Webrwanda Backend

Category: Uncategorized

  • Umuco uturana nimico ningeso! Minisitiri Ba… – #rwanda #RwOT

    Juno Kizigenza aherutse guteguza abakunzi be indirimbo nshya yifashisha ifoto itaravuzweho rumwe. Yabikoze nk'ibisanzwe aho umuhanzi ugiye gushyira hanze indirimbo nshya abanza gusohora integuza yayo ari nako byagenze kuri uyu muhanzi washyize ifoto ateguza abakunzi be indirimbo ye izasohoko ku itariki 30 Nyakanga 2021, gusa ikaba yaravugishije benshi ku mbuga nkoranyambaga, bamwe bamushinja kwica umuco nyarwanda, abandi bagaragaza ko nta wukwiriye kumutera ibuye.

    Mu guteguza iyo ndirimbo ye, Juno Kizigenza yakoresheje ifoto imugaragaza ahetse umukobwa kuri moto – uwo mukobwa akaba yari yambaye gusa ikariso n’akenda gakingira amabere. Itako rye ryose riba rigaragara. Abantu benshi bayisamiye hejuru nk'ibisanzwe abakunda umuziki wa Juno Kizigenza bamwe bati ‘ahubwo uri gutinda’, abandi bati ‘iyo ndirimbo irarenze’.

    Mu bantu batishimiye iyi foto harimo n’umunyamakuru Oswald Mutuyeyezu uzwi nka Oswakim wa Radio& Tv10, wagaragaje ko Juno Kizigenza yishe umuco nyarwanda. Ibi byatumye uyu munyamakuru yiyambaza abantu batandukanye barimo na Hon. Bamporiki Edouard Umunyamabanga wa Leta muri Minisiteri y’Urubyiruko n’Umuco.

    Oswakim yabanje kuyereka mugenzi we nawe w'umunyamakuru Ndahiro Valens Papy amubaza niba abo ari kubona ku ifoto ari abahanzi nyarwanda, ati “Aba ni abahanzi nyarwanda Ndahiro Papy? Ni nde na nde se?” Ndahiro Papy ataragira icyo asubiza ku kibazo yari abajijwe, Oswakim yahise yiyambaza (Tag) Minisitiri Bamporiki agira ati “Uku ni ko gutera imbere k’umuco?.'

    Minisitiri Bamporiki yasubije umunyamakuru Oswakim

    Mu gitondo cyo kuri iki cyumweru tariki 25 Nyakanga 2021 Hon. Edouard Bamporiki yagiye kuri twitter maze asubiza uyu munyamakuru agira ati “Abarwayi bazavurwa, abanyabyaha bazafungwa. Umuco wacu ntupimirwa mu bwomanzi. Umuco uturana n’imico n’ingeso, ntimugahungabane ngo byacitse kubera umwe watannye, gusa gucyaha ni ibya twese. Dukomeze twubakire igihugu mu indangagaciro remezo, ntakizatubuza kugera ejo twemye”.

    Mu gushaka kumenya icyo nyir’ubwite umuhanzi Juno Kizigenza abivugaho inshuro zose twamuhamagaye ntiyigeze afata telefone ye igendanwa. Gusa nyuma y’uko Minisitiri Bamporiki asubije uyu munyamakuru nanone kandi abantu benshi banyarukiye kuri Twitter ya Oswakim berekana aho bahagaze kuri iyi foto aho abenshi bavuze ko hakwiriye kubanza gukemuka ikibazo cy'ubutinganyi.

    Hari uwavuze ko iterambere ari ryiza ariko ko rifite n’ingaruka

    Juno Kizigenza ni umuhanzi uri mu b’ikiragano gishya bakunzwe bikomeye muri iyi minsi y’impeshyi abicyesha indirimbo ze ziryohera benshi. Yamenyekanye mu ndirimbo ‘Mpa formula’ nyuma yayo akora izindi zatumbagije izina rye zirimo; ‘Nightmare’, ‘Nazubaye’ imaze kurebwa n’abarenga Miliyoni 1.3 mu mezi 5 imaze kuri Youtube, ‘Away’ yakoranye na Ariel Wayz imaze kurebwa n’abarenga 1.4 mu kwezi kumwe gusa imaze kuri Youtube.

