Webrwanda Backend

Category: Uncategorized

  • FERWAFA yemeje igihe amatora ya komite nshya… – #rwanda #RwOT

    Mu gitondo cyo kuri uyu wa Gatandatu tariki 23 Gicurasi nibwo muri Lemigo Hotel hateraniye inama y’Inteko Rusange idasanzwe ya FERWAFA .

    Ku murongo w’ibyigirwaga muri iyi nama harimo kwemera ubwegura bw’uwahoze ari perezida w’ishyirahamwe ry’umupira w’amaguru mu Rwanda (FERWAFA) bwana Rtd Brig Gen Sekamana Jean Damascène.

    Ikindi cyari ku murongo w’ibyigwa Ni ukwemeza igihe nyacyo amatora ya komite shya azaberaho. 

    Bidatinze komite  y’inzibacyuho iyobowe na Habyarimana Marcel  yameje ubwegure bwa Rtd Brig Gen Sekamana Jean Damascène, ndetse bameneza ko amatora ya komite shya azaba tariki 27 Kamena 2021.

    Mu mwezi gutaha inzu ya FERWAFA iraba yicayemo komite nshya

    Ikindi cyabereye muri iy’inama, ni abakomiseri bagera kuri 5 nabo beguye ku mirimo yabo ndetse n’ubwegure bwabo buremerwa.

    Abakomiseri 5 beguye barimo Ruhamiriza Eric warushinzwe amarushanwa, Nshimiyimana Alexis Redemptus wari ushinzwe iterambere ry’umupira, Dr Hakizimana Moussa warushinzwe ubuvuzi, uwari ushinzwe umutekano Ntakirutimana Diane, ndetse na Mukangoboka wari ushinzwe iterambere ry’umupira w’abagore.

    Komite icyuye igihe yari yaratowe tariki 31 Werurwe 2018 Rtd Brig Gen Sekamana icyo gihe akaba yarasimbuye Vincent De Gaulle, ariko na we yegura tariki 14 Mata 2021 avugako atabasha gufatanya inshingano n’akazi ke kaburi munsi karimo kwita ku muryango we.

    Source : https://inyarwanda.com/inkuru/105877/ferwafa-yemeje-igihe-amatora-ya-komite-shya-azabera-ndetse-inemeza-ubwegure-bwa-rtd-brig-g-105877.html

  • Iruka rya Nyiragongo: Ibihumbi by’Abanye-Congo bahungiye i Rubavu, u Rwanda ruhacana umucyo –

    Batangiye gutaha kuri iki Cyumweru nyuma y’uko bamenyeshejwe ko Ikirunga cya Nyiragongo cyagabanyije umuvuduko wo kuruka. Aba baturage bari binjiriye ku mipaka ya La Corniche na Petite Barrière no mu zindi nzira zitandukanye mu Mirenge ya Rubavu, Cyanzarwe na Bugeshi.

    Abinjiriye mu Mujyi wa Rubavu barajwe muri Stade Umuganda. Bakihagera bakiriwe neza bahabwa imikeka yo kuryamaho n’ibiringiti byo kwiyorosa, amazi n’ibyo kurya na Croix Rouge y’u Rwanda mu gihe abaraye mu mirenge bacumbikiwe n’abaturage ndetse baranabagaburira.

    Ubwo iki kirunga cyari gitangiye kuruka, u Rwanda rwihutiye gufungura imipaka irutandukanya na Repubulika Iharanira Demokarasi ya Congo kugira ngo abaturanyi barwo babashe kubona aho bahungira.

    Hari hashize igihe iyi mipaka ifunga saa kumi n’ebyiri z’umugoroba nka bumwe mu buryo bwo gukumira ikwirakwira ry’icyorezo cya Covid-19.

    I Rubavu ku mipaka yombi, Abanye-Congo bari uruvunganzoka, abatinjiye mu Rwanda bahungiye mu bindi bice bitekanye nka Sake.

    Bakirwaga mu buryo buri mu mucyo cyane, bamwe bagacumbikirwa n’abaturage bagenzi babo abandi bajyanwa muri Stade ya Rubavu. Aho babaga bari, inzego z’ubuyobozi z’u Rwanda zari zihari, guhera ku muyobozi w’umudugudu kugera ku buyobozi bukuru hiyongereyeho Ingabo na Polisi kugira ngo umutekano wabo ube wizewe.

    Ambasaderi w’u Rwanda muri Repubulika Iharanira Demokarasi ya Congo, Vincent Karega, mu ijoro rishyira kuri iki Cyumweru yanditse ku rukuta rwe rwa Twitter ati “ Imipaka y’u Rwanda irafunguye kandi kwakira abaturanyi bacu biri gukorwa mu mahoro. Nta gufunga imipaka uko ariko kose kwabayeho ahubwo habayeho uburyo bwo kwinjira mu gihugu buteguye neza.”

    Hari amashusho yandi yagiye hanze agaragaza Abanye-Congo benshi, biruka cyane mu gihiriri binjira ku mupaka wa La Corniche. Kuri uwo mupaka, hari abayobozi baberekera inzira yo kunyura, bababwira bati ’mwihute mwihute’.

    Ku rundi ruhande, Congo yatanze amatangazo ijoro ryose yifashishije Radio n’ibindi binyamakuru imenyesha abaturage bayo inzira bashobora kunyuramo bahungira mu Rwanda.

    Urugero, ni nko kunyura ahitwa Bujovu-Kabutembo- Rwanda, urugendo rw’ibilometero umunani; Kahembe – Petite Barriere – Gisenyi ho hareshya n’ibilometero bine. Hari kandi Majengo – Sep Congo – Kabutembo- Rwanda n’izindi nzira.

