Webrwanda Backend

Category: Uncategorized

  • Amaze gutakaza ibye byose! Icyo urusengero rw… – #rwanda #RwOT

    Umunyagambiyakazi Princess Shyngle wamamaye muri filimi yaba mu kuzikina no kuzitunganya, yagarutse k'ubuzima butangaje bw'inshuti ye magara umunyamidelikazi n'umukinnyi wa filimi muri Ghana Moesha.Umunyamideli ukomoka muri Gambia wibera ubu muri Leta Zunze Ubumwe z’Amerika akomeje kwibaza icyabaye ku nshuti ye magara Moesha

    Ibi akaba yabivuze nyuma y'amashusho ya Moesha atangaza ko yamaze kugurisha ibintu bye byose akanabikuza amafaranga yose yari kuri konti ye akagurisha imodoka ye ya Range Rover.

    Princess ati: 'Mwaba mwabonye uburwayi cyangwa ibyo yakorewe?' Aha yavugaga Moesha wamaze guhomba umutungo we wose anashyira hanze amajwi yumvikanisha Moesha amubwira ko yahaye ibye byose urusengero.Umunyamideli Moesha benshi bafata nka Kim Kardashian ukomeje guteza urujijo nyuma yo kugurisha ibye byose 

    Akomeza agira ati: 'Kuba byagera kuri uru rwego umuntu akitwara muri buno buryo agafata ibintu bye byose akabitanga ni ikibi'.

    Kubwe, Princess yagize ati: 'Bwa nyuma mvugana n'inshuti yanjye, ntekereza mfite ijwi rye reka ndibasangize, mwaryumva twaganiye hafi amasaha atatu abwira ko yamaze gutanga ibye byose mu rusengero.'

    Akomeza mu kiganiro agaragaza ko atazi neza icyo urusengero rwaba rwaramukoreye.Umunyagana Moesha Umunyagambiya Princess

     

    Source : https://inyarwanda.com/inkuru/107630/amaze-gutakaza-ibye-byose-icyo-urusengero-rwakoreye-umunyamideli-moesha-gikomeje-kuyoberan-107630.html

  • Kamonyi: Batatu bagwiriwe n’ikirombe barapfa – #rwanda #RwOT

    Ibi byabaye ahagana saa Munani z’amanywa yo ku wa Gatatu tariki 14 Nyakanga mu gihe bo bakuwemo saa Moya n’iminota 20 z’ijoro ryo ku wa 15 Nyakanga 2021.

    Abo iki kirombe cyagwiriye barimo uwitwa Ndaruhutse Jean Claude, Nsanzimana Daniel na Mugabe François.

    Ubwo aba bagabo uko ari batatu bagwirwaga n’ikirombe, abakozi b’iyi Koperative n’ubuyobozi bw’Umurenge wa Rukoma, bahise bagerageza kubakuramo ariko birabananira, bitabaza imashini y’iyi Koperative babageraho hashize umunsi bamaze gushiramo umwuka.

    Umunyamabanga Nshingwabikorwa w’Umurenge wa Rukoma, Nkurunziza Jean de Dieu, yabwiye IGIHE ko bagerageje gukuramo aba baturage bakimara kugwirwa n’iki kirombe ariko bibanza kubananira bitewe n’uko ahantu kiri hari ubutaka bworoshye.

    Ati “Nibyo barapfuye, cyabagwiriye ku wa Gatatu turabimenya tugerageza kubakuramo n’intoki biratunanira, twitabaza imashini y’abanyamuryango b’iyo Koperative biranga. Twasubiyeyo ejo saa Saba tuba ari bwo tubakuramo saa Moya n’iminota 19 z’ijoro.”

    Yongeyeho ko iyi koperative ikora mu buryo bwemewe n’amategeko, ashimangira ko iyi mpanuka yatewe n’uko iki kirombe giherereye ahantu hari ubutaka bworoshye cyane.

    Imirimo yo gutabara abagwiriwe n’ikirombe yasanze bamaze gushiramo umwuka

  • Rubavu: Gitifu w’umurenge yahagaritswe ashinjwa kwimisha inka umuturage – #rwanda #RwOT

    Umuyobozi w’Akarere ka Rubavu wungirije Ushinzwe Iterambere ry’Ubukungu, Nzabonimpa Déogratias, yemeje aya makuru, avuga ko bamuhagaritse amezi atatu kubera kutubahiriza inshingano ze agatanga amakuru y’ibinyoma.

