Webrwanda Backend

Category: Uncategorized

  • Shampiyona y’umupira w’amaguru irasubukurwa kuri uyu wa Gatandatu #Rwanda #RwOT via @kigalitoday #rwanda #RwOT

    Nyuma yo guhabwa uburenganzira na Minisiteri ya Siporo yari yisubiye ku mwanzuro wo guhagarika shampiyona zitandukanye, ikaza gushyiraho amabwiriza mashya avuga ko shampiyona z’ababigize umwuga zigomba guhita zisubukurwa, ubu iy’umupira w’amaguru igiye kubimburira izindi.

    Shampiona y

    Shampiona y’icyiciro cya mbere irasubukurwa kuri uyu wa Gatandatu

    Mu kiganiro Umunyamabanga mukuru w’umusigire wa Ferwafa yagiranye na KT Radio, yavuze ko amabwiriza mashya ndetse n’ingengabihe bamaze kubitegura, shampiyona ikzatangira ku wa gatandatu tariki 15/01/2022

    Yagize ati 'Nka Ferwafa bu tuvugana tubirimo, amabwiriza avuguruye arahari uyu munsi araba yasohotse kugira ngo duhe uburenganzira n’amakipe atangire imyitozo'

    'Ikirimo kinakomeye abanyamuryango bakwishimira ni uko ku bufatanye na Ministeri ya Siporo n’inzego z’ubuzima mu Rwanda (RBC), ku munsi w’imikino abakinnyi na staff bazajya bapimwa nta kiguzi, hanyuma mu yindi hakabonekamo umunsi umwe amakipe yipimisha mu gihe cy’imyitozo'

    Source : https://www.kigalitoday.com/imikino-11/football/article/shampiyona-y-umupira-w-amaguru-irasubukurwa-kuri-uyu-wa-gatandatu

  • Ndi idebe ryawe – Minisitiri Bamporiki abwira umukinnyi wa filime wamuhaye inka #rwanda #RwOT

    Isimbi Alliance uzwi nka Alliah Cool muri sinema nyarwanda, mu mpera z’icyumweru gishize yagabiye inka Umunyamabanga wa Leta muri Minisiteri y’Urubyiruko, Bamporiki Edouard na we amushimira mu buryo budasanzwe.

    Mu mashusho yakwirakwiye ku mbuga nkoranyambaga yafatiwe mu birori by’ubusabane, agaragaza Minisitiri Bamporiki ashimira Alliah Cool mu buryo budasanzwe aho asa n’uwasubije ibihe inyuma mu gihe umuco nyarwanda wari wubashywe cyane n’aho ubu ukaba warakuze hari byinshi byahindutse.

    Bamporiki yavuze ko ubusanzwe iyo umugabo yaguhaga inka wabaga uri umugaruga we ariko umugore yayiguha ukayemera witwaga idebe, na we akaba ari idebe rya Alliah Cool.

    Ati 'iyo umugore aguhaye inka ukayemera, ahandi ari umugabo wayiguhaye witwa umugaragu ariko iyo uhawe n’umugore ukayemera witwa idebe, ndi idebe ryawe.'

    Alliance akaba yahaye inka Bamporiki kubera ko akomeje kubera urubyiruko icyitegererezo kandi akaba yagaragiriwe icyizere cyo kujya mu nzego nkuru z’igihugu ari umukinnyi wa filime, bityo akaba ahagarariye sinema neza.

