Webrwanda Backend

Category: Uncategorized

  • Ibyo wamenya kuri filime ‘Unzi Igice’ ikebura abanyarwanda baba mu mahanga baharabika urwababyaye –

    Iki kigo gifite umushinga wo gukumbuza u Rwanda abanyarwanda baba mu mahanga batahaheruka, cyakoze filime iri ku rwego mpuzamahanga.

    Iyi filime yiswe “Unzi Igice” bishatse kuvuga ko hari abantu baba bazi u Rwanda ariko ugasanga baruzi igice. Yarangije gukorwa ihabwa igihugu binyujijwe muri Minisiteri ishinzwe ibikorwa by’ubutabazi, Minema .

    Nyirinkindi Uwizeyimana Clement, uhagarariye iki kigo giherereye mu Ntara y’Amajyepfo , yavuze ko iyi filime bakoze igaragaramo ibintu bituma buri munyarwanda yibaza ibibazo byinshi mu mutima we harimo no kwibaza uruhare rwe mu iterambere ry’igihugu cye.

    Avuga ko hagaragaramo intambara ikomeye cyane y’abantu bari mu gihugu n’abari hanze yacyo bavuga nabi u Rwanda ku bw’inyungu babifitemo bagahangana n’abandi bakivuga neza berekana n’ibimenyetso .

    Hanagaragaramo kandi intambara itoroshye y’ababuza abana bakuriye mu mahanga kugera mu Rwanda kugira ngo batamenya ukuri bahishwe, muri iyi harimo umukecuru ushaje kandi urwaye waraze abana be imitungo yarangiza akabasaba ko hari n’abandi bantu 12 ashaka ko bashyira impano yabageneye.

    Impano zitangwa muri iyi filime hari izitangwa zihabwa, uwazanye gahunda ya Girinka munyarwanda , uwasubije imitungo ba nyirayo, uwazanye uburezi kuri bose, uwazanye Mituelle de Santé , uwazanye indangamuntu itagira ubwoko ndetse n’uwahaye abagore ijambo.

    Ni filime yiganjemo ikoranabuhanga cyane ku buryo iryohera umuntu wese wayirebye, irimo amashusho menshi agaragagaza iterambere ry’igihugu. Igihe izagira hanze ntabwo kiramenyekana neza gusa ni muri uyu mwaka.

    Iki kigo cyakoze iyi filime ubusanzwe cyakira abantu bafite impano zishobora kujya ku isoko ry’u Rwanda cyangwa hanze yarwo zikaba zabyazwa umusaruro.

    Ikigo cy’ubushakashatsi TH3 cyakoze iyi filime cyakoze robot yumva, ivuga , icana umuriro wa gaz cyangwa ikawuzimya , igatereka amasafuriya atandukanye ku mashyiga , ifite ubushobozi bwo gushyira amazi mu byo kurya , byashya igakuraho ibiryo ikabibika ,ukaza kugera mu rugo byamaze gushya, iki kigo kikaba ari ihuriro ry’abanyabugeni , n’abanyabukorikori n’abanyabugenge.

    Iyi filime igaragaramo Mariya Yohana

    Nyirinkindi Uwizeyimana Clement uhagarariye ikigo cyakoze iyi filimi

    Uyi ni umwe mu bagaragara muri iyi filime

  • Dr Kaberuka yagaragaje amasomo y’ingenzi Afurika yigiye kuri Covid-19 –

    Mu biza ku isonga bigaragazwa n’abahanga nk’amasomo iki cyorezo kizasigira Isi n’abayituye ni uburyo igenamigambi n’ishoramari ryakorwaga n’abikorera ndetse na za leta z’ibihugu rikwiye guhinduka hakibandwa cyane ku rwego rw’ubuzima no kwimakaza ikoranabuhanga.

    Kuva muri za Werurwe 2020, ubwo Covid-19 yari isa n’iyamaze kugera ku Isi hose, ibikorwa byinshi by’ubucuruzi byarafunze, abaturage basabwa kuguma mu ngo zabo.

    Hari raporo zigaragaza ko ibihugu bya Afurika biri mu byashegeshwe bikomeye n’ingaruka ku buryo ubukungu bw’uyu mugabane mu 2020 byari byitezwe ko buzamuka ku kigero cya 3.2% buza kugabanyuka ku kigero cya -0.8%

    Nk’u Rwanda, ubukungu bwarwo ubusanzwe mu 2020 bwari bwitezweho kuzamuka ku kigero cya 8%, ariko ntabwo ariko byaje kugenda kubera ko bwazamutse ku kigero cya 2% gusa muri uwo mwaka.

    Ku rundi ruhande ariko iki cyorezo cyasize amasomo menshi kuko nko mu Rwanda, mbere yacyo [ubwo ni mu 2019] habarurwaga ibigo 10 bitanga serivisi n’ibicuruzwa hifashishijwe ikoranabuhanga (Online), kuri ubu bimaze kugera kuri 63.

    Aha niho impuguke mu by’ubukungu n’ubucuruzi zihera zigaragaza ko yaba u Rwanda, Afurika ndetse n’Isi muri rusange, hakwiye kurebwa uburyo ishoramari rikorwa ryakwibanda ku gukoresha ikoranabuhanga bikanajyana no kubaka urwego rw’ubuzima.

    Umunyarwanda Dr Kaberuka Donald, impuguke akaba n’umuhanga mu by’ubukungu, kuri ni Intumwa yihariye y’Umuryango wa Afurika Yunze Ubumwe mu kurwanya Covid-19, avuga ko hari amasomo ane y’ingenzi iki cyorezo cyasigiye Isi arimo kuba cyarasanze ibihugu byose bititeguye guhangana nacyo.

    Yabigarutseho mu kiganiro kigaruka ku masomo Covid-19 ikwiye gusigira abatuye Isi ndetse n’ibyakorwa na za leta z’ibihugu by’umwihariko iza Afurika n’ingamba zashyirwaho zigafasha mu kongera kuzahura ubukungu nyuma y’iki cyorezo.

    Ni ikiganiro yahuriyemo n’Umuyobozi w’Ikigo Allsights Africa, Dr Youssef Travaly ndetse n’Umuyobozi w’Ikigo gifasha Abacuruzi bo mu Karere ka Afurika y’Uburasirazuba [Trande Mark East Africa/TMEA], Mutesi Patience.

    Dr Kaberuka usanzwe ari n’Umuyobozi Mukuru w’Ikigo SouthBridge gitanga ubujyanama kuzi za guverinoma no ku bikorera muri Afurika mu bijyanye n’ishoramari n’ubucuruzi, yavuze ko mbere hose ibyorezo byafatwaga nk’ibigira ingaruka kuri Afurika n’ibihugu bikennye gusa ku buryo iki cyatunguye ibihugu bikize.

