Webrwanda Backend

Category: Uncategorized

  • Ni umutoza wa APR FC udashobotse cyangwa ni abungiriza badashoboye? #rwanda #RwOT

    Imyaka 3, umutoza mukuru umwe ni mu gihe amaze kungirizwa n’abatoza batatu, benshi bibaza niba yaba ari umutoza mukuru wa APR FC, Mohammed Adil Erradi udashobotse unaniranwa nabo, cyangwa se niba ari abungiriza azana badashoboye.

    Ntibikunze kubaho ko umutoza mu myaka 3 aba yungirijwe n’abatoza 3, muri iyi nkuru ntawe turibuze gutunga agatoki ngo ntashobotse cyangwa ngo ntashoboye, gusa turaza kurebera hamwe uwagiye wese uko yavuye mu ikipe.

    Umunya-Maroc, Adil Erradi Mohammed muri 2019 nibwo yagizwe umutoza mukuru wa APR FC, icyo gihe yazanye Dr Nabyl Bekroui nk’umutoza wungirije ariko inshingano ze ahanini kwari ukongerera ingufu abakinnyi(fitness coach).

    Ni umutoza wafashije iyi kipe cyane mu mwaka w’imikino wa 2019-20, aho n’abakinnyi bakiniraga iyi kipe bavugaga ko akora ibyo azi ndetse ko yanafashaga umutoza Adil k’uburyo begukanye shampiyona badatsnzwe umukino n’umwe.

    N’ubwo ikipe yatsindaga, ntabwo byaje kurangira neza kuko uyu mugabo yaje kugirana ikibazo n’umutoza mukuru ku buryo atari no kugaragara k’umukino ikipe ya APR FC yari yasuyemo Espoir FC wagombaga kuba tariki ya 15 Werurwe 2020 ariko ntiwaba kubera icyorezo cya Coronavirus.

    Amakuru yavugaga ko umutoza Adil yari yamaze gufata umwanzuro wo gusezerera uyu mutoza, icyo gihe ubuyobozi bwa APR FC bwatangaje ko nta kibazo gihari abatoza babo bameze neza.

    Ibi ariko ntibyateye kabiri byaje kwigaragaza aho tariki ya 8 Nyakanga abinyujije ku mbuga nkoranyambaga ze yasezeye kuri iyi kipe avuga ko atazakomezanya nayo mu mwaka utaha w’imikino(2020-21), ni nyuma y’uko amasezerano ye yari arangiye ariko bitewe n’umwuka wari hagati ye n’umutoza mukuru ntiyifuza kongera amasezerano, byavuzwe ko impande zombi zananiranywe.

    Nabyl abakinnyi benshi bavuga ko imyitozo yabahaga mu baje ntawurageza ku rwego rwayo

    Nyuma y’igenda rya Dr Nabyl, APR FC yaje guha akazi Pablo Morchón ukomoka muri Argentine, na we akazi ke kari ukongerera abakinnyi ingufu, nubwo ari na we wakoraga nk’umutoza wungirije.

    Uyu mutoza yafashije ikipe ya APR FC ari kumwe na Adil Erradi kwegukana shampiyona ya 2020-21 badatsinzwe nabwo.

    Byatunguye benshi ubwo muri Nyakanga 2021, APR FC yatangazaga ko uyu mutoza atazakomezanya n’iyi kipe ahubwo ubu umwaka utaha iyi kipe y’ingabo z’igihugu izaba ifite umutoza wungirije ukomoka muri Tunisia.

    Benshi batangiye kwibaza niba na we yarashwanye na Adil ariko amakuru ISIMBI yamenye ni uko uyu mutoza nta kibazo yigeze agirana na Adil ahubwo we byatewe n’ibibazo by’umuryango we, aho umugore we yanze kuza mu Rwanda ndetse anabwira uyu mugabo ko byaba byiza na we akazi akaretse akamusanga, ibi bikaba byaratumye atongera amasezerano ye yari amaze kugera ku musozo.

    Igenda rya Pablo Morchón ryatunguye benshi

    Umutoza wa gatatu wungirije ku mwaka wa 3, ni umunya-Tunisia Jamel Eddine Neffati, uyu unashinzwe kongerera ingufu abakinnyi b’iyi kipe na we yahawe amasezerano y’umwaka umwe, ari muri Djibouti aho yajyanye n’iyi gukina na Mogadishu City Club mu ijonjora rya CAF Champions League, na we bamwe baribaza niba nyuma y’uyu mwaka yasinye azakomezanya n’ikipe cyangwa azagenda ku mpamvu ze bwite hashakwe undi mutoza.

    Jamel Eddine Neffati, umutoza wungirije wa APR FC kuri ubu, akaba anashinzwe fitness

    Mu myaka 2 amaze mu Rwanda akaba atangiye uwa 3, Adil yegukanye ibikombe 2 bya shampiyona ndetse adatsinzwe, gusa nubwo afite uyu musaruro, benshi bemeza ko imbaraga ze ziba mu bungiriza be, cyane ko nyuma yo gutandukana Nably byaje kumugora umwaka wa 2020-21 igikombe akagitwara ku bitego nyuma yo kunganya na AS Kigali amanota, nabyo ntibyavuzweho rumwe uburyo yatsinze ibitego byinshi mu mikino ibiri ya nyuma.

