Webrwanda Backend

Category: Uncategorized

  • APR FC itomboye RS Berkane ya Florent Ibenge muri CAF Confederation Cup #Rwanda #RwOT via @kigalitoday #rwanda #RwOT

    Ikipe ya APR FC iheruka gusezererwa mu marushanwa ya CAF Champions League, itomboye ikipe ya RS Berkane yo muri Maroc, ikipe itozwa n’umutoza Florent Ibenge wahoze atoza ikipe ya AS Vita Club yo muri RD Congo.

    Iyi kipe ya RS Berkane APR FC itomboye, umunsi nk’uyu mu mwaka ushize wa 2020, yegukanye ku nshuro yayo ya mbere iki gikombe cya CAF Confederation Cup, aho yari itsinze Pyrmaids yo muri Egypt igitego 1-0.

    Iyi kipe ya Renaissance Sportive de Berkane yageze muri iki cyiciro isezereye ikipe ya US Ben Guerdane yo muri Tunisia, aho yayinyagiye ibitego 5-0 mu mikino ibiri bahuye (1-0 mu mukino ubanza na 4-0 mu mukino wo kwishyura).

    Umukino ubanza uzahuza aya makipe uzaba taliki 28/11/2021, mu gihe uwo kwishyura uteganyijwe taliki 05/12/2021 muri Maroc, mu gihe umukino APR Fc izabanza kwakira hataramenyekana aho uzabera kubera guhagarikwa kwa Stade ya Kigali i Nyamirambo.

    source : https://ift.tt/3CvrLrv

  • Narihebye mbwira Imana ko yampemukiye cyane! Ariko nyuma y’myaka 12 Yesu yampaye urubyaro. Ubuhamya bwa Monique #rwanda #RwOT

    Mukarugwiza Monique ni umukristo, akaba umubyeyi w’abana 2, yamaranye umubabaro imyaka 12 kuko atari yabonye urubyaro. Mu bishoboka byose kwa muganga ntacyo batakoze, babwiwe ko byibura amahirwe ahari ashoboka ari uko bashobora kubyara rimwe mu myaka 50. Abashinyagura bo bemezaga ko kutabyara bituruka kuri Sida ndetse n’ubusambayi bw’uyu mubyeyi, ariko byari ibinyoma. Hejuru y’ubwenge bw’abantu babonaga bitashoboka, kubw’imbabazi z’Imana n’ubuntu bwayo yakoze ibirenze ubwenge bwacu, iha urubyaro Monique n’umugabo we.

    Uyu mubyeyi yahamije iby’iki gitangaza mu mashimwe menshi avuga ko muri urwo rugendo rwose Imana yabashoboje kwihangana, ntibajya mu bapfumu, nta waciye inyuma undi, byose abikesha ko byabaye ubuntu bw’Imana n’imbabazi zayo. Impamvu yabyo ngo ni uko hari ubwo yatentebukaga akabwira Imana ati' Nzakomeza ngukurikire ariko nzaba ndirira inyuma yawe, nta shimwe nzigera nguha rijyanye no kubyara!'

    Monique yabaye imfubyi ku myaka 13 kuko ababyeyi be bishwe muri Jenoside yakorewe Abatutsi mu 1994, abura n’abavandimwe be icyakora Imana itabura uko igenza yaje kurererwa kwa Nyirarume wamwitayeho uko yari ashoboye(Nawe arabimushimira). Amaze gushaka, Monique yumvaga ko umubabaro uzashirira mu rugo rwe, ariko byarushijeho gukomera Imana yemera ko anyura no mu kigeragezo cyo gutinda kubona urubyaro. Ibyo byatumye amagambo aba menshi, bitwa abarwayi ba Sida, bamwita umusambanyi,…

    Muri make ubuhamya bwa Monique

    Ati' Nakoze ubukwe nsa nk’ukiri muto, numvaga urugo ari umunyenga nigiriyemo, ariko hari irindi shuri nagombaga kwiga kugira ngo nzavuge Imana! Tukimara kubana n’umugabo, mu kazi ke hajemo impinduka ajya gukorera kure yo mu rugo, yajya aza nka rimwe mu kwezi umwaka wa mbere twabaye nk’abantu bafite urugo rutari hamwe. Ibyo rero byatumye mu mwaka wa mbere tutamenyerana neza, binatuma kandi iby’ishuri ryo gutinda kubona urubyaro tutabitindaho ngo tubone ko ari ikibazo. Mu 2005, umugabo yavuye ku kazi nyuma y’umwaka dushyingiwe araza tubana mu rugo nk’umugabo n’umugore.

    Nanjye naje kuva ku kazi 2006, mu rugo imibereho ijyanye n’ibifatika nkabona ntibisobanutse, nkajya njya kwisengera ngo Imana itubwire uko tubigenza, hanyuma Imana ikajya inyibwirira urubyaro! Kubera imibereho idasobanutse twarimo icyo gihe, byatumye dusa nkaho duhuze, noneho njye abantu bavuga umwana nti' Ese muragira ngo Imana iduhe abana muri ubu bukene?' Icyo gihe njye numvaga Imana itazanyima abana ariko nkagira ubwoba ko izabampa nshaje [Ubu iyo aza kubyara akimara gushyingirwa, imfura ye iba irimo gusoza amashuri yisumbuye]

    Nkabwira Imana nti umva rero, niba ushaka kuzangira nka ba Sara, bararambaga ubwo uziyaranje ungire muto niba ushaka kuzamumpa narabaye nka Sara mbashe kumurera!

    Igihanda cy’amagambo ngo: Barwaye Sida, Monique ni umusambanyi, ngo ni zo mpamvu zituma batabyara. Abashinyagura bagiraga bati' Nta marira y’uruhinja bazumva!'

    Hari umukozi wa Satani (Umugabo basengeraga hamwe) wari warayogoje abakobwa n’abagore abasambanya, nanjye nshyirwa kuri risite y’abo bavuze yasambanyije. Icyo kintu cyandijije amarira (Ibyo byabaye nkiri umukobwa, ariko bishibuka maze gushaka babonye tutabonye urubyaro). Umugabo wanjye yarashikamye kuko nta buhamya bubi yari anziho, uwo mushibuka Satani yaduteze ntiwahitanye urugo rwacu yaratsinzwe.