    Ati “Ku Isi yose twize ibintu bine kuri iki cyorezo, icya mbere ni uko Isi yose itari yiteguye yaba n’ibihugu bikize. Ndakeka impamvu yo kuba tutari twiteguye ni uko mu gihe kirekire gishize, ibyorezo byafatwaga nk’ibibazo ku bihugu bikennye. Reba za Ebola ndetse n’ibindi nka Malariya yica nibura abana ibihumbi 500 muri Afurika buri mwaka.”

    Yakomeje agira ati “Kuri iki cyorezo cya Covid-19, navuga ko Afurika yari yiteguye no kurusha ibihugu bikize kandi n’ingamba zashyizweho hakiri kare mu guhangana nacyo zafashije mu kugabanya ingaruka z’iki cyorezo.”

    Dr Kaberuka yavuze kandi ko muri rusange hari isomo rikomeye ry’uko Isi yabashije kubona inkingo za Covid-19, mu gihe cya vuba ariko nanone habaho ikindi kibazo cy’uburyo ibihugu bikize byagaragaje ukuziharira.

    Ati “Isomo rya kabiri; biratangaje kuko ibyo siyansi ishobora gukora iyo inzego z’abikorera muri siyansi zishyizemo ubushobozi bwazo, mu mezi make tubashije kubona inkingo. Ikibazo ariko navuga ko ari isomo rya gatatu ni uko abungukira muri iyo siyansi atari bose, mu gihe cya vuba, siyansi itanze igisubizo cy’inkingo ariko zikubiwe n’ibyo bihugu bikize gusa.”

    Yakomeje agira ati “Kubura k’ugusaranyanga ibyo siyansi ishobora gukora byabaye isomo rikomeye. Mu ncamake Isi ntabwo yari yiteguye, siyansi yatweretse ibishoboka ariko ukudasaranganya ibyo bikoresho birimo ibyo gupima, inkingo […] Afurika yari yiteguye, ubukungu nabwo bwarahungabanye cyane.”

    Mutesi Patience uyobora Trade Mark East Africa yavuze ko iki cyorezo cyagize ingaruka zikomeye haba ku bucuruzi by’umwihariko ibyoherezwa mu mahanga haba ku Rwanda, Afurika y’Iburasirazuba ndetse n’Isi muri rusange.

    COVID-19 yahungabanyije ubucuruzi n’akarere u Rwanda ruherereyemo (EAC na DRC) ku kigero cya 244,9%. Ibi byateje igihombo cya miliyoni 57,7 z’Amadolari ya Amerika bivuye ku nyungu yabaga yitezwe iyo ubucuruzi butahungabanye.

    Mutesi ati “Ubucuruzi mu karere bwagizweho ingaruka na Covid-19, iyo urebye ngo mu gihembwe cya mbere cya 2020, ibicuruzwa byaba ibijyanywa mu mahanga n’ibizanwa mu Karere, byariyongereye cyane ariko bigeze mu Ukwakira 2020, byaramanutse cyane ku buryo bugaragara.”

    Ingamba zikakaye zo guhangana na Covid-19 zari ngombwa

    Uguhungabana k’ubukungu hirya no hino ku Isi ahanini byagiye biterwa n’ingamba zikomeye ibihugu byagiye bishyiraho hagamijwe kwirinda ikwirakwira ry’icyorezo cya Covid-19.

    Nko mu Rwanda, ubwo iki cyorezo cyahageraga muri Werurwe 2020, ibikorwa byinshi byarafunzwe mu buryo bw’agateganyo, abaturage bashyirwa muri gahunda ya Guma mu Rugo, abakozi ba leta n’abikorera basabwa gukorera mu ngo aho bishoboka n’andi mabwiriza akakaye yashyizweho na Guverinoma.

    Kugeza uyu munsi hari ibikorwa birimo nk’utubari tutarafungura n’umunsi umwe kuva muri Werurwe 2020, ni ukuvuga ko abari barashoye imari muri ibyo bikorwa bagiye mu bihombo bikomeye ndetse n’abari babifitemo akazi bose baba abashomeri.

    Dr Kaberuka avuga ko izi ngamba iyo zitaza gushyirwaho ibintu byari kuba bibi kurushaho n’ubwo nazo zatumye habaho uguhungabana gukomeye k’ubukungu.

    Ati “Byari kugenda gute iyo tuba tutarabikoze? Ndatekereza ko umwanzuro wo gufata izi ngamba byanajyanaga n’uko tutari dufite ubushobozi bw’urwego rw’ubuzima; ntabwo nizeye ko turi ku musozo w’iki cyorezo cyangwa niba iyi ariyo virusi ya nyuma, ariko navuga ko ingamba zagiye zifatwa na guverinoma zari ngombwa kuko zatumye icyorezo kitaba icyiza.”

    Dr Youssef Travaly usanzwe ari na Visi Perezida w’Ihuriro rya Next Einstein Forum, ushinzwe Siyansi, guhanga udushya ndetse n’abafatanyabikorwa, yavuze ko u Rwanda ari kimwe mu bihugu bya Afurika byagaragaje ko byari byiteguye guhangana n’iki cyorezo ahanini hagendewe ku ngamba zashyizweho n’uburyo zashyizwe mu bikorwa.

    Ati “Ntabwo twagereranya ibihugu runaka ariko ndavuga ku Rwanda, ingamba zafashwe n’uburyo zashyizwe mu bikorwa wabonye ko byagiye bifasha mu kugabanya umubare w’abandura iki cyorezo. Ibi kandi niko bimeze no mu bindi bihugu nka Israel n’ahandi.”

    Mu ntangiro z’uyu mwaka wa 2021, imibare ya buri munsi itangazwa na Ministeri y’Ubuzima ku miterere y’icyorezo, ahagaragazwa abanduye, abo cyahitanye ndetse n’abakize; nibura ku munsi wasangaga hagaragara abantu barenga 300 banduye Coronavirus, gusa ku bw’ingamba zigenda zifatwa, kuri ubu hari kugaragara abari munsi ya 100 ku munsi.

    Dr Youssef ati “Iyo urebye ibyo rero, hari amasomo ushobora kwiga; icya mbere ni ukwirinda, ikindi twabonye ibyiza byo gukumira iki cyorezo ikindi nkeka ko tugomba kuba dukora mu bihe biri imbere nk’u Rwanda n’ahandi ni ukwirinda, ikindi ni ukuzana inkingo hano.”

    Izi mpuguke zagaragaje kandi ko hakenewe uburyo buhamye bwo gushora imari mu rwego rw’ubuzima by’umwihariko mu gukumira indwara z’ibyorezo zikareka gufatwa nk’izizagira ingaruka ku bihugu bikennye gusa ahubwo n’ibihugu bikize bikajya mu rugamba rwo kwirinda no gukumira ibyorezo.

