Webrwanda Backend

Category: Uncategorized

  • Nyuma yo kwandagazwa na Mali, abafana barifuriza Mashami gusubira ku isuka(Amafoto) – YEGOB #rwanda #RwOT

    Amakipe yombi akiva mu rwambariro Perezida wa FERWAFA Nizeyimana Olivier yabanje gushimira Haruna Niyonzima  amuha umwambaro wanditseho 105 mu rwego rwo kumushimira imikino igera kuri 105 amaze gukinira ikipe y'igihugu y'u Rwanda Amavubi.

    Nizeyimana Olivier na Haruna Niyonzima

    Umukino watangiye abasore b'amavubi bahererekanya neza ariko bihinduka ku munota wa munani ubwo Salomon Nirisarike yahaye umupira Bizimana Djihad awufunga nabi, rutahizamu Ibrahima Kone wa Mali ahita awufata Djihad aramukurura.

    Muri ako kanya umusifuzi  wari uyoboye umukino yahise yereka Bizimana Djihad ikarita itukura asohoka mu kibuga.

    Guhera ubwo umukino wahindutse Mali itangira gukina umupira wugarira cyane ikipe y'igihugu Amavubi, izamu ryarimo Mvuyekure Emery ritangira guhura n'ibibazo.

    Umukino watangiye kubihira abanyarwanda ubwo ku munota wa 19 Mussa Djenepo yatsinze igitego cya mbere cya Mali maze ku munota wa 20 Ibrahima Kone ahita ashyiramo icya kabiri ku mupira yari yiherewe neza na Mvuyekure Emery.

    Mali yakomeje gusatira izamu ry'amavubi aho ku munota wa 88' Mali yaje kubona igitego cya gatatu gitsinzwe na Coulibary kalifa nuko umukino warangiye.

    Benshi mu bafana b'amavubi bakomeje kutishimira umutoza mashami Vincent niko ku muha isuka mw'ifoto yabiciye Kuri Twitter.

    Source : https://yegob.rw/nyuma-yo-kwandagazwa-na-mali-abafana-barifuriza-mashima-gusubira-ku-isukaamafoto/

  • Mu magambo y'imitoma, Umunyamakuru Gentil Gedeon yifurije isabukuru nziza Umugore we – YEGOB #rwanda #RwOT

    Gentil Gedeon, umunyamakuru ukunzwe nabatari bake kubera ukuntu akora ibiganiro cyane cyane ibyegeranyo bitandukanye byigisha kandi bigahugura abantu kubintu bigiye bitandukanye, yabwiye umugore we amagambo aryohereye ku munsi we w'amavuko.

    Uyu mugabo wahoze akorera ikinyamakuru cya KT Radio ariko akaza gusezera, abinyujije kurukuta rwa Instagram yifurije umugore we isabukuru nziza mu magambo yuzuye imitoma.

    Yagize ati 'Uwuzuza ubuzima bwanjye, yagize isabukuru. Isabukuru nziza Ritha Irakoze wange mbega umunezero❤'

    Source : https://yegob.rw/mu-magambo-yimitoma-umunyamakuru-gentil-gedeon-yifurije-isabukuru-nziza-umugore-we/

  • Ibyo Sheebah Karungi yakoreye abafana be ni akumiro(AMAFOTO) – YEGOB #rwanda #RwOT

    Ku munsi nk'uyu tariki 11 Ugushyingo nibwo umuhanzikazi Sheebah Karungi wo mu gihugu cya Uganda yizihiza isabukuru y'amavuko ye, kuri uyu munsi akaba yakoreye ibasanzwe abafana be maze abasangiza amafoto adasanzwe

    Abinyujije ku rukuta rwe rwa Instagram, Sheebah Karungi wizihiza isabukuru y'amavuko y'imyaka 32, yasangije abamukurikira amafoto adasanzwe yavugishije abatari bacye ari na ko bamwifuriza isabukuru y'amavuko. Ifoto ya mbere yashyize hanze yakurikiwe n'ubutumwa bwo gushima Imana agira ati:'Mana ushimwe ku bw'ubuzima bwanjye.' Benshi bahise baheraho bamwifuriza isabukuru y'amavuko.