    Nubwo Ikirunga cya Nyiragongo cyatuje, abaturage baracyafite inkeke kubera imitingito yakurikiye iruka ryacyo.

    Sibomana Cyprien umwe mu bahunze akarara muri Stade Umuganda, mbere yo gusubira mu gihugu cye yashimiye Leta y’u Rwanda uburyo bakiriwe.

    Ati “Nimugoroba twatunguwe no kubona ikirunga gitangiye kuruka nuko badusaba guhunga ariko ndashima Leta y’u Rwanda kuko ntacyo bataduhaye’’.

    U Rwanda rwashyizeho imodoka zitwara aba Banye-Congo ku buntu

    Mu masaha y’ijoro ubwo aba Banye-Congo binjiraga mu gihugu, bakwiriye Umujyi wa Rubavu. Mu buryo bwo kubacungira umutekano muri ayo masaha, ubuyobozi bw’Akarere ka Rubavu bwihutiye gushaka imodoka zabatwara bose bagahurizwa ahantu hamwe kugira ngo babashe kwitabwaho.

    Bwakodesheje Coaster zari muri Gare ya Rubavu muri iryo joro, zitambagira Umujyi wose zitwara aba Banye-Congo zikabageza kuri Stade Umuganda aho bitabwagaho. Bahabwaga amazi yo kunywa, ibyo kurya nk’amandazi ndetse n’ibiringiti byo kwifubika.

    Mu gitondo ubwo ikirunga cyari cyamaze kurekera kuruka, izi modoka zifashishijwe mu gucyura aba Banye-Congo by’umwihariko abafite ubumuga, abagore batwite n’abarwayi.

    Abana batari bari kumwe n’ababyeyi babo bo u Rwanda rwashyizeho imodoka zo kubacyura, ziri kuzenguruka Umujyi wose zibashakisha.

    Abanyarwanda bashimiwe urugwiro berekanye ubwo Abanye-Congo bahungaga binjira mu Rwanda.

    Amb. Rafiki Bahizire yashimye abaturanyi bo mu Rwanda uko bakiriye Abanye-Congo.

    Amatangazo yanyuranyuraganamo aho aba baturage bari bacumbikiwe mbere yo gusubira mu gihugu cyabo yabazaga abafite ibibazo byihariye kugira ngo bitabweho.

    Mu mashusho Amb. Rafiki yashyize ku rukuta rwe rwa Twitter, humvikanamo itangazo ryabazaga riti “Utwite, niba ufite umurwayi, niba ufite umwana ufite munsi y’amezi atandatu ubivuge. Abibwire umupolisi cyangwa umusirikare wese abona hafi ye.’’

    Imodoka zakodeshejwe na Leta y’u Rwanda ziri gutambuka mu Mujyi wa Rubavu zikusanya Abanye-Congo bose kugira ngo babashe gutaha mu mahoro

    Izi modoka mu masaha y’ijoro zifashishijwe mu guhuriza muri Stade Abanye-Congo bari bahunze

    Hari abanye-Congo bitwikiriye iruka ry’ikirunga basahura bene wabo

    Guhera saa moya z’umugoroba, mu Mujyi wa Goma abantu bari uruvunganzoka. Abagore, abagabo n’abana banyuranyuranamo na moto n’imodoka zagendaga amasigamana. Hari amafoto yakwirakwiriye ku mbuga nkoranyambaga agaragaza ababyeyi bikoreye imikeka n’ibikapu banahetse abana babo biruka kibuno mpamaguru.

    Bivugwa ko hari ababonye abandi bahunga, aho kugira ngo babakurikira bakigumira mu Mujyi wa Goma basahura. Byakozwe n’insoresore ziraye mu maduka no mu ngo z’abari bamaze kwambuka mu Rwanda, zirabacucura.

    Ubwo bahungaga, bari bifashe mapfubyi batumva neza ibyababayeho gusa u Rwanda rubakiriza yombi

    Abakuze n’abato bose bakijije amagara yabo bagana mu Rwanda

    Buri wese yahunganaga icyo afite hafi… Aba bari bikoreye ibikapu birimo udukoresho twabo tw’ingenzi

    Uyu musore yateruye kimwe mu bikoresho by’ingenzi kuri we yerekeza mu Rwanda. Aha yari ku Mupaka w’u Rwanda na RDC wa Petite Barrière

    Ibikoma by’ikirunga byageze no hafi y’Ikibuga cy’Indege cya Goma

    Mu masaha y’ijoro, ibikoma by’iruka ry’iki kirunga byageze no ku Kibuga cy’Indege cya Goma, byangiza ibikorwa remezo biri hafi aho birimo n’inzu z’abaturage.

    Hari amashusho yakwirakwiye ku mbuga nkoranyambaga agaragaza ibikoma by’iki kirunga biri hafi mu nkengero z’Ikibuga cy’Indege cya Goma.

    Mu bice bya Goma ndetse no mu nkengero zayo mu Rwanda, mu masaha y’igitondo humvikanye umutingito udakanganye watewe n’iruka ry’iki kirunga.

    Aho ikirunga cyarutse, cyangije ibikorwa remezo byinshi birimo inzu z’abaturage

    Ni ku nshuro ya 35, Ikirunga cya Nyiragongo cyari kirutse. Nubwo bitazwi neza igihe cyatangiriye kuruka, ababikurikiranira bavuga ko byatangiye kuva mu 1882.

