Webrwanda Backend

Category: Uncategorized

  • Ariel Wayz yasohoye amashusho y’indirimbo ‘La Vida Loca’ #rwanda #RwOT

    Umuhanzikazi Nyarwanda, Ariel Wayz uri mu bakunzwe cyane muri iyi minsi, yasohoye indirimbo ifite izina ry’ikinyesipanye, ‘La Vida Loca’ igaruka k’uburyo yishimiye kubaho ubuzima abayeho.

    La Vida Loca ni amagambo y’ikinyesipanye avuga ‘Crazy Life’ cyangwa se umuntu abisanishije n’imvugo y’ikinyarwanda avuga ‘ubuzima bw’ubusazi’.

    Iyo niyo ndirimbo Ariel Wayz yasohoye aho agaruka k’uburyo aba yumva yishimiye kubaho ubuzima nk’ubwo kuko nta na kimwe kiba kimutesha umutwe.

    Iyi ndirimbo mu buryo bw’amajiwi yakozwe na Ayoo Rash, Bob Pro ni we wakoze Mix&Mastering ni mu gihe yayobowe na Boychopperworks.

    Asohoye iyi ndirimbo nyuma y’uko yaherukaga gusohora ‘Away’ yakoranye na Juno Kizigenza yakunzwe cyane.

    Ariel Wayz yasohoye indirimbo yise La Vida Loca

    Source : http://isimbi.rw/imyidagaduro/article/ariel-wayz-yasohoye-amashusho-y-indirimbo-la-vida-loca

  • #IBYAKOZWE N'INTUMWA EP#34:Ubuzima bw'akazi bwa Gen.Paul Rwarakabije #rwanda #RwOT

    Tubararikiye ikiganiro #IBYAKOZWE N'INTUMWA EP#34 kigaruka ku buzima bw'akazi bwa Gen Paul RWARAKABIJE Kuva mu mirimo y'igisilikali cyo kwa HABYARIMANA, mu bitero by'abacengezi ayoboye umutwe FOCA byishe abatari bake guhera za 1997 harimo n'”ABANA B'INYANGE”, kugarurwa mu gihugu na Gen Kabarebe akababarirwa ibyaha byose, muri Gacaca, imirimo itandukanye yakoze agarutse kugeza mu kiruhuko cy'izabukuru arimo ubu ngubu! Byose ni muri iki kiganiro.

    Jenerali Majoro Paul Rwarakabije yavukiye mu cyahoze ari Perefegitura ya Ruhengeri; kuri ubu ni mu Karere ka Nyabihu; mu Kagali ka Nyamugali; Umudugudu wa Kizunga mu Ntara y'Iburengerazuba. Yavutse ku wa 15 Mata 1953.

    Amashuri yize

    Jenerali Rwarakabije yize amashuri yisumbuye kuri Saint André mu Mujyi wa Kigali; akomereza mu ishuri rikuru rya Gisirikare ry'i Kigali mu 1973 arangiza mu 1977. Yasohotse muri iyo kaminuza ya gisirikare afite icyiciro cya kabiri cya kaminuza (Licence) mu bijyanye n'imbonezamubano n'igisirikare ( Sciences Sociales et militaire).

    Aho yakomereje amashuri ye ya gisirikare

    Aganira n'ikinyamakuru Izuba Rirashe kitakiriho, yatangaje ko yagiye gukomereza mu gihugu cy'u Bufaransa; amarayo umwaka mu mahugurwa ya gisirikare mu bijyanye n'Itumanaho.

    Yakomeje akora amahugurwa mu bya gisirikare aho mu mwaka wa 1985 na 1990 yayakoreye mu ishuri rikuru rya gisirikare rya Kigali. Nyuma ngo yagiye akora ingendo-shuri mu Bubiligi. Mu mwaka wa 1990; yari afite ipeti rya Majoro.

    Imirimo yakoze

    Jenerali majoro Rwarakabije muri icyo kiganiro n'ikinyamakuru Izuba Rirashe; yavuze ko akirangiza mu Ishuri rikuru rya gisirikare ry'i Kigali yashinzwe imirimo muri Jandarumeri (Gendarmerie) y'igihugu ijyanye no gucunga umutungo. Kuva mu mwaka wa 1978-1979 ngo yimuriwe muri Ministeri y'Ingabo muri serivisi zishinzwe umutungo. Ati ' Ntabwo natinzemo kuko nahise njya mu y'andi mahugurwa mu Bubiligi hari mu 1980'.

    Uwo mwaka wa 1980 ujya kurangira ngo yagiye gukora muri Etat Majoro ya Gendarmerie aho yari ashinzwe icungamutungo (logistic). Ati ' Mu mwaka wa 1982 nimuriwe mu mutwe wa Gendarmerie witwaga uw'ubwubatsi kugera mu 1989. Ubwo nahise nimurirwa mu mutwe wa Gendarmerie witwaga Groupe mobile ya Kigali'.

    Yavuze ko uwo mutwe wari ufite inshingano eshatu. Iya mbere wari ushinzwe kwigisha abajandarume (aba polisi) bato bagisohoka mu ishuri rya Gendarmerie. Iya kabiri; wari ushinzwe discipline muri gendarmerie; iya gatatu ukaba wari ushinzwe kunganira ingabo z'igihugu igihe byakomeye mu ntambara.