    REBA HANO ‘AWAY’ YA ARIEL WAYS FT JUNO KIZIGENZA

    Source : https://inyarwanda.com/inkuru/107982/umuco-uturana-nimico-ningeso-minisitiri-bamporiki-asubiza-umunyamakuru-oswakim-wamwiyambaj-107982.html

  • Ali Kiba yakoreye igitaramo gikomeye i Burund… – #rwanda #RwOT

    Iki gitaramo cyiswe 'King is Back Concert' cyabaye mu ijoro ryo kuri iki Cyumweru tariki 25 Nyakanga 2021, ahitwa Miami Beach mu Mujyi wa Bujumbura. Ni igitaramo cyarimo abantu batubahirije ingamba zo kwirinda Covid-19, nko kwambara agapfukamunwa, guhana intera n'ibindi.

    Ali Kiba yavuze ko yishimiye gutaramira ibihumbi by'abantu nyuma y'igihe kinini adataramira muri iki gihugu. Uyu muhanzi wari wambaye imyenda y'ibara ry'umweru, yakoresheje imbaraga nyinshi ku rubyiniro, agaragaza ko yanogewe no gutaramira mu Burundi.

    Mbere y'iki gitaramo, Ali Kiba yavugiye mu kiganiro 'Friday Sauce' ko ari ku nshuro ya kane akorera igitaramo mu Burundi, akanaharirimbira ku nshuro ya mbere indirimbo nshya aba yasohoye.

    Muri iki gitaramo, uyu muhanzi ukurikirwa n'abantu barenga miliyoni 7 kuri Instagram, yaririmbye indirimbo ebyiri nshya aheruka gusohora 'Jalousie' ndetse na 'Ndomboli' n'izindi nyinshi.

    Ali Kiba ntiyerura niba hari umuhanzi wo mu Burundi azi, gusa avuga ko ashima intambwe imaze guterwa mu muziki w'iki gihugu harimo no kuririmba mu ndimi Mpuzamahanga.

    Ali Kiba yabanjirijwe ku rubyiniro n'umuraperi Kirikou Akili. Uyu muhanzi yashyuhije abafana, agaragaza ko ari umuraperi wo kurangamirwa mu Burundi. Yanditse kuri konti ye ya Instagram, avuga ko byari iby'agaciro kuririmba muri iki gitaramo.

    Iki gitaramo kandi cyaririmbyemo umuhanzi mpuzamahanga Désiré Mugani [Big Fizzo] wizihizaga isabukuru y'amavuko. Yaboneyeho n'umwanya wo gushimira abamwifurije isabukuru y'amavuko.

    Cyaririmbyemo kandi umuhanzi Lolilo washyuhije umuziki w'Akarere k'Afurika y'Uburasirazuba mu myaka ya 2000 mu ndirimbo zirimo 'Bime amatwi', 'Wivu' n'izindi.

    Uyu muhanzi yaririmbye muri iki gitaramo yambaye imyenda y'ibara rya Gisikare. Lolilo waririmbye muri iki gitaramo hari amakuru avuga ko ari gukorana indirimbo na Ali Kiba mbere y'uko ava muri Burundi agasubira muri Tanzania.

    Uyu muhanzi ukunze kwiyita Intare yari yitwaje ababyinnyi bamufashije gususurutsa benshi. Ibinyamakuru byo mu Burundi byavuze ko 'Intare yatontomye muri iki gitaramo'.

    Umuhanzi Double Jay nawe yaririmbye muri iki gitaramo, ashima uko bafana bamwakiriye. Avuga ko yakiriwe neza.