    Satani kandi yakoresheje abantu, batega undi mushibuka ko turwaye Sida. Ubwo Sida barayivuze, birashyushye birashyushye Sida iba Sida ku buryo nanjye nagendaga nkuma ndayirwaye! Umugabo wanjye yari ananutse [Ubu yarabyibushye] yigendera ameze nk’umuntu w’umufirozofe, atiyitayeho rimwe na rimwe bakabihuza. Batuvuzeho Sida ku buryo igihe cyose najyaga kwa muganga nahoraga mbabwira kwibuka gushyiramo ikizame cya Sida. Kubera ayo magambo yose n’ubukene twarimo, hashize imyaka 5 iby’urubyaro tutakibitindaho.

    Kera kabaye bisunze abaganga nabyo biba iby’ubusa!

    Mu mwaka w’2009, umugabo namusanze i Kigali nibwo twafashe gahunda tujya kwa muganga. Baduhaye randevu (Rendez-vous) ngeze yo nsanga ibyuma byagombaga kunkorera byapfuye. Bambwira gusubira yo bukeye nabwo nsanga ibyuma ntibirakira, bimara nk’iminsi nk’itatu kandi ibizame umudamu akorerwa biba ari mu minsi ibaze: Hari iminsi y’uburumbuke, uba ugomba kuza imbere yayo kuko iyo wageze muri iyo minsi bakagukorera icyo kizamini kiba gipfuye ntabwo kiba ari cyo. None njyewe ya minsi irarenga, sinanabikurikirana n’abaganga babinkoreraga ntibabyitayeho bahise bankorera.

    Nyuma y’icyumweru ibisubizo bije, muganga yatinye kubiduha aduha randevu mu rindi vuriro ritari iryo. Twamusanganye n’undi muganga, batubwira ibisubizo ariko bitaryoshye! Muganga ati ‘Bijya bibaho ko dutanga ibisubizo kandi mwembi bikaba bitari byiza’. Muganga yaduhaye ibisubizo adutandukanyije, njye ukwanjye n’umugabo ukwe. Yatubwiye ko mfite ikibazo, kandi ko n’umutware afite ikibazo, njye bahise bampa na gahunda yo kubagwa.

    Operation barayikoze basanga ndi muzima, ahubwo basanga ni ikosa ryabaye ku buryo muganga yahise anatanga itegeko ko ntawe uzongera kujya kubagwa atari we wamwisuzumiye. Icyakora nta muganga narenganya, ahubwo ni njye wari wakoze ikosa ryo kujya gupimwa ku gihe kitari cyo. Ibyo, Imana yabikoreraga kugira ngo menye uburyo nzasenga, muganga ahita anambwira ko hatazagira undi muntu n’umwe uzagira icyo ankorera kuko nta kibazo mfite.

    Ubwo ikibazo cyasigaye ku mugabo, ariko ibyo kwivuza twahise tubiparikira aho! Nubwo byari bimeze bityo, benedata benshi bakomeje kudusengera. Ubwo twariparikiye kugeza 2014 nyuma y’indi myaka itanu, twongeye gutekereza kubyo kutabona urubyaro. Hari ubwo nabyukiraga umugabo nti' Turajya kwivuza nibiba na ngombwa turasaba amadeni!' umugabo ati'Twasaba amadeni tukajya kwivuza hanze ntibinakunde, ubwo urumva utaba usigaranye umugabo w’umusazi?' byageze aho ndekeraho kwizerera mu kwivuza. Iyo myaka yose twayimaze nta rubanza ruza rw’umwana, ntabyo gucyurirana twagiranye n’umugabo wanjye.

    2014, twubuye gahunda yo kwivuza, biba iby’ubusa kuko Imana yagira ngo nidutanga ubuhamya ntibizitirirwe amaboko y’abaganga kandi koko haba bwa mbere kwa muganga cyangwa n’aho bwa kabiri nta muti n’umwe bigeze baduha. Twaragiye rero nabwo umuganga adusuzumye, yemeza cya kibazo. Mubaza niba nta kundi twabigenza ariko yansubije ijambo rimeze nk’inkota! Uwo muganga wari umunyamahanga yatubwije ukuri uko ibibazo biteye atabiciye ku ruhande, mubaza icyo twakurikizaho ambwira ko yatubonera abaganga: Abo biganye mu buhinde,…ubwo nari mubajije ibya fecondations (Uburyo bwo guhuriza hamwe intanga ngabo n’intangangore), muganga aransubiza ngo 'Mwayikoresha iki mufite?' 'Whith What?'

    Nyuma y’iyo myaka 10 nibwo twamenye neza ikibazo uko giteye, ko ntacyo abaganga babasha kudufata, ko njye n’umugabo wanjye ntacyo dufite cyabasha guhuzwa ngo havemo umwana. Kuva icyo gihe namenye ko isengesho ryagombaga guhinduka, nkabwira Imana ko yarema ibitariho. Mbwira Imana nti ugomba kuduha abana, hari naho nageze ndayimbwira nti ‘Nta muntu wigeze ubaho wampemukiye nkawe!’ ariko igihe kimwe ndi munzira ndimo njya ku kazi, Umwuka Wera aransanga arambaza ati' Imana wumva igufitiye ideni ngo wumve ko kuguha abana ari ideni igomba kukwishyura, mu byiza Imana ikugirira hari uruhare uba wabigizemo?'

    Numva ndihannye, numva Imana irakomeye menya ko ndi uwo gucishwa bugufi yo igashyirwa hejuru nubwo nkibabaye muri iyo myaka yari imaze kuba 11. Ariko nubwo nihannye naragarutse nyibwiza ukuri nti' Mana nkubwije ukuri yuko mbabaye cyane, kandi ni wowe wenyine ndeba kuko iki kibazo wagikemura” Nta handi nzajya (Haba mu bapfumu, kwishakishiriza,..) Oya nzaguma imbere yawe ariko umenye ngo nzagukurikira ndi wa mwana urira!

