Category: Uncategorized

Tribert Rujugiro Ayabatwa, umucuruzi w'umunyarwanda wahunze akaba m'umutwe w'iterabwoba wa RNC uhora mu bikorwa bihungabanya umutekano w'u Rwanda, yagaragaye muri raporo nshya igaragaza uburyo ubucuruzi butemewe muri Afurika y'iburasirazuba butera inkunga ubuhezanguni, bugatera inkunga ibikorwa by'ubugizi bwa nabi budasize na Ruswa.

RNC iyobowe na Kayumba Nyamwasa ubarizwa muri Afurika y'Epfo, ni umutwe w'iterabwoba wari inyuma y'ibitero bya grenade byahitanye abantu mu murwa mukuru w'u Rwanda, Kigali, hagati ya 2010 na 2013. Rujugiro, umucuruzi utarishuraga imisoro uko bikwiye, yavuye mu Rwanda mu 2010 nyuma y'ibibazo bitandukanye harimo kutishyura imisoro ndetse adasize na za ruswa.

Rujugiro kandi aravugwaho mu kwihisha inyuma y'ibikorwa bitemewe birimo no gucuruza ibiyobyabwenge bidasigana n'Itabi ahinga, mu karere, 'Iyi raporo ikaba yaragarutse ku iIsano riri hagati y'ubutagondwa n'ubucuruzi butemewe muri Afurika y'iburasirazuba.
Raporo ivuga ko ku isi hose, imitwe y'intagondwa zifite kandi zikomeje kungukira mu bucuruzi butemewe burimo n'ibiyobyabwenge. Raporo ivuga ko iyo shusho igaragara no muri Afurika y'Iburasirazuba no mu turere tuyikikije, aho wasangaga itabi ritemewe ritera inkunga imitwe y'inyeshyamba muri Repubulika Iharanira Demokarasi ya Kongo (DRC), ari nako ibikorwa bya ruswa mu karere kose ikomeje kuzamuka.

Rujugiro asanzwe azwiho icyaha cyo kunyereza imisoro akaba yaranagejejwe imbere y'urukiko rwo muri Afurika y'Epfo mu mwaka wa 2009, ashinjwa kandi 'gutera inkunga imitwe y'iterabwoba irwanya u Rwanda.' Muri Uganda, Rujugiro ni nyir'uruganda rukora itabi hamwe akaba afatanyije na murumuna wa Perezida Yoweri Museveni, Caleb Akandwanaho uzwi nka Salim Saleh, wahawe imigabane ingana na 15% muri sosiyete kandi yemera kurinda umutungo wa Rujugiro muri Uganda.
Muri Afurika y'Iburasirazuba, itabi ritemewe ritwara leta miliyoni 100 z'amadolari y'imisoro buri mwaka. Isosiyete ya Rujugiro muri Uganda igamije kwimika RNC ngo iganze mu bugande, mu ntego zabo zo guhungabanya umutekano w'u Rwanda. Mu mwaka w'Ukuboza 2018 raporo y'umuryango w'abibumbye igaragaza Rujugiro na P5, RNC na FDLR ikanerekano isano rya hafi hagati ya Rujugiro n'ubutegetsi bwo muri Uganda no mu Burundi

RNC isanzwe ari umutwe w'iterabwoba ufite ibirindiro muri Kongo na Uganda, washinzwe n'abatavuga rumwe n'u Rwanda mu mwaka wa 2010 kugira ngo bahirike burundu guverinoma y'u Rwanda yashyizweho n'abaturage. Mu mwaka wa 2012, Mastermind Tobacco Kenya yatanze ikirego kirega Leaf Tobacco and Commodities (LTC), ishami rya PTG, ishinja isosiyete ya Rujugiro kuba yariganye ikirango cyayo cyamamaza Supermatch, kandi ikagurisha iryo tabi ku giciro gihendutse ku isoko rya Kenya.

Umubano hagati y'u Rwanda na Uganda ukomeje kuzamba guhera 2017 nyuma yahoo bigaragariye ko Uganda ifasha imitwe y'iterabwoba irwanya u Rwanda. Uganda ikomeje gushyigikira iyinjizwa ry'abarwanyi cyane cyane mu gufata Abanyarwanda berekeza muri Uganda no kubahatira kujya mu mitwe yitwaje intwaro ugamije guteza intambara mu Rwanda.

