Webrwanda Backend

Category: Uncategorized

  • Nyabugogo: Yari agiye kwiyahurira ku Inkundamahoro kubera impamvu itangaje #rwanda #RwOT

    Umugore wo mu Murenge wa Gahanga ,Akarere ka Kicukiro yatabawe ubwo yari agiye kwiyahurira mu nyubako y'Inkundamahoro iherereye mu Murenge wa Kimisagara ahazwi nka Nyabugogo.

    Ahagana saa sita z'amanywa yo kuri uyu wa Gatanu tariki a 10 Ukuboza 2021,nibwo uyu mugore w'abana batatu yashatse kwiyahura asimbutse mu igorofa ya Gatanu.

    Uyu mugore wafatanywe ibaruwa yari yanditse avuga ko yafashe icyemezo cyo kwiyahura kubera ko yasanze Isi ishaririye.

    Ubuyobozi bwa bw'Inkundamahoro bwabwiye IGIHE dukesha iyi nkuru ko camera zishinzwe umutekano w'iyi inyubako ari zo zerekanye amashusho y'uko uyu mugore ashaka kwiyahura, abashinzwe umutekano bahita bajya kuburizamo iki gikorwa.

    Uyu mugore we yabwiye IGIHE ko yari agiye kwiyahura kubera ko yasanze isi ntacyo imumariye n'ubuzima bumushaririye.

    Yagize ati 'Ikibazo mfite n'uko hari ibintu mba mbona nkeneye nakwihaye kuva mfite amaboko n'amaguru n'umutwe, nubwo abantu bakunda kunyita umusazi ndi muzima pe!. Njya nkurura ubuzima bwanjye nkabona nta cyiza cy'isi.'

    Uyu mugore yavuze ko ari ubwa gatatu yari agerageje kwiyahura ariko ko yaganirijwe, agahumurizwa akerekwa ko adakwiye kwiheba no gushaka kwivutsa ubuzima.

    Ngo yahise ahindura igitekerezo yari afite, anasaba abafite icyo gitekerezo kukireka.

    Inkuru ya IGIHE

    Source : https://umuryango.rw/amakuru/mu-rwanda/umutekano/article/nyabugogo-yari-agiye-kwiyahurira-ku-inkundamahoro-kubera-impamvu-itangaje

  • Umugore yagurishije umwe mu bana b'impanga be kugira ngo agure ibyokurya #rwanda #RwOT

    Umubyeyi wo muri Afuganisitani yahatiwe kugurisha umwe mu mpanga ye kugira ngo agaburire undi mu gihe ikibazo cy'ibiribwa gikomeje gukara mu gihugu.

    Nk'uko ikinyamakuru Mail Online kibitangaza, ngo uyu mugore w'imyaka 40 ukomoka mu ntara ya Jawzjan yo mu majyaruguru, yagurishije umwana we w'uruhinja,undi muryango wabuze urubyaro ku madorari 104 mu rwego rwo gushaka uko agurira umuryango we ibiryo bihagije kugira ngo babeho andi mezi atandatu.

    Kwigarurira ubutegetsi kw'Abatalibani muri Kanama uyu mwaka byasenye ubukungu,bituma benshi mu banya Afghanistan bahura n'inzara ikomeye.

    Ishami ry'Umuryango w'Abibumbye rivuga ko kimwe cya kabiri cy'abaturage ba Afuganisitani bafite ibyago byo kwicwa n'inzara muri iki gihe cy'itumba, ikibazo cyarushijeho kuba kibi bitewe n'uko imiryango myinshi y'abatabazi yahunze igihugu igihe guverinoma yakurwagaho.

    Ikibazo cy'uyu muryango cyavumbuwe na Save the Children, bagifite abakozi hasi bagaburira ibiryo bamwe mu baturage babikeneye cyane.

    Aganira n'abakozi bashinzwe ubutabazi, nyina w'umwana yavuze ko yibarutse impanga – umuhungu n'umukobwa – hashize amezi ane cyangwa atanu, nyuma gato yo kuva mu murima wabo kubera amapfa.

