Webrwanda Backend

Category: Uncategorized

  • Rutsiro FC yahagamye Rayon Sports, Kiyovu yih… – #rwanda #RwOT

    UKO UMUKINO WA RAYON SPORTS na RUTSIRO FC WAGENZE

    Rayon Sports XI: Kwizera Olivier, Habimana Hussein, Ndizeye Samuel, Niyigena Clement, mujyanama Fidelel, Sekamana Maxime, Luvumbu Hertier, Nishimwe Blaise, Ciza Hussein, Jean Vital Aurega na Assis Mambote.

    Rutsiro FC: Dukuzeyezu Pascal, Kwizera Emilien, Habagusenga Gerard, Hatangimana Eric, Mutsinzi Claude, Maombe Jean Pier, Hitimana J Claude, Nova Bayama, Nkubito Amza, Nwosu Samuel, Iraguha Hadji

    1′ Umukino utangijwe na Rutsiro FC saa 14h57′

    2′ Rutsiro itangiye umukino isatira izamu rya Rayon Sports ku mupira uzamukanwe na Nova Bayama ariko ubwugarizi bwa Rayon Sports bukuraho

    3′ Ciza Hussein yari yinjirijwe na Sekamana Maxime ariko umunyezamu Dukuzeyezu Pascal arawumutanga

    5′ Abakinnyi barimo Hertier Luvumbu, Sekamana Maxime na Ciza Hussein bagerageje kurema uburyo bw’igitego ariko Ciza ararangara umupira Pascal arawumutanga

    7′ Rutsiro ibonye Coup Franc ku ikosa rikorewe Nova Bayama ariko ntacyo itanze

    10’Rutsiro FC iri gukina neza mu kibuga hagati, haba guhererekanya neza no kurema uburyo buvamo ibitego, iri kugera imbere y’izamu rya Rayon Sports kensh
    14′ Olivier KLwizera akoze akazi gakomeye ku mupira akuyemo wari utewe na Mutsinzi Claude, araryama awukuramo

    Ikibuga cyabaye kibi kubera imvura, cyanyereye cyane, ntikirimo korohereza abakinnyi gukina uko bisanzwe

    15′ Rutsiro yacuritse ikibuga irashaka gufungura amazamu, Nova ateye ishoti rikomeye mu izamu, Clement araryama umupira awukuzamo amaguru, ntabwo Kwizera yari mu izamu

    18′ Jean Vita Aurega ahawe ikarita y’umuhondo ku ikosa akoreye Habagusenga wa Rutsiro

    19′ Rayon Sports ibonye Coup Franc ku ikosa rikorewe Ciza Hussein

    20′ Hertier Luvumbu ateye ishoti rikomeye mu izamu rya Rutsiro ariko umunyezamu Pascal araryama awukuramo, wari mu nguni y’ibumoso

    25′ Goaaaaaaaal Rayon Sports ifunguye amazamu ku gitego gitsinzwe na Hertier Luvumbu ku mupira mwiza ahawe na Blaise wari uherejwe umupira na Ciza Hussein

    30′ Umukino ukomeje gukinirwa mu kibuga hagati Rutsiro igerageza uburyo bwo kwishyura igitego yatsinzwe

    33′ Jean Vital Aurega aryamye mu kibuga ku ikosa akorewe na Nova

    35′ Rayon Sports igerageje uburyo bwo gushaka igitego cya kabiri ariko Ciza ahereza Luvumbu umupira muremure, umunyezamu Pascal arawumutanga

    39′ Rutsiro ibonye Coup Franc muri metero 35, itewe na Nova umupira uruhukira mu ntoki za Kwizera Olivier

    40′ Assis Mambote ateye ishoti rikomeye nyuma yo gucenga ubwugarizi bwa Rutsiro ariko umunyezamu Pascal amubera ibamba arasimbuka umupira arawufata

    43′ Rutsiro FC igerageje gukina neza imbere y’izamu rya Rayon Sports, ariko Kwizera Olivier n’ubwugarizi bwa Rayon Sports bababera ibamba

    44′ Coup Franc ya Rayon Sports itewe na Luvumbu ariko umupira unyura ku ruhande gato rw’izamu rya Pascal

    45′ Nova Bayama agerageje kwinjira ariko Mujyanama Fidele amubera ibamba umupira awushyira hanze.