Iyi Raporo irasaba kandi ko hajyaho ingamba zubahiriza amategeko hagamijwe gukumira ubucuruzi butemewe no gufata ababukoze itibagiwe gushyiraho uburyo bwo kugenzura kugirango hubahirizwe amabwiriza agenga inganda n'isoko kugirango hirindwe umusaruro n'ikwirakwizwa ry'ibicuruzwa bitemewe.

The post Ubucuruzi bwa Tribert Rujugiro Ayabatwa butubahirije amategeko ndetse bukoreshwa no mubikorwa by'iterabwoba bwashyizwe ku karubanda appeared first on RUSHYASHYA.

Source : https://rushyashya.net/ubucuruzi-bwa-tribert-rujugiro-ayabatwa-butubahirije-amategeko-ndetse-bukoreshwa-no-mubikorwa-byiterabwoba-bwashyizwe-ku-karubanda/

Source : https://yegob.rw/uyu-musore-yakoze-agashya-ajya-guterera-ivi-inkumi-yitwaje-impeta-eshanu-zose/

Minisiteri y'Ubuzima yatangaje kokuri uyu wa Gatanu tariki 16 Mata 2021,umwana w'umukobwa w'amezi atanu wo mu karere ka Gisagara, yishwe na Covid-19 aba umuntu wa mbere muto cyane upfuye yishwe n'iki cyorezo mu Rwanda.Umubare w'abamaze guhitanwa n'iko cyorezo mu Rwanda ni 322.

Kuri uyu wa Gatanu, habonetse abarwayi bashya 68 hakira abantu 210. Kugeza ubu abakirwaye ni 1,475 barimo bane barembye. Uyu munsi hakingiwe abantu bashya 275.

Amakuru yose kuri Covid-19 mu Rwanda:

Abanduye bashya:68
Abanduye bose:23,812
Hakize:210
Abakize bose:22,015
Abakirwaye:1,475
Abarembye:4
Abakingiwe kuva ku wa 05/3/2021:348,926

Umuyobozi Mukuru w'Ikigo gikora Inkingo, Pfizer, Albert Bourla yavuze ko bishoboka cyane ko abahawe urukingo rwa COVID-19 rwakozwe n'iki kigo bashobora kuzakenera guhabwa dose ya gatatu.

Mu busanzwe Ishami ry'Umuryango w'Abibumbye (OMS) rigaragaza ko umuntu agomba guhabwa dose ebyiri z'urukingo rwa Pfizer kugira ngo yizere ko umubiri we wahawe ubushobozi bwo guhangana na Coronavirus.

Daily Mail yatangaje ko mu nama yabaye ku wa 16 Mata hifashishijwe ikoranabuhanga, Umuyobozi Mukuru wa Pfizer, Albert Bourla, yavuze ko ibi bishobora kuzahinduka ahubwo uwahawe dose ebyiri z'uru rukingo agakenera iya gatatu.

Albert Bourla yavuze ko iyi dose ya gatatu umuntu ashobora kuzajya ayihabwa nyuma y'amezi ari hagati y'atandatu na 12 ahawe iya kabiri. Iyi dose ngo izajya yunganira izindi ebyiri umuntu yahawe mu kubaka ubudahangarwa bw'umubiri.

Albert Bourla yavuze ko iki cyemezo kigamije kwirinda ko hagira umubare munini w'abantu bashobora kujya mu byago byo kwandura COVID-19 mu gihe baba bizeye ko dose ebyiri bahawe zibarinze mu buryo bwuzuye.

Ubushakashatsi buherutse gukorwa bwagaragaje ko Pfizer itanga icyizere mu kurinda COVID-19 ku kigero cya 90%, ibi bikaba mu gihe cy'amezi atandatu nyuma yo guhabwa dose ya kabiri, gusa ngo hakenewe gukorwa ubushakashatsi kugira ngo barebe niba umubiri ugumana ubwirinzi na nyuma y'aya mezi atandatu.