    2016 mu kwezi kwa 3 umuhanuzi yagarutse ku buhanuzi nari naramaze kugwiza, avuga kubyo kubona urubyaro. Ni ubwa mbere nari mubonye, ati'Ubu wowe uri nk’umugeni waritswe (Imyiteguro bakorera umugeni ugiye gushyingirwa), wirinde icyaha n’igisa nacyo, wirinde gukora ikintu cyangwa kujya n’ahantu utabajije Imana.

    Ugomba kugenda muri gahunda y’Imana! Ati’ Imana iraje iratunguranye, igiye gutungura Satani n’abadayimoni.’

    Yambajije uko byagenze ngo Maliya abyare, mubwira ko yasamye inda y’Umwuka Wera. Arambwira ngo njyewe sinzasama kubw’Umwuka Wera gusa, nzabyara ndi kumwe n’umugabo. Ibyo byanyongereye kwizera cyane!

    Mu kwezi kwa 6, nyuma yo gusenga cyane byamfashije gushikama, numva mu mubiri wanjye hari ikintu cyahindutse! Nyuma y’iyo myaka 12 nkajya mbibwira umugabo wanjye, nawe ati umenya warasamye. Yabivuga nkamucyahira hejuru kuko numvaga narikuye mu mubare w’ababyara.

    Numvaga ibimenyetso by’abagore batwite, haciyemo hafi ukwezi niyemeza kwisuzuma njyewe ubwanjye n’Imana, kandi nabikoze umugabo nawe ntamubwiye. Naguze utwo dupimisho muri farumasi, ntumarana nk’iminsi 3 naratinye kudukoresha numva narabihiwe ntashaka kongera kwibabaza. Umunsi umwe mu gitondo mfata icyemezo ndisuzuma, mfata ikizame cy’inkari nkimara gushyira mu gapimisho mbona uturongo tuzamutse twiruka!

    Nahise mera nk’umusazi, ndasakuza nti ndatwite, ndatwite! Ni nko kuvuga ngo “Nabyaye”, hafi yo kuvuga ko umwana yahageze. Umugabo yashigukiye hejuru, ati umenye ute ko utwite? Naho ntiyari azi ko maranye utwo tuntu igihe. Mbura amagambo yo kumubwira mba nk’ikiragi, ndaterura ndamuzanira nti irebere utwo turongo tubiri.

    Aho kwishima, numvise umubabaro[…Satani ni umugome] ndakarira Imana nyibaza impamvu yatinze kumpa umwana muri iyo myaka yose. Ariko yambwiye ko muri icyo gihe namaze mu bigeragezo sinasaze, siniyahuye, numvise nizemo ko icyo gihe cyose nabonye ineza y’Imana n’imbabazi zayo.

    Mukarugwiza Monique ubu afite ishimwe rikomeye ko yabonye urubyaro, afite abana babiri umuhungu n’umukobwa. Ahora avuga ineza y’Imana yabonye, dore ko hari nubwo Umwuka Wera yigeze kumuhata agatambutsa ishimwe rye muri Bank rwagati. Niba uri mu kigeragezo icyo ari cyo cyose, menya ko Imana idakiranirwa, komeza uyizere wirinde icyaha n’igisa nacyo (Umenye ko uri nk’umugeni waritswe) nta kabuza amasezerano azasohora. Shalom!

    Reba hano ubuhamya bwa Mukarugwiza Monique kuri Snai Tv: 😭😭IMYAKA irenga 12 Narihebye Mbwira Imana ko YAMPEMUKIYE Cyane|UKO NATABAWE Abaganga nabo Barumiwe!🤔

    [email protected]

    Source : https://agakiza.org/Narihebye-mbwira-Imana-ko-yampemukiye-cyane-Ariko-nyuma-y-myaka-12-Yesu-yampaye.html

  • Ubwami bw’imyaka 1000 ni ubuhe, ese buzabaho koko? #rwanda #RwOT

    Ubwami bw’imyaka 1000 ni igihe Bibiliya ivuga ko Yesu Kristo azamara ategeka ku isi. Hari bamwe babona iyo myaka igihumbi nkaho ari umugani. Abandi bayibona nk’ishusho ‘y’igihe kirekire’ aho kuba ubwami nyakuri buzamara imyaka igihumbi nyakuri. Nyamara, ubwo bwami buvugwa ko buzamara imyaka 1000 inshuro 6 zose mu gitabo cy’Ibyahishuwe (20:2-7). Iyo Imana iba yarashakaga kutubwira ‘igihe kirekire’, yari kubivuga nta kuzimiza, aho kubisubiramo inshuro 6 idategwa.

    Bibiliya itubwira ko ubwo Yesu azagaruka ku isi azahita aba Umwami wa Yerusalemu, ku ngoma ya Dawidi (Luka 1:32-33). Amasezerano atandukanye Imana yagiye igirana n’abantu agana ku kugaruka mu mubiri kwa Kristo, akaba Umwami ku isi. Mu isezerano Imana yahaye Aburahamu, harimo kugira ubutaka, urubyaro rwinshi n’umugisha wo mu Mwuka (Itangiriro 12:1-3). Isezerano Imana yahaye Mose ryarimo kubaha ubwo butaka bukaba ubwabo (Gutegeka 30:1-10). Isezerano Imana yahaye Dawidi ririmo ko Isirayeli izababarirwa – ari nabwo buryo bwonyine igihugu cyabona imbabazi (Yeremiya 31:31-34).

    Kugaruka kwa Kristo kuzahita kuzuza aya masezerano yose (ubu ataruzura), kuko Isirayeli izakoranyirizwa mu mahanga yatatanyijwemo (Matayo 24:31), yihane ibyaha (Zakariya 12:10-14) hanyuma igarurwe mu gihugu cy’abasekuruza babo, aho hazaba ari mu gihe cy’Ubwami bwa Mesiya, Yesu Kristo.

    Bibiliya isobanura neza ko muri iyo myaka ubwo bwami buzamara hazaba hari amahoro, ubuzima bwiza kandi nta ntonganya mu Mwuka. Hazaba amahoro gusa (Mika 4:2-4, Yesaya 32:17-18), umunezero (Yesaya 61:7, 10), kudamarara (Yesaya 40:1-2); nta bukene cyangwa indwara (Amosi 9:13-15, Yoweli 2:28-29). Bibiliya kandi itubwira ko abizera ari bo bonyine bazinjira muri ubwo Bwami. Kubera ibyo, iyo myaka izaba ari iy’ubukiranutsi busesuye (Matayo 25:37, Zaburi 24:3-4), kumvira (Yeremiya 31:33), kwera (Yesaya 35:8), ukuri (Yesaya 65:16) no kuzura Mwuka Wera (Yoweli 2:28-29).

