Category: Uncategorized

Ogunsanya yari asanzwe ari Umuyobozi Mukuru wa Airtel ishami rya Nigeria kuva mu mwaka wa 2012, ari naryo shami rinini rya Airtel ku Mugabane wa Afurika. Uyu mugabo afite uburambe bw'imyaka irenga 25 mu by'imikorere ya banki, kwita ku bakiliya ndetse n'ibigo by'itumanaho.

Yayoboye mu bigo bikomeye birimo nka Coca-Cola mu bihugu nka Ghana, Nigeria ndetse na Kenya. Muri Nigeria kandi uyu mugabo yayoboye ikigo cya Nigeria Bottling Company Ltd, ndetse anaba Umuyobozi muri Ecobank Transnational Inc. Yize amasomo atandukanye arimo n'icungamutungo.

Nyuma yo kuva ku mirimo ye, Mandava azakomeza gutanga ubujyanama ku barimo Umuyobozi Mukuru mushya wa Airtel Africa, ndetse n'Inama Nkuru ya Airtel Africa.

Sunil Bharti Mittal Ukuriye Inama Nkuru ya Airtel avuga kuri Ongusanya yagize ati 'Yagize uruhare rufatika mu guhindura ubucuruzi bwa Airtel Nigeria, binyuze mu kuvugurura imirongo, gukwirakwiza itumanaho rya Airtel ndetse no kunoza imikorere. Ubu bwitange bwe, ndetse n'uburambe asanganywe mu nshingano ze, kwita ku bakiliya ndetse n'ubushobozi yagaragaje bwo gutanga umusaruro aba yitezweho, ni bwo buzakomeza gutuma atugeza ku ntego dufite'.

Ongusanya yagize ati 'Nk'Umunyafurika, ntewe ishema no kubona aya mahirwe yo kuyobora Ikigo cya Airtel gikomeje guhindura ubuzima bwa miliyoni z'abantu ndetse no kuba ikiraro mu ikoreshwa ry'itumanaho ndetse na serivisi z'imari'.

Airtel ni ikigo cy'itumanaho gifite amashami mu bihugu 14 bya Afurika, aho uretse serivisi z'itumanaho, iki kigo kinatanga serivisi zo kubitsa mu buryo buzwi nka mobile money.

Olusegun Ogunsanya agiye kuyobora Airtel Africa

Tombora ya ¼ cya CAF Champions League, isize ikipe ya Simba SC yo muri Tanzania ikinamo rutahizamu w’umunyarwanda, Meddie Kagere itomboye Kaizer Chief yo muri Afurika y’Epfo.

Ni tombora yabaye uyu munsi i Cairo mu Misiri ku cyicaro gikuru cya CAF maze Simba SC yazamutse iyoboye itsinda yisanga igomba guhura na Kaizer Chief yo muri Afurika y’Epfo.

Biteganyijwe ko imikino ibanza izakinwa tariki ya 14-15 Gicurasi 2021, mu gihe iyo kwishyura izakinwa tariki ya 21-22 Gicurasi 2021, Simba ikaba izabanza muri Afurika y’Epfo.

Tombola yose uko yagenze

Al Ahly vs Mamelodi Sundowns
MC Alger vs Wydad AC
Kaizer Chiefs vs Simba SC
CR Belouizdad vs Esperance de Tunis

Si tombola ya CAF Champions League gusa yabaye kuko hanabaye tombola ya ¼ cya CAF Confederations Cup, yo biteganyijwe ko imikino ibanza izakinwa tariki ya 16 Gicurasi 2021, mu gihe iyo kwishyura biteganyijwe ko izakinwa tariki ya 23 Gicurasi 2021.

Orlando Pirates vs Raja Club Athletic
CS Sfaxien vs JS Kabylie
Pyramids FC vs Enyimba FC
Coton-Sport FC vs ASC Jaraaf

Simba SC ya Meddie Kagere igomba guhura na Kaizer Chief muri Afurika y’Epfo

Ibiro by’Umukuru w’igihugu biratangaza ko uru ruzindiko rwa Perezida wa Mozambique, Filipe Nyusi rwabaye ku wa Gatatu w’iki cyumweru tariki 28 Mata 2021.

Amafoto yashyizwe hanze kuri uyu wa Gatanu, agaragaza Perezida Paul Kagame yakira mugenzi we Filipe Nyusi wa Mozambique ku kibuga cy’indege cya Kigali i Kanombe.

Yerekana kandi aba bakuru b’Ibihugu bombi bari mu biro bya Perezida Kagame muri Villade Urugwiro baganira.

Abakuru b’ibihugu bombi bagiranye ibiganiro byagarutse ku ngingo zinyuranye zirebana umubano n’imikoranire y’ibihugu byombi.

Filipe Nyusi kandi aje mu Rwanda mu gihe Igihugu cye kiri mu bibazo b’umutekano mucye byatewe n’umutwe uvuga ko ugendera ku mahame akarishye ya Kisilamu ISIS.

Muri ibi biganiro byahuje Perezida Kagame na mugenzi we Filipe Nyusi, byanagarutse ku guhashya iterabwoba nka kimwe mu bibazo bikomeje guhagurukirwa n’amahanga ndetse n’imiryango ihuriyemo ibihugu.