    Iruka rya vuba rikomeye rya Nyiragongo ryatangiye ku wa 17 Mutarama 2002, nyuma y’iminsi yari ishize imitingito yarabaye myinshi mu bice byegereye ikirunga, kugeza ubwo iki kirunga cyaje kwiyasa maze gisuka ibikoma mu masaha menshi hagati ya metero 2,800 na 1,550, bigera mu mujyi wa Goma uri hafi aho, ku nkengero z’ikiyaga cya Kivu.

    Abaturage bari baburiwe ndetse abagera ku 4000 bari bamaze kuvanwa muri aka gace kimwe no mu Mujyi wa Gisenyi, mu gihe cy’iruka ry’icyo kirunga.

    Abantu 250 bahasize ubuzima kubera kubura umwuka bitewe na gaz yoherezwaga n’ikirunga, ndetse inzu zimwe zirahirima kubera amazuku n’imitingito. Abantu 120.000 bakuwe mu byabo. Ubwo Nyiragongo iheruka kuruka, ibikoma byayo byangije 30% by’Umujyi wa Goma, byagendaga ku muvuduko wa kilometero 65 ku isaha.

    Nyuma y’iruka ryo mu 2002, ikirunga cya Nyiragongo cyongeye kuruka nyuma y’amezi atandatu, ku buryo ibikoma bitasohotse byahise biharema ikiyaga cy’amazuku.

    Ikirunga cya Nyiragongo kiri ku butumburuke bwa metero 3 470, giherereye muri kilometero 20 mu Majyaruguru y’Umujyi wa Goma. Ni kimwe mu birunga bikiruka ku Isi ndetse gifatwa nka kimwe mu bifite ubukana bukomeye.

    Bivugwa ko nibura buri mezi atatu, iki kirunga kigaragaza ibimenyetso by’uko gishobora kuruka, rimwe na rimwe kikazamura umwotsi ubundi kigatutumba ariko ntikiruke. Byari byitezwe ko kizongera kuruka hagati ya 2024 na 2027.

    MU 1977 ni bwo, Nyiragongo yarutse igahitana abantu benshi aho abagera kuri 600 bitabye Imana.

    Indi nkuru wasoma: Ikirunga cya Nyiragongo cyongeye kuruka

    Abanye-Congo ba mbere bari bahungiye mu Rwanda batangiye gutaha

    Basubiye mu gihugu cyabo nyuma yo kumenyeshwa ko ikirunga cyagabanyije umuvuduko

    Abenshi bari gutaha banyuze ku mupaka wemewe

    Abaturage bari bahungabanye bacyumva ko ikirunga kiri kuruka, bahita bahunga batinya ingaruka iryo ruka rishobora guteza zirimo no gutwara ubuzima bwa benshi

    Abaturage binjiriye mu Mujyi wa Rubavu barajwe muri Stade Umuganda

    Bahise bahabwa ibyangombwa by’ibanze birimo ibiryamirwa, ibyo kwiyorosa n’ibiribwa

    Abakorerabushake ba Croix Rouge y’u Rwanda ni bo batanze ubutabazi bwihuse

  • Gatsibo: Hagaragajwe ko amakimbirane yo mu miryango yaba amateka abanyamadini babigizemo uruhare – #rwanda #RwOT

    Akarere ka Gatsibo ni kamwe mu turere dukunze kugaragaramo amakimbirane yo mu miryango akenshi abyara ubwicanyi bwa hato na hato kubagize umuryango.

    Abenshi basanga abanyamadini n'amatorero nk'abantu bahora hafi y'abaturage bakwiye gufata iya mbere mu kurwanya ihohoterwa rikorerwa mu ngo ribyara amakimbirane.

    Umuturage wo mu Karere ka Gatsibo, Kanyambo Jackson, yavuze ko abanyamadini n'amatorero bakwiye kongera imbaraga mu nyigisho batanga zijyane no kurwanya amakimbirane abera mu miryango.

    Ati 'Abanyamadini n'amatorero buri gihe barigisha ariko bakwiye kongeramo imbaraga, begera abantu cyane mu bashakanye bakagenda babahugura bishobora kugira icyo bifasha mu gukemura amakimbirane yo mu miryango.'

    Bishop Gatabazi Alfred wari uhagararayiriye Rwanda Religious Initiative, yavuze ko aya mahugurwa yateguwe kugira ngo barebere hamwe ingamba zo kubaka umuryango nyarwanda biciye mu madini n'amatorero.

    Ati 'Twaje muri aka karere guhura n'abanyamadini kugira ngo turebere hamwe ingamba zo kubaka umuryango nyarwanda biciye mu madini n'amatorero.'

    Uwahawe amahugurwa Pasiteri Kabagema Modeste, waturutse mu itorero rya AEBR, yavuze ko bari basanzwe batanga inyigisho zo kurwanya amakimbirane ariko ubu bagiye kongeramo imbaraga nyinshi.

    Ati 'Tugomba kugira imbaraga dushyiramo ku buryo byibuze buri teraniro tunyuzamo ijambo ryo kugabanya ihohoterwa no kugabanya amakimbirane mu miryango, twe nk'abayobozi tugafasha akarere ku biganya.'

    'Tugomba kujya dushyiramo inyigisho kuko turazifite haba mu ijambo ry'Imana kuko akenshi iyo twigisha Abanyarwanda tuba dushaka ko bagira imiryango myiza izira amakimbirane, ubwo twahuguwe tugiye kongeramo imbaraga mu buryo twahuguraga.'

    Umuyobozi w'Akarere ka Gatsibo Wungirije Ushinzwe Imibereho Myiza Kantengwa Mary, yavuze ko amadini n'amatorero bayitezemo igisubizo kirambye ku kibazo cy'amakimbirane yo mu miryango.