    Ali Kiba yakoreye igitaramo gikomeye mu Burundi imbere y'abantu batubahirije amabwiriza yo kwirinda Covid-19 

    Ni ku nshuro ya kane Ali Kiba akoreye igitaramo mu Burundi 

    Ali Kiba yaririmbye indirimbo ze ebyiri aherutse gusohora n’izindi   

    Umuhanzi Big Fizzo yaririmbye muri iki gitaramo yizihiza isabukuru y'amavuko



    Umuhanzi Lolilo wakanyujije mu myaka ya 2000 yaserukanye imyenda ya Gisirikare

    Umuhanzi ukizamuka mu Burundi, Kirukou abafana bamusamiye mu kirere

     

    Umuhanzi Double Jay yigaragaje muri iki gitaramo mu ndirimbo ze zitandukanye

    Source : https://inyarwanda.com/inkuru/107975/ali-kiba-yakoreye-igitaramo-gikomeye-i-burundi-ashyigikiwe-na-big-fizzo-lolilo-nabandi-ama-107975.html

  • Covi-19: Mu minsi 617 ku Isi yahitanye Miliyo… – #rwanda #RwOT

    Mu minsi 617 buri wese utuye kuri uyu mubumbe uriho ibinyabuzima yibaza ibi bibazo; Agapfukamunwa se kamfasha kwirinda Covid-19? Gukaraba intoki se birahagije ngo mbe nirinze Covid-19? Kudahura n'inshuti n’avandimwe se byandinda Covid-19? Urukingo se rwo rurahagije cyangwa amasengesho ni yo azafasha Isi kwigobotora ingoyi ya Covid-19?. Igisubizo gitangwa n’Ishami ry’Umuryango w’Abibumbye ryita ku buzima, OMS, ni uko kubahiriza ingamba yashyizeho zo kwirinda iki cyorezo byafasha Isi guhashya Covid-19.

    Kuri uyu munsi wa 617 mu bantu bamaze kwandura covid-19 akagera kuri 18.07% ni abanya-Amerika, naho mu bamaze guhitanwa n'iki cyorezo Leta Zunze Ubumwe za America ifite akagera kuri 15.01%. N’ubwo iki gihugu cya Amerika cyazahajwe n'iki cyorezo magingo aya ibikorwa byose byasubiye mu buryo cyane ko benshi muri bo bakingiwe n’ubwo hari n’uruhande rw'abandi banze kwikingiza ndetse banavuga ko batemera ko Covid-19 ibaho.

    Ku rundi ruhande, mu Bushinwa aho iki cyorezo cyaturutse abarwayi bose barangana na 92,529 bivuze ko abantu banduye iki cyorezo mu Bushinwa bangana na 0.047% by'abakirwaye bose ku Isi, muri iki guhigu muri aba barwaye iki cyorezo abagera kuri 4,636 cyarabahitanye.


    Covid-19 ni cyorezo kimaze kuyogoza umudendezo w’abatuye Isi 

    Mu mwaduko w'iki cyorezo benshi mu bakungu ndetse n'abandi b’ibikomerezwa ku Isi bacyeresheje iki cyorezo ndetse abandi bakajya bavuga ibyitwa nk'ibihuha by'uko hari umuntu runaka cyangwa itsinda runaka rishobora kuba riri inyuma y'ikwirakwira ry'iki cyorezo ndetse ko iri tsinda cyangwa uyu muntu ko yaba afite inyungu nyinshi zihije.

    Ikindi ni uko abavuga aya makuru akunze gufatwa nk’agumura rubanda. Bivugwa ko aba baherwe bashinjwa umugambi w'icyorezo ntabwo baba bashaka ko rubanda rugufi rugira icyo rumenya, gusa ibi byose byaburiwe gihamya ari nayo mpamvu rubanda rw'abatuye Isi basabwa kumvira ibigo bishinzwe ubuzima by'ibihugu byabo ndetse n'ishami ry'umuryango w’abibumbye rishinzwe ubuzima.

    Iminsi ibaye 617 kuva umuntu wa mbere yagaragarwaho icyorezo cya Covid-19 cyashyize Isi ku ngoyi. Ni icyorezo cyaserukiye mu Burasirazuba bw'Isi mu gihugu cy'u Bushinwa mu mujyi w'ubucuruzi wo mu ntara ya Hubei'Wuhan', icyakora magingo aya aha muri Wuhan ubu ibijyanye na Covid-19 ni inkuru mbarirano.

    Kuva iki cyorezo cyagera ku Isi ndetse bikaza kwemezwa n'ishami ry'umuryango w’abibumbye rishinzwe ubuzima OMS/WHO rikemeza ko ari icyorezo mpuzamahanga, kugoheka kw’abatuye Isi byabaye ingume.

