Uwitwa MUTANGANA Tresor yasabye guhindura amazina mu buryo bwemewe n'amategeko akitwa NGIZWENAYO TRESOR MUTANGANA mu bitabo by'irangamimerere.
Impamvu atanga zituma asaba guhindura amazina akaba ari uko ari amazina ari kuri passport.
Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:
Ikipe ya APR FC yatsinze umukino w'ikirarane yari ihanganyemo na Rutsiro FC ibitego 2-0,bituma yanikira Kiyovu Sports iyikurikira ku mwanya wa 2 ku rutonde rw'agateganyo rwa shampiyona.
APR FC yaherukaga gutsindwa na Mukura VS igitego 1-0 ndetse igatakaza agahigo kayo ko kurenza imikino 50 idatsindwa,yiyunze n'abafana bayo itsinda Rutsiro FC.
APR FC yatsinze uyu mukino ibifashijwemo na Mugisha Gilbert wafunguye amazamu ku munota wa 45 na Bizimana Yannick watsinze icya kabiri ku munota wa 61.
Muri uyu mukino,ikipe ya Rutsiro FC yahushije penaliti 2 zirimo iyakuwemo n'umunyezamu Ishimwe Pierre.
APR FC irangije igice kibanza cya shampiyona iyoboye n'amanota 34 mu gihe Kiyovu Sports iyikurikiye ifite 29.
APR FC irangije igice kibanza cya shampiyona ihagaze neza,ikaba yiteguye gutangira icya 2 mu cyumweru gitaha.
Uko igice kibanza cya shampiyona kirangiye
Amakuru atangwa na GBC aravuga ko muri Ghana, umugore wari umaze imyaka 15 ashatse ariko yarabuze umwana, yabyaye abana bane icyarimwe, abakobwa babiri n'abahungu babiri.
Joana Antwi n'umugabo we w'imyaka 66 y'amavuko uri mu kiruhuko cy'izabukuru,uzwi nka Peter Afriyie Kwarteng, bavuze ko iyi myaka yose batagira umwana yabagoye. Babyaranye umwana nyuma yo gushyingirwa, ariko ntiyabasha kubaho.
Antwi, umuganga mu kigo nderabuzima kiri mu mujyi wa Abofour, mu karere ka Ashanti muri Ghana, yatangarije GBC News ko icyuma cyabanje kwerekana ko atwite inda y'abana batatu. Nyuma, abaganga bavumbuye ko ari bane.
Antwi yibarutse aba bana batagejeje igihe cyo kuvuka abazwe ku myaka ye 46. We n'umugabo we wahoze ari umukozi wa sosiyete ya gari ya moshi, bavuze ko bashimira Imana kuba yarabahaye abana babo. Ariko, ntibazi ko bazababonera ibyo bazakenera.
Byarabagoye kwiyitaho mu myaka 15 ishize bonyine, ariko ubu bari kumwe n'abana bane, batinya ko ibintu bizagenda nabi.
Kuri ubu, aba bashakanye babana mu cyumba kimwe n'aba bana babo. Barahamagarira rero abantu n'imiryango y'abagiraneza kubafasha.
Inama ya Komisiyo ishinzwe imyitwarire muri FERWAFA yateranye ku wa gatatu tariki ya 19 Mutarama 2022 yasanze Perezida wa Gasogi United bwana KAKOOZA NKURIZA Charles yarakoze amakosa yo gusebya Perezida wa Kiyovu SC bwana MVUKIYEHE Juvenal nyuma y'umukino wahuje Ikipe ya Gasogi United na Gorilla FC. Komisiyo yamuhanishije gusiba imikino ine (4) n'ihazabu y'ibihumbi ijana (100.000 FRW), nubwo ibi bihano KNC yabijuririye, FERWAFA yabigumishijeho.
 'Komisiyo y'Ubujurire muri FERWAFA yateranye kuri uyu wa gatanu tariki ya 04 Gashyantare 2022 mu rwego rwo gusuzuma no gufata ibyemezo ku bujurire bwatanzwe ku byemezo Komisiyo ishinzwe imyitwarire iherutse gufatira Bwana KAKOOZA NKURIZA Charles, ikipe ya Etincelles FC n'abakinnyi bayo ndetse n'Ikemezo cy'Akanama Gashinzwe Gukemura amakimbirane ku kibazo cy'umukinnyi Armel Ghislain hagati ya Kiyovu na Gasogi utd.