Ibikorwa by’iterabwo bya ISIS muri Mozambique, byibasiye cyane umujyi wa Palma, bikaba byarahitanye ubuzima bwa bamwe mu baturage ndetse bituma abandi bava mu byabo.

Muri Kanama 2019, Perezida Kagame Paul yari yitabiriye isinywa ry’amasezerano y’ubwumvikane hagati ya Leta ya Mozambique n’ishyaka RENAMO mu gihe mu mwaka wa ri wabanjirije uriya muri Nyakanga 2018 Perezida Filipe Nyusi na we yari yagiriye uruzinduko mu Rwanda rw’iminsi itatu.

Perezida Kagame kandi aheruka muri Mozambique muri Mutarama 2020 ubwo yitabiraga irahira rya mugenzi we Filipe Nyusi.

UKWEZI.RW

Iyi birobi by’abo mu idini ya Orthodox, byari byitabiriwe n’abantu uruvunganzoka ari na bo benshi bari babijemo kuva icyorezo cya COVID-19 cyakwaduka.

Muri iriya mpanuka yatewe n’umubyigano w’abantu benshi bitabiriye ibi birori nyobokamana, hanakomerekeyemo abantu barenga 150.

Ubwo iyi mpanuka yabaga mu gicuku ahagana saa saba z’ijoro zo muri Israel, abantu 38 bahise bitaba Imana mu gihe abandi batandatu baje kuzira ibikomere batewe n’iriya mpanuka.

Ubuyobozi bwa kiriya gihugu, bwatangaje ko bubabajwe no kubura bariya baturage bariho biyegereza Nyagasani.

Habanje gutangazwa amakuru ko aho bariya bantu bari bateraniye haje kuba impanuka ibikuta by’ibyumba bigahirima bikabagwaho gusa inzego zatangaje ko iriya mpanuka yatewe n’umubyigano w’abantu benshi bari bahari.

Minisitiri w’Intebe wa Israel, Benjamin Netanyahu, yavuze ko iriya mpanuka iteye agahinnda gusa yizeza ko akomeza gusengera abakomeretse kugira ngo Imana ibakize.

Perezida wa Israel, Reuven Rivlin na we yanditse kuri Twitter ko yashenguwe na bariya bantu babuze ubuzima na we yizeza inkunga y’amasengesho ku bakomeretse.

Israel kimwe mu bihugu byakingiye abaturage benshi, cyamaze gukuraho amwe mu mabwiriza akomeye yo kwirinda icyorezo cya COVID-19 ku buryo abantu bashobora guhurira ahantu hamwe ari benshi.

UKWEZI.RW

Umunyezamu w’ikipe ya Rayon Sports, Bashunga Abouba mu magambo asize umunyu yibukije umugore we Cyuzuzo Djamila Shaban urwo amukunda ni mu gihe arimo yizihiza isabukuru ye.

Ku munsi w’ejo hashize nibwo Cyuzuzo Djamila yizihije isabukuru y’amavuko, mu gitondo cyo kuri uyu wa Gatanu, Bashunga Abouba umugabo we yamwifurije isabukuru nziza.

Mu butumwa burebure yanyujije ku rukuta rwa Instagram, Bashunga Abouba yongeye kwibutsa umugore we urwo amukunda.

Ati'warakoze kumbera umugore mwiza, ndabizi turacyafite urugendo rurerure rwo kugenda, kandi hazaba harimo inzitizi zidutegereje ariko mfite ibyiringiro. Ndagusezeranya kuzakwitaho nkagufata ikiganza buri ntambwe y’urugendo Imana n’ibishaka. Buri munsi umpa impamvu yo gutuma nkukunda birushijeho.'

'Uburyo wita ku mwana wanjye, uburyo uvugisha abantu, uburyo unsangizamo inzozi zawe turi twenyine. Ufite umutima ukomeye, ni wowe wenyine nkunda. Ngomba kuba narakoze ikintu cyiza cyo kugira umugore utangaje nkawe, warakoze ku bw’imyaka tumaranye, warakoze gutuma inzu yacu iba urugo, warakoze kuba umubyeyi w’agatangaza ku mwana wacu ndagukunda cyane rukundo rwanjye, umugabo ndi we uyu munsi ni ukubera wowe.'

Yasoje inyandiko ye agira ati'Urukundo rwanjye kuri wowe rukura uko imyaka igenda ishira. Ndashaka ko umenya ko buri gihe nzaba ndi hano ku bwawe, ntakindi nkwifuriza uretse urukundo, ibyishimo n’imyaka myinshi turi kumwe. Ndagukunda Cyuzuzo, isabukuru nziza Umwiza wanjye mugore nkunda.'

Muri 2017 nibwo Bashunga Abouba na Cyuzuzo Djamila bakoze ubukwe biyemeza kubana akaramata, nyuma y’imyaka itanu bamaranye bamaze kubyarana umwana umwe w’umukobwa Bashunga Umwali Ghania wavutse muri 2018.

Cyuzuzo Djamila umugore wa Bashunga Abouba

Bashunga yifurije umugore we isabukuru nziza

Urukundo rwabo ntirusaza ruhora ari rushya

Bafitanye umwana umwe w’umukobwa