    Umugore yasobanuye ko yabanje gutegura gahunda yo kurera abo bana bombi, ariko ntabashe kubona ibiryo bihagije kuri umwe cyane ko ubusanzwe abana bagaburirwa umutsima, ndetse rimwe na rimwe amata y'ifu.

    Umugabo we w'imyaka 45 akora akazi kinjiza idorari 1 ku munsi. Aya mafranga ntashobora kubagaburira iminsi 2.

    Umuhungu wa kabiri w'imfura na we akora ku isoko ribegereye, nyina avuga ko asunika amagare akoreshwa mu gutwara ibicuruzwa.

    Ariko kubera ko akiri muto,abacuruzi bakunda guhitamo gukoresha abana bafite imbaraga,akenshi ngo usanga adafite akazi.

    Source : https://umuryango.rw/ubuzima-115/imibereho/article/umugore-yagurishije-umwe-mu-bana-b-impanga-be-kugira-ngo-agure-ibyokurya

  • Muchoma yakoze indirimbo ku mukobwa wahaye am… – #rwanda #RwOT

    Uyu muhanzi uri mu Rwanda muri iki gihe, dore ko akorera umuziki muri Leta Zunze Ubumwe za Amerika, avuga ko ibyo yaririmbye muri iyi ndirimbo atari ukuri ariko ‘nzi benshi banyura mu bibazo nk’ibyo ukitanga cyane, ugatanga buri kintu amaherezo ugahemukirwa'.

    Ibi ngo nibyo byatumye yicara ashushanya urugendo rw’umukobwa wakunze umusore wari ufite ubumuga bwo kutabona, kubera urukundo bikagera ubwo amwitangira akamuha amaso ye umusore akongera kureba nyuma y'igihe kinini.

    Akomeza ati 'Umukobwa yabaye impumyi, hanyuma umusore arongera arareba kubera ko umukobwa yari yamuhaye amaso ye.'

    Muchoma avuga ko amaherezo, uyu musore yaje guhemukira uyu mukobwa atangira kumuca inyuma ‘kubera ko atabonaga, nyine urumva byari agahinda n’akababaro’.

    Ibi binagaragara mu ikinankuru y'iyi ndirimbo, aho umusore atangira kuzana abandi bagore kubera ko umukunzi we atabonaga.

    Muri iyi ndirimbo, Muchoma agaragaza ukuntu uyu mukobwa yashenguwe n’ukuntu umukunzi we yahaye amaso yahindutse mu gihe gito, akamuca inyuma amuzaniraho abandi bagore, bituma uyu mukobwa afata icyemezo cyo kwiyahura.

    Ati 'No mu mashusho y’iyi ndirimbo biragaragara. Ni indirimbo y’agahinda muri macye, igaragaza uburyo ushobora gukunda umuntu utari uwa nyawe. Hanyuma umuntu yanakubwira ati mwihorere ntushake kubyumva ugakomeza ugahatiriza, ariko amaherezo bikazakugeza ahantu hatari heza.'

    Uyu muhanzi avuga ko n'ubwo nta muntu azi ibi byabayeho, ariko hanze aha hari benshi banyura mu bigeragezo nk'ibi, aho umuntu ashobora gukunda urukundo rukamurira mu gihe gito. Muchoma yasohoye amashusho y'indirimbo ateye agahinda yise 'Amarangamutima' 

    Muchoma yavuze ko ibyo yaririmbye atari inkuru mpamo

    KANDA HANO UREBE AMASHUSHO Y'INDIRIMBO ‘AMARANGAMUTIMA' YA MUCHOMA

    “>

    Source : https://inyarwanda.com/inkuru/112488/muchoma-yakoze-indirimbo-ku-mukobwa-wahaye-amaso-ye-umusore-wari-ufite-ubumuga-bwo-kutabon-112488.html

  • Jimmy Mulisa akomeje ibikorwa byo gushaka imp… – #rwanda #RwOT

    Wari umunsi wa Gatatu wa '6 Aside Street Football Tournament 2021.” Ni igikorwa cyabaye kuwa Gatandatu tariki 11 Ukuboza 2021, kibera ku kibuga giherereye ku Gitikinyoni. 

