Inama y’abaminisitiri yayobowe na Perezida Paul Kagame kandi yafatiwemo ibyemezo bihagarika bimwe mu bikorwa byari bimaze iminsi bikora nk’imihango y’ubukwe yaba iyo gusezerana mu nsengero no gusaba no gukwa.
Aya mabwiriza mashya kandi agena ko ingendo zibujijwe guhera saa moya z’umugoroba (19:00′) kugeza saa kumi za mu gitondo (04:00′).
UKWEZI.RW
Kuri uyu wa Mbere, Ndayisaba Fabrice Foundation(NFF) yatangije icyumweru cyo kwibuka abana n’ibibondo mu mashuri bazize Jenoside yakorewe Abatutsi muri Mata 1994.
Ni ku nshuro ya 10 Ndayisaba Fabrice Foundation itegura igikorwa cyo kwibuka abana n’ibibondo bazize Jenoside yakorewe Abatutsi mu karere ka Kicukiro, kuri iyi nshuro iki gikorwa cyatangirijwe mu kigo cy’amashuri y’incuke cya Fondasiyo Ndayisaba Fabrice(Ecole Maternelle Fondation Ndayisaba Fabrice).
Kuri uyu wa Mbere, abana bahawe ubutumwa ku nsanganyamatsiko igira iti 'Kwibuka n’imikino'. Ni mu buryo bwo kwibuka abana n’impinja bishwe muri Jenoside, binyuze mu mikino bakundaga gukina, harimo nko kwiruka, gukina agati, umupira w’amagaru, imikino y’amaboko, agatambaro k’umwana kari he, n’indi.
Muri iki cyumweru cyo kwibuka, buri gitondo mbere yo gutangira amasomo, abana bazajya bahabwa ubutumwa bujyanye no kwibuka aho buzajya bumara umuniota 1, ni mu gihe cy’akaruhuko(break) abana bazajya bakina imikino itandukanye ariko bahabwa ubutumwa bwo kuzirikana bagenzi babo.
Umuyobozi wa NFF, Ndayisaba Fabrice yavuze ko bateguye iki gikorwa ariko hubahirizwa amabwiriza yo kwirinda icyorezo cya Coronavirus.
Ati 'Twabiteguye bigendanye n’uko turi mu bihe bitoroshye byo kwirinda Covid-19. Abana rero barakina imikino idatuma begerana ari benshi, mu rwego rwo kwirinda kunyuranya n’amabwiriza'.
Iki cyumweru cyo kwibuka kikaba kizasozwa tariki ya 25 Kamena 2021 gisorezwe mu kigo cy’amashuri Ecole Primaire Saint Joseph.
Imibare itangazwa na Komisiyo y’Igihugu yo kurwanya Jenoside (CNLG), ivuga ko muri Jenoside yakorewe Abatutsi, hapfuye abagera kuri 1,074,056, muri bo abarenga ibihumbi 230 bakaba bari abana bari munsi y’imyaka icyenda.
Ejo ku Cyumweru Tariki ya 20 Kamena 2021 Patient Bizimana na Karamira Uwera Gentille bitegura kurwubaka nk'umugabo n'umugore berekanywe mu rusengero.
Ejo ku Cyumweru ni bwo aba bombi berekanwe bwa mbere mu rusengero rwa Evangelical Restoration Church (ERC) Masoro, Patient asanzwe ateraniramo.
Intambwe yo kwerekanwa kw'abasore n'inkumi bitegura kurushinga iri mu z'ibanze zibanziriza umuhango wo gusezeranira imbere y'itorero. Kiba kigamije no gushimangira ko abagiye kurushinga ari indakemwa mu mico n'imyifatire kandi abanyetorero babitangamo ubuhamya.
Mu materaniro yo ku Cyumweru ni bwo Patient Bizimana na Uwera Gentille bamaze igihe bari mu rukundo berekanwe imbere y'abakirisitu ba ERC Masoro.
