Webrwanda Backend

Category: Uncategorized

  • Ibihembo birimo imodoka nInzu bigiye kongerw… – #rwanda #RwOT

    Kuva mu myaka ibiri ishize, umukobwa wegukanye ikamba rya Miss Supranational Rwanda ahembwa miliyoni 1 Frw akanafashwa guserukira u Rwanda mu irushanwa rya Miss Supranational ku rwego rw'Isi ribera muri Poland.

    Abakobwa babiri nibo bamaze kwegukana ikamba rya Miss Supranational Rwanda; Umunyana Shanitah Miss Supranational Rwanda 2019 na Umuratwa Kate Anitha Miss Supranational Rwanda 2021.

    Umukobwa wegukana ikamba rya Miss Supranational muri Poland ahembwa arenga ibihumbi 30 by'amadorali, akanashyigikirwa mu rugendo rwe rwo gushyira mu ngiro umushinga we.

    Miss Supranational irenga imipaka igahuza abakobwa bo mu bihugu bitandukanye byo ku Isi. Rishingira ku bwiza, imico n'ubukerarugendo bw'ibihugu bitandukanye abakobwa bakomokamo baryitabira n'ibindi.

    Iri rushanwa mu Rwanda ryitabirwa n'abakobwa baba barahatanye muri Miss Rwanda, abasanzwe bamurika imideli n'abandi bafite impano zihariye.

    Babiri bamaze kwegukana iri rushanwa banyuze muri Miss Rwanda. Umunyana Shanitah yabaye Igisonga cya mbere cya Miss Rwanda 2018 naho Umuratwa Kate Anitha yabonetse mu bakobwa 20 bagiye mu mwiherero wa Miss Rwanda. Ni ibintu bigaragaza ubufatanye bw'aya marushanwa yombi.

    Miss Supranational Rwanda itegurwa na Sosiyete SupraFamily Rwanda Ltd ihagarariwe na Nsengiyumva Alphonse. Yashinzwe nyuma y'uko Dr. Uwamahoro Yvonne ubarizwa mu Budage ari we wahitagamo umukobwa userukira u Rwanda.

    Nsengiyumva Alphonse yabwiye INYARWANDA ko mu gihe cy'imyaka ibiri ishize iri rushanwa ribera mu Rwanda yishimira intambwe rigezeho, ashingiye ku bwitabire bw'abakobwa n'uburyo abantu bagenda baryumva.

    Yavuze ko bashyize imbaraga mu gutuma umukobwa userukira u Rwanda yitwara neza muri Miss Supranational ibera muri Poland.

    Kandi ko bishimira intambwe Umunyana Shanitah yagejejeho u Rwanda muri iri rushanwa, ari nayo mpamvu bagiye gukora uko bashoboye kugira ngo Umuratwa Anitha uzaserukira u Rwanda kuri iyi nshuro azarenge aho mugenzi we yageze.

    Ati 'Kate afite akazi katoroshye, aho ari abyumve. Banza na nijoro arose yahita avuga ati 'mfite akazi katoroshye'. Ni ukuvuga ngo hari byinshi yujuje mu byo basaba muri Poland ari nacyo cyatumye atsinda ariko nyine na bimwe agomba gukora kugira ngo agere ku rwego rwo guhangana.'

    Hari ibihugu bifite amateka akomeye mu marushanwa y'ubwiza abafasha kwitwara neza muri Poland. Harimo nka France, Tailand, Indonesia, Philipinnes n'Afurika y'Epfo ifite umukobwa wegukanye Miss Universe, ifite n'umukobwa wabaye igisonga muri Supranationla yo muri Poland.

    Alphonse avuga ko ibi bituma umukobwa uvuye muri ibi bihugu byubatse amazina agenda yifitiye icyizere, bikamufasha kwitwara neza muri iri rushanwa.

    Yavuze ko bagiye gutegura Umuratwa kumenya kuvugira imbere y'abantu, kubasha kuganira n'akanama nkemurampaka n'ibindi bishobora kuzamufasha kugera muri 25 bazavamo Miss Supranational.

    Alphonse avuga ariko ko kugira ngo Umuratwa agera muri aba bakobwa hasabwa uruhare runini rw'Abanyarwanda mu kumutora ku mbuga zose. Uyu muyobozi yavuze ko mu myaka itanu iri imbere, irushanwa rizaba ribereye buri wese, kandi ko u Rwanda ruzaba rufite umukobwa watwaye ikamba rya Miss Supranational.

    Ati 'Niba irushanwa ry'ubwiza rigamije kumenyekanisha Igihugu; rikaba rigamije gukuraho izi mbibi hagati y'ibihugu, rikaba rigamije guteza imbere ubukerarugendo…Nkeka ko mu myaka itanu tuzaba dufite umukobwa watwaye ikamba mpuzamahanga.'

    Akomeza ati 'Ikindi ni ukuryongera imbaraga ku buryo kiba cya gikorwa gikurura n'ubukerarugendo mu Rwanda.' Yavuze ko umukobwa wegukana ikamba rya Miss Supranational bemerewe kumutumira akaza mu Rwanda kubafasha gutegura irushanwa, ariko igihe kitaragera bitewe n'uko hari ibyo bakiri kunoza.

    Nsengiyumva Alphonse avuga ko mu myaka itanu iri imbere bashaka ko iri rushanwa rizaba rigera mu Ntara zose z'u Rwanda, kandi n'ibihembo bikongerwa ku mukobwa utwara irushanwa. Ati 'Ku nshuro ya 3, iya 4 cyangwa iya 5 hazaba harimo imodoka harimo n'abaterankunga bafatika. Umukobwa tumuhembe imodoka cyangwa tumuhembe inzu. Ako kantu ukabike.'

