Category: Uncategorized

Nyuma y’uko urukiko rwemeje ko Bishop Niyomwungeri atanga amakuru yafasha urukiko kumenya uburyo Rusesabagina yagejejwe mu Rwanda, uyu mutangamakuru ukomoka mu Burundi, yasabwe kwigira imbere avuga umwirondoro we.

Yavuze ko asanzwe aba mu Bubiligi ariko ko ajya aza mu Rwanda no mu bindi bihugu byo mu karere ku mpamvu atavuze.

Bamenyanye na Rusesabagina muri 2017 bahujwe n’uwo basanzwe bavugana, bakibwirana akamubwira ko ari Perezida wa MRCD ifite umutwe wa FLN.

Ngo yamusabye ubufasha bwo kuba yamuhuza n’abayobozi b’i Burundi undi akamubwira ko ntacyo yamufasha kuko ibyo akora bitajyanye n’umurongo bw’ibyo yamubwiraga.

Yavuze ko ubwo yumvaga amakuru kuri BBC ko mu Rwanda hagabwe igitero cya FLN cyagabwe mu Rwanda kigahitana bamwe mu Banyarwanda, agahita amwandikira ubutumwa bugufi abimubazaho niba ari wa mutwe we undi akabimwemerera.

Ngo yongeye kubimubaza amubwira ko ari bo babikoze ariko ko Sankara yakoze amakosa akabitangaza kandi ngo baragombaga kubihisha bakaza kubigereka ku ngabo z’u Rwanda.

Bishop Niyomwugengeri ngo yumvise bimubabaje, atangira kwiga Paul Rusesabagina.

Ngo yaje mu Rwanda muri 2019 irangira aje mu minsi mikuru isoza n’itangira umwaka, nko mu kwa Kabiri agiye gutaha ngo hari uwamuhamagaye ashaka kumutuma akaza guhita amujyana muri RIB ikamumenyesha ko aregwa ibyaha by’iterabwoba.

Ngo yageze muri RIB bamusobanurira uburyo akorana na Paul Rusesabagina undi ararahira aratsemba ababwira ko badakorana ariko abemerera ko bavugana ndetse banavugana ibyo bakorana.

Ngo icyo gihe ajya muri RIB yeretswe imfubyi zapfushije ababyeyi muri biriya bitero bya FLN, maze uyu mukozi w’Imana agira agahinda ari na ko katumye yemera gukorana na RIB kugira ngo Rusesabagina azashyikirizwe ubutabera.

Gusa ngo akiri muri RIB yabwiye uwitwa Michel (wo muri RIB) ko batazongera kuvugana ariko undi amubwira ahubwo bazakomeza kuvugana kugira ngo bamenye imigambi ye.

Uyu mutangamakuru ngo yaje kubwirwa na Rusesabagina ko yifuza kujya i Burundi guhura n’abayobozi b’umutwe wa FLN ariko ko afite imbogamizi z’uburyo azagerayo kuko atagenda n’indege isanzwe ahubwo ko ashaka indege yihariye (Private Jet).

Ngo yamwereye ko yazamufasha ariko ko we yari yamaze kwishyiramo umugambi wo kumushyikiriza ubutabera ariko ko yumvaga atamujyanye ahantu habi. Bishop Niyomwungere ngo yamwemereye ko abayobozi b’i Burundi bamwereye kumufasha buri kimwe ndetse no kuzahura.

Ariko uyu mukozi w’Imana yarahiye ko atigeze avugana n’abayobozi b’i Burundi kuko biriya byose yabimubeshye kugira ngo agere ku mugambi we.

Nyuma baje guhurira i Dubai, uyu mukozi w’Imana amwishyurira buri kimwe cyose ndetse bakaza kuhavana bari mu ndege ibazana mu Rwanda.

Ngo ni we wamufunguriye umuryango yinjira mu ndege mubwira nti 'mwinjire nyakubahwa Perezida’ araseka cyane ngo 'ariko uzanyita Perezida kugeza ryari’.'

Ngo yaje no kumuhindurira umwanya kugira ngo ataza kubona muri tableau y’indege ko yerekeje mu Rwanda.