    Mu bundi butumwa Sheebah yashyize hanze yasingije nyina wamwibarutse agira ati:'Reba umukobwa wa Kabazungu utange icyifuzo we!' Umwe mu babonye iyi foto witwa Kamaraadrian yatangaye cyane agira ati:'Mana yanjye, reba ishusho y'Imana'. Sheebah yakomeje kugenda asangiza abamukurikira mu kwizihiza isabukuru ye amafoto anyuranye arimo ayo yambaye ibibabi ahandi yambaye hafi ya ntabyo.

    Source : https://yegob.rw/ibyo-sheebah-karungi-yakoreye-abafana-be-ni-akumiroamafoto/

  • Waruziko :Uko mu maso hawe hameze hari icyo bisobanuye ku buzima bwawe – YEGOB #rwanda #RwOT

    Kubyuka ugasanga mu maso hawe hajemo ibiheri cyangwa ibishishi ntawe bidatera imbogamizi. Nyamara kandi twihutira gushaka imiti ikiza ibyo biheri, rimwe na rimwe aho gukira bikiyongera. Kuko twavuye ibigaragara tutitaye ku cyabiteye cyangwa tugakoresha imiti itajyanye n'icyo turwaye. Impinduka zose ziba mu maso; byaba ibyo biheri, uruhu rukanyaraye, iminkanyari, iminwa yumye, n'ibindi binyuranye burya biba bifite impamvu zinyuranye zibitera cyangwa bikaba uburyo umubiri ukoresha ugaragaza ko hari ibitagenda neza.

    Muri iyi nkuru tugiye kurebera hamwe ibintu binyuranye wibonaho mu isura nyamara bifite ikibitera kiri mu mubiri imbere, tunarebe icyo wakora mu kubivura.

    Ibintu 10 twibonaho mu maso n'uburyo bwo kubirwanya

    1.Kuzana ubwoya cyangwa ubwanwa (ku bagore)

    Ku bagore, kumera ubwoya cyangwa ubwanwa bishobora kuba ikimenyetso cy'uko hari ikibazo mu misemburo itaringaniye cyane cyane hakaba hakozwe umusemburo wa testosterone mwinshi.

    Bishobora kandi kuba ikimenyetso cy'ibibyimba byo mu mirerantanga; iyo kumera ubwo bwoya bijyanye no kubura imihango cyangwa imihango itari kuri gahunda.

    Mbere yo gushaka uko wakikiza ubwo bwoya wabanza kujya kwisuzumisha bakareba niba imisemburo yawe iringaniye bakanagusuzuma bya bibyimba. Iyo ikibazo kivuyeho bwa bwoya bugenda bushiraho

    2.Ibiheri n'ibishishi

    Nubwo impamvu zibitera zinyuranye ariko imwe mu mpamvu zitera ibiheri mu maso ni imirire itaboneye. Gukoresha cyane amata n'ibiyakomokaho ni imwe mu mpamvu zitera kurwara ibiheri kuko bituma hakorwa ibinure byinshi bya sebum, birinda umubiri kugira umwera nyamara iyo bibaye byinshi bigatera ibiheri. Kugabanya isukari, ibiribwa byanyuze mu nganda ahubwo ukihatira kurya imboga n'impeke zuzuye ni bimwe mu byagufasha kurwanya ibiheri

    3.Kwirabura ahazengurutse munsi y'ijisho

    Hari abantu usanga munsi y'ijisho habo hirabura kurenza ahandi, ubanza aribo bitwa ba Masoyinyana. Nyamara kandi niba ibi bikubayeho bishobora kuba bitewe nuko mu byo urya harimo ibyo umubiri wawe ufata nk'uburozi kuri wo. Rero mu byo urya gerageza kugabanya amafunguro azwiho gutera ubwivumbure mu mubiri nk'amagi, amata, gluten (iboneka mu binyampeke bimwe) ubikore byibuze iminsi icumi. Ibyo niba ntacyo bihinduye wajya gukoresha ibizami by'ubwivumbure bw'umubiri

    4.Utubyimba

    Utu tubyimba dukunze kuza mu maso dutukura cyangwa tumeze nk'uturetsemo amazi ugasanga bamwe barihutira kutumena. Utu tubyimba ahanini duterwa nuko umubiri udafite muri wo ibinure, zinc na vitamin A. kugirango bicyemuke usabwa kurya ifunguro rikize ku binure bya omega-3 bikomoka ku mafi ya salmon cyane cyane. Ukarya utubuto nk'inzuzi z'ibihaza, flaxseed, ibishyimbo, inyama y'inka itunzwe no kurisha gusa bikaguha Zinc. Naho vitamin A uyikura mu mbogarwatsi muri rusange, n'ibijumba. Ibi biheri kandi ni kimwe na bya bindi biza ku matako n'ibibero

