Webrwanda Backend

Category: Uncategorized

  • Bariyerekanye ntibasubiza ibyo babajijwe: Bim… – #rwanda #RwOT

    Bariyerekanye ntibasubiza ibyo babajijwe: Bimwe mu byatumye hari abakobwa batsindwa mu ijonjora rya Miss Rwanda 2021

    Source : https://inyarwanda.com/inkuru/103255/bariyerekanye-ntibasubiza-ibyo-babajijwe-bimwe-mu-byatumye-hari-abakobwa-batsindwa-mu-ijon-103255.html

  • Abantu babiri bahatakarije ubuzima mu Myigaragambyo muri Myanmar #rwanda #RwOT

    Nk' uko VOA ibitangaza ivuga ko abantu babiri bishwe n'urusasu abashinzwe umutekano muri Myanmar barashe ku bigaragambya bamagana abasirikare bahiritse ubutegetsi bwatowe na rubanda taliki yambere ukwezi kwa kabiri.

    Abasirikare n'abapolisi bagera kuri 500 bahuriye mu mujyi wa Mandalay bakoresha amasasu, ibyuka biryana mu maso n'ibimodoka bimisha amazi afite ingufu mu rwego rwo gutatanya abigaragambyaga. Uretse abantu babiri baguye muri izo mvururu abandi 20 bakomerekeyemo.

    Nkuko abanyamakuru bakorera muri icyo gihugu babivuga, abasirikare bashushubikanije abigaragambya, abanyamakuru n'abaturage bahasanzwe babarasa umugenda ibisasu bitera imyotsi iryana mu maso.

    Inzego z'umutekano ziragenda zirushaho gukoresha ingufu ku bigaragambya banze gutezuka ku bikorwa byabo kuva inzego za gisirikare zitaye muri yombi umuyobozi watowe n'abaturage Aung San Suu Kyi n'ibidi byegera bye taliki ya mbere ukwezi kwa kabiri. Kuva icyo gihe nkuko igisirikare cyatangaje ibihe bidasanzwe mu gihugu kumara igihe cy'umwaka umwe, kivuga ko amatora yabaye muri Myanmar mu kwa cumi na kumwe umwaka ushize yibwe.

    Kuva abo bayobozi bafungwa, nta munsi w'ubusa abigaragambya babarirwa mu bihumbi batigabiza imihanda bakerensheje amategeko y'umukwabu yashyizweho n'igisirikare. Bagenda bitwaje amafoto ya Suu Kyi batoreye kuyobora icyo gihugu.

    Src: VOA
    [email protected]

    Source : https://impanuro.rw/2021/02/21/abantu-babiri-bahatakarije-ubuzima-mu-myigaragambyo-muri-myanmar/

  • AMAFOTO yerekana ubwiza bwabakobwa 37 bahaga… – #rwanda #RwOT

    Umujyi wa Kigali uhagarariwe n'abakobwa 14 barimo: Akaliza Amanda, Akeza Grace, Gaju Evelyne, Ingabire Grace, Kabagema Laila, Kabera Chryssie, Kayirebwa Marie Paul, Kayitare Isheja Morella, Musana Hense Teta, Musango Nathalie, Umutoni Witness, Umwaliwase Claudette, Uwase Phionah na Uwera Aline

    Intara y'Uburasirazuba ihagarariwe n'abakobwa batandatu: Akaliza Hope, Dorinema Queen, Mbanda Godwin Esther, Mugabe Sheilla, Mugabekazi Assouma na Uwankusi Nkusi Linda

    Intara y'Uburengerazuba ihagarariwe n'abakobwa 10: Ingabire Esther, Ishimwe Sonia, Mutesi Doreen, Muziranenge Divine, Teta Cynthia, Umunyana Divine, Umunyurwa Melissa, Umutoni Sandrine, Umwali Dinah, Uwase Kagame Sonia

    Intara y'Amajyepfo ihagararibwe n'abakobwa batatu barimo: Ingabire Honorine, Umutesi Lea, Uwase Clementine

    Intara y'Amajyaruguru ihagarariwe n'abakobwa batandatu batandatu: Isaro Rolitha Benitha, Teta Raissa Keza, Ufitenemo Berine, Umutesi Lea, Ufitinema Berline na Uwase Aline.

    Nishimwe Naomie wegukanye ikamba rya Miss Rwanda 2020, yanditse kuri konti ye ya Twitter agira ati 'Ishya n'ihirwe ku bakobwa 37 babashije gutambuka muri Miss Rwanda 2021.'