Uyu mukozi w’Imana uvuga ko yashakaga gutura umutwaro yari yikoreye ngo bageze mu nzira indege igiye kuvuga aho indege igiye, ahita amuganiriza cyane kugira ngo ataza kubyumva, agize amahirwe ntiyabyumva ko indege igiye mu Rwanda.

Na none Paul Rusesabagina yabajije umukobwa wari uri kubakira mu ndege, yamubajije ngo 'kuva aha ugera I Bujumbura harimo igihe kingana gute ?' Bishop Niyomwungere ngo yahise agira ubwoba bwinshi ariko umukobwa akamusobanurira igihe kirimo kuva hariya kugera mu bihugu binyuranye mu bihugu byo mu karere.

Bishop Niyomwungere avuga ko bageze aho agasaba umukobwa kujya kubazanira amazi yo kunywa anasaba ko bazimya amatara bagasinzira bakaza kugera i Kigali bagisinziriye bahageze, aramukangura basohoka mu ndege.

Bageze ku kibuga cy’indege i Kanombe, Bishop Niyomwungere na Rusesabagina barurutse bageze hasi bahita bahura n’uriya yise umukozi wa RIB witwa Michel agahita amuha urwandiko bagahita bamujyana mu modoka, na we agahita ajya mu ye.

Urukiko rwabajije Bishop Niyomwungere niba mu byo yaganiriye na Rusesabagina ko atari agiye gutanga ibiganiro mu itorero rye, undi aratsemba, avuga ko kuva bamenyana batigeze bagira ikintu bavuga ku bijyanye n’Imana.

UKWEZI.RW

Aba bana baturikanywe n’igisasu kuri uyu wa Kane tariki 04 Werurwe 2021, bombi ni abahungu barimo ufite imyaka 13 n’undi ufite imyaka 17 y’amavuko

Murekezi Claude uyobora Umurenge wa Mukarange, avuga ko iriya grenade yaturikanye bariya bana bariho bayikinisha kuko bari bayitiranyije n’inyundo.

Yagize ati 'Ni abana babiri umwe w’imyaka 13 n’undi w’imyaka 17 nyina w’uwa 13 yari yagiye guhinga atoragura grenade ayizana azi ko ari icyuma gisanzwe ayitiranya n’inyundo, ni uko agiha umwana atangira kugikinisha bukeye uwo mubyeyi ajya guhingira amafaranga ku baturanyi ajyana n’umuhungu we ajyana na ya grenade.'

Uyu muyobozi avuga ko bariya bana bakomeretse mu buryo bworohereje.

Yagize n’ubutumwa atanga, agira ati 'Turabasaba kwirinda gukinisha ikintu icyo aricyo cyose badasobanukiwe kuko cyabakururira ibibazo, niba babonye icyuma batazi byaba byiza babajije ubuyobozi kuko hari ubwo kiba ari grenade cyangwa ikindi kintu gishobora kubakurira ibibazo.'

UKWEZI.RW

Korali Elayono ikorera umurimo w’Imana muri ADEPR Remera yashyize hanze indirimbo nshya ‘Imirimo’ yanditswe na Komisiyo ishinzwe tekinike muri iyi korali. Ni indirimbo ivuga ku mirimo y’Imana, uburyo Imana ikora imirimo ihambaye, iteye ubwoba.

Eric MURANGWA umwe mu bayobozi ba Elayono choir yashinzwe mu 1996, yabwiye InyaRwanda.com dukesha iyi nkuru ko bahimbye iyi ndirimbo ‘Imirimo’ bashaka gusaba abantu kwizera Imana no kuyiringira kuko ari Imana ikora imirimo ikomeye umwana w’umuntu atakora. Ati “Icyo twashakaga kuvuga muri rusange ni uko twashakaga kubwira abantu kugira ngo bizere Imana bayiringire, Imana ikora imirimo iteye ubwoba”.

Ati “Icyo twabwira abakunzi bacu n’abantu bose b’abakristo bakunda korali Elayono, turimo turabaha ubutumwa bwiza bw’indirimbo yubabwira y’uko Imana ishobora kubakorera ibitangaza ikabakorera imirimo itangaje”. Aba baririmbyi bashyize hanze iyi ndirimbo, nyuma y’ukwezi kumwe basohoye indirimbo. Batangaje ko batazajya barenza nibura amezi 2 badashyize hanze igihangano gishya.

