Webrwanda Backend

Category: Uncategorized

  • Kigali: Abakora akazi ko mu rugo bagaragaje ko bagihohoterwa n’abakoresha babo – #rwanda #RwOT

    Imirimo yo mu rugo ni imwe mu itanditswe ikoramo abigajemo urubyiruko ndetse bakanagaragaza ko bakunze guhura n’ibibazo bitandukanye mu kazi kabo ka buri munsi birimo kutishyurwa no guhohoterwa na bamwe mu bakoresha babo.

    Bamwe mu baganiriye na Radiyo Rwanda bavuga ko babangamirwe n’uburyo hari abakoresha batabaha agaciro gakwiye guhabwa ikiremwamuntu.

    Uwitwa Ndayishimiye Anitha yagize ati “…guhera iyo tariki ntangira gukorera ibihumbi 10, nahakoze amezi atatu ntibanyishyura asanga cya kirarane biba ibihumbi 45 noneho mbonye batari kunyishyura mfata umwanzuro wo gusezera akazi.”

    Usibye kwamburwa amafaranga baba bakoreye, hari aho abakozi bo mu rugo bemeza ko bajya bakorerwa ihohoterwa rishingiye ku gitsina.

    Umwe muri bo yagize ati “Nashatse ahandi nkora, mpageze umugabo waho arambwira ngo nutemera ko turyamana ntabwo nzakwishyura. Numvise abikomeje nagishije inama umukobwa twari nshuti kubera ko we yari amenyereye i Kigali ambwira ko icyiza ari uko nakwigendera kubera ko umugore we abimenye yanyica; ubwo nari maze kuhakora amezi atatu mpita ngenda batanyishyuye.”

    Hari n’ababwirwa amagambo atari meza abatesha agaciro ku buryo bwisubiramo kenshi, ibintu bemeza ko bibashengura.

    Umwe ati “..akambwira ngo sinshaka kuzabona unywa igikoma, ni icy’abana; sinshaka kuzakubona ukora ku mugati kandi ari njye ugaburira abana be, mbatekera nkanaboza, byarambabazaga cyane.”

    Nubwo abakozi bo mu rugo bagihohoterwa, uko iminsi ishira hari abagerageza gushakira ibisubizo by’ibibazo abakozi bo mu rugo bahura na byo ku buryo hari n’abashinga ibigo bibahuza n’abakoresha babakeneye bagakorana amasezerano n’ibyo bigo.

    Uwamahoro Belynda washinze ikigo gihuza abakozi bo mu rugo n’ababakeneye yagize ati “ Habaho amasezerano hagati y’umukozi n’ikigo hakongera kubaho amasezerano hagati y’ikigo n’umukoresha ndetse n’umukozi. Ibyo biba ari ukwirinda ingeso mbi zimwe na zimwe ziba mu bakozi n’abakoresha.

    Ku ruhande rw’abakoresha abakozi barabiba ariko iyo habayeho ayo masezerano ntabwo bibaho. No ku ruhande rw’abakozi iyo habayeho ayo masezerano nta hohoterwa mu buryo bwose ribaho.”

    Umunyamabanga Mukuru w’Urugaga rw’Amasendeki y’Abakozi mu Rwanda , Africain Biraboneye, we asanga hari ibyakozwe birengera abakora imirimo itanditse byasohotse mu itegeko ry’umurimo ryasohotse mu itegeko ry’umurimo ryo mu 2018.

    Ati “ Ni uko abo bakozi bakwiye kwibumbira mu mashyirahamwe n’iyo baba bari muri ayo mashyirahamwe yandi abashakira akazi ariko bakajya mu masendika nk’ishyirahamwe ryemewe kuba ryabakorera ubuvugizi mu nzego zose n’imbere y’inzego za Leta kugira ngo ibibazo byabo bimenyekane, bibe byashakirwa ibisubizo binyuze mu mikoranire isanzwe iri hagati y’abahagarariye abakozi n’abahagarariye abakoresha na Leta ishyiraho amategeko.”

    Yaboneyeho kugira inama abaturage bose yo gufata abakozi neza no kubaha agaciro bakabafata nk’ibiremwamuntu nk’abantu babafitiye akamaro cyane ko ari bo basigira ibintu byose byo mu rugo ndetse n’abana.

    Abakozi bo mu ngo ni bamwe mu bakora mu nzego z’imirimo itanditse bavuga ko bahura n’ihohoterwa bakorerwa n’abakoresha babo

    source : https://ift.tt/3AuchT5

  • Musanze: Hangijwe ibiyobyabwenge n’ibicuruzwa bitemewe bifite agaciro k’arenga miliyoni 3 Frw – #rwanda #RwOT

    Igikorwa cyo kwangiza ibi biyobyabwenge n’ibindi bicuruzwa bya magendu harimo n’ibyarengeje igihe byafashwe kuva muri Werurwe kugeza muri Kanama 2021, cyabereye ku cyicaro cya Polisi mu Ntara y’Amajyaruguru ku wa Kabiri tariki 10 Kanama 2021.

    Bamwe mu rubyiruko rwitabiriye iki gikorwa, bavuze ko usibye kuba byangiza bamwe muri bo, binafite ingaruka ku bukungu bw’igihugu kuko bidindiza iterambere n’ubuzima bw’ababikoresha, basaba buri wese kubirwanya yivuye inyuma kuko ari urugamba rutagenewe bamwe gusa.

    Musafiri Hassan yagize ati ” Iyo urebye ibiyobyabwenge byangiza ubuzima rw’urubyiruko n’abandi babikoresha kandi bitwara n’amafaranga menshi yakwiye kuba ashorwa mu bindi bikorwa by’iterambere, turasaba ababa babikoresha cyane cyane urubyiruko bagenzi banjye kubyirinda kuko byangiza ubuzima n’iterambere kandi nitubigira ibyacu tuzatsinda.”

    Tuyisenge Ange Marie Gisele na we yagize ati ” Tubona kenshi ingaruka ibi biyobyabwenge bigira ku rubyiruko ruba rwarabaswe na byo; turasaba ababyeyi ko twafatanya twese tukarwanya ibiyobyabwenge kuko byangiza ababikoresha, naho ibi bicuruzwa biba byararangije igihe n’ibitemewe na byo bigira ingaruka ku buzima kuko biba byarapfuye ibindi utamenya icyo bikozwemo, turasabwa kubyirinda twese.”