Ni igikorwa cyabaye hifashishijwe ikoranabuhanga mu kwirinda ikwirakwira rya Coronavirus. Hahamagarwaga couple imwe ku yindi hanyuma hakerekanwa ifoto yabo.
Ni ikimenyetso gisa n'icyerekanaga ko bishimiye kubona umukunzi w'uyu muhanzi uri mu bafite izina rikomeye mu muziki uhimbaza Imana w'u Rwanda.
Nubwo nta tariki iratangazwa y'igihe Patient Bizimana azarongorera, kuba ari mu rutonde rw'abaranzwe ni icyerekana ko uyu mwaka uzasiga atakiri mu busiribateri.
Source : https://yegob.rw/bidasubirwaho-patient-bizimana-agiye-kurongora-reba-umukobwa-bagiye-kurushinga/
Ubwo abandi bibukaga umunsi mpuzamahanga wahariwe ababyeyi b’abagabo babashimira ibyo babakoreye, umubyinnyi mpuzamahanga w’umunyarwandakazi Sherrie Silver we yawufashe asuka agahinda hasi afite bitewe n’uko mu mezi abiri ashize yabuze uwo yafataga nka se, ariko ngo Imana yaramuhumurije.
Ku munsi w’ejo hashize ku Cyumweru tariki ya 20 Kamena, wari umunsi mpuzamahanga wo kwizihiza ababyeyi b’abagabo, hari abagize amahirwe yo kuba bakibafite bashoboye kubabwira amagambo meza yo kubashimira no kubibutsa ko ari ab’ingenzi.
Sherrie Silver yawifashishije avuga ahahinda afite n’umubabaro byo kuba se wa nyina yaritabye Imana mu mezi 2 ashize, ni mu mashusho yanyujije kuri Isntagram, aho avuga ko ari wo munsi mubi yagize kuva yavuka.
Ati ' Ni wo munsi mubi cyane nagize mu buzima bwanjye. Iyaba umubabaro wica, sinari kuba nkiriho. Nirutse urugo rwose mu mvura nambaye ibirenge.'
Sherrie Silver avuga ko yakomerewe no kureba n’amaso ye uyu mugabo yafataga nk’inshuti ye y’akadasohoka ariko yamuvugisha ntamusubize kuko yari yashizemo umwuka.
Ati ' Ndabyibuka muvugisha ariko we ntansubize, ntibyigeze bimbaho mbere. Nkamubaza kuki uri kunyihorera ntunsubize? Ugira agahinda kuko uba wumva yanze kukuvugisha ariko ni Imana iba yafashe icyemezo ko igihe cye cyarangiye.'
Muri aka gahinda kose, Sherrie Silver ahamya ko yavuganye n’Imana ikamukomeza imufasha kwakira ibyamubayeho.
Ati ' Ibi ntabwo biri kuri wowe cyangwa umuryango wawe ahubwo natwaye umuhungu wanjye kandi Imana ifite uburenganzira bwo kubikora. Imana yarambwiye ngo icyo nkoze cyose ngikorana urukundo kandi inzira zanjye zirenze uko mutekereza.”
Yababije Imana ati' Kuki watwara umuntu abandi bakunda? Aho niho Imana yavuze ko umugabo wa mama ari mu ijuru. Yabayeho mu buzima bw’ukuri reka mutware atarahura n’ibigeragezo, Imana yakwemera kugutwara ukiri muto kugira ngo ubane nayo mu ijuru.”
Sherrie Silver ntabwo yagize amahirwe yo kumenya se kuko yapfuye nyina akimutwite, iki gikomere hakaba hiyongereyeho icyo kuba uwo yafatanga nk’umubyeyi we babanaga mu Bwongereza aho we na nyina batuye.
Nyuma y'uko abakinnyi b'ikipe ya Mukura Victory et Loisirs, Iragire Saïdi na Lucky Emmanuel bahagaritswe, kuri ubu baribaza ikigomba gukurikiraho nyuma y'ihagarikwa ryabo.