    Yesu azategeka nk’Umwami (Yesaya 9:3-7, 11:1-10), anyuze muri Dawidi uzaba ariwe utegeka (Yeremiya 33:15-21, Amosi 9:11). Yewe, hazabaho abandi bayobozi batandukanye, n’ab’intara (Yesaya 32:1, Matayo 19:28), kandi Yerusalemu noneho izaba ariwo murwa mukuru w’isi.

    Ibyahishuwe 20:2-7 havuga igihe ubwo Bwami buzamara. Uretse n’ibyo byanditswe twavuze haruguru, hari n’ibindi byinshi bihanura iby’ubwo bwami buzabaho koko. Hari amasezerano menshi Imana yagiye itanga azuzuzwa gusa nuko habayeho ubwami nyakuri buzabaho bwa Kristo ku isi. Nta hantu na hamwe rero wahera uvuga ko ubwo Bwami ari ishusho cyangwa ari insigamigani ya Bibiliya; kandi buzamara imyaka 1000 yuzuye.

    Source: www.gotquestions.org/Kinyarwanda

    [email protected]

    Source : https://agakiza.org/Ubwami-bw-imyaka-1000-ni-ubuhe-ese-buzabaho-koko.html

  • Abari bagiye gusenya ishyaka Green Party ngo bakorana n’abarwanya u Rwanda babizeje akayabo #rwanda #RwOT

    Perezida w’iri shyaka riharanira Demokarasi no Kurengera Ibidukikije, Dr Frank Habineza atangaza ko uwitwa Mutabazi Ferdinand ari we muzi w’uriya mugambi mubisha.

    Mu itangazo ryo kwirukana bariya barwanashyaka ryagiye hanze kuri uyu wa Mbere tariki 25 Ukwakira, rivuga ko Mutabazi Ferdinand usanzwe atuye mu Karere ka Ruhango yigeze kwibeshyera ko yaburiwe irengera kubera imyenda abereyemo muramu we kugira ngo bigirwe impamvu za Politiki nyamara ari ubuhemu bwe.

    Dr Frank Habineza avuga ko nyuma y’uko uriya Mutabazi abonetse yagiye abeshya ko yafunzwe ku mpamvu za Politiki nyuma akaza gutangira kwinjira muri iriya migambi yo gusenya iri shyaka.

    Avuga ko nyuma bagiye bumva uyu Mutabazi 'Agenda ahamagara abayobozi b’ishyaka ku rwego rw’Uturere no ku rwego rw’Intara, ababwira ngo 'muze dukore irindi shyaka’ ngo 'ririya shyaka ryacu nta mafaranga rifite, ntabwo baduhemba twese’.'

    Dr Habineza atangaza ko bariya yahamagaraga, yageze n’aho ababwira ko afite miliyoni zirenga 100 Frw, ku buryo baramutse batangiye ishyaka, baba bakize.

    Mu bantu bivugwa ko Mutabazi yahise ageraho abasaba gusenya Green Party, harimo Tuyishime Deogratias, wanagize uruhare mu kwandika sitati y’ishyaka rishya bari bagiye gushinga.

    Yongeyeho ati 'Twagiye twumva ibintu bigenda bifata indi ntera. Bivuze ko yari afite abantu bamukoreramo ari muri twebwe, ashaka kugenda adusenya.'

    Dr Frank Habineza avuga ko mu bakekwaho gukorana n’uyu Mutabazi, barimo umutwe wa RNC uzwi mu barwanya Ubutegetsi bw’u Rwanda ndetse ko ari bo bashobora kuba baramwizeje amafaranga.

    Uyu muyobozi wa Green Party avuga ko mu kwezi k’Ugushyingo 2020 ubwo Mutabazi yaburirwaga irengero, abantu ba mbere babitangaje ari Ikinyamakuru kitwa Abaryankuna cya Cassien Ntamuhanga wo muri RNC.

    Yagize ati 'Ikinyamakuru kitwa Abaryankuna ni bo bahise bakora intabaza vuba cyane bashinja Leta kuba ari yo yabikoze, ko ntacyo ishyaka Green Party turi kubikoraho, ko umuntu bagiye kumwica. Nyamara twari twahagurutse.'

    Dr Frank Habineza avuga ko nka Komite nyobozi y’ishyaka batari gukomeza kurebera ibikorwa nka biriya akaba ari yo mpamvu bafashe uriya mwanzuro wo kwirukana bariya barwanashyaka kandi ko nta gikuba cyacitse kuko bo bakumiriye icyaha kitaraba

    Source : http://www.ukwezi.rw/mu-rwanda/3/article/Abari-bagiye-gusenya-ishyaka-Green-Party-ngo-bakorana-n-abarwanya-u-Rwanda-babizeje-akayabo

  • Uwibye Producer Clement Miliyoni 1,9Frw yakatiwe imyaka 9 n’ihazabu ya Miliyoni 5 #rwanda #RwOT

    Ni urubanza rwaregwamo abantu batatu barimo uwitwa Ndahiro Eric ari na we wahamijwe ibi byaha n’Urukiko Rwisumbuye rwa Nyarugenge wanasabwe gusubiza ariya mafaranga.

    Uru rubanza rwasomwe kuri uyu wa Mbere tarki 25 Ukwakira 2021, rwaregwamo bariya bantu ku byaha byakozwe muri Kanama 2019.

    Bariya bantu bashinjwaga n’Ubushinjacyaha, batangiye gukurikiranwa ubwo Ishimwe uyobora Kina Music Ltd yaregaga uwitwa Mukeshimana Honorine ko yamwibye Chequier akajya kuri konti akibaho amafaranga angana na 1.925.00Frw.

    Mukeshimana wabikuje amafaranga kuri konti ya Ishimwe, yemereye Urukiko ko ari we wayabikuje atumwe n’abagabo batatu barimo umusirikare witwa Ndahiro Eric na Rutikanga.

