Category: Uncategorized

Kuri iyi nshuro, iri serukiramuco rifite insanganyamatsiko igira iti 'Kagire inkuru (Tell the tale)', yatekerejwe mu rwego rwo gushishikariza kubara inkuru zigisha kandi zubaka umuryango uzira umuze.

Mashariki African Film Festival ni iserukiramuco ngaruka mwaka rigamije kumenyekanisha filime Nyafurika ndetse n'izo mu Rwanda no kuzikundisha Abanyafurika n'Isi yose muri rusange.

Iri serukiramuco rizatangizwa ku mugaragaro ku wa 10 Ukuboza 2021 mu muhago uzabera kuri Canal Olympia ku Irebero muri Kigali. Muri uyu muhango hazerekanwa filime TUG OF WAR (Vuta N'Kuvute) y'umunya-Tanzania Amil Shivji.

Mu gihe cy'icyumweru kimwe iri serukiramuco rizamara riba hazerekanwa filime 57 zigabanyije mu byiciro bitandatu harimo icyiciro cya flime ndende [Long Feature], icyiciro cya filime ngufu [Short Films], filime mbarankuru [Documentary], Tv&Web Series, filime Mpuzamahanga n'izo mu Rwanda.

Kuri iyi nshuro ya karindwi, U Bufaransa ni bwo mushyitsi Mukuru muri iri serukiramuco.

Hazaba hari abantu b'ingeri zitandukanye bagura bakanagurisha filime barimo n'abazaba baturutse muri Netflix izwiho kuba urubuga rumaze kubaka izina mu kwerekana filime binyuze kuri internet no kubufatanye na sosiyete ya Discop Africa ifasha mu kugura no kugurisha filime ndetse n'urwego rukurikirana ibya filime mu Rwanda (Rwanda Film Office/RFO) rubarizwa mu Ikigo cy'Igihugu Gishinzwe Iterambere, RDB.

Muri filime zizerekanwa harimo 'Ethereality' ya Gahigiri Kantarama iherutse kwegukana igihembo mu cyiciro cya filime mpamo ngufi mu iserukiramuco rya Fespaco.

Hari kandi 'Bambi' ya Mutiganda wa Nkunda ndetse na 'Nameless' ye yahize izindi mu cyiciro cy’Inyandiko nziza ya filime ndende  mu Iserukiramuco Mpuzamahanga rya Filime, Fespaco.

1.DOCUMENTARIES

    1.El Maestro Laba Sosseh
Maky Madiba Sylla – Lionel Bourqui         
Senegal

    2.In the Footsteps of Mamani Abdoulaye
Amina Mamani Abdoulaye          
Burkina Faso

    3.ROAD2BLOW
Deji Ayoola
Nigeria

   4.The blue house

   Hamedine Kane
Senegal

       5.Zinder
Aicha Macky
Niger

    6.Garderie Nocturne /Night Nursery
Moumouni Sanou
Burkina Faso

     7.Downstream to Kinshasa
Dieudo Hamadi
Congo, the Democratic Republic of the

     8.Risen Gods (world premiére -hors competition)

      Ratsheko Mashilo Nthite
South Africa

2.INTERNATIONAL PANORAMA

1.SAMIRA’S DREAM (NDOTO YA SAMIRA)           
Nino Tropiano
Italy

2.Stop Filming Us            
Joris Postema
Netherlands

3.Congo Calling
Stephan Hilpert
Germany

 

Filime 'Tug of war' n'iyo izerekanwa ku munsi wa mbere w'iri serukiramuco

3.IZIWACU FILMS (RWANDA)

    1.I Got My Things And Left  

      Mbabazi Philbert

     2.Bambi
Mutiganda Wa Nkunda

           3.Someone Cares

       Ndayishimiye Denis Valery

      4.Entanglement
Karambizi Patrick

      5.In House
Uzamukunda Brighton Hussein

      6.She Can
Deus

      7.Ifoto Mbi
Zaninka Jocelyne

      8.Nailed 
Zion SULEIMAN

      9.Kwizera
Romeo Uwemera

     10.   Isooko
Habiyakare Muniru

      11.   Intruder
Cyusa Pacifique

     12.   Embers of Love
Manzi Santus

Filime 'Ethereality' ya Kantarama Gahigiri izerekanwa muri Mashariki African Film Festival

