Webrwanda Backend

Category: Uncategorized

  • Access Bank yizihije ukwezi kw’abagore yifatanya na RBC mu bikorwa byo gutanga amaraso –

    Muri uku kwezi kwa Werurwe Access Bank yateguyemo ibikorwa bitandukanye bigamije kwifatanya n’umugore mu iterambere hibandwa ku guteza imbere ibikorerwa mu Rwanda.

    Abakozi n’abakiliya ba Access Bank bifatanyije n’Ikigo cy’Igihugu cy’Ubuzima,RBC mu gikorwa cyo gutanga amaraso. Ni mu bukangurambaga bwamaze iminsi itatu kuva ku wa 17 werurwe kugeza 19 Werurwe ku cyicaro gikuru cya RBC.

    Muri ibyo bikorwa Access Bank yanateguye gahunda yo gutanga amaraso ku bantu bose babyifuza bahereye ku bakozi bayo ndetse n’abakiliya ariko bigakomereza no ku bandi.

    Insanganyamatsiko y’ibikorwa byo gutanga amaraso yagiraga iti “Kurengera umugore ni ukurengera igihugu” . Iki gikorwa cyo gutanga amaraso cyatangiriye muri Kigali ariko gikomereza no mu bice binyuranye by’igihugu.

    Umuyobozi w’Ishami ry’abagore muri Access Bank, Rutabayiro Nadine, yavuze ko bateguye ibi bikorwa byo gutanga amaraso mu kwezi kwahariwe abagore kuko ari bamwe mu bakenera guhabwa amaraso kenshi.

    Ati “Ukwezi kwa Werurwe twaguteganyirije ibikorwa binyuranye birimo no gutanga amaraso. Kubera ko n’ubwo dushaka guteza imbere umugore, duhera ku buzima bwe muri rusange, kandi twabonye ko mu bakenera amaraso abenshi ari abagore. Birumvikana natwe turatanga amaraso turi gushishikariza n’abandi kwitabira ariko tugomba kwiheraho kuko dufite imbaraga niyo mpamvu dukwiye gutanga uwo musanzu.”

    Umuyobozi wa Ibyiwacu nk’umufatanyabikorwa wa Access Bank muri iyi gahunda yo gutanga amaraso, Umulisa Fiona Cecile, nawe yavuze ko babihuje n’ukwezi kwa Gatatu mu kurengera umugore kuko ari izingiro ry’umuryango.

    Ati “Dusanzwe dufite imikoranire myiza na Access bank birumvikana umubyeyi niwe ubyara kandi umubyeyi yitaweho n’igihugu gitera imbere niyo mpamvu twatekereje kubihuza n’uku kwezi. Dukomeje guhamagarira buri wese kwitabira iyi gahunda yo gutanga amaraso kuko ari ingirakamaro.”

    Umukiliya muri Access Bank, Nyirahagenimana Rosette, witabiriye ibi bikorwa byo gutanga amaraso yavuze ko yakoze urugendo rutari ruto kuko yavuye mu Ntara y’Iburengerazuba mu Karere ka Rutsiro ajya gutanga amaraso muri Kigali.

    Yavuze ko ari ibikorwa akora abikunze kandi abikuye ku mutima kuko yasobanukiwe neza icyo amaraso yatanze akoreshwa.

    Ati “Impamvu nakoze uru rugendo ndi umugore witeje imbere kandi nkorana na Access Bank, rero bambwiye ko bafite gahunda yo gutanga amaraso. Nkimara kubyumva numvise ko gutanga amaraso kandi nyafite nta kibazo mbifitemo nshobora kuyatanga.”

    “Erega niba mfite ubuzima none ejo nanjye nshobora kurwara ngakenera ko bayampa cyangwa n’umuryango wanjye ukazayakenera. Ni igikorwa cy’urukundo nkoze cyane ko ntazi uwo bazayatera ariko nziko azagirira uwo bazayaha umumaro.”

    Si ubwa mbere Access Bank iteguye ibikorwa byo gutanga amaraso kuko no muri Nzeri 2020 hari icyabaye. Intego ya RBC ni uko muri uyu mwaka wa 2021 bakusanya amashashi y’amaraso 74340 ashobora gukurwamo ibice biyagize akagera ku mashashi ibihumbi 90 cyangwa ibihumbi 100.

    Muri uku kwezi k’umugore Access Bank yateguyemo ibikorwa bitandukanye birimo ibijyanye n’ibiganiro bigamije kubongerera ubumenyi no kubahugura ndetse n’amarushanwa agamije guhemba abagore ba rwiyemezamirimo bazatanga imishinga myiza kurusha indi.

    Access Bank yatangaje ko yateguye iki gikorwa cyo gutanga amaraso mu kwezi kwahariwe abagore kuko aribo bayakenera cyane

    Abakozi ba Access Bank bitabiriye iki gikorwa cyo gutanga amaraso

  • Minisitiri Mujawamariya yibukije agaciro kari mu kumenya amakuru y’iteganyagihe –

    Ibi yabigarutseho kuri uyu wa Kabiri tariki ya 23 Werurwe 2021, ubwo u Rwanda rwizihizaga umunsi mpuzamahanga w’amazi, amashyamba ndetse n’ubumenyi bw’ikirere.

    Ni umunsi wizihijwe mu buryo bw’ikoranabuhanga mu rwego rwo gukomeza kwirinda icyorezo cya COVID-19.

    Uyu munsi witabiriwe n’abantu batandukanye barimo abafatanyabikorwa baturutse mu bigo bya Leta n’ibyigenga, imiryango itegamiye kuri Leta ndetse n’ imiryango mpuzamahanga.