    5.Iminwa isataguritse

    Ikibazo cy'iminwa isataguritse wakakivurishije ibyo urya kuruta gusigaho ya mavuta bahimbye ngo ni agahomamunwa (labello) kuko gusatagurika no kuma iminwa ahanini ni ikimenyetso cyo kubura vitamin B3 na Zinc. Abakunda kurya ibikomoka ku bimera gusa nibo iki kibazo gikunze kugaragaraho. Kuko iyi vitamin n'uyu munyu-ngugu bikunze kuboneka mu bikomoka ku matungo nk'inyama y'inkoko, umwijima n'ifi. Ku bimera wakoresha inzuzi z'ibihaza kuri Zinc naho kuri niacin (vitamin B3) ugakoresha amashaza n'ibihumyo.

    6.Ibisebe ku munwa

    Ibi bisebe biza aho umunwa wo hejuru uhurira n'uwo hasi, bamwe babyitaga 'kibyi' kera tukiri abana bakakubwira ngo jya hejuru y'aho witumye bigishyushye uhakange (Uti bwooo) ngo birakira!!!!!

    Nyamara ibi nabyo ni ikimenyetso cy'imirire mibi cyane cyane bikaba bigaragaza ikibazo cya vitamin B2 na   B12 hamwe n'ubutare.

    Gusa nta mpamvu yo guhangayika kuko biroroshye kubikosora. Icyo usabwa ni ukongera amafunguro akungahaye kuri izi ntungamubiri. Aha twavugamo imbogarwatsi, ibishyimbo, inyama y'inkoko itunzwe no gutora, inyama y'inka zitunzwe no kurisha, urenzeho ipapayi nka rumwe mu mbuto zizwiho gufasha igogora kugirango ntihagire na kamwe kagucika ngo gasohoke

    7.Kugira ibitsike bicye

    Kuri ubu biragora kumenya niba umukobwa cyangwa umugore afite ibitsike bicye cyangwa yarabyogoshe ku bushake bwe (kwepiya). Ariko niba ubona ibitsike byawe bigenda bipfuka bigabanyuka bishobora kuba ikimenyetso cyerekana ko imvubura ya thyroid itari gukora neza bikerekana imisemburo itaringaniye. Ibindi bimenyetso bigendana twavugamo uruhu rwumagaye, kwituma impatwe, guhorana umunaniro no kwiyongera ibiro. Niba ibi bikubayeho jya kwisuzumisha barebe niba biterwa na thyroid baguhe imiti ifasha kuringaniza ya misemburo

    8.Uruhu rwijimye

    Uruhu rwijimye ntabwo ari urwirabura cyane cyangwa urutakarabye ahubwo hari uruhu ureba ukabona ko rwijimye ukuntu ku buryo budasanzwe. Uru ruhu ahanini ruterwa no kugira amaraso macye bikaba biva ku kubura vitamin B6, B9, B12 n'ubutare mu mubiri. Ibi bikunze kuba ku bantu barya ibimera gusa, abafata imiti runaka nk'igabanya acide mu gifu na metformin cyangwa abafite ibibazo mu igogorwa.

    Niba ubona uruhu rwawe ruri guhinduka koresha ibizami by'amaraso nuko wongere ifunguro ririmo imboga, ibishyimbo, inyama y'inka n'inkoko

    9.Uruhu rwumagaye

    Nubwo akenshi kuma uruhu bigendana no kuba udafite amazi ahagije mu mubiri kunywa amazi siwo muti gusa wagufasha. Niba kumagara bigendana n'ibindi bibazo by'uruhu nko kwishimagura, ibiturike n'ibibyimba gerageza gufata ifunguro rikize ku binure bya omega-3 biboneka ahanini mu mafi yo mu Nyanja, kimwe na omega-6, urufatanye rwabyo nirwo rugize vitamin Fizwiho gutuma uruhu rugumana ubuhehere bwarwo

    10.Iminkanyari

    Yego ntiwabuza uruhu kuzana iminkanyari kuko rushaje ariko ushobora kuyirinda kuza imburagihe. Kuzana iminkanyari imburagihe biterwa ahanini no kubura vitamin C ihagije mu mubiri kuko iyi vitamin izwiho kuba imwe mu byifashishwa hakorwa collagen,

    iyi ikaba poroteyine y'ingenzi mu zituma uruhu ruba neza. Ngaho tangira wihate imbuto nk'ipapayi, inkeri n'inanasi, urye poivron zihagije n'amashu mu bwoko bwayo bwose.