    Yavuze ko ari bo azi amazina kandi azi ko bose ari abasirikare, ngo bamusabye ko ababikuriza ayo mafaranga bamubwira ko Ishimwe ari we wayibahaye ngo kuko bamufashe asambana n’umugore w’umwe muri bo.

    Ubushinjacyaha bwavuze ko munsi Ishimwe yibiweho amafaranga telefone ye yari yavuyeho kuko uwitwa Niyonsenga Martin yari yayikoreye 'Sim Swap’ abikora afatanyije na Ndahiro na Mukeshimana.

    Ibi babitewe n’uko bari bazi ko iyo umuntu agiye kubikuza amafaranga kuri banki akoresheje sheke babanza guhamagara nyiri konti bakamubaza ko ariwe wayisinye.

    Ubwo Banki yahamagaraga rero nibo bitabye telefone ya Ishimwe baramwiyitirira amafaranga atangwa atyo.

    Ibi byatumye Mukeshimana, Ndahiro na Niyonsenga bakekwaho icyaha cyo kwiba n’icyo gukoresha inyandiko mpimbano, baza gufatwa barafungwa.

    Mukeshimana yaburanye ahakana icyaha, ariko yemera ko ari we wagiye kubikuza amafaranga kuri konti ya Ishimwe abisabwe na Ndahiro.
    Niyonsenga na we yaburanye ahakana icyaha, avuga ko yemera ko yakoze Sim Swap ya telephone ya Ishimwe abisabwe n’uwo yari azi ko ari we nyirayo.

    Ndahiro washinjwaga na bagenzi be nawe yaburanye ahakana icyaha, avuga ko Mukeshimana amubeshyera kuko atari we wamuhaye sheke ya Ishimwe.

    Ubushinjacyaha bwo mu iburanisha bwasabiye abaregwa igihano y’igifungo cy’imyaka irindwi n’ihazabu ya miliyoni 3 Frw kuri buri wese.

    Uretse icyaha cyo kwiba, banarezwe icyaha cyo guhimba, guhindura inyandiko cyangwa gukoresha inyandiko mpimbano.

    Muri uru rubanza Ubushinjacyaha bwakomeje kuvuga ko kugira ngo hibwe amafaranga kuri konti ya Ishimwe abaregwa babanje kwiba sheke itariho umukono nk’uko byagaragajwe na nyirayo.

    Bityo bivugwa ko bahimbye umukono wa Ishimwe nyiri konti, kandi bajya gukoresha sim swap ya nimero ya telefone ye.

    Kuba Niyonsenga yarakoze sim swap nta ndangamuntu ya Ishimwe ihari, byatumye Ubushinjacyaha busaba ko agomba guhamwa n’icyaha cyo guhimba no gukoresha inyandiko mpimbano.

    Kuri iki cyaha Mukeshimana yaburanye avuga ko yahawe sheke iriho umukono wa Ishimwe kandi iriho amazina ye bari bamaze kuzuza mbere, ku buryo atagomba kuregwa icyaha cyo guhimba inyandiko, kuko ntacyo yahimbye ahubwo byabazwa uwamutumye ariwe Ndahiro. We asaba kugirwa umwere kuri iki cyaha.

    Niyonsenga we yavuze ko kuba yarakoze sim swap ari ibintu yari yemerewe nk’uko yari anabifitiye ibyangombwa, ikindi yagaragaje ni uko nta hantu na hamwe yigeze avugana na Ndahiro na Mukeshimana, bityo avuga ko gukora sim swap bitakwitwa icyaha cyane ko yahawe n’indangamuntu ya nyiri sim card. Bityo nawe asaba kugirwa umwere.

    Kuri iki cyaha Ndahiro we yireguye avuga ko nta sheke yigeze atanga bityo iby’umukono atabibazwa, ikindi yavuze ni uko Ishimwe atigeze agaragaza ko yibwe indangamuntu ye hakiyongeraho ko sheke itigeze ipimwa bityo ngo harebwe niba umukono uriho ari impimbano. Uyu nawe yasabye kugirwa umwere.

    Kuri iki cyaha naho Ubushinjacyaha bwasabiye abaregwa buri wese igihano cy’igifungo cy’imyaka irindwi n’ihazabu ya miliyoni 3 Frw.

    Urukiko rwaje kwemeza ko Ndahiro Eric ahamwa n’icyaha cyo kwiba n’icyo gukoresha inyandiko mpimbano, ahanishwa igihano cy’igifungo cy’imyaka icyenda n’ihazabu ya miliyoni 5 Frw naho Mukeshimana na Niyonsenga bagirwa abere.

    Source : http://www.ukwezi.rw/mu-rwanda/Amakuru-anyuranye/article/Uwibye-Producer-Clement-Miliyoni-1-9Frw-yakatiwe-imyaka-9-n-ihazabu-ya-Miliyoni-5

  • Pariki y’Ibirunga igiye kwagurwa yongerwaho hegitari zisaga 3,700 #Rwanda #RwOT via @kigalitoday #rwanda #RwOT

    Ingagi ku isonga mu bikurura ba mukerarugendo ari yo mpamvi Pariki y
    Ingagi ku isonga mu bikurura ba mukerarugendo ari yo mpamvi Pariki y’Ibirunga igomba kwagurwa zikisanzura

    Leta y’u Rwanda yashoye Miliyoni 255 z’Amadolari ya Amerika, azakoreshwa mu mushinga wo kwagura Pariki y’Igihugu y’Ibirunga, mu rwego rwo kuyongerera ubuhumekero.

    Eugene Mutangana, umukozi wa RDB ushinzwe ibikorwa byo kubungabunga za Pariki z’igihugu, asobanura ko urusobe rw’ibinyabuzima, cyane cyane inyamaswa zirimo n’ingagi zibarizwa muri iyo Pariki, uko zikomeza kwiyongera zororoka, ari na ko zikenera aho kuba zisanzuye. Ubwo intambwe yo kuyagura izaba igezweho, ngo bizazamura ubukungu bihereye ku baturage.