    Mu myaka 3 Adil amaze gukorana n’abungiriza 3

    Source : http://isimbi.rw/siporo/article/ni-umutoza-wa-apr-fc-udashobotse-cyangwa-ni-abungiriza-badashoboye

  • Sobanukirwa byinshi byagufasha kurinda ibihaha no gutuma bikora neza. #Rwanda #RwOT via @kigalitoday #rwanda #RwOT

    Menya uko warinda ibihaha
    Menya uko warinda ibihaha

    Ibihaha ni byo bituma umubiri ubasha kwakira umwuka mwiza uwufasha gukora neza no guhumeka umwuka wa oxygène. Si ibyo gusa, kuko ibihaha bifite akandi kamaro karenze ako, kuko bikora umurimo wo kuyungurura uburozi n’ibindi bintu byakwangiza umubiri biwinjiramo binyuze mu myanya y’ubuhumekero.

    Ibihaha rero, kimwe n’izindi ngingo zigize ubuzima bwa muntu nk’umutima n’impyiko, bihura n’indwara nyinshi n’ibindi bibazo binyuranye, cyane cyane mu bihe by’icyorezo nka Covid-19.

    Ni gute byarindwa ibyo byago bigasigasirwa?

    Kugira ngo ibihaha bikore neza kandi birindwe, umuntu agomba kumenya kwita ku mirire ye, kubikoresha (Imyitozo ngororangingo), gusukura aho uba, kwirinda imyuka ihumanya ikirere n’ibindi.

    1. Kurinda ibihaha

    Kwirinda kunywa itabi, kwirinda guhumeka imyuka yo mu kirere yanduye, kwivuza indwara zo mu buhumekero, gukingura amadirishya n’imiryango byibuze mu gihe cy’iminota 20 ku munsi kugira ngo hinjire umwuka mwiza ndetse no gusukura kenshi aho uba urwanya ivumbi.

    Ni byiza kwambara agapfukamunwa (mask) mu gihe urimo gukora imirimo yatuma uhura n’ibihumanya ibihaha (gukubura ahari imikungungu cyangwa ivumbi, mu gihe urimo gukoresha imiti isukura irimo ibihumanya,…)

    2. Kubikoresha

    Gukora imyitozo ngororamubiri (kugenda n’amaguru ariko wihuta), kugenda ku igare mu gihe cy’iminota 30 byibuze inshuro eshatu mu cyumweru.

    3. Gusukura ibihaha

    Gukora imyitozo ya Yoga izwi nka “Khapalabati”, mu gihe cy’iminota iri hagati y’itatu n’itanu byibuze inshuro eshatu mu cyumweru.

    Uko ikorwa: Kwicara neza umugongo urambuye (wemye) ugashyitsa ibiganza ku bibero. Guhumeka inshuro ebyiri winjiza umwuka binyuze mu mazuru ukawusohora binyuze mu kanwa. Ibi bikorwa umuntu ashonje cyangwa se nyuma y’amasaha hagati y’abiri n’atatu amaze kurya.

    4. Kwita ku mafunguro ufata

    • Ibishyimbo

    Mu bishyimbo harimo intungamubiri zinyuranye zituma biba ifunguro ry’ingenzi. Muri izo ntungamubiri iy’ingenzi ku buzima bw’ibihaha ni vitamini B9 (folate cyangwa folic acid). Ubushakashatsi bwagaragaje ko iyi vitamini ifasha umubiri guhangana na COPD, iyi ikaba indwara ya karande yangiza ibihaha cyane.

    • Ifi za salmon

    Izi fi zikungahaye ku binure bya omega-3, ibi bizwiho kurwanya kubyimbirwa mu mubiri, by’umwihariko ku bihaha.

    Asima ni imwe mu ndwara zo kubyimbirwa kw’ibihaha, kandi mbi cyane. Rero kuba iyi omega-3 ifasha mu guhangana no kubyimbirwa bituma ibyo ibonekamo biba ibyo kurya byiza mu guhangana na yo no kurinda ko ihora igaruka. Ahandi iyi omega-3 iboneka ni mu bunyobwa.

    • Inkeri

    Inkeri zikungahaye ku ntungamubiri nyinshi harimo vitamini E, polyphenols, ibirwanya uburozi mu mubiri na anthocyanins. Ibi byose bizwiho kurwanya kanseri zinyuranye bityo bikaba bituma inkeri zifasha mu gutuma bitarwara kanseri bikanabirinda indwara zabifata ziterwa na mikorobi.

    • Tangawizi

    Iki kirungo kiri mu biza ku mwanya wa mbere mu gufasha imikorere myiza y’ibihaha. Impamvu nyamukuru ni uko tangawizi ifite ingufu zo gusohora imyanda mu nzira z’ubuhumekero. Iyi myanda ni yo itera ibibazo mu bihaha byanatera kanseri. Gukoresha tangawizi birwanya kubyimbirwa na kanseri byo mu bihaha.