1. Ubujurire bwa KAKOOZA NKURIZA Charles
Komisiyo y'Ubujurire yasanze kuba Bwana KAKOOZA NKURIZA Charles ataritabye ku wa 29/01/2022 Komisiyo nyuma yo gutumizwa mu buryo bwemewe n'amategeko kandi ariwe wajuriye bigaragaza ko nta nyungu abona agifite kukuba yajurira bityo yanzura ko Ikemezo cya Komisiyo ishinzwe imyitwarire kigumyeho mu ngingo zacyo zose.
Komisiyo ishinzwe imyitwarire yari yahanishije Bwana KAKOOZA NKURIZA Charles igihano cyo guhagarikwa imikino 8 harimo 2 isubitse ndetse n'ihazabu ry'ibihumbi ijana na mirongo itanu (150,000 Frw) nyuma yo kwemeza ko yakoze amakosa yo gusebya Perezida wa Kiyovu SC no gutesha agaciro umusifuzi.
2. Ubujurire bwa Etincelles FC
Nyuma yo kujuririra ikemezo cya Komisiyo y'imyitwarire cyo kudakinira umukino umwe ku kibuga cyayo ndetse n'ikirebana no guhagarika abakinnyi bayo BIZIMANA Omar, MUDEYI Souleyman na UWIHOREYE Ismael kubera imyitwarire idahwitse bagaragaje ku mukino Ikipe ya Etincelles FC yakinnye na AS Kigali ku itariki ya 12 Ukuboza 2021. Komisiyo y'Ubujurire yasanze nubwo ETINCELLES FC amakosa ayihama yaragerageje kwitwara neza mu kurinda ko abasifuzi basagarirwa bityo ikaba ari impamvu yo kugabanyirizwa ibihano aho kudakinira umukino ku kibuga cyayo ikaba yahanishijwe gukina umukino umwe wayo ukurikira nta bafana.
Ku birebana n'ibihano byari byahawe abakinnyi, Komisiyo yasanze BIZIMANA Omar na UWIHOREYE Ismael barasagariye abasifuzi nk'uko binagaragara mu mashusho yafashwe ku mukino bityo ibihano bari bafatiwe na Komisiyo y'Imytwarire ibigumishaho mu gihe MUDEYI Souleyman yakuriweho ibihano nyuma yo kubona ko ntaho agaragara mu makosa yo gusagagarira abasifuzi.
3. Ubujurire bwa Kiyovu ku kibazo cy'umukinnyi Ghislain Armel
Ku bijyanye n'ubujurire bwa Kiyovu ku kemezo cy'Akanama Gashinzwe Gukemura amakimbirane cyo ku wa 24/11/2021 kirebana n'ikibazo cy'umukinnyi Ghislain Armel iyo kipe ivuga ko Gasogi yamusinyishije mu buryo butemewe n'amategeko kuko amasezerano ye yaratararangira aho Akanama kemeje ko ibyo Gasogi yakoze nta makosa arimo kuko umukinnyi yayisinyiye asigaje amezi 2 ngo amasezerano ye arangire, Komisiyo yasanze nta nyungu uwajuriye ku bujurire bwe nyuma yo kubona ko atitabye ntanagaragaze impamvu yatumye atitaba.bityo yemeza ko ikemezo cy'Akanakama Nkemuramakimbirane kigumyeho.'
FERWAFA
Â
Â
The post FERWAFA yagumishijeho ibihano yafatiye KNC appeared first on IRIBA NEWS.
Source : https://iribanews.rw/2022/02/04/ferwafa-yagumishijeho-ibihano-yafatiye-knc/
Yiswe Zuhura Othman Soud, yabonye izuba kuwa 22 Ukuboza 1993 mu gace ka Zanzibar, bivuze ko afite imyaka ikabakaba 29. Yamamaye mu muziki nka Zuchu, ni umuririmbyi n'umwanditsi w'indirimbo ukomoka mu gihugu cya Tanzaniya.
Kuri ubu abarizwa mu mujyi wa Dar es Salaam, aho afitanye amasezerano na Label ya Wasafi ya Diamond Platnumz. Mu cyumweru kimwe atangiye afunguye konti kuri Youtube, yahise ashyikirizwa igihembo cy'umulinga w'ifeza nyuma y'uko yahise yuzuza abifuza kumukurikira bya buri munsi (subscribers) barenga ibihumbi 100.