    Igice cya mbere kirarangiye. Amakip.e agiye kuruhuka Rayon Sports iri imbere n’igitego 1-0

    Igice cya kabiri gitangijwe na Rayon Sports saa 16h00′

    46′ Assis Mambote ahereje umupira Luvumbu awucomekeye Ciza, bahita bawumukuraho

    Sekamana Maxime azamukanye umupira yihuta arekura ishoti rikomeye mu izamu rya Rutsiro ariko umunyezamu Pascal amubera ibamba awushyira muri koruneri

    47′ Koruneri itewe na Luvumbu ariko ubwugarizi bwa Rutsiro bwirwanaho umupira buwukuraho

    49′ Rayon Sports itangiranye igice cya kabiri imbaraga nyinshi, irashaka igitego cya kabiri

    50′ Rutsiro FC ibonye coup Franc nziza ku ikosa Hussein Habimana akoreye Nwosu Samuel

    51′ Kwizera Emilien ateye umupira mu rukuta uragaruka abakinnyi ba Rayon Sports bawutera imbere

    53′ Assis azamukanye umupira acenga ariko ubwugarizi bwa Rutsiro bushyira hanze umupira

    56′ Rayon  Sports iri kurusha Rutsiro gukina neza mu kibuga hagati, abakinnyi barimo Maxime, Assis na Luvumbu bari kugera imbere y’izamu rya Pascal inshuro nyinshi

    58′ Umutoza Guy Bukasa wa Rayon Sport akoze impinduka, avana mu kibuga Ciza Hussein, hinjira Mugisha Gilbert

    60′ Ndarusanze Jean Claude wa Rutsiro yinjiye mu kibuga asimbuye Iraguha Hadji

    61′ Rutsiro FC iri gusatira cyane, ibonye Coup Franc ku ikosa rikorewe Ndarusanze

    65′ Rutsiro FC igerageje uburyo bwo kwishyura igitego binyuze kuri Nkubito Amza ariko Mujyanama amubera ibamba

    67′ Rayon Sports ihushije uburyo bwo gutsinda igitego cya kabiri ku mupira uzamukanwe na Luvumbu acenga yinjira mu rubuga rw’amahina ateye ishoti umupira ugarurwa n’igiti cy’izamu

    69′ Amakipe yombi ari gukina umukino ufunguye, ikipe imwe irava ku izamu iyindi irigeraho

    71′ Impinduka ebyiri kuri Rayon Sports, Maxime ahaye umwanya Sugira Ernest, mu gihe Blaise asimbuwe na Amran Nshimiyimana

    74′ Dukuzeyezu Pascal akoze akazi gakomeye ku mupira wari utewe mu izamu na Mugisha Gilbert, arasimbuka awushyira muri koruneri

    78′ Mujyanama Claude wa Rayon Sports ahawe ikarita y’umuhondo ku ikosa akoreye Mutsinzi Claude

    80′ Rutsiro FC yacanye umuriro imbere y’izamu rya Rayon Sports irashaka kwishyura, Nwosu ateye ishoti mu izamu ariko kwizera Olivier umupira awufata utamugoye

    82′ Rutsiro FC ibonye penaliti ku ikosa Nwosu Samuel akorewe na Niyigena Clement

    83′ Goaaaaaal Rutsiro FC yishyuye igitego kuri Penaliti itewe neza na Ndarusanze Jean Claude

    85′ Ikarita y’umuhondo ihawe Mutsinzi Claude wa Rutsiro FC akoreye Aurega

    86′ Coup Franc ya Rayon Sports ku ikosa rikorewe Amran Nshimiyimana ariko ntacyo itanze

    87′ Assis Mambote asohotse mu kibuga hinjira Niyonkuru Sadjat ku ruhande rwa Rayon Sports

    90′ Rayon Sports iri kugerageza ibishoboka byose kugira ngo ibone igitego cy’intsinzi

    Umukino urangiye  amakipe yombi aguye miswi 1-1
    Nyuma yo kunganya Kiyovu Sports igatsinda, Rayon Sports yagumanye umwanya wayo wa mbere mu itsinda  B n’amanota 7, Kiyovu Sports ni iya kabiri n’amanota 6, Rutsiro FC ni iya gatatu n’amanota 5 mu gihe Gasogi United ifite amanota 4.