    Alphonse Nsengiyumva yatangaje ko mu myaka itanu iri imbere umukobwa uzajya wegukana ikamba rya Miss Supranational Rwanda azajya ahembwa imodoka cyangwa inzu

    Nsengiyumva yavuze ko bagiye gushyira imbaraga mu gutegura Umuratwa akazaboneka mu bakobwa 25 bazavamo Miss Supranational

    KANDA HANO UREBE IKIGANIRO TWAGIRANYE NA ALPHONSE UTEGURA MISS SUPRANATIONAL RWANDA


    AMAFOTO&VIDEO: PATRICK PROMOTER-INYARWANDA.COM

    Source : https://inyarwanda.com/inkuru/104187/ibihembo-birimo-imodoka-ninzu-bigiye-kongerwa-muri-miss-supranational-rwanda-ikiganiro-na–104187.html

  • RwandAir yabaye Sosiyete ya mbere y’Indege muri Afurika yakingiye Covid-19 abakozi bayo bose –

    Kuwa 8 Mata nibwo RwandAir yatangiye ibikorwa byo gukingira abakozi bayo bose, hari mu gihe n’igihugu muri rusange cyari kimaze iminsi mike gitangije gahunda yo gukingira Covid-19 abaturage bafite ibyago byo kwandura.

    Ubu abakozi bose bo mu ndege n’abakora ku Kibuga cy’Indege Mpuzamahanga cya Kigali, bamaze guhabwa doze ya mbere y’urukingo rwa Covid-19 mu guharanira ko abagenzi batwarwa n’iyi sosiyete baba batekanye.

    Ni mu gihe kandi RwandAir igiye no kuba Sosiyete Nyafurika ya mbere muri Mata izabona icyangombwa gitangwa n’Ikigo Mpuzamahanga gishinzwe ingendo zo mu Kirere, IATA, kiyemerera gusubukura ingendo mpuzamahanga mu buryo bwizewe.

    Umuyobozi Mukuru wa RwandAir, Yvonne Manzi Makolo, yatangaje ko ubwo u Rwanda rwatangiraga ibikorwa byo gukingira rwahereye ku bakora mu nzego z’ubuzima hamwe “n’abakozi bose ba RwandAir”.

    Ati “Ibikorwa byo gukingira byari muri gahunda yo gushyiraho uburyo butekanye kandi bwizewe ku bagenzi, yaba bari mu kirere cyangwa se ku butaka.”

    Yakomeje avuga ko kuri RwandAir, ubuzima n’umutekano w’abagenzi ari “inshingano ya mbere” ndetse ko iki kigo kimaze igihe gikora cyane kugira ngo kigarurire abagenzi icyizere cyo kongera gukora ingendo zo mu kirere.

    RwandAir yabaye Sosiyete y’Indege ya mbere muri Afurika ikingiye abakozi bayo bose mu gihe ku rwego rw’Isi iyari yaciye agahigo ari Etihad ariko ikaba yari yibanze ku gukingira abapilote n’abandi bakozi bo mu ndege mu gikorwa cyarangiye mu ntangiriro za Gashyantare.

    Guverinoma y’u Rwanda imaze igihe yarashyize imbaraga muri RwandAir aho ishaka ko iba igicumbi cy’ingendo zo mu kirere muri Afurika y’Iburasirazuba.

    Muri uyu mwaka w’ingengo y’imari, Guverinoma yashoye muri RwandAir miliyari 145 Frw avuye kuri miliyari 122 Frw yari yashyizwemo mu mwaka ushize.

    Minisitiri w’Imari n’Igenamigambi, Dr Ndagijimana Uzziel, aherutse gutangaza ko nubwo RwandAir itari mu rwunguko ariko “igira uruhare runini mu iterambere ryacu”.

    Yavuze ko urwego rw’ubukerarugendo rwari rumaze iminsi rutera imbere icyorezo kitaraza kuko iyo sosiyete “yafashaga mu bucuruzi, mu kohereza bimwe mu byatunganyijwe mu mahanga ikanageza umusaruro w’imboga n’imbuto mu Burayi”.

    Ubu u Rwanda ruri mu biganiro bya nyuma na Qatar Airways yiyemeje kugura imigabane ingana na 49% bya RwandAir muri gahunda igamije kuyifasha kwaguka. Iyo migabane nimara kugurwa byitezwe ko RwandAir izakomera kurushaho mu mubare w’indege n’ubushobozi bw’amikoro.

    RwandAir yashinzwe mu 2003 ubu imaze kugera ku byerekezo 29; aho yifashishije indege 12 ifite zirimo Airbus A330 ebyiri nini, igana mu byerekezo binyuranye muri Afurika y’Iburasirazuba, Hagati, Iburengerazuba n’Amajyepfo, mu Burasirazuba bwo Hagati, i Burayi no muri Aziya.

    Ubu yerekeza mu byerekezo 30 ku Isi yose, ndetse mu gihe kiri imbere byitezwe ko izatangira gukorera ingendo muri Leta Zunze Ubumwe za Amerika mu Mujyi wa New York.

    RwandAir yabaye sosiyete y’indege ya mbere muri Afurika yakingiye Covid-19 abakozi bayo bose

    Usibye abapiloti n’abakora mu ndege, n’abandi bakozi bose bo ku Kibuga cy’Indege Mpuzamahanga cya Kigali bakingiwe

    Gukingira abakozi bayo bose ni bumwe mu buryo bwizewe bwo kurinda abagenzi kwandura icyorezo cya Coronavirus

    RwandAir yiyemeje kongera kugarurira abagenzi icyizere cyo gukora ingendo zo mu kirere

  • Idamange yasubiye mu rukiko asaba kuburana ari hanze –

    Ku wa 09 Werurwe 2021 nibwo Urukiko rw’Ibanze rwa Gasabo ruherereye i Kibagagaba rwanzuye ko Idamange afungwa by’agateganyo mu gihe cy’iminsi 30 mu gihe iperereza ku byaha ashinjwa bifitanye isano n’amagambo yagiye atangaza ku muyoboro we wa YouTube bigikorwaho iperereza.