Uretse ibijyanye na dose ya gatatu, Albert Bourla yavuze ko atekereza ko bishobora no kuzaba ngombwa ko umuntu ashobora kuzajya ahabwa urukingo rwa Coronavirus buri mwaka.

Ibi ngo abishingira ku kuba hari virusi zikenera ko umuntu ahabwa urukingo inshuro imwe bikaba bihagije hakaba n'izindi zizasaba ko umuntu ahabwa urukingo inshuro nyinshi.

Ati 'Hari inkingo nk'iz'imbasa aho dose imwe iba ihagije […]hari inkingo nk'iz'ibicurane umuntu aba akeneye buri mwaka. Coronavirus isa nka virusi y'ibicurane kuruta uko isa na virusi y'imbasa.'

Source : http://umuryango.rw/amakuru/mu-rwanda/ubuzima/article/covid-19-yishe-umwana-w-umukobwa-w-amezi-5-mu-rwanda-hakira-abandi-210

Hitayezu wahoze ari Padiri wa Paruwasi Mubuga muri Karongi, Le Figaro ivuga ko yafashwe kuwa Gatatu tariki 14 Mata 2021, abazwa ku byaha ashinjwa bishingiye ku kwima ibiribwa abatutsi bari bahungiye kuri Paruwasi ya Mubuga ahubwo akabihereza interahamwe zaje kwica. Hitayezu ahakana ibyaha aregwa.

Ubushinjacyaha bw'u Bufaransa kuri uyu wa Gatanu bwatangaje ko Hitayezu wavutse mu 1956, yabajijwe n'umucamanza mu rugereko rwihariye rw'urukiko rwa Paris rushinzwe ibyaha byibasiye inyokomuntu.

Hitayezu yari asanzwe ari umupadiri ahitwa Montlieu-la-Garde (Charente-Maritime) muri diyosezi ya La Rochelle.

Uyu mupadiri ashinjwa kuba muri Jenoside yakorewe Abatutsi yarimye ibiribwa n'amazi abatutsi bari bahungiye muri Kiliziya ya Mubuga akabihereza Interahamwe zari zije kubica.

Hitayezu ari mu bantu bashakishwa n'ubushinjacyaha bw'u Rwanda ndetse wanashyiriweho impapuro zo kumuta muri yombi ngo yoherezwe kuhaburanira, icyakora mu 2016 urukiko rusesa imanza mu Bufaransa rwanze kumwohereza.

Mu 2019 nibwo dosiye ya Hitayezu yongeye gusubukurwa. Uyu mupadiri yavuye mu Rwanda mu 1994 ahungira muri Repubulika Iharanira Demokarasi ya Congo, aho yavuye mu 1998/1999 ajya mu Bufaransa.

Alain Gauthier washinze umuryango 'Collectif des Parties Civiles pour le Rwanda (CPCR)', ugamije guharanira ubutabera no kugeza mu nkiko abakekwaho uruhare muri Jenoside bacyihishahisha yavuze ko ari amakuru meza kuba Padiri Hitayezu yatangiye gukurikiranwa.

Yakomeje avuga ko bikwiriye kuba isomo kuri Kiliziya Gatolika ikareka guha rugari abantu bayo bakekwaho Jenoside yakorewe Abatutsi.

Mu Bufaransa ni naho haba Padiri Wenceslas Munyeshyaka wayoboraga Paruwasi ya Sainte Famille i Kigali, ushinjwa uruhare rukomeye muri Jenoside yakorewe Abatutsi.

Inkuru ya IGIHE

Source : http://umuryango.rw/amakuru/mu-rwanda/ubutabera/article/u-bufaransa-padiri-marcel-hitayezu-ushinjwa-kugira-uruhare-muri-jenoside-yatawe

Kuri uyu wa Gatanu tariki 16 Mata 2021 nibwo Munyenyezi yagejejwe mu Rwanda avanwe muri Leta Zunze Ubumwe za Amerika, nyuma yo kumarayo imyaka 10 ari muri gereza aho yari akurikiranweho icyaha cyo kubeshya inzego z'abinjira n'abasohoka.

