Webrwanda Backend

Category: Uncategorized

  • AMAFOTO : Amafi apima toni zirenga 100 yo muri Muhazi yapfuye urupfu rutunguranye #rwanda #RwOT

    Aya mafi abarirwa muri toni 110 arimo toni 100 zo mu kiyaga cya Muhazi mu Murenge wa Munyiginya na toni 10 zo mu Murenge wa Musha, yabonetse mu gitondo cyo kuri uyu wa Gatanu, tariki ya 2 Nyakanga 2021.

    Umukozi w’Akarere ka Rwamagana ushinzwe Ishami ry’Ubworozi, Niyitanga Jean de Dieu, yavuze ko ariya mazi yazize ukwihinduranya kw’amazi kwatewe n’umuyaga mwinshi watumye mu kiyaga hazamuka gaz yitwa Amonia.

    Iyi gaz ngo iza iyo amazi yibirinduye ikazamuka iturutse hasi ku mazi. Iyi gaz y’uburozi iterwa n’umwanda w’amafi uba ujya hasi, ngo iyo habayeho ikintu gituma yihindura bituma umwuka uba muke mu kiyaga amafi akazamuka hejuru ngo afate umuyaga bikarangira apfuye.

    Ati 'Ku itangiriro zijya hejuru gushaka umwuka zikasama, iyo rero zasamye zikabura umwuka zigenda zicika intege zimanuka hasi zigahura na ya gaz zigapfa.'

    Niyitanga yavuze ko kugeza ubu bamaze kumenya amakuru y’aborozi babiri b’amafi harimo uwapfushije ibihumbi icumi apima amagarama guhera kuri 500 n’ikilo, undi wororera mu Murenge wa Munyiginya we ngo yapfushije toni 100.

    Yakomeje asobanura ko amafi yapfuye muri ubwo buryo aba yangiritse ku buryo hatagira umuntu wayarya kuko yamutera ikibazo.

    Source : http://www.ukwezi.rw/mu-rwanda/Amakuru-anyuranye/article/AMAFOTO-Amafi-apima-toni-zirenga-100-yo-muri-Muhazi-yapfuye-urupfu-rutunguranye

  • Menya uko isanduku yo gushyinguramo imibiri y’abazize Jenoside igomba kuba iteye #Rwanda #RwOT via @kigalitoday #rwanda #RwOT

  • Umujyi wa Kigali wafunze ku Iposita kuko bo bakomeje gukora ari 100% #rwanda #RwOT

    Ubuyobozi bw’umujyi buvuga bwasanze hari ubucucike bukabije kuko abacuruzi bakoraga ari 100% mu gihe amabwiriza mashya aheruka kujyaho agena ko imibare itagomba kurenga 50%.

    Inyubako ifite iki gikari kizwi nko ku Iposita, yitwa Citizen Corner, ikaba yafunzwe mu gihe kingana n’iminsi 7 ndetse nyirayo akaba yahanishijwe gutanga amande y’ibihumbi 300 Frw.

    Ubuyobozi bw’Akarere ka Nyarugenge gaherereyemo iriya nyubako, bwibutsa ko kurenga ku mabwiriza yo kwirinda COVID-19 bigira ingaruka ku buzima bw’umuntu ndetse n’Igihugu.

    Amabwiriza ahererutse gushyirwaho na Guverinoma y’u Rwanda yatangiye kubahirizwa ku wa Kane tariki 01 Nyakanga 2021, agena ko ibikorwa by’ubucuruzi bizakomeza ariko ababyitabira ntibarenze 50 y’abari basanzwe bahakorera.