Nyuma y'ukwezi kumwe bamwe mu bakinnyi ba Mukura VS bahagaritswe, bakandikirwa amabaruwa avuga ko imyitwarire yabo ikemangwa;muri batanu bari bahagaritswe, batatu bagarutse mu mwiherero abandi babiri n'ubu ntibazi impamvu batahamagawe kimwe na bagenzi babo bari bahagarikiwe rimwe.
Abakinnyi batanu bari bahagaritswe, ni Lucky Emmanuel, Iragire Saïdi, Mutijima Janvier, Duhayindavyi Gaël na Olih Jacques.
Nyuma Niragire Saïdi ugifite umwaka umwe muri iyi kipe, yasabye Ubuyobozi kumurekura cyangwa bukamukura mu gihirahiro ariko kugeza magingo aya nta gisubizo arahabwa.
Amakuru ahari ariko avuga ko , aba bakinnyi bahembwa nk'abakozi ba Mukura VS ariko n'ubu batarabwirwa icyo bajijijwe bahagarikwa.
Iragire Saïdi ngo yanasabye ubuyobozi ko bwamubwiza ukuri kugira ngo amenye niba atifuzwa ariko amaso yaheze mu kirere.
Iragire Saïdi yari yasinye amasezerano y'imyaka ibiri muri Mukura VS ariko umwaka we wa mbere ntabwo yahiriwe kuko yakinnye imikino mike. Andi makuru ahari ariko avuga ko uyu myugariro atarahabwa amafaranga ye yose ya 'recrutement.'
Hahize iminsi ibiri Perezida w'Amerika Joe Biden n'umugore we Jill Biden batangaje urupfu rw'imbwa yabo bakundaga yitwa Champ yo mu bwoko bw'izikomoka mu Budage, yari imaranye na bo imyaka 13.
Perezida Biden abinyujije kuri Twitter ku wa gatandatu yanditse avuga ko  umuryango we  wabuze umuherekeza wabo bakundaga ariwe  Champ. Kandi ko bazamukumbura.
Iyi mbwa y'impwerume yari imwe muri ebyiri ziba hamwe n'umuryango wa Biden mu nyubako y'ibiro bya perezida w'Amerika bya White House, indi ihaba ikaba yitwa Major.
Yari yaranabaye  i Washington ubwo Bwana Biden yari Visi Perezida.
Perezida Biden yagize ati 'Mu bihe byacu by'ibyishimo byinshi cyane no mu minsi y'akababaro kenshi cyane, yari ahari ari kumwe natwe, yita kuri buri byiyumviro byacu tutavuze ndetse no ku mbamutima zacu'.
'Dukunda umuhungu wacu mwiza kandi tuzamukumbura buri gihe'.
'N'igihe imbaraga za Champ zari zimaze kugabanuka mu mezi ye ya nyuma, igihe cyose twageraga mu cyumba, yahitaga ako kanya ahaguruka, umurizo we wizunguza buri gihe, akadukorakora ashaka gukorwa ku gutwi cyangwa ku nda'.
'Aho twabaga turi hose, yashakaga kuhaba, ikintu cyose cyahitaga kimubera cyiza kurushaho iyo yabaga aturi iruhande'.
Iyi mbwa yitwaga Champ yarikiri  ikiri ntoya, ubwo Joe Biden yari Visi Perezida, yabaga inezerewe cyane iyo yabaga yirukanka inyuma y'imipira y'umukino wa golf mu busitani bw'imbere ya [y'inyubako] Naval Observatory cyangwa yirukanka igiye gufata abuzukuru ba Biden iyo babaga barimo kwiruka mu rugo rwabo rwari ruherereye  i Delaware, nkuko umuryango wa Biden wabivuze.
Kugera muri White House kwa Champ na Major  iyi ikaba ari imbwa y'imyaka itatu yari yarahuye n'ibibazo umuryango wa Biden ukayifata ngo uyiteho mu 2018  kwabaye igihe imbwa zongeye kuba muri White House nyuma yuko byari byahagaze ku butegetsi bw'uwari Perezida Donald Trump.