    Ni igikorwa kiri gukorwa na Umuri Foundation ya Jimmy Mulisa, kigamije gufasha abana bo ku muhanda kubyaza umusaruro impano bafite zo gukina umupira w'amaguru, bakanavanwa mu buzima bubi. Saa yine z'amanywa n'iminota 30 nibwo iki gikorwa cyari gitangiye, gisozwa Saa sita z'amanywa.

    Cyari kitabiriwe na Kamanzi Karim, nk'uwakinnye umupira w'amaguru mu Rwanda mu myaka yo hambere n'abandi. Jimmy Mulisa yabanje kuganiriza aba bana abibutsa ko kuba bafite impano yo gukina umupira w'amaguru ari ikintu cy'ingenzi kuri bo, ariko ko bayibyaza umusaruro baramutse bumviye ababatoza n'ababyeyi babo.

    Abana bagera ku 160 ni bo bari bitabiriye iki gikorwa. Ikibuga cyagabanyijwemo kabiri, buri kipe yabaga ifite abakinnyi icumi bakinaga iminota 15 yarangira iyatsinzwe ikavamo.

    Mu gusoza uyu munsi, hatoranyijwe abana batanu bitwaye neza kurusha bagenzi babo. Abo ni Manishimwe El-Shadai, Shumbusho Yussuf, Uwimana Christian, Tuyishimire Abouba na Kamoso. Aba biyongera ku bandi bagiye batoranywa mu bice bya Nyagatovu na Kinyinya. 

    Jimmy Mulisa yongeye kuvuga ko ikimuraje inshinga kandi kimushimisha, ari ugufasha abana b'abanyarwanda kubyaza umusaruro impano yo gukina umupira w'amaguru.

    Ati 'Iyo mbonye ukuntu abana bitabiriye ibi bintu biranshimisha. Impamvu nagiye muri iyi gahunda, ni ukureba ukuntu nafasha aba bana, menye ibibazo byabo, menye ukuntu babayeho ariko nshakisha impano zabo. Njyewe ndabizi ko mu mupira impano zuzuye.'

    Yakomeje agira ati 'Hano hantu wabibonye twari tuzi ko hashobora kuza abana bageze kuri 50, ariko haje abagera hagati ya 160 na 200 bafite inyota yo gukina umupira babuze umuntu ubakurikira. Ndishimye, ni ugukomeza mbakorera ubuvugizi. Mwabonye ko hari abafite ibibazo bitandukanye, hari inzego umuntu ashobora kwegera kugira ngo zibafashe.'

    Abana baganiriye n'Itangazamakuru, bavuze ko ari iby'agaciro kubona umuntu nka Jimmy Mulisa aza kubasura akabafasha kuzamura impano zabo, kandi bamwe muri aba bana bizeye ko bazavamo ba Manzi Thierry na ba Kimenyi Yves nk'uko Shumbusho Yussuf na Tuyishimire Abouba babivuze.

    Yussuf yagize ati 'Mu myaka itatu cyangwa ine nifuza kuzaba nkina mu Cyiciro cya Mbere. Umukinnyi ndeberaho ni Manzi Thierry. Kubona Jimmy Mulisa hano biratunezeza, bigatuma tugira intego yo kuba twazagira natwe aho tugera. Nizeye ko umupira uzaba akazi kazantunga n'umuryango wanjye.'

    Abouba we ati 'Umupira nasanze ari impano yanjye. Ndashaka kuzaba umunyezamu nanjye nzakinire Amavubi. Kubona Jimmy Mulisa hano bidufasha kugira intego kuko tuba tubona uwakinnye umupira mu Amavubi, tuba twarumvishije aza kutuganiriza, bituma tugira intego natwe ngo dukore cyane tuzatere ikirenge mu cye. Ndashaka kuzaba umunyezamu nka Kimenyi Yves, ni we cyitegererezo cyanjye.'

    Mutegetsi Silas watangije Irerero ryo ku Gitikinyoni mu 2010, yavuze ko havuye abana benshi barimo Bizimana Yannick ukinira APR FC, ari yo mpamvu bizeye ko hazava n'abandi. Uyu mutoza kandi yakomeje avuga ko kubona Jimmy Mulisa yegera aba bana biganjemo ab'amikoro make ntako bisa, kuko bifasha kugabanya abana bo ku muhanda bagafashwa.