    Minisitiri Mujawamariya, yavuze ko iyi minsi itatu yizihirijwe rimwe mu gushimangira imikoranire n’isano hagati y’amazi, umutungo w’amashyamba na serivisi z’iteganyagihe.

    Minisitiri Mujawamariya yavuze ko abantu bakwiye kwita ku gaciro ko kumenya amakuru y’ikirere mu kwirinda ingaruka zizanwa no kutayamenya.

    Ati “Kumenya amakuru y’ikirere ni ngombwa mu bikorwa byacu bya buri munsi. Twabonye ko imyuzure, inkangu, umuyaga mwinshi n’amapfa bigira ingaruka ku mibereho yacu no ku iterambere ry’ubukungu.”

    Yavuze ko hazakomeza gutezwa imbere ibikorwaremezo ndetse n’ikoranabuhanga riganisha ku kumenya amakuru y’iteganyagihe .

    Umuyobozi Mukuru w’Ikigo gishinzwe Umutungo Kamere, Ngabonziza Prime, yavuze ko mu gukomeza kubungabunga umutungo kamere ndetse no guteza imbere gahunda ya Leta y’iterambre rirambye NST1 (2017-2024), hari gahunda igamije guteza imbere imishinga itandukanye yo kubaka urugomero rwa Muvumba rugamije gufasha mu kuhira imyaka, umushinga wo kubungabunga icyogogo cya Sebeya ndetse n’umushinga w’urugomero rwa Muhazi.

    Yavuze ko hazakomeza kwimakazwa gahunda zizigabanya iyangirika ry’ubutaka , kurwanya imyuzure no guteza imbere uburyo bwo kubika amazi.

    Ati “Hazakomeza kwimakazwa gahunda zigabanya iyangirika ry’ubutaka, kurwanya imyuzure no guteza imbere uburyo bwo kubika amazi.”

    Yavuze ko gahunda z’iterambere rirambye mu kubungabunga umutungo kamere zakomwe mu nkokora n’ingaruka n’ihindagurika ry’ibihe ndetse bigatuma rimwe na rimwe bisaba amafaranga y’ingengo y’imari adateganyijwe.

    U Rwanda rwashyizeho gahunda zitandukanye zigamije kubungabunga ibidukikije ndetse no kugabanya imyuka ihumanya ikirere.

    Leta y’u Rwanda yihaye intego yo kuba yaragabanyije 38% ku gipimo cy’imyuka ihumanya yohereza mu kirere mu 2030.

    Iyo ntego ariko ngo izunganirwa na gahunda zitandukanye igihugu gisanzwe cyarashyizeho zijyanye no kubungabunga ibidukikije.

    Izo zirimo nko gushishikariza abatura-Rwanda gukoresha gaz aho gukoresha inkwi n’amakara mu guteka, gukoresha ingufu z’amashanyarazi mu mwanya w’ibikomoka kuri peteroli aho bishoboka, kongera ubuso buteyeho amashyamba, kugabanya ibinyabiziga bisohora imyotsi myinshi kandi ihumanye n’ibindi.

    Minisitiri Mujawamariya Jeanne d’Arc yasabye Abanyarwanda gukurikirana no kumenya amakuru y’iteganyagihe

  • Minisitiri Mujawamariya yibukije agaciro kari mu kumenya amakuru y'iteganyagihe – #rwanda #RwOT

    Ibi yabigarutseho kuri uyu wa Kabiri tariki ya 23 Werurwe 2021, ubwo u Rwanda rwizihizaga umunsi mpuzamahanga w'amazi, amashyamba ndetse n'ubumenyi bw'ikirere.

    Ni umunsi wizihijwe mu buryo bw'ikoranabuhanga mu rwego rwo gukomeza kwirinda icyorezo cya COVID-19.

    Uyu munsi witabiriwe n'abantu batandukanye barimo abafatanyabikorwa baturutse mu bigo bya Leta n'ibyigenga, imiryango itegamiye kuri Leta ndetse n' imiryango mpuzamahanga.

    Minisitiri Mujawamariya, yavuze ko iyi minsi itatu yizihirijwe rimwe mu gushimangira imikoranire n'isano hagati y'amazi, umutungo w'amashyamba na serivisi z'iteganyagihe.

    Minisitiri Mujawamariya yavuze ko abantu bakwiye kwita ku gaciro ko kumenya amakuru y'ikirere mu kwirinda ingaruka zizanwa no kutayamenya.

    Ati 'Kumenya amakuru y'ikirere ni ngombwa mu bikorwa byacu bya buri munsi. Twabonye ko imyuzure, inkangu, umuyaga mwinshi n'amapfa bigira ingaruka ku mibereho yacu no ku iterambere ry'ubukungu.'

    Yavuze ko hazakomeza gutezwa imbere ibikorwaremezo ndetse n'ikoranabuhanga riganisha ku kumenya amakuru y'iteganyagihe .

    Umuyobozi Mukuru w'Ikigo gishinzwe Umutungo Kamere, Ngabonziza Prime, yavuze ko mu gukomeza kubungabunga umutungo kamere ndetse no guteza imbere gahunda ya Leta y'iterambre rirambye NST1 (2017-2024), hari gahunda igamije guteza imbere imishinga itandukanye yo kubaka urugomero rwa Muvumba rugamije gufasha mu kuhira imyaka, umushinga wo kubungabunga icyogogo cya Sebeya ndetse n'umushinga w'urugomero rwa Muhazi.

    Yavuze ko hazakomeza kwimakazwa gahunda zizigabanya iyangirika ry'ubutaka , kurwanya imyuzure no guteza imbere uburyo bwo kubika amazi.