Niwe muhanzikazi muri Afurika y'Uburengerazuba wabashije guca aka gahigo mu gihe cy'icyumweru kimwe, na none kandi yahise aca akandi gahigo ko kuzuza aba 'subscribers' bangana na miliyoni 1 mu gihe cy'amezi 11.
Mu mwaka wa 2020, yahawe igihembo mu bizwi nka AFRIMMA nk'umuhanzi uri kuzamuka mu buryo budasanzwe mu gihe gito. Zuchu si we muhanzi mu muryango wabo wenyine kuko ari umukobwa w'umuhanzikazi nawe w'icyamamare, ukomoka mu bwoko bw'abanyakenya ba Taarab, Khadija Kopa.
Zuchu yatangiye kuririmba akiri muto aho yakoranye indirimbo na nyina, Khadija Kopa yitwa Mauzauza kuri EP ye yise 'I am Zuchu' mu ntangiriro z'umuziki wa Zuchu mu buryo bwo kwigaragaza ku rubyiniro, hari mu mwaka wa 2015 mu biroriro byiswe TECNO OWN THE STAGE byabereye mu murwa mukuru wa Nigeria Lagos.
Mu buryo ariko bwemewe, yatangiye gukora umuziki kinyamwuga muri Mata 2020. Kugeza ubu, afite EP imwe iriho indirimbo 7. Afitanye indirimbo n'abahanzi b'ibikomerezwa barimo Diamond Platnumz, Joe Boy, Mbosso, nyina Khadija Kop na Rayvanny.
Zuchu amaze iminsi avugwa mu rukundo na Diamond Platnumz
Zuchu akimara gufungura konti ye kuri Youtube mu cyumweru kimwe yari amaze guhabwa igihembo cy’ifezaÂ
Zuchu na nyina Khadija
Abahanga mu by'ubumenyi mu gihugu cya Afrika y'epfo biganye urukingo Moderna rwa Covid, ikintu bavuga ko kizafasha kongera umubare w'abikingiza muri Afurika.
Umugabane wa Afurika kuri ubu, ni wo ufite imibare mike ku Isi y'abikingiza Covid-19. Ikigo cyakoze uru rukingo rushyashya, Afrigen Biologics â” kivuga ko cyizera gutangira kugeragereza uru rukingo ku bantu mu kwezi kwa Munyonyo/Ugushyingo (11).
Moderna mu ntangiriro yavuze ko itazashyira inzitizi ku kwigana urukingo rwayo, bituma abahanga mu bumenyi b'i Cape Town babona uburyo bwo kwikorera cyangwa kwigana ubwoko bwabo bw'urwo rukingo.
Abo bashakashatsi bari bashyigikiwe n'ishami ry'umuryango w'Abibumbye ryita ku buzima, OMS. Petro Terblanche, umuyobozi wa Afrigen Biologics, yavuze ko batangiye buhoro, ariko ko bari bafite umugambi wo kwagura ibikorwa vuba cyane.
Yabariye BBC dukesha iyi nkuru ko bakoresheje uburyo busa nk'ubwakoreshejwe ku rukingo rwa Moderna 1273. Ko kandi ibi biri mu mugambi w'Isi wo gushaka uburyo no kubaka ubushobozi mu bihugu bidakize kugira ngo bishobore kwirwanaho.
Uru rukingo rurimo kwiganwa, ni urwo mu bwoko RNA messenger / ARN messager rwakozwe n'ikigo Moderna cyo muri Amerika.
Pfizer-BioNTech nayo yakoze urukingo ikoresheje ubuhanga nk'ubwo. Ni zimwe mu nkingo abategetsi hirya no hino ku Isi, batangiye kwemerera gukoreshwa.
Ushinzwe ubuhanga n'ubumenyi muri icyo kigo, Dr Caryn Fenner, yavuze ko ibyagezweho 'ari ngirakamaro cyane'. Yongeyeho ati 'Bishyira ububasha mu maboko yacu bwo gushobora gukora inkingo zacu bwite mu hazaza, tugashobora kwitegurira ibindi biza bizashyika, tukageragereza inkingo ku butaka bwa Afrika hanyuma tukareba n'izindi ndwara zikora kuri Afrika'.
Byaratangajwe ko BioNTech, ikigo cyafatanije na Pfizer mu gukora urukingo rw'ubwoko mRNA â” kinafite imigambi yo gufungura ahakorerwa inkingo ku mugabane wa Afrika.