    Soma:Abakobwa 37 batsindiye guhagararira Intara n’Umujyi wa Kigali muri Miss Rwanda

    Iri rushanwa rya Miss Rwanda rihatanyemo abakobwa barenze umwe barihatanyemo mu bihe bitandukanye barimo Akaliza Hope witabiriye Miss Rwanda 2020. Ndetse harimo n'abahatanye muri Miss Supranational Rwanda.

    Ingengabihe y'iri rushanwa ivuguruye igaragaza abakobwa batsinze ijonjora (Auditions), bagiye kwinjira mu cyiciro cy'amatora yo kuri internet no kuri SMS kizaba kuva ku wa 22 Gashyantare 2021 kugeza ku wa 03 Werurwe 2021.

    Abakobwa bazajya mu mwiherero uzaba mu muhezo (Bubble) ku wa 03 Werurwe 202, ubera kuri La Palisse Nyamata mu karere ka Bugesera mu Ntara y'Uburasirazuba.

    Umuhango wo guhitamo abakobwa bazajya mu cyiciro cya nyuma cy'iri rushanwa (Pre-Selection) uzaba ku wa 06 Werurwe 2021 utambuka kuri RBA no kuri shene ya Youtube ya Miss Rwanda.

    Umwiherero w'abakobwa bageze mu cyiciro cya nyuma (Boot Camp) uzaba guhera ku wa 07 Werurwe 2021 uzasozwe ku wa 20 Werurwe 2021, ari nabwo hazamenyekana umukobwa wegukanye ikamba rya Miss Rwanda 2021 mu muhango uzatambuka kuri RBA no kuri shene ya Youtube ya Miss Rwanda.

    Abakobwa 403 ni bo biyandikishe mu guhatanira ikamba rya Miss Rwanda 2021. Harimo abakobwa bitabiriye iri rushanwa mu bihe bitandukanye, abarangije icyiciro cya kabiri cya Kaminuza n'icya Gatatu cya Kaminuza 'Masters' n'abandi bafite inyota yo kwegukana iri kamba ry'igiciro kinini.

    Ku ya 11 Ukuboza 2020, abateguye Miss Rwanda batangaje impinduka zikomeye mu irushanwa rya Miss Rwanda 2021, ryiswe 'Miss Rwanda y'impinduka', nyuma y'amavugurura mu mitegurire, ryakinguye amarembo ku bakobwa benshi mu gihe ibihembo na byo byavuguruwe.

    Uzegukana ikamba rya Miss Rwanda hamwe n'abazatsindira amakamba atandukanye bazahabwa ibihembo n'inyungu nyinshi mu rwego rwo gutuma aya marushanwa aha imbaraga abakobwa benshi bashoboka.

    Mu mpinduka nshya, imyaka yemewe isabwa uwitabira yongerewe kuva kuri 18 kugeza kuri 24 igera kuri 18 kugeza kuri 28, mu gihe uburebure bwasabwaga bwavanyweho. Abitabira amarushanwa bagomba kuba bari mu rwego rwiza rw'umubiri (BMI).

    Bitandukanye no mu marushanwa y'imyaka yashize, uwatsindiye Miss Rwanda 2021, abatsindiye andi makamba n'abageze mu cyiciro cy'umwiherero bazashyigikirwa mu buryo butandukanye, harimo gutera inkunga imishinga yabo n'impano zabo nziza mu gihe cy'umwaka wose.

    AMAFOTO AGARAGAZA UBWIZA BW’ABAKOBWA 37 BATSINZE IJONJORA RYA MISS RWANDA 2021

    Uwimana Clementine afite imyaka 21 yarangije amashuri yisumbuye, ahagarariye Intara y'Amajyepfo

    Uwankusi Nkusi Linda ahagarariye Intara y'Uburasirazuba, afite imyaka 21 yarangije ayisumbuye

    Uwase Aline ahagarariye Intara y'Amajyaruguru, afite imyaka 22 yarangije Kaminuza

    Uwase Kagame Sonia ahagarariye Intara y'Uburengerazuba, afite imyaka 20 yarangije Kaminuza

    Uwase Phionah ahagarariye Umujyi wa Kigali, afite imyaka 21 yarangije Kaminuza

    Umutoni Witness ahagarariye Umujyi wa Kigali, afite imyaka 20 yarangije ayisumbuye

    Umutoniwase Sandrine ahagarariye Intara y'Uburengerazuba, afite imyaka 21 yarangije ayisumbuye