Yageze ku Kibuga Mpuzamahanga cy'Indege cya Kigali i Kanombe saa Moya na 17 z'umugoroba wo kuri uyu wa Gatanu, tariki ya 16 Mata 2021; yazanywe n'indege ya KLM.

Uyu mugore ugaragara nk'ukuze, yari yambaye amadarubindi, amatiriningi afite ibara rya kaki n'inkweto nshya za Under Armour. Yari anambaye agapfukamunwa kamaze kuba umwambaro rusange ku Isi yose.

Munyenyezi yahungiye muri Leta Zunze Ubumwe za Amerika mu mwaka wa 2003 aho yageze asaba ubuhungiro agaragaza ko ngo ari impunzi ya politiki.

Nyuma ya Jenoside yakorewe Abatutsi, Munyenyezi ari kumwe n'abana be bahungiye mu gihugu cya Kenya, bigeze mu 1995 yandika urwandiko rusaba ubuhunzi muri Amerika ariko abikora yigize nk'umwe mu bagizweho ingaruka na Jenoside yakorewe Abatutsi mu 1994.

Gusa muri Gashyantare 2013, Munyenyezi yambuwe ubwenegihugu bw'iki gihugu nyuma y'uko urukiko rwo muri Leta ya New Hampshire rumuhamije ibyaha byo kugira uruhare muri Jenoside yakorewe Abatutsi mu Rwanda mu 1994.

Nyuma yo kugeza mu Rwanda kuri uyu wa Gatanu, Umuvugizi w'Umusigire wa RIB, Dr Murangira B. Thierry yatangaje ko uyu mugore yari arangije igihano cy'imyaka 10, hanyuma leta ya Amerika isanga ko itamugumana ku butaka bwayo imwohereza mu Rwanda.

Dr Murangira yavuze ko kumugarura mu Rwanda ari inyungu ku butabera, kuko aje asanga dosiye yari yarakorewe kubera ibyaha akekwaho.

Yagize ati 'Kumugarura mu Rwanda bifite icyo bivuze kandi ni inyungu ku butabera bw'u Rwanda, kuko aje asanga hari dosiye yari yarakorewe kubera ibyaha akekwaho ku ruhare yagize muri Jenoside yakorewe abatutsi, ku bw'iryo rero RIB yahise imufata ubu ikaba imukurikiranyeho ibyaha birindwi.'

Dr Murangira avuga ko ibyo byaha birimo kwica nk'icyaha cya Jenoside, gucura umugambi wo gukora Jenoside, gutegura jenoside, gushishikariza ku buryo buziguye cyangwa ku buryo butaziguye abantu gukora Jenoside, ubufatanyacyaha muri Jenoside, kurimbura nk'icyaha cyibasiye inyokomuntu, ubufatanyaha mu gusambanya ku gahato nk'icyaha cyibasiye inyokomuntu.

Dr Murangira avuga ko hari abatangabuhamya babonye Munyenyezi kuri bariyeri agenzura irangamuntu, agatoranyamo abatutsi kugira ngo bicwe.

Avuga ko tariki 25 Mata 1994, kuri bariyeri yari kuri Hotel Ihuriro yatoranyaga Abatutsi akabageza ku Nterahamwe kugira ngo zibasambanye.

Yatangaje ko Munyenyezi ubwe yakoresheje imbunda yo mu bwoko bwa pistol mu kurasa umubikiriya, nyuma yo kumuha Interahamwe zikamusambanya.

Yatangaje ko Munyenyezi agiye gufungirwa kuri sitasiyo ya Polisi ya Remera mu Mujyi wa Kigali.

Munyenyezi akekwaho uruhare yagize muri Jenoside yakorewe Abatutsi mu yahoze ari Butare cyane cyane kuri bariyeri yari hafi yaho yari atuye, ahakoreraga Interahamwe nyinshi hamwe n'umugabo we Arsène Ntahobari na Nyirabukwe Nyiramasuhuko Pauline, wari Minisitiri w'Umuryango ndetse n'uwari Perefe wa Butare, Joseph Kanyabashi n'abandi.

Arsène Shalom Ntahobari nawe yahamijwe ibyaha bya Jenoside, Nyiramasuhuko Pauline nawe ahamwa ibyaha bya Jenoside yakorewe Abatutsi.