    Ati 'Ni igikorwa twishimiye cyane. Kubona Jimmy Mulisa aza hano, binafasha abana kumva ko babyaza umusaruro impano zabo. Abana bo ku muhanda hari igihe baba bazi umupira ariko ntibabihe agaciro, iyo baganirijwe n'umuntu nka Jimmy Mulisa bibafasha gutekereza ku mpano zabo.'

    Uyu mutoza kandi yanasabye Ubuyobozi mu nzego zitandukanye, gufatanya na Jimmy Mulisa mu gukomeza gufasha aba bana bo ku muhanda.

    Abeza bazatoranywa, bazafashwa kubyaza umusaruro impano zabo biciye mu bufatanye bwa Umuri Foundation na AS Kigali FC, ndetse n’andi marerero.

    Kuri iki Cyumweru tariki 12 Ukuboza 2021, iki gikorwa kirakomereza mu Gatenga ahazwi nko kwa Carlos guhera 14h-15h30.

    Biteganyijwe ko tariki 22 Ukuboza 2021, ari bwo iki gikorwa kizasozwa kuri Stade ya Kigali i Nyamirambo nyuma yo kuzenguruka ibice bitandatu bigize Umujyi wa Kigali.

    Ni igikorwa kizabanza gukorerwa mu Umujyi wa Kigali mu bice bigera kuri bitandatu. Mu Cyumweru gitaha, kizakomereza Nyabugogo no mu bindi bice by'i Nyamirambo.

    Umuri Foundation yatangiye mu 2019. Ubu ibarizwamo abana barenga 300, barimo abahungu n'abakobwa bigishwa gukina umupira w'amaguru. Aba bana harimo abafashwa kwiga no guhabwa ibindi bikoresho by'ibanze bibafasha mu buzima bwabo bwa buri munsi.

    Source : https://inyarwanda.com/inkuru/112486/jimmy-mulisa-akomeje-ibikorwa-byo-gushaka-impano-mu-bakiri-bato-aho-hari-hatahiwe-abo-ku-g-112486.html

  • Davido akomeje gukusanya amafaranga azafashis… – #rwanda #RwOT

    David Adedeji Adeleke wamamaye ku izina rya Davido mu muziki, ni umwe mu bahanzi ba Afro Beat bagezweho ku mugabane wa Afurika no hanze yaho. Uyu muhanzi uyoboye abahanzi bakize muri Afurika, aherutse gutangiza igikorwa cyo gukusanya amafaranga yo gufashisha imfumbyi zo muri Nigeria. Kuri ubu akomeje gukangurira abantu bafite umutima wo gufasha, ko batanga amafaranga muri iki gikorwa avuga ko cyizafasha abana benshi b’imfumbi babayeho nabi.

    Mu kwezi gushize, nibwo Davido yatangije iki gikorwa ubwo yizihizaga isabukuru ye agasaba abafana n’abahanzi bagenzi be, ko niba bashaka kumwifuriza isabukuru nziza bakwitanga amafaranga bakayamwoherereza maze nawe akayafashisha imfumbyi. Mu buryo butangaje, icyifuzo cya Davido cyarasubijwe yohererezwa akayabo ka miliyoni 40 z'ama Naira mu gihe cy’amasaha abiri gusa. Aya mafaranga akaba yarahise ajya kuyafashisha ikigo cyirera abana b’imfumbyi.

    Kuri ubu Davido yongeye kwibutsa abantu abinyujije ku rukuta rwe rwa Twitter, yibutsa abantu ko iki gikorwa cyo gufasha imfumbyi kigikomeje ndetse abibutsa n’imibare bakoherezaho amafaranga, anatangaza ko ku itariki 20/12/2021 aribwo bazahitamo ikigo cy’imfumbyi bazatera inkunga bagafasha abana baho gusoza umwaka neza. Ikinyamakuru Daily Africa, cyatangaje ko Davido afite intego yo gukusanya miliyoni 250 akaziha ibigo by’imfumbyi.