    Uyu mugore w’imyaka 42 y’amavuko ufite abana bane yatawe muri yombi ku wa 15 Gashyantare 2021, nyuma y’iminsi akoresha imbuga nkoranyambaga agatangaza amagambo arimo gushishikariza abantu gukora imyigaragambyo imbere y’Ibiro by’Umukuru w’Igihugu.

    Iburanisha ryo kuri uyu wa Kabiri ryabaye hifashishijwe ikoranabuhanga aho Ubushinjacyaha bwari mu Rukiko rwisumbuye rwa Gasabo i Rusororo mu gihe uregwa we yari muri Gereza ya Mageragere.

    Yabwiye urukiko ko umwanzuro umufunga by’agateganyo wafashwe hirengagijwe ko ibimenyetso byose bimushinja bihari [kuko ari amajwi ye akiri kuri YouTube], hanirengagijwe ko yafashwe mu buryo bunyuranyije n’amategeko kuko ngo hari mu masaha y’ijoro.

    Mu iburana rye, yagarutse cyane ku magambo yavuze no mu iburanisha ribanza ko nta bubasha afite bwo guhamagarira abantu guteza imvururu kuko ngo atari umunyapolitiki ngo abaturage babe bamuyoboka.

    Ubushinjacyaha bwahawe umwanya maze buvuga ko mu mpamvu Idamange atanga ashingiraho ubujirire bwe, nta n’imwe nshya irimo itandukanye n’ibyo yavugiye mu iburanisha rya mbere.

    Bwavuze kandi ko nta nenge n’imwe y’icyemezo cy’urukiko rwa mbere agaragaza ku buryo yashingirwaho mu bujurire bwe. Bwavuze ko akwiye gukomeza gufungwa by’agateganyo mu gihe hakomeje iperereza ku byo ashinjwa.

    Umwanzuro w’ubujurire ku ifungwa n’ifungurwa rya Indamange uzasomwa ku wa Mbere tariki 29 Werurwe.

    Ibyaha akurikiranyweho birimo gutanga sheki itazigamiye, guteza imvururu muri rubanda, gutesha agaciro ibimenyetso bya Jenoside, gukubita no gukomeretsa ku bushake.

    Ibyaha Idamange akurikiranyweho bishingiye ku magambo yatambutsaga kuri shene ye ya Youtube

  • Batangiye babaseka none basarura agatubutse m… – #rwanda #RwOT

    Filime ni amashusho y'inkuru (Story) afashwe na Camera yerekanywa asa n'agenda (Moving images). Ubundi abahanga basobanura ko videwo ari amafoto menshi ateranyije agenda (Moving images). Enclopedie Britanicca isobanura ko filime ishobora kwitwa 'Motion picture cyangwa se movie''.

    Umunyarwenya akaba n’umukinnyi wa filime Kayitankore Ndjoli wahawe izina rya Kanyombya ubwo yatangiraga urugendo rwo gukina muri filime n’ubwo itagikinwa, yabwiye InyaRwanda ko ubwo baganiraga na Perezida Kagame yabasabye gushaka icyo bakora (urubyiruko rwabohoye igihugu), we na bagenzi be bahita batangira gukina filime zisekeje. 

    Bigitangira abantu ntibabanje kubyiyumvisha ariko Kanyombya we yakuriye mu muryango uhoramo ibyishimo yari azi ibyo arimo. Yatangiye gukina filime ari kumwe na Murumuna we Kanuma [Nawe wabaye umusirikare] witabye Imana. Kuri ubu yishimira urwego filime zisekeje zigezeho. Ati:''Urabona ko twaharuriye inzira abakiri bato, uribuka ko abanyarwanda barebaga filime zo muri Nigeria, Uganda, Tanzania no mu Burayi none ubu basigaye bareba izakinnwe n'abanyarwanda''.

    Kanyombya avuga ko iyo arebye abona ahazaza ari heza ha filime zisekeje. Filime yamuzamuriye izina akabikuramo amafaranga yitwa ''Haranira Kubaho''. Kanyombya ni umwe mu bakoreshwa n'ibigo bikomeye by'ubucuruzi aho ashyirwa ku byapa akamamaza ibyo bakora ndetse anagaragara mu mashusho ya Polisi y'u Rwanda ku bufatanye n'ikigo cy'igihugu gishinzwe ubuzima (RBC) aho aba ashishikariza abantu kwirinda Coronavirus, bakoresha uburyo bwo kwishyurana bw'ikoranabuhanga.

    Benimana Ramadhan

    Uyu akina muri filime itambuka kuri YouTube yitwa ‘Bamenya Series’

    Aganira na Isibo Tv yigeze kuvuga ko batangiye bamwe mu bakinaga filime zisanzwe zitari izo gusetsa babafata nk'ababuze icyo bakora. Kuri ubu Bamenya arahagarara agahamya ko ari mu bakinnyi basarura agatubutse muri uwo mwuga wo gusetsa. Iyo unyarukiye i Gikondo aho atuye harazwi ndetse aba mu nzu igeretse (Etage) kenshi ni naho bakunze gukinira. 