4.SHORT FILMS

 1.LFUTI  

       RICHARD UYER THUMITHO
Congo, the Democratic Republic of the

 

2.SILENCE

Ambrose B. Cooke

Burkina Faso

 

3.KIDNAPPED

Tommy Lungu

Zambia

 

      4.YOU WILL GET ANOTHER ONE

Lydia Matata

Kenya

 

     5.IN SOME PLACE

Hossam Abu-elhassan

Egypt

 

       6.RAWHYA’S SAFE HAVEN

Mohmed Fathi

Egypt

 

       7.DEMISTIFYING LIFTS AND LOWS

Kankunda S. Titi

Uganda

       8.A CANVAS FOR A VISA  
Diao — SAMBA
Senegal

 

       9.ON ISIBINDI STREET
Nyembezi Wako
South Africa

              
10.AWA !
Déborah BASA
Congo, the Democratic Republic of the

       11. ETHEREALITY
Gahigiri Kantarama
Rwanda

 

      12.   DUES    
Henry Mgbechi (H3nzy)
Nigeria

 

      13.   2 SIDES OF HOPE             
Ngumi Wangombe
Kenya

 

      14.   MAYBE HE’S FORGOT
Omar El Kadi

Egypt

 

      15.   ENEMY OF TIME
Muhindo Barakomerwa Abraham
Congo, the Democratic Republic of the

 

     16.   ALONE
Jean Marc ANDA
Cameroon

 

      17.   TAFIYA
Onuora Abuah  
United Kingdom

 

     18.   THE MACHINE
Oussama Lamharzi Alaoui
Morocco

 

     19.   BRAWL
Ifesinachi Stanley Okeke
Nigeria

 

    20.   STRAWS
Uduak Isong Oguamanam
Nigeria

 

    21.   BABY BLUES
Mamadou Diop
Senegal/France

    22.   SIXTEEN ROUNDS
Loukman Ali
Uganda

Filime 'Nameless' izerekanwa mu iserukiramuro Mashariki igiye kuba ku nshuro ya karindwi
 

5.LONG FEATURES FICTION

 

1.       ALOE VERA

PETER SEDUFIA

(Ghana)

 

2.       JUJU STORIES
ABBA MAKAMA, C.J. ‘FIERY’ OBASI, MICHAEL OMONUA  
(Nigeria)

 

3.       DJAGASSA
HYACINTHE HOUNSOU   
(Ivory Coast)

 

4.       NAMELESS
MUTIGANDA WA NKUNDA
(Rwanda)

 

5.TUG OF WAR

Amil Shivji
(Tanzania)

6.       SOEURS
YAMINA BENGUIGUI
(Algerie)

7.       BINTI
SEKO SHANTE
(Tanzania)

8.       BLIND LOVE
DAMIEN HAUSER
(Kenya)

9.       YOU WILL DIE AT 20
AMJAD ABU ALALA
(Soudan)

10.   IMPERIAL BLUE  
DAN MOSS
(Uganda-UK)

11.   PEPONI
ERNEST NAPOLEON
(Tanzania)

12.   RUN GEORGE
GEORGE VUYANI MAKAUSU
South Africa

 

13.   STAIN
MUGISHA HERBERT MORRIS
UGANDA

14.   MISSION TO RESCUE
GILBERT LUKALIA
KENYA

15.   MASSOUD
EMMANUEL ROTOUBAM MDAIDE
BURKINA / CHAD

  

6.SPECIAL EVENT FRANCE GUEST COUNTRY: “REGARD AFRICAIN”

1. SOIREE GALA

SŒURS

Yamina Benguigui

(Algerie, 2020)

2. HEREMAKONO

de Abderrahmane Sissako

(2002 — Mauritanie, France)

3. ATLANTIQUE

de Mati Diop

(2019 — Senegal- France — Belgique).