    Umuyobozi w’Akarere ka Musanze wungirije ushinzwe imari, ubukungu n’iterambere, Rucyahanampuhwe Andrew, yavuze ko gukoresha ibiyobyabwenge biza ku isonga mu guteza umutekano muke kuko abakora ibyaha bitandukanye benshi baba babikoresheje.

    Yagize ati “Ibiyobyabwenge byangiza urubyiruko rwinshi mu mitekerereze, ubuzima bwabo no ku bantu bakuru babikoresha kuko biteza umutekano muke harimo n’amakimbirane y’urudaca mu miryango ndetse ni indandaro y’ibyaha byinshi bikunze kugaragara muri rusange. Icyo dusaba abaturage ni ukubireka kuko bibagiraho ingaruka ku giti cyabo, ku muryango no ku gihugu muri rusange.”

    “Ku bijyanye n’ibicuruzwa bya magendu n’ibitemewe ho turasaba abacuruzi kujya bashishoza aho barangura kuko hari benshi barangura byinshi ariko ngo bagasanga harimo n’ibyarengeje igihe, tuzakomeza kugenzura ibi bicuruzwa ndetse n’ababifite turabashishikariza kubikura mu bindi, ikindi ni uko bareka ibintu bya magendu no gucuruza ibitemewe.”

    Mu byangijwe kuri uyu munsi harimo ibiyobyabwenge by’urumogi na kanyanga, inzoga zo mu dusashi ziva muri Uganda, inzoga z’inkorano, ibicuruzwa bitemewe byiganjemo amavuta yo kwisiga azwi nka mukorogo.

    Ibi biyobyabwenge n’ibicuruzwa byarengeje igihe byangijwe

    Abaturage basabwe kwirinda ibiyobyabwenge kuko bigira ingaruka mbi ku buzima bwabo

    source : https://ift.tt/3Axh0mR

  • Afurika ntikwiye kuba nk’umwana w’inyoni utegereza guhora atamikwa-Perezida Kagame – #rwanda #RwOT

    Afurika ni umugabane utunzwe n’inkunga z’amahanga ndetse ibi bishimangirwa n’uburyo ingano yayo yagiye izamuka mu myaka yashize.

    Mu 1970, ibihugu bya Afurika biri Munsi y’Ubutayu bwa Sahara, byahawe inkunga ifite agaciro ka miliyari 1.7$, ariko yaje kugera kuri miliyari 49.2$ mu 2017. Muri uwo mwaka ishoramari uyu mugabane wakiriye ryari miliyari 24.6$ rivuye kuri miliyoni 700$ mu 1970.

    Perezida Kagame yavuze ko atatunguwe no kuba ibihugu birimo u Bwongereza byarafashe icyemezo cyo guhagarika inkunga bigenera Afurika, avuga ko ikwiye kwiga uburyo bwo kubaho mu gihe inkunga zizaba zihagaritswe.

    Ati “Ntibyantungura. Ikibazo si ugukuraho inkunga, ntegereje ko zizagabanuka zikagera kuri zero. Umunsi umwe bizabaho, byaba bikozwe n’u Bwongereza ndetse n’ibindi bihugu. Ibi bishimangira igitekerezo cyanjye cy’uko inkunga zitakubakirwaho iterambere rirambye, nubwo zikenewe mu kubaka ubushobozi buzashoboza abantu kubaho batazikeneye, cyangwa abazikera bakagenda baba bacye uko ibihe bishira.”

    Perezida Kagame yavuze ko atari ikibazo kuba ibihugu bindi ndetse n’imiryango mpuzamahanga byagira uruhare mu kubaka iterambere rya Afurika, ariko asobanura ko biba ikibazo iyo abazanye ibyo bikorwa by’iterambere batangiye gutegeka Abanyafurika uburyo bitwara.

    Ati “Ku ruhande rumwe, ni ibintu byiza [kuba ibihugu, imiryango mpuzamahanga n’abantu ku giti cyabo] bafitiye ishyaka Afurika, bakaba bifuza kuyifasha [mu rugendo rw’iterambere]. Ibyo ndabishima. Icyo ntakunda ni urundi ruhande ruha abantu uburenganzira bwo kuvuga no gukora ibintu nk’aho ari Abanyafurika. [Iyo bibaye] ndibaza nti ‘turi he?’”

    Perezida Kagame yavuze ko Abanyafurika bakwiye kugira uruhare mu bibakorerwa ariko ashimangira ko birushaho kuba byiza iyo bibafitiye akamaro.

    Yakomeje ati “Nta kibazo mfite ku bitekerezo bituruka hanze ya Afurika, ndetse n’imishinga y’iterambere ariko kuki tutakorana ku buryo Abanyafurika bafata inshingano mu kugaragaza ibyo bakeneye ndetse n’ibitekerezo byabo. Rimwe na rimwe bishobora no kugira uruhare mu guteza imbere iyo mishinga. Niba imishinga y’iterambere igenewe Afurika, ni ingenzi ko Abanyafurika bagira uruhare muri ibyo bikorwa aho kugira ngo abandi babe ari batanga ibitekerezo byabo kuri Afurika.”

    Perezida Kagame yavuze ko imyitwarire yo gutegereza icy’abandi bagenera Afurika imeze nk’uko ibyana by’inyoni bitegereza kugaburirwa

    Ati “Afurika ntishobora kuba nk’ibyana by’inyoni byicara gusa bifunguye umunwa kugira ngo [abandi] baze batamike Afurika. Ntekereza ko atari byo.”

    Ni irihe shingiro ry’abagereranya u Rwanda na Silcon Valley?

    U Rwanda rufite isura nshya, kuko ari kimwe mu bihugu bifite umuvuduko mu iterambere, umwihariko mu kubaka ubukungu bwihagazeho, kizwi ku isuku, guteza imbere ihame ry’uburinganire n’ibindi bituma amahanga agitangarira.

    Nk’Umukuru w’Igihugu, Perezida Kagame yagize uruhare rufatika muri ibi bikorwa, nubwo “Iyo ibintu bigenda neza, bisa nk’aho nta ruhare na ruto nagize mu gutuma [ibyo byagezweho bishoboka”, nk’uko yabiteyemo urwenya mu kiganiro kirekire yagiranye na New African Magazine.