    Yagize ati ' Ni muri urwo rwego ingabo za RPA/FPR zitera mu 1990; nagiye ku rugamba ari njye Komanda w'uwo mutwe (Commander). Uwo mutwe waje kwitwa batayo ya gatanu ubwo nari ku rugamba ; nauyoboye kugera mu 1992 mu kwezi kwa Kamena'.

    Muri uko kwezi kwa Kamena ngo yimuriwe muri Etat Major ya Jandarumeri ashingwa ibikorwa bya Jandarumeri aribyo bitaga mu gisirikare; G3. Ati ' Nakoreye aho kugera mu 1994 ubwo ingabo za FPR- Inkontanyi zadutsindaga. Ubwo imirimo yanjye yahise irangirira aho'.

    Ahungira muri Kongo — Kinshasa

    Muri icyo kiganiro cyamaze hafi amasaha abiri n'ikinyamakuru Izuba Rirashe; Jenerali Paul Rwarakabije yavuze ko ubwo yahise ahungira muri Kongo afite ipeti rya Liyetona koloneli yahawe mu mwaka wa 1993. Ati ' Amapeti yatangagwa atinze kuko nagombaga kuba nararihawe mu 1992'.

    Ubuzima bwe muri Kongo

    Rwarakabije akigera muri Kongo ngo yahise ajya mu Nkambi ya Katale muri Rutshuru. Ati' Ariko kubera ibikorwa bya gisirikare byakomeje kwisuganya nabijyagamo mu Nkambi ya Mugunga yari hafi y'Umujyi wa Goma; kuko ariho habaga Etat major y'abahoze ari abasirikare b'u Rwanda mbere ya 1994 (EX FAR). 'Ni ukuvuga kuva mu 1994-1996 aho inkambi zaje gusenywa n'ingabo z'u Rwanda kuko haturukaga ibitero byatezaga umutekano muke mu Rwanda. Muri uwo mwaka inkambi zimaze gusenywa; impunzi nyinshi zarimo n'abahoze ari abasirikare baratashye mu Rwanda'.

    Aho yakomereje inkambi zimaze gusenywa

    Jenerali Rwarakabije yatangarije ikinyamakuru Izuba Rirashe ko yakomereje urugendo i Masisi/Zaire kugeza mu 1997. Ati 'Muri Nyakanga 1997 naje mu Rwanda ntari umugenzi ahubwo nari nyoboye ibitero by'abacengezi. Nahagumye kuva muri Nyakanga 1997 kugera mu Kwakira 1998'.

    Yavuze ko icyo gihe ingabo z'igihugu zabashubije inyuma basubira muri Kongo. Ati 'Kuva umwaka wa 1998 urangira kugera mu wa 2003 nari mu barwanyi b'abacengezi'.

    Icyatumye atahuka

    Jenerali Paul Rwarakabije yavuze ko yatahutse mu Rwanda mu mwaka wa 2003. Ati 'Hari impamvu eshatu zatumye ntahuka'. Iya mbere yatangarije ikinyamakuru Izuba Rirashe yagize ati ' Nararwanye kuva mu 1990 kugera mu 2003; mbona intambara ndimo ntaho ziganisha; mbese ni isuzuma ntambara nakoze'.

    Impamvu ya kabiri yatumye ntahuka ni ibitero twagabaga ku gihugu cy'u Rwanda. 'Abaturage bari mu gihugu baduhaga amakuru bavuga ko ibitero dutera u Rwanda ntacyo bimaze uretse kubamarisha'.

    Impamvu ya gatatu ikomeye yatanze ni igitero ngo bigeze batera u Rwanda mu mwaka wa 2001 mu kwezi kwa Gicurasi. Ati 'Abarwanyi nari nyoboye bagendaga bafatwa n'ingabo z'u Rwanda kuko zari zarahinduye uburyo bwo kurwana; aho bafataga abarwanyi banjye ntibabice ahubwo bakabajyana mu mahugurwa mu bigo nka Nkumba na Mudende'.

    Yavuze ko ingabo z'igihugu zafashe abarwanyi be 1700 bahugurirwa muri ibyo bigo; barangije ngo igihugu kibohereza iwabo . Ati ' Ubwo buryo bwatumye ntekereza byinshi. Abaje muri icyo gitero basubiye muri Kongo bari bake cyane kuko benshi bari barafashwe bajyanwa mu mahugurwa. Ibyo byatumye abari basigaye bibaza ibyo barimo. Ibyo kandi byabaye igihugu cyaradushishikarizaga gutaha mu rwatubyaye'.

    Yavuze ko atigeze atekereza ko yatahuka ariko mu mwaka wa 2003 afata icyemezo. Ati ' Mu 2003 twateye ikindi gitero ku Rwanda kuko twari twabonye umusaada w'abagenzi bacu bari baragiye mu ngabo za Kongo. Baraje dukorera hamwe mu Burasirazuba bwa Kongo. Tumaze kubona abantu bashya n'ibikoresho; twahise dutekereza uko twatera ikindi gitero ku Rwanda. Ati'Twabanje kubitekerezaho kuko twari tumaze kumenya uko ingabo z'u Rwanda zirwana; ntabwo icyo gitero twacyumvikanyeho. Ku giti cyanjye narebaga uko intambara twarwanaga ntacyo zatugezagaho; mpita mbona ko n'icyo gitero ntacyo kizageraho'.