    • Tungurusumu

    Tungurusumu ifite byinshi itumariye gusa icy’ingenzi ni uko ituma umubiri w’umuntu hari ‘enzyme’ ukora. Iyi enzyme ikaba ifasha umubiri n’ibihaha gusohora imyanda n’ibitera kanseri birimo. Ibi bituma Tungurusumu iba ingenzi mu kubisukura no gukuramo ibitera kanseri.

    • Karoti

    Muri zo dusangamo carotenoids, zizwiho guhangana na kanseri y’ibihaha. Kugirango uzibone zihagije bisaba ko karoti uzihekenya aho kuziteka. Gusa n’iyo waziteka wakwirinda kuzikaranga bityo ibyiza byazo bikakugeraho uko bingana.

    • Amapera

    Imbuto n’imboga bikize kuri vitamini C ntibirinda kanseri gusa ahubwo binafite ubushobozi bwo guhangana na virusi, bikaba rero bizwiho by’umwihariko guhangana n’umusonga, indwara y’ibihaha yibasira cyane abana bari munsi y’imyaka 5. Amapera rero akaba akungahaye kuri vitamini C bityo bikaba ari byiza kutabura ipera ku byo kurya.

    • Pome

    Mu gihe izindi mbuto ari nziza mu kurinda umubiri zikoresheje vitamini C izirimo, pome zo zikize ku bisukura umubiri hamwe na fibre. Ubushakashatsi bwerekanye ko kurya pomme bigabanya ibyago byo kurwara indwara z’ubuhumekero, ndetse bavuga ko pome imwe ku munsi yakurinda kujya kwa muganga.

    • Ikinzari

    Mu birungo by’ibinzari habamo ‘curcumin’ kuva kera izwiho kurinda no kuvura kanseri. Uretse ibi kandi binafasha mu kurwanya kubyimbirwa bityo bikarinda asima n’izindi ndwara zibasira ibihaha.

    • Amazi

    Kunywa amazi ni ingenzi kandi ni byiza mu buzima. Icyokora kugira amazi mu bihaha byo ni uburwayi, ariko kuba umubiri ufite amazi ahagije ni byiza kuri byo kuko abifasha gusohora imyanda n’uburozi.


    source : https://ift.tt/3heAVQc

  • Abahagarariye u Rwanda mu mikino Paralempike biyemeje kwegukana umudali i Paris #Rwanda #RwOT via @kigalitoday #rwanda #RwOT

    Kuri uyu wa Gatatu itsinda ry’abakinnyi bari baritabiriye imikino paralempike bakoze ikiganiro n’itangazamakuru, cyari kigamije gusobanura uko ubutumwa bari bagiyemo bwagenze, ndetse n’intego bafite mu mikino iri imbere.

    Bamwe mu bari bahagarariye u Rwanda mu mikino paralempike
    Bamwe mu bari bahagarariye u Rwanda mu mikino paralempike

    Eric Karasira wari uyoboye delegasiyo yatangaje ko bishimiye uko aba bakinnyi bitwaye, aho asanga hari urwego ikipe yari iriho yarenze ugereranyije n’indi mikino paralempike nagiye bitabira mu minsi yashize.

    “Navuga ko abakinnyi bakoze ibishoboka, turebye nk’ikipe ya Sitting Volleyball yaragerageje ugereranyije n’itsinda barimo, kuko amakipe bahuye yarangije mu myanya itanu ya mbere”

    Eric Karasira wari uyoboye delegasiyo
    Eric Karasira wari uyoboye delegasiyo

    Yavuze kandi ko bazakora ibishoboka byose hakaboneka umudali mu mikino izabera i Paris mu mwaka wa 2024, aho avuga kandi ko n’ikipe y’abagabo ifite intego zo kwitabira iyi mikino ndetse ikaba yanitwara neza.

    Kuri Claudine Uwitije wakinaga iyi mikino ku nshuro ya mbere, avuga yishimira uko yitwaye kuko abandi bari kumwe bose byibura bakinnye Imikino paralempike inshuro eshatu.

    Yagize ati “Ni ubwa mbere nari nitabiriye imikino paralempike, nakoresheje imbaraga nari mfite nshaka intsinzi, hari isomo nakuye muri iyi mikino bizatuma hari icyo ndenzaho mu mikino iri imbere ya 2024”

    Uwitije Claudine yavuze ko iyi mikino yakinnye bwa mbere yamusigiye isomo
    Uwitije Claudine yavuze ko iyi mikino yakinnye bwa mbere yamusigiye isomo
    Mukobwankawe Liliane, Kapiteni w
    Mukobwankawe Liliane, Kapiteni w’ikipe y’igihugu ya Sitting Volleyball

    Kapiteni w’ikipe y’igihugu ya Sitting Volleyball Mukobwankawe Liliane, yashimiye NPC Rwanda, Minisiteri ya Siporo, abakinnyi bagenzi be ndetse n’abanyarwanda muri rusange mu buryo babashyigikiyemo.