    Ati 'Amadini n'amatorero turayabonamo ibisubizo ku makimbirane ari mu ngo kuko duhuriye ku bantu, babita abakirisitu n'abayisilamu twe tukabita abaturage twese iyo duhurije kuri wa muntu twese tubashakira iterambere ni imbaraga ziba zihuriye hamwe.'

    'Izi ni imbaraga tubonye zo gukemura ikibazo cy'ihohotera riri mu miryango bizakemura byinshi, niduhagurikira hamwe iki kibazo kizakemuka tugire umuryango muzima.'

    Abanyamadini n'amatorero ni bamwe mu bantu bafite aho bahuriye bya hafi n'abaturage, bisobanuye ko bashyize imbaraga mu kurwanya amakimbirane byatanga umusaruro.

    Kuba abanyamadini baba hafi y’abaturage cyane, bibaha ubushobozi bwinshi bwo kuba bagira uruhare mu guhangana n’amakimbirane yo mu miryango

    Umuyobozi w’Akarere ka Gatsibo Wungirije Ushinzwe Imibereho Myiza Kantengwa Mary, yavuze ko amadini n'amatorero bayitezemo igisubizo kirambye ku kibazo cy'amakimbirane yo mu miryango

    Umuyobozi w’Akarere ka Gatsibo Wungirije Ushinzwe Imibereho Myiza Kantengwa Mary

    Kanyambo Jackson, yavuze ko abanyamadini n'amatorero bakwiye kongera imbaraga mu nyigisho batanga zijyane no kurwanya amakimbirane abera mu miryango

    Source : http://igihe.com/amakuru/u-rwanda/article/gatsibo-hagaragajwe-ko-amakimbirane-yo-mu-miryango-yaba-amateka-abanyamadini

  • Ross Barkley wa Chelsea yasohowe nabi mu kabari kubera gusinda agasahinda [AMAFOTO] #rwanda #RwOT

    Ross Barkley w'imyaka 27 umaze guhamagarwa mu ikipe y'Ubwongereza inshuro 33 yanyoye inzoga nyinshi arasinda kuwa Kane w'iki cyumweru ubwo yari yasohokanye n'inshuti ye muri The May Fair Hotel iherereye mu mujyi wa London rwagati.

    Mu mashusho yafashwe n'uwari mu kabari k'iyi hoteli,Ross uhembwa ibihumbi 100 by'amapawundi ku cyumweru,yagaragaye ari gusohorwa hanze nabi n'abashinzwe umutekano.

    Yagragaye kandi ari gukora mu maso umukiriya bari kumwe ubwo yari hafi y'urugi.umwe mu bari bahari yavuze ko Barkley yasutse ibitutsi ku bari hafi aho ubwo yagwaga hasi ari kugerageza guhaguruka.

    Amaze kugezwa hanze,Barkley yananiwe guhaguruka abifashwamo n'abantu ndetse ipantaro ye yari yamanutse hagaragara umwenda we w'imbere wa Pink.

    Uyu mukinnyi yasebeye imbere y'abantu 100 bari muri May Fair kubera agasembuye yari yanyoye nkuko abatangabuhamya babibwiye The Sun.

    Umwe yagize ati 'Ross Barkley yari yatakaye.Bwa mbere namubonye ari gushwana n'umuntu mbere y'uko asohorwa hanze. Ross Barkley yasabwe gusohoka neza ariko yaje kwanga asohorwa nabi.

    Abashinzwe umutekano bamuherekeje bamugeze ku muryango munini.Yari yasinze.Bashwanye.Bumvanye imitsi kugeza ubwo abasore b'ibigango bamutaye hanze.Ama taxi amwe yanze kumutwara kubera yari yasinze cyane.Byari biteye isoni.

    Biteye agahinda kuba umukinnyi w'Ubwongereza yitwara kuriya mu bantu.Abafana n'abakiri bato baba bamufatiraho icyitegererezo.Ntabwo akwiriye kwitwara mu buryo bugayitse kuriya.'

    Iyi myitwarire ya Ross Barkley yaje ikurikira ko uyu mukinnyi atakoreshejwe mu mukino Aston Villa yatsinzemo Tottenham 2-1.

    Barkley wahoze akinira Everton yerekeje muri Chelsea kuri miliyoni 15 z'amapawundi muri 2018 ariko ntabwo yitwaye neza.



    Source : http://umuryango.rw/imyidagaduro/imikino/article/ross-barkley-wa-chelsea-yasohowe-nabi-mu-kabari-kubera-gusinda-agasahinda

  • Amahindure ya Nyiragongo yangije hegitari eshatu mu Rwanda –

    Mu ijoro ryo ku wa 22 Gicurasi 2021 nibwo ikirunga cya Nyiragongo cyongeye kuruka nyuma y’uko cyaherukaga kuruka mu 2002.

    Iruka ry’iki kirunga ryangije byinshi muri Repubulika Iharanira Demokarasi ya Congo cyane cyane mu duce two mu majyaruguru y’iki kirunga aho cyarukaga kigana.

    Guverineri w’Intara y’Iburengerazuba, Habitegeko François yabwiye RBA ko iki kirunga cyanangije hegitari eshatu z’ubutaka bwo guhingaho mu Rwanda. Ubutaka bwangijwe n’iruka ry’iki kirunga ni ubwo mu Kagari ka Rukoko, Umurenge wa Rubavu mu Karere ka Rubavu.

    Umwe mu baturage batuye muri aka gace witwa Nshimiyimana Albert yabwiye IGIHE ko batangiye kubona ko ibyo iki kirunga cyarutse byageze mu mirima yabo mu rukerera rwo kuri iki Cyumweru.