    Ibikorwa by’ubucuruzi bisa nk’aho ari byo byitaweho cyane mu mabwiriza mashya aheruka kuko mu Mujyi wa Kigali no mu Turere umunani, ibiro byose byaba ibya Leta n’iby’abikorera byafunzwe ubu abakozi bakaba bakorera mu rugo.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umujyi-wa-Kigali-wafunze-ku-Iposita-kuko-bo-bakomeje-gukora-ari-100

  • Wa mufana w'ikipe y'Ubusuwisi uherutse guca ibintu yongeye gukora agashya muri stade ubwo ikipe ye yatsindwaga – YEGOB #rwanda #RwOT

    Source : https://yegob.rw/wa-mufana-wikipe-yubusuwisi-uherutse-guca-ibintu-yongeye-gukora-agashya-muri-stade-ubwo-ikipe-ye-yatsindwaga/

  • Ba Gitifu b’Utugari babiri bafatiwe mu tubari bahanywera inzoga #Rwanda #RwOT via @kigalitoday #rwanda #RwOT

    Abafashwe barimo uwitwa Rurangirwa Jerome, Umunyamabanga Nshingwabikorwa w’Akagari ka Nyagahinga, Umudugudu wa Kigabiro, Umurenge wa Rwamiko mu Karere ka Gicumbi.

    Polisi ikorera muri ako Karere, ubwo yari mu bugenzuzi bwo kureba uko amabwiriza yo kwirinda Covid-19 yubahirizwa, nibwo yatahuye uyu Munyamabanga Nshingwabikorwa w’ako Kagari arimo anywa inzoga n’abandi baturage bikingiranye mu Kabari k’uwitwa Cyuzuzo J.Paul w’imyaka 24 y’amavuko na we wafashwe hamwe n’abandi bantu 3 bari kumwe na gitifu ubu bose bakaba bafungiye kuri Polisi Sitasiyo ya Bukure.

    Nanone kandi ibi bisa n’ibyabereye mu Karere ka Rulindo, mu Murenge wa Ntarabana Akagari ka Kiyanza Umudugudu wa Nyagisozi, aho Polisi n’inzego bafatanya mu kugenzura iyubahirizwa ry’amabwiriza yo kwirinda Covid-19, basanze Umunyamabanga Nshingwabikorwa w’Akagari ka Kiyanza witwa Byamungu Martin ari mu kabari k’umuyobozi w’Umudugudu wa Nyagisozi witwa Niyonsaba Vincent w’imyaka 38 na we warimo gucuruza inzoga.

    Abaturage bari muri ako kabari bahise biruka ndetse n’umuyobozi w’umudugudu ahita atoroka n’ubu akaba agishakishwa. Ni mu gihe Umunyamabanga Nshingabikorwa w’Akagari ka Kiyanza, Byamungu Martin, ubu afungiye kuri Sitasiyo ya Polisi ya Murambi.

    Muri iki gihe Covid-19 ikomeje gukaza umurego aho buri muturage wese asabwa kubahiriza amabwiriza yo kwirinda iki cyorezo, hari bamwe bakomeje kubirengaho, bagafatwa na Polisi n’izindi nzego zitandukanye, bari mu bikorwa bishyira ubuzima bwabo n’ubw’abandi mu kaga, birimo kutambara agapfukamunwa kandi neza ndetse no kujya mu tubari tutemewe.

    CIP Alex Ndayisenga ushinzwe guhuza ibikorwa bya Polisi n’Abaturage(Community Policing) mu Ntara y’Amajyaruguru, yibutsa ko inzego z’ibanze zifite inshingano zo kugenzura ko aya mabwiriza yubahirizwa.

    Aboneraho kunenga abakomeje kugaragara mu bikorwa bidakwiriye nko kujya mu tubari tutemewe bagasangira n’abaturage bashinzwe gukangurira kwirinda ndetse no kugenzura ko byubahirizwa.

    Yagize ati: “Umuyobozi akwiye kubera intangarugero abo ayobora. Uwagiye mu kabari katemewe abizi ndetse akanajyanamo n’abo ayobora biragoye ko haboneka umusaruro mwiza mu bukangurambaga turimo bwo kurwanya Covid-19. Ni yo mpamvu aba bayobozi bafashwe, bakaba bakurikiranyweho kutubahiriza amabwiriza yo kwirinda Covid-19 ndetse no kutuzuza inshingano bashinzwe”.