    Source : https://inyarwanda.com/inkuru/112487/davido-akomeje-gukusanya-amafaranga-azafashisha-imfumbyi-112487.html

  • Kayonza: Bafatanwe insinga za metero 46 zajyanaga umuriro mu ngo z'abaturage #rwanda #RwOT

    Polisi ikorera mu Karere ka Kayonza ku bufatanye n'abayobozi mu Nzego z'ibanze n'abaturage bafashe abantu 6 bakekwaho kwitwikira ijoro bagakata insinga zijyana umuriro mu ngo z'abaturage bakaziba. Bafashwe ku wa Kane taliki ya 9 Ukuboza, bafatanwa metero 46 z'insinga, bafatirwa mu Murenge wa Gahini, Akagari ka Kahi, Umudugudu wa Nyamiyaga.

    Umuvugizi wa Polisi mu Ntara y'Iburasirazuba Chief Inspector of Police (CIP) Hamduni Twizeyimana yavuze ko gufatwa kwa bariya bantu byaturutse ku makuru yatanzwe n'abaturage ndetse n'abanyerondo.

    Yagize ati: 'Mu ijoro rya tariki ya 09 Ukuboza 2021, abanyerondo bari mu kazi babona umuriro urabuze, bakomeza kugenzura baza gusanga hari insinga zimaze gukatwa ahaturuka umuriro ujya mu baturage kuri (Transformateur). Abaturage bo muri uriya mudugudu nabo bari bamaze iminsi bavuga ko hari abantu bitwikira ijoro bagakata insinga zijyana umuriro mu ngo zabo.'

    CIP Twizeyimana yakomeje avuga ko Polisi ikimara kumenya ayo makuru yakoranye n'abaturage n'abayobozi mu nzego z'ibanze hatangira gushakishwa abacyekwa bose nibwo hafashwe bariya bantu batandatu.

    Yagize ati: 'Abaturage batubwiye abantu bose bacyekaho kuba bakora ibyo bintu, bariya bose twabasanganye ibikoresho byifashishwa mu gukora amashanyarazi harimo ibyuma bikata insinga n'ibipima ingano y'umuriro uri mu nsiga. Bariya bantu uko ari 6 nta kazi kazwi bafite ko gukora mu mashanyarazi.'

    Umuvugizi wa Polisi mu Ntara y'Iburasirazuba avuga ko bariya bantu bitwikira ijoro bakurira amapoto y'amashanyarazi bakabanza bagakuraho umuriro banyuze ku mashini iwukwirakwiza (Transformateur). Barangiza bagakata insinga umuriro umaze kuzima bakajya kuzigurisha.

    Yakanguriye abanturage kugira uruhare rwo kwirindira ibikorwaremezo kandi babona ubyangiza bakihutira gutanga amakuru. Yaburiye abarimo kugaragara mu bikorwa byo kwangiza no kwiba insinga z'amashanyarazi ko Polisi itazabihanganira.

    Ati: 'Muri iyi minsi mu bice bitandukanye by'Intara y'Iburasirazuba harimo gufatirwa abantu badukanye ingeso yo kwangiza ibikorwaremezo cyane cyane kwiba insinga z'amashanyarazi. Hari abo duherutse gufata bibaga insinga bakazikoramo imashini zifashishwa mu gusudira(post à souder).'

    Abafatiwe mu Murenge wa Gahini bahise bashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Mukarange kugira ngo hatangire iperereza.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange Ingingo ya 182 ivuga ko Umuntu wese usenya cyangwa wonona ku bw'inabi, ku buryo ubwo ari bwo bwose, inyubako yose cyangwa igice kimwe cyayo, inzu, iteme, urugomero, uruhombo rw'amazi n'inzira yarwo, inzira ya gari ya moshi cyangwa ibikoresho ibyo ari byo byose by'itumanaho cyangwa by'ingufu z'amashanyarazi, amariba cyangwa izindi nyubako zose bitari ibye, aba akoze icyaha.

    Iyo abihamijwe n'urukiko, ahanishwa igifungo kitari munsi y'imyaka itatu (3) ariko kitarenze imyaka itanu (5) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

    Ingingo ya 166 ivuga ko Umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe (1) ariko kitarenze imyaka ibiri (2) ,ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y'inyungu rusange mu gihe cy'amezi atandatu (6) cyangwa kimwe gusa muri ibyo bihano.