    Ati “Ibi bintu twabibonye ahagana saa kumi n’ebyiri n’igice. Twagiye kubona, tubona biturutse ruguru, natwe twabirebaga turi mu misozi. Byirukankaga cyane byagendaga nk’ibikoma.”

    Yakomeje avuga ko ibyo iki kirunga cyarutse byangije imyaka yabo, ngo ndetse kubera ubwoba bahise bahungira ku musozi wa Rubavu.

    Ati “Muri iyi mirima yacu hari hahinzemo ibijumba n’ibishyimbo ariko byose byagendeyemo. Tukimara kubibona twahunze turara ku musozi wa Rubavu, no muri iriya misozi yindi.”

    Minisitiri w’Ubutegetsi bw’Igihugu, Gatabazi Jean Marie Vianney yavuze ko hatakwemezwa neza ko iki kirunga cyarangije kuruka, avuga ko barakomeza gukorana n’abahanga ndetse no kureba uburyo abo cyagizeho ingaruka bakomeza gufashwa.

    Ati “Ku bijyanye n’ibirunga abahanga muri ibyo nibo bashobora kumenya niba cyarangije kuruka cyangwa se niba nta zindi ngaruka zishobora kuziramo nyuma ariko twe icyo tureba hano mu gihugu ni ugukomeza kwitegura ku buryo biramutse bibaye ngombwa ko twakira abandi nabo twabakira.”

    Ubwo umunyamakuru wa IGIHE yageraga muri aka gace ku gicamutsi cyo kuri iki Cyumweru, yasanze hari ibice by’iyi mirima bigicumbamo umwotsi.

    Gusa nubwo Nyiragongo isa n’iyacogoye, Umushakashatsi mu by’ibirunga, Dr Dyrckx Dushime yabwiye IGIHE ko umuntu atabiheraho ngo yanzure ko itaribwongere kuruka ngo kuko mu gihe haba hakomeje kuba imitingito isaha n’isaha iki kirunga cyakongera kikaruka.

    Yavuze ko kuva mu 2010 ibikoma bishyushye (Magma) byuzuye mu nda y’iki kirunga ku buryo icyo kiba kibura gusa ari imbarutso yatuma kiruka, aheraho asaba abatuye Umujyi wa Rubavu w’uwa Goma gukomeza kuba maso.

    Ibikoma byarutswe n’iki kirunga byangije imirima y’abaturage mu Karere ka Rubavu

    Zimwe mu nsina zahiye n’imyaka irarengerwa

    Byageze ku gicamunsi cyo kuri iki Cyumweru mu mirima y’aba baturage hakigaragara umwotsi

    Bamwe mu baturage bagiye gutora ibi bikoma byari byamaze kuma byavuyemo amakoro

  • Gatsibo: Hagaragajwe ko amakimbirane yo mu miryango yaba amateka abanyamadini babigizemo uruhare –

    Akarere ka Gatsibo ni kamwe mu turere dukunze kugaragaramo amakimbirane yo mu miryango akenshi abyara ubwicanyi bwa hato na hato kubagize umuryango.

    Abenshi basanga abanyamadini n’amatorero nk’abantu bahora hafi y’abaturage bakwiye gufata iya mbere mu kurwanya ihohoterwa rikorerwa mu ngo ribyara amakimbirane.

    Umuturage wo mu Karere ka Gatsibo, Kanyambo Jackson, yavuze ko abanyamadini n’amatorero bakwiye kongera imbaraga mu nyigisho batanga zijyane no kurwanya amakimbirane abera mu miryango.

    Ati “Abanyamadini n’amatorero buri gihe barigisha ariko bakwiye kongeramo imbaraga, begera abantu cyane mu bashakanye bakagenda babahugura bishobora kugira icyo bifasha mu gukemura amakimbirane yo mu miryango.”

    Bishop Gatabazi Alfred wari uhagararayiriye Rwanda Religious Initiative, yavuze ko aya mahugurwa yateguwe kugira ngo barebere hamwe ingamba zo kubaka umuryango nyarwanda biciye mu madini n’amatorero.

    Ati “Twaje muri aka karere guhura n’abanyamadini kugira ngo turebere hamwe ingamba zo kubaka umuryango nyarwanda biciye mu madini n’amatorero.”

    Uwahawe amahugurwa Pasiteri Kabagema Modeste, waturutse mu itorero rya AEBR, yavuze ko bari basanzwe batanga inyigisho zo kurwanya amakimbirane ariko ubu bagiye kongeramo imbaraga nyinshi.

    Ati “Tugomba kugira imbaraga dushyiramo ku buryo byibuze buri teraniro tunyuzamo ijambo ryo kugabanya ihohoterwa no kugabanya amakimbirane mu miryango, twe nk’abayobozi tugafasha akarere ku biganya.”

    “Tugomba kujya dushyiramo inyigisho kuko turazifite haba mu ijambo ry’Imana kuko akenshi iyo twigisha Abanyarwanda tuba dushaka ko bagira imiryango myiza izira amakimbirane, ubwo twahuguwe tugiye kongeramo imbaraga mu buryo twahuguraga.”

    Umuyobozi w’Akarere ka Gatsibo Wungirije Ushinzwe Imibereho Myiza Kantengwa Mary, yavuze ko amadini n’amatorero bayitezemo igisubizo kirambye ku kibazo cy’amakimbirane yo mu miryango.

    Ati “Amadini n’amatorero turayabonamo ibisubizo ku makimbirane ari mu ngo kuko duhuriye ku bantu, babita abakirisitu n’abayisilamu twe tukabita abaturage twese iyo duhurije kuri wa muntu twese tubashakira iterambere ni imbaraga ziba zihuriye hamwe.”