Â
Source : https://yegob.rw/75772-2/
Ubu buzima ni bwo babayemo umunsi ku wundi nyamara siko byahoze, kuko bari basanzwe batuye muri Uganda n’ababyeyi babo baza kugira ibyago se arapfa umuruho utangira ubwo.
Bavuga ko nyuma y’urupfu rwa se nyina yababwiye ko bakwiye kujya mu Rwanda kuko ari ho akomoka, gusa yaje kubasiga ababwiye ko agiye kubikuza amafaranga barategereza baraheba.
Mu kiganiro bagiranye na Radio 1, bavuze ko bavanye na nyina i Kampala bagiye kuba mu Karere ka Gicumbi bahageze nyina abasiga mu icumbi bari bahawe
n’umukecuru wabakiriye, ababwira ko agiye kubikuza amafaranga ariko baramutegereza baraheba maze wa mukecuru yimutse bigira mu muhanda.
Umwe yagize ati “Twabaga muri Uganda papa ararwara, arapfa, mama aravuga ngo sinabasiga i Kampala mwenyine, atuzana ino aha adushyira ahantu mu nzu aravuga ngo agiye kubikuza kugeza n’ubu ntaragaruka.”
Yakomeje avuga imibereho iteye agahinda babamo mu buzima bwa buri munsi, asaba ubuyobozi bw’akarere kubafasha bakabona aho kuba.
Umuyobozi wungirije ushinzwe imibereho myiza y’abaturage mu Karere ka Gicumbi, Mujawamariya Elisabeth, yabwiye IGIHE ko ikibazo cy’aba bana batari bakizi ariko kigiye gukurikiranwa bagashakirwa aho kuba bagasubizwa no mu ishuri.
Ati “Icyo kibazo ntitwari tukizi kuko hari abana baba bari mu muhanda, ubu rero tugiye kugikurikirana tureba niba nta muryango bafite tubashakire uko babaho. Bagomba no gusubira mu ishuri ubwo ni uburenganzira bwabo.”
Abana bajya mu buzima bwo mu muhanda usanga kenshi baba bafite ibibazo byo mu miryango bakomokamo, iyo badakurikiranwe bakuza ingeso mbi zangiza ahazaza habo n’ah’igihugu muri rusange.
Umuhango wo gutanga izi mpamyabumenyi wabaye kuri uyu wa 18 Kamena 2021. Ni umuhango witabiriwe n’abanyeshuri bake bari bahagarariye abandi mu rwego rwo kwirinda icyorezo cya COVID-19.
Abanyeshuri bahawe impamyabumenyi ni abasoje amasomo mu mwaka w’amashuri wa 2020 muri Akilah Institute, rimwe mu mashami agize Davis College and Akilah rifite umwihariko w’uko ryigwamo n’abakobwa gusa.
Perezida wa Davis College w’agateganyo, Paul Swaga yavuze ko aba banyeshuri barangije amasomo yabo, kaminuza ibizeyemo ubushobozi bwo guhangana ku isoko ry’umurimo.
Ati “Mbitezeho byinshi cyane kubera ko twabateguye neza kandi ndabizi ko bagiye guhindura aho ariho hose bazakorera kandi ndagira ngo mbabwire ko hari abafite imishinga bagiye gukoraho kugira ngo ive mu bitekerezo ijye mu bikorwa. mbitezeho cyane.”
Swaga yakomeje avuga ko yizeye ko abakobwa bahawe impamyabumenyi bazagira uruhare mu guhindura ubuzima bwa bagenzi babo.
Ati “Nk’uharanira uburenganzira bw’abagore n’abakobwa kandi nziko bagiye guhindura ubuzima bwa bagenzi babo bari hanze batigeze bagira amahirwe yo kuza muri Davis College na Akilah kwiga. Nibatangira ibikorwa byabo by’ubucuruzi buto bazabasha guhindura ubuzima bw’abandi bagore bari aho batuye binyuze mu buryo bwo kubafasha kubona icyo bakora bakinjiza amafaranga.”