    Dr Donald Kaberuka yagaragaje ko urwego rw’ubuzima rukwiriye gushorwamo imari ku buryo bwihariye

  • Dr Kaberuka yagaragaje amasomo y'ingenzi Afurika yigiye kuri Covid-19 – #rwanda #RwOT

    Mu biza ku isonga bigaragazwa n'abahanga nk'amasomo iki cyorezo kizasigira Isi n'abayituye ni uburyo igenamigambi n'ishoramari ryakorwaga n'abikorera ndetse na za leta z'ibihugu rikwiye guhinduka hakibandwa cyane ku rwego rw'ubuzima no kwimakaza ikoranabuhanga.

    Kuva muri za Werurwe 2020, ubwo Covid-19 yari isa n'iyamaze kugera ku Isi hose, ibikorwa byinshi by'ubucuruzi byarafunze, abaturage basabwa kuguma mu ngo zabo.

    Hari raporo zigaragaza ko ibihugu bya Afurika biri mu byashegeshwe bikomeye n'ingaruka ku buryo ubukungu bw'uyu mugabane mu 2020 byari byitezwe ko buzamuka ku kigero cya 3.2% buza kugabanyuka ku kigero cya -0.8%

    Nk'u Rwanda, ubukungu bwarwo ubusanzwe mu 2020 bwari bwitezweho kuzamuka ku kigero cya 8%, ariko ntabwo ariko byaje kugenda kubera ko bwazamutse ku kigero cya 2% gusa muri uwo mwaka.

    Ku rundi ruhande ariko iki cyorezo cyasize amasomo menshi kuko nko mu Rwanda, mbere yacyo [ubwo ni mu 2019] habarurwaga ibigo 10 bitanga serivisi n'ibicuruzwa hifashishijwe ikoranabuhanga (Online), kuri ubu bimaze kugera kuri 63.

    Aha niho impuguke mu by'ubukungu n'ubucuruzi zihera zigaragaza ko yaba u Rwanda, Afurika ndetse n'Isi muri rusange, hakwiye kurebwa uburyo ishoramari rikorwa ryakwibanda ku gukoresha ikoranabuhanga bikanajyana no kubaka urwego rw'ubuzima.

    Umunyarwanda Dr Kaberuka Donald, impuguke akaba n'umuhanga mu by'ubukungu, kuri ni Intumwa yihariye y'Umuryango wa Afurika Yunze Ubumwe mu kurwanya Covid-19, avuga ko hari amasomo ane y'ingenzi iki cyorezo cyasigiye Isi arimo kuba cyarasanze ibihugu byose bititeguye guhangana nacyo.

    Yabigarutseho mu kiganiro kigaruka ku masomo Covid-19 ikwiye gusigira abatuye Isi ndetse n'ibyakorwa na za leta z'ibihugu by'umwihariko iza Afurika n'ingamba zashyirwaho zigafasha mu kongera kuzahura ubukungu nyuma y'iki cyorezo.

    Ni ikiganiro yahuriyemo n'Umuyobozi w'Ikigo Allsights Africa, Dr Youssef Travaly ndetse n'Umuyobozi w'Ikigo gifasha Abacuruzi bo mu Karere ka Afurika y'Uburasirazuba [Trande Mark East Africa/TMEA], Mutesi Patience.

    Dr Kaberuka usanzwe ari n'Umuyobozi Mukuru w'Ikigo SouthBridge gitanga ubujyanama kuzi za guverinoma no ku bikorera muri Afurika mu bijyanye n'ishoramari n'ubucuruzi, yavuze ko mbere hose ibyorezo byafatwaga nk'ibigira ingaruka kuri Afurika n'ibihugu bikennye gusa ku buryo iki cyatunguye ibihugu bikize.

    Ati 'Ku Isi yose twize ibintu bine kuri iki cyorezo, icya mbere ni uko Isi yose itari yiteguye yaba n'ibihugu bikize. Ndakeka impamvu yo kuba tutari twiteguye ni uko mu gihe kirekire gishize, ibyorezo byafatwaga nk'ibibazo ku bihugu bikennye. Reba za Ebola ndetse n'ibindi nka Malariya yica nibura abana ibihumbi 500 muri Afurika buri mwaka.'

    Yakomeje agira ati 'Kuri iki cyorezo cya Covid-19, navuga ko Afurika yari yiteguye no kurusha ibihugu bikize kandi n'ingamba zashyizweho hakiri kare mu guhangana nacyo zafashije mu kugabanya ingaruka z'iki cyorezo.'

    Dr Kaberuka yavuze kandi ko muri rusange hari isomo rikomeye ry'uko Isi yabashije kubona inkingo za Covid-19, mu gihe cya vuba ariko nanone habaho ikindi kibazo cy'uburyo ibihugu bikize byagaragaje ukuziharira.

    Ati 'Isomo rya kabiri; biratangaje kuko ibyo siyansi ishobora gukora iyo inzego z'abikorera muri siyansi zishyizemo ubushobozi bwazo, mu mezi make tubashije kubona inkingo. Ikibazo ariko navuga ko ari isomo rya gatatu ni uko abungukira muri iyo siyansi atari bose, mu gihe cya vuba, siyansi itanze igisubizo cy'inkingo ariko zikubiwe n'ibyo bihugu bikize gusa.'

    Yakomeje agira ati 'Kubura k'ugusaranyanga ibyo siyansi ishobora gukora byabaye isomo rikomeye. Mu ncamake Isi ntabwo yari yiteguye, siyansi yatweretse ibishoboka ariko ukudasaranganya ibyo bikoresho birimo ibyo gupima, inkingo […] Afurika yari yiteguye, ubukungu nabwo bwarahungabanye cyane.'

    Mutesi Patience uyobora Trade Mark East Africa yavuze ko iki cyorezo cyagize ingaruka zikomeye haba ku bucuruzi by'umwihariko ibyoherezwa mu mahanga haba ku Rwanda, Afurika y'Iburasirazuba ndetse n'Isi muri rusange.

    COVID-19 yahungabanyije ubucuruzi n'akarere u Rwanda ruherereyemo (EAC na DRC) ku kigero cya 244,9%. Ibi byateje igihombo cya miliyoni 57,7 z'Amadolari ya Amerika bivuye ku nyungu yabaga yitezwe iyo ubucuruzi butahungabanye.

    Mutesi ati 'Ubucuruzi mu karere bwagizweho ingaruka na Covid-19, iyo urebye ngo mu gihembwe cya mbere cya 2020, ibicuruzwa byaba ibijyanywa mu mahanga n'ibizanwa mu Karere, byariyongereye cyane ariko bigeze mu Ukwakira 2020, byaramanutse cyane ku buryo bugaragara.'

    Ingamba zikakaye zo guhangana na Covid-19 zari ngombwa

    Uguhungabana k'ubukungu hirya no hino ku Isi ahanini byagiye biterwa n'ingamba zikomeye ibihugu byagiye bishyiraho hagamijwe kwirinda ikwirakwira ry'icyorezo cya Covid-19.