    Bamenya yamamariza ibigo by'itumanaho kandi ni umwe mu bahenze mu gihe ushaka kumushyira ku cyapa cyamamaza ibikorwa byawe. Ati:''Twe twatangiye gukina dusetsa abantu kuko abanyarwanda bahuye na byinshi bibabaza ku buryo bakeneye guseka''. Bamenya yigeze gukina yinyariye agamije gusetsa abantu. Usibye kuba yamamariza ibigo anafite shene ye iri mu zinjiza menshi.

    Niyitegeka Gratien (Papa Sava)

    Papa Sava wanamamaye nka Seburikoko bitewe na filime yitwa iryo zina yamwubakiye amateka, avuga ko gukina basetsa abantu ari byo bahisemo nyuma yo kubona ko ibintu bisanzwe bitashituraga ababakurikira. Uyu ni umwe mu bakinnyi ba filime zisekeje bakunzwe ndetse ari mu binjiza agatubutse. Ubwo yaganiraga n'umunyamakuru wa InyaRwanda yigeze kuvuga ko byanze bikunze iyo ukwezi gushize atabura kwinjiza nibura ibihumbi 800 ku kwezi. Kuri ubu agaragara ku byapa bya MTN ndetse anakina mu matangazo (publicity) yamamaza menshi. Shene ye ya YouTube ‘Papa Sava’ iri mu zinjiza menshi mu Rwanda.

    Mugisha Emmanuel wamamaye nka Clapton Kibonge

    Clapton Kibonge agitangira gusetsa bamwe ntibabyiyumvishaga nyamara uko iminsi yagiye ishira abakunda urwenya baramukunze ndetse aramamara. Akina muri filime zitandukanye ariko we afite iyi yise ''Umuturanyi''. Ni umwe mu bakinnyi ba filime bafite amasezerano n'ibigo by'ubucuruzi ndetse agaragara ku byapa bya MTN Rwanda.

    Mustafa Uwihoreye Jean Bosco wamamaye nka Ndimbati

    Ndimbati yagiye akora udukoryo muri filime akinamo ya City Maid tugasakara. Byaje kumukururira igikundiro benshi bamuhanga amaso baramukurikira ibyo akinnye byose bigasetsa abamukunda. Usibye kuba akina muri filime zitandukanye akunze kuba agaragara yamamaza ibikorwa bitandukanye byaba ibya Leta n'ibigo by'ubucuruzi.  Mu minsi ishize yari mu bakinnyi bake batoranyijwe gukina muri filime yateguwe na Imbuto Foundation ku bufatanye na Zacu Tv. 

    Aba bakinnyi tuvuze hejuru ni abatangiye bakina basetsa nyamara abantu babanza kubikeresa biza kurangira bamamaye ndetse birabatunze kandi bamwe mu bo twavuze batangiye kwihangira imirimo aho bakoresha abatari bake. Aba bakinnyi no ku mbuga nkoranyambaga iyo urebye usanga bakurikirwa cyane ndetse barazikoresha mu kwamamaza nabyo bikaba biri mu bibahesha agatubutse. Muri iyi nkuru twavuze abakina filime zisekeje banditse izina ntitwigeze tuvuga abaseta (Comedians).

    Source : https://inyarwanda.com/inkuru/104194/byatangiye-babaseka-none-basarura-agatubutse-muri-filime-zisekeje-104194.html

  • Ubuhanzi bwuzuye ubuhanga ni bwo bw’u Rwanda – #rwanda #RwOT

    Muri iyi nkuru reka twifashishe ijambo rya Nyakubahwa Madamu Jeannette Kagame ryo kuwa 15 Ukuboza 2018 mu muhango wo gusoza no gutanga ibihembo bya ArtRwanda-Ubuhanzi.  Madamu Jeannette Kagame ari mu bagaragaza bikomeye ko yifuza iterambere ry'umuhanzi mu ngeri zinyura abinyujije mu gukurikirana impano zinyuranye ziri mu banyarwanda. Ni umwe kandi mu bo u Rwanda rushingiyeho kuko ari umubyeyi udasanzwe watinyuye benshi hirya no hino cyane cyane urubyiruko n’abari n’abategarugori mu gukunda umurimo anashyigikira impano zabo.

    Ubuhanzi buri mu ngeri zitandukanye n’ubwo iyo ubuvuze abenshi bumva umuziki kuko ari wo ukunzwe na benshi hano mu Rwanda unifashishwa kenshi mu bikorwa bya muntu. Ariko burya nta muziki nta mucuranzi, nta muziki nta mubyinnyi, nta muziki nta mwanditsi, nta muziki nta munyamideli. Ni byinshi bihurizwa hamwe bikabyara uwo muziki w'amajwi n'amashusho dukunda cyangwa se ni byinshi bigize ubuhanzi.

    Tuvuye ku muziki haza inkuru, imbyino, ikinamico tutibagiwe n'ubuzima bwa buri munsi bw’ababikora iyo byateguwe bikerekwa cyangwa bikagezwa ku bantu ni byo bibyara imyidagaduro kimwe mu bintu bikurikirwa n'abatari bacye mu Rwanda.

    Madamu Jeannette Kagame aharanira ku rwego rwo hejuru imibereho myiza y'urubyiruko byagera ku mwari n'umutegarugori bikarushaho kwiyongera. Ni umwe mu nkingi u Rwanda rwubakiyeho, yo guha amahirwe angana buri umwe by'umwihariko abari n'abategarugori kandi umusaruro n'impinduka yatanze iragaragara mu myaka igiye kuba makumyabiri n'irindwi u Rwanda rumaze rubohowe.