    Umwaliwase Claudette ahagarariye Umujyi wa Kigali, afite imyaka 21 yarangiye ayisumbuye

    Umwali Dianah ahagarariye Intara y'Uburengerazuba, afite imyaka 21 yarangije Kaminuza

    Uwera Aline ahagarariye Umujyi wa Kigali, afite imyaka 22 yarangije ayisumbuye

    Uwimana Clementine w'imyaka 21 ahagarariye Intara y'Amajyepfo yarangije ayisumbuye

    Umutesi Lea ahagarariye Intara y'Amajyaruguru, afite imyaka 22 yasoje Kaminuza

    Umunyana Divine ahagarariye Intara y'Uburengerazuba, afite imyaka 21 yarangije Kaminuza

    Umunyurwa Melisaa ahagarariye Intara y'Uburengerazuba, afite imyaka 21 yasoje ayisumbuye

    Musango Nathalie ahagarariye Umujyi wa Kigali, afite imyaka 22 yarangije Kaminuza

    Musana Teta Hense ahagarariye Umujyi wa Kigali, afite imyaka 21 yarangije ayisumbuye

    Mugabe Sheilla ahagarariye Intara y'Uburasirazuba, afite imyaka 19 y'amavuko yasoje amashuri yisumbuye

    Mugabekazi Assouma ahagarariye Intara y'Uburasirazuba, afite imyaka 21 yarangije Kaminuza

    Mutesi Doreen ahagarariye Intara y'Uburengerazuba, afite imyaka 19 yasoje kwiga amashuri yisumbuye

    Muziranenge Divine ahagarariye Intara y'Uburengerazuba, afite imyaka 19 y'amavuko yarangije amashuri yisumbuye

    Teta Cynthia ahagarariye Intara y'Uburengerazuba, afite imyaka 21 yarangije Kaminuza

    Teta Raissa Keza ahagarariye Intara y'Amajyaruguru, afite imyaka 21 yarangije ayisumbuye

    Ufitinema Berline ahagarariye Intara y'Amajyaruguru, yarangije imyaka 21 yasoje Kaminuza

    Gaju Evelyne ahagarariye Umujyi wa Kigali, afite imyaka 21 yarangije amashuri yisumbuye

    Ingabire Esther ahagarariye Intara y'Uburengerazuba, afite imyaka 19 y'amavuko yarangije amashuri yisumbuye

    Ingabire Grace ahagarariye Umujyi wa Kigali, afite imyak 25, yarangije Kaminuza

    Ingabire Honorine ahagarariye Intara y'Amajyepfo, afite imyaka 23 yarangije Kaminuza

    Isaro Rolitha Benitha ahagarariye Intara y'Amajyaruguru, afite imyaka 20 yasoje amashuri yisumbuye

    Ishimwe Sonia ahagarariye Intara y'Uburengerazuba, afite imyaka 18 yasoje amashuri yisumbuye

    Kabagema Laila ahagarariye Umujyi wa Kigali,afite imyaka 19 yasoje amashuri yisumbuye

    Kabera Chryssie ahagarariye Umujyi wa Kigali, afite imyaka 23 yarangije Kaminuza

    Kayirebwa Marie Paul ahagarariye Umujyi wa Kigali, afite imyaka 24 yarangije amashuri yisumbuye

    Kayitare Isheja Morella ahagarariye Umujyi wa Kigali, afite imyaka 19 yarangije ayisumbuye

    Mbanda Godwin Esther ahagarariye Intara y'Uburasirazuba, afite imyaka 18 yarangije amashuri yisumbuye

    Akaliza Amanda w'imyaka 24 y'amavuko, yarangije Kaminuza, ahagarariye Umujyi wa Kigali

    Dorinema Queen ahagarariye Intara y'Uburasirazuba, afite imyaka 18 y'amavuko, yarangije amashuri yisumbuye

    Akeza Grace afite imyaka 20 y'amavuko yarangije amashuri yisumbuye, ahagarariye Umujyi wa Kigali

    Akaliza Hope afite imyaka 20, yarangije amashuri yisumbuye ahagarariye Intara y'Uburasirazuba

    Nimwiza Meghan Miss Rwanda 2019 yifurije ishya n'ihirwe abakobwa 37 babonye Pass muri Miss Rwanda 2021

    Miss Nimwiza Meghan mu kiganiro na Martine Abera wa Televiziyo KC2

    Urutonde rw'abakobwa 37 batsindiye guhagararira Intara n'Umujyi wa Kigali muri Miss Rwanda 2021