    Nko mu Rwanda, ubwo iki cyorezo cyahageraga muri Werurwe 2020, ibikorwa byinshi byarafunzwe mu buryo bw'agateganyo, abaturage bashyirwa muri gahunda ya Guma mu Rugo, abakozi ba leta n'abikorera basabwa gukorera mu ngo aho bishoboka n'andi mabwiriza akakaye yashyizweho na Guverinoma.

    Kugeza uyu munsi hari ibikorwa birimo nk'utubari tutarafungura n'umunsi umwe kuva muri Werurwe 2020, ni ukuvuga ko abari barashoye imari muri ibyo bikorwa bagiye mu bihombo bikomeye ndetse n'abari babifitemo akazi bose baba abashomeri.

    Dr Kaberuka avuga ko izi ngamba iyo zitaza gushyirwaho ibintu byari kuba bibi kurushaho n'ubwo nazo zatumye habaho uguhungabana gukomeye k'ubukungu.

    Ati 'Byari kugenda gute iyo tuba tutarabikoze? Ndatekereza ko umwanzuro wo gufata izi ngamba byanajyanaga n'uko tutari dufite ubushobozi bw'urwego rw'ubuzima; ntabwo nizeye ko turi ku musozo w'iki cyorezo cyangwa niba iyi ariyo virusi ya nyuma, ariko navuga ko ingamba zagiye zifatwa na guverinoma zari ngombwa kuko zatumye icyorezo kitaba icyiza.'

    Dr Youssef Travaly usanzwe ari na Visi Perezida w'Ihuriro rya Next Einstein Forum, ushinzwe Siyansi, guhanga udushya ndetse n'abafatanyabikorwa, yavuze ko u Rwanda ari kimwe mu bihugu bya Afurika byagaragaje ko byari byiteguye guhangana n'iki cyorezo ahanini hagendewe ku ngamba zashyizweho n'uburyo zashyizwe mu bikorwa.

    Ati 'Ntabwo twagereranya ibihugu runaka ariko ndavuga ku Rwanda, ingamba zafashwe n'uburyo zashyizwe mu bikorwa wabonye ko byagiye bifasha mu kugabanya umubare w'abandura iki cyorezo. Ibi kandi niko bimeze no mu bindi bihugu nka Israel n'ahandi.'

    Mu ntangiro z'uyu mwaka wa 2021, imibare ya buri munsi itangazwa na Ministeri y'Ubuzima ku miterere y'icyorezo, ahagaragazwa abanduye, abo cyahitanye ndetse n'abakize; nibura ku munsi wasangaga hagaragara abantu barenga 300 banduye Coronavirus, gusa ku bw'ingamba zigenda zifatwa, kuri ubu hari kugaragara abari munsi ya 100 ku munsi.

    Dr Youssef ati 'Iyo urebye ibyo rero, hari amasomo ushobora kwiga; icya mbere ni ukwirinda, ikindi twabonye ibyiza byo gukumira iki cyorezo ikindi nkeka ko tugomba kuba dukora mu bihe biri imbere nk'u Rwanda n'ahandi ni ukwirinda, ikindi ni ukuzana inkingo hano.'

    Izi mpuguke zagaragaje kandi ko hakenewe uburyo buhamye bwo gushora imari mu rwego rw'ubuzima by'umwihariko mu gukumira indwara z'ibyorezo zikareka gufatwa nk'izizagira ingaruka ku bihugu bikennye gusa ahubwo n'ibihugu bikize bikajya mu rugamba rwo kwirinda no gukumira ibyorezo.

    Dr Donald Kaberuka yagaragaje ko urwego rw’ubuzima rukwiriye gushorwamo imari ku buryo bwihariye

    Source : http://igihe.com/amakuru/u-rwanda/article/dr-kaberuka-yagaragaje-amasomo-y-ingenzi-afurika-yigiye-kuri-covid-19

  • Simba SC ya Kagere na Yanga ya Haruna zarakaje abafana benda kurwanira muri Stade, Waasland ya Djihad imanuka mu cyiciro cya kabiri #rwanda #RwOT

    Mu mpera z’icyumweru gishize, amwe mu makipe akinamo abanyarwanda hanze yarwo yari yakinnye, aho umukino wagombaga guhuza Simba SC na Yanga wasubitswe bikarakaza abafana b’aya makipe cyane, ni nyuma yo kwishyura ntibarebe umukino.

    Uyu mukino wagombaga kuba ku wa Gatandatu tariki ya 8 Gicurasi saa 17h zo muri Tanzania bikaba saa 16h zo mu Rwanda ariko mbere y’amasaha make Federasiyo y’umupira w’amaguru muri Tanzania(TFF) yasohoye itangazo rivuga ko uyu mukino wimuriwe saa 19h bikaba saa 18h zo mu Rwanda.

    Ibi ariko ntibyakiriwe neza na Yanga ikinamo kapiteni w’Amavubi, Haruna Niyonzima aho yahise isohora itangazo rivuga ko ibyo federasiyo yakoze binyuranyije n’amategeko kuko umukino uba ugomba kwimurwa cyangwa ugahindurirwa isaha byibuze mbere y’amasaha 24.

    Iyi kipe yagiye kuri Uwanja wa Mkapa ku masaha asanzwe y’umukino (saa 17h) iteregereza Simba SC irayibura, hashize iminota 15 ihita isohoka mu kibuga irigendera.

    Simba SC ya Kagere yaje ku isaha umukino wari wimuriweho ibura Yanga, umukino waje gusubikwa ibintu byababaje cyane abafana b’amakipe yombi batangiye kurwanira muri Stade bitana ba mwana, aho banasabye Simba SC yari yakiriye uyu mukino kubasubiza amafaranga yabo.

    Umukino wa Simba SC na Yanga warasubitsse

    Muri iki gihugu kandi, ku munsi w’ejo hashize KMC ya Migi yari yasuye Namungo amakipe yombi anganya 0-0. Ni umukino Migi yabanje ku ntebe y’abasimbura. Simba SC niyo iyoboye urutonde n’amanota 61, Yanga ya kabiri ifite 57, Azam FC ifite 54 mu gihe KMC ari iya 5 n’amanota 41.

    Migi ntiyabanje mu kibuga ku mukino wa Namungo (ifoto ni iyo ku mukino wa Azam FC)

    Shampiyona y’icyiciro cya mbere muri Armenia yari yakomeje, Urartu FC ku wa Gatanu tariki ya 7 Gicurasi yari yasuye Shirak FC amakipe yombi anganya 1-1, ni umukino Nirisarike Salomon yakinnye iminota 90. Alashkert iyoboye urutonde ifite 33, Urartu ni iya 5 n’amanota 26.

    Nirisarike yari mu kibuga ikipe ye inganya

    Muri Macedonia shampiyona yari igeze ku munsi wa 32, Rwatubyaye Abdul yari mu kibuga ubwo ikipe ye ya FC Shkupi yanganyaga na Pelister 0-0, ni umukino wabaye ku munsi w’ejo hashize ku Cyumweru. Kugeza ubu muri iyi shampiyona Shkëndije ni iya mbere n’amanota 74, FC Shkupi ya kabiri ifite 58.