    Yahamagawe na Jenerali James Kabarebe

    Rwarakabije yavuze ko hari abantu biganye bamuhaga amakuru y'u Rwanda akiri muri Kongo. Yavuze ko Jenerali James Kabarebe wari umugaba mukuru w'ingabo z'u Rwanda icyo gihe yamuhamagaye kuri telefoni mu rwego rwo kumuhamagarira gutahuka nk'uko byari muri gahunda ya Leta yo gushishikariza Abanyarwanda bari hanze gutahuka. Ati' Hari umuntu waduhuje (na Jenerali James Kabarebe) n'ubwo twari mu mashyamba; turavugana n'ubwo byari bikomeye kuko umwe atashakaga kuvugana n'undi. Yambazaga amakuru nkamusubiza nawe akansubiza. Ubwo muri icyo gitero twari twateguye; bamwe muri twe bari barageze mu Rwanda barafatwa'.

    Yavuze ko Jenerali James Kabarebe yamusobanuriraga nk'umugabo akamubwira ko ibyo batekereza ko ntacyo bizabagezaho. Ati 'Yambwiraga ko mu ngabo z'u Rwanda harimo abo twabanye benshi. Yansabye kumwohereza bamwe mu ba Ofisiye banjye mu Rwanda kureba uko igihugu kimeze nyuma bakazagaruka kumpa amakuru'.

    Rwarakabije yavuze ko abo yabwiraga bose (aba ofisiye be) barabyangaga kubera ubwoba. Ati ' Icyo gihe ariko; nari narafashe icyemezo cyo gutaha'.

    Gutahuka kwa Jenerali Rwarakabije

    'Ubwo twari mu Ntara ya Kivu y'Amajyepfo; nabwiye abo twari kumwe ko ngiye kugirana amasezerano n'abayobozi b'u Rwanda ko duhurira i Bukavu. Ariko bwari uburyo bwo gutaha. Navuganye n'Umugaba mukuru w'Ingabo z'u Rwanda; Jenerali James Kabarebe uburyo yamfasha ngataha mu Rwanda. Nabwiye abandindaga kumperekeza; icyo gihe twahise twambuka mu Rwanda kuko Jenerali Kabarebe yari yarabiteguye'. Hari mu mwaka wa 2003.

    Yakomeje avuga ko mu mwaka wa 2004 igihugu cyamusubije mu ngabo z'igihugu ku ipeti yari agezeho rya Jenerali majoro. Nyuma mu mwaka wa 2005 azakwimurirwa muri Komisiyo ishinzwe gusezerera no gusubiza mu buzima busanzwe abahoze mu ngabo. 'Nakoze nisanzuye mfatanya na Komisiyo gushishikariza abandi gutaha. Nahakoze kuva mu mwaka wa 2005 kugera mu 2011 muri Nyakanga aribwo igihugu cyanshinze imirimo yo kuyobora Ikigo gishinzwe imfungwa n'abagororwa (RCS) nkora kugeza ubu. Ariko n'ubu ndacyari umwarimu muri Komisiyo yo gusezerera no gusubiza mu buzima busanzwe abahoze ku rugerero'.

    Uko yakiriye imirimo avuye muri Kongo

    Ikinyamakuru Izuba Rirashe cyamubajije nk'umusirikare wari uhagarariye umutwe wahungabanyaga umutekano w'u Rwanda uburyo yakiriye amakuru y'uko yahawe akazi keza n'abo yarwanyaga maze agira ati ' Nkigera mu gihugu ntabwo nabanje gushingwa imirimo ikomeye; nabanje kuzenguruka igihugu nsobanura impamvu natahutse. Nahereye aho mvuka ngera no mu gihugu hose'.

    'Gushingwa imirimo ikomeye numvise ari ikintu gikomeye kuko nta mirimo natekerezaga. Muri Nyakanga 2004 numvise bansubije mu ngabo z'igihugu ku ipeti ryanjye rya Jenerali Majoro. Numvise umutima wanjye wikanze; birandenga. Kumva abantu twarwanaga bampa umurimo; byarandenze sinabona uko nabisobanura'.

    Itandukaniro hagati y'igisirikare cya Leta ya Habyarimana n'icy'ubu

    Muri icyo kiganiro n'ikinyamakuru Izuba Rirashe; Jenerali Rwarakabije yavuze ko mbere ya 1994 abantu bose si ko bemererwaga kuba abasirikare kuko hari ivangura mu gisirikare. Ati 'Ntabwo bose bemererwaga kujya mu gisirikare. Abahutu bari 99% abandi basigaye ari 1%. Ubu rero buri wese yemerewe kujya mu gisirikare; nta vangura rikibaho. Niyo mpamvu Abanyarwanda bisanga mu ngabo z'igihugu'.

    Ikibi atazigera yibagirwa mu buzima yabayemo bwa gisirikare

    Ikinyamakuru Izuba Rirashe cyabajije Jenerali Majoro Rwarakabije ikintu atazibagirwa mu mibereho ye yo mu gisirikare; maze agira ati ' Ni ikibi nkubwira; naje mu gisirikare ngiye kurwanira umutekano. Intambara yarabaye numva nta kibazo kuko nari narize kurwana; ariko Jenoside yakorewe Abatutsi yabaye gutsindwa (Echec) ku ngabo z'igihugu. Uzi kubona abantu bashira kandi bafite ingabo zishinzwe kubarinda? Ku giti cyanjye kandi umuryango wanjye warashize; abo twavaga inda imwe; umugore wanjye wa mbere n'abana bapfa kubera intambara. Iyo ni echec (gutsindwa); ibyo ni bimwe mu byo ntazibagirwa'.