    Src: umutihealth

    Source : https://yegob.rw/waruziko-uko-mu-maso-hawe-hameze-hari-icyo-bisobanuye-ku-buzima-bwawe/

  • Impanuka ikomeye yabaye mu kiyaga cya Kivu benshi baburirwa irengero. – YEGOB #rwanda #RwOT

    Ubwato bwarohamye mu kiyaga cya KIvu kuri uyu wa Kane, itariki 11 Ugushyingo, nk'uko amakuru aturuka muri sosiyete sivili agera kuri POLITICO.CD avuga.

    Nk'uko byatangajwe na perezida w'iyo sosiyete sivile, ni ubwato bwa moteri bwari buturutse muri Chigera butwaye abari bagiye kurema isoko rya Nyamukubi bwarohamye mu mazi ya Mabula, mu gace ka Kalehe muri Kivu y'Amajyepfo.

    Iyi sosiyete sivile ya Kalehe, ivuga ko mu bwato harimo abantu mirongo kugeza ubu baburiwe irengero nyuma y'umuyaga ukaze muri aya mazi. 'Dutegereje ibyemezwa n'abayobozi b'inzego z'ibanze muri raporo yemewe kuri iyi mpanuka …'

    Si ubwa mbere kuko no Muri Nzeri, abandi bantu 7 baburiwe irengero mu mpanuka nk'iyi.

    Source : https://yegob.rw/impanuka-ikomeye-yabaye-mu-kiyaga-cya-kivu-benshi-baburirwa-irengero/

  • Mu magambo meza Alpha Rwirangira yashimiye cyane Niyo Bosco. – YEGOB #rwanda #RwOT

    Umuhanzi nyarwanda ukora umuziki Alpha Rwirangira, yavuze amagambo meza ku Muhanzi Niyo Bosco abinyujije ku rubuga rwe rwa Instagram. Aya magambo yayavuze Nyuma yuko Niyo Bosco asohoye indirimbo ishyano. Alpha yagize ati' uri impano y'u Rwanda…. Imana izakomeze ikube hafi.'
    Arongera mururimi rwicyongereza ati 'this is a very good song' ugenekereje mu Kinyarwanda bivuga ngo Iyi ni indirimbo nziza cyane.

    Source : https://yegob.rw/mu-magambo-meza-alpha-rwirangira-yashimiye-cyane-niyo-bosco/

  • Byiringiro Lague wagarutse mu kibuga yambaye mask yatsindiye APR FC. (Amafoto) – YEGOB #rwanda #RwOT

    Byiringiro Lague wa APR FC n'ikipe y'igihugu yagarutse mu kibuga nyuma y'amezi 2 adakina, akaba yaragize ikibazo ubwo u Rwanda rwanganyaga na Kenya 1-1 i Kigali, Le 05.09.21.

    Lague yagarutse yambaye ingofero anatsinda Gasogi igitego mu bitego 2-1 APR FC yatsinzemo gasogi united lague yatsinze igitego cya kabiri.

    Byiringiro lague azajya akinana mask imikino yose ndetse n'imyitozo nkuko abaganga babitegetse.

    APR fc yakinnye irimo abakinnyi bangiwe kujya mu ikipe y'igihugu Amavubi barimo :manishimwe djabel wanatsinze igitego cya mbere cya APR FC.

    Source : https://yegob.rw/byiringiro-lague-wagarutse-mu-kibuga-yambaye-mask-yatsindiye-apr-fc-amafoto/

  • Nyanza: Abanyamadini biyemeje kugira uruhare mu kugabanya umubare w’abangavu baterwa inda #rwanda #RwOT

    Nyuma y’ubushakashatsi bwakorewe mu Karere ka Nyanza bugaragaza ishusho y’ikibazo cy’isambanywa ry’abana muri uyu mwaka, inzego zitandukanye zirimo abayobozi b’amadini n’amatorero akorera muri aka Karere, biyemeje gukomeza ubufatanye no kongera imbaraga mu gukumira icyo cyaha kuko imibare igaragaza ko gikomeje kwiyongera.