    Ati 'Hazakomeza kwimakazwa gahunda zigabanya iyangirika ry'ubutaka, kurwanya imyuzure no guteza imbere uburyo bwo kubika amazi.'

    Yavuze ko gahunda z'iterambere rirambye mu kubungabunga umutungo kamere zakomwe mu nkokora n'ingaruka n'ihindagurika ry'ibihe ndetse bigatuma rimwe na rimwe bisaba amafaranga y'ingengo y'imari adateganyijwe.

    U Rwanda rwashyizeho gahunda zitandukanye zigamije kubungabunga ibidukikije ndetse no kugabanya imyuka ihumanya ikirere.

    Leta y'u Rwanda yihaye intego yo kuba yaragabanyije 38% ku gipimo cy'imyuka ihumanya yohereza mu kirere mu 2030.

    Iyo ntego ariko ngo izunganirwa na gahunda zitandukanye igihugu gisanzwe cyarashyizeho zijyanye no kubungabunga ibidukikije.

    Izo zirimo nko gushishikariza abatura-Rwanda gukoresha gaz aho gukoresha inkwi n'amakara mu guteka, gukoresha ingufu z'amashanyarazi mu mwanya w'ibikomoka kuri peteroli aho bishoboka, kongera ubuso buteyeho amashyamba, kugabanya ibinyabiziga bisohora imyotsi myinshi kandi ihumanye n'ibindi.

    Minisitiri Mujawamariya Jeanne d’Arc yasabye Abanyarwanda gukurikirana no kumenya amakuru y’iteganyagihe

    Source : http://igihe.com/amakuru/u-rwanda/article/minisitiri-mujawamariya-yibukije-abantu-agaciro-kari-mu-kumenya-amakuru-y

  • Impungenge ku buzima bwa Paul Barril, Umufaransa ushinjwa uruhare muri Jenoside yakorewe Abatutsi – #rwanda #RwOT

    Uyu mugabo ashinjwa uruhare mu gufasha Guverinoma yakoze Jenoside mu Rwanda.

    Captain Paul Barril ni umujandarume w'Umufaransa, wayoboye umutwe wihariye ubarizwa muri Gendarmerie uzwi nka Groupe d'intervention de la gendarmerie nationale (GIGN).

    Uyu mutwe ufite inshingano zo kurwanya iterabwoba, kubohoza imbohe zishobora gufatwa bugwate ku nyungu runaka, kugenzura igishobora kubangamira umutekano w'igihugu no kurinda abayobozi bakuru muri Guverinoma y'u Bufaransa.

    Ubwo u Bufaransa bwayoborwaga na François Mitterrand guhera mu 1981 kugeza mu 1995, uyu mugabo w'imyaka 74 ari mu bagize uruhare rukomeye mu ishingwa ry'umutwe ushinzwe gukumira ibitero by'iterabwoba bishobora kwibasira ibiro bya Perezida mu Bufaransa.

    Barril yakoranye bya hafi n'Ubutegetsi bwa Habyarimana ndetse avugwaho kuba yaragize uruhare muri Jenoside yakorewe Abatutsi mu buryo butaziguye.

    Mu bwicanyi bwakorewe Abagogwe mu 1993, Barril ashinjwa kuba yarafashije mu gutoza itsinda ryihariye rya EX-FAR ryari rishinzwe ubushakashatsi bwimbitse, ndetse n'interahamwe zitwaga 'Turihose'. Icyo gihe ubufasha yatangaga bwitwaga 'Insecticide' cyangwa se 'umuti wica udukoko' rigahuzwa no kuba Abatutsi baritwaga 'Inyenzi' icyo gihe.

    Mu myitozo yabahaye harimo ijyanye n'uburyo butandukanye bwo kurasa, kwica abantu benshi mu gihe gito, ukoresheje imbunda cyangwa izindi ntwaro gakondo zirimo ibyuma

    Mu 1994 kandi Barril yasinye ku masezerano yo gutanga intwaro n'ubufasha bw'amaboko bifite agaciro ka miliyoni eshatu z'amadolari, hagati y'u Bufaransa na Guverinoma y'u Rwanda yakoze Jenoside. Ni amasezerano yabayeho kuwa 28 Gicurasi 1994, Barril yasinyanye na Guverinoma y'abatabazi.

    Aya masezerano yagenaga ko Paul Barril yoherereza Guverinoma y'Abatabazi abacancuro 20 bazatoza EX-FAR n'interahamwe, kandi akazabaha ibikoresho birimo amasasu y'imbunda zo mu bwoko bwa Kalashnikov na Machine gun na gerenade.

    Inyandiko zitandukanye kandi zigaragaza ko Barril yakomeje gukorana n'abahoze muri ex-FAR na nyuma ya Jenoside yakorewe Abatutsi bari mu mugambi wo kongera gutera u Rwanda.

    Uyu mugabo yumvikanye bwa mbere muri Gicurasi 2020 imbere y'umucamanza ushinzwe iperereza ku byaha byibasiye inyokomuntu by'urukiko rwa Paris, nyuma imyaka umunani yari ishize hakorwa iperereza.

    Iperereza ryatangijwe nyuma y'ikirego cy'ubufatanyacyaha muri Jenoside yakorewe Abatutsi cyatanzwe mu 2013 n'Ishyirahamwe Survie, Ihuriro Mpuzamahanga ry'Uburenganzira bwa Muntu (FIDH) n'Umuryango w'Uburenganzira bwa Muntu (LDH).

    Intandaro y'ibirego by'iyi miryango itatu itegamiye kuri Leta, ni ukuba Paul Barril yaraje kenshi mu Rwanda mu gihe cya Jenoside, n'ariya masezerano yasinye na Leta yakoraga Jenoside kandi abizi neza ibiri kuba.