    Ati “Twamuhagaritse mu buryo bw’imyitwarire, azamara amezi atatu. Akanama kabishinzwe kamusabiye guhagarikwa kuko hari amakosa yakoze mu rwego rw’akazi ubwo yayoboraga Umurenge wa Rugerero. Hari amakuru yatanze mu rukiko bituma umuturage atsindwa urubanza, ayo makuru yayateguriwe n’abandi kuva hasi baramubeshya.”

    Yakomeje avuga ko uyu Gitifu azamara amezi atatu adakora, atanahembwa.

    Ku ruhande rwa Nkurunziza Faustin, avuga ko ibyakozwe bidakwiriye kuko afite ibimenyetso byerekana ko arengana.

    Ati “Ni amatiku ntabwo ari ko biri, ariko muri za ndangagaciro twatojwe umuntu yirinda kuzana ibyo guhangana; iyo umuntu agufiteho ububasha afata icyemezo kiri mu bubasha bwe. Nabahaye ibisobanuro ndangije nshyiraho n’ibimenyetso byose bigaragaza ko ndengana mu nyandiko inzego zose zirabifite, nta kundi ikije uracyakira. Barinda kuvuga ngo umuntu yatsinzwe kubera amakuru namutangiye atari yo, ko ubundi yajuriye babonye ko ayo bo batanze yatumye atsinda?”

    Amakuru atugeraho ni uko umuturage witwa Niyonsaba Vestine wo mu Murenge wa Rugerero yigeze kwibwa inka, noneho iza kuboneka mu rugo rw’uwitwa Nkundabandi Charles, bivamo urubanza yaje gutsindwa biturutse kuri raporo ubuyobozi bw’umurenge bwakoze; yemezaga ko uyu muturage yahawe inka mu 2006 muri Gahunda ya Girinka, mu gihe we yavugaga ko yayihawe mu 2012.

    Ubushinjacyaha bwaje gusaba ko ubuyobozi bw’Akarere bwagaragaza igihe nyacyo uyu muturage yaherewe inka, bigaragara ko yayihawe mu 2013 bituma bahagarika Umunyamabanga Nshingwabikorwa w’Umurenge ndetse n’umuturage ahita anajurira muri uru rubanza.

    Nkurunziza Faustin wari Umunyamabanga Nshingwabikorwa w’Umurenge wa Kanzenze ashinjwa gutanga amakuru atari yo

  • Gitega: Umugabo n’umwana we bahiriye mu nzu bari batuyemo – #rwanda #RwOT

    Ahagana saa Tatu z’amanywa yo kuri uyu wa Gatanu, tariki ya 16 Nyakanga 2021, ni bwo inkongi y’umuriro yibasiye urugo rw’uyu mugabo ruherereye mu Kagari ka Kinyange.

    Kalisa wari kumwe n’umwana we nyuma yo kubura uko basohoka mu nzu, umuriro wabatwikiyemo barapfa.

    Iyi nkongi ikimara kwibasira inzu ya nyakwigendera Kalisa wakoraga akazi k’ubwarimu, abaturage bagerageje kuyizimya ndetse na polisi ihita iza irabafasha ariko babisoza uyu mugabo n’umwana we bamaze gupfa.

    Umunyamabanga Nshingwabikorwa w’Umurenge wa Gitega, Uzamukunda Anathalie, yabwiye IGIHE, ko batari bamenya icyateye iyi nkongi.

    Yagize ati “ Nibyo inzu yahiye, umugabo n’umwana we bahiramo gusa ntabwo nahamya ko ari umwarimu nk’uko bivugwa kuko umugore we yari atameze neza ngo atange amakuru.”

    Yakomeje avuga ko Polisi yahise itabara uru rugo rwibasiwe n’inkongi iraruzimya nubwo imodoka zayo zagowe no kurugeramo bitewe n’imiterere y’uyu murenge, aho inzu nyinshi zegeranye kandi inzira zizerekezayo zikaba ari nto cyane.

    Urwego rw’Igihugu rw’Ubugenzacyaha, RIB, rwatangiye iperereza kugira ngo hamenyekane icyateye iyi nkongi.