    Ingingo ya 167 ivuga ko igihano kikuba Kabiri iyo kwiba byakozwe nijoro bigakorwa n'abantu barenze umwe.

    Source : https://umuryango.rw/amakuru/mu-rwanda/umutekano/article/kayonza-bafatanwe-insinga-za-metero-46-zajyanaga-umuriro-mu-ngo-z-abaturage

  • Xavi arashaka kugurisha abakinnyi 3 bakomeye bamurakaje ku mukino wa Bayern Munich #rwanda #RwOT

    Umutoza wa Barcelona, ​​Xavi, arateganya kuvugurura ikipe ye nyuma yo gutsindwa na Bayern Munich muri Champions League ibitego 3-0 bigatuma yerekeza muri Europa League.

    Umutoza wa Barcelona, ​​Xavi, arateganya gukora impinduka nyinshi I Camp Nou,nyuma yo gushyira ku isoko abakinnyi 3 bakomeye ku isoko nyuma yo gusezererwa muri Champions League.

    Umunyamakuru w'imikino muri Espagne, Gerard Romero, aravuga ko uyu mutoza mushya yamaze gutakaza kwihangana kuri bamwe mu bakinnyi be kandi ko yitegura guhindura byinshi muri iyi kipe.

    Nk'uko Romero abitangaza ngo Frenkie de Jong, Marc-Andre ter Stegen na Sergino Dest bose bagiye gushyirwa ku isoko bagurishwe kuko Xavi ashaka kubakira ikipe ya Blaugrana ku bandi.

    Umunyezamu Ter Stegen yanenzwe cyane kubera gusubira inyuma muri uyu mwaka w'imikino mu gihe De Jong yananiwe kugera ku rwego yariho ubwo yagurwaga miliyoni 65 zamapawundi muri 'Ajax muri 2019.

    Myugariro Dest we arashaka kwerekeza muri Bayern Munich imwifuza.

    Ni ku nshuro ya mbere kuva mwaka w'imikino 2003-04,Barcelona inaniwe kujya muri 1/16 cya Champions League.

    Ikipe ya Xavi iri kurwanira kwitwara neza muri La Liga kuko iri ku mwanya wa karindwi, amanota 16 inyuma ya Real Madrid ya mbere.

    Source : https://umuryango.rw/imyidagaduro/imikino/article/xavi-arashaka-kugurisha-abakinnyi-3-bakomeye-bamurakaje-ku-mukino-wa-bayern

  • Aubameyang agiye gufatirwa ibihano bikarishye kubera imyitwarire mibi #rwanda #RwOT

    Rutahizamu Pierre-Emerick Aubameyang ashobora kwamburwa ubukapiteni bwa Arsenal nyuma yo gukurwa mu ikipe kubera imyitwarire mibi ku nshuro ya kabiri uyu mwaka.

    Umutoza Mikel Arteta yakuye Aubameyang mu ikipe ye yumunsi nyuma y'aho uyu mukinnyi agiye mu ngendo agatinda kugaruka mu myitozo.

    Muri Werurwe uyu mwaka, uyu musore w'imyaka 31 y'amavuko yakuwe mu ikipe Arsenal yari guhura na Tottenham kubera gutinda kugera ku mukino bitewe no gufatirwa mu kajagari k'imodoka mu muhanda.

    Ibyo yakoze muri iki cyumweru bishobora kumugiraho ingaruka kuko byatewe n'ingamba zashyizweho zo kwirinda Covid-19, byafatanywe uburemere cyane.

    Arteta yanze kujya mu bindi bisobanuro nyuma y'uko Arsenal itsinze Southampton ibitego 3-0, ariko nanone yanze gusubiza niba Aubameyang azakomeza kuba kapiteni wikipe.

    Inama yo kumufatira ibihano iracyakomeza,ariko biravugwa ko ashobora guhabwa igihano gikomeye cyane kirimo no kuba yakwamburwa kuba kapiteni.