    Ku rundi ruhande hari abantu bitotombera Leta zabo bavuga ko hari ibyo zanga gukora cyangwa ibindi bigakorwa zitarebye impande zose, gusa nanone harimo ababa bigiza nkana batabanje kureba uburemere bw'iki cyorezo ndetse n'urukundo Leta zabo zibafitiye zanga ko iki cyorezo kibicira kubamara.

    Ese kuki leta zitareba imibare y’abicwa n'inzara cyangwa ibindi byorezo? 

    Mu rutonde ruheruka gusohoka rwerekanako nibura buri munota umwe ku Isi abantu 11 bapfa bazize inzara, ni ukuvuga mu gihe cy’isaha imwe abagera kuri 660 baba bamaze gupfa hirya no hino ku Isi bishwe n'inzara. Abagera kuri 15,840 nibura ku munsi barapfa bishwe n'inzara. Ubaze iyi minsi ishize Covid-19 igeze ku Isi nibura inzara imaze guhitana Miliyoni zirenga 9 (9,773,280) naho Covid-19 muri iki gihe imaze guhitana abantu 4,174,039.

    Nyuma y’uko hamaze kugaragara ko icyorezo cya Covid-19 gisa n’aho kidakanganye uhereye kuri bimwe mu bindi byorezo birimo Inzara ndetse n’ibindi bizahaza cyane ari naho dusangamo na Malaria, ibihugu byinshi birasa n’ibiri kugenda bisa n’ibitera ishoti ingambi zikakaye zo kwirinda iki cyorezo.

    Ibihugu bimwe byatangiye kwirinda gushyira imbara mu gukomeza gukaza umurego kuko byabonye ko ingaruka zava mu gukaza ingamba zishobora kuza zirusha ubukana ibyo Covid-19 yakabaye yarakoze.

    Aha ni naho inzobere n'abakwiza amakuru benshi bakunze kwita iyobyamyumvire (Conspiracies) bahera bavuga ko hari abantu cyangwa agatsiko k’abantu runaka bashaka indonke biturutse mu guteza akaga Isi n’ubwo nta muntu n’umwe cyangwa ubumenyi runaka buhishura aya makuru.

    Magingo aya hari ibihugu byakozwemo n'iki cyorezo gusa nyuma biza kugicogoza hifashishijwe ikoranabuhanga ndetse n'ubuvuze buhambaye!

    Hari ibihugu binyuranye byageze aho bifata iki cyorezo nk'indwara itazapfa gukira ndetse binitegura kuzabana nayo hirindwa kugira uwo babangamira. Aha twavuga nk'igihugu cy'u Bwongereza giherutse gutangaza aya makuru ko nta muntu kizongera gushyira ku nkeke kubera Covid-19 ndetse kuri uyu wa 19 Nyakanga abaturage bo mu Bwongereza bagaragaye bari kwishimira ifungurwa ry'utubyiniro n’utubari mu birori byari bizingatiwe n'imvura y'inzoga nyuma yo kugobotorwa ingoyi yo guhora bambaye udupfukamunwa.

    Ibihu 5 bifite abwaryi benshi ba Covid-19 ku Isi; United States of America, India, Brazil, Russia, France

                                 Delta Covid-19 Variants 

    Magingo aya, benshi mu batuye Isi bamaze gusa n’abarambirwa inkuru yose igaruka ku cyorezo cyane ko benshi kubera ibibazo yabateje basigaye bumva inkuru zayo nk'ikintu kibi mu matwi yabo. Mu bihugu byinshi abaturage bakunze guteza imvururu zigamije gukurirwaho amabwiriza agenga iki cyorezo. 

    Muri iki gihe cy’iyi minsi Coronavirus imaze ku Isi hamaze kugararagara ubwoko bw’iki cyorezo burenga 6 harimo ubwamamaye cyane ari bwo; Alpha, Beta, Gamma, Delta, Lambda, Kappa, Eta…

    Ku ruhande rw'u Rwanda, abaturage bagera kuri 62,328 bamaze kwandura icyorezo cya Covid-19, muri bo 742 yabambuye ubuzima naho abamaze guhabwa inkingo baragera kuri 426,558, abagikize burundu barangana na 44,739. Kuri uyu wa 25 Nyakanga 2021 byatangajwe ko nibura mu Rwanda hamaze kugera ubwoko 6 bwa Covid-19, gusa hari n'ubundi butari bwamenyakana neza.