    Alliah yagabiye inka Bamporiki

    Source : http://isimbi.rw/imyidagaduro/article/ndi-idebe-ryawe-minisitiri-bamporiki-abwira-umukinnyi-wa-filime-wamuhaye-inka

  • APR FC ibaye ikipe ya mbere igiye gusubukura imyitozo #Rwanda #RwOT via @kigalitoday #rwanda #RwOT

    Babanje gupimwa Covid-19. Djabel Manishimwe ni umwe mu bapimwe

    Babanje gupimwa Covid-19. Djabel Manishimwe ni umwe mu bapimwe

    Ibi byabaye ku gicamunsi cyo ku Cyumweru tariki ya 9 Mutarama 2022, aho abakinnyi, abatoza n’abandi bakozi bose b’ikipe ya APR FC mu rwego rwo kwitegura isubukurwa rya shampiyona y’icyiciro cya mbere mu Rwanda yari yarasubitswe. Bapimishijwe Covid-19 mbere y’uko berekeza mu mwiherero aho biteganyijwe ko banatangira imyitozo ku gicamunsi cyo kuri uyu wa Mbere tariki ya 10 Mutarama 2022 bamaze kubona ibisubizo by’abapimwe bose.

    Ikipe ya APR FC igiye gutangira imyitozo nyuma y’amabwiriza avuguruye ya Minisiteri ya Siporo agenga isubukurwa ry’ibikorwa bya siporo mu Rwanda. Ingingo yayo ya 2 agace kayo ka mbere kavuga ko imikino n’imyitozo ikinwa mu matsinda ndetse n’amarushanwa bigengwa n’ingaga z’imikino bigengwa n’ingaga za siporo byemerewe gusubukurwa.

    Myugariro Nsabimana Aimable apimwa Covid-19

    Myugariro Nsabimana Aimable apimwa Covid-19

    Uretse ibirarane bibiri ikipe ya APR FC ifite inyuma y’andi makipe, umunsi wa 12 wasubitswe kubera ko ikipe y’igihugu yari irimo ikina imikino ya gicuti ndetse no guhagarikwa kwa shampiyona kubera Covid-19. APR FC yagombaga kwakirwa n’ikipe ya Kiyovu Sports tariki ya 4 Mutarama kuri sitade ya Kigali i Nyamirambo mu gihe umunsi wa 13 wari uteganyijwe tariki ya 8 Mutarama, aho APR FC yari kwakira ikipe ya Gorilla FC.

    Rutahizamu Nshuti Innocent apimwa Covid-19

    Rutahizamu Nshuti Innocent apimwa Covid-19

    Source : https://www.kigalitoday.com/imikino-11/football/article/apr-fc-ibaye-ikipe-ya-mbere-igiye-gusubukura-imyitozo

  • Umunyarwanda yasinyiye ikipe yo muri Guadeloupe #rwanda #RwOT

    Uwizeye Jean Claude, umukinnyi w’ikipe y’igihugu yo gusiganwa ku magare, yasinyiye Excelsior de Baie Mahault yo muri Guadeloupe.

    Tariki ya 7 Mutarama 2022 nibwo yerekeje ku mugabane w’u Burayi, aho yasinyiye iyi kipe amasezerano y’umwaka umwe.

    Si ubwa mbere agiye gukina ku mugabane w’u Burayi kuko yakiniye Les Sables Vendée CC yahoze yitwa Pays des Olonnes Cycliste Côte de Lumière mu Bufaransa.

    Mu 2019, nyuma yo kwegukana 'Tour de Guyane 2019', yasinyiye Pédale Pilotine- Blue Car muri Martinique umwaka umwe (2020) ariko kubera COVID-19 ntiyabasha kujya kuyikinira.

    Uwizeye w’imyaka 28 muri 2018 yabaye uwa 2 muri Tour du Rwanda, akaba yari amaze igihe atoza abana bakiri bato mu rwego rwo kuzamura impano mu Rwanda.

    Uwizeye Jean Claude yasinyiye Excelsior de Baie Mahault yo muri Guadeloupe

    Source : http://isimbi.rw/siporo/article/umunyarwanda-yasinyiye-ikipe-yo-muri-guadeloupe

  • USA: Igorofa rituyemo abantu benshi ryafashwe n'inkongi y'umuriro abantu benshi barapfa #rwanda #RwOT

    Kuri iki cyumweru, inkongi y'umuriro yibasiye inyubako ya New York, ihitana abantu 19 barimo abana icyenda abandi benshi barakomereka.