    Yagize ati “Ntacyo twigeze tubura mu byo twifuzaga, natwe ibyo twasabwaga twagerageje gutanga ibyo dufite, umusaruro twakuyeyo ugaragaza ko n’ibindi tubishoboye kandi tuzitwara neza mu myaka iri imbere.”

    Nsengiyumva Jean Marie Vianney utoza ikipe y’igihugu ya Sitting Volleyball, yavuze ko kugeza ubu bishimira aho ikipe imaze kugera ugereranyije n’uko yari imeze mu myaka yatambutse, avuga ko bihaye intego yo kwegukana umudali byibura bitarenze 2028.

    Yagize ati “Kuva nagera muri Paralempike mu mwaka wa 2012, Ni ubwa mbere tugize imyiteguro myiza hatarimo ibibazo”

    “Nyuma y’imyaka umunani ikipe itangiye, ni ubwa mbere tubonye intsinzi muri iyi mikino, intego twajyanye kwari ukwitwara neza kurusha uko twitwaye i Rio muri Brazil, Los Angeles 2028 hatabayeho izindi ngorane umudali tuzawuzana”

    Nsengiyumva Jean Marie Vianney utoza Ikipe y
    Nsengiyumva Jean Marie Vianney utoza Ikipe y’Igihugu ya Sitting Volleyball

    Muri iyi mikino paralempike yaberaga i Tokyo, u Rwanda rwari ruhagarariwe n’ikipe ya Sitting Volleyball yahavuye itsinze ikipe y’u Buyapani yari yanakiriye iri rushanwa, ari nabwo bwa mbere bari batsinze umukino kuva batangira kwitabira iyi mikino.

    U Rwanda kandi rwari runahagarariwe na Claudine Uwitije mu gutera intosho n’ingasire, aho yabaye uwa 11 mu gutera intosho nyuma yo kuyitera muri metero 5,87, naho mu gutera ingasire, Uwitije Claudine yabaye uwa 10 ayiteye muri metero 19,66.

    Mu gusiganwa ku maguru ho u Rwanda rwari ruhagarariwe na Muvunyi Hermas, aho gusiganwa metero 1500 yaje ku mwanya wa munani, akoresheje iminota ine n’ibice by’amasegonda 46.

    source : https://ift.tt/3A1gkGK

  • Gikondo: Sodoma iracyari Sodoma, abicuruza baracyahari #Rwanda #RwOT via @kigalitoday #rwanda #RwOT

    Sodoma yitiriwe izina ry’Umudugudu bivugwa ko warimbukiyemo abari bawutuye mu gihe cy’uwitwaga Aburahamu uvugwa muri Bibiliya (hashize nk’imyaka 3,500), kubera ibyaha byahakorerwaga birimo ubusambanyi.

    Benshi mu batuye Sodoma ya Gikondo ntabwo babasha kumenya neza igihe hafatiye iryo zina, ariko ngo hamenyekanye cyane kuva mu myaka ya 1970, igihe inganda zari zitangiye kuba nyinshi mu gishanga kiri hagati ya Kimihurura muri Gasabo na Gikondo muri Kicukiro.

    Abatuye muri uwo Mudugudu wa Marembo II bavuga ko abashoferi bakomoka muri za Somaliya, Tanzaniya, Kenya n’ahandi bazanaga amakamyo y’ibicuruzwa muri MAGERWA no mu nganda zahahoze, ari bo ngo batangaga amafaranga ku bagore n’abakobwa batuye muri Sodoma batunzwe no kwicuruza.

    N’ubwo inganda zimutse zikajya gukorera i Masoro muri “Special Economic Zone” ndetse na MAGERWA ikaba itagitanga serivisi nyinshi zijyanye na gasutamo, ntabwo byaciye intege bamwe mu bagore n’abakobwa b’i Sodoma bacuruza imibiri yabo.

    Ugihinguka i Sodoma uhasanga abantu bagiye bicaye mu matsinda ku mabaraza y’inzu, bamwe muri bo bafite inzoga mu ntoki barimo kunywa.

    Uhasanga kandi bamwe mu bagore n’abakobwa bambaye imyenda migufi, abandi bakenyeye ibitenge mu gituza, wareba hepfo no haruguru y’umuhanda ukabona inzu nyinshi zivugwaho kuba amacumbi y’igihe gito(Lodge) n’ubwo bitaba byanditseho.

    Mu itsinda rimwe twahingukiyeho hari uwagize ati “Mbabarira niba ushaka kuntereta ngwino tujye mu rugo wimbaza byinshi…tujye mu rugo se?”

    Mugenzi wabo hepfo y’umuhanda avuga ko umuntu wifuza kuryamana n’umugore cyangwa umukobwa mu gihe cy’akanya gato (bavuga ituru imwe), yishyura amafaranga ibihumbi bitanu (5,000Frw).

    Uwitwa Dusabimana w’umwubatsi watuye i Sodoma mu myaka umunani ishize, avuga ko abenshi mu bicuruza usanga ku manywa biyoberanyije bakajya hanze, abandi bakirirwa baryamye, byagera nijoro bagasohoka bakerekeza mu muhanda ari benshi bakajya kureshya abagabo.