    Emma Claudine umwe mu bagize Akanama Nkemurampaka ka Miss Rwanda 2021 watangaje abakobwa 37 bakomeje

    Joselyne Kabageni Umunyamakuru wa KC2 wayoboye umuhango wo gutangaza abakobwa 37 bakomeje

    Source : https://inyarwanda.com/inkuru/103252/amafoto-yerekana-ubwiza-bwabakobwa-37-bahagarariye-intara-numujyi-wa-kigali-muri-miss-rwan-103252.html

  • Liverpool yari imaze hafi ikinyejana idatsindirwa mu rugo 4 kikurikiranya yabikorewe na Everton yaherukaga kuyitsinda 1999 #rwanda #RwOT

    Liverpool yaherukaga gutsindwa umukino wa 4 wikurikiranya mu Ukuboza 1923 mu gihe Everton yo yaherukaga gusura Liverpool ikayitsinda muri 1999.

    Aya makipe yo mu rusisiro rwa Marseyside ariko atandukanyijwe n'ibiti bya Stanley Park yahuriye ku kibuga cya Anfield ariko umushyitsi Everton aba ariwe uhacyana umucyo kuko yahatsindiye ibitego 2-0.

    Everton yafunguye amazamu hakiri ku munota wa 3 w'umukino ibifashijwemo na Richarlison mu gihe Gulfi Sigurdsson yatsinze icya kabiri ku munota wa 83 kuri penaliti yabonetse nyuma y'aho Calvert-Lewin yategerwaga mu rubuga rw'amahina na Alexander Arnold.

    Liverpool yavunikije ba myugariro bayo bakinaga barimo Van Dijk,Joel Matip na Joe Gomez yari yabanje mu bwugarizi Ozan Kabak na Jordan Henderson waje kuvunika agasimburwa n'uwitwa Philips nawe utamenyereye.

    Uyu myugariro Ozan Kabak amaze gukina imikino 2 abanza mu kibuga ariko yagaragaje ko atari ku rwego rwo hejuru ku buryo yakina mu ikipe ya Liverpool cyane ko yaje mu kwezi gushize atijwe na Schalke 04.

    Icyakora Liverpool yatsinzwe yayoboye umukino cyane kuko yageze ku kigero cya 80% mu gihe Everton yacungiraga ku mipira itakaye igakora ama counter attacks.

    Ikipe ya Klopp yagiye ku mwanya wa 6 muri Premier League ndetse ishobora kuwutakaza igihe iziyegereye zatsinda ikirarane zifite bikaba byatuma iyi kipe yatwaye shampiyona ubushize ijya muri Europa League.


    Source : http://umuryango.rw/imyidagaduro/imikino/article/liverpool-yari-imaze-hafi-ikinyejana-idatsindirwa-mu-rugo-4-kikurikiranya

  • Abantu 2 bahitanywe na Covid-19 mu gihe abandi 210 bakize #rwanda #RwOT

    Abamaze gukira biyongereyeho 210 bagera ku 16,597.Abakirwaye ni 1,114.

    Abapfuye n'abagabo babiri b'imyaka 71 (i Nyamagabe) na 47 (i Muhanga).

    Hatangajwe ko nibura abakozi 27 bo mu biro bya Perezida wa Sudani y'Epfo banduye Coronavirus.

    Umunyamabanga wa Perezida Salva Kiir, Ateny Wek Ateny yemeje ko mu bakozi bamaze kwandura harimo abashoferi, abatetsi n'abashinzwe kurinda Perezida.

    Yabwiye The East African ko abanduye bose bari gukurikiranirwa hafi n'abaganga kandi bameze neza.

    Ateny yavuze ko Perezida Kiir we atigeze yandura Covid-19 nkuko byahwihwiswaga, icyakora ngo yafashe umwanzuro wo kuba akorera mu rugo hubahirizwa amabwiriza y'inzego z'ubuzima.

    Umwaka ushize nibwo Visi Perezida wa Mbere Riek Machar n'umugore we Angelina Ten banduye Covid-19.


    Source : http://umuryango.rw/amakuru/mu-rwanda/ubuzima/article/abantu-2-bahitanywe-na-covid-19-mu-gihe-abandi-210-bakize

  • CAF CC: AS Kigali yasezerewe na CS Sfaxien ny… – #rwanda #RwOT

    Mu mukino wa kwishyura wabereye kuri Stade ya Kigali kuri uyu wa Gatandatu, warangiye amakipe yombi aguye miswi 1-1, ariko iyi kipe y’umujyi wa Kigali ikaba yari yaratsindiwe i Sfax ibitego 4-1 mu mukino ubanza.

