Nsabimana Callixte Sankara bagejejwe imbere y'urukiko mu rubanza baregwamo ibyaha bifitanye isano n'iterabwoba.

Ibyaha Rusesabagina akurikiranyweho birimo ibyakorewe mu duce turimo Nyabimata mu Karere ka Nyaruguru ahabaye ibitero muri Kamena 2018 no muri Nyungwe mu Karere ka Nyamagabe mu Ukuboza 2018,byigambwa na FLN umutwe wa gisirikare wa MRCD wari ufite umuvugizi witwa Callixte Nsabimana uzwi nka Sankara waje gufatwa n'u Rwanda asimburwa na Nsengimana Herman.

Urubanza rwa Paul Rusesabagina rwitabiriwe n'abantu batandukanye barimo n'abadipolomate bahagarariye ibihugu byabo mu Rwanda. Aba barimo Ambasaderi wa Leta Zunze Ubumwe za Amerika mu Rwanda, Peter Vrooman. n'abandi bahagarariye ibihugu birimo Suède n'u Bubiligi.

Source : http://umuryango.rw/amakuru/mu-rwanda/ubutabera/article/rusesabagina-yongeye-kwihakana-ko-ari-umunyarwanda-ubushinjacyaha-bumusubiza-ko

Uretse igikombe cy’Isi ataratwarana n’ikipe y’igihugu ya Portugal, nta kindi gikombe Cristiano ataregukana ku Isi, ibyo bikaba bimugira umukinnyi wa mbere ku Isi magingo aya.

Uyu mukinnyi ufite amateka akomeye cyane, yafashije amakipe yakiniye kwegukana ibikombe bitandukanye birimo bitanu bya UEFA Champions League, afasha ikipe y’igihugu ya Portugal kwegukana igikombe cy’u Burayi ‘EURO 2016’ ndetse anahembwa umupira wa zahabu (Ballon d’Or) inshuro eshanu.

Cristiano w’imyaka 36 y’amavuko aherutse guhabwa igihembo nk’umukinnyi w’ikinyejana cya 21.

Uyu munya-Portugal kandi niwe mukinnyi umaze gutsinda ibitego byinshi mu mateka ya ruhago, kuko amaze gutsinda ibitego birenze 760 kurusha undi mukinnyi uwo ariwe wese ku Isi.

Nubwo uyu mukinnyi yahiriwe cyane n’umupira w’amaguru, mu bwana bwe ntiyatekerezaga ko azakora uyu mwuga kuko yatekerezaga ko ku myaka 35 azaba ari umwe mu barobyi bakomeye i Madeira.

Yagize ati”Ubwo nari muto, natekerezaga ko ku myaka 35 nzaba ndi umwe mu barobyi bakomeye i Madeira, sinigeze na rimwe ndota ko nzagera kubyo nagezeho magingo aya”.

Uyu mukinnyi yahaye umwanya cyane nyuma yo kwirukanwa ku ishuri ubwo yari afite imyaka 14, azira gukubita umwalimu. Icyo gihe umubyeyi we yafashe umwanzuro wo kumukura mu ishuri amuhatira cyane kwita no gukunda umupira w’amaguru, byaje no kumufasha kuba icyamamare, kuri ubu akaba aririmbwa n’Isi yose.

Cristiano yegukanye hafi ibikombe byose bikomeye ku Isi

Cristiano afatwa nka nimero ya mbere ku Isi muri ruhago

Ubu Cristiano akinira Juventus yo mu Butaliyani

Source : https://inyarwanda.com/inkuru/103163/umurobyi-ukomeye-i-madeira-cristiano-ronaldo-yahishuye-inzozi-yari-afite-mu-bwana-bwe-bens-103163.html