    Muri iki kiganiro, Perezida Kagame yavuze ko umwanya afite nk’Umukuru w’Igihugu, utuma yiga amasomo atandukanye mu buryo butoroshye.

    Ati “Niga amasomo buri munsi kandi mu mwanya ndimo [nk’Umukuru w’Igihugu] niga amasomo mu buryo bukomeye. Buri gihe iyo ibintu bigenze nabi, ninjye unengwa kandi ntabwo byanze.”

    U Rwanda kandi ni kimwe mu bihugu bifite umuvuduko uri hejuru mu ikoreshwa ry’ikoranabuhanga, aho umubare w’abakoresha internet wavuye kuri miliyoni 1.4 mu 2016 ukagera kuri miliyoni 4.1 muri uyu mwaka.

    Ni mu gihe ibikorwaremezo birimo imiyoboro ya flbre optic ituma ikoranabuhanga rishobora gukoreshwa, rigeze kuri 96% by’ubuso bw’igihugu.

    Uyu muvuduko uri hejuru mu ikoreshwa ry’ikoranabuhanga ni wo watumye u Rwanda rutangira kugereranywa na Silicon Valley yo muri Leta ya California muri Leta Zunze Ubumwe za Amerika. Aka gace gafatwa nk’igicumbi cy’ikoranabuhanga ku rwego rw’Isi, kakabarizwamo ibigo bikomeye nka Google, Facebook n’ibindi bikomeye.

    Perezida Kagame yavuze ko u Rwanda rufite intego yo guteza imbere ikoranabuhanga, ariko rudakwiye kwifuza kuba nka Silicon Valley.

    Ati “Twishimira kwigira kuri Silicon Valley cyangwa mu bindi bice [byateye imbere mu ikoranabuhanga] ariko ntukwiye kwifuza kuba nk’undi muntu. Ukwiye kuba uwo uri we ariko ukiga kwigeza ku rwego wifuza kugeraho. Ibyo tubona ku Isi ni uko [iterambere mu ikoranabuhanga] rishingira ku bushobozi n’ubumenyi bw’abantu. Rero bishingira mu guteza imbere urwego rw’uburezi ndetse n’ubumenyi mu Rwanda, ari nabyo bizatugeza ku cyo twifuza kugeraho.”

    Perezida Kagame kandi yavuze ko u Rwanda ruri gushora imari mu gushyiraho ibizatuma urubyiruko rubyaza umusaruro ikoranabuhanga riri mu gihugu.

    Ati “Turi gushora imari mu rubyiruko, abahungu n’abakobwa, abagabo n’abagore, ndetse no gushyiraho uburyo bashobora kwiga, no kubona amafaranga yo gushyira mu bikorwa ibyo bifuza gukora.”

    Perezida Kagame yavuze ko urubyiruko rufite inshingano yo kubyaza umusaruro amahirwe ruhabwa, ati “Tubabona nk’ejo hazaza. Navuga ko ingamba zishyirwaho na Leta zijyanye no guteza imbere urubyiruko ndetse no kurufasha kuba aho bifuza ndetse n’aho igihugu cyifuza ko baba bari.”

    “Ariko urubyiruko ni rwo rugomba guhitamo icyo rwifuza kuba n’aho rwifuza kuba. Ibyo bituma baba igice gikomeye cy’iryo terambere. Ni bo bagomba kuba nyambere, bagomba kumva ko bagira uruhare muri iryo terambere. Ntabwo ari ingamba z’iterambere cyangwa Leta byatuma ibintu bishoboka.”

    U Rwanda kimwe n’ibindi bihugu byinshi bya Afurika, rugizwe n’urubyiruko rwinshi, aho abarenga 60% by’abatuye u Rwanda bari munsi y’imyaka 30.

    Perezida Kagame yavuze ko urubyiruko rwa Afurika rukwiye kubyaza umusaruro amahirwe y’iterambere ari kuri uyu mugabane

    source : https://ift.tt/3fTCti2

  • Nimwe muramutswa ubumwe! – Imbamutima z’Abanyarwanda ku isabukuru ya Madamu Jeannette Kagame – #rwanda #RwOT

    Ku munsi uyu mubyeyi yizihizaho isabukuru y’amavuko, Abanyarwanda b’ingeri zitandukanye bamwifurije isabukuru nziza no kurambira mu gihugu kizira ivangura, kikimakaza iterambere ridaheza.

    Abantu batandukanye by’umwihariko abakoresha urubuga nkoranyambaga rwa Twitter, bohereje ubutumwa Madamu Jeannette Kagame bamwifuriza kugira umunsi mwiza w’amavuko.

    Visi Perezida w’Inteko Ishinga Amategeko, Umutwe wa Sena, Nyirasafari Esperance, yagize ati “Isabukuru nziza y’amavuko Nyakubahwa Madamu Jeannette Kagame. Nyagasani akomeze abarinde.”

    Minisitiri w’Ubutegetsi bw’Igihugu, Gatabazi Jean Marie Vianney yagize ati “Reka mfate uyu mwanya nifurize isabukuru nziza n’umugisha, Madamu Jeannette Kagame.”

    Bamwe mu batanze ubutumwa banikije ku bikorwa by’indashyikirwa, Madamu Jeannette Kagame yagizemo uruhare hagamijwe guhindura imibereho y’abenegihugu by’umwihariko abadafite kivugira.

    Umunyamabanga wa Leta muri Minisiteri y’Urubyiruko n’Umuco, Bamporiki Edouard, yagize ati “Nimwe muramutswa Ubumwe no kuramira ukuri Umu. Mwunamuye Intwaza zibona icyoko cy’ineza. Mwacyashye urwango mu barwo.”

    “Abashibutse kurya na kuno muti: “Muri Imbuto zizarubyarira Ingabo” Mwahamije ko Umutwaza w’Umutware ari Umumaragishyika ITEKA. Isabukuru nziza Jeannette Kagame.”

    Ambasaderi w’u Rwanda muri Angola, Gasamagera Wellars, yagize ati “Isabukuru nziza ku muntu udasanzwe waharaniye ubumwe bw’Abanyarwanda, komora ibikomere no kongera kwiyubaka kw’Abarokotse Jenoside yakorewe Abatutsi, guteza imbere umwana w’umukobwa, gushyigikira impano, no kongerera ubushobozi abagore, guha icyubahiro Intwaza no kubaka Umuryango Nyarwanda.”