    Yongera ati: “Turasaba inzego z’ibanze nk’urwego rwegereye abaturage kongera imbaraga mu kwegera abaturage bashinzwe muri ibi bihe Covid-19 igaragaza ubukana, tubibutsa ko kuyobora abaturage bazima kandi batekanye ari inshingano zabo bakurikirane bagenzure ko amabwiriza yubahirizwa aho bayobora kandi Polisi irahari yiteguye kubafasha aho bayikeneye, tunasaba abaturage guhindura imyumvire no gukomeza kuduha amakuru y’aho amabwiriza atubahirizwa”.

  • RDC: Perezida Tshisekedi arateganya kwiyamamariza indi manda #Rwanda #RwOT via @kigalitoday #rwanda #RwOT

    Perezida Félix Tshisekedi
    Perezida Félix Tshisekedi

    Mu kiganiro yagiranye na Televiziyo y’igihugu (RTNC), ku wa Kane tariki 01 Nyakanga 2021, Perezida wa Repubulika iharanira Demokarasi ya Congo, Félix Tshisekedi yagize ati “Ku bijyanye no kuba nakongera kwiyamamaza mu 2023 … ndashaka gukomeza. Hari icyerekezo mfitiye iki gihugu, ndashaka kubona iki gihugu gihinduka, nizera ko dufite amahirwe n’uburyo bwo guhindura iki gihugu.”

    Ati “Sinshaka ko abantu batekereza ko kuva mfite iyo ntego, ngiye kwitwara nk’urimo kwiyamamaza. Igihe umurimo uzaba urangiye, tuzahindukira dusange abaturage tujye kubasaba amajwi”.

    Iminsi ibiri mbere y’icyo kiganiro yagiranye na RTNC, yari yagiranye ikindi kiganiro n’Ikinyamakuru Jeune Afrique. Iyo gihe Perezida Tshisekedi nabwo yavuze amagambo agaragaza ko yifuza kongera kwiyamamariza uwo mwanya. Yagize ati “Mfite uburenganzira bwo kuba nayobora manda ebyiri, kuki nagarukira mu nzira? Mfite icyerekezo ntegurira iki gihugu, ndashaka kugishyira mu bikorwa. Abaturage nibaramuka bemeye kumpa iyo manda ya kabiri, nzakomeza gahunda niyemeje. Nyuma nirangira nzahereze undi uzakurikiraho”.

    Itegeko Nshinga rya Repubulika Iharanira Demokarasi ya Congo, riteganya ko manda z’umukuru w’Igihugu zitagomba kurenga ebyiri, kandi manda imwe ikaba imara imyaka itanu(5).

    Félix Tshisekedi yatsinze amatora ya Perezida wa Repubulika mu kwezi k’Ukuboza 2018, arahirira kuyobora Congo-Kinshasa mu 2019, asimbuye Perezida Kabila Joseph kuri uwo mwanya. Icyo gihe ngo basinyanye amasezerano y’ubufatanye, ariko Perezida Tshisekedi yashyize iherezo kuri ayo masezerano mu Kwezi k’Ukuboza 2020. Uhereye ubwo, agenzura inzego zose z’icyo gihugu ku buryo busesuye.

    Abajijwe ku bijyanye n’umubano hagati y’igihugu cye n’ibihugu by’abaturanyi by’umwahiriko u Rwanda, Perezida Tshisekedi yavuze ko yahinduye uburyo nyuma y’imyaka y’umubano utari mwiza hagati ya Kinshasa na Kigali. Tshisekedi ati “Ni ngombwa kubana neza n’ibihugu duturanye no kubana na byo mu mahoro”.


  • Umukozi wa REG yafashwe yakira ruswa #Rwanda #RwOT via @kigalitoday #rwanda #RwOT

    Bazimaziki ubu afungiye kuri sitasiyo ya RIB ya Remera mu gihe hategurwa dosiye kugira ngo ishyikirizwe Ubushinjacyaha.

    RIB iributsa abaturarwanda ko ruswa ari icyaha kimunga ubukungu bw’Igihugu n’imitangire ya serivisi kandi kidasaza, igabasaba abantu gutanga amakuru bahamagara ku murongo utishyurwa ari wo 2040.