    Inzu yazimijwe ariko abatabaye basanga abari bayirimo bamaze kwitaba Imana

    Umugabo n’umwana we bahiriye mu nzu bari batuyemo ku Gitega mu Karere ka Nyarugenge

  • Minisiteri y’uburezi yasohoye amabwiriza y’ibizamini bya Leta mu bihe bya Guma mu rugo – #rwanda #RwOT

    Inama y’Abaminisitiri yo ku wa 14 Nyakanga 2021 yafatiwemo ingamba zikomeye zo gukumira ikwirakwira ry’icyorezo cya Covid-19 dore ko iki cyorezo gikomeje gukaza umurego mu gihugu. Muri ibyo byemezo hashyizweho Guma mu rugo mu Mujyi wa Kigali n’utundi turere umunani.

    Ayo mabwiriza akimara gusohoka abantu benshi bagize impungenge ku buryo ibizamini bizakorwa, niba koko abanyeshuri baburaga iminsi mike ngo babikore nyuma y’imyaka ibiri bari bamaze amasomo yabo agenda biguru ntege bagiye kongera kubyegeza inyuma.

    Kuri uyu wa Gatanu, tariki ya 16 Nyakanga 2021, Minisiteri y’Uburezi yashyizeho amabwiriza azagenderwaho mu gufasha abanyeshuri gukora ibizamini bya Leta nk’uko byari biteganyijwe.

    Muri iryo tangazo Minisiteri yasabye abanyeshuri bose ko ku wa 19 Nyakanga 2021 bitarenze saa Tatu za mu gitondo bazaba bageze ahateganyijwe gukorerwa ibizamini bagahabwa amabwiriza bazagenderaho.

    N’ubwo ibizamini bizatangira ku wa 20 Nyakanga 2021, ariko gahunda ya Guma mu rugo izaba imaze iminsi itatu itangiye, abanyeshuri rero basabwe kuva mu rugo bambaye impuzankano z’ishuri ndetse bakanitwaza amakarita yabo mu rwego rwo korohezwa mu ngendo aho zibujijwe.

    Hari bamwe mu banyeshuri biga bataha kandi kuva iwabo n’aho biga bakenera gutega, Minisiteri yasabye ko abifuza gutwara abanyeshuri kimwe n’imodoka zisanzwe zibatwara zizasaba uruhushya, zikemererwa kubafasha mu ngendo binyuze mu bufatanye na Polisi y’Igihugu na Minisiteri y’Uburezi.

    Amasaha yo gutwara abanyeshuri mu gitondo ni uguhera saa Kumi n’imwe n’igice (5:30 AM) kugeza saa Tatu n’igice (9:30 AM) na ho amasaha yo gutaha ni ukuva saa kumi (4:00 PM) kugeza saa Kumi n’ebyiri z’umugoroba (6:00 PM).

    Ku babyeyi bifuza gutwara abanyeshuri bagiye gukora ibizamini bya Leta, bashobora kubikora bakoresheje imodoka zabo mu masaha ateganyijwe ariko bakabisabira uruhushya rutangwa na Polisi y’Igihugu.

    Gusaba uruhushya bizabikorwa unyuze kuri [email protected] bitarenze ku Cyumweru, tariki 18 Nyakanga 2021.

    Mu Turere tutari mu Mujyi wa Kigali, Minisiteri yavuze ko ubuyobozi bwatwo bufatanyije n’abandi bafatanyabikorwa, buzahuza ibikorwa bijyanye n’ingendo z’abanyeshuri, abarimu n’abandi bakozi bajya cyangwa bava ahabera ibizamini bya Leta.

    Ku ruhande rw’abarezi n’abandi bakozi bazafasha mu bizamini bya Leta basabwe kuba bafite amakarita ajyanye n’iki gikorwa, kandi Ikigo cy’Igihugu gishinzwe Ibizamini n’Ubugenzuzi bw’Amashuri (NESA) kizakorana n’uturere mu gutanga ikarita iranga abakozi bazafasha muri iki gikorwa.

    -  Nta munyeshuri uzabuzwa gukora ikizamini

    Nk’uko byakunze kugarukwaho n’uruhande rwa Minisiteri y’Uburezi, nta munyeshuri uzavutswa amahirwe yo gukora ibizamini bya Leta kuko n’uzaba arwariye Covid-19 mu rugo cyangwa ku ishuri, Minisiteri ifatanyije n’inzego z’ubuzima n’ubuyobozi bw’ibanze bw’aho atuye azafashwa gukora ibizamini.

    Ibi si bishya kuko no ku bana bakoze ibizamini bisoza amashuri abanza bafashijwe bashyirirwaho uburyo bwihariye bwatumye bakora ibizamini kandi batanduje abandi.