    Rayon Sports yaguye miswi na Rutsiro ikomeza kuyobora itsinda B

    Rutsiro FC yakuye inota rimwe kuri Rayon Sports iyisanze i Kigali

    Kiyovu Sport yatsinze Gasogi United ifata umwanya wa kabiri mu itsinda B

    Source : https://inyarwanda.com/inkuru/105505/live-rayon-sports-10-rutsiro-fc-umukino-ushobora-kugarurira-icyizere-rutsiro-cyo-kuzazamuk-105505.html

  • Miss Ingabire Grace yatunguwe numwana wamush… – #rwanda #RwOT

    Ingabire Grace yasuye iki kigo giherereye mu Murenge wa Mukingo mu Karere ka Nyanza mu Ntara y'Amajyepfo mu mpera z'iki Cyumweru. Iki kigo cyashinzwe mu 1960 na Padiri Joseph Julien Adrien Fraipont Ndagijimana agamije kwita no gufasha abafite ubumuga.

    Cyubatse ku gasozi kitiriwe Amizero. Cyaranzwe no kwita ku buzima bw'abamugaye, ndetse hari benshi bagicyesha abo bari bo uyu munsi.

    Nyuma yo gusura iki kigo, Miss Ingabire Grace yavuze yabonye ko iyo ufite intumbero ntacyo utageraho, byatumye yiyemeza kumenyekanisha ibikorerwa muri iki kigo.

    Ati 'Nigiye byinshi ku kigo cya HVP Gatagara. Nize ko iyo ufite intumbero ntacyo utageraho. Buri kimwe cyose kiri i Gatagara gitanga ibyishimo. Tugomba kumenyekanisha ibyo bakora.'

    Mu ruzinduko rwe, Ingabire Grace yatunguwe n'umwana w'umukobwa muto ubana n'ubumuga ukoresha ukuguru iyo yandika. Byari ibyishimo bidasanzwe kuri we, ubwo yatunguraga Ingabire Grace akamugenera ubutumwa bumushimira ko yabasuye.

    Ni ubutumwa yanditse akoresheje ukuguru. Aba banyeshuri ni urugero rw'uko ubumuga atari imbogamizi y'ubushobozi.

    Ingabire yavuze ko akurikije ibyo yeretswe muri iki kigo nta muntu ukwiye gutakaza icyizere cy'ubuzima, avuga ko buri gihe haba hari indi nzira yo gutangira urugendo rushya rw'ubuzima. Ati 'N'ibyo biri gukorwa n'ikigo cya HVP Gatagara.'

    Uyu mukobwa w'imyaka 25 y'amavuko yavuze ko iki kigo kiri gufasha guhindura imibereho y'abafite ubumuga, yiyemeza kubakorera ubuvugizi kuri serivisi bakenera, ubufasha n'ibindi

    Imibare yo mu 2018 yerekana HVP Gatagara ifite amashami 9 mu Rwanda yita ku bantu 1950. Cyita ku bantu bafite ubumuga butandukanye hirya no hino ku mu gihugu, harimo Huye, Ruhango, Gikondo, Rwamagana, Ndera n'ahandi.

    Iki kigo giherereye kuri Km 100 uvuye mu Mujyi wa Kigali, gifite intego yo kuba icya mbere mu Akarere k'Afurika y'Uburasirazuba mu kwita ku bafite ubumuga.

    HVP yita kuva ku bana kugeza ku bakuze. Mu burezi, HVP Gatagara ifite amashami Huye, Gatagara, Ruhango na Rwamagana. Mu bijyanye n'insimburangingo, HVP Gatagara ifite amashami abiri iry'i Nyanza n'iry'i Gikondo. 

    Ku cyicaro gikuru cya HVP Gatagara i Nyanza hatangirwa amasomo yo ku rwego rw'amashuri y'incuke, abanza, icyiciro rusange ndetse n'icyiciro cy'imyuga y'ubudozi, gutunganya imisatsi no gusudira.



    Ingabire Grace Miss Rwanda 2021 yagiriye urugendo-shuri mu ikigo HVP Gatagara cyigisha abana bafite ubumuga bunyuranye
    Miss Ingabire yatunguwe n'umwana wamushimiye mu butumwa yanditse akoresheje ukuguruMiss Ingabire Grace bamutunguranyije umusatsi muri ‘Salon de Coifure’ yo muri HVP Gatagara
     Ingabire Grace yavuze ko azakora ubuvugizi bw'ibikorerwa mu kigo cyita ku bafite ubumuga cya HVP Gatagara cyashinzwe na Paidiri Ndagijimana Joseph Julien Adrien Fraipont mu 1960

    Ikigo cya Gatagara cyita ku bana bavukanye ubumuga, bakavurwa hakiri kare

     Miss Ingabire Grace yavuze ko abanyeshuri bo muri HVP Gatagara yasuye ari urugero rw'uko ubumuga atari imbogamizi y'ubushobozi

    Source : https://inyarwanda.com/inkuru/105498/miss-ingabire-grace-yatunguwe-numwana-wamushimiye-mu-butumwa-yandikishije-ukuguru-yiyemeza-105498.html

  • Minisitiri Prof Nshuti yahagarariye Perezida Kagame mu irahira rya Museveni –

    Perezida Museveni azarahira kuri uyu wa Gatatu, tariki 12 Gicurasi 2021, mu muhango uteganyijwe kubera ahitwa Kololo mu Mujyi wa Kampala.