    Inyuma y'ibi bikorwa, iyi miryango ikeka kandi ko Perezida François Mitterrand cyangwa guverinoma ya Edouard Balladur yaba yarakoresheje Captain Barril mu bikorwa by'ingamba zitaziguye z'u Bufaransa kugira ngo ashyigikire ubutegetsi bw'u Rwanda kurwanya ingabo zari iza FPR Inkotanyi.

    Nubwo ibimenyetso bimushinja byigaragaza, Paul Barril yahakanye gusinya ayo masezerano angana na miliyoni 3 z'amadolari na Leta yakoraga Jenoside. Bivugwa ko kandi bimwe mu byari bikubiye muri ayo masezerano Guverinoma yakoraga Jenoside yabihawe.

    Icyakora, impuguke mu gusuzuma imikono yandikishijwe intoki zakoze iperereza risozwa mu Ugushyingo 2020, zemeje ko umukono uri kuri ayo masezerano ari uwe koko.

    Tariki 28 na 29 Gicurasi 2020, Barril usanganywe indwara yo gususumira izwi nka Parkinson disease yitabye umugenzacyaha ku ibazwa ari kumwe n'umwunganizi.

    Paul Barril yavuze ko yagiye mu Rwanda muri Gicurasi 1994 ari kumwe n'abandi benshi bakoranaga mu butasi, bajyanywe no gukora iperereza ku ihanurwa ry'indege yari itwaye Perezida Juvénal Habyarimana, yahanuwe ku wa 6 Mata 1994.

    Ngo kujya gukora iperereza bari babisabwe n'umugore wa Habyarimana, Agathe Kanziga.

    Ngo ikindi gihe yageze mu Rwanda yari mu kazi k'iperereza yatumwe n'u Bufaransa. Ngo yaje kuhava ahasiga abantu bane bakoranaga ngo bamukorere iperereza ku basirikare b'u Rwanda bari bari mu mutwe udasanzwe.

    Ikinyamakuru Libre Belgique cyatangaje ko hari amafoto yaje kuboneka mu bahoze ari abacanshuro ba Barril mu Rwanda bitwaje imbunda, byerekana ko bashobora kuba bari barimo gutoza abasirikare b'u Rwanda cyangwa se bakanarwana ku ruhande rwabo.

    Nyuma y'amezi atanu Barril ahatwa ibibazo, hasabwe ko hakorwa irindi perereza hagashakwa ibindi bimenyetso ku ruhare rwe mu bufatanyacyaha mu mugambi wo gutegura Jenoside. Ibyo bivuze ko iryo perereza rishobora gutuma Barril yongera guhamagazwa ngo ahatwe ibibazo mu butabera.

    Icyakora, impungenge ni nyinshi ku buzima bwe ku buryo ashobora kutazagezwa mu butabera ngo abazwe ibyo ashinjwa.

    Ni ukubera ko hari raporo y'impuguke mu buvuzi yo ku wa 22 Ukuboza 2020, yabonywe na AFP, inzobere mu bijyanye n'indwara zo mu bwonko zagaragaje ko uburwayi Barril bugeze ku rwego rwo hejuru, ndetse butamwemerera kuburana.

    Hari impungenge ko Barril ashobora kutagezwa mu butabera ku byaha bya Jenoside yakorewe Abatutsi akekwaho

    Source : http://igihe.com/amakuru/u-rwanda/article/impungenge-ku-buzima-bwa-paul-barril-umufaransa-ushinjwa-uruhare-muri-jenoside

  • Rubavu: Urubyiruko rurashinja umukozi w'Akarere uburiganya bwa miliyoni 40 Frw – #rwanda #RwOT

    Abagize iyi koperative bavuga ko batse Akarere icyangombwa cyo gucukura urusekabuye (gravier) mu mugezi wa Bihongora, uwo bagezeho bwa mbere ari na we ushinzwe gutanga ibyo byangombwa witwa Dukuzumuremyi Chantal ngo arahabahuguza arahatwara nyuma aza kuhagurisha miliyoni 40 z'amafaranga y'u Rwanda.

    Umuyobozi w'iyi koperative, Esperance Aziza, yavuze ko aho hantu bahakoreye kuva mu mwaka wa 2016 kugeza mu mpera z'umwaka 2019 ariko mu gihe bagiye mu karere kugisha inama y'uburyo babona icyangombwa kibemerera gucukura mu buryo bwemewe n'amategeko, ngo nibwo umukozi ushinzwe ubucukuzi bwa kariyeri yabaciye inyuma.

    Ati 'Twamenye ko batanga ibyangombwa by'ubucukuzi noneho tugiyeyo hari harimo uwitwa Chantal na Jacques batugira inama y'uko twabigenza mu gihe tugiye kubikora nibwo uriya mugore witwa Dukuzumuremyi Marie Chantal yaduciye inyuma ajya gukorera hahantu twakoreraga nyuma aza kuhagurisha''.

    Undi munyamuryango Niyitegeka Salomon yavuze ko icyo bakeneye ari ukurenganurwa bagakomeza gukora nk'uko leta isaba urubyiruko gukoresha neza amahirwe ahari.

    Ati 'Icyo dukeneye ni ukurenganurwa niba hari n'ibisabwa birebana n'ubucukuzi babitubwira kuko n'ubundi twari turimo kubishaka n'uko uriya mugore yari yaratinze kudusinyira. Natwe nk'urubyiruko nk'uko leta ivuga ngo dushake amahirwe adukikije, twifuza gukomeza gukusanya amabuye azanwa n'umugezi''.

    Dukuzumuremyi Chantal ushinjwa, yavuze atigeze abona urwo rubyiruko ruza kumugisha inama.