    Birashoboka ko nk’uko byagenze ku banyeshuri biga mu mashuri abanza, aho abasaga 3000 batakoze byaba no ku bari gusoza ibi byiciro n’ubwo basa naho ari bakuru kandi bazi icyo gukora.

    Minisiteri yahamagariye buri mubyeyi cyangwa urera umwana uzakora ibizamini gukurikirana ko yitabiriye ku gihe no kumuha amafaranga y’urugendo n’ibindi byangombwa bimufasha gukora ibizamini neza harimo n’amafunguro cyane ko restaurants zitemerewe gukora mu bice byashyizwe muri Guma mu rugo.

    Abanyeshuri bazakora ibizamini bisoza amashuri y’icyiciro rusange n’ayisumbuye bashyiriweho amabwiriza abagenga bazubahiriza

  • Huye: Abarokotse Jenoside batishoboye bahawe inka, abacuruzi bahombejwe na Covid-19 baragobokwa – #rwanda #RwOT

    Ni igikorwa cyabaye kuri uyu wa Gatanu, tariki ya 16 Nyakanga 2021, mu Murenge wa Tumba. Hatanzwe inka umunani naho abacuruzi umunani bahombejwe na Covid-19 buri wese ahabwa ibihumbi 200 Frw. Hari abandi babiri bafite ababo biciwe kuri CHUB muri Jenoside, batewe inkunga y’ibihumbi 500 Frw kuri buri umwe.

    Umuyobozi Mukuru wa CHUB, Dr Sendegeya Augustin, yavuze ko ari igikorwa bagize ngarukamwaka mu rwego rwo gufata mu mugongo abarokotse Jenoside yakorewe Abatutsi no kubafasha kugira imibereho myiza n’iterambere.

    Ati “Ni igikorwa ngarukamwaka kikaba kimwe mu byo dukora mu rwego rwo kwibuka Jenoside yakorewe Abatutsi mu 1994. Icya mbere hari ukwibuka, icya kabiri ni ukuyirwanya (Jenoside) ariko icya gatatu ni no kureba abarokotse Jenoside bari mu buzima butari bwiza tukabafasha mu buryo bufatika.”

    Yavuze ko uyu mwaka batekereje kongeraho kugoboka abari bafite ubucuruzi bakagwa mu gihombo kubera icyorezo cya Covid-19.

    Kuva batangira iyo gahunda mu 2014 kugeza ubu bamaze gutanga inka 147 mu mirenge 10 yo mu Karere ka Huye kandi n’igikorwa bazakomereza n’ahandi.

    Uwamurera Letitia yahawe inka, avuga ko korora iryo tungo mu muryango we babiherukaga mbere ya Jenoside yakorewe Abatutsi. Yashimye imiyoborere myiza iri mu Rwanda, yemeza ko agiye kubaho neza we n’abana be kubera ko izabaha amata n’ifumbire.

    Yavuze ko inka yahawe ari isezerano ry’Imana kuko yabonye ikimenyetso kibigaragaza.

    Ati “Inka nahawe ntabwo nshidikanya ko ari isezerano kuko imibare ine iheruka ku iherena ryayo ingana n’imyaka mfite. 1979 ni yo mibare iheruka ku iherena ry’inka bampaye kandi ni bwo navutse. Mfite ibyishimo byinshi, aya marira ni ay’ibyishimo.”

    Kabera Vianney wahawe ibihumbi 200 Frw yavuze ko icyorezo cya Covid-19 cyahombeje ubucuruzi bwe bw’ibirayi, bityo ayo mafaranga ahawe agiye kuyakoresha mu kongera gucuruza.

    Ati “Ubuzima bugiye kongera gukomeza, ubu ngubu ngiye gucuruza nk’uko nacuruzaga ndebe n’indi mishinga nkora kuko amafaranga akora byinshi.”

    Umuyobozi w’Akarere ka Huye, Sebutege Ange, yashimiye ubuyobozi bwa CHUB n’abakozi baho, avuga ko igikorwa bakoze gishimangira ko buzuza inshingano zabo zijyaye n’ubuzima n’imibereho myiza.

    Ati “Ni igikorwa twishimira kuko inshingano zo guharanira ko abaturage b’aho CHUB ikorera bagira ubuzima bwiza biragaragara ko bazirimo neza kandi batanga urugero rwiza ku bindi bigo byose bikorera mu Karere ka Huye.”