    Umuyobozi wa Imbuto Foundation, Umutoni Sandrine, mu butumwa bwe na we yifurije isabukuru nziza Madamu Jeannette Kagame ari nawe washinze uyu muryango umaze imyaka 20 ukora ibikorwa bigamije impinduka muri sosiyete.

    Uretse abayobozi n’abazwi mu ngeri zitandukanye, abanyarwanda benshi by’umwihariko abakoresha imbuga nkoranyambaga na bo ntibahishe amarangamutima yabo.

    Uwitwa Heritier yagize ati “Umubyeyi ugira ubumuntu, tumwifurije isabukuru nziza. Ababyiruka n’abageze mu zabukuru uri igisobanuro gikomeye mu buzima bwabo.”

    Karangwa Sewase yagize ati “Isabukuru Nziza ku Mubyeyi wacu. Ubupfura n’Ubugwaneza bimuranga ni umugisha ku Rwanda rwamwibarutse. Nahorane umugisha mu Rwanda.”

    Nsengimana Jean de Dieu ati “Nuko u Rwanda rwibaruka Shema ry’Abakobwa ibibero bye bikikira Intwari, uko agenda agwiza ibigwi maze yibaruka Nkubito y’i Cyeza, abari mu wo mujyo, ubu bavuga imyato kuko yabagize intyoza mu burezi n’uburere yewe no mu miyoborere baraganje. Isabukuru nziza Madamu Jeannette Kagame.”

    Madamu Jeannette Kagame ni we washinze umuryango Imbuto Foundation. Arangwa mu bikorwa bye bya buri munsi no kwita cyane ku bapfakazi, abana bagizwe imfubyi na Jenoside yakorewe Abatutsi ndetse n’imiryango yugarijwe n’ubukene.

    Ni umubyeyi urangwa n’umurava, umutima w’ubugwaneza n’ishyaka mu guharanira kuzana impinduka mu buzima bw’Umuryango Nyarwanda.

    Madamu Jeannette Kagame ni Umuyobozi Mukuru w’Umuryango wa Unity Club washinzwe mu 1996, uhuriyemo abagize guverinoma, abayihozemo n’abafasha babo. Uyu muryango ufite ibikorwa bigamije kuba umusemburo w’ibisubizo cyane cyane bishingiye ku bibazo byatewe n’ingaruka zo kubura ubumwe ugamije gukorera hamwe mu gukomeza gusigasira amajyambere arambye y’u Rwanda.

    Mu 2002, Madamu Jeannette Kagame ari mu bamwe bashinze Umuryango uhuriyemo abagore b’Abakuru b’ibihugu bya Afurika (Organization of African First Ladies against HIV/AIDS-OAFLA), ugamije kurwanya virusi itera SIDA. Yabaye Umuyobozi mukuru wawo mu 2004-2006.

    Mbere y’aho, mu 2001, yashinze Umuryango PACFA (Protection and Care of Families against HIV/AIDS) ugamije by’umwihariko kurwanya icyorezo cya SIDA, no kugarurira icyizere ababana n’ubwandu bwa virusi itera SIDA.

    Madamu Jeannnette Kagame ni umwe mu bashinze Green Hills Academy; afite impamyabumenyi mu bijyanye n’Ubukungu na Siyansi (Business and Management Science); yagiye atanga imbwirwaruhame n’ibiganiro ku miyoborere myiza, ubukungu, ubuzima, imibereho myiza y’abana, gushyigikira abagore n’urubyiruko n’ibindi.

    Madamu Jeannette Kagame yashakanye na Perezida Kagame mu 1989 , ubu bafitanye abana bane n’umwuzukuru. Mu bana bafitanye harimo abahungu batatu n’umukobwa umwe.

    Ubutumwa butandukanye Abanyarwanda bageneye Madamu Jeannette Kagame

    Let me take this time to Wish You A very happy&blessed Birthday Your Excellency @FirstLadyRwanda . We are so proud of Your Contribution towards Social economic transformation of this Country behind Our Very Great Man HE @PaulKagame
    Toutes les bonnes choses pour toi & ta famille

    — Gatabazi JMV (@gatjmv) August 10, 2021

    Nimwe muramutswa Ubumwe no kuramira ukuri Umu. Mwunamuye Intwaza zibona icyoko cy’ineza. Mwacyashye urwango mu barwo. Abashibutse kurya na kuno muti: “Muri Imbuto zizarubyarira Ingabo” Mwahamije ko Umutwaza w’Umutware ari Umumaragishyika ITEKA. Isabukuru nzinza @FirstLadyRwanda pic.twitter.com/JCd4GldT7Y

    — Bamporiki Edouard (@Bamporikie) August 10, 2021

    Nimwe muramutswa Ubumwe no kuramira ukuri Umu. Mwunamuye Intwaza zibona icyoko cy’ineza. Mwacyashye urwango mu barwo. Abashibutse kurya na kuno muti: “Muri Imbuto zizarubyarira Ingabo” Mwahamije ko Umutwaza w’Umutware ari Umumaragishyika ITEKA. Isabukuru nzinza @FirstLadyRwanda pic.twitter.com/JCd4GldT7Y

    — Bamporiki Edouard (@Bamporikie) August 10, 2021

    On this special day, join us in wishing a very Happy Birthday to our Chairperson @FirstLadyRwanda. pic.twitter.com/bVgdu03ySW

    — Imbuto Foundation (@Imbuto) August 10, 2021

    Nimwe muramutswa Ubumwe no kuramira ukuri Umu. Mwunamuye Intwaza zibona icyoko cy’ineza. Mwacyashye urwango mu barwo. Abashibutse kurya na kuno muti: “Muri Imbuto zizarubyarira Ingabo” Mwahamije ko Umutwaza w’Umutware ari Umumaragishyika ITEKA. Isabukuru nzinza @FirstLadyRwanda pic.twitter.com/JCd4GldT7Y

    — Bamporiki Edouard (@Bamporikie) August 10, 2021

    On this special day, join us in wishing a very Happy Birthday to our Chairperson @FirstLadyRwanda. pic.twitter.com/bVgdu03ySW

    — Imbuto Foundation (@Imbuto) August 10, 2021

    Happy birthday to a very exceptional Person who strived for the unity of Rwandans, healing and resilience, survival of the needy, promotion of the child girl, support of talents, empowerment of women, dignity of Intwaza, mending of society. HBD @FirstLadyRwanda

    — Gasamagera Wellars (@wellgas2) August 10, 2021

    We wish you a joyous birthday Your Excellency @FirstLadyRwanda and pray for more health and happiness in the years ahead! https://t.co/Ih7OmXErv0

    — Dr. Aisa Kirabo Kacyira (@AKacyira) August 10, 2021

    Wishing our Chairperson, Her Excellency Jeannette KAGAME, a happy birthday!