    “Izi ni imbaraga tubonye zo gukemura ikibazo cy’ihohotera riri mu miryango bizakemura byinshi, niduhagurikira hamwe iki kibazo kizakemuka tugire umuryango muzima.”

    Abanyamadini n’amatorero ni bamwe mu bantu bafite aho bahuriye bya hafi n’abaturage, bisobanuye ko bashyize imbaraga mu kurwanya amakimbirane byatanga umusaruro.

    Kuba abanyamadini baba hafi y’abaturage cyane, bibaha ubushobozi bwinshi bwo kuba bagira uruhare mu guhangana n’amakimbirane yo mu miryango

    Umuyobozi w’Akarere ka Gatsibo Wungirije Ushinzwe Imibereho Myiza Kantengwa Mary, yavuze ko amadini n’amatorero bayitezemo igisubizo kirambye ku kibazo cy’amakimbirane yo mu miryango

    Umuyobozi w’Akarere ka Gatsibo Wungirije Ushinzwe Imibereho Myiza Kantengwa Mary

    Kanyambo Jackson, yavuze ko abanyamadini n’amatorero bakwiye kongera imbaraga mu nyigisho batanga zijyane no kurwanya amakimbirane abera mu miryango

  • Green Party irifuza ko umubare w’Abadepite wiyongera, abayobozi b’inzego z’ibanze bo bagaturuka mu mashyaka –

    Ubusanzwe Inteko Ishinga Amategeko y’u Rwanda, igizwe n’abadepite 80 n’abasenateri 26.

    Ishyaka rya Green Party, kuri uyu wa Gatandatu tariki ya 22 Gicurasi 2021 mu kiganiro ryagiranye n’itangazamakuru, ryatangaje ko ryifuza ko umubare w’Abadepite wiyongera bakava kuri 80 bakaba nibura 100 kugira ngo barusheho kuzuza inshingano bakorera abaturage.

    Komiseri Ushinzwe Politiki muri Green Party, Me Hitimana Sylvestre yagize ati “UbundiAbadepite impamvu bajyaho mu gihugu kigendera kuri demokarasi ni ukureberera inyungu z’abaturage kugira ngo imibereho n’iterambere by’igihugu bizamuke; rero nka Green party byose turabireba kuko kongera Abadepite birashoboka.”

    Perezida wa Green Party akaba n’Umudepite mu Nteko Ishinga Amategeko, Dr Frank Habineza, yavuze ko umubare w’abadepite ukwiye kwiyongera bijyanye n’uko abaturage biyongereye.

    Ati “ Kugira ngo abaturage bahagarirwe mu nteko neza byasaba ko nibura n’umubare w’Abadepite wakwiyongera, abadepite 80 bagenwe mu 2003, ubu imyaka irenga 20 irashize kandi n’umubare w’abaturage wariyongereye ku buryo twifuza ko umubare w’abadepite wagera ku 100.”

    Dr Habineza yanavuze ko amatora yo mu nzego z’ibanze yajya abaho hashingiye ku mutwe wa politiki aho kwiyamamaza umuntu ku giti cye.

    Ati “Duhereye ku matora mu nzego z’ibanze, turifuza ko mu matora hari ibigomba guhinduka. Amatora mu nzego z’ibanze akajya ashingira ku mitwe ya politiki kuko abantu biyamamaza bagaragaza ko ari ku giti cyabo ariko nyuma bikaza kugaragara ko bahagarariye imitwe runaka ya politike mu nzego z’Akarere no mu murenge.”

    Dr Frank Habineza yongeyeho ko banifuza ko imitwe ya politiki yajya ihagararirwa mu Nama Njyanama zitandukanye yaba iz’Utugari n’iz’Imirenge ndetse n’Uturere kugira ngo demukarasi ibe yashinga imizi.

    Perezida wa Green Party akaba n’umudepite mu Nteko Ishinga Amategeko, Dr Frank Habineza, aganira n’itangazamakuru

    Komiseri ushinzwe politiki muri Green Party, Me Hitimana Sylvestre

    Bamwe mu bayoboke b’Ishyaka Green Party bitabiriye ikiganiro n’abanyamakuru

  • Abaturage b'i Goma muri Kongo barishimira uburyo bakiriwe mu Rwanda ubwo bahahungiraga muri izi mpera z'icyumweru, ikirunga cya Nyiragongo kirimo kuruka. Baboneyeho kwamagana Martin Fayulu na Denis Mekwege bavuga ibinyoma ku Rwanda. #rwanda #RwOT

    Muri izi mpera z'icyumweru ikirunga cya Nyiragongo cyarutse kiganisha mu mujyi wa Goma no mu nkengero zawo, bituma abaturage basaga 5000 bahungira i Rubavu mu Rwanda. Nubwo mu Rwanda hari amabwiriza yo kwirinda icyorezo cya Covid-19 kandi abaturanyi bo muri Repubulika Iharanira Demokarasi ya Kongo bakaba batayubahiriza uko bikwiye, ntibyabujejije Leta y'u Rwanda kubafungurira umupaka kugirango ubuzima bwabo budatwarwa n'iruka rya Nyiragongo.

    Bakigera mu Rwanda , nk'uko bisanzwe mu muco w'Abanyarwanda, abo bavandimwe bo muri Kongo bakiranywe urugwiro, bahabwa iby'ibanze nk'amazi n'ibiribwa, ibikoresho by'isuku,n'ibindi, banashyirwa ahantu barindiwe umutekano. Mu gitondo cyo kuri iki cyumweru Nyiragongo yari yacishije make, bituma abo Banyekongo batangira gusubira iwabo. Leta y'uRwanda yongeye kubakorera ibintu byabakoze ku mutima, ubwo yatangaga amabisi yo kubatwara, aho gukubita amaguru basubira mu byabo.