    Ababyeyi benshi bagaragaye barira cyane ubwo umuriro wakaga mu nyubako y'amagorofa 17 muri Bronx. Abantu barenga mirongo itatu bajyanywe mu bitaro bafite ibikomere biteye ubwoba.

    Umuyobozi ushinzwe kurwanya inkongi y'umuriro muri NYC, Thomas J. Richardson, yatangaje ko icyateye iyi nkongi y'umuriro w'amashanyarazi ushobora gutwara. Urugi rwasigaye rufunguye, bituma umuriro n'umwotsi bikwira mu cyumba cyo hejuru.

    Yongeyeho ati: “Hariho byinshi byo kumenya.”

    Nk'uko FDNY ibitangaza, ngo umuriro watangiriye mu cyumba cyo kuraramo cya etage ya gatatu. Amashusho atangaje yerekana umwotsi uva mumadirishya.

    Umuriro wo muri Bronx mu nzu ya Twin Park kuri 333 E 181st Street watangiye mbere ya saa tanu z'amanywa muri USA. Abashinzwe kuzimya umuriro bageze aho mu minota mike bahamagawe kuri 911.

    Abashinzwe kuzimya umuriro bagera kuri 200 bari aho bari bahanganye n'umuriro no gutabara abantu bari bafatiwe imbere.

    Stephan Beauvogui, utuye muri iyo nyubako, yarokotse ari kumwe n'umugore we n'abahungu babiri. Yanukaga umwotsi ubwo yari aryamye. Avuga ko umugore we atigeze amwitaho ubwo yinubira umwotsi bwa mbere.

    “Hanyuma nakinguye, maze, Mana yanjye!” Beauvogui yongeyeho ko umuriro n'umwotsi wari “ahantu hose”, avuga ko ari cyo gihe giteye ubwoba mu buzima bwe.

    Undi muturage utuye muri iyi nyubako yarize ati: “Igice cyari kibabaje ni igihe twamanukaga ku ngazi, twabonye imirambo n'imbwa byapfuye.” “Bagerageje gutabara abantu benshi no kubaha CPR.”

    “Ndumva merewe nabi kubera baturanyi bacu babuze, twese tumeze nk'umuryango.”

    Iyi niyo nyubako ifashwe n'inkongi y'umuriro ikica abantu benshi mu myaka irenga 30 ishize nkukoThe Daily Beast yabitangaje.

    Source : https://umuryango.rw/amakuru/mu-mahanga/umutekano/article/usa-igorofa-rituyemo-abantu-benshi-ryafashwe-n-inkongi-y-umuriro-abantu-benshi

  • Imbamutima za Bijoux nyuma yo gukora ubukwe n’umuhanzi Lionel Sentore (AMAFOTO) #rwanda #RwOT

    Nyuma yo gukora ubukwe n’umuhanzi Lionel Sentore, umukinnyi wa filime ukomeye mu Rwanda, Munezero Aline uzwi nka Bijoux muri Bamenya yashimiye umugabo we kuba yaremeye kumukunda ndetse na we amusezeranya ko azamukunda iteka ryose.

    Ku wa Gatandatu w’icyumweru gishize ni bwo Bijoux na Lionel bakoze ubukwe, umuhango wo gusaba no gukwa wabereye Golden Garden i Rebero ni mu gihe basezeraniye muri EAR (Remera).

    Abinyujije ku rukuta rwe rwa Instagram, Bijoux yashimiye Imana aho yavuze ko ari umugisha yazanye mu buzima bwe.

    Ati 'Urakoze mwami ku bw’umugisha wazanye mu buzima bwanjye, wampaye ibirenze ibyo natekerezaga. Wankikije abantu bahora banyitaho, wampaye umuryango n’inshuti bampa umugisha umunsi ku munsi n’amagambo meza ndetse n’ibikorwa.'

    Yakomeje ashimira Lionel Sentore kuba yaremeye kumukunda ndetse amusezeranya ko na we azamukunda iteka ryose.