    We are grateful for your leadership that gave our Club a good direction to benefit Rwandans.

    May you continue to be blessed with good health and a long life.@FirstLadyRwanda pic.twitter.com/AjlU6mHGD6

    — Unity Club (@UnityClubRw) August 10, 2021

    Un tres Joyeux Anniversaire a notre Chere Premiere Dame Jeannette Kagame & Presidente de notre “Unity Club”. Tendres Pensees, Bonne Sante!
    Avec toute la Famille, que Dieu vous garde dans son Amour.

    — Jacqueline Muhongayire (@JMuhongayire) August 10, 2021

    Happy Birthday to our First Lady and Chairperson. May the Almighty continue to bless you abundantly.

    — Edda Mukabagwiza (@EddaM2012) August 10, 2021

    Isabukuru nziza y’amavuko Nyakubahwa Madamu Jeannette Kagame @FirstLadyRwanda. Nyagasani akomeze abarinde 🙏 https://t.co/ose2yLnqwb

    — Nyirasafari Espérance (@nyirasafariespe) August 10, 2021

    Wishing our Chairperson a very Happy birthday, many blessings from the Almighty God! https://t.co/cSIwLgPi5K pic.twitter.com/BPVywXId93

    — Monique Mukaruliza (@MukarulizaM) August 10, 2021

    Heureux anniversaire à une Femme superbe, d’une intelligence gracieuse…et qui a un coeur plus gros que le monde…Notre perle à nous!!
    Happy Birthday to our sublime First Lady! Imana y’u Rwanda ikomeze ibarinde! https://t.co/cvgUpcUxA8

    — Ines Mpambara (@InesMpambara) August 10, 2021

    source : https://ift.tt/3jOwvAl

  • Umukunzi wa Patient Bizimana yakorewe ibirori byo kumusezeraho(AMAFOTO) #rwanda #RwOT

    Karamira Uwera Gentille ugiye gukora ubukwe n’umuhanzi w’indirimbo zo kuramya no guhimbaza Imana, Patient Bizimana yakorewe ibirori byo gusezera ku bukumi bizwi nka Bridal Shower.

    Abinyujije kuri Instagram Stories, Uwera Gentille yagiye ashyiraho amafoto yaranze ibi birori byabereye mu bwato i Miami muri Leta ya Florida ari nako ashimira abantu bagiye bamwifuriza gutera indi ntambwe.

    Ntabwo itariki nyirizina y’ubukwe bwabo iramenyekana ariko iyo ibi birori bibaye ni uko ubukwe nabwo buba buri hafi.

    Patient Bazimana na Uwera Gentille bagiye gukora ubukwe nyuma y’imyaka 2 basezeranye imbere y’amategeko kuko muri Kamena 2019 basezeraniye mu Karere ka Rubavu.

    Ku Cyumweru tariki ya 20 Kamena, Patient Bizimana yerekanywe mu rusengero na Karamira Uwera Gentille bitegura kurushingana.

    Uyu muhango wabereye mu rusengero Patient Bizimana asanzwe asengeramo rwa Evangelical Restoration Church (ERC) Masoro.

    Ni umuhango wabaye hifashishijwe uburyo bw’ikoranabuhanga mu rwego rwo kwirinda icyorezo cya Coronavirus, aho bageze mu mwanya wo kwerekana abazashyingiranwa bakavuga couple imwe imwe bakerekana ifoto yabo, ni bwo buryo Patient Bizimana na Gentille berekanywemo.

    Uyu akaba ari umuhango ubanziriza gusezerana imbere y’Imana aho bikorwa mu rwego kugira ngo niba hari abafite impamvu zatuma abo bombi badasezerana bazazitange mbere y’ubukwe.

    Karamira Uwera Gentilleugiye n’abakobwa bari baje kumusezeraho kuko agiye kuva mu cyiciro cy’ubukumi

    Byari ibyishimo bikomeye

    Uwera Gentille witegura gukora ubukwe yasezweho n’inshuti ze

    Ni ibirori byabereye mu bwato

    Patient Bizimana na Uwera Gentille bagiye kurushinga

    Source : http://isimbi.rw/iyobokamana/article/umukunzi-wa-patient-bizimana-yakorewe-ibirori-byo-kumusezeraho-amafoto

  • Hoteli zikomeye mu mujyi wa Kigali ziri gutezwa muri Cyamunara #rwanda #RwOT

    Mu mujyi wa Kigali , haravugwa inkuru ya Hoteli 2 zikomeye ari zo Hoteli Villa Portofino Kigali y'inyeneri enye na The Mirror Hotel y'inyenyeri eshatu, ziri gutezwa Cyamunara kugira ngo hishyurwe umwenda ba nyirazo babereyemo banki.

    Ni itangazo ryatangiye gutambuka mu bitangazamakuru binyuranye rimenyesha abifuza gupiganirwa izi hoteli kuba bakwinjira ku isoko ry'icyamunara uburi riri gukorwa hifashishijwe ikoranabuhanga.

    The Mirror Hotel iherereye i Remera ndetse na Portofino Hotel iri i Nyarutarama mu Karere ka Gasabo mu Mujyi wa Kigali.

    Itangazo rihamagarira abantu gupiganira izi hoteli rivuga The Mirror Hotel izagurishwa ku wa 16 Kanama 2021, ikaba ifite agaciro ka miliyari 3.9 Frw.

    Uwifuza kugura iyi hoteli muri cyamunara asabwa kuzatanga ingwate ingana na 5%. Ni ukuvuga miliyoni 198 Frw.