    Mu cyiciro cya gatatu muri Sweden, ntabwo Yannick Mukunzi yari mu bakinnyi ikipe ye ya Sandvikens IF yakoresheje ku wa Gatandatu tariki ya 8 Gicurasi banganya Örebro Syrianska 0-0. Nyuma y’imikino 6 iyi kipe iri ku mwanya wa mbere n’amanota 14 inganya na Dulkurd.

    Ku wa Gatandatu tariki ya 8 Girusi ntabwo Nizeyimana Mirafa yari mu kibuga ubwo ikipe ye ya Zanaco United yatsindaga Kabwe Warriors 2-1 mu mukino wa shampiyona. Iyi shampiyona iyobowe na Zesco United n’amanota 55, Zanaco FC ni iya kabiri n’amanota 46.

    Kuva yasinyira iyi kipe ntaragira amahirwe yo kuyikinira

    Ntibyagendekeye neza Djihad Bizimana urimo usoza amasezerano ye muri Waasland Beveren kuko ayasoje n’ikipe ye imanutse mu cyiciro cya kabiri mu Bubiligi, ni nyuma y’uko banyagiwe na RFC Seraing 5-2 mu mukino wo kwishyura wa kamarampaka wabaye ku wa Gatandatu, ni mu gihe ubanza amakipe yombi yanganyije 1-1. Waasland imanutse itsinzwe ibitego 6-3. Ni umukino Djihad Bizimana atigeze akoreshwa nk’uko umwaka we wa nyuma byamenyerewe ko atakunze gukinishwa.

    Djihad Bizimana asoje amasezerano ye n’ikipe ye ayimanuye mu cyiciro cya kabiri

    Source : http://isimbi.rw/siporo/article/simba-sc-ya-kagere-na-yanga-ya-haruna-zarakaje-abafana-benda-kurwanira-muri-stade-waasland-ya-djihad-imanuka-mu-cyiciro-cya-kabiri

  • Haratangira imikino yo kwishyura mu matsinda ya shampiyona, Kiyovu Sports na Musanze FC zirihorera? #rwanda #RwOT

    Uyu munsi ku wa Mbere haratangira imikino yo kwishyura yo mu matsinda ya shampiyona umwaka w’imikino wa 2020-2021 aho amakipe nka Kiyovu Sports na Musanze FC zasoje imikino ibanza zitsindwa byitezwe ko azihorera.

    Uyu munsi harakinwa imikino yo mu itsinda C na D.

    Mu itsinda C ikipe ya Police FC iheruka gutsindira Musanze FC iwayo irayakira kuri Stade Amahoro saa 15h, kuri iyo saha Etincelles yasoje imikino ibanza idatsinze n’umwe izaba yakiriye AS Kigali itaratsindwa umukino n’umwe. AS Kigali ifite amanota 9, Police FC 6, Musanze FC 3 mu gihe Etincelles FC ifite ubusa.

    Tchababala ni we uyoboye abamaze gutsinda ibitego byinshi

    Mu itsinda D, Sunrise FC izaba yakiriye Mukura VS kuri Golgotha Stadium, Espoir FC yakiriye Marines FC. Espoir FC ifite amanota 6 Sunrise FC na Marines zikagira 4 mu gihe Marines FC ifite 2.

    Sunrise FC irakira Mukura VS kuri Golgotha Stadium

    Iyi mikino ikaba izakomeza no ku munsi w’ejo hakinwa imikino yo mu itsinda A na B.

    Mu itsinda A, APR FC izakira Bugesera FC i Huye mu gihe AS Muhanga izakira Gorilla FC. APR FC ifite amanota 9, Gorilla FC ifite amanota 6 mu gihe Bugesera FC na AS Muhanga zifite ubusa.

    APR FC ifite amanota 9/9

    Mu itsinda B, Kiyovu Sports yatsinzwe na Gasogi United mu mukino uheruka izayakira ku Mumena, Rayon Sports izaba yakiriye Rutsiro FC. Rayon Sports ifite amanota 6, Rutsiro na Gasogi United zikagira 4, Kiyovu Sports ifite 3.

    Kiyovu Sports izakira Gasogi United ejo

    Source : http://isimbi.rw/siporo/article/haratangira-imikino-yo-kwishyura-mu-matsinda-ya-shampiyona-kiyovu-sports-na-musanze-fc-zirihorera

  • Bimwe mu byaranze impera z’icyumweru muri siporo mu Rwanda #rwanda #RwOT

    Mu mpera z’icyumweru gishize mu Rwanda hari habaye ibikorwa abitandukanye aby’imikino, nk’aho Tour du Rwanda yasojwe yegukanywe n’umunya-Espagne.

    Ibikorwa by’imikino byabaye ni byinshi ariko muri iyi nkuru turagaruka muri bimwe byavuzwe cyane.

    Shampiyona yasize hasojwe imikino ibanza y’amatsinda, amakipe amwe ikirenge kiri muri 1/4

    Icyumweru gishize cyasize imikino ya shampiyona y’icyiciro cya mbere mu Rwanda umwaka w’imikino wa 2020-2021, hasojwe imikino ibanza y’amatsinda.

    Aya matsinda ya shampiyona uko ari 4, yasize amakipe amwe yatangiye kwizera ko ashobora kugera muri 1/4.

    Mu itsinda A, APR FC yasoje iyoboye itsinda n’amanota 9, ni nyuma yo gustinda imikino yayo uko ari 3, iyi kipe ifite amahirwe menshi yo kugera muri 1/4. Ikurikiwe na Gorilla ifite amanota 6, Bugesera FC na AS Muhanga zifite ubusa.

    Mu itsinda B imikino ibanza yarangiye Rayon Sports iyoboye itsinda n’amanota 6, Rutsiro na Gasogi United zifite amanota 4, Kiyovu Sports ikagira 3.

    Mu itsinda C, ryasojwe ikipe ya AS Kigali yarisoje isa n’iyageze muri 1/4 nyuma yo gustinda imikino yayo ibanza yose aho ifite amanota 9, Police FC ifite 6, Musanze FC ikagira 3 mu gihe Etincelles FC ifite ubusa.

    Mu itsinda D ryarangiye Espoir FC iyoboye n’amanota 6, Sunrise FC na Marines FC zikagira 4 mu gihe Mukura VS ifite 2.

    APR FC ikirenge kimwe cyameze kugera muri 1/4 cya shampiyona

    Imikino ibanza ya shampiyona yasize Tchababala ayaboye abatsinze ibitego byinshi

    Rutahizamu wa AS Kigali, Shabani Hussein Tchababala ni we wasoje imikino ibanza ayoboye abamaze gutsinda ibitego byinshi aho afite 5.