    Ubwo bushakashatsi bwakozwe n’Akarere ka Nyanza bwerekana ko mu 2018 abana basambanyijwe ndetse bakanaterwa inda bagera kuri 423, mu mwaka wa 2019 bagera kuri 486, mu mwaka wa 2020 bangana na 479 naho mu mezi ane y’umwaka wa 2021 bakaba ari 153.

    Imibare yerekana ko mu Karere ka Nyanza, kuva mu Ugushyingo 2020 kugeza muri Mutarama 2021, Urwego rw’Igihugu rw’Ubugenzacyaha, RIB, rwagejejweho ibirego 61 by’abana basambanyijwe, muri byo ibigera kuri 38 byashyikirijwe ubushinjacyaha naho 23 biracyari gukurikiranywa.

    Muri urwo rwego, Akarere ka Nyanza ku bufatanye n’umuryango wa Bibiliya mu Rwanda bateguye umwiherero w’iminsi itatu ugenewe abayobozi b’amadini n’amatorero bagera kuri 40 kugira ngo bagaragarizwe ibyavuye muri ubwo bushakashatsi hagamijwe ko batanga umusanzu wabo mu gukumira isambanywa ry’abana.

    Umukozi w’Akarere ka Nyanza Ushinzwe Ihuriro ry’Abafatanyabikorwa mu Iterambere, Byukusenge Jeanne d’Arc, yabwiye IGIHE.COM dukesha iyi nkuru ko mu gukora ubushakashatsi babajije abana bagera kuri 41 basambanyijwe bagatanga ikirego muri RIB ndetse n’imiryango yabo.

    Abandi babajijwe barimo abayobozi b’imidugudu, inshuti z’umuryango n’abahagarariye Inama y’Igihugu y’Abagore, abagize uruhare kandi bakemezwa n’inkiko icyaha cyo gusambanya abana ndetse n’abagikurikiranwa kuri icyo cyaha

    Ati 'Twagiye tuganiriza ibyiciro bitandukanye mu baturage hagamijwe kumenya impamvu ziri ku isonga mu kwiyongera kw’isambanywa ry’abana, ahakiri icyuho mu gukumira no kugira ngo turebe icyo twakora ngo dukumire icyo cyaha duhereye mu mizi.'

    Muri make Ubushakashatsi bwagaragaje ko mu bitera gusambanya abana harimo kuba ababyeyi batita ku bana babo, aho bifite 30,6%, amakimbirane yo mu ngo afite 22,4%, ubusinzi buterwa n’inzoga z’inkorano zitemewe bufite 21%, ikoreshwa ry’ibiyobyabwenge bifite 14,5% no kuba abasambanya abana badahabwa ibihano bifite 12%.

    Bamwe mu banyamadini n’amatorerero bari muri uwo mwiherero bavuze ko bagiye kongera imbaraga mu gukumira isambanywa ry’abana babinyujije mu nyigisho batanga.

    Mukazabyuma Mahomed Habib waje ahagarariye Idini ya Islam mu Karere ka Nyanza yavuze ko ubushakashatsi bwaberetse ko hari ikibazo mu muryango Nyarwanda bityo bagiye kuziba icyuho bita cyane ku rubyiruko.

    Ati 'Ahari icyuho tugiye kwita cyane ku rubyiruko, ku bahungu b’ingimbi ndetse n’abakobwa b’abangavu kuko ni icyiciro tubona tugomba kwitaho cyane by’umwihariko.'

    Abateraniye muri uwo mwiherero baganirijwe no ku kuboneza urubyaro, basabwa kwigisha abashakanye kubyara abo bashoboye kurera.