    Mu bazitabira uyu muhango harimo na Minisitiri Prof Nshuti uzaba ahagarariye Perezida Kagame wari wahawe ubutumire na mugenzi we wa Uganda, Yoweri Museveni.

    Ambasade y’u Rwanda muri Uganda ibinyujije ku rutuka rwayo rwa Twitter yagize iti “Minisitiri Prof Nshuti yageze muri Uganda, aho yitabiriye umuhango w’irahira rya Kaguta Museveni uteganyijwe ku munsi w’ejo. Ahagarariye Perezida Kagame.”

    Mu bandi banyacyubahiro bitabiriye irahira rya Museveni harimo Perezida wa Repubulika Iharanira Demokarasi ya Congo, Félix Antoine Tshisekedi Tshilombo; uwa Somalia, Mohamed Abdullahi Farmaajo; General Évariste Ndayishimiye w’u Burundi; Hage Geingob wa Namibia; Salva Kiir Mayardit wa Sudani y’Epfo; Emmerson Mnangagwa wa Zimbabwe, Alpha Condé wa Guinea; uwa Ghana, Nana Akufo-Addo; Sahle-Work Zewde wa Ethiopia n’abandi.

    Perezida Museveni w’imyaka 76 azarahirira kuyobora Uganda ku nshuro ya gatandatu yikurikiranya kuva mu 1986. Yatsinze amatora yo ku wa 14 Mutarama 2021, agize amajwi 58.6%.

    Biteganyijwe ko kuri uyu wa Gatatu, ubwo Museveni azaba arahirira kuyobora Uganda, internet izaba ifunze ndetse na serivisi za Mobile Money na zo zizagirwaho ingaruka zigafungwa by’igihe gito.

    Umunyamabanga wa Leta muri Minisiteri y’Ububanyi n’Amahanga n’Ubutwererane ushinzwe Umuryango wa Afurika y’Uburasirazuba, Prof Nshuti Manasseh, yitabiriye irahira rya Perezida Museveni riteganyijwe ku wa 12 Gicurasi 2021

  • Miss Ingabire Grace yasuye ikigo cya HVP Gatagara atungurwa n’impano abana babamo bafite (AMAFOTO) #rwanda #RwOT

    Nyampinga w’u Rwanda 2021, Ingabire Grace yasuye ikigo cy’abafite ubumuga (HVP Gatagara); aho yatunguwe n’umwana wandikisha akaguru.

    Ingabire Grace akaba yarasuye iki kigo mu rwego rwo kureba uburyo aba bana babayeho n’uko bitabwaho kimwe n’ibikorwa bikorerwa muri iki kigo.

    Miss Rwanda ibinyujije kuri Twitter ya Miss Rwanda na Instagram bavuze byinshi ku ruzinduko rwa Miss Rwanda 2021 muri iki kigo.

    Ati 'Nta bibazo bizatuma tubura icyizere. Buri gihe hari inzira yo gukemura ibibazo. Ni byo HVP Gatagara iri gukora. Icira inzira abantu mu rwego rwo kubafasha guhangana n’ibibagoye. Tugomba gukusanya ibikoresho byinshi kugira ngo dutere inkunga serivisi batanga.'

    Miss Ingabire Grace yatunguwe ndetse anakorwa ku mutima n’umwana w’umukobwa wandikisha akaguru aho yavuze ko iyo ufite ubushake n’ubushobozi ububona.

    Ati 'Nize byinshi muri HVP Gatagara. Nize ko ku bushake dushobora gukora buri kimwe, dukeneye gukora ubukangurambaga bwinshi ku mirimo bakora.'

    Abana biga muri iki kigo bahabwa ubumenyi butandukanye ndetse bakanitabwaho ku bumuga bafite.

    Iki kigo cya HVP Gatagara cyashinzwe na Padiri Joseph Julien Adrien Fraipont Ndagijimana wari woherejwe i Nyanza kwigisha mu ishuri ryitiriwe Kristo Umwami (Collège Christ-Roi) mu 1957. Nyampinga w’u Rwanda 2021, Ingabire Grace yasuye ikigo cy’abafite ubumuga cy’i Gatagara (HVP Gatagara); aho yatunguwe n’umwana wandikisha akaguru.