    Icyiza atazigera yibagirwa mu buzima yabayemo bwa gisirikare

    Icyo cyiza atazibagirwa nta kindi ngo ni icyubahiro yahawe n'abo yarwanyaga ubwo bamuhaga umwanya ukomeye. Ati ' Ibyo byarandenze. Tumaranye imyaka 10 dukorana neza'.

    Abatahutse abigezemo uruhare

    Abajijwe umubare w'Abanyarwanda bamaze gutahuka abigizemo uruhare; Jenerali majoro Rwarakabije yagize ati ' Ndagira ngo ntirase cyane; abasirikare bamaze gutahuka barenze 10;000. Ariko si njye njyenyine wabigizemo uruhare n'ubwo arinjye wabayoboraga ahubwo nafatanyije n'igihugu na politiki nziza yacyo hamwe na Komisiyo'.

    Yavuze ko n'abasivili bamaze gutahuka kuri ubu bamaze kuba benshi. Ati ' Abasigaye hanze ni bake cyane nabo kandi baba baratashye ni uko babuze akayira kuko bafashwe bugwate. Igiteye ishema n'uko abatashye bose nta numwe wigeze gutekereza gusubirayo. Bose babanye neza n'abo basanze'.

    Icyo akunda gukora iyo avuye ku kazi

    Jenerali Paul Rwarakabije yatangarije ikinyamakuru Izuba Rirashe ko igihe cyo kwidagadura ari gike kuri we. Ati' Mpereye kuri siporo; nkunda kugenda n'amaguru cyane; iyo ngiye km 10 ndishima. Nkunda gutembera n'amaguru nganiriza abantu.

    Ariko by'umwihariko nkunda kujya kuzunguruka kuri stade Amohoro n'amaguru. Mu bindi akunda gukora iyo aruhutse ni ugusoma ibitabo; ibinyamakuru; kumva radiyo no kureba Televiziyo.

    IBYAKOZWE N'INTUMWA EP#34: Gen Paul RWARAKABIJE//Uwafatwaga nka “Sawuli” yaje kuba “Paul” gute?:

    Source : https://umuryango.rw/opinion/article/ibyakozwe-n-intumwa-ep-34-ubuzima-bw-akazi-bwa-gen-paul-rwarakabije

  • Kamonyi : Umugabo yishe umugore we amukubise umuhini mu mutwe amushinja kumuca inyuma #rwanda #RwOT

    Ibi byabereye mu Mudugudu wa Byenene, Akagari ka Bibungo, mu Murenge wa Nyamiyaga mu Karere ka Kamonyi.

    Umukozi ushinzwe Imali n’ubutegetsi mu Murenge wa Nyamiyaga, akaba ari na we uyoboye Umurenge by’agateganyo kuko Gitifu ari mu kiruhuko, Munyaneza Alexis avuga ko amakuru bahawe avuga ko uyu mugabo bikekwako yahoye nyakwigendera kumuca inyuma.

    Tugirumuremyi ukekwaho kwica umugore we, ngo bahoraga mu makimbirane na we nk’uko abaturage babihamya.

    Munyaneza uyoboye Umurenge wa Nyamiyaga by’agateganyo, avuga ko batangiye gutongana, umugabo atangira kubaza umugore we impamvu amuca inyuma.

    Umugore ngo ni ko kubihakana ahitamo aramuhunga, asohoka inyuma y’urugo, umugabo atora umuhini aramwirukankana arawumukubita ahita apfa.

    Yagize ati 'Bivugwa ko hari amakimbirane bari basanganywe ariko nta raporo dufite ko bari bafitanye ibyo bibazo.'

    Munyaneza yavuze ko uyu mugabo amaze kubona ko yishe umugore we, yahise yiruka ariko abaturage baramufata bamushyikiriza inzego z’umutekano.

    Tugirumuremyi w’imyaka 39 y’amavuko yari afitanye abana 3 na nyakwigendera, kuri ubu afungiye kuri Sitasiyo ya Polisi ya Gacurabwenge.

    Uyu mukozi w’Umurenge avuga ko iyo umugabo cyangwa umugore bicanye, abana basize ari bo bahura n’ibibazo by’ubupfubyi bakabaho mu buzima bubi.

    Ivomo : Umuseke

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Kamonyi-Umugabo-yishe-umugore-we-amukubise-umuhini-mu-mutwe-amushinja-kumuca-inyuma

  • Inama nyunguranabitekerezo yahuje ubuyobozi bwa FERWAFA n'abanyamuryango bo mu kiciro ya Kabiri yanzuye ko imikino ya 2020-2021 izakinwa hagati muri Nzeri #rwanda #RwOT

    Kuri uyu wa kane tariki 19 Kanama 2021 kuri Hilltop Hotel, Perezida wa FERWAFA yagiranye inama nyunguranabitekerezo n'abayobozi b'amakipe yo mu kiciro cya kabiri igamije kurebera hamwe imigendekere myiza y'amarushanwa ahuza ayo makipe yo mu kiciro cya kabiri.