Hari n'iyindi migambi yo kubaka ahakorerwa inkingo muri Afrika, yibanda cyane cyane ku nkingo zakorewe mu Burusiya no mu Bushinwa.
intyoza
Source : https://www.intyoza.com/afurika-yepfo-yikoreye-urukingo-rwa-covid-19/
Mu gace yari atuyemo ngo nta muntu n’umwe wari ufite imodoka maze Twahirwa yegera umugabo wari ufite imodoka mu gace baturanye abantu bose bafataga nk’umukire wo mu rwego rwa ba Salomoni wo muri Bibiliya cyangwa Mirenge Sekuruza w’abatunzi b’Abanyarwanda.
Mu muryango wa Dodo nta muntu n’umwe wigeze atunga ikinyabiziga kugeza mu mwaka wa 1969 ubwo Nyirasenge yakinaga umukino w’amahirwe agatsindira igihembo cy’igare.
Ati 'Abantu bose bo mu rugo bifuzaga gutunga igare, ariko masenge wankundaga cyane yahisemo kurimpa, icyo gihe nari mfite imyaka icyenda'.
Yaje gutangira ubuzima bushya ahagana mu mwaka wa 1981, ubwo yinjiraga mu gisirikare cya Uganda. Mu gihe cy’imyaka itandatu gusa yari amaze kugera ku rwego rw’ipeti rya Kapiteni (Captain), abikesha ibikorwa bye by’indashyikirwa mu mirimo ya gisirikare yiganjemo intambara nyinshi zari muri icyo gihugu kuri icyo gihe.
Ubwo FPR Inkotanyi yatangizaga urugamba rwo kubohora igihugu mu mwaka wa 1990 Twahirwa yari mu b’imbere binjiye kandi yiteguye gutanga ikiguzi cyose byasabaga cyarimo no kuhaburira ubuzima.
Nyuma yo kubohora Igihugu muri Nyakanga 1994, mbere y’uko ajya mu kiruhuko mu mwaka wa 1998 afite ipeti rya Col, Twahirwa yamaze indi myaka ine mu ngabo za RDF.
Nubwo yagize intangiriro yoroheje y’ubuzima, kuri ubu Col (Rtd) Dodo yagize uruhare runini mu bikorwa by’ingendo zitwara abagenzi mu buryo bwa rusange mu Mujyi wa Kigali ndetse n’izihuza Umujyi wa Kigali n’ibice by’icyaro, ibikorwa yatangiye mu mwaka wa 1999.
Ku nguzanyo ya Miliyoni 80 amaze kujya mu kiruhuko, Col Twahirwa Dodo, yatangiye gushakisha amahirwe ashoboka maze mu gitondo kimwe cyo mu mwaka wa 1999, ajya kuri Banki y’ubucuruzi y’ u Rwanda (BCR), kuri ubu yahindutse I&M Bank, kandi yifitiye icyizere, abwira umuyobozi wayo Mukuru ko ashaka inguzanyo.
Ati 'Nta giceri na kimwe nari mfite mu mufuka kandi icyarushijeho kuba kibi, nta kintu na kimwe cy’ingwate kandi nyamara nkeneye amafaranga miliyoni 80 zo kugura ikamyo yo gucuruza, ndetse nta konti nari mfite ariko navuze ko nzayifungura, umuyobozi yambwiye ko bidashoboka kubona inguzanyo nta ngwate'.
Uwari ushinzwe inguzanyo yatumiwe mu biro by’umuyobozi Mukuru wa Banki maze hagati y’ibiganiro bagiranye havamo ijambo ryongereye akanyamuneza Col. Dodo wari mu kiruhuko.
Ati 'Bampaye inguzanyo kuko yavuze ko hari ibicuruzwa umuntu ashobora kubona inguzanyo kandi umutungo baguze ugahinduka ingwate muri Banki'.
Col. Dodo yaguze ikamyo maze ayishyira mu gutwara ibicuruzwa ariko ngo muri uwo mwaka hari ikintu cyamushimishije.
Ati 'Najyanye mushiki wanjye mu modoka ijya i Kampala maze mbona akajagari kari muri Gare ya Nyabugogo numvise ndakaye, aho abayoboraga abagenzi bashoboraga gushyira umwana muri bisi itandukanye n’iyo nyina yashyizwemo, bagashyira abagenzi muri bisi itandukanye n’iyo imizigo yabo ishyizwemo'.