    Yagize ati “Igikenewe ni uko Pariki igira ubuhumekero buhagije, bworohereza inyamaswa kuyibamo zisanzuye, zitagira ibyo zangiza by’abaturage nk’uko hari aho tubibona ubu. Igihe umuturage azaba abayeho ibye bitekanye, na we kandi akabaho yirinda kugira ibyo yangiza byo muri Pariki, yaba Pariki ubwayo ndetse n’umuturage ubwe, icyifuzo ni uko bibana nta kibangamiye ikindi”.

    Ati “Ubuso bwa Ha 3,740 mu Mirenge ya Kinigi na Nyange nibwo duteganya kuzaguriraho Pariki y’Igihugu y’Ibirunga. Ni ubutaka busanzwe ari ubw’abaturage babarizwa mu ngo 3600. Bazimurwa babanje guhabwa ingurane, ziyongeraho amazu y’ubuntu bazatuzwamo mu mudugudu w’icyitegererezo duteganya kubaka, ndetse bakazanafashwa gutegura imishinga bazaterwamo inkunga, aho tunateganya ko izababyarira inyungu iruta ituruka mu byo bakora ubu”.

    Kwagura Pariki y
    Kwagura Pariki y’Igihugu y’Ibirunga bizatuma ibona ubuhumekero buhagije

    Guverineri w’Intara y’Amajyaruguru, Dancille Nyirarugero, yemeza ko ibi bizafasha kwihutisha iterambere ry’umuturage.

    Yagize ati “Turashima Leta yatekereje ko Pariki irushaho gutezwa imbere, ariko by’umwihariko no kuba yaratekereje ku bayituriye, bagashyirwa imbere mu kubigiramo inyungu nyinshi, kuko ingurane bateganyirizwa, yiyongeraho kubatuza heza mu mazu bazubakirwa, yujuje ibyangombwa nkenerwa ndetse n’indi mishinga ishamikiyeho kuri ibyo bikorwa. Tubibonamo igisubizo kirambye ku mpande zombie, hagati y’umuturage na Pariki ubwayo”.

    Mu biganiro byabaye ku wa mbere tariki 25 Ukwakira 2021, bigamije gusobanura imiterere y’uyu mushinga, byahuje RDB, Ubuyobozi bw’Intara y’Amajyaruguru n’inzego zitandukanye zo mu Turere twa Musanze na Burera, zifite aho zihuriye n’ibikorwa by’ubukerarugendo bukorerwa muri Pariki y’Ibirunga, hari bamwe bagaragaraje impungenge z’igabanuka ry’umusaruro, cyane cyane w’ibirayi n’ibireti, uturuka mu gace Pariki izagurirwaho, icyakora Ikigo RDB kibizeza ko umushinga utaziye kugira ibyo uhagarika, cyangwa ngo ugire ibyo usubiza inyuma.

    Abaturage basabwa kuwushyigikira, kuko ingagi n’izindi nyamaswa ndetse n’urusobe rw’ibinyabuzima, ubwo bizaba bibungabunzwe mu buryo burambye, bizarushaho kwiyongera, binafashe kuzamura ubukerarugendo n’ishoramari ribushingiyeho, cyane cyane rikorerwa mu bice byegereye Pariki.

    Izagurirwa ku buso bwa Ha 3740 mu Mirenge ya Kinigi na Nyange
    Izagurirwa ku buso bwa Ha 3740 mu Mirenge ya Kinigi na Nyange

    Umushinga wo kwagura Pariki y’igihugu y’Ibirunga, ushyirwa mu bikorwa mu byiciro bizamara igihe cy’imyaka 10. Ubu inyigo yawo irimo kugana ku musozo, aho biteganyijwe ko muri Nyakanga 2022 uzahita utangirana n’icyiciro cya mbere cy’ishyirwa mu bikorwa ryawo.


    source : https://ift.tt/3BrK93b

  • Abapolisi 35 bahuguwe ku kurwanya inkongi #Rwanda #RwOT via @kigalitoday #rwanda #RwOT

    Bahuguwe ku bitera inkongi, gukumira inkongi, kuzimya inkongi hifashishijwe ibikoresho bizimya inkongi n’ibindi.

    Asoza aya mahugurwa, Umuyobozi wa Polisi mu Karere ka Rutsiro, Chief Inspector of Police (CIP) Viateur Ntiyamira yasabye abahuguwe kuzakoresha neza ubumenyi bahawe.

    Yagize ati” Ubumenyi muhawe ni ingenzi mu kazi kacu ka buri munsi k’umutekano. Murasabwa guhora mubyibuka kandi mubikoresha kugira muzabashe kuzuza inshingano za buri munsi.”

    Umwe mu bahuguwe, SGT Jean Damascene Uwizeyimana yavuze ko yungutse ubumenyi bwinshi ashimira ubuyobozi bwa Polisi y’u Rwanda bwateguye ayo mahugurwa.

    Yagize ati” Twigishijwe ibintu byinshi twunguka ubumenyi buzadufasha gusohoza neza inshingano zacu. Turashimira ubuyobozi bwacu kuba barateguye aya mahugurwa kandi turabasezeranya kuzakoresha neza ubu bumenyi duhawe.”

    Aya mahugurwa yari inshuro ya kabiri ahawe abapolisi bakorera mu Karere ka Rutsiro, aya mbere yari yabaye tariki ya 10 Ukwakira 2021 hari hahuguwe abapolisi 36.

    Ni inkuru dukesha Polisi y’u Rwanda

    source : https://ift.tt/3pDYFlZ

  • Mbere yo gufata icyemezo cyo gutandukana n'umukunzi wawe burundu ,fata umwanya wibaze ibi bibazo. – YEGOB #rwanda #RwOT

    Dore ibibazo muba mugomba kwibaza mbere yo gufata umwanzuro wo gutandukana nk'uko byatangajwe n'urubuga Elcrema rutanga inama ku rukundo:

    1.Ese nagerageje ibishoboka byose ngo twe gutandukana?