    Dusabimana agira ati “Ku manywa izi ndaya zirirwa ziryamye ubundi zigakora nijoro, mu kanya urabona banyanyagiye barimo kunywa kuzageza ejo mu gitondo”.

    Hirya no hino kandi uhabona ibyokezo by’abotsa inyama (ba mucoma) baba basabwe gutegurira amafunguro abashyitsi basura Sodoma hamwe n’abakobwa cyangwa abagore babakiriye.

    Mucoma witwa Misago avuga ko atanga mushikaki nto ku mafaranga 500Frw, inini akayigurisha amafaranga 1,000frw, ikirayi na cyo kikagurwa amafaranga 200frw.

    Kiosk itangirwamo udukingirizo no gupima ubwandu bwa SIDA

    Ikigo gishinzwe Ubuzima mu Rwanda(RBC) gifatanyije n’umuryango witwa Kigali Hope, bashyizeho utuzu(kiosks) hamwe na hamwe mu Mujyi wa Kigali hatuwe n’abantu bacuruza imibiri yabo, hagatangirwa serivisi z’ubuntu zirimo udukingirizo ndetse no gupima ubwandu bw’agakoko gatera SIDA.

    Uretse Sodoma muri Gikondo, izi ‘kiosks’ ziboneka i Remera mu Giporoso, mu Migina iruhande rwa Sitade Amahoro, mu Gatsata na Nyamirambo, ndetse no mu mijyi y’uturere tumwe na tumwe tw’u Rwanda.

    Umukozi wa Kigali Hope muri Kiosk y’i Sodoma witwa Bahati Hategekimana avuga ko uretse muri ibi bihe by’icyorezo cya Covid-19 we na bagenzi be bakora amasaha yateganyijwe kuva saa mbili za mu gitondo kugeza saa yine z’ijoro, ubusanzwe bajyaga bakora amasaha yose y’umunsi mu minsi yose igize icyumweru.

    Hategekimana agira ati “Impamvu ni uko usanga hano ari ho hakorerwa uburaya cyane, ariko ntabwo ari indaya gusa ziza gutwara udukingirizo cyangwa kwipimisha SIDA. Hano ijoro n’amanywa biba bingana, hari urujya n’uruza rw’abantu benshi barimo n’abanyamahanga, ku munsi nshobora kwakira abantu babarirwa hagati ya 100-300”.

    Bahati avuga ko uretse abaza kumusaba udukingirizo cyangwa kwipimisha SIDA, hari n’abanyuzamo bakaza kumusaba amavuta akoreshwa n’abagabo bakorana imibonano mpuzabitsina n’abandi bagabo, ariko akabahakanira kuko ntayahari.

    Gucunga umutekano muri Sodoma

    Urujya n’uruza muri ako gace rutuma inzego z’umutekano n’ubuyobozi bw’ibanze babahozaho ijisho kugira ngo bubahirize amabwiriza harimo n’ayo kwirinda icyorezo Covid-19.

    Umunyamabanga Nshingwabikorwa w’Umurenge wa Gikondo, Suzane Mukasano avuga ko Sodoma itabateye ikibazo gikomeye kurusha ahandi, kuko ngo umuntu wese ugerageje kutubahiriza amategeko n’amabwiriza ya Leta afatwa akabihanirwa.

    source : https://ift.tt/2X5N7vn

  • Benshi bakomeje gutungurwa n' abana b' abakobwa bambuwe imyenda yabo bagasigara bambaye ubusa buri buri b' abategeka kujya mu mihanda basaba imvura #rwanda #RwOT

    Mu gihugu cy' u Buhinde hakomeje gucicikana ifoto y' abana b' abakobwa bakiri bato bakoreshwa urugendo bambaye ubusa buri buri , bari mu mihango yo gusaba imvura mu karere kamwe ko muri iki gihugu.

    Ibi byabereye mu gice kibasiwe n'uruzuba cyo mu karere ka Bundelkhand kari mu ntara ya Madhya Pradesh.

    Nk' uko ikinyamakuru BBC giherutse kubitangaza , amashusho-videwo yahanahanywe cyane ku mbuga nkoranyambaga yerekana abakobwa bakiri bato barimo batambuka bambaye ubusa. Ababa muri ako karere bemera ko uwo muhango unezeza imana y'imvura maze ikabaha imvura muri ako karere.

    Ishyirahamwe riharanira Uburenganzira bw'abana mu Buhinde (National Commission for Protection of Child Rights) ririmo rirabaza ubutegetsi bwo mu karere ka Damoh karimo gukorerwamo uwo muhango uko byagenze.

    Igipolisi cya Madhya Pradesh kivuga ko nta muntu n'umwe kirabona uza kukiregera kubera uwo muhango, ariko ko cyatangiye iperereza.

    Umukuru wa Polisi ya Damoh, DR Teniwar yabwiye ibiro ntaramakuru Press Trust of India (PTI ) ko 'ingingo zizafatwa mu gihe basanga hari abakobwa bategetswe gutambuka bambaye ubusa'.