    Ibi bitego harimo ibitego 2 yatsinze Musanze FC, ibitego 2 yatsinze Etincelles FC ndetse n’icyo yatsinze Police FC. Uyu musore akurikiwe na rutahizamu wa Gorilla FC, Nshimiyimana Tharcisse ufite ibitego 3, Saba Robert wa Kiyovu Sports ufite 3 na Saddick wa Espoir FC nawe ufite 3.

    Tchababala ni we uyoboye abamaze gutsinda ibitego byinshi

    Byiringiro Lague yerekeje mu Busuwisi

    Rutahizamu wa APR FC, Byiringiro Lague yerekeje mu gihugu cy’u Busuwisi gukora igeragezwa mu ikipe ya FC Zürich.

    Uyu rutahizamu yerekeje muri iki gihugu ku wa Gatandatu w’icyumweru gishize tariki ya 8 Gicurasi, biteganyijwe ko azamara iminsi 10 muri iki gihugu.

    Byiringiro Lague yerekeje mu Busuwisi

    Kiyovu Sports yirukanye umutoza inahagarika Babuwa Samson

    Imwe mu nkuru zavuzwe cyane mu cyumweru gishize, ni iyirukanwa ry’umutoza wa Kiyovu Sports, Karekezi Olivier.

    Nyuma yo gutsindwa umukino ubanza wa shampiyona na Rutsiro FC, ubuyobozi bwa Kiyovu Sports bwafashe umwanzuro wo kwirukana umutoza mukuru. Uyu mutoza yashinje ubuyobozi bwa Kiyovu Sports kwivanga mu kazi ke.

    Muri icyo cyumweru nibwo iyi kipe yahagaritse rutahizamu Babuwa Samson nyuma yo gutangaza ko muri iyi kipe harimo ikoreshwa ry’amarozi ari nayo mpamvu atakinnye umukino wa Rutsiro FC.

    Karekezi Olivier yirukanywe muri Kiyovu Sports

    Tour du Rwanda 2021 yegukanywe n’umunya-Espagne

    Ku munsi w’ejo hashize ku Cyumweru tariki ya 9 Gicurasi 2021 nibwo hasojwe isiganwa mpuzamahanga rizenguruka u Rwanda rya Tour du Rwanda.

    Kuri iyi nshuro ryabaga ku nshuro ya 13 ribaye mpuzamahanga, ni ku nshuro ya 3 riri ku rwego rwa 2.1.

    Iri siganwa ryaje gusozwa ryegukanywe na Rodriguez Martin Christian, Umunya-Espagne ukinira ikipe ya Total Direct Energie.

    Rodriguez Martin ni we wegukanye Tour du Rwanda 2021

    Komite Olempike yabonye umuyobozi mushya

    Ku wa Gatandatu tariki ya 8 nibwo habaye amatora ya Komite Olempike y’u Rwanda, ni nyuma y’iyegura rya Ambasaderi Munyabagisha Valens.

    Uwayo Theogene wari umaze imyaka 12 ari perezida wa federasiyo ya Karate ni we watorewe kuyobora Komite Olempike mu gihe cy’imyaka 4 iri imbere.

    Uwayo Theogene, impera z’icyumweru zasize atorewe kuyobora Komite Olempike y’u Rwanda

    Source : http://isimbi.rw/siporo/article/bimwe-mu-byaranze-impera-z-icyumweru-muri-siporo-mu-rwanda

  • Ubutumwa byibyamamare ku munsi wababyeyi b… – #rwanda #RwOT

    Jules Sentore aherutse kumukorera mu ngata, asohora indirimbo yise 'Mama' yakoreye umubyeyi we anatekereza ku bandi babyeyi b'indashyikirwa, abana bibuka bagaterwa ishema no kubita ababyeyi babo.

    Uyu muhanzi yavuzemo uburyo uyu mubyeyi arenze Umwamikazi akamurutira ibikomangoma. Avuga ko ariwe rukundo, akaba umushumba utaragirira ibihembo.

    Urutonde rw'indirimbo zivuga ku babyeyi b'abagore ni rurerure. Zihuriza ku gushima ababyeyi babaye impamyabigwi no kubagabira rurema.

    Mu gihe u Rwanda rwifatanyije n'Isi yose mu kwizihiza Umunsi Mpuzamahanga uzirikanwaho agaciro k'umubyeyi w'umugore, ibyamamare mu ngeri zinyuranye bifashishije imbuga nkoranyambaga baragaza igisobanuro cy'ababyeyi babo mu buzima bwabo, bavuga ko ntawe ushobora kubasimbura mu mitima yabo.

    Umunsi Mpuzamahanga w'Umubyeyi w'Umugore (Mother's Day) wizihizwa buri mwaka ku Cyumweru cya kabiri cy'ukwezi kwa Gicurasi. Muri uyu mwaka wa 2021, wizihijwe kuri iki Cyumweru tariki 09 Gicurasi 2021.

    Ange Ingabire Kagame Umukobwa wa Perezida Paul Kagame na Madamu Jeannette Kagame, yashyize ifoto kuri konti ye ya Twitter igaragaza Madamu Jeannette ateruye umwuzukuru we, amwifuriza umunsi mwiza w'ababyeyi, avuga ko ari urutare rw'ubuzima bwe.

    Umunyarwandakazi w'Umunyamideli Judithe Heard ubarizwa muri Uganda, yifurije umunsi mwiza ababyeyi b'abagore avuga ko 'kurera ari umurimo utoroshye'. Ko uyu munsi ari uwo kuzirikana ababyeyi bose bujuje inshingano zabo.

    Umuhanzi w'Umurundi Kidum yifurije umunsi mwiza abagore, agaragaza ko ari kumwe n'umugore we, ni mu gihe Umuraperi Riderman yagaragaje Nyina kuri konti ye ya Instagram, maze agira ati 'Umunsi mwiza ku mubyeyi wacu no ku babyeyi bose. Mutariho ntitwabaho”.

    Umuhanzi Christopher Muneza yahise avuga ko Nyina wa Riderman yamubereye umwalimu.

    Kundwa Doriane wabaye Nyampinga w'u Rwanda 2015, yahuje amafoto ayakoramo amashusho agaragaza we n'abavandimwe be bari kumwe n'umubyeyi wabo.

    Harimo nk'ifoto Kundwa Doriane ahoberanye na Nyina ubwo yegukanaga ikamba rya Miss Rwanda. Uyu mukobwa yifashishije indirimbo ya Jules Sentore yise 'Mama', maze yandika avuga ko ntawe uzigera asimbura Nyina.

    Yifurije ababyeyi bose umunsi mwiza wabo, by'umwihariko 'ku mubyeyi nkunda kandi nshima cyane'.

    Umuhanzikazi mu ndirimbo zo kuramya no guhimbaza Imana, Aline Gahongayire yashyize kuri konti ye ya Instagram ifoto afite mu biganza umutsima ubwo yizihizaga isabukuru y'amavuko.

    Gahongayire yanditse avuga ati “Ndi uwo ndi kubera wowe”, yashimye Imana, avuga ko akunda uyu mubyeyi byihariye. Mu bihe bitandukanye, uyu muhanzikazi agaragaza ko afite ishimwe rikomeye kuri uyu mubyeyi wamubereye urufatiro rw'ubuzima bwe.