4. LA NUIT DES ROIS

de Philippe Lacote

(2019 — Cote d'Ivoire, France)

Iserukiramuco Mashariki African Film Festival rizabera kuri kuri Canal Olypmpia n'ahandi, hazahembwa filime n'abandi

Source : https://inyarwanda.com/inkuru/112073/urutonde-rwa-filime-57-zizerekanwa-mu-iserukiramuro-mashariki-african-film-festival-112073.html

Tariki ya 29 Ugushyingo 2021 Ubushinjacyaha ku rwego Rwisumbuye bwa Gicumbi bwaregeye Urukiko Umugore w'imyaka 47 y'amavuko, utuye mu Karere ka Rulindo,Umurenge wa Kinihira, Akagari ka Marembo, Umudugudu wa Kigali, bumukurikiranyeho gutwika umwana yibyariye akamwangiza isura  yo mu maso ku buryo bubabaje, amuhora ko bamubwiye ko yiba.

Uregwa yakoze icyaha  tariki 11/11/2021 ubwo yahengeraga umuhungu we aryamye w'imyaka 19 y'amavuko , agashyushya amazi yamara kubira akayamusukaho akamwangiza bikomeye isura yo mu maso ndetse no ku nda.

Umugore arashinjwa gutwika umwana we akoresheje amazi ashyushye

Umuhungu we yumvise ahiye ashigukira hejuru avuza induru abantu baza kumutabara, ahita ajya gutanga ikirego, nyina atabwa muri yombi.

NPPA dukesha iyi nkuru yatangaje ko uyu mugore mu ibazwa rye yemera icyaha akavuga ko ari shitani yabimuteye, ko bwari uburyo bwo kumuhana ngo atazongera kwiba, umujinya wamufata agahita amutwika.

Ibyo avuga ugasanga nta kuri kurimo  kuko  umuhungu we yamubajije icyo ashyuhirije amazi akamubeshya ko ari ayo guha ingurube, bigaragara ko yafashe umwanya uhagije wo kubitekerezaho kandi azi neza ko ari icyaha gihanwa n'amategeko

Iki  cyaha nikimuhama azahanishwa ingingo ya 121y'itegeko no 68/2018 ryo ku wa 30/08/2018 riteganya ibyaha n'ibihano.

[email protected]

The post Rulindo: Umugore watwitse umwana we yavuze ko ari Shitani yabimuteye appeared first on IRIBA NEWS.

Source : https://iribanews.rw/2021/11/30/rulindo-umugore-watwitse-umwana-we-yavuze-ko-ari-shitani-yabimuteye/

Tour du Rwanda 2022 izaba mu mwaka utaha muri Gashyantare tariki 20-27, bikaba biteganyijwe ko izitabirwa n’amakipe 19.

Uyu munsi nibwo habaye umuhango wo gutangaza inzira za Tour du Rwanda 2022, ni umuhango witabiriwe na Ambasaderi w’u Bufaransa mu Rwanda, Anfré Antoine. Visit Rwanda akaba ari yo izatanga umwambaro w’umuhondo nk’uko byagenze 2021.

Iri siganwa rigiye kuba ku nshuro ya 4 riri ku rwego rwa 2.1, bwa mbere kuva 2009 ribaye mpuzamahanga rikaba ritazagera i Huye nk’uko byari bisanzwe.

Tour du Rwanda 2021 ikaba yari yabaye tariki ya 2-9 Gicurasi 2021 aho yegukanywe n’Umunya-Espagne Cristián Rodríguez Martin ukinira Direct Energie.

Bitewe n’imitegurire myiza ya Tour du Rwanda ihuruza amahanga kandi isiganwa rikagenda neza, u Rwanda rwahawe no kwakira shampiyona y’Isi y’amagare ya 2025.

Iyi Tour du Rwanda izaba irimo amakipe 19 harimo 2 yo mu Rwanda ari yo; Team Rwanda na Benediction Ignite.

Amakipe 19 azitabira Tour du Rwanda 2022:

Amakipe y’Ibihugu (5): Rwanda, Algérie, Eritrea, Maroc na Grande Bretagne.

Amakipe yo ku migabane (8): Benediction Ignite Team (Rwanda), Tarteletto (u Bubiligi), Pro Touch (Afurika y’Epfo), Bike Aid (u Budage), SKS (u Budage), Team Coop (Norvege), Vino Astana Motors (Kazakhstan) na TSG (Malaysia).

Amakipe yabigize umwuga (6): Team Novo Nordisk (USA), B&B Hotel (France), Androni Giocattoli (Italie), Total Direct Energie (France), Team Burgos BH (Espagne) na Israël Cycling Academy (Israël).