    Zimwe mu nka CHUB yatanze mu myaka yashize zarabyaye inshuro zigera kuri eshatu zihindura imibereho y’abazihawe, boroza abandi aho imibare yerekana ko zimaze kurenga 300.

    Ibi bitaro bikora n’ibindi bikorwa birimo gutera inkunga imishinga iciriritse y’abarokotse Jenoside yakorewe Abatutsi, aho kuva mu 2014 kugeza ubu 2021 bamaze gutera inkunga imishinga ya miliyoni 14 Frw.

    Abahawe inka basabwe kuzifata neza kugira ngo zibahe umusaruro mwiza

    Bahawe inka nziza zitanga umukamo

    Guha inka abarokotse Jenoside ni igikorwa CHUB yagize ngarukamwaka

    Kuri iyi nshuro hatanzwe inka umunani ku barokotse Jenoside kugira ngo imibereho yabo ibe myiza

    Ni igikorwa cyakozwe hubahirizwa amabwiriza yo kwirinda Covid-19

    [email protected]

  • Painful testimony

    Source : https://agakiza.org/Painful-testimony????????his-family-was-killed-during-Christian-Persecution-in-8169-8169-8169-8169-8169.html

  • Ku myaka 13 yari London, Se atunze Miliyari $… – #rwanda #RwOT

    Icyamamare mu muziki Florence Ifeoluwa Otedola yavutse kuwa 11 Ugushyingo 1992 yamamaye nka Dj Cuppy. Ni umu Dj muri Nigeria akaba n'umukobwa w'umuherwe kabuhariwe muri Nigeria Femi Otedola utunze Miliyari 2 z'amadorali.Umunyanijeriyakazi w’icyamamare mu muziki ukomoka mu muryango w'abaherwe nawe akaba umuherwe utunze Miliyari zirenga eshatu mu manyarwanda yakuye mu mwuga we

    Yakuriye mu murwa mukuru wa Nigeria Lagos. Agize imyaka 13, yerecyeje i Londre mu murwa mukuru w'Ubwongereza. Yasoreje amashuri ye ikiciro cya kabiri muri kaminuza ya King's College muri Nyakanga 2014, akomereza muri Kaminuza ya New York mu cyiciro cya gatatu cya kaminuza aho yatangiriye mu mwaka wa 2015.

    Mu mwaka wa 2014, nibwo yatangiye umwuga wo kuvanga imiziki ku rwego mpuzamahanga ubwo yayoboraga ibihembo bya MTV Afrika byabereye mu mujyi wa gatatu ukomeye muri Afurika y'Epfo witwa Durban.Yamamaye mu kuvanga umuziki k'uruhando mpuzamahanga ubwo yayoboraga ibirori byabereye muri Afurika y'Epfo

    Mu wa 2014 kandi, yashyize hanze uruhurirane rw'indirimbo ze zivangavanze yise 'House of Cuppy' rwaciye ibintu muri London na Lagos mbere y'uko ayishyira hanze muri New York naho igahita ifata indi ntera, adatinze ategura indi ihurije hamwe indirimbo z'abahanzi b'abanyafurika bakora injyana ya Afropop.

    Yahise anatangiza inzu ireberera inyungu z'abahanzi mu mujyi wa London yitwa 'Red Velvet'. Muri Mutarama 2015, ari mubasohotse k'urupapuro rwa mbere rw'ikinyamakuru gisohoka mu buryo bw'umwihariko kinajyamo abantu b'umwihariko cya Guardian Life.

    Werurwe 2015, yatangajwe nk'umu Dj wa mbere mu gikorwa cyabereye mu mujyi w'ubucuruzi wa Dubai kitwa 'Oil Barons Charity' ahita aca agahigo k'umunyafurika wa mbere ugaragaye muri iki gikorwa.Amaze gusohoka mu kinyamakuru rurangiranwa cyandika ahanini ku batunzi n’ibyamamare cya Forbes inshuro zigera kuri ebyiri

    Bidatinze yahise asohoka mu kinyamakuru rurangiranwa cya Forbes mu bagore karundura bakomoka k'umugabane wa Afrika, muri kanama 2015, Cuppy yatangiye kuzenguruka mu bihugu bitandukanye bya Afrika agenda atanga ibyishimo mu muziki mwiza uvangavanze birimo Nigeria, Senegal, Ghana, Kenya, Tanzania, Rwanda, Uganda na Afurika y'Epfo; muri ibi bihugu byose akaba yarafite abaterankunga barimo GTB na Dangote Foundation.