    Umukinnyi wa filime uri mu bakomeye Rosine Bazongere yashyize kuri konti ye ya Instagram ifoto ari kumwe na Nyina amubereye amuturutse mu mbavu.

    Yavuze ko akunda Nyina bitagira urugero, amushimira ubuzima amucyesha. Uyu mukobwa uzwi muri filime zirimo 'Seburikoko', yifurije ababyeyi bose umunsi mwiza wabo abatura indirimbo ye yise 'Mama'.

    Akaliza Amanda wabaye igisonga cya Mbere cya Miss Rwanda 2021, yashyize amashusho kuri konti ye ya Instagram amugaragaza atanga indabo z'amaroza ku babyeyi batandukanye bari mu isoko, abakora isuku mu muhanda n'ahandi mu rwego rwo kubifuriza umunsi mwiza wabo.

    Uyu mukobwa yifurije umunsi mwiza ababyeyi bose barwanira ishyaka abana babo bakabakuza, ababyeyi bapfushije abana babo, ababyeyi biteje imbere. Ati 'Muri abo gushimirwa ku bw'akazi ka buri munsi mudahemberwa amasaha 24 kuri 24, iminsi irindwi kuri irindwi. Mudahari ntituba turi abo turibo uyu munsi.'

    Ku munsi w’ababyeyi b’abagore, Ange Kagame yagaragaje Madamu Jeannette Kagame ateruye umwuzukuru we

    Mutesi Jolly wabaye Nyampinga w'u Rwanda 2016, yagaragaje ifoto ya Nyina mu kwifuriza ababyeyi b'abagore umunsi wabo. Yabashimiye urukundo ntagereranwa, gushyigikira no kuba urutirigongo rw'imiryango. Ati 'Mudutera ishema.'

    Umunyamakuru Tidjara Kabendera yifurije umunsi mwiza Nyina, avuga ko nta kintu na kimwe umuntu yabona yavuga kuri Mama we wamubyaye. Ati 'Ni urukundo rudasobanuka buri wese yaburiye forumire.'

    Avuga ko ari agahinda gakomeye 'kuri wawundi utarashobozwa kwitwa Mama'. Kabendera yavuze kandi ko ario agahinda gakabije ku muntu wakuze atazi nyina.

    Yasabye buri wese kumva indirimbo nshya 'Nimengi' ya Alpha Rwirangira yakoreye Nyina, aho yavuzemo ko Imana yamukoreye imirimo ikomeye, ariko ko ababazwa n'uko atari kumwe na Nyina ngo basangire ku byiza agezeho mu buzima bwe.

    Umunyamakuru wa Royal Fm, Dj Spin uzwi cyane mu guteza imbere abahanzi baririmba indirimbo zihimbaza Imana, yifurije umunsi mwiza ababyeyi bose, by'umwihariko umugore we bafitanye umwana bise Gain Beau, anamubwira ako amukunda cyane.

    Umuhanzi mu ndirimbo zo kuramya no guhimbaza Imana, Patient Bizimana yagaragaje Nyina kuri konti ye ya Instagram, amwifuriza umunsi mwiza wabahariwe. Uyu muhanzi yavuze ko atewe ishema no kwitwa umwana we.

    Umuhanzi Nizzo Muhamed [Urban Boys] yashyize kuri konti ye ya Instagram ifoto ari kumwe na Nyina, ashima Imana kuba akimufite. Ati 'Ndashimira Nyagasani kuba nkigufite. Mama uri uw'ibihe byose kuri njye.'

    Umuhanzi Yves Kana Trezzor uherutse kurushinga, yashyize kuri Instagram ye ifoto ari kumwe na Nyina na Nyirakuru, avuga ko abakunda cyane.

    Umuhanzi wahindutse umunyapolitiki Bobi Wine wiyamamarije kuyobora Uganda agafungwa mu bihe bitandukanye, yagaragaje ifoto ya Nyina ishushanyije, amushimira ku bw'amasomo y'ubuzima yamwigishije no kwitanga yamugaragarije. Avuga ko atazigera amukoza isoni. Ati 'Ndagukunda, kandi ndagukumbuye.'

    Gafotozi Plaisir Muzogeye uri mu bakomeye mu Rwanda, yashyize kuri konti ye ya Twitter umufasha we Lysette ari kumwe n'abana be babiri, amwifuriza umunsi w'ababyeyi. Avuga ko buri munsi wamuhariwe, kandi ko ariwe gisobanuro cy'urugo.

    Umuhanzi Safi Madiba ubarizwa muri Canada, yashyize kuri konti ye ya Instagram ifoto ari kumwe na Nyina, avuga ko ari umubyeyi umushyigikira muri byose. Ati 'Umubyeyi uruta abandi, unshyigikira muri byose. Ndagukunda Mama. Umunsi mwiza w'ababyeyi b'abagore.'

    Sunday Justin wabaye umujyanama wa Mwiseneza Josiane wabaye Miss Popularity muri Miss Rwanda 2019, yifurije umugore we w'Umunyamerika umunsi mwiza w'ababyeyi b'abagore, anagaragaza Nyina ari kumwe n'umukazana we.

    Kundwa Doriane Miss Rwanda 2015 yashimye Nyina wamubereye irembo ry'ibyo agezehoUmuraperi Riderman yagaragaje Nyina amwifuriza umunsi mwiza w'ababyeyiSafi Madiba uri muri Canada yavuze ko Nyina amushyigikira mu nguni zose z'ubuzima

    Rosine Bazongere yavuze ko Nyina yamubereye akabando yicumba mu buzima bwe Miss Mutesi Jolly yagaragaje Nyina, avuga ko aterwa ishema n'ababyeyi b'abagorePlaisir Muzogeye yavuze ko umugore we ari urufatiro rw'urugo rweNizzo yashimye Imana kuba agifite Nyina

    Aline Gahongayire yavuze ko ibyo ageze abicyesha Nyina na Nyirakuru

    Yves Kana Trezzor yagaragaje Nyina na Nyirabukwe [Uri ibumoso] ku munsi w'ababyeyi b'abagore

    Dj Spin yifurije umunsi mwiza ababyeyi b’abagore, by’umwihariko umugore we

    Sunday Justin ubarizwa muri Amerika n’umugore we yamwifurije kunogerwa n’umunsi we

    Patient Bizimana yavuze ko azirikana urukundo rutagabanyije rw’umubyeyi we

    Bobi Wine yavuze ko atazanyuranya n’umurongo yatojwe na Nyina

    Source : https://inyarwanda.com/inkuru/105448/ubutumwa-byibyamamare-ku-munsi-wababyeyi-babagore-105448.html

  • InyaRwanda Music Top 10: ‘Pose’ ya Davis D ku… – #rwanda #RwOT

    Abakora umuziki rero burya ntibawukora kimwe, kimwe nuko n’intego zabo zidahura bitewe n’intumbero buri umwe aba afite. Hari uwukora agamije ubucuruzi, kwishimisha kwivura, n’ibindi. Ariko ukoze indirimbo wese aba yifuza kuyumva yageze ku rundi rwego kuko nta wuyikora agamije kuyiyumvira ahubwo aba akeneye ko ubutumwa uko bwaba bumeze kose bugera kure.