“Ku bazakorera mu bigo batandukanye biri hano hanze bazabasha kugira ibyo bahindura kuko muri Davis College na Akilah duha abanyeshuri bacu ubumenyi bwose bakeneye.”
Elisabeth Dearborn Davis uri mu bashinze Davis College and Akilah wanakurikiranye uyu muhango wo gutanga impamyabumenyi yifashishije ikoranabuhanga, yashimiye aba banyeshuri uburyo baranzwe no kunga ubumwe no mu bihe bya COVID-19.
Ati “Mwerekanye ko mufite imbaraga no kudahungabana mwakomeje gukundana no gufashanya hagati yanyu muri ibi bihe biteye ubwoba ndetse murakura mu bijyanye n’ubuyobozi no kuzana impinduka, uyu wabaye umwaka w’impinduka kuri twese.
Turabashimira ko mwakomeje guhatana no mu bihe bikomeye
Umunyabanga wa Leta muri Minisiteri y’Uburezi Ushinzwe Amashuri y’Imyuga n’Ubumenyengiro, Irere Claudette wari n’umushyitsi mukuru muri uyu muhango yashimiye aba banyeshuri basoje amasomo yabo kubera ukuntu bakomeje kurangwa n’umurava no mu bihe bya COVID-19.
Yagize ati ” Wabaye umwaka ukomeye kuri twe ndetse uba umwaka ukomeye kurushaho ku rwego rw’uburezi by’umwihariko nk’uko mwese mubizi. Kubasha guhagarara aha mwishimira uyu muhango wo gutanga impamyabumenyi mu buryo bw’ikoranabuhanga kuri benshi muri twe bisa n’ibidasanzwe, mwarakoze cyane ku bwo gukomeza guhatana no gutuma twese tunyurwa n’ibyo mwakoze.Ku buyobozi bwa Davis College and Akilah mwarakoze gufasha abasoje amasomo yabo muri ibi bihe bishobora kuba ari bimwe mu bikomeye.”
Nirere yashimiye Davis College and Akilah kubera uburyo yakomeje gufasha abanyeshuri bayo kwiga mu bihe bya COVID-19 hifashishijwe ikoranabuhanga.
Ku ruhande rw’abahawe impamyabumenyi bavuze ko ari ibyishimo bikomeye kuba babashije gosoza amasomo nyuma y’ibihe bikomeye banyuzemo.
Iqra Naeem yagize ati “Ndumva nishimye cyane, ndumva nezerewe kuko tubigezeho, ndibuka ibintu bikomeye twanyuzemo, amajoro twamaze tutaryama ndishimye kandi ndumva nejejwe na bagenzi banjye barangije amasomo.”
Ibyavuzwe na Iqra Naeem byunzwemo na Mari Grace Ishimwe wavuze ko muri Akilah Institute yahakuye ubumenyi buzamubera impamba.
Ati “Bwa mbere nkihagera narishimye cyane kuko naje kubona ko ari ahantu heza hatandukanye n’izindi kaminuza. Nabashije kwigira, mbasha gutinyuka ndenga abavuga ko umukobwa atakwiga ikoranabuhanga ariko naje kubasha kujya ku isoko ry’umurimo ubu nkaba ndi guhatana nabo.”
Yakomeje avuga ko ubumenyi yahawe buzamufasha guhangana ku isoko ry’umurimo kandi akitwara neza.
Ati “Batwigishije gutinyuka no kureba kure no gusesengura ibiri hanze ugamije gushaka igisubizo wazana ku bibazo bihari, nka njye wize ikoranabuhanga hari ibisubizo byinshi nshaka kuzana kandi niteguye guhatana n’abandi bari ku isoko kandi nizeye ko bizagenda neza.”
Kuva muri Mutarama 2010 Akilah Institute for Women yashingwa, ni ku nshuro ya munani itanga impamyabumenyi ku bayirangijemo. muri Nzeri 2020 iri shuli ryigisha abakobwa ryaje kunguka irindi ryigisha abahungu n’abakobwa rizwi nka Davis College, guhera iki gihe byose bifata izina rya Davis College and Akilah.