    Dr Dennis Mukwege urajwe ishinga no guharabika u Rwanda

    Ku mbuga nkoranyambaga abo Banyekongo bagaragaje amarangamutima, bashimira ibikorwa by'ubumuntu Abanyarwanda babagaragarije. Baboneyeho kwamagana abanyapolitiki b'iwabo babateranya n'uRwanda, babinyujije mu byegeranyo n'amadisikuru abiba urwango, kandi mu by'ukuri Abanyarwanda n'Abanyekongo, cyane abaturiye umupaka w'ibihugu byombi, ngo basangiye gupfa no gukira.

    Uwo abenshi bagarutseho ni Martin Fayulu wigeze kwiyamamariza kuyobora Kongo ariko agatsindwa na Félix Tshisekedi. Uyu Fayulu akunze kumvikana atuka uRwanda, arushinja uruhare mu bibazo byose biba muri Kongo. Usanga atishimiye kuba ibihugu byombi bikora ibishoboka ngo umubano ube mwiza. Aba Banyekongo bamwibukije ko ubwo Abanyarwanda bashyashyanaga bagoboka ababahungiyeho, we ntacyo yakoze ngo abatabare cyangwa abatabarize, maze bamusaba kureka ibinyoma n'imvugo zirimo ubwenge buke.

    Undi Abanyekongo batarebeye izuba, ni Dr Denis Mukwege, nawe wumvikanye kenshi ashinja uRwanda imfu z'Abanyekongo, maze kuri twitter n'izindi nkoranyambaga, yibutswa ko Leta y'uRwanda yirirwa aharabika, yamurushije guha agaciro ubuzima bw'abari mu kaga. Bagize bati:'Amahirwe ni uko uRwanda rutajya ruha agaciro amagambo yabyu mabi. Kwirirwa murutukira kuri BBC na RFI ntibirubuza gukora igikwiye'
    Uwitwa Dr AWAZI nawe yanditse yamagana abanyapolitiki bateranya Abanyekongo n'abanyarwanda, yibutsa ko atari ubwa mbere uRwanda rutabara Abanyekongo ngo kuko no muw'2002 ubwo nanone Nyiragongo yarukaga, impunzi nyinshi zahungiye I Rubavu na Musanze, kandi zifatwa neza cyane.

    Dr Awazi ati:'Icyo gihe Guverinoma ya Kongo yari yanshinze guhuza ibikorwa by'ubutabazi. Inkunga zose zavaga mu Rwanda zitanzwe na Leta y'icyo gihugu, abagiraneza b'abanyarwanda n'imiryango itari iya Leta ikorera mu Rwanda.'

    Hari kandi German Kazadi Kayembe we wagize ati:'Abatuka uRwanda kenshi ni abataruzi bakurikira buhumyi abanyapolitiki b'abagome. Uramutse ugeze mu Rwanda wabona ikinyuranyo. Ubuyobozi bw'uRwanda bukorera mu mucyo, nta ruswa nk'iba iwacu, abasirikari n'abapolisi bafite ikinyabupfura. Twime amatwi ibinyoma bya Fayulu ka Mukwege'
    Simplice Kipangala we ati:' Mu gihe uRwanda rugaragaza umuhate n'umutima wo gufasha, iwacu baba bahugiye mu gusahura imitungo y'abahunze.

    Imfashanyo nta na rimwe ziragera kubo zagenewe.Dushimiye intambwe Abanyarwanda bamaze gutera mu myumvire n'imikorere, kandi tugire ubutwari bwo kubigiraho'
    Muri make rero,abaturanyi koko ni 'abazimyamuriro'. Abirirwa bahembera inzangano hagati y'abavandimwe bakwiye kwamaganwa cyane.

    Nubwo ntawakwifuza ko ingorane zibaho, ariko zinabaye zikwiye kuba umwanya wo kuvanaho urwikekwe no kwerekana ko ibivugwa n'abanyapolitiki nka Martin Fayulu na Denis Mukwege ari amateshwa.

    The post Abaturage b'i Goma muri Kongo barishimira uburyo bakiriwe mu Rwanda ubwo bahahungiraga muri izi mpera z'icyumweru, ikirunga cya Nyiragongo kirimo kuruka. Baboneyeho kwamagana Martin Fayulu na Denis Mekwege bavuga ibinyoma ku Rwanda. appeared first on RUSHYASHYA.

    Source : https://rushyashya.net/abaturage-bi-goma-muri-kongo-barishimira-uburyo-bakiriwe-mu-rwanda-ubwo-bahahungiraga-muri-izi-mpera-zicyumweru-ikirunga-cya-nyiragongo-kirimo-kuruka-baboneyeho-kwamagana-martin-fa/?utm_source=rss&utm_medium=rss&utm_campaign=abaturage-bi-goma-muri-kongo-barishimira-uburyo-bakiriwe-mu-rwanda-ubwo-bahahungiraga-muri-izi-mpera-zicyumweru-ikirunga-cya-nyiragongo-kirimo-kuruka-baboneyeho-kwamagana-martin-fa

  • Green Party irifuza ko umubare w'Abadepite wiyongera, abayobozi b'inzego z'ibanze bo bagaturuka mu mashyaka – #rwanda #RwOT

    Ubusanzwe Inteko Ishinga Amategeko y'u Rwanda, igizwe n'abadepite 80 n'abasenateri 26.