Kugira ngo habeho impinduka Col Dodo yagiye mu buyobozi bw’Umujyi wa Kigali maze abasaba ko yarangiza ako kajagari kagaragaraga muri gare ya Nyabugogo.
Ati 'Nabajije abayoboraga gare ya Nyabugogo bambwira ko ari Njyanama y’Umujyi ubwayo ibikora, ndatangara, mbabwira ko nshaka kubishyira ku murongo, bati rwose Colonel uzakemure iki kibazo cyaratunaniye, nanjye nti mubindekere'.
Uko Guhitamo ATRACO byaje
Ubwo yahuraga n’ubuyobozi bw’Umujyi wa Kigali yabumenyesheje ko hari amashyirahamwe menshi y’abatwara abagenzi mu buryo bwa rusange ariko iy’ingenzi ikaba yari iyitwaga Association des Transporteurs en Commun (ATRACO).
Yagiye kuri ATRACO ajya guhura n’abari bayihagarariye batumvaga uko umusirikare mukuru ashaka kwishora mu bikorwa byabo.
Ati 'Nababwiye ko nshaka kubagira inama kandi twahise dutangirira aho'.
Igihe yinjiraga muri ATRACO, ryari ishyirahamwe rifite imodoka nyinshi ntoya zitwara abagenzi mu buryo bwa rusange zifite imyanya y’abagenzi 18 bicaye.
Icyo gihe umushoferi yabyukaga afite gahunda yo gutwara Kimisagara-Nyabugogo umunsi umwe, bwacya agatwara Nyabugogo-Kimironko.
Ati 'Twatangiye gushyiraho imirongo no kubaha imodoka zihariye, twashyizeho gahunda kandi igihe twasangaga bishoboka muri Kigali, iyi gahunda twayishyizeho no ku modoka zitwara abagenzi mu Ntara'.
Byinshi ku bikorwa bye mu guteza imbere ubwikorezi mu Rwanda, n’andi makuru yerekeranye n’ubuzima bwe, bikurikire muri iyi video:
Abategetsi muri Brazil bafunze inzu y'ubucuruzi i Rio de Janeiro nyuma y'uko umusore w'imyaka 24 wayikoragamo akubiswe kugeza apfuye, nk'uko polisi y'uwo mujyi yabitangaje kuwa gatatu.
Amashusho ya camera z'umutekano yarekanye itsinda ry'abagabo rihondagura Moïse Kabagambe rikoresheje ubuhiri n'inkoni nini zikinishwa baseball kugeza apfuye.
Polisi yaho yatangaje ko yataye muri yombi abagabo batatu mu gihe uwa kane ari gushakishwa mu iperereza ku iyicwa ry'uyu musore ukomoka muri DR Congo.
Kabagambe yimukanye n'umuryango we bajya muri Brazil mu 2011 bahunze intambara, nk'uko nyina Ivana Lay yabibwiye ibinyamakuru byaho.
Lay yavuze ko umuhungu we yakubiswe tariki 24 z'ukwezi gushize kwa Mutarama nyuma y'uko asabye ba nyiri ubucuruzi kumwishyura iminsi yari amaze akora atanga ibinyobwa.
Ku munsi yapfuyeho, nk'uko abo mu muryango we babibwiye BBC Mundo, Moïse yabwiye inshuti ye ko agiye kwishyuza amafaranga yakoreye kuri kiosk.
Abo bavuga ko akimara kwishyuza iminsi yakoze aho hantu yahise atangira gusagarirwa.
Amashusho yerekanye uko byagenze yatangajwe kuwa kabiri n'ibinyamakuru muri Brazil.
Mu nyandiko ya polisi, bivugwa ko ibyo byatangiye ahagana saa yine z'ijoro, ubwo umugabo yafataga inkoni naho Moïse agafata intebe.
Nyuma gato, abandi bagabo babiri baraza, bafatanyije bakubita uyu muhungu hasi maze batangira kumuhondagura.
Ku mashusho, Moïse agaragara akubitwa amakofe, imigeri, inkoni n'ubuhiri. Hashize iminota 10, aba bantu bahambiriye amaguru n'amaboko ye bakoresheje umugozi. Mu gihe runaka aryamye hasi, batangira kugerageza kumugarurira umwuka.