    Ku ruhande rwa FERWAFA, iyi nama yari yitabiriwe na Perezida bwana MUGABO N. Olivier, Visi Perezida bwana HABYARIMA Marcel, Umunyamabanga Mukuru bwana UWAYEZU F. Régis ndetse n'abandi bakozi bo mu Bunyamabanga Bukuru bwa FERWAFA.

    Atangiza iyi nama, Perezida wa FERWAFA bwana MUGABO N. Olivier yabanje gushimira abitabiriye inama ndetse abashishikariza gutanga ibitekerezo biganisha ku cyatuma Shampiyona y'ikiciro cya kabiri mu bagabo igenda neza.

    Umunyamabanga Mukuru wa FERWAFA, Bwana UWAYEZU F. Régis yabanje gusobanurira abayobozi b'amakipe ibikubiye mu mabwiriza yo kwirinda icyorezo cya Covid-19 azakurikizwa muri ayo marushanwa. Yagaragaje inshingano za FERWAFA ndetse n'iz'amakipe kimwe n'ibihano biteganyijwe mu gihe ingingo ziri muri ayo mabwiriza yaba atubahirijwe.

    Kimwe mu byo Umunyamabanga Mukuru wa FERWAFA yasobanuye mu mpinduka zabaye ku mabwiriza yo kurwanya Covid-19 mu gihe cy'amarushanwa ''FERWAFA RETURN TO PLAY GUIDELINES'' ni ingingo yategekaga ko abakinnyi babana yavuguruwe kuri iyi nshuro amarushanwa akaba azakinwa abakinnyi bataha mu ngo zabo. Cyakora amakipe abyifuza akaba afite uburenganzira bwo gukina abakinnyi babana.

    Mubyavuye mu nama nyunguranabitekerezo yahuje impande zombi yanzuye ko amakipe agomba kwiyandikisha mu gihe cya vuba kuko biteganyijwe ko amakipe agomba gutangira imyitozo guhera ku itariki ya 25 Kanama 2021, ndetse amarushanwa akazatangira ku itariki ya 18-19 Nzeri 2021.

    Biteganyijwe ko imikino ya 1/8 ibanza izakinwa ku itariki ya 21-22 Nzeri naho imikino yo kwishyura izakinwa ku ya 24-25 Nzeri 2021, kimwe cya kane ku mukino ibanza izakinwa kuya 27-28 Nzeri iyo kwishyura yo ikazakinwa ku ya 30 Nzeri na 1 Ukwakira 2021.

    Kimwe cya kabiri imikino ibanza izakinwa kuya 4 -5 Ukwakira mu gihe iyo kwishyura izakinwe kuya 7-8 Nzeri 2021, umwanya wa gatatu wo uzakinwa ku itariki ya 10 Ukwakira 2021 naho umukino wa nyuma ari nawo uzagaragaza amakipe abiri agomba gusimbura AS Muhanga ndetse na Surise FC uzakinwa kuya 11 Ukwakira 2021.

    Nk'uko byatangajwe n'ishyirahamwe ry'umupira w'amaguru mu Rwanda FERWAFA, amakipe yashishikarijwe kwihutira kwiyandikisha kwitabira aya marushanwa kuko ari kimwe mu bizashingirwaho mu gihe cyo kunoza Ingengabihe ya Shampiyona y'Ikiciro cya kabiri mu bagabo.

    Ikindi ni uko abayobozi b'amakipe y'Ikiciro cya kabiri bishimiye kuba Shampiyona igiye kuba nyuma y'igihe kinini yarahagaritswe kubera ingaruka z'icyorezo cya Covid-19.

    The post Inama nyunguranabitekerezo yahuje ubuyobozi bwa FERWAFA n'abanyamuryango bo mu kiciro ya Kabiri yanzuye ko imikino ya 2020-2021 izakinwa hagati muri Nzeri appeared first on RUSHYASHYA.

    Source : https://rushyashya.net/inama-nyunguranabitekerezo-yahuje-ubuyobozi-bwa-ferwafa-nabanyamuryango-bo-mu-kiciro-ya-kabiri-yanzuye-ko-imikino-ya-2020-2021-izakinwa-hagati-muri-nzeri/?utm_source=rss&utm_medium=rss&utm_campaign=inama-nyunguranabitekerezo-yahuje-ubuyobozi-bwa-ferwafa-nabanyamuryango-bo-mu-kiciro-ya-kabiri-yanzuye-ko-imikino-ya-2020-2021-izakinwa-hagati-muri-nzeri

  • Bite bya Muhadjiri ugomba kwerekeza muri Tunisia #rwanda #RwOT

    Umukinnyi wa Police FC, Hakizimana Muhadjiri wabengutswe n’ikipe ya CS Sfaxien ikina mu cyiciro cya mbere muri Tunisia, nta gihindutse aragenda mu mpera z’iki cyumweru.

    CS Sfaxien yabengutse Muhadjiri ubwo yakiniraga ikipe ya AS Kigali, kuko ni umwe mu bakinnyi bayizonze mu mikino Nyafurika ya CAF Confederations Cup ubwo bahuruga umwaka ushize.

    Uyu musore uheruka gusinyira Police FC amasezerano y’umwaka umwe, akaba ashobora guhaguruka mu Rwanda mu mpera z’iki cyumweru akajya muri Tunisia kurangizanya n’iyi kipe, akaba azaba ari nyuma y’uko azakoreshwa ikizamini cy’ubuzima.