Ange Kagame ni umukobwa rukumbi wa Perezida Kagame na Madamu Jeannette Kagame. Muri Nyakanga 2019 ni bwo yashyingiwe, maze ku wa 19 Nyakanga 2020 yibaruka umukobwa w’imfura ye.
Ntabwo akunze kugaragara mu itangazamakuru, gusa yifashisha imbuga nkoranyambaga ze, cyane cyane Twitter, agasangiza abarenga ibihumbi 276 bamukurikira ibitekerezo bye ku ngingo zinyuranye.
Mu mashusho yashyizwe hanze n’Ishami ry’Umuryango w’Abibumbye ryita ku Bana, Unicef, ishami ry’u Rwanda; uyu mubyeyi yasangije bagenzi be amasomo y’ingenzi bakwiriye kwitaho, yafasha mu mikurire y’ubwonko bw’umwana.
Ange Kagame yavuze ko imyaka ya mbere y’ubuzima bw’umwana ari ingenzi kuko ari yo igena imikurire ye.
Ati “Imyaka ya mbere y’ubuzima bw’umwana ni ingirakamaro kubera ko ibyo ahura na byo n’imibanire ye n’abandi bantu b’ingenzi kuri we, ari bimwe mu bigena imikurire y’ubwonko bwe.”
Yavuze ko ibi birenga gukura gusa, ahubwo bikagira n’ingaruka ku myigire y’umwana. Ati “Uyu musingi wo mu myaka ya mbere kandi ugira ingaruka ku buzima bw’umuntu bwose ari mu myigire, imigenzereze, imiterere ndetse n’ubuzima bwo mu mutwe.”
Mu gufasha abana mu bijyanye n’imikurire y’ubwonko bwabo, Ange Kagame yavuze ko ababyeyi bakwiye kugira umwanya wo gukina n’abana babo kandi bakamenya ko kubikora ari ngombwa.
Ati “Abana bahora bakina kandi bakigira mu mikino. Indi mibanire n’abandi ibafasha mu mikurire, ariko kamere y’umwana ni cyo gikorwa cy’ibanze, birumvikana ko niba umwana atabonye indyo yuzuye, cyangwa akaba adafite ubuzima, bizamugora gukina.”
“Umwana atangira gukina akivuka. Mu ntangiriro, impinja zivumbura ibigize ubuzima zikoresheje ingingo z’ibyiyumviro. Gukina bituma umwana abasha kwimenya, akamenya n’abandi. Nyuma, impinja zigenda zivumbura ibintu biri hafi yazo.”
Ikindi ngo gifasha umwana mu mikurire y’ubwonko bwe ni uko ababyeyi bamufasha binyuze mu cyitwa “kwigana”.
Ati “Icy’ingenzi ababyeyi bashobora gukora mu gufasha ubwonko bw’umwana gukura neza harimo kumenya umwana, kumusobanukirwa cyangwa gusobanukirwa ibyo akenera ndetse no kongera ubusabane bw’umwana nk’uko abahanga babyise ubusabane bwo kwiganana”.
Yuvuze ko kwigana ari nk’umukino. Akamaro k’ubwo busabane ni uko umwana agusekera, agakora ikimenyetso, noneho umubyeyi cyangwa se undi muntu mukuru umwegereye akamwigana akora ibyo umwana yatangiye akora.
Ati “Urugero, umwana uvugije urusaku, umubyeyi na we aramwigana. Umwana yatunga agatoki ku kintu, umubyeyi na we akareba aho umwana amweretse ndetse na we agatungayo urutoki. Aha ni ho bishingira ko mwese mujya muri icyo gikorwa icyarimwe.”
Yabwiye ababyeyi kandi ko kwiganana atari ibintu bihita byikora iyo ukibigerageza bwa mbere ariko yemeza ko uko ugenda ubikora, birushaho kuba byiza ku mpande zombi, ni ukuvuga ku mwana no ku mubyeyi.
