Category: Uncategorized

N’ubwo guta ishuri buri mwaka bibaho ariko uyu wo ufite umwihariko kubera Covid-19

Bikunze kubaho ko buri mwaka hari umubare runaka w’abana bata ishuri ariko ngo uyu mwaka wa Covid-19 byariyongereye cyane bitewe n’uko amashuri yagiye ahagarara mu bihe bidasanzwe, bituma hari abo byaviriyemo gutwara inda abandi bajya muri gahunda zitandukanye zirimo gukoreshwa imirimo.

Ubuyobozi bw’Umujyi wa Kigali buvuga ko iyo mibare ikubiyemo abigaga mu mashuri abanza ndetse n’ayisumbuye, gusa ngo kugeza magingo aya abanyeshuri 872 bamaze kugarurwa mu ishuri, bariga nk’abandi.

Umuyobozi Mukuru ushinzwe iterambere ry’imibereho myiza n’imiyoborere myiza mu Mujyi wa Kigali, Jean Paul Munyandamutsa, avuga ko iyo abana bari aho batiga hari ibintu byinshi bishobora kuba bya bararura, gusa ngo buri gihe ubuyobozi buba bufite inshingano zo kureba icyabibateye byaba bishoboka bakagarurwa.

Ati “Nk’ugiye kubyara biba bigoye ko wamugarura mu ishuri, ariko akazi cyangwa uwabaye inzererezi ukora ibishoboka byose ukamwereka yuko akwiye kugaruka mu ishuri. Ni muri urwo rwego tubara abagera kuri 872 twagaruye mu ishuri, tukaba dufite abo tutarashobora kugarura mu ishuri ariko bagwiriyemo ba bana batewe inda tuzagarura bamaze kubyara bagera kuri 430”.

Munyandamutsa akomeza avuga ko bafite ingamba zitandukanye kugira ngo n’abataragarurwa bazasubizwe mu ishuri, kuko hari ababa bafite ibibazo birenze ubushobozi bw’imiryango ndetse n’imidugudu babarizwamo.

Ati “Hari n’igihe usanga bafite ingorane zirenze ibyakemurwa n’umudugudu, hari inzira babitangiramo raporo, bigafasha ko ubuyobozi bwisumbuye bukurikirana. Hari abandi baba baragiye mu buzererezi turabafata tukabanza kubajyana aho bagororerwa, umuco baba barataye bakaba abantu bandagaye, hari ingeso ubanza kurandura akongera akaba umwana ukamushakira uko asubira mu muryango yamara gusubirayo ukamujyana mu ishuri, haba haribyo akeneye kubona akabishakirwa akabihabwa”.

Mu rwego rwo guhangana n’icyo kibazo ngo ubuyobozi buhora bufite inzira zirimo ubukangurambaga nk’uko Munyandamutsa abisobanura.

Ati “Duhora rero dufite izira z’ubukangurambaga, duhora dufite inzira zo gukoresha amategeko, n’inzira zo kwigisha byose bigenda byunganirana. Tukagira inzego zibikora zirimo abakorerabushake, zirimo n’abakozi ba Leta, rimwe na rimwe hari n’imiryango itari iya Leta ijya ibigiramo uruhare kuko hari abo usanga barabigize igikorwa cyabo cya buri gihe, bituma bagira inzobere basobanukiwe ubuzima bwo mu mutwe bakatwunganira”.

Zimwe mu mpamvu zituma abana bata ishuri harimo amakimbirane yo mu miryango atuma abana barambirwa kuba iwabo bikabaviramo kuba inzererezi kuko nta handi baba bafite bajya.

Nyuma yo kwakirwa ku kibuga cy’indege mpuzamahanga cya Kigali, biteganyijwe ko Perezida Touadéra ahita akomereza muri Village Urugwiro, aho yakirwa na Perezida wa Repubulika y’u Rwanda, Paul Kagame, bakagirana ibiganiro hagati yabo hanyuma bakaza kuganira n’itangazamakuru.

Muri Nzeri 2019 ubwo Perezida Kagame yahuriraga na Perezida Faustin-Archange Touadéra i New York muri Amerika

Biteganyijwe ko nyuma yo kwakirwa ku Kibuga cy’indege cya Kanombe nk’uko bigenda ku bakuru b’ ibihugu, Touadera akomereza muri Village Urugwiro aho abanza kuganira na Perezida Kagame w’u Rwanda mu muhezo, nyuma bakaza kuganira n’abandi bayobozi bazana nawe baturutse muri Santrafurika.

Nyuma y’aho, abo bakuru b’ibihugu burakurikira isinywa ry’amasezerano atandukanye, hakurikireho kugirana ibiganiro n’itangazamakuru.

Nyuma y’aho, biteganyijwe ko Perezida Touadera azasura inzu ndangamurage y’amateka y’urugamba rwo guhagarika Jenoside, iyo nzu ikaba iherereye ku ngoro y’inteko ishinga amategeko.

Tariki 6 Kanama 2021, Perezida Touadera azasura Umudugudu w’icyitegererezo wa Kinigi watashywe ku mugaragaro tariki 4 Nyakanga 2021, ukaba utuyemo imiryango 144, ishuri ryisumbuye, ikigo mbonezamikurire, ikigo nderabuzima, n’ibindi bikorwa remezo.