    Umuyobozi w'Akarere ka Rubavu, Habyarimana Gilbert, yavuze ko iki kibazo batangiye kugikurikirana.

    Ati 'Iki kibazo kirimo gukurikiranwa. Umukozi waba yarakoze mu nyungu ze agashaka indonke akanagurisha ibirombe, ni ikibazo kirimo gikurikiranwa n'inzego zibishinzwe.'

    Umuyobozi Wungirije w'ikigo cy'Igihugu gishinzwe Mine, Peteroli na Gaz, Dr. Ivan Twagirashema yavuze ko iki kibazo kizakemurwa k'ubufatanye n'izindi nzego zirimo na Ministeri y'ubutegetsi bw'igihugu kuko gutanga impushya zo gucukura muri kariyeri nto babyeguriye ubuyobozi bw'uturere.

    Ati 'Kariyeri nto kuko zirimo abantu benshi baranazirwanira, inini biragoye kuba hazamo ibibazo nk'ibyo kuko inini akenshi ziba ari inganda. Mu kubikemura, Minaloc yaba irimo natwe duhari noneho tukaganira ku ku buryo twarangiza akajagari karimo kavugwa muri kariyeri ntoya''.

    Mu Karere ka Rubavu kuva mu myaka yashize hakunze kugaragara ibibazo by'abayobozi bavugwa muri za Kariyeri cyane cyane mu mucanga ujaburwa mu mugezi wa Sebeya wakunze kuvugwamo abayobozi n'abakozi b'Akarere ka Rubavu. Nibura mu mwaka kariyeri zinjiriza aka karere arenga Miliyoni 300 z'amafaranga y'u Rwanda.

    Aka gace urubyiruko rwakuragamo umucanga n’amabuye biravugwa ko bahambuwe n’umukozi w’akarere

    Source : http://igihe.com/amakuru/u-rwanda/article/rubavu-urubyiruko-rurashinja-umukozi-w-akarere-uburiganywa-bwa-miliyoni-40-frw

  • Bwa mbere Prince Harry yahawe akazi muri sosiyete yigenga 😂😂 #Rwanda #RwOT

    Igikomangoma Harry cyabonye akazi mu Kigo cyigenga mu Kibaya cya Silicon Valley cyo muri Leta Zunze Ubumwe za Amerika gifatwa nk’umurwa mukuru wa Sosiyete ziganjemo iz’ikoranabuhanga zikomeye ku Isi, giherereye muri Leta ya California.

    Prince Harry uheruka kuva mu Bwongereza ndetse akareka inshingano yari afite i bwami, yahawe akazi na sosiyete y’i San Francisco muri California muri Amerika.

    Azajya akora muri iyi sosiyete yitwa BetterUp Inc nka Chief Impact Officer [CIO], aho azaba afite inshingano zirimo izijyanye n’ibikorwa by’ubugiraneza, gutanga ubufasha ku byemezo bijyanye n’ibicuruzwa no gutanga inama ku bijyanye n’ubuzima bwo mu mutwe. Harry yari asanzwe yarakoranye n’ibigo byita ku bafite uburwayi bwo mu mutwe.

    Sosiyete ya BetterUp Inc, Prince Harry agiye gukorera isanzwe itanga serivisi zirimo gutoza abantu bya kinyamwuga, gutanga inama z’ibijyanye n’ubuzima bwo mu mutwe n’ibindi.

    Prince Harry cyangwa se The Duke of Sussex, yavuze ko yizeye ko azashobora gukora ibintu bizatanga impinduka n’ingaruka nziza kuri sosiyete.

    Ni ubwa mbere Prince Harry yahawe umwanya muri sosiyete yigenga nyuma yaho umwaka ushize yaretse inshingano yari afite mu bwami bw’u Bwongereza we n’umugore we Meghan Markle basinye kujya kuba muri Amerika.

    Mu minsi ishize Harry na Meghan Markle basinye amasezerano yo kujya bakorana na Spotify ndetse na Netflix.

    Kuva yava i Bwami mu mwaka ushize ni bwo Prince Harry yahawe umwanya muri sosiyete yigenga

    Prince Harry na Meghan baherutse gusinya amasezerano na sosiyete zirimo Spotify na Netflix ngo bazajye bakorana

  • Ndi i Mageragere ariko nkunda Leta- Nkubiri ngo yihimuweho n’abo yanze gushyigikira mu mafuti #rwanda #RwOT

    Uyu munyemari waburanye hifashishijwe ikoranabuhanga, yari kuri gereza ya Nyarugenge (Mageragere) aho afungiye, yongera guhakana ibyaha ashinjwa, avuga ko yazize kwihimurwaho n’abo ngo yanze gushyigikira mu mafuti.

    Yagize ati 'Hari abantu banyihimuraho kuko nerekanye amafuti yabo Leta igashyiramo Inkeragutabara bigahagarara.'

    Nkubiri yavuze ko bamwe mu bakozi b’Iigo cy’Igihugu Gishinzwe Ubuhinzi n’Ubworozi (RAB), nk’ushinzwe amafumbire n’Umuyobozi Mukuru muri Minagri ushinzwe iterambere ry’ubuhinzi, Charles Murekezi, bakwiye guhamagazwa muri uru rubanza.

    Uyu munyemari wageza ifumbire ku bahinzi, yongeye kuvuga ko hari uburiganya bukorwa mu bucuruzi bw’amafumbire ndetse ko yazize kubigaragaza kugira ngo afashe Leta kubona amafaranga yayo yibwa muri buriya buriganya.

    Nkubiri wavugaga ko n’ubu yagakwiye kuba ari kumwe na Leta kugira ngo ayigaragarize kiriya gihombo iterwa n’abo avuga ko bakoze amanyaga, yagize ati 'Ndi i Mageragere ariko Leta ndayikunda.'