    Ubwo yasozaga igikorwa cya ArtRwanda-Ubuhanzi mu mwaka wa 2018, Madamu Jeannette Kagame yagarutse kuri byinshi bisobanura neza umwihariko w'ubuhanzi ukwiriye Umunyarwanda, anatangaza icyafasha abahanzi nyarwanda kugera ku iterambere. Yabasabye kurangwa n’ikinyabupfura no gushishoza.

    Yaragize ati “Gushaka gusa neza bitandukanye n'iby'abandi ntacyo bitwaye, ariko bibaye bitajyanye n'indangagaciro (personal values), ikinyabupfura n'ubushishozi, ntabwo byabageza kuri rya terambere twifuza ko buri munyarwanda ageraho. Abahanzi turi kumwe uyu munsi babimazemo igihe, kuba tukibababona nk'ibirangirire ni uko babiharaniye”.

    Kuri ubu ikoranabuhanga ryoroheje ibintu aho abahanzi bakoresha imbuga nkoranyambaga bageza ibikorwa byiza bakora ku bakunzi babo. Mu nkuru ziherutse ku INYARWANDA twagarutse ku muhanzi kabuhariwe Masamba Intore wabwiwe na se Sentore ijambo ryamuraje amajoro bikamugabiza ingamba aho yamubwiye ati 'UZAMENYE GUTANDUKANYA UBWAMAMARE N'UBUHANZI.'

    Masamba Intore wagabijwe ingamba y’ubuhanzi na se kubera ibanga yamwibiye rikwiriye kuba iry’ibisekuru by’ubuhanzi bw’u Rwanda

    Ni ingingo ikomeye itazigera itakaza agaciro mu bisekuru by'inganzo n'ubuhanzi ireba buri muhanzi wese ukunda umwuga akora cyane cyane abakora umwuga utuma bakurikirwa na benshi bagakwiye guha agaciro kuko ibyo ukora none mu bihe bizaza bikugarukira ibaze igihe byazagaruka ari bibi.

    Ugendeye ku mpanuro Masamba Intore yahawe, abahanzi bakwiriye gukora ubuhanzi bufite intego y’iterambere bakamenya abo babugenera n’ikigero cyabo kuko benshi mu bakurikira ibikorwa by’ubuhanzi hari n’ababona imikino ikinwa mu bihangano bakabifata nk’ukuri nyamara ari ubusizi buzimije atari ukuri, ari bya bindi bya ntwike ntwike.

    Mu bihugu byateye imbere nka Leta Zunze Ubumwe z'Amerika abahanzi bategura umukino wo guterana amagambo ukabinjiriza bombi babyumvikanyeho nabyo ni ubuhanzi ariko ni ubuhanzi bukoranwa ubwenge no kwigengesera kuko hari aho birenga urugero bamwe bakabisigamo ubuzima.

    Ibidahwitse rero siyo nkingi ubuhanzi bwagakwiye gushingiraho kuko aho ubuhanzi bushingira ku myitwarire mibi ni mu kibuga kitari icy’i Rwanda kuko ibibuga bitandukana kandi ikibuga cyimirije imbere ubufatanye kiba ingenzi muri bwa buhanga bukwiye ubuhanzi rero bwanagejeje ubuhanzi aho bugeze.

    Ubuhanzi bwuzuye ubuhanga ni bwo bw’u Rwanda

    Ni ngombwa gukomera ku bunyarwanda, bizanageza ku rwego rwisumbuye ubuzima bw'umuhanzi n'abanywarwanda. Urugero hari injyana mu Rwanda zidakura kubera ihangana nyamara abazikora bamaze kubibona kugeza ubu ubona ko bitangiye guhinduka n'abantu batangiye kwakira ibikorwa by’abakora izi njyana.

    Ibyo ni byo Madamu Jeannette Kagame yagarutseho ku bijyanye no kureba icyateza imbere ubuhanzi. Akomeza agaragaza ko umuhanzi w'umwuga ari uwihanganira ingaruka zituruka ku mwuga we. Ni byo kuko hari ibyo ukora bikakugiraho ingaruka nyamara utabiteguye ariko ugakomeza guhatana ngo ukosore ibitagenda nawe witeze imbere.

    Ubuhanzi rero ni kimwe mu byifashishwa mu kubaka iyo bukoreshejwe neza dore ko rimwe na rimwe hari ababukoresha mu gusenya. Ubuhanzi bukozwe neza ni inzira yifashishwa mu guhererekana amakuru meza kuri sosiyete nk’uko Madame Jeannette Kagame na none yabivuze agaragaza ibijyanye n’ihererekana makuru hifashishwa ubuhanzi. Yagize ati 'Abasobanukiwe iby'amateka kundusha murabizi, ubuhanzi ni kimwe mu bigize umuco wacu, guhera no mu Rwanda rwo ha mbere.

    Imyigire, itumanaho cyangwa kumenyekanisha amakuru, imibereho ya buri munsi ndetse no guhererekanya ubumenyi hagati y'imiryango…byose byakorwaga hifashishijwe ubuhanzi. Mwese muzi impanuro zumvikana mu migani yacu, muzi uko ingimbi n'abangavu bigishwaga, haba mu rubohero cyangwa mu itorero. Muzi kandi ko ushinzwe kumenyekanisha amakuru yajyaga ku musozi, agakoma ingoma kandi buri wese akaza kwakira ubwo butumwa nk'uko bwoherejwe.'

    Bityo rero umuhanzi afite uruhare rukomeye mu kubaka ibikorwa bye ariko n'inshingano ikomeye yo kubaka igihugu no guhanira iterambere rya barumuna be hatajemo kwikunda ngo wumve wakwigwizaho imitungo usenya mu buryo nawe utateguye bisaba gutegura wa mugani w'abahanzi ariko gutegura gukwiriye ni ugufite icyerecyezo.