    Src: Worldmeters.inf, who…
     

    Source : https://inyarwanda.com/inkuru/107958/covi-19-mu-minsi-617-ku-isi-yahitanye-miliyoni-417-ubwoko-burarenga-6-yateje-igihombo-cyam-107958.html

  • Itariki ya Graduation ku banyeshuri basoje amasomo muri University of Rwanda (UR) yamenyekanye – YEGOB #rwanda #RwOT

    Ubuyobozi bwa Kaminuza y'U Rwanda (University of Rwanda) bubinyujije ku rukuta rwabo rwa Twitter bwatangaje itariki umunsi mukuru wo gusoza amasomo (Graduation) ku banyeshuri basoje amasomo yabo uzaberaho.

    Nkuko bigaragara muri iri tangazo ryashyizweho umukono na Vice Chancellor wa UR, Prof. Alexandre LYAMBABAJE, itariki ya Graduation ku banyeshuri basoje amasomo yabo ni Ku ya 27 Kanama 2021.

    Source : https://yegob.rw/itariki-ya-graduation-ku-banyeshuri-basoje-amasomo-muri-university-of-rwanda-ur-yamenyekanye/

  • Kuri Twitter, inshuti ya Bruce Melodie yamwibukije ibintu basangiye mu Busanza – YEGOB #rwanda #RwOT

    mwe mu nshuti za Kera za Bruce Melodie wiyise Amaburakindi yamwibukije ibihe byabo bya kera birimo n'ukuntu basangiraga ibiraha byo mu Busanza. Ni nyuma yuko Amaburakindi yaramaze gushyira hanze ifoto ye na Bruce Melodie yo mu gihe cya kera nuko akayiherekesha amagambo agira ati ” Yewe @BruceMelodie weeeeeeeeee ibuka sha bya biraha twaryaga byo mu Busanza wallah ukiyoboye #BlackGang!😂😂😂😂😂😂😂😂😂😂😂 #Bavakure “.

    Yewe @BruceMelodie weeeeeeeeee ibuka sha bya biraha twaryaga byo mu Busanza wallah ukiyoboye #BlackGang!😂😂😂😂😂😂😂😂😂😂😂#Bavakure pic.twitter.com/EvKrdQRaSO

    — AMABURAKINDI🔃 (@machadpro) July 26, 2021

    Source : https://yegob.rw/kuri-twitter-inshuti-ya-bruce-melodie-yamwibukije-ibintu-basangiye-mu-busanza/

  • Gabiro Guitar, waririmbye ko yanze igikwe, yarokotse impanuka ikomeye (Amafoto) – YEGOB #rwanda #RwOT

    Umuhanzi Gabiro Guitar waririmbye indirimbo ” Igikwe “, Dj Theo na Producer Niz Beat barokotse impanuka ikomeye y'imodoka kuri uyu wa Mbere tariki ya 26 Nyakanga 2021 aho bagonze igipangu cy'umuturage imodoka ikangirika bikomeye ariko ku bw'umugisha nta muntu n'umwe iyi mpanuka yahitanye. Iyi mpanuka yabereye ku muhanda umanuka wa Rwampala i Nyamirambo.

    Gabiro Guitar, Dj Theo na Producer Niz Beat bari mu modoka imwe berekeza i Gikondo muri gahunda zabo. Bari bafite uruhushya rubemerera kugenda muri iki gihe Umujyi wa Kigali uri muri gahunda ya Guma mu Rugo.

    Theo ni we wari utwaye imodoka, ubwo yari arimo amanuka muri uyu muhanda yahuye n'imodoka irabitambika arayikatira bituma agonga igipangu cy'umuturage, imodoka barimo irangirika mu buryo bukomeye.

    Mu kiganiro na Inyarwanda ari nayo dukesha iyi nkuru, Gabiro Guitar yavuze ko bitabaje Polisi kugira ngo ibipime uko impanuka yagenze, babone uko bakoresha imodoka yabo banamenya icyo bakorera nyir'igipangu.