    Arteta yagize ati: 'Yishe amabwiriza y'imyitwarire niyo mpamvu yakuwe mu ikipe.

    “Ndatekereza ko twakomeje guhozaho kuko dufite amahame adashobora kuganirwaho twishyiriyeho nk'ikipe.

    Source : https://umuryango.rw/imyidagaduro/imikino/article/aubameyang-agiye-gufatirwa-ibihano-bikarishye-kubera-imyitwarire-mibi

  • Elie Maniraguha yegukanye irushanwa ryateguwe… – #rwanda #RwOT

    Ni mu muhango watambutse imbona nkubone kuri Genesis Tv mu ijoro ry'uyu wa Gatandatu 11 Ukuboza 2021, waberaga muri Kigali City Tower.

    Iri rushanwa ryatangiranye n’abanyempano 100 hasigaramo 10 bageze mu cyiciro cya nyuma. Aba nabo baje kuvamo batatu bakuwemo umwe Elie Maniraguha.

    Abanyempano 10 bageze mu cyiciro cya nyuma ni Uwajeneza Cabella; Iradukunda Fabiola, Iyakaremye Mugisha Theoneste, Dusenge Jean Michele, Asifiwe Prince, Niyibizi Jean Claude, Elie Maniraguha, Mugish Prince, Umwali Ineza Herniette na Aime Igabe.

    Aba banyempano babanje gutambuka ku itapi itukura bafatwa amafoto n’ amashusho, nyuma bakaganira n’abanyamakuru Bona ndetse na Christian.

    Umukinnyi wa filime akaba n'Umuyobozi wa Genesis Tv, Niragire Marie France avuga ko ‘ashima Imana’ kuba iri rushanwa risojwe, akavuga ko ryagiye rihindurirwa amatariki ‘bitewe n’icyorezo cya Covid-19’ cyakomye mu nkokora byinshi mu bikorwa.

    Akanama Nkemurampaka kari kagizwe na Marie France washinze Televiziyo Genesis, Umuhanzi Mbarushimana Paul Maurice [Maurix Baru] washinze Maurix Studio ndetse na Producer Ishimwe David [Evydecks] ukorera muri studio Ibisumizi.

    Nyuma y'isesengura, Akanama Nkemurampaka kemeje ko Elie Maniraguha ari we wahize abandi. Producer Maurix Baru wari ukuriye aka kanama, yavuze ko kuva ku munsi wa mbere w'iri rushanwa bagiye bahitamo abakomeza mu kindi cyiciro bashingiye ku bintu bitandukanye.

    Birimo uko umuhanzi yigaragaza ku rubyiniro, imyandikire ye, uburyo igihangano cye gikoze, ijwi rye n’ibindi bitandukanye bikwiye kuba biranga umuhanzi.

    Elie Maniraguha wegukanye iri rushanwa ryabaga ku nshuro ya mbere, yagaragaje amarangamutima avuga ko yishimye cyane ndetse ashimira abategura iri rushanwa.  

    Uyu musore yavuze ko yatunguwe cyane kuko yitabiriye iri rushanwa aziko azaba uwa 10. Agashima Genesis Tv yateguye iri rushanwa.

    Ati “Icya mbere ndatunguwe. Bagenzi banjye bo barabizi neza naje mbabwira ko mba uwa cumi. Ariko ndishimye cyane. Ndashimira Imana na Genesis Tv yateguye iki gikorwa, ndashimira n’umuvandimwe Jean Michel wampaye ‘Link’ [yo kwiyandikisha mu irushanwa]. Ni ukuri ndishimye cyane, murakoze.”

    Maniraguha Ellie yahembwe miliyoni 1 Frw, gukorerwa Album y'indirimbo esheshatu harimo indirimbo ebyiri z'amashusho (Video).

    Umuhanzi Niyibizi Jean Claude yabaye uwa kabiri ahembwa 500.000 Frw. Ni mu gihe Iyakaremye Theoneste yabaye uwa Gatatu ahembwa 300.000 Frw.