    Uburyo bwa Nkunganire busanzwe bukoreshwa mu gufasha abahinzi kubona ifumbire, Leta yishyurira umuturage 40% mu gihe andi 60% ari we uyitangira.

    Muri iyi gahunda, kompanyi ya ENAS ya Nkubiri ni yo yari ifite isoko ryo kugeza ifumbire ku baturage, akaba yarajyaga kwishyuza muri Minisiteri y’Ubuhinzi n’Ubworozi yitwaje urutonde rw’abahawe ifumbire.

    Ubushinjacyaha buvuga ko Nkubiri yabeshye ko hari abaturage batamwishyuye bigatuma na we atishyura MINAGRI ndetse ko hari abagaragaraga ku rutonde rw’abo yahaye inyongeramusaruro nyamara ntabyabayeho.

    Ubushinjacyaha bushingira ku buhamya bw’abari ku rutonde ko bahawe inyongeramusaruro, bavuze ko batigeze bazibona.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Ndi-i-Mageragere-ariko-nkunda-Leta-Nkubiri-ngo-yihimuweho-n-abo-yanze-gushyigikira-mu-mafuti

  • Impungenge ku buzima bwa Paul Barril, Umufaransa ushinjwa uruhare muri Jenoside yakorewe Abatutsi –

    Uyu mugabo ashinjwa uruhare mu gufasha Guverinoma yakoze Jenoside mu Rwanda.

    Captain Paul Barril ni umujandarume w’Umufaransa, wayoboye umutwe wihariye ubarizwa muri Gendarmerie uzwi nka Groupe d’intervention de la gendarmerie nationale (GIGN).

    Uyu mutwe ufite inshingano zo kurwanya iterabwoba, kubohoza imbohe zishobora gufatwa bugwate ku nyungu runaka, kugenzura igishobora kubangamira umutekano w’igihugu no kurinda abayobozi bakuru muri Guverinoma y’u Bufaransa.

    Ubwo u Bufaransa bwayoborwaga na François Mitterrand guhera mu 1981 kugeza mu 1995, uyu mugabo w’imyaka 74 ari mu bagize uruhare rukomeye mu ishingwa ry’umutwe ushinzwe gukumira ibitero by’iterabwoba bishobora kwibasira ibiro bya Perezida mu Bufaransa.

    Barril yakoranye bya hafi n’Ubutegetsi bwa Habyarimana ndetse avugwaho kuba yaragize uruhare muri Jenoside yakorewe Abatutsi mu buryo butaziguye.

    Mu bwicanyi bwakorewe Abagogwe mu 1993, Barril ashinjwa kuba yarafashije mu gutoza itsinda ryihariye rya EX-FAR ryari rishinzwe ubushakashatsi bwimbitse, ndetse n’interahamwe zitwaga “Turihose”. Icyo gihe ubufasha yatangaga bwitwaga “Insecticide” cyangwa se ‘umuti wica udukoko’ rigahuzwa no kuba Abatutsi baritwaga “Inyenzi” icyo gihe.

    Mu myitozo yabahaye harimo ijyanye n’uburyo butandukanye bwo kurasa, kwica abantu benshi mu gihe gito, ukoresheje imbunda cyangwa izindi ntwaro gakondo zirimo ibyuma

    Mu 1994 kandi Barril yasinye ku masezerano yo gutanga intwaro n’ubufasha bw’amaboko bifite agaciro ka miliyoni eshatu z’amadolari, hagati y’u Bufaransa na Guverinoma y’u Rwanda yakoze Jenoside. Ni amasezerano yabayeho kuwa 28 Gicurasi 1994, Barril yasinyanye na Guverinoma y’abatabazi.

    Aya masezerano yagenaga ko Paul Barril yoherereza Guverinoma y’Abatabazi abacancuro 20 bazatoza EX-FAR n’interahamwe, kandi akazabaha ibikoresho birimo amasasu y’imbunda zo mu bwoko bwa Kalashnikov na Machine gun na gerenade.

    Inyandiko zitandukanye kandi zigaragaza ko Barril yakomeje gukorana n’abahoze muri ex-FAR na nyuma ya Jenoside yakorewe Abatutsi bari mu mugambi wo kongera gutera u Rwanda.

    Uyu mugabo yumvikanye bwa mbere muri Gicurasi 2020 imbere y’umucamanza ushinzwe iperereza ku byaha byibasiye inyokomuntu by’urukiko rwa Paris, nyuma imyaka umunani yari ishize hakorwa iperereza.

    Iperereza ryatangijwe nyuma y’ikirego cy’ubufatanyacyaha muri Jenoside yakorewe Abatutsi cyatanzwe mu 2013 n’Ishyirahamwe Survie, Ihuriro Mpuzamahanga ry’Uburenganzira bwa Muntu (FIDH) n’Umuryango w’Uburenganzira bwa Muntu (LDH).

    Intandaro y’ibirego by’iyi miryango itatu itegamiye kuri Leta, ni ukuba Paul Barril yaraje kenshi mu Rwanda mu gihe cya Jenoside, n’ariya masezerano yasinye na Leta yakoraga Jenoside kandi abizi neza ibiri kuba.

    Inyuma y’ibi bikorwa, iyi miryango ikeka kandi ko Perezida François Mitterrand cyangwa guverinoma ya Edouard Balladur yaba yarakoresheje Captain Barril mu bikorwa by’ingamba zitaziguye z’u Bufaransa kugira ngo ashyigikire ubutegetsi bw’u Rwanda kurwanya ingabo zari iza FPR Inkotanyi.