Inzira za Tour du Rwanda 2022

Agace ka mbere: Tariki ya 20 Gashyantare 2022: Kigali Arena- Kigali Arena (Ibilometero 4,0)
Agace ka kabiri: Tariki ya 21 Gashyantare 2022: Kigali- Rwamagana (Ibilometero 148,3)
Agace ka gatatu: Tariki ya 22 Gashyantare 2022: Kigali- Rubavu (Ibilometero 155,9)
Agace ka kane: Tariki ya 23 Gashyantare 2022: Kigali- Gicumbi (Ibilometero 124,3)
Agace ka gatanu: Tariki ya 24 Gashyantare 2022: Muhanga- Musanze (Ibilometero 124,7 )
Agace ka gatandatu: Tariki ya 25 Gashyantare 2022: Musanze- Kigali (Ibilometero 152,0)
Agace ka karindwi: Tariki ya 26 Gashyantare 2022: Kigali-Gicumbi-Kigali (Ibilometero 152,6)
Agace ka munani: Tariki ya 27 Gashyantare 2022: Kigali- Kigali (Ibilometero 75,3)

Tour du Rwanda izatangira muri Gashyantare 2022

Source : http://isimbi.rw/siporo/article/amatariki-ya-tour-du-rwanda-yemejwe-amakipe-19-ni-yo-ategerejwe

“>

Amashusho yerekana izi nkura zaje mu Rwanda  

Izi nyamaswa nini cyane zishobora gupima toni ebyiri, zakoze urugendo rurerure rw’ibirometero 3.400 ziva muri Afrika y'Epfo muri pariki ya Phinda Private Game Reserve muri gahunda yo kuzuza umubare w'ibinyabuzima byangijwe n'ubuhigi kuva mu myaka ya za 70. Abashinzwe ibidukikije bavuga ko iri riri mu mayimura manini akozwe. 

Izi nkura zahawe u Rwanda ku bufatanye bw'inzego zitandukanye zirimo ubuyobozi bw'icyanya gikomye cya Phinda ari na ho zaturutse, Urwego rw'igihugu rw'iterambere (RDB), umuryango w'umuherwe w'umunyamerika Howard G. Buffett ndetse na African Parks.

Umuyobozi mukuru w'agateganyo ushinzwe ubukerarugendo muri RDB, Ariella Kageruka, avuga ko kuzana izi nkura bizafasha mu kurushaho guteza imbere ibikorwa by'ubukerarugendo, kubungabunga ibidukikije.

Umuyobozi ushinzwe ibikorwa muri African Parks mu Karere, ari na bo bacunga Pariki y'Akagera, Jus Gruner, avuga ko inkura ziri mu nyamaswa zirimo kugenda zikendera ku isi kuko zikunze kwibasirwa na ba rushimusi.

Ati 'Mbere na mbere twazanye izi nkura mu rwego rwo gusigasira inkura, kuko nta bukerarugendo bw'inkura bwabaho mu gihe nta nkura zihari, rero tugomba gushiraho gahunda yo kubungabunga inkura, arinayo mpamvu twazizanye hano muri pariki ya kagera, izi nkura z'umweru zikunda ubusabane, ahantu hisanzuye, zizajya zigaragara mu bukerarugendo, uko ba mukerarugendo biyongera ni ko amafaranga atangwa mu baturage yiyongera kuko hatangwa 7% by'ayinjiye'.

Biteganyijwe ko nyuma y'imyaka ibiri zimwe muri izi nkura z'umweru zizatangira kubyara. Pariki y’Aakagera ifite ubushobozi bwo kwakira inkura 300. Izi nkura kandi zitezweho kuzakurura ba mukerarugengo benshi kuko ziboneka hacye ku Isi.

 Zimwe mu nkura zajejwe mu Rwanda   

Src: BBC, RDB & Francw24

Source : https://inyarwanda.com/inkuru/112061/u-rwanda-rwakiriye-inkura-zumweru-30-zavuye-muri-africa-yepfo-112061.html

Umutoza wa Liverpool, Jurgen Klopp, yemeje ko “yatunguwe”n'uko Mohamed Salah yarangije ku mwanya wa karindwi ku rutonde rw'abahatiniye Ballon d'or mu ijoro ryo ku wa mbere.