    Uyu mukino AS Kigali yasabwagamo ibitego 3-0 igasezerera Sfaxien, watangiye     iyi kipe yari mu rugo ishaka igitego mu minota ya mbere y’umukino binyuze ku bakinnyi basatira barimo Orotomal Alex, Tchabalala, Lawal ndetse na Pierrot wabashakiraga imipira mu kibuga hagati, ariko ubwugarizi bw’iyi kipe yo muri Tunisia buhagarara neza bwirwanaho.

    CS Sfaxien yari yizeye impamba yavanye mu mukino ubanza yagerageje gukina neza mu kibuga hagati ndetse irema uburyo bwavamo ibitego ariko abakinnyi basatira bakomeza kwirangaraho.

    Nta buryo bwinshi bwo gutsinda bwabonetse mu gice cya mbere ku mpande zombi kuko amakipe yombi yasaga nayakinira inyuma cyane.

    Bitewe n’igitutu AS Kigali yashyize kuri Sfaxien ishaka gufungura amazamu, byaviriyemo abakinnyi ba Sfaxien gukora amakosa atandukanye ndetse bamwe bibaviramo kubona amakarita y’umuhondo, barimo Kingsley Sokari.

    Nyuma yo kubona ko gukina imipira migufi bitari kubahira, AS Kigali yatangiye gukina imipira miremire inyuze ku mpande ku bakinnyi barimo Rugirayabo Hassan na Ishimwe Christian.

    Nyuma yo kuzamukana neza bahererekanya umupira ku bakinnyi barimo Benedata Janvier, Pierrot na Lawal, Sfaxien yakoze ikosa hafi y’urubuga rw’amahina.

    Iri kosa ryaviriyemo ibibazo aba barabu, kuko ku munota wa 44 Aboubakar Lawal yafunguye amazamu atsindira AS Kigali igitego cya mbere ku mupira wari uvuye kwa Benedata Janvier uzwi nka Jijia.

    Iminota 45 y’igice cya mbere yarangiye AS Kigali iri imbere n’igitego 1-0.

    Igice cya kabiri cyatangiye AS Kigali igaragaza inyota yo gutsinda igitego cya kabiri, ari nako Sfaxien ishaka igitego cyo kwishyura.

    Umukino wakomeje gukinirwa mu kibuga hagati, ariko ikipe ya Sfaxien bigaragara ko ikina neza kurusha AS Kigali.

    Abakinnyi bari Aboubakar Lawal bakomeje kugora cyane ubwugarizi bwa Sfaxien, ariko ku bw’amahirwe make uburyo bagerageje ntibubahire.

    Ibintu byazambye ku munota wa 61, ubwo Firas Chawat yatsindaga igitego cya mbere cya Sfaxien n’umutwe ku burangare bwa ba myugariro ba AS Kigali.

    Nyuma yo kwishyura igitego, Sfaxien yahinduye isura isatira izamu rya AS Kigali ariko Umunyezamu Bakame n’ubwugarizi birwanaho.

    Ku munota wa 69 AS Kigali yakoze impinduka, Benedata Janvier asohoka mu kibuga hinjira Ndekwe Felix, Biramahire Abeddy na Ntamuhanga Tumaini uzwi nka Titi binjiye mu kibuga, hasohoka Orotomal Alexis na Nsabimana Eric.

    AS Kigali yakomeje gukina neza ishaka igitego cya kabiri, ariko abakinnyi ba Sfaxien baba maso barinda izamu ryabo ari nako bashaka guca mu rihumye ngo bayibabarize ku kibuga cyayo.

    Iminota 90 yarangiye amakipe yombi aguye miswi 1-1, AS Kigali ihita isezererwa mu irushanwa, mu gihe CS Sfaxien yahise ikatisha itike yo mu matsinda.

    Abakinnyi 11 babanje mu kibuga ku ruhande rwa AS Kigali

    Abakinnyi 11 ba CS Sfaxien bakinnye umukino wa AS Kigali

    Wari umukino AS Kigali yashakagamo intsinzi ariko biranga

    Orotomal agerageza gucenga umukinnyi wa Sfaxien

    Sfaxien yerekeje mu matsinda nyuma yo gusezerera AS Kigali

    Source : https://inyarwanda.com/inkuru/103248/caf-cc-as-kigali-yasezerewe-na-cs-sfaxien-nyuma-yiminsi-80-ihanyanyaza-amafoto-103248.html

  • Abanyarwanda basabwe kudahindura restaurants utubari kuko bishobora gusubiza igihugu mu kaga –

    Yabigarutseho kuri uyu wa Gatandatu tariki 20 Gashyantare 2021, mu kiganiro na RBA, ubwo bamwe mu bagize Guverinoma basobanuraga ingamba zashyizweho hagamijwe kwirinda ikwirakwira ry’icyorezo cya COVID-19.