    Umunyabanga wa Police FC, CIP Obed Bikorimana yabwiye ISIMBI ko iyi gahunda ya Muhadjiri nta kintu yayivugaho mu gihe amakipe yombi akiri mu biganiro bitarangira.

    Amakuru ISIMBI yamenye ni uko kuri gahunda yari isanzwe, Muhadjiri Hakizimana yari afite gahunda yo kugenda ku wa Gatandatu(ejo) ari bwo azava mu mwiherero w’ikipe y’igihugu yerekeza muri Tunisia.

    Hakizimana Muhadjiri yakiniye amakipe atandukanye mu Rwanda, Kiyovu Sports, Mukura VS, AS Kigali na APR FC.

    Muhadjiri agomba kujya Tunisia kurangizanya na Club Sfaxien

    Source : http://isimbi.rw/siporo/article/bita-bya-muhadjiri-ugomba-kwerekeza-muri-tunisia

  • Umunyezamu Kwizera Olivier bamuhambirije utwe mu mwiherero w' ikipe y' igihugu Amavubi #rwanda #RwOT

    Kwizera Olivier wari uherutse guhamagarwa mu Ikipe y'Igihugu Amavubi, yirukanywe mu mwiherero w'Iyikipe y'Igihugu nyuma yo kugaragara live kuri instagram mu gihe iyi kipe iri ku rugamba rwo kwitegura imikino ifite mu kwezi gutaha.

    Abanyamakuru bakora ibiganiro by'imikino mu Rwanda, batangaje ibyo kwirukana mu mwiherero uyu munyezamu wari wahamagawe na Mashami kuri manamfasha.

    Uyu munyezamu yari uherutse gufungurwa nyuma yo guhamywa icyaha cyo gukoresha ibiyobyabwenge agakatirwa umwaka umwe usubitse.

    Nyuma yo gufungurwa, Kwizera Olivier ubwe yatangaje ko ahagaritse burundu umupira w'amaguru ndetse biza kugarukwaho na benshi batishimiye kiriya cyemezo.

    Byaje gutungurana ubwo yatangazaga ko yisubiyeho ndetse biza no kuba inkuru nziza ubwo Umutoza Mukuru w'Amavubi Mashami Vincent yamuhamagaraga mu bakinnyi bagomba kujya mu mwiherero wo kwitegura imikino iteganyijwe mu kwezi gutaha.

    Uyu musore wari umaze iminsi ari kumwe na bagenzi be mu mwiherero, mu ijoro ryakeye yagaragaye ari live kuri instagram aririmba aho yari yahuje umurongo n'umukobwa witwa Kayesu Sharon wanavuzwe mu kibazo cy'ifungwa ry'abahanzi Davis D na Kevin Kade.

    Mu gitondo cyo kuri uyu wa Gatanu nibwo byamenyekanye ko ibi byatumye Kwizera Olivier asezererwa  mu mwiherero kubera iyi myitwarire yo kujya kwinezeza ku mbuga Nkoranyambaga mu gihe ikipe y'Igihugu iri ku rugamba rwo kwitegura imikino ikomeye.

    Ubwo abakinnyi bari bamaze gutangira umwiherero, Umutoza Mukuru Mashami Vincent yari yabaye nk'ushyigikira icyemezo cye cyo guhamagara Kwizera Olivier aho yavuze ko yamuhamagaye kugira ngo yongere yisange mu muryango mugari.

    Icyo gihe yavugaga ko atari byiza ko umuntu wagize ibibazo aba intabwa bityo ko kuba atahamagarwa bishobora kumwongerera uburemere bw'ibibazo yari afite mu mutwe.

    Source : https://impanuro.rw/2021/08/20/umunyezamu-kwizera-olivier-bamuhambirije-utwe-mu-mwiherero-w-ikipe-y-igihugu-amavubi/

  • Rusesabagina azamenya umwanzuro kuri burundu yasabiwe mu kwezi gutaha #rwanda #RwOT

    Rusesabagina wasabiwe gufungwa burundu, azamenya umwanzuro w’urukiko kuri iriya tariki 20 Nzeri kimwe na bagenzi be barimo Nsabimana Callixte Sankara wasabiwe gufungwa imyaka 25.

    Ubucamanza bw’u Rwanda bwari buherutse gutangaza ko itariki yo gusomeraho uru rubanza yimuwe kubera kuko urukiko rukiri kwandika dosiye kubera ubunini bwayo.

    Umuvugizi w’Inkiko mu Rwanda, Mutabazi Harrison yari yatangaje ko ibirambuye kuri iki cyemezo cy’urukiko bitangazwa uyu munsi ku wa Gatanu n’Urugero rwihariye rw’Urukiko Rukuru ruburanisha ibyaha Mpuzamahanga n’ibyambukiranya imipaka.

    Uru rukiko ruburanisha ibyaha bikomeye, rwatangaje ko iki gikora cyo gusoma icyemezo cyari giteganyijwe uyu munsi kitakibaye ahubwo ko kizaba tariki 20 Nzeri 2021.

    Muri uru urbanza rwaburanishijwe n’Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, bamwe mu baregwa bemeye ibyaha ndetse banabisabira imbabazi uretse Paul Rusesabagina wanikuyemo akaburanishwa atitaba Urukiko.