Lionel Messi yegukanye igihembo ku nshuro ya karindwi ahigitse Robert Lewandowski bahanganaga cyane.

Abakinnyi ba Chelsea barimo Jorginho na N'Golo Kante nabo baje mu bakinnyi batanu ba mbere,mu gihe Karim Benzema yaje ku mwanya wa kane.

Cristiano Ronaldo wegukanye iki gihembo inshuro eshanu yaje ku mwanya wa gatandatu, Salah amuza inyuma nubwo yatangiye neza muri shampiyona 2021-22.

Umutoza Klopp yavuze ko yatangajwe n'ukuntu uyu Munyamisiri yaje kure kuri uru rutonde.

Yagize ati: “Natangajwe n'umwanya we [Salah].

“Abanyamakuru nibo batora Ballon d'or rero… niba mutekereza ko yagombaga kuza hejuru, mugomba kwemeza bagenzi banyu!

“Ushobora buri gihe kuyiha Lionel Messi kubw'ubuhanga yagaragaje mu mupira w'amaguru, ariko niba udahaye Ballon d'Or Robert Lewandowski kuri iyi nshuro, ntabwo azigera ayibona.

Kandi Mo yari akwiye kuza hejuru mu by'ukuri. “

Abajijwe ibya Salah na Lewandowski nyuma yo kudatsindira iki gihembo, Messi yagize ati: “Salah azagira amahirwe mu myaka iri imbere.

“Aba bakinnyi bombi [Salah na Lewandowski] bameze neza kuri ubu kandi bazagira amahirwe menshi yo kuyitwara.”

Abandi bakinnyi baje mu 10 ba mbere nyuma ya Salah barimo umukinnyi wo hagati wa Manchester City, Kevin de Bruyne n'abakinnyi ba Paris Saint-Germain Kylian Mbappe na Gianluigi Donnarumma.

Salah yabaye umukinnyi wa kane mu bakinnyi bakomeye ba Premier League baje kuri uru rutonde inyuma ya Jorginho, Kante na Ronaldo.

Nta bandi bakinnyi ba Liverpool binjiye muri 30 ba mbere.

Source : https://umuryango.rw/imyidagaduro/imikino/article/klopp-yahishuye-icyamubabaje-cyane-mu-bihembo-bya-ballon-d-or

Source : https://umuryango.rw/imyidagaduro/imikino/article/hasohotse-amafoto-ya-diamond-platnumz-na-the-ben-bari-gukora-amashusho-y

Igitaramo cya Silent Disco cyagombaga kubera mu kabari kazwi nka 'New Terrasse Chez Vincent' cyarahagaritswe kubera ubwumvikane bucye hagati y'abateguye iki gitaramo na ba nyiri aka kabari nyuma yo kwinjiza abari baguze amatike yo kucyitabira na nyiri akabari agashaka kwinjiza abakiriya basanzwe batipimishije. Ni igitaramo cyagombaga kuba kuwa Gatandatu tariki ya 27 Ugushyingo 2021.

Abari bitabiriye iki gitaramo bavuga ko ba nyiri aka kabari bifuzaga ko n'abandi bakiriya binjira batipimishije akabari kagakomeza gukora nkuko bisanzwe, mu gihe abateguye iki gitaramo bifuzaga ko uwaguze itike ariwe winjira gusa.

Mukamasabo Diane avuga ko yaguze itike ashaka kwishimana n'umuryango we ariko bakaza kubwirwa ko gisubitswe, bituma bashaka amakuru bamenya ko gifunzwe bitewe  n'ubwumvikane bucye hagati y'abateguye igitaramo naho cyagombaga kubera.

Yagize ati' Naguze tike nshaka kwinezeza ndetse no gusohokana n'umuryango wanjye, ariko siniyumvishaga icyatuma iki gitaramo gihagarikwa kuko ibyo twasabwaga byose byari byakozwe, twipimishije  COVID-19, ariko nyuma twamenye ko byaturutse ku bwumvikane bucye bw'abateguye iki gitaramo'.

Mugengana Diogene, avuga ko Polisi yabihagaritse yakoze inshingano zayo kuko batse uburenganzira bw'igitaramo ariko bo ubwabo babirwaniramo. Ahamya ko nk'abaguze amatike bakanubahiriza ibyasabwaga babihombeyemo.