    Bidatinze muri uwo mwaka yahise yinjira mu nzu rurangiranwa y'umuraperi kabuhariwe Jay Z ya Roc-Nation, mu ukwakira 2016 uruvange rw'umuziki we yise 'Cuppy Takles Afrika' akanarwamamaza mu bihugu binyuranye by'isi birimo n'u Rwanda, rwakozwemo filimi mbarankuru ifite Episode zigera k'umunani itangira kujya inyura kuri televiziyo rurangiranwa ya Fox Life Africa.

    Binyuze mu kigega yashinze anakitirira izina rye yabashije kubona Miliyari zirenga 12 mu manyarwanda zo gufasha abana batishoboye

    Mu mwaka wa 2016 yahise atangira gukorera televiziyo ya MTV 2 mu kiganiro cy'umunyamakuru kabuhariwe 'Charlamagne Tha God' n'ikiganiro kindi kitwa 'Uncommon Sense'. Mu mwaka wa 2017 yaje gutunganya zimwe mu ndirimbo zasohotse kuri Ep ya Young Paris zirimo 'Vibe' na 'The Way I am.'

    Mu ukwakira kuwa 13, 2017 yashyize hanze indirimbo ye bwite yitwa Green Light iyi ndirimbo akaba yarayikoranyeho na Tekno. Muri Werurwe kuwa 30 mu mwaka wa 2018, yashyize hanze iyitwa 'Vybe' yakoranye na rurangiranwa mu muziki wa Ghana Sarkodie.Dj Cuppy na Sarkodie umunyagana w’umuraperi uri mu bambere muri Afurika mu njyana ya Hiphop

    Kuwa 24 Kanama 2018 yashyize hanze iyitwa 'Currency' yakoranye na L.A.X.

    Kuwa 05 Ukwakira 2018 yashyize hanze iyitwa 'Werk' yakoranyeho n'uwitwa Skuki.

    Kuwa 19 Mata 2019 ashyira hanze iyitwa Abena yakoranyeho na Kwesi Arthur

    Kuwa 16 Kanama 2019 iyo yakoranye na Zlatan iyitwa Gelato

    Mu mwaka wa 2020 yongeye gusohoka mu kinyamakuru cya Forbes

    Kuwa 28 Gicurasi 2020 yayoboye ikiganiro cya 'Afrika Now Radio' kitwa Beats 1 giterwa inkunga na Apple.

    Kuwa 16 Nyakanga 2020 yashyize hanze indirimbo yitwa Jollof On The Jet yakoranye na Rayvanny na Rema.

    Kuwa 24 Kanama 2020 yatangaje gushyira hanze Album yeDj Cuppy ari kumwe na Tekno banakoranye indirimbo yakunzwe bikomeye

    Maze afatanije na Apple Music batangiza ikiganiro cya radio gikomeye mu myidaduro muri Africa, mu kiganiro yagiranye na Tush Magasine yatangaje ijwi rye nka 'Neo-Afrobeat' ni ukuvuga uruvange rw'injyana ya Electro House na Afrobeats.

    Kuwa 14 Mata 2020, Dj Cuppy yatangaje abinyujije kuri Twitter ko yirira imboga adakunda ibikomoka ku nyamaswa mu bihe bya vuba akaba yarakiriye impano y'imodoka yo mu bwoko bwa Ferrari Portifino ya miliyoni hafi 200 mu manyarwanda yahawe na se akaba yaranahise atangaza ko afite inyubako y'umuturirwa mu bwami bw'ubwongereza mu murwa mukuru London.

    Mu mwaka wa 2018 yatangiye ikigega yitiriye izina rye cyitwa 'Cuppy Foundation' maze mu mwaka wa 2019 mu ugushyingo ategura umusangiro rusange witabiriwe n'abatari bacye ukavamo Miliyari zirenga 12 mu manyarwanda zo gufasha abana batishoboye; amenshi akaba yaratanzwe na Dangote na Se umubyara.

    Cuppy muri Mata 2014, yahawe na Minisiteri y'Ubukerarugendo n'Umuco umwanya wo kuba Ambasaderi w'ubukerarugendo mu gihugu cya Nigeria. Kuwa 20 Werurwe 2018, Cuppy yatangaje ko ari Ambasaderi wa Pepsi maze aba umwe mu byamamare byitabiriye igikombe cy'isi cya 2018 bahagarariye Pepsi.Mu mwaka wa 05 Kamena 2018, Cuppy yatangaje ko yagizwe Ambasaderi wa 'Save The Children UK'.