    Bigushwa byinshi bitandukanye

    Uyu mwana wandikish akaguru yamukoze ku mutima

    Uyu mwana yamuhaye akandiko amushimira ko yabasuye

    Nawe bamushyize ku cyangwe

    Source : http://isimbi.rw/imyidagaduro/article/miss-ingabire-grace-yasuye-ikigo-cya-hvp-gatagara-atungurwa-n-impano-abana-babamo-bafite-amafoto

  • Minisitiri Prof Nshuti yahagarariye Perezida Kagame mu irahira rya Museveni – #rwanda #RwOT

    Perezida Museveni azarahira kuri uyu wa Gatatu, tariki 12 Gicurasi 2021, mu muhango uteganyijwe kubera ahitwa Kololo mu Mujyi wa Kampala.

    Mu bazitabira uyu muhango harimo na Minisitiri Prof Nshuti uzaba ahagarariye Perezida Kagame wari wahawe ubutumire na mugenzi we wa Uganda, Yoweri Museveni.

    Ambasade y'u Rwanda muri Uganda ibinyujije ku rutuka rwayo rwa Twitter yagize iti 'Minisitiri Prof Nshuti yageze muri Uganda, aho yitabiriye umuhango w'irahira rya Kaguta Museveni uteganyijwe ku munsi w'ejo. Ahagarariye Perezida Kagame.'

    Mu bandi banyacyubahiro bitabiriye irahira rya Museveni harimo Perezida wa Repubulika Iharanira Demokarasi ya Congo, Félix Antoine Tshisekedi Tshilombo; uwa Somalia, Mohamed Abdullahi Farmaajo; General Évariste Ndayishimiye w'u Burundi; Hage Geingob wa Namibia; Salva Kiir Mayardit wa Sudani y'Epfo; Emmerson Mnangagwa wa Zimbabwe, Alpha Condé wa Guinea; uwa Ghana, Nana Akufo-Addo; Sahle-Work Zewde wa Ethiopia n'abandi.

    Perezida Museveni w'imyaka 76 azarahirira kuyobora Uganda ku nshuro ya gatandatu yikurikiranya kuva mu 1986. Yatsinze amatora yo ku wa 14 Mutarama 2021, agize amajwi 58.6%.

    Biteganyijwe ko kuri uyu wa Gatatu, ubwo Museveni azaba arahirira kuyobora Uganda, internet izaba ifunze ndetse na serivisi za Mobile Money na zo zizagirwaho ingaruka zigafungwa by'igihe gito.

    Umunyamabanga wa Leta muri Minisiteri y'Ububanyi n'Amahanga n'Ubutwererane ushinzwe Umuryango wa Afurika y'Uburasirazuba, Prof Nshuti Manasseh, yitabiriye irahira rya Perezida Museveni riteganyijwe ku wa 12 Gicurasi 2021

    Source : http://igihe.com/amakuru/u-rwanda/article/minisitiri-prof-nshuti-yahagarariye-perezida-kagame-mu-irahira-rya-museveni

  • Rutsiro FC yahagamye Rayon Sports mu gihe Kiyovu Sport yanyagiye Gasogi United #rwanda #RwOT

    Mu mikino w'umunsi wa Kane wa shampiyona iri gukinirwa mu matsinda kubera ingaruka za Covid-19,amakipe akomeye uretse Rayon Sports yabashije kubona amanota 3.

    Rayon Sports yari yakiriye Rutsiro FC yaherukaga gutsinda ibitego 2-0 i Rubavu,yananiwe kuyitsinda banganya igitego 1-1 ku kibuga cya Stade Amahoro cyari kibi cyane kubera imvura yakiguyemo.

    Rayon Sports yatangiye iyoboye umukino ariko Rutsiro ibona amahirwe yagombaga kuyihesha igitego gusa igorwa n'umunyezamu Kwizera Olivier.

    Ku munota wa 25,Rayon Sports yabonye igitego ibifashijwemo na Luvumbu Heritier ku mupira mwiza yahawe na Blaise.

    Rayon Sports yakomeje kwiharira umupira bituma Luvumbu abona amahirwe menshi yo gushota izamu rya Pascal ariko ntibyamukundira kubona igitego.

    Rutahizamu Mambote wakinnye umukino we wa mbere muri Rayon Sports,yagerageje ishoti rikomeye igice cya mbere kigiye kurangira ariko umunyezamu Pascal awushyira muri Koloneri.