    Umuhanzi ufite intego akwiye kwihugura ntibisaba kujya mu itorero gusa ahubwo kwigira ku bakora nk’ibyo ukora ugafata ibyiza bakora, ibibi bakora ukabigendera kure, gushaka umwihariko no gukurikira umunsi ku wundi ibigezweho muri iyi si. Ariko ntube uciriritse ku bw’ibikorwa biciriritse ukora ugaharanira guhora mu b’imbere mu byiza binyuze mu bikorwa bikwiye umuhanzi w'umuhanga waba mpuzamahanga ugaha agaciro amaraso agutemba mu mitsi ya kinyarwanda.

    Abahanzi nyarwanda bakwiriye gukora ubuhanzi bwuje ubuhanga

    Source : https://inyarwanda.com/inkuru/104012/ubuhanzi-bwuzuye-ubuhanga-ni-bwo-bwu-rwanda-104012.html

  • Guverineri Nyirarugero yasangijwe ibibazo azihutira gukemura mu Majyaruguru –

    Mu muhango w’ihererekanyabubasha hagati ya Minisitiri w’Ubutegetsi bw’Igihugu, Gatabazi Jean Marie Vianney, wari Guverineri w’iyi Ntara na Nyirarugero Dancille ugiye kuyiyobora, Minisitiri Gatabazi yerekanye bimwe mu bibazo bikiri ingutu mu Ntara y’Amajyaruguru asaba umusimbuye ko byakwihutishwa bigakemuka vuba.

    Bimwe mu bibazo byagaragajwe harimo Ibitaro Bikuru bya Ruhengeri bifite inyubako zishaje cyane kandi zidahagije zigomba gusenywa hakubakwa izigezweho.

    Harimo gukurikirana iyubakwa ry’umuhanda Musanze-Kinigi uciye kuri INES Ruhengeri ugomba gushyirwamo kaburimbo mbere yo kwizihiza Umunsi Mukuru wo Kwibohora mu 2021.

    Hari n’ishyirwa mu bikorwa ry’igishushanyo mbonera cy’Umujyi wa Musanze no guhangana n’ikibazo cy’umutekano muke akenshi uterwa n’uko iyo Ntara ikora ku bihugu bya Repubulika Iharanira Demokarasi ya Congo na Uganda.

    Minisitiri Gatabazi yagize ati “Turifuza kandi ko muzita ku kibazo cy’umutekano kuko ni wo shingiro rya byose, muzafatanye n’abandi bawufite mu nshingano, mufatanye n’abaturage ariko uboneke kuko iyi ntara ikora ku mipaka y’ibihugu bikunze kuba icumbi ry’abahungabanya umutekano wacu.”

    Umuyobozi w’Intara y’Amajyaruguru, Nyirarugero Dancille, yavuze ko yiteguye gutanga umusanzu we kandi ko azakomeza gukorana n’inzego z’abayobozi n’abaturage bagamije kugera ku ntego bihaye.

    Ati “Twe turiteguye kandi tuzaharanira guteza imbere no guhesha ishema Intara yacu, tuzafatanya n’inzego zose z’abayobozi, abikorera n’abaturage kandi n’inzego nkuru z’igihugu zirahari tuzakomeza kujya inama. Turizera ko buri wese nabigiramo uruhare iyi ntara izakomeza kuba ku isonga.”

    Ibibazo byamurikiwe Guverineri Nyirarugero, ibyinshi bimaze igihe kirekire kuko hari n’ibyahawe Guverineri Musabyimana Jean Claude wasimbuye Bosenibamwe Aime mu 2017, nawe abisigira abamusimbuye gusa ubu ubuyobozi bw’iIntara buvuga ko icyabidindije ari ingengo y’imari yo kubishyira mu bikorwa ariko ubu ibyinshi yamaze kuboneka.

    Ubwo Minisitiri Gatabazi yashyikirizaga Guverineri Nyirarugero inyandiko zizamufasha ku buyobozi bw’Intara y’Amajyaruguru

    Minisitiri Gatabazi yijeje Nyirarugero umusimbuye ubufasha mu mirimo ye yose

    Minisitiri Gatabazi yasabye Guverineri Nyirarugero kwita ku mutekano w’Intara y’Amajyaruguru

    Guverineri Nyirarugero yijeje Minisitiri w’Ubutegetsi bw’Igihugu ko azakorana imbaraga ze zose

  • Guverineri Nyirarugero yasangijwe ibibazo azihutira gukemura mu Majyaruguru – #rwanda #RwOT

    Mu muhango w'ihererekanyabubasha hagati ya Minisitiri w'Ubutegetsi bw'Igihugu, Gatabazi Jean Marie Vianney, wari Guverineri w'iyi Ntara na Nyirarugero Dancille ugiye kuyiyobora, Minisitiri Gatabazi yerekanye bimwe mu bibazo bikiri ingutu mu Ntara y'Amajyaruguru asaba umusimbuye ko byakwihutishwa bigakemuka vuba.

    Bimwe mu bibazo byagaragajwe harimo Ibitaro Bikuru bya Ruhengeri bifite inyubako zishaje cyane kandi zidahagije zigomba gusenywa hakubakwa izigezweho.

    Harimo gukurikirana iyubakwa ry'umuhanda Musanze-Kinigi uciye kuri INES Ruhengeri ugomba gushyirwamo kaburimbo mbere yo kwizihiza Umunsi Mukuru wo Kwibohora mu 2021.

    Hari n'ishyirwa mu bikorwa ry'igishushanyo mbonera cy'Umujyi wa Musanze no guhangana n'ikibazo cy'umutekano muke akenshi uterwa n'uko iyo Ntara ikora ku bihugu bya Repubulika Iharanira Demokarasi ya Congo na Uganda.