    Inama y’Abaminisitiri yateranye hifashishijwe ikoranabuhanga ku wa 19 Gashyantare 2021 ni yo yafatiwemo imyanzuro irimo uwo gufungura bimwe mu bikorwa birimo ubucuruzi bw’ibiryo [restaurants] ndetse n’ahacururizwa icyayi n’ikawa hazwi nka Café.

    Uwo mwanzuro uvuga ko “Resitora na Café zemerewe kongera gukora ariko ntizirenze 30% y’ubushobobozi bwazo bwo kwakira abantu.”

    “Zemerewe kwakira abakiliya kugeza saa Kumi n’Ebyiri (6:00Pm) ariko serivisi zo kugeza ku bantu ibyo bakeneye batahana (takeaways or food delivery services) zo zemerewe gukomeza gukora kugeza saa Mbili z’ijoro (8:00Pm).”

    Minisitiri Ngamije yavuze ko kuba hari ibikorwa bimwe byafunguwe bitavuze ko abantu bakwiriye kwirara ngo bakore ibitemewe hagamijwe ubusabane, ibintu avuga ko byashyira igihugu cyose mu kaga.

    Yagize ati “Ndashaka gusaba Abanyarwanda ko tutakongera gusubira mu bibazo twahuye nabyo byo mu kwezi kwa 11 n’ukwa 12 aho wasangaga aho hantu harahindutse utubari mu by’ukuri, byitwa ngo haratanga amafunguro ariko ari utubari.”

    Avuga ko hari bamwe mu bakiliya bajya muri za resitora bitwikiriye kugura ibyo kurya ubundi bakifatira ibyo kunywa bikarangira icyari resitora gihinduka akabari.

    Ati “Umuntu akinjiramo saa Tanu za mu gitondo, akahava saa Kumi n’ebyiri bateruye, bari itsinda ry’abantu benshi bari mu kabari, bateretse isahani y’ibiryo banze kurya kugira ngo bajijishe kandi bari mu kabari.”

    Yakomeje agira ati “Ntidukeneye ko kwitwara nabi bidusubiza mu bibazo tuvuyemo kandi abantu benshi twabibonyemo ingaruka nyinshi ku bukungu, ku mibereho yacu, abana batize, sinzi niba hari umuntu wakongera gushaka gusubira mu bibazo nk’ibyo.”

    Kuva mu mpera z’umwaka ushize, abantu benshi bafashwe nyuma yo kurenga ku mabwiriza yo kwirinda Coronavirus ndetse bamwe bagafatwa banywa inzoga ari benshi kandi bitemewe.

    Ibi biri mu byatumye Umujyi wa Kigali ushyirwa muri gahunda ya Guma mu rugo ndetse ingendo ziwuhuza n’intara zirahagarikwa.

    Mu ntangiriro za Gashyantare 2021, Umuvugizi wa Polisi y’u Rwanda, CP John Bosco Kabera, yavuze ko hari Abanyarwanda by’umwihariko abo mu Mujyi wa Kigali bari muri guma mu rugo bakoresha amayeri atandukanye mu kubeshya bagamije kunyuranya n’amabwiriza yashyizweho yo kwirinda ikwirakwira rya COVID-19.

    Imibare ya Polisi y’Igihugu yo muri icyo gihe yagaragaje ko mu byumweru bibiri abantu bagenza amaguru 117 630, bafashwe barenze ku mabwiriza ya COVID-19, arimo kutambara neza agapfukamunwa, kurenza amasaha n’ibindi. Hari abandi 2066 bafashwe banywa inzoga cyangwa bazigurisha mu gihe utubari tutemerewe gukora. Imodoka zafashwe ni 2218, moto 912 ndetse n’amagare 612.

    Abaturage bibukijwe ko buri wese afite inyungu mu kwirinda no kubahiriza amabwiriza yashyizweho mu guhangana na COVID-19

  • Inzego z'umutekano zishe abaturage 2 bari mu myigaragambyo mu gihugu cya Myanmar #rwanda #RwOT

    Abantu babiri bishwe n'urusasu abashinzwe umutekano muri Myanmar barashe ku bigaragambya bamagana abasirikare bahiritse ubutegetsi bwatowe na rubanda taliki yambere ukwezi kwa kabiri.