Perezida Touadera azanasura ibyiza nyaburanga bitandunye mu Rwanda, mbere y’uko asubira mu gihugu cye tariki 8 Nyakanga 2021.

Perezida Touadera araba ari Perezida wa Kabiri usuye u Rwanda muri iki Cyumweru, kuko aje akurikira Perezida Samia Suluhu wa Tanzania wasuye u Rwanda muri ntangiriro z’iki Cyumweru mu ruzinduko rw’akazi rw’iminsi ibiri.

U Rwanda rusanzwe rufite ubufatanye na Santrafurika binyuze mu bikorwa byo kubungabunga amahoro n’ umutekano muri icyo gihugu, ndetse icyo gihugu cyafunguye imiryango ku bikorera kugira ngo barebe amahirwe y’ishoramari ari yo, bityo bashoreyo imari yabo.

Abasura uwo mudugudu bose bashima ibikorwa by’ingabo z’igihugu cy’u Rwanda

Mu kwezi kumwe uwo mudugudu ufunguwe ku mugaragaro, abashyitsi biganjemo inzego za Gisirikare baturutse mu bihugu binyuranye, bakomeje gushima uburyo uwo mudugudu wahinduriye abaturage ubuzima, biturutse ku bufatanye bw’abaturage n’ingabo z’u Rwanda, dore ko uwo mudugudu wubatswe ku bufatanye bwa Leta n’Ingabo z’igihugu, umutwe ushinzwe inkeragutabara.

Honorable OCZ Mushinguri Kashiri, Minisitiri w’Ingabo mu gihugu cya Zimbabwe, wari uyoboye itsinda ry’abayobozi mu nzego zinyuranye muri Zimbabwe, ubwo basuraga uwo mudugudu bari kumwe na Minisitiri w’ingabo z’u Rwanda, Maj Gen Albert Murasira, ku wa Kabiri Tariki 03 Kanama 2021.

Nyuma yo gutambagizwa uwo mudugudu n’umuyobozi w’Akarere ka Musanze wungirije ushinzwe iterambere ry’ubukungu, Andrew Rucyahana Mpuhwe, bishimiye ubwiza bwawo.

Abanyamahanga bakomeje gukorera ingendoshuri muri uwo mudugudu, basura ibikorwa binyuranye

Bishimiye ubuzima bwiza bw’abawutuye, nyuma yo gusura ibikorwa binyuranye birimo Ikigo mbonezamikurire, Ishuri ry’incuke n’ibindi, bishimira ibikorwa by’iterambere Ingabo z’u Rwanda zikomeje kugeza ku baturage.

Minisitiri w’Ingabo muri Zimbabwe ati “Ni ibyo gushima kuba ingabo z’u Rwanda zikomeje kwegereza abaturage iterambere, nabonye ibikorwaremezo binyuranye kandi byubatse neza cyane, birategurira umuturage iterambere rirambye”.

Ni nyuma y’uko na none, uwo mudugudu wari uherutse gusurwa n’umugaba mukuru w’Ingabo mu gihugu cya Angola, General Egidio Santos, ubwo yari kumwe n’Umugaba mukuru w’Ingabo z’u Rwanda, Gen Jean Bosco Kazura, ku itariki 28 Nyakanga 2021.

Abana bishimira gutaha iwabo mu nzu zigezweho, iyo bavuye kwiga

Mu bikorwa basuye muri uwo mudugudu, birimo Agakiriro, Ikigo mbonezamikurire cy’abana, Ikigo nderabuzima, amashuri n’amacumbi agezweho yubakiwe abaturage.

Abo bashyitsi bagarutse ku bufatanye bw’ingabo z’u Rwanda n’abaturage, aho Gen Egidio yagize ati “Ibi bikorwa Ingabo z’u Rwanda zikomeje kugeza ku baturage birerekana urukundo ntagereranywa Ingabo zikunda abaturage, nabonye inyubako nziza, amashuri, amavuriro byerekana uruhare rw’Ingabo z’u Rwanda mu mibereho myiza y’umuturage”.

Uretse abakuriye ingabo mu bihugu binyuranye, uwo mudugudu kandi ugenda usurwa n’abayobozi banyuranye mu rwego rw’isi aho bagera bakishimira, bavuga ko bahigiye byinshi bizabafasha kuzamura iterambere ry’abaturage mu bihugu byabo.

Abashyitsi bakomeje gusura umudugudu wa Kinigi

Ni umudugudu ucumbikiye imiryango 144, yari ituye mu kajagari muri ako gace ka Kinigi, ahadakunze korohera umuturage kubaka, dore ko ari agace karangwa n’amakoro.

Ibyo bikorwa remezo muri uwo mudugudu birimo inzu 144 zigenewe amacumbi y’abaturage, Agakiriro, ikigo nderabuzima, amashuri mu byiciro binyuranye, imihanda, byose byatwaye agera kuri Miliyari 27 z’Amafaranga y’u Rwanda.

Bashimye urwego ikoranabuhanga rimaze kugeraho mu mashuri yo mu mudugudu wa Kinigi

Urugo mbonezamikurire rukomeje gusurwa