    Naho Villa Portofino Hotel iherereye i Nyarutarama, babereyemo umwenda Banque de l'Afrique de l'Est et de l'Afrique Australe pour le Commerce et le Développement (Banque de la ZEP) ndetse na Banki Nyarwanda Itsura Amajyambere , BRD.

    Hotel Villa Portofino yo ifite umwihariko wo kuba ari hoteli itangiza ibidukikije, ikagira ahantu heza kandi hagutse ho gukorera inama, ibirori bitandukanye bihuza inshuti n'abavandimwe.

    Ibyumba by'inama bya Portofino ni binini cyane kuko hari nk'icyakira abantu 250, icyakira 70 n'icyakira 25. Umukiriya ahitamo aho ashaka gukorera inama kandi bakamuha n'ibyangombwa birimo internet, amakayi n'amakaramu.

    Portofino Hotel kandi ifite ibyumba 51 byo kuraramo kandi byose bikagira ahantu ho gufatira amafunguro ku muntu ubishaka ariko utabishaka akaba yajya kurira ahabugenewe.

    Source : https://impanuro.rw/2021/08/11/hoteli-zikomeye-mu-mujyi-wa-kigali-ziri-gutezwa-muri-cyamunara/

  • U Rwanda rwatsinzwe umukino wa mbere mu gutegura AfroBasket #Rwanda #RwOT via @kigalitoday #rwanda #RwOT

    Ku mugoroba wo kuri uyu wa Kabiri ni bwo ikipe y’igihugu y’u Rwanda mu mukino wa Basketball yakinaga umukino wa mbere wa gicuti mu mikino itatu izakina igamije gutegura AfroBasket izabera mu Rwanda.

    U Rwanda rwatsinzwe n
    U Rwanda rwatsinzwe n’ikipe ya kabiri ya Senegal

    Umukino wa mbere wahuje u Rwanda n’ikipe ya kabiri irimo abakinnyi batahamagawe mu ikipe ya mbere, aho uyu mukino warangiye iyi kipe ya kabiri ya Senegal itsinze u Rwanda amanota 86 kuri 74.

    Kuri uyu wa Gatatu u Rwanda ruraza gukina undi mukino wa kabiri, aho baza kuba bakina n’ikipe ya mbere ya Senegel guhera i Saa mbili n’igice z’ijoro, iyi kipe ikazaba nayo iri mu Rwanda mu mikino ya AfroBasket.

    Muri iyi mikino ya “FIBA Afrobasket Rwanda 2021” izatangira tariki 24/08, ikipe y’u Rwanda izaba iri mu itsinda A hamwe na Angola, RDC na Cap Vert, mu gihe Senegal baza gukina iri mu itsinda D hamwe na Cameroun, Sudani y’Amajyepfo na Uganda.

    Uko amatsinda azaba ateye muri iyi mikino izabera muri Kigali Arena
    Uko amatsinda azaba ateye muri iyi mikino izabera muri Kigali Arena


    source : https://ift.tt/3CB2s7z

  • Santrafurika: Umuyobozi w’abapolisi bari mu butumwa bwa UN arashima imyitwarire y’abapolisi b’u Rwanda #Rwanda #RwOT via @kigalitoday #rwanda #RwOT

    Muri uru ruzinduko CP Bizimungu yakiriwe n’umuyobozi w’iryo tsinda, CSP Claude Bizimana, yamweretse imbago zose z’ikigo areba imibereho y’abo bapolisi n’uko bakora akazi bashinzwe muri icyo gihugu.

    CP Bizimungu yashimye uko yasanze aba bapolisi babayeho. Mu ijambo rye yagarutse ku kinyabupfura n’uko basohoza inshingano zabo, yabasabye gukomeza kurangwa n’ubunyamwuga bwo ku rwego rwo hejuru ndetse no gukomeza kurangwa n’indangagaciro.

    Yagize ati “Murasabwa gukomeza kurangwa n’ikinyabupfura no gukora kinyamwuga kuko ni byo bizabafasha gusohoza neza ubutumwa mwoherejwemo n’umuryango w’abibumbye. Bagenzi banyu bababanjirije bitwaye neza namwe murasabwa kugera ikirenge mu cyabo ndetse mukaba mwanabarusha”.

    Uwo muyobozi w’abapolisi bari mu butumwa bw’Umuryango w’Abibumbye muri Santrafurika yasezeranyije iryo tsinda ry’abapolisi b’u Rwanda ubufasha bwose bazakenera kugira ngo basohoze neza inshingano barimo.

    CP Bizimungu ku itariki ya 27 Kamena 2021, ni bwo yatangiye inshingano zo kuyobora Polisi y’Umuryango w’Abibumbye (UNPOL), igizwe n’abapolisi baturuka mu mahanga bari mu butumwa bwo kubungabunga amahoro muri kiriya gihugu (MINUSCA), umwanya ukunze kwitwa Police Commissioner (D-2), uwo mwanya CP Bizimungu yawusimbuyeho Umufaransa, Gen Pascal Champion wari uwumazeho imyaka ibiri.

    Iryo tsinda CP Christophe Bizimungu yasuye ryageze muri icyo gihugu ku itariki ya 15 Mata uyu mwaka, rigizwe n’abapolisi 140 barimo abagore 30 n’abagabo 110.

    U Rwanda ni kimwe mu bihugu bifite abapolisi benshi muri kiriya gihugu mu butumwa bw’Umuryango w’Abibumbye, hariyo amatsinda 3 agizwe n’abapolisi 460 (FPUs) n’abandi 29 bajyayo mu butumwa bwihariye bw’umuryango w’abibumbye (IPOs).

    source : https://ift.tt/37AWmGe

  • Hoteli 2 zikomeye mu mujyi wa Kigali zashyizwe mu cyamunara #rwanda #RwOT

    The Mirror Hotel ni imwe muri hoteli zikomeye muri Kigali iri ku rwego rw'inyenyeri enye, iherereye i Remera muri metero 20 uvuye kuri rond-point yo ku Gisimenti, ku muhanda ujya i Remera mu Giporoso.

    Itangazo rihamagarira abantu kugura mu cyamunara The Mirror Hotel rivuga ko izagurishwa ku wa 16 Kanama 2021, ikaba ifite agaciro kari ku isoko k'asaga miliyari 3.9 Frw.