Source : http://umuryango.rw/amakuru/mu-rwanda/ubutabera/article/rib-yagaragaje-ko-kugeza-munyenyezi-mu-rwanda-ari-ubutabera-ku-barokotse

Source : https://yegob.rw/umukobwa-yagiye-mu-muhanda-yambaye-imyenda-ipfumaguye-ashaka-kwemeza-abamureba-ibyo-yahaboneye-ni-akumiro/

Source : https://yegob.rw/umubyeyi-nabana-be-amasura-arimo-kubavahotwagize-ubwoba-bwinshi/

Source : https://yegob.rw/amwe-mu-magambo-nibikorwa-abakobwa-biki-gihe-basigaye-bifashisha-bakurura-abasore/

Ibi babisabye kuri uyu wa Kane tariki ya 15 Mata 2021 mu muhango wo kwibuka ku nshuro ya 27 Jenoside yakorewe abatutsi mu 1994, umuhango wabimburiwe no gushyingura imibiri 98 y'abazize Jenoside mu rwibutso rw'i Ruhanga mu Murenge wa Rusororo yagaragaye mu bice bitandukanye by'aka Karere ka Gasabo.

Abarokotse Jenoside bahawe inzu bashimira Leta kuko byabafashe cyane ariko bakagaragaza ko hari na bamwe muri bo bafite impungenge z'uko inzu bahawe zishobora kubagwaho bitewe n'uko zimaze gusaza cyane.

Umwe mu barokotse jenoside muri aka Karere yagize ati 'Hari uburyo ubona inzu ukabona ko yamaze gusaza cyane ubona ko isatagurika mbese ubona ko isaha n'isaha yagwa.'

Uhagarariye Ibuka mu Karere ka Gasabo , Kabagambire Théogène, yavuze ko bishimira ubufasha bagiye bahabwa bwatumye abatari bafite aho kuba bahabona, gusa akemeza ko hari abahawe inzu mu myaka yatambutse zashaje zikeneye gusanwa.

Ati 'Muri aka Karere ka Gasabo nakubwira ko hafi na 40% y'abatari bafite amacumbi bamaze kuyabona, abandi n'ubwo batayafite si ukuvuga ko badafite aho baba, ahubwo ni bamwe amacumbi yabo yamaze gushwanyagurika kubera ko nyuma ya Jenoside kubera ubushobozi bwari buke, bubakiraga udafite na kamwe ufite ka kandi gahengamye agapfa kubamo.'

Yongeyeho ko Ibuka ifatanyije n'ubuyobozi bw'Akarere bari kugenda bareba ibisigara bya Leta bitari bituwemo kugira ngo abadafite inzu bubakirwe.

Umuyobozi Nshingwabikorwa w'Akarere ka Gasabo, Umwali Pauline yavuze ko gushakira amacumbi abarokotse jenoside yakorewe abatutsi batishoboye babishyize mu byihutirwa.

Ati ' Gushakira amacumbi abarokotse nacyo ni igikorwa cyacu nk'Akarere tuba tubifite no mu mihigo ku buryo buri mwaka twubaka inzu z'abarokotse jenoside batishoboye. Nk'ubu uyu mwaka turimo twubaka inzu 32 tuzabatuzamo muri uku Kwezi cyangwa ugutaha, ni gahunda duhorana yo gufasha abarokotse batishoboye.'

Hirya no hino mu gihugu, abarokotse Jenoside yakorewe Abatutsi bubakiwe inzu mu myaka yatambutse, bakunze kumvikana basaba ko bafashwa gusana kuko zimwe zatangiye kwangirika, bikaba byashyira ubuzima bwabo mu kaga.

Umuyobozi Nshingwabikorwa w'Akarere ka Gasabo, Umwali Pauline (ibumoso) ari kumwe n’uhagarariye Ibuka mu Karere ka Gasabo, Kabagambire Théogene

---

Source : http://igihe.com/amakuru/u-rwanda/article/gasabo-abarokotse-jenoside-batishoboye-bafite-inzu-zishaje-basabye-gufashwa