    Ni urubanza rwihuse ugereranyije n’umubare w’abaruregwamo ndetse n’uburemere bw’ibyo bashinjwa aho Ubushinjacyaha bwamaze kubasabira ibihano ndetse na bo ubwabo bakagira icyo babivugaho bikageza aho Urukiko rupfundikira urubanza.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Rusesabagina-azamenya-umwanzuro-kuri-burundu-yasabiwe-mu-kwezi-gutaha

  • Kugabana inyungu z’Umwalimu SACCO byatuma Koperative ifunga imiryango – DG Uwambaje #Rwanda #RwOT via @kigalitoday #rwanda #RwOT

    Yabitangaje ku wa Gatatu tariki ya 18 Kanama 2021, mu kiganiro Ubumva Ute cyatambutse kuri KT Radio kibanze ku buzima bwa Mwarimu.

    Uwambaje yavuze ko koperative Umwalimu Sacco yashinzwe hagamijwe kuzamura imibereho ya mwarimu ahanini binyuze mu guhabwa inguzanyo zibateza imbere.

    Yatangiye abarimu bishyira hamwe bahuza imbaraga umwarimu akatwa 5% ku mushahara we, uko amafaranga yagiye yiyongera ni ko ingano n’ubwoko bw’inguzanyo bugenda buhinduka bitewe n’amafaranga yabonetse.

    Ati “Tugitangira ntabwo twarenzaga inguzanyo y’imyaka ibiri cyangwa ugasanga ntidushobora kurenza 500,000 bitewe n’ingano y’amafaranga yari ahari abarimu bamaze kwizigamira 5%. Uko banki yagiye ikura, twavuye ku myaka ibiri tugenda tugira itatu, itanu. Tuva ku nguzanyo ku mushahara, tujya ku isanzwe, ubu dutanga ijyanye no gukora imishinga, ubu tugeze aho dushobora gutanga inguzanyo y’imyaka 10.”

    Avuga ko Umwalimu Sacco igitangira, umyamuryango yatangaga amafaranga 10,000 na yo yatangwaga mu byiciro bitanu, hakiyongerago 5% ava ku mushahara nk’ubwizigame (Depot), bigera kuri miliyari eshatu z’Amafaranga y’u Rwanda.

    Uyu munsi Umwalimu Sacco umaze kugera ku bwizigame bwa Miliyari 45,900 frs, inguzanyo ziri mu banyamuryango zikaba zimaze kugera kuri miliyari 76 n’inyungu ya miliyari 53.

    Umuyobozi mukuru wa Koperative Umwalimu Sacco avuga ko abanyamuryango badashobora kugabana inyungu kuko byatuma banki ihomba bityo icyo yashyiriweho kikaba kirangiye.
    Yagize ati “Icya mbere mbanza kubakuramo impungenge, ntibagomba kumva ko amafaranga bungukiye mu Mwalimu Sacco hari indi mifuka y’abantu ajyamo, aguma muri koperative yabo kandi ni nayo akomeza kwifashishwa mu kubakemurira ibibazo.”

    Akomeza agira ati “Iyo mvuze ngo uyu munsi dufite inguzanyo za Miliyari 76 mu gihe ubwizigame ari Miliyari 45, rwa rwunguko rujya mu mutungo bwite rumaze kuba Miliyari 53, ni rwo ruvamo ya mafaranga aza kunganira ubwizigame (Depot) yabaye makeya kugira ngo duhaze uburyo basaba za nguzanyo.”

    Avuga ko amabwiriza ya BNR ndetse na Koperative avuga ko kugira ngo koperative ikomeze gukora ari uko abanyamuryango batagabana inyungu zabonetse ngo bayarye kuko byatuma ifunga imiryango.

    Yongeraho ko ahubwo 40% y’inyungu aguma muri koperative na ho 60% haganirwa icyo yakora kugira ngo koperative ikomeze gutera imbere.

    Ikindi ngo abanyamuryango ba koperative Umwarimu Sacco bahisemo ko yakomeza kuguma muri koperative kugira ngo ikomeze gutera imbere kuko inguzanyo zakwa zikiri hejuru ugereranyije n’ubushobozi bwayo.

    Uwambaje avuga ko baramutse banagabanye urwunguko rumaze kuboneka ayo buri wese yabona ntacyo yamumarira kuko nibura ku banyamuryango basaga 98,000 buri wese yabona 23,000 ku mwaka mu gihe baba bungutse Miliyari esheshatu mu mwaka.

    source : https://ift.tt/3gdQnf9

  • Akabaye icwende… : Kwizera Olivier yirukanywe mu mwiherero w’Amavubi kubera imyitwarire mibi #rwanda #RwOT

    Abanyamakuru bakora ibiganiro by’imikino mu Rwanda, batangaje ibyo kwirukana mu mwiherero uyu munyezamu wari wahamagawe na Mashami kuri manamfasha.

    Uyu munyezamu yari uherutse gufungurwa nyuma yo guhamywa icyaha cyo gukoresha ibiyobyabwenge agakatirwa umwaka umwe usubitse.

    Nyuma yo gufungurwa, Kwizera Olivier ubwe yatangaje ko ahagaritse burundu umupira w’amaguru ndetse biza kugarukwaho na benshi batishimiye kiriya cyemezo.