    Ati 'Tuvuye kuzana Polisi ibanze ipime kubera ko irabanza igapima ariko twebwe turifuza kubakorera buri kimwe cyose gishoboka. Uko impanuka igenze, tugeze muri uwo muhanda imodoka iratwitambika bya hatari, tubura uko tuyikatira,'

    Gabiro Guitar yongeyeho ko we na bagenzi be bashima Imana, kuko barokotse iyi mpanuka yari ikomeye. Avuga ko Producer Niz Beat yagize ikibazo cyo mu gatuza, we akubita umutwe ku ntebe y'imbere.

    Source : https://yegob.rw/gabiro-guitar-waririmbye-ko-yanze-igikwe-yarokotse-impanuka-ikomeye-amafoto/

  • Umunyamakuru wakunzwe mu myidagaduro hano mu Rwanda yakoze ubukwe bubereye ijisho (Amafoto) – YEGOB #rwanda #RwOT

    Umunyamakuru Niyonkuru Eric wamamaye ku izina rya Neric akaba yarakoreye ibinyamakuru by'imyidagaduro bitandukanye hano mu Rwanda by'umwihariko kuri Inyarwanda Tv aho yatunganyaga amashusho (videographer) yasezeranye kubana akaramata n'umukunzi we bakazatandukanywa n'urupfu. Ni mu birori by'ubukwe bubereye ijisho nkuko amafoto akurikira abigaragaza. Aba bombi ntabwo basezeraniye hano mu Rwanda dore ko dufite amakuru ko Eric aherutse gufata rutemikirere akerekeza hanze y'U Rwanda.


    Source : https://yegob.rw/umunyamakuru-wakunzwe-mu-myidagaduro-hano-mu-rwanda-yakoze-ubukwe-bubereye-ijisho-amafoto/

  • APR FC yabonye umutoza mushya kuva muri Tunisia

    Ikipe ya APR Fc nyuma yo kwegukana igikombe cya shampiyona igahita ibona itike yo kuzakina imikino nyafurika, kuri ubu irakaje cyane mu rugamba rwo kongera amaraso mashya mu ikipe kugira ngo izabashe kwitwara neza umwaka utaha w'imikino, ni muri urwo rwego usibye kuzana abakinnyi bashya yamaze no kuzana umutoza mushya.

    Nkuko ikipe ya APR Fc yabitangaje kuri uyu wa mbere tariki ya 26 Kanama 2021 ibinyujije ku mbuga nkoranyamabaga zabo, yamenyesheje abakunzi bayo ko uwari usanzwe ari umutoza wungirije muri iyi kipe witwa Pablo Morchón yamaze gutandukana nayo kubera Impamvu zijyanye n'umuryango we ndetse akaba agiye guhita asimburwa n'umutoza ukomoka mu gihugu cya Tunisia.

    Umutoza mushya utegerejwe mu ikipe ya Apr Fc mu minsi uzaba aje gusimbura Pablo Morchon, ni umugabo ukomoka mu gihugu cya Tunisia akaba yitwa Jamel Eddine Neffati, akazi ari umutoza wungirije muri iyi kipe ndetse akazajya akora n'akazi ko kongerera abakinnyi b'ikipe ya APR F c ingufu nkuko byakorwaga nuwo aza asimbuye.

    Biteganijwe ko uyu mutoza mushya ugiye kuza mu ikipe ya APR Fc agomba kugera mu rw'imisozi igihumbi mu mpera z'uku kwezi turimo kwa Nyakanga nkuko byatangajwe n'ubuyobozi bw'Iyi kipe y'ingabo z'igihugu.

    Source : https://yegob.rw/apr-fc-yabonye-umutoza-mushya-kuva-muri-tunisia-%F0%9F%87%B9%F0%9F%87%B3/

  • Umukobwa mwiza wahagarariye U Rwanda mu marushanwa y'ubwiza yahawe impano ikomeye n'umukunzi we (Amafoto) – YEGOB #rwanda #RwOT

    Uwase Clementine uzwi nka Tina, wahagarariye u Rwanda muri Miss Supranational mu 2018 na Miss Elite mu 2020, yahawe imodoka y'agaciro n'umukunzi we Lukasz Przeniewski wo muri Pologne nk'impano ku isabukuru y'amavuko.