    Abasirikare n'abapolisi bagera kuri 500 bahuriye mu mujyi wa Mandalay bakoresha amasasu, ibyuka biryana mu maso n'ibimodoka bimisha amazi afite ingufu mu rwego rwo gutatanya abigaragambyaga. Uretse abantu babiri baguye muri izo mvururu abandi 20 bakomerekeyemo.

    Nkuko abanyamakuru bakorera muri icyo gihugu babivuga, abasirikare bashushubikanije abigaragambya, abanyamakuru n'abaturage bahasanzwe babarasa umugenda ibisasu bitera imyotsi iryana mu maso.

    Inzego z'umutekano ziragenda zirushaho gukoresha ingufu ku bigaragambya banze gutezuka ku bikorwa byabo kuva inzego za gisirikare zitaye muri yombi umuyobozi watowe n'abaturage Aung San Suu Kyi n'ibidi byegera bye taliki ya mbere ukwezi kwa kabiri. Kuva icyo gihe nkuko VOA ibitangaza, igisirikare cyatangaje ibihe bidasanzwe mu gihugu kumara igihe cy'umwaka umwe, kivuga ko amatora yabaye muri Myanmar mu kwa cumi na kumwe umwaka ushize yibwe.

    Kuva abo bayobozi bafungwa, nta munsi w'ubusa abigaragambya babarirwa mu bihumbi batigabiza imihanda bakerensheje amategeko y'umukwabu yashyizweho n'igisirikare. Bagenda bitwaje amafoto ya Suu Kyi batoreye kuyobora icyo gihugu.

    Munyaneza Theogene / intyoza.com

    Source : http://www.intyoza.com/inzego-zumutekano-zishe-abaturage-2-bari-mu-myigaragambyo-mu-gihugu-cya-myanmar/

  • Abanyarwanda basabwe kudahindura restaurants utubari kuko bishobora gusubiza igihugu mu kaga – #rwanda #RwOT

    Yabigarutseho kuri uyu wa Gatandatu tariki 20 Gashyantare 2021, mu kiganiro na RBA, ubwo bamwe mu bagize Guverinoma basobanuraga ingamba zashyizweho hagamijwe kwirinda ikwirakwira ry'icyorezo cya COVID-19.

    Inama y'Abaminisitiri yateranye hifashishijwe ikoranabuhanga ku wa 19 Gashyantare 2021 ni yo yafatiwemo imyanzuro irimo uwo gufungura bimwe mu bikorwa birimo ubucuruzi bw'ibiryo [restaurants] ndetse n'ahacururizwa icyayi n'ikawa hazwi nka Café.

    Uwo mwanzuro uvuga ko 'Resitora na Café zemerewe kongera gukora ariko ntizirenze 30% y'ubushobobozi bwazo bwo kwakira abantu.'

    'Zemerewe kwakira abakiliya kugeza saa Kumi n'Ebyiri (6:00Pm) ariko serivisi zo kugeza ku bantu ibyo bakeneye batahana (takeaways or food delivery services) zo zemerewe gukomeza gukora kugeza saa Mbili z'ijoro (8:00Pm).'

    Minisitiri Ngamije yavuze ko kuba hari ibikorwa bimwe byafunguwe bitavuze ko abantu bakwiriye kwirara ngo bakore ibitemewe hagamijwe ubusabane, ibintu avuga ko byashyira igihugu cyose mu kaga.

    Yagize ati 'Ndashaka gusaba Abanyarwanda ko tutakongera gusubira mu bibazo twahuye nabyo byo mu kwezi kwa 11 n'ukwa 12 aho wasangaga aho hantu harahindutse utubari mu by'ukuri, byitwa ngo haratanga amafunguro ariko ari utubari.'

    Avuga ko hari bamwe mu bakiliya bajya muri za resitora bitwikiriye kugura ibyo kurya ubundi bakifatira ibyo kunywa bikarangira icyari resitora gihinduka akabari.

    Ati 'Umuntu akinjiramo saa Tanu za mu gitondo, akahava saa Kumi n'ebyiri bateruye, bari itsinda ry'abantu benshi bari mu kabari, bateretse isahani y'ibiryo banze kurya kugira ngo bajijishe kandi bari mu kabari.'