    Mwagiranye ibihe byiza kenshi kandi igihe kirekire, none ubu, ntakinyikoza. Ahora ambwira ko akazi kabaye kenshi, hakaba nubwo muhamagara ntanyitabe. Ntabwo tukigirana ibihe byiza nka mbere. Mfashe umwanzuro, ngiye gutandukana na we nta nteguza. Oya ! banza ugerageze uko ushoboye, umenye impamvu aguha niba ari ukuri, ndetse unegere inkoramutima zawe zikugire inama. Mbere yo gufata icyemezo cyo gutandunana na we, banza ugerageze ibishoboka byose nibinanirana ube ari bwo ufata umwanzuro wo gutandukana.

    2.Ese dufitanye imishinga yo mu gihe kizaza, dufite icyerekezo kimwe muri gahunda ziri imbere ?

    Reba niba mufite imishinga imwe mu gihe kizaza. Tuzabyarana abana bangahe ? dufite kuzakora iki n'iki mu bihe biri imbere…Niba ubona mudafite icyerekezo kimwe, cyangwa hari ibintu byinshi mutumva kimwe kandi atava ku izima. Aho ushobora kurekana na we niba wumva udashobora kugendera ku murongo aguha cyangwa uwo wowe umuha, cyangwa se ngo mubashe kugirana ibiganiro kugira ngo mwumve ikiri ukuri muzakora cyangwa muzakurikiza mu buzima bwanyu buri imbere.

    3.Ese nidutandukana nibwo nzagira ibihe n'ubuzima bwiza kuruta turi kumwe ?

    Reba niba uko mubanye byibuze ari sawa ahubwo yenda akaba ari wowe udashobotse. Ushobora kurebera ku bandi bagenzi bawe nubwo mu rukundo buri wese akunda ukwe. Ariko gereranya urebe niba nimurekana ari bwo bizakugendekera neza kurushaho.

    4.Ese simfashe icyemezo mpubutse cyangwa imburagihe ?

    Reba neza niba icyemezo ufashe utagihubukiye. Reba niba waragerageje bihagije. Reba niba mu nama inkoramutima zawe zakugiriye waragerageje kuzikurikiza bikanga. Fata umwanya uhagije n'igihe gihagije cyo kubitekerezaho.

    5.Ese mu by'ukuri kuba ngiye gutandukana na we ndi mu kuri cyangwa ni jye munyamafuti ?

    Zirikana yuko niba ari wowe munyamafuti, n'undi muzahura uzongera ugongane na we. Ese kuba tugiye gutandukana aho nticyaba ari ikibazo gishingiye ku bijyanye no gutera akabariro gusa? Aho uzaba uyobye cyane. Gerageza gushaka ubundi buryo mwakemura ikibazo ubundi ibintu bigaruke mu buryo.

    6.Ese niba ari we umpemukira njyewe nshobora kubyihanganira, kumubabarira no kumukosora tudatandukanye ?

    Ashobora kuba akubeshya, aguca inyuma, muri make wumva akugambanira rwose. Niba wumva udashobora kubyihanganira, udashobora kumubabarira, kandi na we akaba atabivaho. Ushobora gufata umwanzuro rwose mugatandukana mu gihe ari wo muti usigaye wonyine.

    7.Ese umuryango wanjye turabyumva kimwe ?

    Mu kinyarwanda baravuga ngo umutwe umwe wifasha gusara ntiwifasha gutekereza. Banza urebe niba abo mu muryango wawe ba hafi babyumva kimwe nawe. Urugero, nka mama wawe, mwene nyoko wibonamo,ariko nanone ukabigiramo ubwenge kuko ushobora gusanga abo bakurusha cyangwa bamurusha amafuti.

    8.Ese si jye nyirabayazana ?

    Ni ngombwa rwose kwisuzuma ukongera ukisuzuma ukareba neza niba atari wowe uteza amahane. Mbese ko atari wowe nyiri amafuti no kutabana neza. Ubundi rero nuvumbura ko ari wowe nyirabayazana, wikosore, nusanga atari wowe…

    Source : https://yegob.rw/mbere-yo-gufata-icyemezo-cyo-gutandukana-numukunzi-wawe-burundu-fata-umwanya-wibaze-ibi-bibazo/

  • Niba ushaka ko umukunzi wawe yirirwa neza umunsi wose, mubwire aya magambo aryohereye. – YEGOB #rwanda #RwOT

    Amagambo aturutse kuri nyirayo aba ari ingenzi cyane kandi ntiyabura kumukora ku mutima. Iteka gukunda umuntu biravuna ndetse biragorana kubyihingamo. Ariko iyo bije bigusaba kubigaragaza. Rero ntiwinige rwose, inigure maze ufate iyi nkuru utomore uwo wihebeye, uwo wahaye ubuzima bwawe yirirwe neza umunsi wose.

    • Urukundo rwanjye, umutima wanjye nihebeye, ndifuza iyaba buri munsi hakabaye uyu munsi, hakaba heza nk'uko ugaragara.
    • Urukundo, ndifuza iyaba nagahagaritse ku gutekereza, ariko ntibishoboka, ni nko gusaba Imana gukuraho ikirere. Ntabwo byashoboka. Ndagukunda kandi nkunda na buri gace ku mubiri wawe.
    • Urukundo, uko byagenda kose, uzaba uwanjye kandi uzampora iruhande. Nzahora nkukunda nzakurinda, nzakubera imbaraga n'ubwonko, nzagufasha gutekereza. Umwamikazi wanjye, ubuzima bwanjye, buri kimwe cyanjye. Ndagukunda by'indani ni impamo.
    • Urukundo, nta byo uzi se, ubundi ni wowe mpamvu ituma mbyuka nseka buri mu gitondo. Ntabwo ujya umva mu ntekerezo, iteka uzihoramo. Ni wowe nzozi ndota kandi ni wowe kintu cyiza kimbaho, ngahora nkitekereza buri segonda.
    • Urukundo, nshobora kuvuga amagambo ibihumbi byinshi nkagutaka, nkavuga uburyo nkukunda, nkavuga uburyo wanyihebeye, ariko ni impamo ntabwo byaba bihagije ni ukuri.
    • Byasaga n'ibitangaza cya gihe duhurira ha handi, ariko ubu noneho byarahindutse, ntituzongera guhura, tuzahorana. Umutima wanjye, ubuzima wanjye, byose byagiye aho guturiza, umunsi tuganira maze ukemera kuba uwanjye. Warakoze kuhambera umutima.
    • Wanyigishije igisobanuro cy'ubuzima, iteka narabivangaga kuko ntari nzi uko kubaho biryoha kugeza duhuye.
    • Urukundo, uba uhari iyo mbyutse, ndetse unamfasha kuryama urahambera sinjya ngushaka ngo nkubure kandi ndabigukundira. Rero ntacyo nakora ntagutekereje.