    KANDA HANO WUMVE INDIRIMBO NYARWANDA 10 ZIKUNZWE CYANE

    Uyu munsi binyuze mu bakunzi b’umuziki tugeraho biciye ku mbuga nkoranyambaga zacu n’itsinda ry’inararibonye mu myidagaduro by’umwihariko mu muziki, dushingiye ku majwi anyuranye yagiye agaragara mu matora yakozwe, hashingiwe kandi ku buryo indirimbo zihagaze ku mbuga zitandukanye, indirimbo ya Davis D ‘Pose’ iracyayoboye urutonde rw’izikunzwe icumi. 

    Iyi ndirimbo ikaba ikoze mu mashusho meza ibyinitse kandi ikaba inanditse neza mu buryo budashidikanwaho bikaba bituma iyoboye. Si ibyo gusa kuko hari indrimbo zitari ku rutonde rw’ubushize nyamara kubera imbaraga zifite zikaba zirimo, kimwe n’uko hari izasohotsemo kuko zitatowe.

    Amashusho y’indirimbo pose ya Davis D ya mbere ku Inyarwanda Music

    Source : https://inyarwanda.com/inkuru/105435/inyarwanda-music-top-10-pose-ya-davis-d-ku-isonga-indirimbo-10-zisoje-icyumweru-zikunzwe-c-105435.html

  • Bwa mbere mu mateka ya Tour du Rwanda nta mun… – #rwanda #RwOT

    Rodriguez wegukana Tour du Rwanda 2021 yakoresheje amasaha 22h49'51' akaba yakurikiwe na Piccoli James yarushije amasegonda 17.

    Manizabayo Eric ukinira Benediction Ignite wasoje ku mwanya wa 18 arushwa iminota 15'52' niwe munyarwanda wasoje ku mwanya wa hafi mu irushanwa ry'uyu mwaka,  mu gihe Byukusenge Patrick nawe ukinira Benediction yasoje ku mwanya wa 23 arushwa iminota 37'30'.

    Uyu mwaka Abanyarwanda bagaragaje urwego ruri hasi cyane, kuko ni ubwa mbere bibaye mu mateka ya Tour du Rwanda ko nta munyarwanda ugaragara mu bakinnyi 10 ba mbere b'irushanwa. Iriheruka ry'umwaka ushize, Mugisha Moise ukinira SACA utarakinnyi irushanwa ry'uyu mwaka yari yasoje ku mwanya wa kabiri asizwe n'umunya-Eritrea Tesfazion Natnael wegukanye Tour du Rwanda 2020.

    Uretse gusoza irushanwa nta munyarwanda uri mu bakinnyi 10 ba mbere, nta n'umunyarwanda wigeze ugaragara mu bakinnyi 10 ba mbere mu duce 9 twakinwe muri iri rushanwa ry'uyu mwaka.

    Biragoye gusobanurira umuntu ko imihanda ukiniramo umunsi ku munsi, witorezamo ijoro n'amanywa, ufite ibikoresho biri ku rwego rwiza, warangiza ntihagire umusaruro na mucye ugaragara bitanga.

    Uyu musaruro mubi w'abanyarwanda muri Tour du Rwanda, uravugwaho byinshi bitandukanye, aho bivugwa ko inzego bishinzwe (MINISPORTS na FERWACY) bashobora kuba babifitemo uruhare runini, byatumye abakinnyi bigumura banga gutanga imbaraga zabo kuko nta nyungu igaragara bavanamo.

    Uko abanyarwanda bitwaye muri Tour du Rwanda mu myaka ishize

    Irushanwa ry’uyu mwaka ntiryoroheye Abanyarwanda

    Umunya Espagne Rodriguez niwe wegukanye Tour du Rwanda 2021

    Source : https://inyarwanda.com/inkuru/105449/bwa-mbere-mu-mateka-ya-tour-du-rwanda-nta-munyarwanda-wasoje-mu-bakinnyi-10-ba-mbere-105449.html

  • Perezida Kagame na Madamu Jeannette bifurije… – #rwanda #RwOT

    Ni umunsi udasanzwe mu buzima bw'umubyeyi w'umugore. Amashami yabashibutseho yifashisha imbuga nkoranyambaga n'izindi nzira bakabibutsa ko ari aba ab'agaciro kanini mu buzima bwabo.

    Perezida Paul Kagame na Madamu Jeannette bifatanyije n'Abanyarwanda ndetse n'Isi yose kwizihiza uyu munsi. Mu butumwa bwabo bashimye ababyeyi b'abagore.

    Perezida Kagame yagize ati “Umunsi mwiza w'umubyeyi w'umugore ku babyeyi b'abagore bose/ku mubyeyi w'umugore wa buri umwe. Turabishimiye.”

    Madamu Jeannette Kagame yavuze ati 'Babyeyi, umutima unyuzwe n'ishema dukura mu kwita ku bacu, udutere kuzirikana ko ntawigira kandi ko kugira uwo uganirira, akagufasha kuruhuka atari ubugwari. Natwe twakwikunda, tukiyitaho ndetse buri wese agahinduka uwita kuri mugenzi we, aho agize intege nke.'

    Inzego zitandukanye mu Rwanda zifatanyije n'Abanyarwanda n'Isi yose mu kwizihiza uyu munsi. Polisi y'u Rwanda yagaragaje amafoto ya bamwe mu bapolisi n'ababyeyi babo, babifurize umunsi mwiza wahariwe ababyeyi b'abagore ku Isi.

    Polisi y’u Rwanda yifurije umunsi mwiza w’umubyeyi w’umugore ku bategarugori bose, harimo abapolisi ndetse n’abibarutse abakora uwo mwuga. Bati 'Umunsi mwiza ku babyeyi bose mu Gihugu! Turashimira cyane abagore bakorera muri Polisi y'u Rwanda, n'ababyeyi b'abagore bareze abapolisi dufite ubu.'

    Perezida Kagame na Madamu Jeannette Kagame bifurije ababyeyi umunsi mwiza wabo/Ifoto bafotowe ubwo batangizaga kwibuka ku nshuro ya 27 Jenoside yakorewe Abatutsi mu 1994

    Polisi y'u Rwanda yifurije umunsi mwiza abapolisi b'ababyeyi bakorera urwo rwego n'ababyeyi b'abapolisi

    Source : https://inyarwanda.com/inkuru/105445/perezida-kagame-na-madamu-jeannette-bifurije-ababyeyi-umunsi-mwiza-wabahariwe-105445.html