    Umwe mu nshuti z'uyu mukobwa abinyujije ku rukuta rwe rwa Instagram yagize ati ” Impano y'isabukuru y'amavuko yatanzwe na muramu wanjye! “.

    Imodoka Tina yahawe ni Peugeot 207 CC. Iyasohotse  mu mwaka wa 2015 yashoboraga kugura hagati ya miliyoni 15 Frw na miliyoni 20 Frw gusa ubu iya 2021 igeze mu bihumbi 22 $ ( arenga miliyoni 22 Frw).

    Tina yishimiye impano y'imodoka yahawe n'umukunzi we, Lukasz

    Uyu mukobwa agiye kumara igihe kingana n'imyaka itatu akundana na Lukasz Przeniewski, umusore wo muri Pologne batangiye gukundana ahagana mu 2018, nubwo amakuru y'urukundo rwabo yatangiye kujya hanze mu mpera za 2019.

    Tina amaranye imyaka itatu mu rukundo na Lukasz

    Source : https://yegob.rw/umukobwa-mwiza-wahagarariye-u-rwanda-mu-marushanwa-yubwiza-yahawe-impano-ikomeye-numukunzi-we-amafoto/

  • Minisitiri Bamporiki yavuze ku ifoto ya Juno Kizigenza ahetse umukobwa wambaye ikariso #rwanda #RwOT

    Umunyamabanga wa Leta muri Minisiteri y’Urubyiruko n’Umuco, Bamporiki Edouard avuga ko abantu badakwiye guhungabana kuko umuntu umwe yatannye cyane ko umuco udapimirwa ku bwomanzi, gusa ngo gukomeza gucyaha ni ibya buri wese, ni nyuma y’ifoto ya Juno Kizigenza ahetse umukobwa wambaye ikariso gusa.

    Mu mpera z’icyumweru gishize nibwo ku mbuga nkoranyambaga hakwirakwiye ifoto y’umuhanzi Juno Kizigenza yicaye kuri moto inyuma ahetse umukobwa wambaye agasengeri k’umukara n’ikariso gusa, akaba yarateguzaga abantu indirimbo ye nshya yitegura gusohora.

    Ni ifoto yavugishije benshi aho bamwe bagiye babihuza n’umuco Nyarwanda.

    Umunyamakuru Oswald Mutuyeyezu, abinyujije kuri Twitter ye akaba yarahuruje abarimo Minisitiri Bamporiki Edouard usanzwe ari umunyamabanga wa Leta muri Minisiteri y’Urubyiruko n’Umuco amubaza niba ariko gutera imbere k’Umuco.

    Ati ” Aba ni abahanzi Nyarwanda? Ni inde nande se? Bamporiki, uku Niko gutera imbere k’Umuco?”

    Bamporiki akaba nawe yaje akamusuniza ko Umuco uturana n’imico n’ingeso kandi ko ntaguhangayika kuko umwe yatannye.

    Ati “Abarwayi bazavurwa, abanyabyaha bazafungwa. Umuco wacu ntupimirwa mu bwomanzi. Umuco uturana n’imico n’ingeso, ntimugahungabane ngo byacitse kubera umwe watannye, gusa gucyaha ni ibyatwese. Dukomeze twubakire igihugu mu indangagaciro remezo, ntakizatubuza kugera ejo twemye.”

    Iyi foto ya Juno Kizigenza n’uyu mukobwa, ikaba ari iyafashwe ubwo hafatwaga amashusho y’indirimbo nshya y’uyu muhanzi yitegura gusohora tariki ya 30 Nyakanga nk’uko yabiteguje abakunzi be.

    Ifoto ya Juno Kizigenza ahetse uyu mukobwa yavugishije benshi

    Bamporiki yavuze ko ntabyacitse

    Source : http://isimbi.rw/imyidagaduro/article/minisitiri-bamporiki-yavuze-ku-ifoto-ya-juno-kizigenza-ahetse-umukobwa-wambaye-ikariso