    Uwifuza kugura iyi hoteli muri cyamunara asabwa kuzatanga ingwate ingana na 5%. Ni ukuvuga miliyoni 198 Frw.

    Ni mu gihe ba nyiri Portofino Hotel iherereye i Nyarutarama, babereyemo umwenda Banque de l'Afrique de l'Est et de l'Afrique Australe pour le Commerce et le Développement (Banque de la ZEP) ndetse na Banki Nyarwanda Itsura Amajyambere , BRD.

    Ushinzwe kugurisha ingwate, Muregwa Anne avuga ko cyamunara iteganyijwe ku wa 16 Kanama 2021. Bikaba bizakorwa hifashishijwe ikoranabuhanga.

    The Mirror Hotel iri mu zijyanye n'igihe aho ifite ibyumba 60 byiza, byisanzuye kandi bigezweho.

    Itanga serivisi nziza ku bagize umuryango kuko hari ahantu ho kwidagadurira ku bana ndetse n'aho kuruhukira no kuganirira ku bantu bakuru hatuje, ikagira ahantu hagari ho gukorera imyidagaduro.

    The Mirror hotel ifite piscine yisanzuye, ahantu ho gukorera siporo [gym], ikagira ahantu ho gufatira ibyo kunywa no kurya ndetse ikaba ifite abahanga mu gutegura amafunguro harimo n'aya gakondo.

    Ni hoteli kandi ifite internet yihuta [Wi-Fi] kandi y'ubuntu ku bantu bahasohokera cyangwa bajya kuhaganirira no kuhakorera inama zitandukanye kuko ifite ibyumba by'inama.

    Kuva ku Kibuga Mpuzamahanga cy'Indege cya Kigali uri mu modoka ni iminota itanu ndetse n'iminota itanu kuva kuri Kigali Convention Center mu gihe umuntu uvuye mu Mujyi rwagati akoresha iminota 10 kugira ngo abe ageze kuri The Mirror Hotel.

    Hotel Villa Portofino yo ifite umwihariko wo kuba ari hoteli itangiza ibidukikije, ikagira ahantu heza kandi hagutse ho gukorera inama, ibirori bitandukanye bihuza inshuti n'abavandimwe.

    Ibyumba by'inama bya Portofino ni binini cyane kuko hari nk'icyakira abantu 250, icyakira 70 n'icyakira 25. Umukiriya ahitamo aho ashaka gukorera inama kandi bakamuha n'ibyangombwa birimo internet, amakayi n'amakaramu.

    Portofino Hotel kandi ifite ibyumba 51 byo kuraramo kandi byose bikagira ahantu ho gufatira amafunguro ku muntu ubishaka ariko utabishaka akaba yajya kurira ahabugenewe.

    Inkuru ya IGIHE

    Source : https://umuryango.rw/amakuru/mu-rwanda/ubukungu/article/hoteli-2-zikomeye-mu-mujyi-wa-kigali-zashyizwe-mu-cyamunara

  • Abakomisiyoneri mu nyungu! Mu Rwanda ari abakinnyi n’ikipe ni inde ushaka undi? Benshi bibuza amahirwe #rwanda #RwOT

    Igura n’igurishwa ry’abakinnyi riba rihishe byinshi mu mpande zitandukanye zose z’Isi, byagera mu Rwanda bikaba akarusho aho usanga umukinnyi umwe agurishwa n’abantu barenga 5, hari n’abakinnyi bihamagarira mu makipe ngo abasinyishe, mu gihe bimenyerewe ko ikipe iyo yashimye umukinnyi ari yo ijya kumurambagiza, ba komisiyoneri bo basarura agatubutse.

    Ntushobora kumva umukinnyi ku mugabane w’u Burayi nka Messi yahamagaye muri Arsenal ayibwira ko yifuza kuba yayerecyezamo, cyangwa ngo kuko umugore wa Cristiano ari inshuti n’umutoza Ole amuhamagare amubwire ngo agarure uyu munyabigwi i Manchester, ahubwo iyo umukinnyi yifuza kwerekeza mu ikipe runaka cyangwa se yo imwifuza bavugana n’umuhagarariye 'Agent’ abo mu Rwanda tutagira.

    Muri iyi nkuru turagaruka ku buryo isoko ry’abakinnyi mu Rwanda rikorwamo binatuma ikipe igura abo idakeneye, aho abakinnyi mu Rwanda badafite ababahagarariye, n’ababafasha bakaba baba bakurikiye inyungu zabo bwite, amakipe kutagira abantu bizewe babafasha kugura abakinnyi ni bimwe bituma amakipe menshi mu Rwanda agwa mu mutego wo kwisanga yaguze abakinnyi idakeneye, ikagura byo kugura gusa.

    Mu rwa Gasabo bikorwa bite?

    Mu Rwanda abakinnyi benshi nta babahagarariye bafite (agents), n’amakipe menshi ntabwo afite abashinzwe kugura abakinnyi n’aho bari usanga bakora nka 'Komisiyoneri’ batwara umukinnyi mu ikipe bitewe n’inyungu bashobora gumukuramo batarebye umusaruro azaha ikipe cyangwa se niba ikipe imukeneye.

    Gukorana na buri wese amakipe abonye kuko umukinnyi aba adafite umuhagarariye, ikipe kuba idafite abashinzwe kugura abakinnyi bituma amakipe menshi abeshywa akagura abo adakeneye bitewe n’inyungu za bamwe.

    Ntabwo bisaba ubwenge bwinshi ngo ubone ko abakinnyi Rayon Sports irimo igura ko ataribo yakabaye igura nk’ikipe y’amateka ihanganiye ibikombe, kuko abo imaze kugura ni bamwe batifuzwa n’abo bahanganye, ariko aha ku rundi ruhande wayumva kuko muri iki gihe iri mu bibazo by’amikoro.

    Nta mwanya munini bizagutwara kubona ko mu bakinnyi 6 APR FC yaguze igiye kwifashisha ku ruhando mpuzamahanga mu mikino Nyafurika ya CAF Champions League, abashobora kuzabona umwanya ubanzamo ari 2 gusa(Aimable na Karera), hari n’abaguzwe basanzwe ari abasimbura mu makipe yabo, abakunzi b’iyi kipe bibaza niba ari bo bakinnyi yarikeneye dore ko yanabatanzeho akayabo yanageze ku isoko mbere y’abandi, wasanga abakunzi bayo bareba nabi kuko iyi kipe ifite ushinzwe kuyirambagiriza abeza.