  • Uko Hakizimana Muhadjili wari mu biganiro na Rayon Sports yerekeje muri Police FC #Rwanda #RwOT via @kigalitoday #rwanda #RwOT

    Hashize igihe ikipe ya Rayon Sports yifuza gusinyisha rutahizamu Hakizimana Muhadjili wari umaze iminsi akinira ikipe ya AS Kigali, aho ikipe ya Rayon Sports yizeraga ko uyu ari wo mwaka mwiza wo kumusinyisha nyuma yo gusoza amasezerano y’umwaka umwe yari afite.

    Uyu mukinnyi mu mwaka ushize w’imikino ubwo yatandukanaga n’ikipe ya Emirates Fc yo muri Leta ZUnze Ubumwe z’Abarabu, aho nabwo yari yamaze kumvikana na Rayon Sports ariko bikarangira yerekeje muri AS Kigali.

    Hakizimana Muhadjili yamaze kwerekeza muri Police FC avuye muri AS Kigali akiniye umwaka umwe
    Hakizimana Muhadjili yamaze kwerekeza muri Police FC avuye muri AS Kigali akiniye umwaka umwe

    Ubu yari yamaze kumvikana na Rayon Sports, aho yagombaga kuyisinyira kuri uyu wa Gatandatu.

    Kuri iyi nshuro ikipe ya Rayon Sports yari imaze iminsi ikorana ibiganiro n’uyu mukinnyi ndetse byasaga nk’ibyarangiye hasigaye ko umukinnyi ashyira umukono ku masezerano byagombaga gukorwa kuri uyu wa Gatandatu.

    Amakuru atugeraho avuga ko ikipe ya Rayon Sports yari yumvikanye na Hakizimana Muhadjili ko aza kuyisinyira amasezerano y’imyaka ibiri ndetse banemeranyijwe ku mafaranga, impande zombi zinemeranya umushahara.

    Kuri uyu wa Gatanu, ni bwo Muhadjili yasubiye kureba abayobozi b’ikipe ya Rayon Sports, amakuru akavuga ko yahageze ibyo bari bumvikanye yabihinduye, byatumye ahita yerekeza mu ikipe ya Police Fc yamuhaye amasezerano y’umwaka umwe kuri Miliyoni 15 Frws, ndetse n’umushahara wa Miliyoni imwe.

    Si Rayon Sports gusa, ikipe ya AS Kigali nayo yifuzaga kuba yakongerera amasezerano Muhadjili ngo azanabafashe mu mikino ya CAF Confederation Cup bazahagarariramo u Rwanda, ariko birangira yerekeje mu ikipe ya Police FC.

    Gusa kugeza ubu ntabwo ikipe ya Police Fc yari yatangaza ku mugaragaro ko yasinyishije uyu mukinnyi, gusa inshuti za hafi y’uyu mukinnyi zemeza ko yamaze kwerekeza muri Police FC


  • Ubutumwa perezida wa FIFA yoherereje APR FC #rwanda #RwOT

    Perezida w’impuzamashyirahamwe y’umupira w’amaguru ku Isi ‘FIFA’, Gianni Infantino yoherereje ubutumwa ikipe ya APR FC ayishimira ko yegukanye igikombe cya shampiyona ya 2020-2021.

    Tariki ya 25 Kamena 2021, nibwo APR FC yegukanye igikombe cya shampiyona ya 2020-2021, hari nyuma yo kunyagira Rutsiro FC ibitego 6-0.

    Perezida wa FIFA, Gianni Infantino abinyujije kuri perezida wa FERWAFA, Nizeyimana Olivier, yandikiye APR FC ayishimira kubera igikombe cya FERWAFA yegukanye.

    Iyi baruwa iragira iti'Nshuti perezida, nyemerera nshimire APR FC kuba yeregukanye shampiyona y’u Rwanda 2020/21. Iki gikombe nta gushidikanya ko ari umusaruro wo gukora cyane, ishyaka no kwiyemeza, buri umwe mu ikipe ashobora guterwa ishema n’uyu musaruro w’ingenzi. Munshimirire buri wese wabigizemo uruhare, ndabashishikariza gukomeza gukorera hamwe nk’ikipe, kugira ishyaka no kwiyemeza.'