    Source : https://inyarwanda.com/inkuru/107628/ku-myaka-13-yari-london-se-atunze-miliyari-2-we-atunze-miliyoni-3-afitanye-indirimbo-na-sa-107628.html

  • Abanyeshuri banduye Covid-19 bazafashwa mu bu… – #rwanda #RwOT

    Muri iri tangazo, Minisiteri y'Uburezi yavuze ko abanyeshuri basabwa kuzajya aho bazakorera ibizamini ku wa mbere tariki ya 19 Nyakanga 2021, bitarenze saa tatu za mu gitondo kugira ngo bamenyeshwe gahunda izagenderwaho n’amabwiriza ajyanye no gukora ibizamini.

    Rivuga ko buri munyeshuri uzakora ikizamini cya Leta wiga ataha agomba kuva kandi agasubira mu rugo yambaye impuzankano y’ishuri kandi afite ikarita y’ishuri imuranga kugira ngo yoroherezwe mu ngendo.

    Abarezi n’abandi bakozi bazafasha mu bizamini bya Leta bagomba kuba bafite amakarita ajyanye n’iki gikorwa.

    Ikigo cy’Igihugu gifite ibizamini bya Leta mu nshingano (NESA) kizakorana n’Uturere mu gutanga ikarita iranga abakozi bazafasha muri iki gikorwa.

    Imodoka zitwara abagenzi n’imodoka zisanzwe zitwara abanyeshuri zizifashishwa mu gutwara abanyeshuri bajya/ bava gukora ikizamini cya Leta zigomba kuba zahawe uburenganzira na Polisi y’Igihugu binyujijwe muri Minisiteri y’Uburezi.

    Uru ruhushya rusabwa binyuze kuri [email protected] bitarenze ku Cyumweru tariki 18 Nyakanga 2021.

    Iri tangazo rikomeza rivuga ko ababyeyi bifuza gutwara abanyeshuri bagiye gukora ibizamini bya Leta, bashobora kubikora bakoresheje imodoka zabo mu masaha ateganyijwe ariko bakabisabira uruhushya rutangwa na Polisi y’Igihugu.

    Amasaha yo gutwara abanyeshuri mu gitondo ni uguhera saa kumi n’imwe n’igice (5:30 am) kugeza saa tatu n’igice (9:30 am); naho amasaha yo gutaha ni ukuva saa kumi (4:00 pm) kugeza saa kumi n’ebyiri z’umugoroba (6:00 pm).

    Mu tundi turere tutari mu Mujyi wa Kigali, ubuyobozi bw’Uturere bufatanyije n’abandi bafatanyabikorwa, buzahuza ibikorwa bijyanye n’ingendo z’abanyeshuri, abarimu n’abandi bakozi bazajya cyangwa bava ahabera ibizamini bya Leta.

    Minisiteri y'Uburezi yavuze ko abanyeshuri banduye Covid-19 bari mu rugo cyangwa abari mu mashuri acumbikira abanyeshuri bazafashwa gukora ibizamini bya Leta mu buryo “bwihariye” ku bufatanye bw’ishuri, inzego z’ubuzima n’ubuyobozi bw’aho umwana atuye.

    Iyi Minisiteri yavuze ko umubyeyi cyangwa urera umwana uzakora ibizamini asabwa gukurikirana ko umunyeshuri yitabiriye ku gihe no kumuha amafaranga y’urugendo mu gihe ajya cyangwa ava aho akorera ibizamini; no kumubonera ibindi byangombwa bimufasha gukora ibizamini neza harimo n’amafunguro.

    Yavuze ko ibizamini bizakorwa hubahirizwa amabwiriza yose yo kwirinda icyorezo cya Covid-19.

    Ku wa Mbere w'iki Cyumweru, abanyeshuri bo mu mashuri abanza bakoze ibizamini bya Leta bisoza amashuri abanza. Abanyeshuri babarirwa muri 50 nibo bakoze ibizamini baranduye Covid19.

    Minisiteri y’Uburezi yavuze ko uyu mwaka abarangije amashuri abanza bakoze ibizamini ari 254.678 mu gihe mu mwaka ushize bari 286.087.