    Ati 'Wakoresheje igikundiro cyawe bwa mbere duhura, isura ya we ni ikintu ntashobora kwibagirwa, nishimiye ko na we wankunze, tutari kumwe nari kwisanga nijimye, ndagukunda mukunzi kandi niko bizahora, mukundwa uri impamvu ituma mbaho, utuma ntuza, umpa urukundo, umutima wawe urasukuye, urasukuye nk’inuma.'

    Bakoze ubukwe nyuma y’uko ku mugoroba wo ku wa ya 16 Ukuboza 2021, muri Kigali Serena Hotel, Lionel Sentore yari yamwambitse impeta y’urukundo, ni mu muhango warahuriranye n’isabukuru y’amavuko y’uyu mukobwa.

    Bijoux tariki ya 28 Kanama 2020, ni bwo yambitswe impeta ya fiançailles na Benjamin. Mu mpera za Mutarama 2021 yabwiye ISIMBI ko yatandukanye n’umukunzi we nyuma y’uko yasanze hari ibyo badahuza, gusa yahise anemeza ko afite umukunzi mushya.

    Lionel Sentore usanzwe uririmba injyana gakondo, akoze ubukwe na Bijoux nyuma y’uko muri 2020 na we yari yambitse impeta Mahoro Anesie umwe mu bakobwa bitabiriye Miss Rwanda 2020.

    Bijoux yakoze ubukwe na Lionel Sentore

    Avuga ko ari umugisha Imana yazanye mu buzima bwe

    Urukundo rwo ni rwose

    Yamusezeranyije ko azamukunda iteka ryose

    Source : http://isimbi.rw/imyidagaduro/article/imbamutima-za-bijoux-nyuma-yo-gukora-ubukwe-n-umuhanzi-lionel-sentore-amafoto

  • Umusifuzikazi w'umunyarwanda yanditse amateka adasanzwe ku mugabane wose. – YEGOB #rwanda #RwOT

    Mukansanga Salima ni umusifuzikazi w'umunyarwandakazi yanditse amateka yo kuba ari we musifuzi wa mbere w'umugore ugiye gusifura igikombe cy'Afurika kiri kubera muri Cameroon kuva Kuwa 9 Mutarama 2022.

    Mukansanga ari mu rutonde rw'abasifuzi mpuzamahanga ba b'impuza mashyirahamwe ku isi (FIFA), ibyo rero bimwemerera kuyobora imikino mpuzamahanga kandi akaba aba anambaye ikirango cya FIFA ku mwambaro we.

    Mukansanga Salima w'imyaka 33 y'amavuko, asanzwe afite ubunararibonye mu mikino y'abagore dore ko yayoboye igikombe cy'isi mu bagore (Women's World Cup), yanitabiriye igikombe cy'Afurika mu bagore (Africa Women's Cup of Nation), ndetse kandi yanitabiriye Irishanwa ry'ababaye abambere mu bihugu byabo mu bagore (CAF Women's Champions League).

    Mukansanga kandi yabaye umusifuzi mu mikino y'abagore mu Olympic yabereye I Tokyo muri Japan mu mwaka  2020, aho yaje gutwarwa na Canada.

    Uyu musizifuzi yahawe amahirwe akomeye yo kuba umwe mu basifuzi 63 CAF yatoranyije bazaba bari kuyobora imikino imwe n'imwe muri AFCON 2021 iri kubera muri Cameroon.

    Mukansanga Salima yakuze afite inzozi zo kuzaba umukino ukomeye mu mikino ya maboko (basketball), gusa ageze ku myaka 15 yiyemeje kuba umusifuzi, akaba ari nabyo akora muri iyi minsi. Mukansanga Salima azaba ari umusifuzi wa kane ku mukino wo mu itsinda B, uzahuza Guinea na Malawi saa kumi n'ebyiri z'umugoroba.