    Minisitiri Gatabazi yagize ati “Turifuza kandi ko muzita ku kibazo cy'umutekano kuko ni wo shingiro rya byose, muzafatanye n'abandi bawufite mu nshingano, mufatanye n'abaturage ariko uboneke kuko iyi ntara ikora ku mipaka y'ibihugu bikunze kuba icumbi ry'abahungabanya umutekano wacu.'

    Umuyobozi w'Intara y'Amajyaruguru, Nyirarugero Dancille, yavuze ko yiteguye gutanga umusanzu we kandi ko azakomeza gukorana n'inzego z'abayobozi n'abaturage bagamije kugera ku ntego bihaye.

    Ati “Twe turiteguye kandi tuzaharanira guteza imbere no guhesha ishema Intara yacu, tuzafatanya n'inzego zose z'abayobozi, abikorera n'abaturage kandi n'inzego nkuru z'igihugu zirahari tuzakomeza kujya inama. Turizera ko buri wese nabigiramo uruhare iyi ntara izakomeza kuba ku isonga.'

    Ibibazo byamurikiwe Guverineri Nyirarugero, ibyinshi bimaze igihe kirekire kuko hari n'ibyahawe Guverineri Musabyimana Jean Claude wasimbuye Bosenibamwe Aime mu 2017, nawe abisigira abamusimbuye gusa ubu ubuyobozi bw'iIntara buvuga ko icyabidindije ari ingengo y'imari yo kubishyira mu bikorwa ariko ubu ibyinshi yamaze kuboneka.

    Ubwo Minisitiri Gatabazi yashyikirizaga Guverineri Nyirarugero inyandiko zizamufasha ku buyobozi bw’Intara y’Amajyaruguru

    Minisitiri Gatabazi yijeje Nyirarugero umusimbuye ubufasha mu mirimo ye yose

    Minisitiri Gatabazi yasabye Guverineri Nyirarugero kwita ku mutekano w’Intara y’Amajyaruguru

    Guverineri Nyirarugero yijeje Minisitiri w’Ubutegetsi bw’Igihugu ko azakorana imbaraga ze zose

    Source : http://igihe.com/amakuru/u-rwanda/article/guverineri-nyirarugero-yasangijwe-ibibazo-azihutira-gukemura

  • Mineduc yasohoye gahunda y'uburyo abanyeshuri bazajya mu biruhuko – #rwanda #RwOT

    Itangazo ryashyizwe ahagaragara kuri uyu wa Mbere, rivuga ko Ministeri y'Uburezi ku bufatanye n'inzego zirimo Polisi, Urwego Ngenzuramikorere, RURA, Ikigo cy'Igihugu cy'Ubuzima, RBC, ndetse n'ibigo bitwara abagenzi bamaze guteganya ahantu hazifashishwa mu kwakira abanyeshuri bazaba bava mu mashuri abacumbikira, berekeza mu byerekezo batahamo.

    Iri tangazo rigira riti 'Iyi gahunda yakozwe mu rwego rwo kwirinda kwandura icyorezo cya Covid-19 ku banyeshuri bazaba bari mu ngendo, kubabungabungira umutekano no kubafasha kubona imodoka zibageza ku buryo bworoshye aho abanyeshuri bataha.'

    Gahunda y'ingendo ku banyeshuri

    Ku wa gatatu tariki ya 31 Werurwe uyu mwaka, hazataha abanyeshuri biga mu bigo by'amashuri byo mu turere twa Nyarugenge, Gasabo, Kicukiro, Nyanza, Musanze, Nyamasheke, Rusizi, Rwamagana na Kayonza.

    Ku wa Kane tariki ya 1 Mata uyu mwaka, hazataha abanyeshuri biga mu bigo by'amashuri byo mu turere twa Huye, Gisagara, Gakenke, Ngororero, Nyabihu na Bugesera.

    Ku wa Gatanu tariki ya 2 Mata uyu mwaka, hazataha abanyeshuri biga mu bigo byo mu turere twa Ruhango, Nyamagabe, Nyaruguru, Gicumbi, Rulindo, Karongi, Rutsiro, Ngoma na Kirehe.

    Ku wa Gatandatu tariki ya 3 Mata uyu mwaka, hazataha abiga mu bigo byo mu turere twa Muhanga, Kamonyi, Burera, Rubavu, Gatsibo na Nyagatare.

    MINEDUC yatangaje ko abanyeshuri bazajya bafatira imodoka ku mashuri aberekeza mu byerekezo batahamo, bigakurikiranwa n'ubuyobozi bw'ishuri. Akarere kazakurikirana ko buri muyobozi w'ishuri yakoranye n'abashinzwe gutwara abagenzi kubona imodoka zizatwara abanyeshuri.

    Aho abanyeshuri bahagurukira ku mashuri, hagomba kuba harateganyijwe ibikoresho by'isuku, hari n'ubundi buryo bwateganyijwe bwo kwirinda icyorezo cya Covid-19.

    Abanyeshuri bazafashwa n'itsinda rizashyirwaho n'urwego rw'Akarere, hanyuma guhuza ibikorwa na raporo bikorwe n'urwego rw'Intara.

    Ahateganyijwe ku rwego rw'Intara n'Umujyi wa Kigali

    Ahazifashishwa mu gufasha abanyeshuri mu ngendo mu Mujyi wa Kigali ni kuri Stade ya Kigali iri i Nyamirambo. Mu Ntara y'Amajyepfo abanyeshuri bazafatira imodoka kuri Stade ya Huye na Muhanga.