Yagize ati' Tukimara kumenya ko igitaramo kitakibaye twarababaye tunagirango ni Polisi igifunze, ariko tunamenya ko abateguraga iki gitaramo aribo babirwaniyemo ntibumvikane, twebwe duhomba amatike twaguze n'ibipimo bya COVID-19 twakoresheje'.

Ku ruhande rwa Descenty yateguye iki gitaramo, bavuga ko bahombye ndetse bazitabaza inzira z'amategeko kuko abasaga 161 bose bari bamaze kugura amatike ndetse banahabwa 'Ecouteur'zo kumviramo, batungurwa no kubona ba nyiri akabari bavuga ko n'abandi bakiriya bagomba kwinjira bo batipimishije, babona baba barenze ku nshingano zabo zo kubahiriza amabwiriza.

Umuvugizi wa Polisi mu Ntara y'Amajyepfo, Superintendent of Police (SP) Theobald Kanamugire avuga ko iki gitaramo koko cyahagaritswe kubera ubwumvikane bucye bw'abateguye iki gitaramo naho cyagombaga kubera kuko buri wese yakururaga yishyira.

Akomeza avuga ko uburenganzira basabye bwari ubwo gukora igitaramo bityo rero ntabwo Polisi yaza gucungira umutekano akabari kuko abazaga mu gitaramo berekanaga ko bipimishije kandi banubahirije amabwiriza, ariko ngo nyiri aka kabari agashaka ko n'abandi bakiriya bakwinjira bituma iki gitaramo kitaba.

Bamwe mu bitabiriye bene nk'iki gitaramo cyabereye i Butare, bavuga ko uburyo ibi bitaramo bikorwamo bitandukanye cyane n'ibyari bisanzwe, ko ababyitabiriye badashobora gusabana kuko buri wese aba yumva umuziki we gusa kandi akumva umuvanzi w'imiziki ashaka.

Abateguye iki gitaramo bavuga ko bagiye kwiyambaza abanyamategeko kuko bari batanze byinshi kugirango iki gitaramo kigende neza, banezeze abanyamuhanga, ko ndetse gihagarikwa hari abafashe ibikoresho bamwe baranabitahana.

Akimana Jean de Dieu

Source : https://www.intyoza.com/muhanga-ibyo-utamenye-ku-ihagarikwa-ryigitaramo-cya-silent-disco/

Umunyezamu Kwizera Olivier wari umaze iminsi yingingwa cyane na Rayon Sports ngo ayongerere amasezerano,yemeye kuyisubiramo nyuma yo kwishyurwa amafaranga yasabaga n'itsinda ry'abafana ba Rayon Sports ryitwa Rocket.

Kwizera Olivier wari wasezeye ruhago mu mezi ashize, yongereye amasezerano yo gukomeza gukinira Rayon Sports.Kwizera Olivier yasinye amasezerano y'umwaka umwe ashobora kwiyongera.

Rayon Sports yari ifite ikibazo kigaragara cy'umunyezamu kuko Bashunga Abouba na Bonheur batari ku rwego rwo hejuru ariyo mpamvu ibifashijwemo na Rocket yishyuye miliyoni bivugwa ko ari 8 FRW uyu munyezamu.

Kwizera Olivier yari amaze iminsi atari mu mupira w'amaguru nyuma y'aho mu gitondo cyo ku wa Kane tariki ya 22 Nyakanga 2021,atangaje ku mugaragaro ko asezeye burundu ku mupira w'amaguru.

Icyo gihe yabwiye Radio Flash FM ati 'Uyu mwaka w'imikino nta kipe n'imwe nzakinira kuko nta kipe mfitiye amasezerano, biri muri gahunda zanjye kuba narekeraho gukina umupira w'amaguru, sinavuga ko ari igihe runaka nsezeye kuko hari gahunda zanjye ngiye kwerekezamo ariko mbaye nsezeye umupira w'amaguru.

'Ni ibintu bimaze igihe, si ibintu bije aka kanya, ni intego zanjye nihaye ndumva igihe cyari kigeze ngo mbishyire mu bikorwa'.