    Nubwo ibimenyetso bimushinja byigaragaza, Paul Barril yahakanye gusinya ayo masezerano angana na miliyoni 3 z’amadolari na Leta yakoraga Jenoside. Bivugwa ko kandi bimwe mu byari bikubiye muri ayo masezerano Guverinoma yakoraga Jenoside yabihawe.

    Icyakora, impuguke mu gusuzuma imikono yandikishijwe intoki zakoze iperereza risozwa mu Ugushyingo 2020, zemeje ko umukono uri kuri ayo masezerano ari uwe koko.

    Tariki 28 na 29 Gicurasi 2020, Barril usanganywe indwara yo gususumira izwi nka Parkinson disease yitabye umugenzacyaha ku ibazwa ari kumwe n’umwunganizi.

    Paul Barril yavuze ko yagiye mu Rwanda muri Gicurasi 1994 ari kumwe n’abandi benshi bakoranaga mu butasi, bajyanywe no gukora iperereza ku ihanurwa ry’indege yari itwaye Perezida Juvénal Habyarimana, yahanuwe ku wa 6 Mata 1994.

    Ngo kujya gukora iperereza bari babisabwe n’umugore wa Habyarimana, Agathe Kanziga.

    Ngo ikindi gihe yageze mu Rwanda yari mu kazi k’iperereza yatumwe n’u Bufaransa. Ngo yaje kuhava ahasiga abantu bane bakoranaga ngo bamukorere iperereza ku basirikare b’u Rwanda bari bari mu mutwe udasanzwe.

    Ikinyamakuru Libre Belgique cyatangaje ko hari amafoto yaje kuboneka mu bahoze ari abacanshuro ba Barril mu Rwanda bitwaje imbunda, byerekana ko bashobora kuba bari barimo gutoza abasirikare b’u Rwanda cyangwa se bakanarwana ku ruhande rwabo.

    Nyuma y’amezi atanu Barril ahatwa ibibazo, hasabwe ko hakorwa irindi perereza hagashakwa ibindi bimenyetso ku ruhare rwe mu bufatanyacyaha mu mugambi wo gutegura Jenoside. Ibyo bivuze ko iryo perereza rishobora gutuma Barril yongera guhamagazwa ngo ahatwe ibibazo mu butabera.

    Icyakora, impungenge ni nyinshi ku buzima bwe ku buryo ashobora kutazagezwa mu butabera ngo abazwe ibyo ashinjwa.

    Ni ukubera ko hari raporo y’impuguke mu buvuzi yo ku wa 22 Ukuboza 2020, yabonywe na AFP, inzobere mu bijyanye n’indwara zo mu bwonko zagaragaje ko uburwayi Barril bugeze ku rwego rwo hejuru, ndetse butamwemerera kuburana.

    Hari impungenge ko Barril ashobora kutagezwa mu butabera ku byaha bya Jenoside yakorewe Abatutsi akekwaho

  • Rubavu: Urubyiruko rurashinja umukozi w’Akarere uburiganya bwa miliyoni 40 Frw –

    Abagize iyi koperative bavuga ko batse Akarere icyangombwa cyo gucukura urusekabuye (gravier) mu mugezi wa Bihongora, uwo bagezeho bwa mbere ari na we ushinzwe gutanga ibyo byangombwa witwa Dukuzumuremyi Chantal ngo arahabahuguza arahatwara nyuma aza kuhagurisha miliyoni 40 z’amafaranga y’u Rwanda.

    Umuyobozi w’iyi koperative, Esperance Aziza, yavuze ko aho hantu bahakoreye kuva mu mwaka wa 2016 kugeza mu mpera z’umwaka 2019 ariko mu gihe bagiye mu karere kugisha inama y’uburyo babona icyangombwa kibemerera gucukura mu buryo bwemewe n’amategeko, ngo nibwo umukozi ushinzwe ubucukuzi bwa kariyeri yabaciye inyuma.

    Ati “Twamenye ko batanga ibyangombwa by’ubucukuzi noneho tugiyeyo hari harimo uwitwa Chantal na Jacques batugira inama y’uko twabigenza mu gihe tugiye kubikora nibwo uriya mugore witwa Dukuzumuremyi Marie Chantal yaduciye inyuma ajya gukorera hahantu twakoreraga nyuma aza kuhagurisha’’.

    Undi munyamuryango Niyitegeka Salomon yavuze ko icyo bakeneye ari ukurenganurwa bagakomeza gukora nk’uko leta isaba urubyiruko gukoresha neza amahirwe ahari.

    Ati “Icyo dukeneye ni ukurenganurwa niba hari n’ibisabwa birebana n’ubucukuzi babitubwira kuko n’ubundi twari turimo kubishaka n’uko uriya mugore yari yaratinze kudusinyira. Natwe nk’urubyiruko nk’uko leta ivuga ngo dushake amahirwe adukikije, twifuza gukomeza gukusanya amabuye azanwa n’umugezi’’.

    Dukuzumuremyi Chantal ushinjwa, yavuze atigeze abona urwo rubyiruko ruza kumugisha inama.

    Umuyobozi w’Akarere ka Rubavu, Habyarimana Gilbert, yavuze ko iki kibazo batangiye kugikurikirana.

    Ati “Iki kibazo kirimo gukurikiranwa. Umukozi waba yarakoze mu nyungu ze agashaka indonke akanagurisha ibirombe, ni ikibazo kirimo gikurikiranwa n’inzego zibishinzwe.”

    Umuyobozi Wungirije w’ikigo cy’Igihugu gishinzwe Mine, Peteroli na Gaz, Dr. Ivan Twagirashema yavuze ko iki kibazo kizakemurwa k’ubufatanye n’izindi nzego zirimo na Ministeri y’ubutegetsi bw’igihugu kuko gutanga impushya zo gucukura muri kariyeri nto babyeguriye ubuyobozi bw’uturere.