    Ku rundi ruhande,umunya Nigeria,Samuel Nwosu Chukwudi yasigaranye n'umunyezamu Kwizera Olivier agerageje kumutsinda ntibyamukundira.Igice cya mbere cyarangiye ari 1-0.

    Mu gice cya kabiri,Rayon Sports yagarutse ishaka igitego cya kabiri ariko Luvumbu wari hejuru mu gutera imipira y'imiterekano ntibyamuhira.

    Rayon Sports yakoze amakosa ku munota wa 81 ubwo rutahizamu Samuel Nwosu Chukwudi yacengaga ba myugariro bayo,Niyigena Clement aramutega birangira umusifuzi Rulisa Patience atanze Penaliti.

    Iyi penaliti yinjijwe neza na Ndarusanze Jean Claude ku munota wa 82 bituma Rutsiro ibona inota rimwe muri uyu mukino.

    Mu wundi mukino,Kiyovu Sport yaherukaga gutsindwa na Gasogi ibitego 2-1,yaje yariye karungu iyinyagira ibitego 4-1.

    Ibitego bya Kiyovu Sports byatsinzwe na Robert Saba watsinze 2 ku munota wa 26' na 89',Saleh Nyirinkindi kuwa 45' na Babuwa Samson kuwa 46'.Igitego cya Gasogi cyatsinzwe na Hassan Kikoyo ku munota wa 19.

    APR FC ifite amanota 12/12 nyuma yo gutsinda ibitego 2-1 na Bugesera.Ibitego bya APR FC byatsinzwe na Bizimana Yannick ku munota wa 17 na Manzi Thierry kuwa 73' mu gihe Bugesera FC yatsindiwe na Ntwari Jacques ku munota wa 55'.

    AS Muhanga 1-2 Gorilla
    APR FC 2-1 Bugesera

    Kiyovu SC 4-1 Gasogi United
    Rayon Sports 1-1 FC Rutsiro

    Urutonde mu itsinda A:

    1. APR FC 12 Pts
    2. Gorilla FC 9 Pts
    3. AS Muhanga FC 0 Pt
    4. Bugesera FC 0 Pt
    Rayon Sports 1-1 Rutsiro
    Kiyovu Sports 4-1 Gasogi United

    Urutonde mu itsinda B:

    1. Rayon Sports 7 Pts
    2. Kiyovu Sports 6 Pts
    3. Rutsiro FC 5 Pts
    4. Gasogi United 4 Pts

    Source : http://umuryango.rw/imyidagaduro/imikino/article/rutsiro-fc-yahagamye-rayon-sports-mu-gihe-kiyovu-sport-yanyagiye-gasogi-united

  • Nyanza: Huzuye uruganda rwa miliyari 5 Frw ruzatunganya insinga z'amashanyarazi – #rwanda #RwOT

    Uru ruganda rwuzuye rutwaye miliyari eshanu z'amafaranga y'u Rwanda, biteganyijwe ko ruzatangira icyiciro cya mbere cy'ibikorwa byarwo muri Kamena, mu gihe icya kabiri kizatangira muri Kanama 2021.

    Ni uruganda rubaye urwa kabiri mu Rwanda rugiye gukora insinga z'amashanyarazi nyuma y'urwitwa Alfa Cables rwatangiye mu 2018 ruherereye mu cyanya cyahariwe inganda i Masoro.

    Sosiyete ya Mark Cables Factory yubatse uru ruganda ruri i Nyanza ishamikiye kuri Milbridge Group yubatse uruganda rwa Sima rwa Prime Cement Ltd rukorera mu Karere ka Musanze.

    Mu kiganiro Umuyobozi wa Milbridge Group muri Afurika y'Uburasirazuba, Eric Rutabana, yagiranye na The New Times yavuze ko iby'ingenzi byarangiye igisigaye ari ugushyira muri uru ruganda ibikoresho bizifashishwa mu gukora insinga z'amashanyarazi, gushyiramo umuriro w'amashanyarazi, kuzana ibikoresho bizifashishwa ndetse no gushyiramo abandi abakozi.

    Yongeyeho ati 'Mark Cables ifite ubunararibonye mu gukora insinga zujuje ubuziranenge. Ikoresheje ubu bunararibonye yahisemo kugeza insinga zayo zo ku rwego rwo hejuru ku isoko ryo mu Rwanda.'

    'Gahunda ya Made in Rwanda yafunguriye amarembo abashaka gushora imari yabo mu bijyanye n'ubwubatsi. Twizeye ko Mark Cables izatanga insinga z'umuriro zikenewe mu Rwanda ndetse ikabasha no gusagurira amasoko y'ibihugu by'ibituranyi.'