Muri iyi ndirimbo ‘Imirimo’, Elayono choir iririmbamo aya magambo “Mwa bari mu isi yose mwese mwe, muvugirize Imana impundu, muririmbe icyubahiro cy’izina ryayo, mwa mahanga yose mwe muhimbaze Imana yacu mwumvikanishe ijwi ry’ishimwe ryayo. Nimuze murebe imirimo y’Imana iteye ubwoba, yimura imisozi itabimenye ikayubika n’uburakari, iyo Mana Nyiringabo”.

Elayono choir yatangiye umurimo w’ivugabutumwa mu ndirimbo mu 1996

REBA HANO ‘IMIRIMO’ INDIRIMBO NSHYA YA ELAYONO CHOIR

Source: InyaRwanda.com

[email protected]

Iki gikorwa cyabereye ku Bitaro bya Masaka biherereye mu Karere ka Kicukiro mu Mujyi wa Kigali, cyatangijwe na Minisitiri w’Ubuzima, Dr Daniel Ngamije na we wahawe uru rukingo.

Iki gikorwa kandi kibaye mu gihe mu bitaro by’Uturere binyuranye mu Gihugu hose no mu Bigo Nderabuzima na ho batangije iki gikorwa cyo gukingira abantu bari mu kiciro cy’abihutirwa.

Ubwo u Rwanda rwari rwiteguye kwakira inkingo, Minisitiri w’Ubuzima, Dr Daniel Ngamije yavuze ko yifuza kuzikingiza mbere kugira ngo amare impungenge abazifite ku buziranenge bw’izi nkingo.

Minisitiri w’Ubuzima kandi ubwo u Rwanda rwari rumaze kwakira izi nkingo, yamaze impungenge Abanyarwanda ko izi nkingo zujuje ubuziranenge kuko zemejwe n’Ishami ry’Umuryango w’Abibumbye rishinzwe Ubuzima (WHO) ndetse n’ikigo gishinzwe inkingo.

Izi nkingo zavuzweho ibihuha byinshi, bamwe bavuga ko ari cya kimenyetso cya satani kizaterwa abantu mu rwego rwo kubagenzura.

Hari n’abavugaga ko zigira ingaruka ku buzima bwa muntu gusa Guverinoma y’u Rwanda yavuze ko izo zoherejwe zujuje ibipimo by’ubuziranenge.

UKWEZI.RW

Ibi byabaye kuri uyu wa Kane tariki ya 4 Werurwe 2021 bibera mu Mudugudu wa Miyange mu Kagari ka Kayonza mu Murenge wa Mukarange.

Umunyamabanga Nshingwabikorwa w'Umurenge wa Mukarange, Murekezi Claude, yabwiye IGIHE ko iyi grenade yaturikanye aba bana nyuma yo kuyikinisha bayitiranya n'inyundo nini ikoreshwa n'abafundi.

Ati ' Ni abana babiri umwe w'imyaka 13 n'undi w'imyaka 17 nyina w'uwa 13 yari yagiye guhinga atoragura grenade ayizana azi ko ari icyuma gisanzwe ayitiranya n'inyundo, ni uko agiha umwana atangira kugikinisha bukeye uwo mubyeyi ajya guhingira amafaranga ku baturanyi ajyana n'umuhungu we ajyana na ya grenade.'

Yakomeje avuga ko bagezeyo uwo mwana yakomeje gukinisha iyo grenade we n'uwo musore w'imyaka 17 iza kubaturikana bakomereka mu buryo budakabije cyane.

Gitifu Murekezi yasabye ababyeyi kwirinda gukinisha ikintu batazi ngo kuko gishobora kuba ari igisasu kikabakurura ibibazo.

Ati ' Turabasaba kwirinda gukinisha ikintu icyo aricyo cyose badasobanukiwe kuko cyabakururira ibibazo, niba babonye icyuma batazi byaba byiza babajije ubuyobozi kuko hari ubwo kiba ari grenade cyangwa ikindi kintu gishobora kubakurira ibibazo.'

Mu mezi abiri ashize hagiye hatoragurwa grenade zishaje hirya no hino mu giturage zimwe zigaturikana abazitoraguye ariko kuko ziba zimaze igihe ntizibakomeretse mu buryo bukabije.