    Ishyaka rya Green Party, kuri uyu wa Gatandatu tariki ya 22 Gicurasi 2021 mu kiganiro ryagiranye n'itangazamakuru, ryatangaje ko ryifuza ko umubare w'Abadepite wiyongera bakava kuri 80 bakaba nibura 100 kugira ngo barusheho kuzuza inshingano bakorera abaturage.

    Komiseri Ushinzwe Politiki muri Green Party, Me Hitimana Sylvestre yagize ati “UbundiAbadepite impamvu bajyaho mu gihugu kigendera kuri demokarasi ni ukureberera inyungu z'abaturage kugira ngo imibereho n'iterambere by'igihugu bizamuke; rero nka Green party byose turabireba kuko kongera Abadepite birashoboka.'

    Perezida wa Green Party akaba n'Umudepite mu Nteko Ishinga Amategeko, Dr Frank Habineza, yavuze ko umubare w'abadepite ukwiye kwiyongera bijyanye n'uko abaturage biyongereye.

    Ati ' Kugira ngo abaturage bahagarirwe mu nteko neza byasaba ko nibura n'umubare w'Abadepite wakwiyongera, abadepite 80 bagenwe mu 2003, ubu imyaka irenga 20 irashize kandi n'umubare w'abaturage wariyongereye ku buryo twifuza ko umubare w'abadepite wagera ku 100.'

    Dr Habineza yanavuze ko amatora yo mu nzego z'ibanze yajya abaho hashingiye ku mutwe wa politiki aho kwiyamamaza umuntu ku giti cye.

    Ati 'Duhereye ku matora mu nzego z'ibanze, turifuza ko mu matora hari ibigomba guhinduka. Amatora mu nzego z'ibanze akajya ashingira ku mitwe ya politiki kuko abantu biyamamaza bagaragaza ko ari ku giti cyabo ariko nyuma bikaza kugaragara ko bahagarariye imitwe runaka ya politike mu nzego z'Akarere no mu murenge.'

    Dr Frank Habineza yongeyeho ko banifuza ko imitwe ya politiki yajya ihagararirwa mu Nama Njyanama zitandukanye yaba iz'Utugari n'iz'Imirenge ndetse n'Uturere kugira ngo demukarasi ibe yashinga imizi.

    Perezida wa Green Party akaba n'umudepite mu Nteko Ishinga Amategeko, Dr Frank Habineza, aganira n’itangazamakuru

    Komiseri ushinzwe politiki muri Green Party, Me Hitimana Sylvestre

    Bamwe mu bayoboke b’Ishyaka Green Party bitabiriye ikiganiro n’abanyamakuru

    Source : http://igihe.com/amakuru/u-rwanda/article/green-party-irifuza-ko-umubare-w-abadepite-wiyongera

  • Batanu muri FERWAFA beguye #rwanda #RwOT

    Mu nama y’inteko rusange idasanzwe ya FERWAFA yiga k’ubwegure bw’uwari perezida wa FERWAFA, Rtd Brig Gen Sekamana Jean Damascene, abandi batanu bari muri Komite Nyobozi ye beguye.

    Abeguye ni Mukangoboka Christine wari ushinzwe umupira w’abagore, Nshimiyimana Alexis Redemptus wari ushinzwe iterambere ry’umupira w’abato, IP Ntakirutimana Diane wari ushinzwe umutekano, Ruhamiriza Eric wari ushinzwe amarushanwa na Dr Hakizimana Moussa wari ushinzwe ubuvuzi.

    Iyi nama yabaye kuri iki Cyumweru tariki ya 23 Gicurasi 2021 ibera muri Lemigo Hotel guhera saa 9:00′.

    Ingingo yo kwigwaho yari ukwemeza ubwegure bwa perezida wa FERWAFA, bwaje kwemezwa.

    Nyuma nibwo hahise hanemezwa ubwegure bw’abandi bakomiseri 5 bari muri iyi Komite Nyobozi.

    Komite Nyobozi ikaba isagayemo abantu bane badashobora gufata icyemezo nk’uko amategeko abiteganya, amatora ya Komite Nyobozi nshya ya FERWAFA akaba yashyizwe ku wa 27 Kamena 2021.

    Ku munsi w’ejo nibwo twari twabagejejeho inkuru y’uko muri iyi nteko rusange benshi bashobora kwegura.

    Komite Nyobozi ya FERWAFA, abeguye n’abasigaye

    Uretse perezida wa FERWAFA Rtd Brig Gen Sekamana Jean Damascene weguye mbere abandi ni;

    1. Habyarimana Matiku MarceL (Espoir FC)_ Visi Perezida
    2. Kankindi Anne Lise Alida (Rambura WFC)- Komisiyo y’imari (yasabwe kwegura)
    3. Rwankunda Quinta (Giticyinyoni FC)- Komisiyo ya marketing (yasabwe kwegura)
    4. Nshimiyimana Alexis Redamptus (Miroplast Fc) Komisiyo y’Iterambere ry’umupira w’amaguru (yeguye)
    5. Ruhamiriza Eric (La Jeunesse)- Komisiyo y’amarushanwa (yeguye)
    6. Mukangoboka Christine (Isonga FC)- Komisiyo y’umupira w’abagore (yasabwe kwegura none yeguye)
    7. Hakizimana Moussa (AEFR)- Komisiyo y’ubuvuzi (Yeguye)
    8. Ntakirutimana Diane (Police FC) Komisiyo y’umutekano na fair-play(Yeguye)
    9. Gumisiriza Hilary (United Stars)- Komisiyo y’amategeko (yasabwe kwegura)

    Benshi muri Komite Nyobozi ya FERWAFA bamaze kwegura

    Source : http://isimbi.rw/siporo/article/batanu-muri-ferwafa-beguye