    Source: Igihe.com

    [email protected]

    Source : https://agakiza.org/Nyanza-Abanyamadini-biyemeje-kugira-uruhare-mu-kugabanya-umubare-w-abangavu.html

  • Ibidasanzwe wamenya ku munsi w'abadafite abakunzi (single's day) wizihizwa tariki 11/11. – YEGOB #rwanda #RwOT

    Tariki 11/11 ni umunsi mpuzamahanga wahariwe abantu badafite abakunzi (single cg abaseribateri), Mu bisanzwe bizwi cyane ko abakundana ari bo bafite umunsi ngarukamwaka wo kubizihiza nyamara n'abatagira abakunzi abenshi bita abaseribateri nabo ntabwo basigaye inyuma dore ko tariki 11/11 buri mwaka ari umunsi wabahariwe. Uyu munsi utamenyerewe cyane mu bihugu byo ku mugabane wa Afrika usanga mu bihugu byo muri Asia n'uburayi ari umunsi ukomeye cyane bizihiza by'umwihariko mu gihugu cy'u Bushinwa uyu munsi aba ari ikiruhuko ku bantu bose. Uyu munsi mu ndimi z'amahanga bawita Single's Day cyangwa Anti-Valentine's Day.

    Ese umunsi w'abaseribateri waje gute?

    Umunsi wo kwizihiza abaseribateri watangiriye mu gihugu cy'u Bushinwa mu 1993 utangiriye muri kaminuza yitwa Nanjing University aho abanyeshuri baho bakoze ubushakashatsi babona itariki ya 11/11 ntabwo isanzwe kuko ifitemo umubare wa 1 inshuro 4 kuko mu Bushinwa umubare rimwe usobanura ikintu cyangwa umuntu umwe bityo babona iyi tariki ifite umubare wa 1 inshuro 4 ukwiye kuba uw'abantu batagira abakunzi cyangwa se abantu babayeho bonyine nk'uko rimwe (1) igaragaza ikintu kimwe.

    Ibi bakaba barabyemeje nyuma y'uko itsinda ry'abasore b'abaseriibateri ryitwaga Mingcaowuzhu ryabaga muri kaminuza ya Nanjing University ryicaye hamwe rikajya inama y'umunsi bahitamo wo kuzajya bizihiza abaseribateri nk'uko abakundana bizihiza umunsi wahariwe abakundana wa Saint Valentin, maze bahuriza ku itariki 11/11. Ibi byavuye muri iyi kaminuza bikwira hirya no hino mu Bushinwa kugeza mu 1995 ubwo uyu munsi wagirwaga ikiruhuko kuri bose.

    Single's Day n'ubwo yamamaye cyane ku isi ntabwo ari ko ibihugu byose byizihiza uyu munsi ahubwo usanga ku mugabane wa Asia, Uburayi na Amerika ari ho habonekamo ibihugu byinshi byizihiza uyu munsi. Muri rusange ibihugu byizihiza uyu munsi ni ibihugu 7 birimo: China, Indonesia, Leta Zunze Ubumwe za America, UK, Belgique, Sweden hamwe na Norvege.

    Umunsi w'abaseribateri wizihizwa ute?

    Uyu munsi ubwawo ni agashya, kuba warahariwe abaseribateri gusa n'uburyo wizihizwamo, biratangaje. Mu gihe umunsi w'abakundana bawizihiza bahana impano z'urukundo cyangwa basohokana ahantu heza abandi bambika impeta abakunzi babo, umunsi w'abaseribateri bo usanga bitandukanye cyane kuko iyo wabaye ibiciro byose ku isoko usanga byakubiswe hasi bikagabanuka kugira ngo abasiribatere bahahe ku bwinshi bishimishe muri ubwo buryo na cyane ko nta bakunzi bafite baba bari buze kwishimana nabo.

    Mu Bushinwa, Amerika, Indonesia hamwe n'Ubwongereza, uyu munsi bawizihiza bashyira igorora abantu mu bijyanye n'ibiciro by'ibintu ku isoko aho usanga amafaranga menshi yaguraga ibintu yakatuweho kuri iyi tariki mu rwego rwo kwizihiza abaseribateri. Kuri uyu munsi kandi by'umwihariko imbuga zikorerwaho ubucuruzi 'Online' zirimo Alibaba, Taobao, Lazada byashyiriyeho poromosiyo abakiriya aho nabo bakatura ibiciro by'ibicuruzwa bigurwa cyane.

    Kuri iyi tariki kandi usanga utubari twinshi two mu Bushinwa no mu bindi bihugu byizihiza uyu munsi byorohereje abaseribateri aho babaha ibyo kunywa ku buntu kugeza uyu munsi urangiye. Gusa n'ubwo ibyo kunywa biba ari ubuntu ku baseribateri, biragoye kugira ngo batandukanye umuseribateri n'undi ubeshya ko ariwe agamije kunywa inzoga z'ubuntu ariyo mpamvu bashyizeho ikarita iranga umuseribateri ku buryo iyo ageze ku kabari cyangwa mu maduka ya Super Market ayerekana maze agahabwa ibintu by'ubuntu.