    Iyi videwo yafashwe, yerekana abakobwa, bamwe muri bo bavugwa ko bafite imyaka itanu, bari mu rugendo bambaye ubusa, inyuma yabo hari itsinda ry'abagore bagenda baririmba indirimbo z'uguhayagiza/zisingiza izi mana.

    Nk' uko amakuru abivuga , muri urwo rugendo banyura inzu ku nzu muri uwo muhango hanyuma abo bana bakegeranya imfungurwa/ibyo kurya bitangwa mu nzu y'igikoni cy'urusengero rw'akarere.

    PTI isubiramo abagore bari muri urwo rugendo bavuga bati: 'Turemeza ko ibi bizatuzanira imvura'.

    Umutegetsi w'akarere ka Damoh S Krishna Chaitanya avuga ko ababyeyi b'aba bakobwa bemeye uwo muhango kandi ko nabo nyine bawugiyemo. Yongeraho ati: 'Mu bintu nk'ibi, icyo ubutegetsi bushobora gukora ni ukumvisha abanyagihugu ko ibi bintazi ntacyo bimaze, bukabafasha gutahura ko iyi mihango nta kintu na kimwe ibazanira mu byo bari biteze'.

    Ishami ry'ubuhinzi mu Buhindi ahanini rigendera ku mvura izwi nka mousson/monsoon, kandi mu turere tutari duke hari imihango yo gusenga imana z'imvura bijyanye n'imico n'imigenzo yaho.

    Ivomo: BBC

    Source : https://impanuro.rw/2021/09/09/benshi-bakomeje-gutungurwa-n-abana-b-abakobwa-bambuwe-imyenda-yabo-bagasigara-bambaye-ubusa-buri-buri-b-abategeka-kujya-mu-mihanda-basaba-imvura/

  • Video:Umugore yahanganye bikomeye n'umusirikare mu muhanda. – YEGOB #rwanda #RwOT

    Amashusho akomeje gukwirakwizwa ku mbuga nkoranyambaga yerekana umugore watinyutse ahangana bikomeye n'umusirikare wambaye imyenda y'akazi aho batonganaga bitewe nuko umwe yari abangamiye undi mu muhanda.

    Aba bombi bari batwaye imodoka,hanyuma umwe yica amategeko yumuhanda abangamira undi,maze basohoka mu modoka zabo batangira gushwana.Bombi bitanaga bamwana ,umusirikare ashinja umugore ko ari we uri mu makosa ,umugore na we akemeza ko uyu musirikare ari we wamubangamiye.Ubwo abantu bari bahari bumvikanaga bababwira kwitabaza Polisì .

    Source : https://yegob.rw/videoumugore-yahanganye-bikomeye-numusirikare-mu-muhanda/

  • Rutahizamu Biramahire Abeddy n’umukunzi we baritegura kwibaruka, uburanga bw’uyu mwari wakujemo umunyamakurukazi #rwanda #RwOT

    Rutahizamu wa AS Kigali n’Amavubi, Biramahire Abeddy n’umukunzi we Kagame Vanessa baritegura kwibaruka imfura y’abo, ni nyuma y’uko uyu mukobwa yakorewe ibirori bya Baby Shower.

    Urukundo rwa Abeddy na Vanessa ntabwo rwavuzwe cyane, ni mu gihe bombi batakunze kubitangaza cyane.

    Ubusanzwe uyu rutahizamu yavuzwe mu rukundo ubwo umunyamakuru wa Radio TV10 witabiriye Miss Rwanda 2017, Umutoni Josiane muri 2020 yavugaga ko bari mu rukundo.

    Icyo gihe yari yatangaje ko batangiye gukundana muri Nyakanga 2019, ni nyuma y’igihe kinini bavugana ariko nta wurabwira undi ko amukunda kugeza Abeddy afashe iya mbere.

    Kuva icyo gihe ntabwo bigeze bumvikana cyane mu rukundo kugeza ubwo uyu musore muri Nyakanga uyu mwaka, yatangaje ko ari mu rukundo n’iyi nkumi igiye kumubyarira imfura y’umuhungu.

    Uyu mukobwa rero akaba aherutse gukorerwa ibirori bya Baby Shower(ibirori byo kwitegura umwana uba ugiye kuvuka), ndetse akaba yaranahishuye ko ari umuhungu bagiye kwibaruka.

    Vanessa yakorewe ibirori bya Baby Shower

    Ibi birori byarimo na Uwicyeza Pamela akaba umukunzi wa The Ben

    Biramahire Abeddy na Vanessa baritegura kwibaruka imfura yabo

    Kagame Vanesaa umukunzi wa Biramahire Abeddy

    Muri Nyakanga uyu mwaka nibwo urukundo rwabo rwamenyekanye

    Ni umukobwa mwiza ntacyo wamugaye

    Vanessa watumye Abeddy atera umugongo Josiane

    Imiterere ye yagusha abasore benshi

    Ari hafi kwibaruka umusore ushobora kuzatera ikirenge mu cya se agaconga ruhago

    Josiane ni we wabanje gukundana na Biramahire Abeddy Christophe ariko baza gutandukana

    Source : http://isimbi.rw/imyidagaduro/article/rutahizamu-biramahire-abeddy-n-umukunzi-we-baritegura-kwibaruka-uburanga-bw-umwari-wakujemo-umunyamakurukazi

  • Bwa mbere mu mateka Kenya yatsinze Misiri mu mikino Nyafurika ya Volleyball, Tunisia na Cameroon zageze muri kimwe cya kane #rwanda #RwOT

    Ku nshuro ya mbere, ikipe y'igihugu mu mukino w'intoki wa Vollyeball ya Kenya yatsinze iya Misiri mu maseti atanu yakinwe mu irushanwa Nyafurika mu mukino wa Volleyball ikomeje kubera mu Rwanda mu nyubako ya Arena.