Kwizera watangiye guhamagarwa bwa mbere mu ikipe y'igihugu muri2015, yazamukiye muri Isonga FC, anyura mu makipe atandukanye arimo Proline na Vision FC, aza kwerekeza muri APR FC mu 2013 kugeza 2016.

Nyuma yo kuva muri APR FC, Kwizera yakiniye Bugesera FC umwaka umwe, yerekeza muri Free State Stars yo muri Afurika y'Epfo mu 2017, ayikinira kugeza mu ntangiriro za 2019, agaruka mu Rwanda muri Gasogi United, ayisohokamo yerekeza muri Rayon Sports.

Uyu munyezamu wari mu bafatiye runini ikipe y'igihugu Amavubi, yagiye arangwa n'imyitwarire idahwitse yatumye atandukana n'amakipe yakiniye arimo APR FC na Free State Stars yo muri Afurika y'Epfo.

Source : https://umuryango.rw/imyidagaduro/imikino/article/kwizera-olivier-yasubiye-mu-ikipe-ya-rayon-sports-amafoto

Zari w'imyaka 41 y'amavuko ufite abana batanu, 3 yabyaranye na Ivan Ssemwanga na 2 yabyarabnye na Diamond Platnumz, aganira na Toke Makinwa.yagarutse ku bihe yaciyemo n'icyo yibuka cyamubabaje, avuga ko adashobora kwibagirwa uburyo yakubitiwe mu kabyiniro abantu bose bareba kandi ari icyamamare.

Nk'uko Zari Hassan abivuga, bwa mbere Ivan yamukubise igihe yari atwite inda y'amezi 3. Ashimangira ko amakimbirane mu bashakanye akenshi ahera ku guterana amagambo.

Yagize ati:''Gutukana bitangirira ku ijambo, bishobora gutangirira ku gutukana bikavamo urugomo''.

Zari avuga ko umugabo we yamuhondaguraga abana bareba rimwe bakamuhoza bakamubaza impamvu se ahora amukubita. Zari Hassan yibuka uburyo yakubiswe kandi atwite

Zari yagize ati:''Byageze aho umuhungu wanjye ambaza impamvu nkubitwa nkatukwa, icyo gihe byarambabaje cyane, byari bimeze nko kuntera inkota mu mutima''.

Akomeza avuga ko kuba barasohokanaga akareba abandi bagabo cyari nk'icyaha, aha yagize Cyari ikintu muri we kunkubita.Ntabwo nari nemererwa kureba abandi bantu. Muri iryo joro rero, yarankubise nabi ku buryo nahabandagariye bikomeye.

Zari yavuze ko yakuriye mu buzima bugoye,bwo kuba yaragerageje kuba umuririmbyi no gukora kuri televiziyo bikamunanira ariko amaherezo akaza kuba icyamamare aho yanabaye umugore wa Diamond Platnumz.

Abinyujije kuri instagram, Zari yatangaje inkuru ibabaje y'ubuzima yanyuzemo kugira ngo abone amafaranga y'ishuri no kubaho mu Bwongereza aho yigaga.

Zari yatangaje ko yabaye umukozi wo mu rugo kugira ngo abashe kwirihira amashuli ariko birangira imbaraga yakoresheje zibaye imfabusa kuko ibyo yize bya Cosmetology ntacyo byamumariye.

Yagize ati “Ubuzima n'ink' umwicungo [rollercoaster] wizengurukaho ntumenya aho uzahagararira.Natangiye niga ibijyanye no gutera ibirungo abantu muri UK [cosmetology] bitagize icyo bimarira,nkabifatanya n'akazi ko mu rugo kugira ngo nishyure icumbi(Nabaye umukozi wo mu rugo mbere).Nirukanse mu ma bisi kugira ngo ngere aho nakoraga akazi ko kwakira amafaranga (cashier).Nabayeho nabi ku buryo nibazaga impamvu arinjye.Umutima wanjye washakaga ibyiza birenze.

Data yaragiye, mama wanjye yakoraga akazi k'ubudozi amanywa n'ijoro.Sinashoboraga kwihanganira kumubona ahangayitse. Sinashoboraga kwihanganira akababaro ke. Nabanaga na masenge muri UK wamfataga nk'umwana wabyawe hanze.'