    Mu cyiciro rusange cy’amashuri yisumbuye hazakora abanyeshuri 122, 320, abasoza icyiciro cya 2 cy’amashuri yisumbuye ni 50,888 naho abasoza amashuri y’Imyuga n’Ubumenyingiro ni 22,779. Minisiteri y'Uburezi yatangaje ko abanyeshuri banduye Covid-19 bazafashwa gukora ibizamini bya Leta

    Itangazo ku mabwiriza ajyanye n’ikorwa ry’Ibizamini bya Leta ku banyeshuri barangiza icyiciro cya mbere n’icya kabiri by’Amashuri yisumbuye ndetse n’ay’Imyuga n’Ubumenyingiro

    Source : https://inyarwanda.com/inkuru/107632/abanyeshuri-banduye-covid-19-bazafashwa-mu-buryo-bwihariye-amabwiriza-ajyanye-nikorwa-ryib-107632.html

  • Element yahishuye ko ari gukorera indirimbo W… – #rwanda #RwOT

    Element mu mwaka umwe amaze atunganya umuziki nka 'producer' mu buryo bw'amajwi amaze kwigarurira imitima y'abatari bake ku buryo byamuhaye kuyobokwa n'abahanzi benshi. Usibye abahanzi ba hano mu Rwanda bamaze kumuyoboka kubera ubuhanga bwe mu kiganiro yatanze kuri 'Yago Show' ikorera kuri youtube yahishuye ko ari gukorera indirimbo ibyamamare birimo Wizkid, Diamond n'abandi.

    Element yahishuye ko ari gukorera indirimbo ibyamamare birimo Wizkid, Diamond n’abandi

    Mu gusobanura iyi ngingo yavuze ko Wizkid we yakunze imikorere ye bityo akohereza abantu bakamuzanira 'project' (indirimbo ikiri gutunganywa) yu'uyu muhanzi bakamubwira ko yifuza ko yayikoraho.Yagize ati: 'Ntabwo turabonana nta nubwo twari twavugana. Gusa abantu banzaniye 'project' ngo hari abantu bifuje ko uyikoraho tu ndayikora'. Yago bagiranaga ikiganiro yamubajije niba abayizanye baramubwiye ko ari iya Wizkid maze amusubiza agira ati: 'Ari no mu bantu bumvise 'production' (uburyo bwo gutunganya indirimbo) yanjye nyine arayikunda [Wizkid]'.

    Wizkid na Davido bari mubo Element ari gukorera indirimbo

    Yakomeje avuga ko nyuma y'uko Wizkid akunze imikorere ye yavuze ko yifuza ko Element yakora kuri iyo 'project' ye maze yohereza abantu barayimuzanira nk'uko yakomeje abisobanura ati: 'Njya kubona nyine abantu barayinzaniye, irimo n'abandi bahanzi wenda ntashaka kuvuga ariko we arimo tu [Wizkid]'.

    Yago yongeye kumubaza niba koko ubu Element mu mashini ye ari gukora kuri project ya Wizkid, maze yongera kubishimangira anaboneraho kuvuga ko atari we wenyine hari n'abandi benshi bakomeye. Yagize ati: 'Usibye nawe harimo abahanzi benshi tu barenze, kandi nizo nzozi nagize kuva kera'.

    Yabajijwe ku zindi project afite ari gukorera ibyamamare nka Davido na Diamond nkuko byagiye bivugwa avuga ko adakunda kuvuga ibintu bitarasoka kuko hari igihe bihinduka gusa ashimangira ko project zibikomerezwa mu muziki zihari ari gukoraho zirimo izabahanzi bo muri Ghana, Africa yepfo, mu Bufaransa n'ahandi.

    Ku mushinga w'indirimbo ari gukorana na Diamond nawo yagize icyo awuvugaho ati: 'Twapanze kubonana tu, twapanze kuzahuza kuko naramusabye ngo aze Country Record mu gihe yaje ino, ambwira ko ari mu bintu byinshi! (…..) yamaze kurikodinga ibintu bikeya ariko buriya nitubonana tuzakomeza tuzahita tubikora tubirangize'.

    Yavuze ko yashimishijwe no kuba abahanzi bakomeye mu bindi bihugu bishimira ibyo akora ashimangira ko abona ari umugisha.

    REBA HANO UKO YABISOBANUYE

    Source : https://inyarwanda.com/inkuru/107622/element-yahishuye-ko-ari-gukorera-indirimbo-wizkid-diamond-nabandi-bahanzi-bibikomerezwa-k-107622.html