    Uru ruganda ruzakora insinga zo mu bwoko bwa Aluminium na Copper, harimo insinga zikomatanyije zitwa AB câble, izitwa câble de service zikoreshwa mu kujyana umuriro w'amashanyarazi mu ngo, câble multiconducteur, insinga zitwara umuriro nyinshi ziba zikubiye mu rusinga rumwe, câble souterrain zicishwa munsi y'ubutaka, izitwa Câble flexible, câble de construction n'izindi.

    Biteganyijwe ko uru ruganda ruzajya rutuganya toni 35.000 z'insinga ku mwaka, ruzibe icyuho cy'izatumizwaga mu mahanga aho u Rwanda rwatumizaga insinga zifite agaciro ka miliyoni 30$ buri mwaka.

    Uru ruganda kandi ruje kunganira Alfa Cables yatunganyaga insinga zirenga toni 600 ku mwaka nazo zo mu bwoko bwa Copper na Aluminium.

    Ibi bizafasha muri gahunda y'iterambere u Rwanda rufite, harimo no kugeza amashanyarazi kuri bose, abayakoresha bakava kuri 56.7% bakagera ku 100% mu 2024.

    Minisitiri w’Ibikorwa Remezo, Gatete Claver, ubwo yasuraga uruganda ruzajya rutunganya insinga z’amashanyarazi i Nyanza/Ifoto: The New Times

    Source : http://igihe.com/amakuru/u-rwanda/article/nyanza-huzuye-uruganda-rwa-miliyari-5-frw-ruzatunganya-insinga-z-amashanyarazi

  • Nyanza: Huzuye uruganda rwa miliyari 5 Frw ruzatunganya insinga z’amashanyarazi –

    Uru ruganda rwuzuye rutwaye miliyari eshanu z’amafaranga y’u Rwanda, biteganyijwe ko ruzatangira icyiciro cya mbere cy’ibikorwa byarwo muri Kamena, mu gihe icya kabiri kizatangira muri Kanama 2021.

    Ni uruganda rubaye urwa kabiri mu Rwanda rugiye gukora insinga z’amashanyarazi nyuma y’urwitwa Alfa Cables rwatangiye mu 2018 ruherereye mu cyanya cyahariwe inganda i Masoro.

    Sosiyete ya Mark Cables Factory yubatse uru ruganda ruri i Nyanza ishamikiye kuri Milbridge Group yubatse uruganda rwa Sima rwa Prime Cement Ltd rukorera mu Karere ka Musanze.

    Mu kiganiro Umuyobozi wa Milbridge Group muri Afurika y’Uburasirazuba, Eric Rutabana, yagiranye na The New Times yavuze ko iby’ingenzi byarangiye igisigaye ari ugushyira muri uru ruganda ibikoresho bizifashishwa mu gukora insinga z’amashanyarazi, gushyiramo umuriro w’amashanyarazi, kuzana ibikoresho bizifashishwa ndetse no gushyiramo abandi abakozi.

    Yongeyeho ati “Mark Cables ifite ubunararibonye mu gukora insinga zujuje ubuziranenge. Ikoresheje ubu bunararibonye yahisemo kugeza insinga zayo zo ku rwego rwo hejuru ku isoko ryo mu Rwanda.”

    “Gahunda ya Made in Rwanda yafunguriye amarembo abashaka gushora imari yabo mu bijyanye n’ubwubatsi. Twizeye ko Mark Cables izatanga insinga z’umuriro zikenewe mu Rwanda ndetse ikabasha no gusagurira amasoko y’ibihugu by’ibituranyi.”

    Uru ruganda ruzakora insinga zo mu bwoko bwa Aluminium na Copper, harimo insinga zikomatanyije zitwa AB câble, izitwa câble de service zikoreshwa mu kujyana umuriro w’amashanyarazi mu ngo, câble multiconducteur, insinga zitwara umuriro nyinshi ziba zikubiye mu rusinga rumwe, câble souterrain zicishwa munsi y’ubutaka, izitwa Câble flexible, câble de construction n’izindi.

    Biteganyijwe ko uru ruganda ruzajya rutuganya toni 35.000 z’insinga ku mwaka, ruzibe icyuho cy’izatumizwaga mu mahanga aho u Rwanda rwatumizaga insinga zifite agaciro ka miliyoni 30$ buri mwaka.

    Uru ruganda kandi ruje kunganira Alfa Cables yatunganyaga insinga zirenga toni 600 ku mwaka nazo zo mu bwoko bwa Copper na Aluminium.