    Muri uyu mukino warangiye ikipe ya Kenya itsinze amaseti 3-2, iya mbere Kenya yayitsinzwe 25 kuri 19, iya kabiri iyitsinda kuri 25-22, iya gatatu nayo iyitsinda 25-20 mu gihe iya kane yatsinzwe na Misiri kuri 25 kuri 18.

    Nyuma yo kunganya amaseti abiri kuri abiri, hahise hitabazwa iseti ya gatanu y'ishiraniro bakina ku manota 15, iyi yarangiye ikipe ya Kenya iyitwayemo neza kuko yatsinze Misiri amanota 15 kuri 12 bityo yegukana intsinzi ya mbere ihura n'ikipe y'igihugu ya Misiri mu mateka yayo mu marushanwa atandukanye bagiye bahuriramo.

    Usibye ikipe y'igihugu ya Kenya yatsinze Misiri, ikipe y'igihugu ya Tunisia ndetse na Cameroon zakatishije itike yo kugera muri kimwe cya kane cy'irangiza nyuma yo gutsinda imikino yazo ya kabiri.

    Uko indi mikino y'umunsi wa kabiri yagenze:

    Niger 2-3 RD Congo (26-28, 23-25, 25-21, 25-21, 11-15)
    Ethiopia 0-3 Tunisia (13-25, 14-25, 16-25)
    Nigeria 0-3 South Sudan (25-20, 25-21, 25-19)
    Mali 0-3 Cameroon (16-25, 17-25, 9-25)
    Morocco 3-0 Tanzania (25-14, 25-14, 25-22)
    Kenya 3-2 Egypt (19-25, 25-22, 25-20, 18-25, 15-12)

    The post Bwa mbere mu mateka Kenya yatsinze Misiri mu mikino Nyafurika ya Volleyball, Tunisia na Cameroon zageze muri kimwe cya kane appeared first on RUSHYASHYA.

    Source : https://rushyashya.net/bwa-mbere-mu-mateka-kenya-yatsinze-misiri-mu-mikino-nyafurika-ya-volleyball-tunisia-na-cameroon-zageze-muri-kimwe-cya-kane/?utm_source=rss&utm_medium=rss&utm_campaign=bwa-mbere-mu-mateka-kenya-yatsinze-misiri-mu-mikino-nyafurika-ya-volleyball-tunisia-na-cameroon-zageze-muri-kimwe-cya-kane

  • Barasaba kubakirwa isoko bamaze imyaka isaga umunani basezeranyijwe #Rwanda #RwOT via @kigalitoday #rwanda #RwOT

    Igishushanyo mbonera cy
    Igishushanyo mbonera cy’iryo soko rya Gikondo

    Bavuga ko mbere y’uko isoko ryabo risenywa nta bibazo bidasanzwe bahuraga na byo mu bucuruzi bwabo nk’ibyo basigaye bahura na byo kuva ryasenywa, kuko aho bakorera hatisanzuye ku buryo hari n’abo byaviriyemo kubura aho bakorera bakaba bahitamo gukorera mu muhanda.

    Isoko basaba kubakirwa ngo rimaze imyaka isaga umunani baryemerewe, kuko barikuwemo muri 2012 babwirwa ko rigiye kubakwa mu mwaka ukurikiraho ariko bakaza gutungurwa n’uko mu myaka yose ishize imvugo yakomeje kuba “rigiye kubakwa umwaka utaha kugeza uyu munsi” bakaba basanga barabarangaranye.

    Amabati azitiye ahazubakwa iryo soko yarashaje bazana amashya
    Amabati azitiye ahazubakwa iryo soko yarashaje bazana amashya

    Umwe mu bacuruzi barikoreragamo mbere y’uko barikurwamo, kuri ubu akaba asigaye akorera hanze hazwi nka marato, wahawe izina rya Habimana, avuga ko mbere bacuruzaga neza bitandukanye n’uko bakora muri iyi minsi, ari na ho ahera asaba ko bakubakirwa isoko bamaze igihe barasezeranyijwe.