    Source : https://yegob.rw/niba-ushaka-ko-umukunzi-wawe-yirirwa-neza-umunsi-wose-mubwire-aya-magambo-aryohereye/

  • Video: Uko Cedric Gisimba yahisemo ubuzima bw’ubugeni akabitoza n’abana #Rwanda #RwOT via @kigalitoday #rwanda #RwOT

    Cedric Ihirwe Gisimba avuga ku buzima bwe bw
    Cedric Ihirwe Gisimba avuga ku buzima bwe bw’ubugeni

    Cedric Ihirwe Gisimba afite imyaka 26, avuga ko yamenye impano ye yo gushushanya ubwo yari afite imyaka 10, ndetse igishushanyo cya mbere yakoze yari ifoto y’umubyeyi we (se) yari itatse mu nzu, agasobanura ko babyigisha abana bahereye ku buzima bwabo bwa buri munsi.

    Ati “Mu bana twakira kuva ku myaka 7 kugeza kuri 18, buri wa gatanu no ku wa gatandatu, umwana utangira gushushanya yaba ufite impano cyangwa se ushaka kubyiga, duhera ku buzima bwabo bwa buri munsi, uburenganzira bwabo, ibyo bakunda n’ibindi”.

    Impamvu umwana ushushanya yigishwa haherewe ku buzima bwe bwa buri munsi, ni uko aribyo bimufasha kubikunda, ndetse agahora afite n’inyota yo kubikora.

    Igihangano cya mbere cya Cedrick Gisimba, yashushanyije se
    Igihangano cya mbere cya Cedrick Gisimba, yashushanyije se

    Ubuzima bw’ubugeni (Artlife), ni izina ry’ishuri ryigisha gushushanya kwa Gisimba rituruka ku kuba ubuzima bwa buri munsi ku muntu ushushanya, akenshi buba buri mu bugeni.

    Ati “Umwana turabanza tukamuganiriza, tukamuha inyigisho z’umwana ugitangira kwiga gushushanya, agatangirira ku ikaramu y’igiti (Crayon) n’urupapuro. Dukomeza ku muba hafi, kuko hari ushobora kurangiza igishushanyo vuba, hari n’undi ushobora gukoresha igihe kirekire kugira ngo arangize igishushanyo cye. Gusa akenshi ubikora cyane ashobora kurangiza igihangano cye vuba kurusha wa wundi ubikora atabikunze cyane cyangwa utabifitemo impano”.

    Cedric Gisimba asobanura uko yashushanyije bwa mbere akamenya impano ye, ati: “Nahuye n’umuntu ushushanya musaba kunyigishisha ariko we ansaba kumwereka ibyo nzi akaba aribyo aheraho”.

    Icyo gihe yiga gushushanya, igihangano cye cya mbere hari mu mwaka wa 2013, avuga ko uwamwigishije bwa mbere yamubwiye ko byaba byiza ari uko ahereye ku kwigana ifoto cyangwa se ishusho runaka akunda. Nazanye ifoto ya Papa, n’uyu munsi nyireberaho nkavuga nti ni nziza kandi nkabona ko hari aho navuye hari n’aho ngeze mu bihangano byanjye”.

    Avuga ko byamutwaye ibyumweru bitatu kugira ngo uwamutozaga amubwire ati igihangano kirarangiye.

    Ati “Nakoraga urugendo rwanyuraga inzira mbi cyane ariko nkumva mfite amatsiko yo kubona igihangano cyanjye cya mbere. Rimwe na rimwe namubeshyaga ko nariye kugira ngo mbashe kunoza neza igihangano cyanjye, rimwe yarampagarikaga ati taha uzagaruke, nkumva nakoze neza, nkumva nshaka kugira icyo nongeraho, cyane ko na we ubwe iyo namaraga gushushanya, yarakirebaga akambwira ati harabura akantu. Ni yo mpamvu byantwaye icyo gihe kugeza ubwo yambwiye ati kirarangiye gisinyeho”.

    Gushushanya nyuma y
    Gushushanya nyuma y’amasomo bituma nta bindi barangariramo kandi bikazabagirira akamaro

    Cedric yifuza ko mu Rwanda hakongerwa amashuri yigisha ubugeni ndetse na za Kaminuza ku buryo atera imbere.

    Yongeraho ko mu Rwanda abantu bamwe batarumva agaciro k’ubugeni bwakorewe mu Rwanda, aho akenshi bajya kugura ibyo hanze y’igihugu, agasaba ko Abanyarwanda bakunda iby’iwabo bakabiteza imbere kandi bagateza imbere umwana uvukanye impano yo gushushanya, aho kumufata nk’uwakoze ibidafite umumaro.

    Ati “Abanyarwanda bakwiye gukunda ibihangano bikorewe mu Rwanda kuko hari byinshi bigaragaza umuco nyarwanda, ubuhanga n’ibyiza bitatse u Rwanda kandi n’ubusanzwe bikurura ba mukerarugendo”.

    Avuga ko igihe batangiye gukorera hari intambwe bateye irimo gukoresha imbugankoranyambaga zitandukanye, ndetse no kwagura bakigisha abana bato nyuma y’amasomo yabo ya buri munsi.

    Hari urubuga rwa ‘artlife’ kuri instagram ari naryo zina ishuri ryigisha ubugeni ryo kwa Gisimba, ndetse avuga ko kuri ubu ibihangano byabo bigurishwa muri gahunda yo kwita izina mu Rwanda kandi ko ari igikorwa cyiiza giteza imbere impano yabo, bikanashyira umwuga wabo mu guhangana mu ruhando mpuzamahanga, kwinjiriza igihugu bityo ko buri wese yakabaye aha agaciro ubugeni, by’umwihariko ubwo mu Rwanda.

    Bikurikire muri iyi video:

    source : https://ift.tt/3GneKm1