    Ibi bizafasha muri gahunda y’iterambere u Rwanda rufite, harimo no kugeza amashanyarazi kuri bose, abayakoresha bakava kuri 56.7% bakagera ku 100% mu 2024.

    Minisitiri w’Ibikorwa Remezo, Gatete Claver, ubwo yasuraga uruganda ruzajya rutunganya insinga z’amashanyarazi i Nyanza/Ifoto: The New Times

  • Eidil_Fit'ri umunsi izaberaho wamenyekanye #rwanda #RwOT

    Itangazo ryasohowe n' Umuryango w'Abayisilamu mu Rwanda (RMC/Rwanda Muslims Community) watangaje umunsi wo gusoza Igisibo gitagatifu cy'ukwezi kwa Ramadhan uzwi nka Eidil-Fit'ri uzaba ku wa Kane tariki ya 13 Gicurasi 2021 .

    Iri tangazo ryashyizweho umukono na Mufti w'u Rwanda, Sheihk Hitimana Salimm risoza ryifuriza umunsi mwiza Abayisilamu bose mu Rwanda.

    Source : https://impanuro.rw/2021/05/11/eidil_fitri-umunsi-izaberaho-wamenyekanye/

  • Agahinda kuri Alex Muyoboke wabaye umujyanama w'itsinda rya Charly na Nina ryamaze gutandukana byeruye #rwanda #RwOT

    Yabitangaje mu kiganiro yagiranye ni Inyarwanda dukesha iyi nkuru , nyuma y'uho ku munsi w'ejo tariki ya 10 gicurasi haragaye inkuru zivuga ko itsinda rya Charly na Nina ryamaze kutandukana kumugaragaro ,bikababaza benshi mu bakunzi b'ibihangano byabo.

    Mu mumakuru dukesha Inyarwanda Yagize ati

    “Kuri njyewe ni igihombo. Natangiye kucyiyumvisha kuva ku munsi wa mbere bavuga ngo dutandukane! N'uru ruganda ruba rubuze abanyamuziki b'abahanga bafite igikundiro n'abafana muri rusange b'umuziki'. Yakomeje avuga ko bibabaje kumva abahanzi nk'aba batanze umusanzu ahari hakenewe umuziki hose mu gihugu batandukanye, avuga ko byaba byiza bakomeje gukora wenda buri wese akaba yakomeza gukora umuziki ku giti cye.”

    Yakomeje agira ati' (……) Birashoboka kuri umwe cyangwa kuri bombi ariko birasaba ingufu nyinshi cyane. Ni nko kongera gutangira buriya ariko birashoboka ni abaririmbyi beza bazi kuriririmba. Kuba uzi kuririmba ufite ubushake cyane cyane nka Nina nzi ko yabibasha n'ubundi Nina na musaza we aririmba muri hotel muri Mille Collines byari bimutunze ni ko kazi yakoraga nta kandi yakoraga'.

    Mukoboke yakomeje avuga ko kandi Charly we atigeze aririmba muri za karawoke nka mugenzi we. Aha twongeye kumubaza ubugira kabiri tuti kuki ubona uku batandukanye uwabishobora cyane ari Nina? Iki kibazo Alex Muyoboke yongeye kugisubiza agira ati '(….) N'undi yakora ntabwo mvuze ko Charly atakora! Ariko uwo mbona afite courage cyane, impamvu mvuze ngo Nina yakomeza agakora ni uko mbazi imikorere yabo, ukuntu bakoraga nakubwiye ko na mbere hose ari byo byari bimutunze yari amaze imyaka hafi igera ku icumi akora live band, yaririmbye za Serena na Mille Collines, so niho mbikura rero'.

    Yagarutse kuri Nina bitamunanira kongera kwihuza na Band agasubira kuri Hotel akaririmba. Mu mboni ye yongeye kuvuga ko aba bakobwa batandukanyijwe no kutagira 'Management'. Iyi nkuru y'itandukana ryabo ikivugwa, Alex Muyoboke yashyize kuri 'Status' ye ya WhatsApp amafoto atandukanye agaragaza ibyo we n'iri tsinda bagezeho mu myaka 4 bamaranye, icyakora hari aho yanditse agira ati 'Ubuse wungutse iki wowe watumye itsinda nk'iri ryubatse amateka risenyuka?'

    Source : http://umuryango.rw/imyidagaduro/article/agahinda-kuri-alex-muyoboke-wabaye-umujyanama-w-itsinda-rya-charly-na-nina