     

     

     

     

    Source : https://yegob.rw/umusifuzikazi-wumunyarwanda-yanditse-amateka-adasanzwe-ku-mugabane-wose/

  • Umunyarwanda Uwizeye Jean Claude yasinye mu ikipe yo muri Guadeloupe #Rwanda #RwOT via @kigalitoday #rwanda #RwOT

    Kuri iki Cyumweru umunyarwanda Jean Claude Uwizeye wamenyekanye cyane mu ikipe ya Les Amis Sportifs y’i Rwamagana, yasinye amasezerano y’umwaka umwe mu ikipe ya Excelsior de Baie Mahault ibarizwa muri Guadeloupe.

    Jean Claude Uwizeye yasinye amasezerano y

    Jean Claude Uwizeye yasinye amasezerano y’umwaka umwe

    Jean Claude Uwizeye yagaiye yegukana amarushanwa atandukanye akinirwa mu Rwanda, muri Tour du Rwanda 2018 yayisoje ari ku mwanya wa kabiri, mu gihe 2017 naho yari yabaye uwa kabiri muri Tour of Eritrea.

    Muri 2019 ubwo yakiniraga ikipe ya Les Sables Vendée CC yahoze yitwa Pays des Olonnes Cycliste Côte de Lumière mu Bufaransa yaje kwegukana isiganwa ryitwa Tour de Guyane, nyuma aza guhita asinyira ikipe ya Pédale Pilotine- Blue Car muri Martinique atabashije gukinira kubera COVID-19.

    Jean Claude Uwizeye yanakoze imyitozo ya mbere kuri iki Cyumweru

    Jean Claude Uwizeye yanakoze imyitozo ya mbere kuri iki Cyumweru

    Source : https://www.kigalitoday.com/imikino-11/amagare/article/umunyarwanda-uwizeye-jean-claude-yasinye-mu-ikipe-yo-muri-guadeloupe

  • Ibyo kuzirikana niba wifuza kongera ibiro mu gihe gito – YEGOB #rwanda #RwOT

    Muri iki gihe abantu benshi bari mu nkundura yo gushaka uko bagabanya ibiro dore ko kugira ibiro birenze ibikenewe bifite ingaruka nyinshi ku buzima harimo indwara zinyuranye z'umutima, diyabete ndetse n'ibibazo mu myororokere. Nyamara kandi hari n'abandi bifitiye ikibazo cyo kugira ibiro bicyeya bakaba bashaka uko bakongera ibyo biro. Nubwo hari bamwe nyine baremye gutyo ku buryo kongera ibiro kuri bo bitaba byoroshye, ariko nanone hari abagira ibiro bicye bitewe n'imirire, akazi, indwara; aba rero kuba bakongera ibiro byashoboka.

    Kongera ibiro bisaba iki?

    Kugirango ibiro byawe byiyongere usabwa kwinjiza calories zirenze izo ukoresha. Urugero niba winjiza 2500Cal ugakoresha 2000Cal bivuze ko usigaraye 500Cal. Izi rero nizo zizatuma ubasha kongera ibiro.

    Bivuze ko kugirango wongere ibiro usabwa kwita ku kumenya ibyo ufungura, kandi nanone ukibuka ko kongera ibiro Atari ukuba igifufumange, kuko hari igihe wongera umubyibuho kubera ibinure byinshi nyamara ibiro ntabyo.

    Tutitaye ku cyateye kunanuka, niba ushaka kongera ibiro hano twaguteguriye ibyo wakora bikagufasha.

     

    1.Rya kenshi

    Nubwo benshi bazi ko kurya byinshi aribyo byiza, ariko kurya kenshi nibyo byiza kurutaho. Kuko uko urya kenshi niko uha umwanya umubiri wo gukamura intungamubiri mu byo wariye no kuzikoresha. Byibuze ifunguro ryamu gitondo na ku manywa ribe rihagije, naho nka saa yine, ni mugoroba na nijoro urye ibirimo imbuto cyane cyangwa amata.