Abo hafi y'umuryango we bavuga ko atigeze atabarwa n'abashinzwe ubutabazi mu gihe kirenze iminota 40 ibyo birangiye, ko bahageze yamaze guca.
Mu nyandiko polisi yahaye BBC Mundo, ivuga ko itigeze itabazwa mu gihe urwo rugomo rwariho ruba.
Kuri Twitter, Brenno Carnevale umunyamabanga ushinzwe umutekano muri Rio de Janeiro avuga ko ubu bwicanyi ari 'ubugwari' kandi yihanganisha umuryango wa Kabagambe uri mu gahinda.
Carnevale yongeyeho ko 'yahise ahagarika ibikorwa by'iyo kiosk y'ubucuruzi' iri ku mwaro w'inyanja ifite aho ihuriye n'ubu bwicanyi.
Kuri Twitter kandi, Eduardo Paes ukuriye umujyi wa Rio de Janeiro yanditse ko iyicwa rya Kabagambe 'ritakwihanganirwa kandi ribabaje cyane' yongeraho ko ababikoze bazahanwa.
Lay Ivana we arasaba ubutabera ku muhungu we wishwe.
Yabwiye ikinyamakuru Extra cyo muri Brazil ati: 'Umuhungu wanjye bamuvunnye umugongo, bamuvuna ijosi. Narahunze ngo tuticwa⦠ariko hano bamwishe nk'igikoko.'
Umuryango wa Moïse uva mu bwoko bw'aba Hema. Amakimbirane hagati yabwo n'abo mu bwoko bw'aba Lendu amaze kugwamo abantu benshi mu burasirazuba bwa DR Congo.
Placide Ikuba wageze muri Brazil mu gihe cyegeranye na Moïse kandi wari umuzi, yabwiye BBC News ko se wa Moïse yari muri politiki ya Congo maze agira impungenge ku mutekano w'umuryango we, maze ahitamo ko abahungu be bava mu gihugu.
Moïse, nyina n'abavandimwe be babonye ibyangombwa nk'impunzi muri Brazil, batangira kumenyera ubuzima bwaho babifashijwemo n'abandi banyecongo bahasanze.
Nsuka Kaluba, wahoze akuriye ihuriro ry'abanyecongo baba muri Brazil yavuze ko Moïse yari umwana wari ukunzwe cyane mu ihuriro. Wagiraga ubuntu, wakundaga buri gihe kuba ari hamwe n'inshuti ze.'
Nyina avuga ko umuhungu we aha yiciwe yabanje no kuhakora mbere, kandi yari azi buri wese muri ako gace.
Iyicwa rya Kabagambe ryateye uburakari benshi rituma n'abantu ku mbuga nkoranyambaga â” barimo n'abazwi cyane muri Brazil â” basaba ubutabera.
Ihuriro ry'abanyecongo baba muri Brazil bakoze imyigaragambyo kuri kiosk yiciweho Kabagambe.
Ivangura rishingiye ku bwoko riracyaboneka mu bice byinshi bya Brazil, aho abirabura b'abanyabrazil kenshi bibasirwa.
Tainá de Paula umujyanama w'uyu mujyi wa Rio de Janeiro kuri Twitter yahuje iyicwa rya Kabagambe n'urugomo rushingiye ku rwango rwibasira abanyamahanga.
Ati: 'RJ (Rio de Janeiro) ni umujyi wa kabiri wakira abimukira benshi muri Brazil. Biriya ni urwango! Ni ivanguramoko! Ubutabera kuri Moïse!'
Kabagambe ni umuntu wa gatanu ukomoka muri DR Congo wiciwe muri Brazil kuva mu 2019, abo biciwe mu mijyi ya Rio, São Paulo na Brasilia, nk'uko CNN ivuga ko ibicyesha ambasade ya Congo muri icyo gihugu.
BBCÂ
The post Brazil: Abashinjwa gukubita Moïse Kabagambe kugeza apfuye batawe muri yombi appeared first on IRIBA NEWS.
Umuntu umwe yitabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19 ni 1,445 nk’uko imibare yatangajwe ibigaragaza.
Ni amatungo agizwe n’ihene 100 hamwe n’ingurube 200, yagenewe abaturage bo mu mirenge 10 yo mu Karere ka Gicumbi, mu muhango wabereye mu Kagari ka Ngondore mu Murenge wa Byumba, kuri uyu wa Gatanu tariki 04 Gashyantare 2022.