    'Mu izina ry’umuryango mpuzamaanga wa ruhago, reka mfatirane aya mahirwe mbashimire na federasiyo yanyu y’umupira w’amaguru uruhare rwanyu mu iterambere ry’umupira w’amaguru mu Rwanda, mu karere muri mo no ku Isi muri rusange.'

    Iki kikaba ari igikombe cya 19 APR FC yegukanye cya shampiyona mu mateka yayo, kikaba igikombe cya kabiri yegukanye idatsinzwe, ni nyuma y’icya 2019-2020.

    Ubu butumwa perezida wa FIFA, Infantino yoherereje APR FC, si umwihariko kuri yo kuko ni igikorwa FIFA ikunze gukora cyo gushimira ikipe yegukanye igikombe cya shampiyona mu bihugu bitandukanye.

    Gianni Infantino yashimiye APR FC

    APR FC yegukanye igikombe cya 19 cya shampiyona

    Source : http://isimbi.rw/siporo/article/ubutumwa-perezida-wa-fifa-yoherereje-apr-fc

  • Kamonyi: Abakozi 3 b'akarere na Rwiyemezamirimo batawe muri yombi na RIB #rwanda #RwOT

    Amakuru mpamo agera ku intyoza.com ni uko kuri uyu wa 02 Nyakanga 2021 abakozi batatu b'Akarere ka Kamonyi bakorera mu Murenge wa Nyamiyaga, barimo; Kontabure/umucungamutungo w'Umurenge, Gitifu w'Akagari n'Umuyobozi w'Ikigo cy'ishuri batawe muri yombi na RIB. Aba biyongeraho Rwiyemezamirimo nawe watawe muri yombi.

    Abatawe muri yombi, ni; Niyonzima Jean Rene ariwe Mucungamutungo/Comptable w'Umurenge wa Nyamiyaga, Mugenzi JMV wahoze ayobora GS Mukinga, ubu akaba ayobora EP Munyinya, Bizimana Innocent uyu ni Umunyamabanga Nshingwabikorwa w'Akagari ka Mukinga, hamwe na Mushoza Cyrille Rwiyemezamirimo mu iyubakwa ry'ibyumba by'amashuri.

    Itabwa muri yombi ry'aba bose uko ari bane ryabaye ku masaha atandukanye ndetse no mu buryo n'amayeri bitandukanye. Urugero ni nk'aho umwe muri aba ariwe Mucungamutungo w'Umurenge, amakuru agera ku intyoza.com avuga ko ngo yasabye Rifuti imodoka, asiga Moto ye ku murenge yanga kwicwa n'ivumbi riri mu mayaga, biza kurangira ya Rifuti yasabye imwinjije muri RIB.

    Amakuru kandi agera ku intyoza.com ku ifatwa ry'aba bose ni ay'uko ibyo bose bakurikiranyweho bifitanye isano n'ibibazo byakomeje kuvugwa mu iyubakwa ry'ibyumba by'amashuri mu Murenge wa Nyamiyaga, aho Urwego rw'Ubugenzacyaha RIB mu karere ka Kamonyi rumaze igihe rubikurikirana ndetse bo kimwe n'abandi batari bake bakaba baragiye barwitaba mu rwego rwo gutanga amakuru.

    Andi makuru agera ku intyoza.com ni uko nyuma y'itabwa muri yombi ry'aba bantu bane hari n'abandi RIB igishakisha. Gusa Umuvugizi w'uru rwego rw'Ubugenzacyaha-RIB, Dr. Murangira B. Thierry yabwiye umunyamakuru ko agikusanya amakuru. Amakuru yandi aboneka nayo turayatangaza.

    Munyaneza Theogene / intyoza.com

    Source : https://www.intyoza.com/kamonyi-abakozi-3-bakarere-na-rwiyemezamirimo-batawe-muri-yombi-na-rib/