    Ati “Kariyeri nto kuko zirimo abantu benshi baranazirwanira, inini biragoye kuba hazamo ibibazo nk’ibyo kuko inini akenshi ziba ari inganda. Mu kubikemura, Minaloc yaba irimo natwe duhari noneho tukaganira ku ku buryo twarangiza akajagari karimo kavugwa muri kariyeri ntoya’’.

    Mu Karere ka Rubavu kuva mu myaka yashize hakunze kugaragara ibibazo by’abayobozi bavugwa muri za Kariyeri cyane cyane mu mucanga ujaburwa mu mugezi wa Sebeya wakunze kuvugwamo abayobozi n’abakozi b’Akarere ka Rubavu. Nibura mu mwaka kariyeri zinjiriza aka karere arenga Miliyoni 300 z’amafaranga y’u Rwanda.

    Aka gace urubyiruko rwakuragamo umucanga n’amabuye biravugwa ko bahambuwe n’umukozi w’akarere

  • LIVE : Mu rubanza rwa Rusesabagina haje abatangabuhamya bazi amavu n’amavuko ya MRCD-FLN #rwanda #RwOT

    Ubushinjacyaha bwahawe umwanya ngo busobanure imikorere y’ibyaha birega abashinjwa, bwabanje gutanga ibisobanuro ku bijyanye n’ingingo zigarukwaho mu kirego cyabwo, nk’igisobanuro cy’umutwe w’Iterabwoba, amateka ya FDLR, ndetse n’ibindi biganisha ku mutwe wa FLN ushinjwa gukora biriya bikorwa bishinjwa abaregwa.

    Ubushinjacyaha bwahereye ku gisobanuro cy’iterabwoba, yavuze ko ubundi iki gikorwa ari ubwicanyi bukorerwa abantu hagambiriwe kuzamura umwuka mubi ugamije kubangamira Leta.

    Umushinjacyaha yavuze ko amategeko y’u Rwanda asobanura iterabwoba nk’igikangisho gishyirwa kuri Leta kugira ngo ihindure imikorere, rikaba ribamo ibikorwa binyuranye nko gufata bugwate abantu cyangwa kubica.

    Yavuze ko ubu bwicanyi bukorwa nta sano rigenderewe ku bo bukorewe bugakorerwa abasivili hagambiriwe impamvu za politiki.

    Ubushinjacyaha bwifashishije ibitabo by’abahanga nk’ikitwa Terrorism : What Everyone Needs to Know, gisobanura uko Iterabwoba riba riteye ariko ko rigenda rihindura isura bitewe n’uko ibihe bigenda bishyira ibindi.

    Umushinjacyaha ati 'Ni igikorwa gikozwe mu buryo budatoranyije, kikazamura wa mwuka w’ubwoba kuko kiba gishobora kumugiraho ingaruka aho ari hose.'

    Yakomeje agira ati 'Ibi bikorwa bishobora gukorwa n’abantu ku giti cyabo cyangwa mu matsinda, ibi byinjira neza muri iyi dosiye kuko abayikurikiranyweho bahuriye mu mitwe y’iterabwoba.'

    Ubushinjacyaha kandi buvuga ko imiryango mpuzamahanga nk’uw’Abibumbye ndetse n’indi ijya itanga urutonde rw’imitwe y’Iterabwoba ndetse ko inkiko zo mu Rwanda zashyize umutwe wa FDLR ku rutonde rw’iy’iterabwoba.

    Uyu mutwe wa FDLR washyizwe mu mitwe y’iterabwoba, wahozemo na bamwe mu baregwa muri uru rubanza baje kuyivamo bakajya muri FDLR-FOCA nyuma bakaza kujya muri FLN.

    Bwanasobanuye uko FLN yabayeho, ubwo bamwe mu bari abarwanyi ndetse ari n’abayobozi muri FDLR bayivuyemo bakajya mu yindi mitwe.

    Bwavuze ko muri 2009 Paul Rusesabagina yashatse gushinga umutwe w’ingabo ushamikiye kuri PDR Ihumure hanyuma muri22 Nzeri 2009, u Burundi bukaza gufata abasirikare bakuru ba FDLR arimo Lt col Tharcisse Mbiturende na Lt. Col Noël Habiyaremye bariho bashaka gushinga uwo mutwe.

    Hari ibaruwa kandi yandikiwe Rusesabagina igaragaza ko yari afitanye imikoranire n’abo bantu, hakaba n’inyandiko zigaragaza ko habayeho kohererezanya amafaranga kuri Western Union.

    Lt. Noël Habiyaremye yabwiye Ubushinjacyaha ko uwitwa Minani Innocent yamuhuje na Paul Rusesabagina bakemeza ko bagomba gushing umutwe w’ingabo w’uriya mutwe wa Politiki.

    Ubushinjacyaha bw’u Rwanda bwasabye America gukora iperereza niba koko Rusesabagina ari we wohereje ayo mafaranga ndetse iki gihugu cyaje kwemeza ko ari we.

    Ubushinjacyaha bwavuze ko hari abatangabuhamya babiri bafite amakuru arambuye kuri iyi ngingo ijyanye n’ishingwa ry’umutwe wa FLN, busaba ko Urukiko rwakwemera bakumvwa.

    UKWEZI.RW

    Source : http://www.ukwezi.rw/mu-rwanda/3/article/LIVE-Mu-rubanza-rwa-Rusesabagina-haje-abatangabuhamya-bazi-amavu-n-amavuko-ya-MRCD-FLN