    Ati “Barisenya umurenge wayoborwaga na Kaboyi, na Meya Jules Ndamaje, uwasimbuye Meya we nta n’igitekerezo nigeze numva ngo bazaryubakisha, gusa ubu numvishe bavuga ngo Umujyi wa Kigali ari wo uzabikora. Nk’ubu baraje bakuraho amabati ya mbere bashyiraho amashya none reba n’igishushanyo mbonera na cyo cyatangiye gucika, rwose niba ibyo bavuga ari ukuri biyoborwa n’Umujyi wa Kigali turabizi ufite ubushobozi ntabwo wananirwa kubaka iri soko rimeze ritya, tuzi n’ibintu Umujyi wa Kigali ukora, bakwiye kubishyira mu bikorwa kuko n’ibi bimeze nk’amatongo bitagaragara neza”.

    Abakorera mu isoko risigaye rizwi nk’irya Gikondo, bavuga ko uretse kuba nta mafaranga babona bitewe n’uko amasoko yabaye menshi mu mihanda, banabangamirwa n’aho bakorera kuko ari hato.

    Uwitwa Mukandutiye Ati “Kubera ko ari hato, haba harimo ubushyuhe bwinshi cyane, iyo dushatse kumva akayaga bidusaba kujya hanze ku muhanda kandi nabwo bakatubwira ngo nituve ku muhanda ngo turimo gutega abakiriya, kandi ubushyuhe buba bwatubanye bwinshi mo imbere kubera ubuto bwaho”.

    Isoko bacururizamo bavuga ko ribabangamiye kuko ari rito batabona umwuka uhagije
    Isoko bacururizamo bavuga ko ribabangamiye kuko ari rito batabona umwuka uhagije

    Mu gushaka kumenya icyo ubuyobozi buteganyiriza abakorera mu isoko rya Gikondo, Kigali Today yagerageje kuvugana n’Umuyobozi Nshingwabikorwa w’Akarere ka Kicukiro, Umutesi Solange, maze asubiza muri aya magambo.

    Ati “Wavugana na DG Solange w’Umujyi wa Kigali kuko ari ho isoko ryatangiwe, ari na bo batanze icyangombwa cyo kubaka arakubwira, baheruka gukorana inama na rwiyemezamirimo araguha amakuru arenze ayo mfite”.

    Kigali Today yagerageze kuvugana n’umuyobozi ushinzwe imyubakire mu Mujyi wa Kigali, Marie Solange Muhirwa, na we asubiza ko bataramenya igiye uwatsindiye kuryubaka azatangirira.

    Ati “Isoko rya Gikondo rero hari rwiyemezamirimo wariguze ufite kompanyi yitwa Landmark, yabonye icyangombwa cyo kubaka ahubwo ikintu nakora n’ukumubaza igihe azatangira kubaka, kuko ubu nta n’amakuru y’igihe azatangirira wenda ngo mbe nababwira”.

    Hari abakorera hanze kubera kubura umwanya mu isoko rihari
    Hari abakorera hanze kubera kubura umwanya mu isoko rihari

    Amakuru agera kuri Kigali Today avuga ko rwiyemezamirimo witwa Mudenge Kayumba yahawe ibyangombwa byo kubaka umwaka ushize, akaba yaragombaga guhita atangira akimara kubibona.

    Mu gihe kirenga icyumweru twagerageje guhamagara uwo rwiyemezamirimo wahawe isoko, tugasanga nimero ye itari ku murongo.


    source : https://ift.tt/2Vq0iH8

  • CEDEAO yahagaritse Guinea muri uwo muryango bitewe n’abahiritse ubutegetsi #Rwanda #RwOT via @kigalitoday #rwanda #RwOT

    Muri Guinea ubutegetsi buri mu maboko y
    Muri Guinea ubutegetsi buri mu maboko y’abasirikare baherutse gukuraho Perezida wari uriho

    CEDEAO yemeje ko yamaganye itizigamye impinduka iyo ari yo yose yashingira ku buryo budakurikije itegeko nshinga ndetse ko inenze cyane abahiritse ubutegetsi.

    Guinea yahagaritswe muri uyu muryango CEDEAO, ariko hirindwa gushyiraho ibihano bishingiye ku bukungu nko guhagarika ubuhahirine hagati y’ibindi bihugu no gufunga imipaka. CEDEAO kandi ntiyigeze ibuza abakoze iyi kudeta gukora ingendo hanze y’Igihugu.

    Mu gihe ibintu bitarasobanuka muri Guinea, CEDEAO yihutiye kandi koherezayo itsinda kuri uyu wa kane rijya kubonana n’abayoboye iki gihugu nyuma yo guhirika ubutegetsi.

    Icy’ibanze iri tsinda rishyize imbere mu biri buganirweho, ni irekurwa mu buryo bwihuse kandi budasubirwaho rya Perezida Alpha Konde wahiritswe agatabwa muri yombi n’abasirikare b’umutwe wihariye.

    Icyakora i Conakry mu murwa mukuru ho nta cyo baravuga ku byemezo byafatiwe muri iyi nama, ariko Abdoulaye Oumou Sow, ushinzwe itangazamakuru mu mutwe w’ingabo zishinzwe kurinda itegeko nshinga yavuze ko atatunguwe n’ibyemezo bya CEDEAO, avuga ko ababajwe cyane n’uko ntacyo yakoze mbere y’uko habaho ihirikwa ry’ubutegetsi.


    source : https://ift.tt/38SI84c