    Byaje gutungurana ubwo yatangazaga ko yisubiyeho ndetse biza no kuba inkuru nziza ubwo Umutoza Mukuru w’Amavubi Mashami Vincent yamuhamagaraga mu bakinnyi bagomba kujya mu mwiherero wo kwitegura imikino iteganyijwe mu kwezi gutaha.

    Uyu musore wari umaze iminsi ari kumwe na bagenzi be mu mwiherero, mu ijoro ryakeye yagaragaye ari live kuri instagram aririmba aho yari yahuje umurongo n’umukobwa witwa Kayesu Sharon wanavuzwe mu kibazo cy’ifungwa ry’abahanzi Davis D na Kevin Kade.

    Mu gitondo cyo kuri uyu wa Gatanu nibwo byamenyekanye ko ibi byatumye Kwizera Olivier asezererwa mu mwiherero kubera iyi myitwarire yo kujya kwinezeza ku mbuga Nkoranyambaga mu gihe ikipe y’Igihugu iri ku rugamba rwo kwitegura imikino ikomeye.

    Ubwo abakinnyi bari bamaze gutangira umwiherero, Umutoza Mukuru Mashami Vincent yari yabaye nk’ushyigikira icyemezo cye cyo guhamagara Kwizera Olivier aho yavuze ko yamuhamagaye kugira ngo yongere yisange mu muryango mugari.

    Icyo gihe yavugaga ko atari byiza ko umuntu wagize ibibazo aba intabwa bityo ko kuba atahamagarwa bishobora kumwongerera uburemere bw’ibibazo yari afite mu mutwe.

    UKWEZI.RW

    Source : http://www.ukwezi.rw/Imikino/article/Akabaye-icwende-Kwizera-Olivier-yirukanywe-mu-mwiherero-w-Amavubi-kubera-imyitwarire-mibi

  • Rutahizamu Jacques Tuyisenge yavuye mu mwiherero w'Amavubi ajya kwitegura ubukwe #rwanda #RwOT

    Rutahizamu w'Ikipe y'Igihugu na APR FC, Tuyisenge Jacques, yavuye mu mwiherero w'Amavubi ari kwitegura imikino ya Mali na Kenya, kubera ubukwe afite ku wa Gatandatu, aho azaserana imbere y'Imana n'umufasha we Musiime Recheal Jordin.

    Tuyisenge na Musiime Recheal Jordin basezeranye imbere y'amategeko mu Murenge wa Kimihurura ku wa Kane, tariki ya 18 Gashyantare 2021.

    Icyo gihe, bombi bari bateganyije ko nyuma yo gusezerana imbere y'amategeko, bazahita bakurikizaho gusezerana imbere y'Imana, ariko bisubikwa kubera ingamba zo kwirinda COVID-19.

    Amakuru dukesha IGIHE nuko impamvu Tuyisenge yahisemo gusubika uyu muhango kugira ngo azakore ubukwe bwitabiriwe na bamwe mu bo mu muryango we, inshuti n'abavandimwe.

    Uyu mukinnyi yari mu bari mu mwiherero w'Amavubi ari kwitegura imikino ya Mali na Kenya izaba mu ntangiriro z'ukwezi gutaha mu ijonjora rya kabiri ryo gushaka itike y'Igikombe cy'Isi cya 2021.

    Gusa, yawuvuyemo ku wa Kane nyuma ya saa Sita kugira ngo ajye kwitegura ubukwe buzabera mu Karere ka Rubavu ku wa Gatandatu muri Gorilla Hotel.

    Ibyemezo by'Inama y'Abaminisitiri yateranye ku wa 11 Kanama 2021 iyobowe na Perezida Kagame, bivuga ko 'Imihango y'ubukwe harimo gusaba, ishyingirwa rikorewe imbere y'Ubuyobozi bwa Leta n'irikorewe mu nsengero birasubukuwe, ariko bikitabirwa n'abantu batarenze 50.'

    Bikomeza bivuga ko 'Iyo byabereye ahantu hasanzwe hemerewe gukorerwa ibirori (licensed event venues), ntibigomba kurenza 30% by'ubushobozi bwo kwakira abantu bw'aho bateraniye.'

    Abitabiriye iyo mihango bagomba kwerekana ko bipimishije COVID-19 mu masaha 72 mbere y'ibyo bikorwa, kandi bakubahiriza amabwiriza yo kwirinda COVID-19 (gusiga intera hagati y'umuntu n'undi, gukaraba intoki, kwambara agapfukamunwa neza).

    Tuyisenge Jacques ufite imyaka 29, yanyuze mu makipe atandukanye mu Rwanda no muri Afurika, arimo Kiyovu Sports yavuye mo yerekeza muri Police FC. Yagiriyemo amahirwe yo kwerekeza muri Gormarhia yo muri Kenya ayigiriramo ibihe byiza.

    Yavuye muri Kenya yerekeza muri Angola mu ikipe ya Petro-Atlético de Luanda yavuyemo agaruka mu Rwanda, asinyira ikipe y'Ingabo ya APR FC muri Nzeri 2020 amasezerano azageza mu mwaka 2022.

    Source:IGIHE

    Source : https://umuryango.rw/ubuzima-115/imibereho/article/rutahizamu-jacques-tuyisenge-yavuye-mu-mwiherero-w-amavubi-ajya-kwitegura