Ange Kagame yavuze ko gukina bifasha umwana kuba yavumbura ibintu bishya kuko uko agenda akina ari nako agenda yiyubakamo ubushobozi bwo gusobanukirwa byinshi bishya.
Ati “Kuri buri mwana muto, ni byiza ko ibintu byose by’ingenzi abyiga binyuze mu mikino. Gukina ni ukuvumbura, gukina, ni ukugerageza ibintu, mu kugerageza ikintu kimwe ubona n’ikindi gishoboka. Gukina ni ukugerageza kwiyubakamo ubushobozi bwo gusobanukirwa uko Isi iteye.”
Ange Kagame kandi yavuze ko mu myaka ibiri ya mbere y’ubuzima, umwana yiga ku buryo bubiri bw’ibanze. Gusa ngo ku ruhinja ruto, icyitabwaho ni ubusabane n’umubyeyi, kureba no gukoresha amajwi.
Ati “Ubwa mbere, ni ugukina n’abantu bakuru. Abana bakunda kurebera ku byo abantu bakuru bakora. Umuntu mukuru ugendagenda, uririmba, useka cyangwa ubabwira inkuru. Ni ingenzi kandi ko ababyeyi bombi, umubyeyi w’umugabo n’umugore bakina n’umwana wabo.”
Ange Kagame yavuze ko ubundi buryo bwa kabiri ari na bwo bw’ingenzi bubaho igihe umwana akinisha ibintu binyuranye n’iyo akina n’abana bo mu kigero cye.
Yavuze ko ku babyeyi by’umwihariko gukina bishobora gukorwa mu gihe bari konsa cyangwa barimo kugaburira umwana, igihe cyo kumuhindurira imyenda cyangwa se igihe cyo kumwuhagira.
Ati “Ibi byose ni ibikorwa by’ubusabane no kwiga hagati y’abana n’abantu bakuru. Ababyeyi bakwiye kwiyumvisha ko iyo usekeye umwana akagusubiza udakwiye kugarukira aho ahubwo ukomerezaho mugakina, icyo gihe uba wubaka imikoranire hagati y’ingirangingo zigize ubwonko bw’umwana.”
Ange Kagame nyuma yo kwibaruka imfura, yavuze ko magingo aya ari umubyeyi “unyuzwe”.
Ubu butumwa bwe bujyanye no kwita ku buzima bw’umwana, buhuye na gahunda igihugu cyimakaje yo gukuza imibereho y’umwana cyane mu myaka y’ubuto bwe, ku buryo akura ameze neza mu gihagararo no mu mitekerereze.
Ku munsi w’ejo hashize ku Cyumweru tariki ya 20 Kamena, umuhanzi w’indirimbo zo guhimbaza Imana, Patient Bizimana yerekanywe mu rusengero na Karamira Uwera Gentille bitegura kurushingana.
Uyu muhango wabereye mu rusengero Patient Bizimana asanzwe asengeramo rwa Evangelical Restoration Church (ERC) Masoro.
Ni umuhango wabaye hifashishijwe uburyo bw’ikoranabuhanga mu rwego rwo kwirinda icyorezo cya Coronavirus, aho bageze mu mwanya wo kwerekana abazashyingiranwa bakavuga couple imwe imwe bakerekana ifoto yabo, ni bwo buryo Patient Bizimana na Gentille berekanywemo.
Uyu akaba ari umuhango ubanziriza gisezerana imbere y’Imana aho bikorwa mu rwego kugira ngo niba hari abafite impamvu zatuma abo bombi badasezerana bazazitange mbere y’ubukwe.
Ntabwo haramenyekana itariki y’ubukwe bwabo, ariko aba bombi bagiye gusezerana imbere y’Imana nyuma y’imyaka 2 basezeranye imbere y’amategeko kuko muri Kamena 2019 basezeraniye mu Karere ka Rubavu.