Ubuzima bwa Zari bwarahindutse,ubu ni nyina w'abana 5 ndetse ni rwiyemezamirimo ukomeye hirya no hino muri Afurika.

Source : https://umuryango.rw/imyidagaduro/article/zari-hassan-yavuze-uburyo-yakubitiwe-mukabyiniro-azira-gutereka-amaso-menya

Mu birori byabaye mu ijoro ryacyeye mu murwa mukuru, Bridgetown, Dame Sandra Mason yarahiye nka perezida, naho umuhanzi Rihanna yitwa intwari y'iki gihugu.

Igikomangoma Charles – umuhungu w'Umwamikazi Elizabeth II – yari intumwa y'Umwamikazi muri ibi birori byahuriranye n'isabukuru y'imyaka 55 y'ubwigenge.

Ibihe bishya kuri iki kirwa birangije ibinyejana byo kugengwa n'Ubwongereza, harimo imyaka 200 icyo kirwa cyamaze ari ahantu h'ibanze mu nyanja hakorerwa ubucuruzi bw'abacakara bavanywe muri Africa.

Mu kwerekana impinduka z'ubutegetsi, isaluti ya nyuma yaterewe intumwa y'Umwamikazi kandi ibendera ry'ubutegetsi bwe rirururutswa, rirasimbuzwa.

Mu ijambo rye, Igikomangoma Charles cyavuze ko umubano n'ubufatanye hagati y'Ubwongereza na Barbados bizakomeza nubwo habaye izi mpinduka mu itegekonshinga.

Umwamikazi yohereje ubutumwa “bwifuriza [Barbados] ibyiza byinshi, ibyishimo, amahoro n'uburumbuke ahazaza” avuga kandi ko iki gihugu gifite “umwanya wihariye” mu mutima we.

Dame Sandra Madison w'imyaka 72, yari guverineri mukuru w'iki kirwa kuva mu 2018, mu kwezi gushize yatowe n'inteko ishingamategeko kuba perezida. Niwe usimbuye Umwamikazi Elizabeth II.

Umwaka ushize nibwo iki gihugu cyatangaje umugambi wacyo wo guhinduka repubulika, ariko kizaguma mu muryango wa Commonwealth.

Muri ibi birori byamaze amasaha menshi, minisitiri w'intebe w'iki gihugu Mia Mottley, yarahiriye imirimo ye no kubaha perezida.

Madamu Mia nyuma yatangaje ko icyamamare muri muzika Rihanna aza kwitwa intwari y'igihugu na Perezida Madison.

Robyn Rihanna Fenty, umuhanzi akaba n'umushabitsi, mu 2018 yagizwe ambasaderi w'igihugu cye ushinzwe uburezi n'ubukerarugendo.

Akomoza kuri imwe mu ndirimbo za Rihanna, Madamu Mia yagize ati: “Uzakomeza kumurika nka diyama, kandi uzanire icyubahiro igihugu cyacu.”

Barbados ni kimwe mu bice bya mbere byakoronijwe n'Ubwongereza.

Abakoroni ba mbere bafashe iki kirwa mu 1627, baragitegeka bagihindura ahantu h'ubuhinzi bw'isukari bukomeye bwakorwaga n'abacakara bavanywe muri Africa.

Mu ijambo rye kuwa kabiri, Igikomangoma Charles yavuze ko “ubugome bukabije bw'ubucakara, buzahora iteka ari icyaha mu mateka yacu”.

Ubucakara bwaciwe muri Barbados mu 1834, iki gihugu kibona ubwigenge mu 1966 ariko kigumana Umwamikazi w'Ubwongereza nk'umutegetsi wacyo w'ikirenga.

Mbere ya Barbados, igihugu giheruka gukuraho Umwamikazi nk'umukuru wacyo ni ibirwa bya Maurices, mu 1992. Ikindi gihugu giteganya kubikora ni Jamaica.

Barbados y'abaturage 285,000 ni kimwe mu birwa bituwe cyane kandi bikize mu bigize Karayibe.

Rihanna yagizwe intwari ya Barbados

BBC

Source : https://umuryango.rw/imyidagaduro/imikino/article/rihanna-yagizwe-intwari-ya-barbados-cyiyomoye-ku-mwamikazi-elizabeth-wa-ii