    Mu bakinnyi baguzwe muri APR FC, Aimable Nsabimana ni umwe mu bahabwa amahirwe yo kuzajya abanza mu kibuga

    Karera Hassan ni undi mukinnyi muri 6 bashobora kuzabanza mu kibuga

    Kugura abakinnyi ikipe nta mutoza ifite

    Iyi ni indi ngingo ikunze kugarukwaho cyane uburyo ikipe igura abakinnyi nta mutoza ifite akazashakwa nyuma, mu gihe bimenyerewe ko umutoza ubusanzwe ari we ugira uruhare mu kugura abakinnyi, urugero nk’ikipe ya Police FC isa n’iyamaze kuva ku isoko kandi nta mutoza ifite.

    Gusa ntabwo umuntu yakwirengagiza ko n’ubuyobozi bushobora kugura neza kurusha ibitekerezo by’umutoza cyane ko n’abatoza ari bamwe mu bashyirwa mu majwi kuba barya amafaranga y’abakinnyi kugira ngo babazane mu makipe batoza, ibyiswe 'Injyawuro’.

    Nko muri 2019 ikipe ya APR FC yari ibizi neza ko itazakomezanya n’abatoza barimo Jimmy Mulisa ariko yagiye ku isoko igura abakinnyi barimo Manzi Thierry, Manishimwe Djabel, Mutsinzi Ange Jimmy, Niyonzima Olivier, ni bamwe mu babahaye umusaruro mu myaka 2 ishize nubwo umutoza Adil yaje nyuma y’uko bagurwa.

    Bamwe mu bakinnyi biyambura amahirwe yo kwerekeza mu makipe abashaka kubera kutiyezera

    Umwe mu bayobozi b’ikipe baganiriye n’ikinyamakuru ISIMBI, avuga ko hari igihe ikipe iba itekereza k’umukinnyi ariko igacibwa intege n’abantu uwo mukinnyi akoresha mu rwego rwo kugaragaza ko akaze.

    Ngo hari igihe abantu barenga 4 cyangwa 5 bashobora guhamagara abayobozi b’ikipe runaka bose bavuga umukinnyi umwe, babaza impamvu batamugura kandi ari umukinnyi mwiza, ngo iyo ikipe ifite komite itekereza neza itangira kwibaza kuri uwo mukinnyi ikintu yaba ahisha gituma akoresha umuhisi n’umugenzi.

    Ati 'hari uwo twaretse muri ubwo buryo, twari tumufite muri gahunda ariko ukuntu buri munsi twahamagarwaga n’abantu batandukanye, twamushyizeho akabazo, turamureka dushaka undi.'

    Ngo umukinnyi akwiye gushaka umuntu umuhagararira k’uburyo igihe agiye guhindura ikipe ari we ikipe ivugana na we bakareka kwitwaza buri ubonetse wese ngo ni uko avugana n’ubuyobozi.

    Ese birakwiye ko umukinnyi yakwihamagararira mu ikipe ashaka kuyerekezamo

    Ni igikorwa kitamenyerewe muri ruhago, ariko na none umukinnyi ashobora kubikora ku nyungu ze bitewe n’icyo ashaka cyangwa se bitewe n’uko ahari atishimye.

    Umwe mu bantu baba mu ikipe na we utifuje ko amazina ye ajya hanze, avuga ko hari uherutse guhamagara mu ikipe abamo ashaka kuzamo, gusa ngo ni ibintu biba bitumvikana kuko usanga uwo mukinnyi hari ikibazo aba afite.

    Ati 'byarabaye hari uwahamagaye perezida avuga ko ashaka kuza kudukinira akava aho ari, ngo no kuza yazira ubuntu, urumva ni umukinnyi uba utiyizeye, ntabwo umuntu yakubwira atyo ngo uhite umuzana n’iyo waba umuzi, haba hari ikibazo. Gusa guhamagara byo ku rundi ruhande usanga nta kibazo kuko ushobora gusanga nk’ikipe ye atabona umwanya wo gukina kandi ari umuhanga bibaho.'

    Abakomisiyoneri nibo boreka amakipe mu Rwanda

    Iyo urebye mu Rwanda usanga nta 'Direct Agent’ uhari, ni ukuvuga umwe ushobora gukura umukinnyi mu Rwanda akaba yamutwara i Burayi mu ikipe atifashishije aba 'agents’ babifitiye ibyangombwa, gusa Sub-agents bo barahari, niyo mpamvu bose bashyizwe mu gatebo k’abakomisiyoneri.

    Aba rero amakipe menshi abashinja kuyahemukira kuko abagirira icyizere akabazanira abakinnyi batari ku rwego bifuza ahubwo bo bakareba abo bazakuramo inyungu mbere y’ibindi(si bose), kuko iyo azanye umukinnyi udashoboye no kumurya amafaranga biroroha cyane, si kimwe n’umukinnyi wiyizeye uzi ko azi umupira.

    Benshi bazi inkuru ya Gakumba Patrick 'Super Manager’ uburyo yashwanye n’ikipe ya Musanze FC bitewe n’abakinnyi yayiguriye batari ku rwego bifuzaga, aha haje kwiyongeraho kuba uyu mugabo yarariye amafaranga y’umukinnyi w’umunya-Nigeria, Stephen Okwecuku yari yabaguriye muri 2019.

    Si we gusa kuko hari n’abandi usanga bashinzwe kugura abakinnyi mu makipe ariko wajya kureba ugasanga barimo kwigurira abakinnyi b’abasimbura gusa, utakwizera ko bazabona umwanya mu ikipe abajyanyemo.

    Super Manager ni umwe mu bamenyerewe mu Rwanda uzanira amakipe abakinnyi

    APR FC niyo kipe ifite ushinzwe isoko ry’abakinnyi uzwi ari we Mupenzi Eto

    Source : http://isimbi.rw/siporo/article/abakomisiyoneri-mu-nyungu-mu-rwanda-ari-abakinnyi-n-ikipe-ni-inde-ushaka-undi-benshi-bibuza-amahirwe