    2. Siporo

    Siporo ni ingenzi kuko ituma ugira imikaya ikomeye kandi uko uyikora niko ukenera kurya. Siporo nziza niba wifuza kongera ibiro ni izikorerwa muri gym, n'izindi zisaba gukoresha umubiri cyane kandi wose.

    3. Ifunguro rya nijoro

    Nkuko hejuru twari tubibonye, ifunguro rya nijoro usabwa kuryitaho dore ko aba ari amasaha umubiri usa n'uhugiye mu gusana ahangiritse no kwiyubaka. Usabwa kurya ibikungahaye kuri poroteyine nk'amagi, inyama, amata n'ibiyakomokaho, ibishyimbo, soya n'ibizikomokaho. Hano wasoma ahandi wakura poroteyine.

    4. Kugabanya ibyo unywa

    Niba ushaka kongera ibiro gabanya ibyokunywa ufata kuko ibyinshi bibamo calories nkeya kandi bigatuma wumva uhaze bityo umubiri ntiwinjize byinshi byawubaka. Ibyo kunywa nk'amata nibyo wakibandaho kuko arimo poroteyine na calories.

     

    Udukoryo mu kurya twagufasha kongera ibiro

     

    • Ifunguro ririmo calories nyinshi. Iri funguro rituma utita ku kurya byinshi, ahubwo byiza. Ubunyobwa n'amavuta yabwo, utubuto twa chia, umugati wuzuye, inyama z'inka ni bimwe mu birimo calories nyinshi
    • Dessert. Gufata akantu nyuma yo kurya nabyo ni ingenzi niba wifuza kongera ibiro. Chocolate, ubunyobwa bukaranze, icecream, yogurt ni zimwe mu ngero z'ibyo wafata nyuma yo kurya niba wifuza kongera ibiro.
    • Imbuto. Aho kunywa amazi cyangwa imitobe igurwa, fata imbuto uzishyire mu kamashini gasya noneho ntukamure ahubwo ubinywe byose. Bikurinda guhaga cyane kandi ukaba winjije fibre na calories zose.

      Imbuto wazisyamo umutobe
    • Poroteyine. Poroteyine nubundi nizo zubaka umubiri. Amafi, fromage, amashu ya broccoli, inkoko, amata ni bimwe mu biguha poroteyine
    • Kumenya calories winjiza. Kumenya ibyo urya ni kimwe, ariko nanone kumenya icyo bimara, ibikoreshwa n'ibisigara ni ingenzi. Mu mafunguro yawe ku manywa niba hatabonetsemo imbuto, ibikomoka ku matungo n'ibirimo poroteyine, gerageza nturare utabifashe
    • Ibinure byiza. Ibinure nabyo ni ingenzi gusa kugira ibiro ntibivuze buri gihe kongera ibinure. Amafi, avoka, umuhondo w'igi ni bimwe mu biguha ibinure byiza bidateje akaga.

    Src: umutihealth

    Source : https://yegob.rw/ibyo-kuzirikana-niba-wifuza-kongera-ibiro-mu-gihe-gito/

  • Abatashye ubukwe bwa Bijoux batangariye ubwiza bw'abakobwa bamwambariye (Amafoto) – YEGOB #rwanda #RwOT

    Tariki ya 08 Mutarama 2022 nibwo Munezero Aline wamamaye ku izina rya Bijoux, akaba ari naryo zina yakoresheje muri filime yamamaye nka Bamenya Series, yakoze ubukwe. Ubwiza bw'Abakobwa bamwambariye mu bukwe bwe buri muri bimwe mu byaryohereje abatashye ubu bukwe. Twagerageje kureba bamwe muri aba bakobwa maze dusanga harimo uwitwa Nyampinga Les, Uwase Bahatu Tracy ndetse n'abandi.

    Dore amwe mu mafoto yabo:

    Source : https://yegob.rw/abatashye-ubukwe-bwa-bijoux-batangariye-ubwiza-bwabakobwa-bamwambariye-amafoto/