Ni muri gahunda y’ibikorwa bisanzwe bikorwa na BK, byo gufasha abaturage batishoboye bikubiye mu nkingi eshatu zirimo kubungabunga ibidukikije, uburezi hamwe no guhanga udushya, ariko bikaba bishobora kwiyongeraho n’ibindi birimo ubuzima, mu rwego rwo gufasha abaturage kurushaho kugira ubuzima bwiza ndetse no kwiteza imbere.
Ibyo bikorwa bikaba bitegurirwa ingengo y’imari ingana na 1% by’urwunguko Banki ya Kigali iba yagize mu gihe cy’umwaka, aho kuri ubu abaturage bahawe amatungo afite agaciro kangana na miliyoni 15.
Aloys Nshimiyimana ufite ubumuga bwo kutabona atuye mu Kagari ka Nyarutarama mu Murenge wa Byumba, avuga ko yagizweho ingaruka n’icyorezo cya Covid-19, kuko cyatumye ntacyo asigarana.
Ati 'Ibyo twari dufite twarabiriye ibindi biratesekara kubera kutabikora bitewe na corona, aho yagabanukiye baratwibutse baduhaye amatungo. Ndumva azadufasha mu buzima tukabasha kubaho neza, kuko bizamfasha kubona ifumbire yo kuzajya mpingisha imboga, kandi azororoka nzajye ngurisha nk’ibyana biyavutseho, mbashe kugura umwenda wo kwambara no kuguramo icyo kurya'.
Akomeza agira ati 'Nabyakiriye neza kubera y’uko abafite ubumuga cyera ntabwo twigeze tugerwaho n’ibintu nk’ibi, kuba rero muri iki cyerekezo tugezemo batwibuka natwe nk’abantu bafite ubumuga, bakabasha kuduha aya matungo. Ni igikorwa cyiza cyane twishimiye'.
Dominique Bizimana, umuyobozi w’ihuriro ry’imiryango nyarwanda y’abafite ubumuga (NUDOR), avuga ko bashimishijwe n’ubufatanye bwatangiye hagati yabo na BK.
Ati 'Ni igikorwa cyadushimishije kubera y’uko abantu bafite ubumuga, cyane cyane muri ibi bihe bya Covid-19 bahuye n’ibibazo, uwari ufite umutungo, umurimo yakoraga, usanga imibereho yarasubiye inyuma. Kubona BK baza koroza abaturage, umuntu afite itungo yarifata neza rigatuma ashobora kwiteza imbere'.
Umuyobozi ushinzwe ibikorwa muri BK, Emmanuel Nkusi Batanage, avuga ko bishimiye gutanga umusanzu ku baturage b’u Rwanda, by’umwihariko abagizweho ingaruka n’icyorezo cya Covid-19.
Ati 'Twemera ko abafite ubumuga bagizweho ingaruka n’icyorezo kurusha abandi, bityo bakeneye no kwitabwaho kurusha abandi, byose bikaba bijyanye n’ubumuga bafite, bigatuma barushaho kwibasirwa n’ingaruka ziterwa no kutagera uko bikwiye kuri serivisi z’ubuzima cyangwa ibindi bakenera bijyanye n’imari. Twizeye ko bazita ku ngurube n’ihene bahawe, kuko bizagirira akamaro imiryango yabo ndetse n’abandi bafite ubumuga'.
Umuyobozi w’Akarere ka Gicumbi wungirije ushinzwe iterambere ry’ubukungu, Parfaite Uwera, avuga ko bishimiye iterambere ry’abafite ubumuga mu karere.
Ati 'Abafite ubumuga ni Abanyarwanda nk’abandi, bakwiriye gutezwa imbere, cyane cyane ko bafite ubumuga ariko nanone bikabafasha nabo kwiyumvamo cya cyizere cy’uko koko na bo bashoboye nk’abandi Banyarwanda. Bituma bashobora kwiteza imbere bakagira icyo bakora, ubuzima bugahinduka'.
Mu Karere ka Gicumbi habarirwa abafite ubumuga 4,745 babarizwa mu mirenge 21, imibare iheruka y’ibarura ry’abaturage ryo mu mwaka wa 2002 yerekana ko abafite ubumuga mu Rwanda basaga gato ibihumbi 540, ariko uyu mubare ushobora kuba urenga kuko hari ibyiciro byirengagijwe, hakaba hategerejwe imibare nyayo izaturuka mu ibarura rizaba muri uyu mwaka.