---

Nyuma y’uko Urukiko rufashe umwanzuro ko urubanza rukomeza ndetse n’uruhande rwa Paul Rusesabagina rukavuga ko noneho rwiteguye gusobanura inzitizi zarwo, Paul Rusesabagina yahawe umwanya ngo asobanure iyo nzitizi, asaba ko Umunyamategeko we azisobanura.

Me Jean Felix Rusakemwa yagarutse ku rugendo rw’uburyo Paul Rusesabagina yageze mu Rwanda kuva avuye i Dubai kugeza ageze mu Rwanda.

Yavuze Rusesabagina yafashwe mu ijoro ryo ku wa 27 rishyira ku wa 28 z’ukwa Kanama 2020, agashimutwa, ngo agahita afatwa agafungwa mu buryo bunyuranyije n’amategeko kuko nta cyemezo na kimwe giteganywa n’amategeko yari afite.

Me Jean Felix Rudakemwa avuga ko ubundi iyo igihugu gishaka umuntu ukekwaho ibyaha yoherezwa kuburanira mu icyo gihugu, rurabigisaba noneho inkiko zibishinzwe zigaterana zigafata icyemezo.

Me Jean Felix Rusakemwa yagize ati 'Izanwa rye mu Rwanda ni kidnaping ni ugushimutwa, yasobanuye mu Bugenzacyaha, muri Pariki arabivuga, biba iby’ubusa.'

Yasabye ko ibyemezo byose yafatiwe bikurwaho ku buryo yahita arekurwa 'nta yindi nkomyi agasubizwa mu buzima bwe busanzwe.'

Yavuze ko yafatiwe mu Leta zunze ubumwe z’Abarabu, nta Visa nyarwanda yari yatse kandi muri 2004 yaje afite Visa.

Uyu munyamategeko avuga ko bitumvikana uburyo Rusesabagina yazanywe mu Rwanda kandi nIkiko zo mu Bubiligi zari zaratangiye kumuburanisha ariko 'babirenzeho barashimuta.'

Yavuze kandi ko iyo umuntu akekwaho icyaha, hari inzira zikurikizwa kugira ngo agezwe mu butabera ziteganywa n’itegeko ryerekeye imiburanishirize y’imanza z’inshinjabyaha cyane cyane mu ngingo za 29 kugeza ku ya 31 z’iri tegeko.

Yagize ati 'U Rwanda rwagombaga kumusaba Leta Zunze Ubumwe z’abarabu ubundi hagakorwa inzira zemewe n’amategeko.'

Yakomeje agira 'Iri shimutwa kandi ryashimangiwe n’umutangabuhamya w’Ubushinjacyaha witwa Bishop Constantin Niyomwungeri.

Yavuze ko uyu mutangabuhamya abishimangira mu nyandiko mvugo eshatu zirimo iyo ku wa 27 Gashyantare 2020.

Ngo uyu mugabo yafatanyije na RIB mu gutegura no gushyira mu bikorwa izanwa mu Rwanda rya Paul Rusesabagina, akavuga ko indege yamuzanye yatanzwe na RIB. Ati 'kuvuga RIB kandi ubwo ni ikigo cya Leta, ubwo ni Leta yabikoze.'

Me Rudakemwa avuga ko muri izo nyandiko mvugo, Bishop Constatin Niyomwungeri hari aho ahuza na Rusesabagina wavuze ko yahagurutse Dubai ajya i Bujumbura ariko ko ngo umugambi wari waracuzwe mbere wo kumuzana i Kigali.

Ngo igihe bari bageze mu ndege, abapilote bavuze ko Indege igiye i Kigali 'ariko Bishop bimutera impungenge asaba abapilote ko batongera kuvuga ko bagiye i Kigali kugira ngo Rusesabagina atabimenya.'

Ati 'Ibyo rero birashimangira ko Rusesabagina yashimuswe ariko amayeri Bishop yari yarapanze, Rusesabagina yisanze i Kigali nta n’inyandiko n’imwe afite.'

Ingingo ya 09 y’amasezerano mpuzamahanga y’uburenganzira bwa muntu, ivuga ko uburenganzira bw’umuntu ari ntayegayezwa, ivuga ko umuntu wese wafashwe mu buryo bunyuranyije n’amategeko, uwafashwe asubizwa uburenganzira bwe.

UKWEZI.RW