    Maniraguha Elie wegukanye irushanwa ryateguwe na Genesis Tv, yavuze ko yatunguwe bikomeye, ashima abagize igitekerezo cy'iri rushanwa

    Abahanzi 10 bageze mu cyiciro cya nyuma bakoranye indirimbo yubakiye kuri iri rushanwa. Buri muhanzi kandi yakorewe indirimbo imwe yaririmbye muri iri rushanwa
     

    Niragire Marie France yavuze ko uretse batanu ba mbere, abandi bose bitabiriye iri rushanwa bemerewe kuzongera kuryitabira. Akavuga ko mu mpeshyi ya 2022 bateganya kuzongera kurikora


     

    Uhereye ibumoso: Niyibizi Jean Claude wegukanye umwanya wa kabiri, Iyakaremye Theoneste wabaye uwa Gatatu na Maniraguha Ellie wabaye uwa mbere

      

    Umwali Herniette, uri mu bageze mu cyiciro cya nyuma ni we wahabwaga amahirwe menshi yo kwegukana iri rushanwa


    Niyibizi Jean Claude wabaye uwa kabiri agehambwa ibihumbi 500 Frw

    Asifiwe Prince wigaragaje cyane muri iri rushanwa


    Jean Michel, umunyempano witwaye neza muri iri rushanwa ryabaga ku nshuro ya mbere


    Producer Evedycks ukora mu Ibisumizi Records wari mu Kanama Nkemurampaka 

    KANDA HANO UREBE UKO UMUHANGO WAGENZE

    “>

    Source : https://inyarwanda.com/inkuru/112483/elie-maniraguha-yegukanye-irushanwa-ryateguwe-na-televiziyo-genesis-112483.html

  • Umunyabigwi Samuel Etoo yatorewe kuyobora ru… – #rwanda #RwOT

    Kuri uyu wa gatandatu tariki ya 11 Ukuboza 2021, nibwo Eto'o yatorewe kuyobora ishyirahamwe ry'umupira w'amaguru muri Cameroun mu gihe cy'imyaka ine iri imbere , ku bwiganze bw'amajwi ugereranyije na Seidou bari bahanganye.

    Eto'o wegukanye ibihembo 4 by'umukinnyi mwiza w'umwaka muri Afurika, yegukanye intsinzi ahigitse Seidou Mbombo Njoya wari usanzwe ayobora ruhago ya Cameroun ndetse akaba ari na Visi Perezida wa kane w'Impuzamashyirahamwe y'umupira w'amaguru muri Afurika 'CAF'.

    Uyu munyabigwi wahataniraga uyu mwanya ku nshuro ya Karindwi, eshanu muri zo yakuragamo kandidatire ku munsi w'amatora.

    Nyuma yo kwegukana intsinzi, Eto'o w'imyaka 40 y'amavuko yasezeranyije abanya-Cameoun impinduka zigamije iterambere rya ruhago muri iki gihugo.

    Yagize ati'Tugomba gushyira mu nshingano abanyamupira. Tugomba gufata iya mbere tukamenya neza niba abakinnye umupira hari icyo badufasha mu kugera ku ntego dushaka kugeraho'.

    Eto'o wakiniye Barcelona na Inter Milan yasezeranyije abanya-Cameroun kubaka stade 10 mu myaka 4 yatorewe.

    Yagize ati'Namaze kuvugana n'abashoramari bazadufasha kugera ku ntego twiyemeje kandi bizakorwa'.

    Eto'o yari ashyigikiwe cyane n'abanya-Cameroun bose bifuza kubona igishya azazana muri ruhago yabo, nk'uko yafashije igihugu cye ubwo yari umukinnyi.

    Eto'o atorewe kuyobora ruhago ya Cameroun mu gihe iki gihugu cyitegura kwakira igikombe cya Afurika kizahabera mu ntangiriro za 2022. 

    Eto’o yatorewe kuyobora ruhago ya Cameroun habura iminsi micye bakakira CAN 2022

    Eto’o yijeje abanya Cameroun kubaka Stade 10 mu myaka ine ya manda ye
    Eto’o afite amateka akomeye muri ruhago ya Cameroun

    Source : https://inyarwanda.com/inkuru/112478/umunyabigwi-samuel-etoo-yatorewe-kuyobora-ruhago-ya-cameroun-112478.html