    Source : https://yegob.rw/ibidasanzwe-wamenya-ku-munsi-wabadafite-abakunzi-singles-day-wizihizwa-tariki-11-11/

  • Nyanza: Abanyamadini biyemeje kugira uruhare mu kugabanya umubare w’abangavu baterwa inda – #rwanda #RwOT

    Ubwo bushakashatsi bwakozwe n’Akarere ka Nyanza bwerekana ko mu 2018 abana basambanyijwe ndetse bakanaterwa inda bagera kuri 423, mu mwaka wa 2019 bagera kuri 486, mu mwaka wa 2020 bangana na 479 naho mu mezi ane y’umwaka wa 2021 bakaba ari 153.

    Imibare yerekana ko mu Karere ka Nyanza, kuva mu Ugushyingo 2020 kugeza muri Mutarama 2021, Urwego rw’Igihugu rw’Ubugenzacyaha, RIB, rwagejejweho ibirego 61 by’abana basambanyijwe, muri byo ibigera kuri 38 byashyikirijwe ubushinjacyaha naho 23 biracyari gukurikiranywa.

    Muri urwo rwego, Akarere ka Nyanza ku bufatanye n’umuryango wa Bibiliya mu Rwanda bateguye umwiherero w’iminsi itatu ugenewe abayobozi b’amadini n’amatorero bagera kuri 40 kugira ngo bagaragarizwe ibyavuye muri ubwo bushakashatsi hagamijwe ko batanga umusanzu wabo mu gukumira isambanywa ry’abana.

    Umukozi w’Akarere ka Nyanza Ushinzwe Ihuriro ry’Abafatanyabikorwa mu Iterambere, Byukusenge Jeanne d’Arc, yabwiye IGIHE ko mu gukora ubushakashatsi babajije abana bagera kuri 41 basambanyijwe bagatanga ikirego muri RIB ndetse n’imiryango yabo.

    Abandi babajijwe barimo abayobozi b’imidugudu, inshuti z’umuryango n’abahagarariye Inama y’Igihugu y’Abagore, abagize uruhare kandi bakemezwa n’inkiko icyaha cyo gusambanya abana ndetse n’abagikurikiranwa kuri icyo cyaha
    Ati “Twagiye tuganiriza ibyiciro bitandukanye mu baturage hagamijwe kumenya impamvu ziri ku isonga mu kwiyongera kw’isambanywa ry’abana, ahakiri icyuho mu gukumira no kugira ngo turebe icyo twakora ngo dukumire icyo cyaha duhereye mu mizi.”

    Muri make Ubushakashatsi bwagaragaje ko mu bitera gusambanya abana harimo kuba ababyeyi batita ku bana babo, aho bifite 30,6%, amakimbirane yo mu ngo afite 22,4%, ubusinzi buterwa n’inzoga z’inkorano zitemewe bufite 21%, ikoreshwa ry’ibiyobyabwenge bifite 14,5% no kuba abasambanya abana badahabwa ibihano bifite 12%.

    Bamwe mu banyamadini n’amatorerero bari muri uwo mwiherero bavuze ko bagiye kongera imbaraga mu gukumira isambanywa ry’abana babinyujije mu nyigisho batanga.

    Mukazabyuma Mahomed Habib waje ahagarariye Idini ya Islam mu Karere ka Nyanza yavuze ko ubushakashatsi bwaberetse ko hari ikibazo mu muryango Nyarwanda bityo bagiye kuziba icyuho bita cyane ku rubyiruko.

    Ati “Ahari icyuho tugiye kwita cyane ku rubyiruko, ku bahungu b’ingimbi ndetse n’abakobwa b’abangavu kuko ni icyiciro tubona tugomba kwitaho cyane by’umwihariko.”

    Abateraniye muri uwo mwiherero baganirijwe no ku kuboneza urubyaro, basabwa kwigisha abashakanye kubyara abo bashoboye kurera.

    Abanyamadini biyemeje gukemura ikibazo cy’abangavu baterwa inda

    source : https://ift.tt/3C81pL0