    Yakomeje agira ati 'Ntidukeneye ko kwitwara nabi bidusubiza mu bibazo tuvuyemo kandi abantu benshi twabibonyemo ingaruka nyinshi ku bukungu, ku mibereho yacu, abana batize, sinzi niba hari umuntu wakongera gushaka gusubira mu bibazo nk'ibyo.'

    Kuva mu mpera z'umwaka ushize, abantu benshi bafashwe nyuma yo kurenga ku mabwiriza yo kwirinda Coronavirus ndetse bamwe bagafatwa banywa inzoga ari benshi kandi bitemewe.

    Ibi biri mu byatumye Umujyi wa Kigali ushyirwa muri gahunda ya Guma mu rugo ndetse ingendo ziwuhuza n'intara zirahagarikwa.

    Mu ntangiriro za Gashyantare 2021, Umuvugizi wa Polisi y'u Rwanda, CP John Bosco Kabera, yavuze ko hari Abanyarwanda by'umwihariko abo mu Mujyi wa Kigali bari muri guma mu rugo bakoresha amayeri atandukanye mu kubeshya bagamije kunyuranya n'amabwiriza yashyizweho yo kwirinda ikwirakwira rya COVID-19.

    Imibare ya Polisi y'Igihugu yo muri icyo gihe yagaragaje ko mu byumweru bibiri abantu bagenza amaguru 117 630, bafashwe barenze ku mabwiriza ya COVID-19, arimo kutambara neza agapfukamunwa, kurenza amasaha n'ibindi. Hari abandi 2066 bafashwe banywa inzoga cyangwa bazigurisha mu gihe utubari tutemerewe gukora. Imodoka zafashwe ni 2218, moto 912 ndetse n'amagare 612.

    Abaturage bibukijwe ko buri wese afite inyungu mu kwirinda no kubahiriza amabwiriza yashyizweho mu guhangana na COVID-19

    Source : http://igihe.com/amakuru/u-rwanda/article/abanyarwanda-basabwe-kudahindura-restaurants-utubari-kuko-bishobora-gusubiza

  • Ibya Mbappe byafashe indi ntera! Minisitiri y… – #rwanda #RwOT

    Minisitiri wa Siporo mu Bufaransa, Madame Roxana Maracineanu, yabwiye Mbappe ko u Bufaransa bukeneye ko aguma muri shampiyona ya Ligue 1, kuko bifitiye akamaro abaturage bose n’iterambere rya ruhago muri iki gihugu.

    Mu kiganiro yagiranye na Tele Loisirs, Madame Roxana yagize ati “Naramubwiye nti ‘Klyan guma mu Bufaransa, turagukeneye”.

    “Dushaka guhora tukubona ukina utya, Abaturage baragukeneye, PSG iragukeneye, abana bakiri bato bakina umupira w’amaguru bakeneye uwo bazakura bareberaho, uzababera icyitegererezo”.

    Muri iki cyumweru hagati, nibwo Mbappe yongeye kwereka abatuye Isi ubushobozi bwe mu kibuga nyuma yo gutsindira i Camp Nou ibitego bitatu, mu mukino wa UEFA Champions League PSG yatsinze FC Barcelona 4-1.

    PSG yakoze ibishoboka byose ishyira umutekano ku masezerano ya Neymar, gusa kuri Mbappe biracyagoranye kuko ayo asanzwe afite azarangira umwaka utaha, bivuze ko bigoye kumugumana dotre ko amakipe y’ubukombe ku Isi arimo Real Madrid amaze igihe kirekire amugera amajanja.

    Ubwo yabazwaga ku hazaza he nyuma y’umukino bari bamaze gutsinda FC Barcelona, ndetse n’amakuru amwerekeza muri Real Madrid, Klyan Mbappe yagize ati:

    “Ahazaza hanjye? Bwaba ari ubucucu gufata umwanzuro nkuwo ugendeye ku mukino umwe gusa”.

    “Iki ni ikintu gisaba igihe kirekire kugitekereza”.

    “Buri gihe mbabwira ko hano nishimye, kandi imikino nk’uwiri joro ituma umuntu yishima”.

    Mbappe yasabwe na Minisitiri kuguma muri shampiyona y’u Bufaransa

    Mbappe aheruka gutsindira ibitego bitatu i Camp Nou kwa Barcelona muri 1/8 cya Champions League

    Source : https://inyarwanda.com/inkuru/103251/ibya-mbappe-byafashe-indi-ntera-minisitiri-yamusabye-kutagira-ikindi-gihugu-ajyamo-akaguma-103251.html