    Mu ntara y'Amajyaruguru, abanyeshuri bazahurira kuri Stade ya Musanze mu gihe mu Ntara y'Iburasirazuba, abanyeshuri bazaba bari ku Kibuga cya Kayonza TVET naho mu Ntara y'Iburengerazuba ni kuri Stade ya Karongi na Stade ya Rubavu.

    Bimwe mu bikoresho bizakoreshwa mu gukumira Covid-19

    Mu rwego rwo gufasha abanyeshuri gutaha mu buryo bwubahirije amabwiriza yo kwirinda icyorezo cya Covid-19, hateguwe ibikoresho birimo ahantu hahagije abanyeshuri bazajya bakarabira intoki, cyangwa ubundi buryo bwo kwirinda nko gukoresha umuti usukura intoki (hands sanitizers).

    Hari kandi ubwiherero n'ibikoresho by'isuku bihagije, ibikoresho byo gupima ubushyuhe bw'umubiri, ibikoresho by'ubutabazi bw'ibanze, imodoka yakwifashishwa mu gutwara abarwayi bibaye ngombwa, ndetse n'icyumba kinini kirimo intebe na matora cyakwifashishwa mu gihe habonetse umuntu ukekwaho icyorezo cya Covid-19.

    Minisiteri y'Uburezi yavuze ko abakozi bashinzwe uburezi mu mirenge bazajya bakusanya amakuru bayoherereze abashinzwe uburezi ku rwego rw'akarere, nabo bayahe abayobozi b'akarere bungirije bafite imibereho myiza mu nshingano zabo.

    Bitewe n'igihe kinini amashuri yamaze yarahagaritswe mu Rwanda mu rwego rwo kwirinda ikwirakwira ry'icyorezo cya Covid-19, igihembwe cya mbere cy'uyu mwaka w'amashuri cyabaye kirekire kurusha uko byari bisanzwe, kuko cyatangiye mu Ugushyingo umwaka ushize ku banyeshuri bamwe na bamwe.

    Mineduc yamaze gutangaza gahunda y’uburyo abanyeshuri bazataha muri ibi bihe bya Covid-19

    Source : http://igihe.com/amakuru/u-rwanda/article/mineduc-yasohoye-gahunda-y-uburyo-abanyeshuri-bazajya-mu-biruhuko

  • Zlatan Ibrahimovic yasutse amarira imbere y'abanyamakuru kubera umwana we (VIDEO) – YEGOB #rwanda #RwOT

    Umukinnyi w'icyamamare, Zlatan Ibrahimovic yagize ikiniga maze aririra imbere y'abanyamakuru ubwo bamubazaga uko abana ba bakiriye icyemezo cye cyo kwerekeza muri Suede .

    Nyuma y'imyaka itanu asezeye mu ikipe y'Igihugu, Zlatan Ibrahimović ategerejweho kongera kwambara umwenda w'umuhondo wa Suède muri iki cyumweru.

    Mu kiganiro n'abanyamakuru cyabaye ku wa Mbere, uyu mugabo w'imyaka 39 yabajijwe icyatumye yemera gusubira mu ikipe y'Igihugu n'uko abahungu be; Maximilian w'imyaka 14 na Vincent w'imyaka 12, bakiriye ko yabasize agasanga bagenzi be bazakinana.

    Asubiza iki kibazo, Zlatan yavuze ko atari ikibazo cyiza, akomeza avuga ko umuhungu we atabyakiriye neza, ariko ubu bimeze neza.

    Ati 'Icyo ntabwo ari ikibazo cyiza ubajije. Mfite Vincent warize ubwo namusigaga, ariko ubu bimeze neza.'

    Gusa, Zlatan Ibrahimović yananiwe kwifata ahita yipfuka mu maso, ahanagura amarira mbere yo gukomeza kuganira n'abanyamakuru.

    Leave your vote

    Comments

    0 comments

    Source : https://yegob.rw/zlatan-ibrahimovic-yasutse-amarira-imbere-yabanyamakuru-kubera-umwana-we-video/

  • Burya nta byera ngo de:Diamond Platnumz yashatse kwiyahuza uburozi ngo apfe. – YEGOB #rwanda #RwOT

    Umuhanzi w'icyamamare muri Tanzania, Diamond Platnumz, yatangaje ku rugamba rwe n'ibitekerezo by'uburyo yashatse kwiyahura ngo ave ku isi.

    Umuyobozi mukuru wa Wasafi Records yavuze ko yigeze kuba mu bihe bikomeye cyane kandi atekereza kwiyahura inshuro nyinshi.Mu kiganiro yagiranye n'itangazamakuru rya Wasafi, Diamond yavuze uburyo yashakaga kwiyahura kubera ibibazo yahuye nabyo mu buzima.

    Ati: 'Nanyuze mu bintu byinshi byatumye nshaka gufata uburozi. Nabwiye umuntu ko nshaka kwiyahura, gusa nsanga niba mfashe uburozi noneho abantu bazakomeza kuvuga. Nahisemo guhangana n'ikibazo. '

    Diamond yakomeje avuga ko adakunda kujya mu mirwano cyangwa kugirira inzika abantu kuko akunda amahoro yo mu mutima.

    Ati: 'Ntabwo nkunda imirwano, ntabwo nkunda kugirira inzika abantu. Icyo gihe, hari ikintu cyambabaje rwose. Urabizi, Nkunda kubana mu mahoro n'abantu- niyo mpamvu ikipe yanjye ya WCB, mbana nabo nk'umuryango, '

    Leave your vote

    Comments

    0 comments

    Source : https://yegob.rw/burya-nta-byera-ngo-dediamond-platnumz-yashatse-kwiyahuza-uburozi-ngo-apfe/