Category: Uncategorized

Tanasha Donna wahoze ari umukunzi wa Diamond Platnumz banabyaranye umwana w’umuhungu yavuze ko Diamond adashobora gukora ubukwe na Zuchu bivugwa ko bakundana.

Hamaze iminsi muri Tanzania havugwa inkuru z’uko urukundo rugeze aharyoshye hagati ya Diamond n’umuhanzikazi Zuchu ubarizwa mu nzu itunganya umuziki y’uyu muhanzi ya Wasafi Classic Baby (WCS).

Kuva mu kwezi k’Ukuboza 2021 nibwo inkuru z’uko aba bakundana zatangiye kuvugwa, ndetse amakuru avuga ko bazakora ubukwe tariki ya 14 Gashyantare 2022 ku munsi w’abakundana. gusa Zuchu we yagiye abihakana avuga ko atari mu rukundo na Diamond kandi amwubaha nk’umukoresha we.

Kuva byatangira kuvugwa, ababyaranye na Diamond Platnumz yaba Zari, Tanasha na Hamisa Mobetto baracecetse bari baranze kugira icyo bavuga.

Ikinyamakuru Global Publishers, cyatangaje ko nyuma yo guhatirizwa cyane ngo agire icyo avuga kuri ubu bukwe burimo kuvugwa, maze mu magambo make, Tanasha Donna agira ati 'sintekereza ko bizabaho.'

Abarimo nyina wa Diamond, umuhanzi Rayvanny ni bamwe mubakomeje gushyushya inkuru y’urukundo rwa Dimond na Zuchu.

Hamaze iminsi havugwa ikibazo cy’urukundo hagati ya Diamond na Zuchu

Tanasha avuga ko atabona Zuchu na Diamond bakora ubukwe

Mu nteguza y’igitaramo The Ben azahuriramo na Masamba Intore, bigaragara ko kizaba tariki 12 Werurwe 2022 kikabera muri Leta Zunze Ubumwe za Amerika muri Marriott Dallas, kuva saa tatu kugeza saa yine z’ijoro. Ni igitaramo cyateguwe n’Umuryango w’abanyarwanda baba hanze y’u Rwanda ku bufatanye na Ambasade y’u Rwanda muri Amerika. 

Iki gitaramo kizaba ku itariki twavuze haruguru mu kwizihiza Umunsi mpuzamahanga w’Abagore usanzwe wizihizwa buri mwaka tariki 08 Werurwe. Umunsi Mpuzamahanga wahariwe umugore, watangiye kwizihizwa mu 1921, utangizwa mu rwego rwo kuzirikana abagore bigaragambije bwa mbere baharanira uburenganzira bwabo ku wa 8 Werurwe 1917 mu gihe cy'impinduramatwara (Revolution) y'Abarusiya.

The Ben agiye gukora iki gitaramo afite indirimbo ikunzwe ‘Why’ yakoranye na Diamond kuri ubu yamaze kuzuza miliyoni eshanu y’abayirebye

Uyu munsi watangiriye muri iki gice ya Aziya ariko uko iminsi yagiye yicuma imbere ni ko wagendaga ukwira no mu Burayi na Amerika aho ku ya 28 Gashyantare uhereye mu 1909 muri Leta Zunze Ubumwe za Amerika hizihizwa umunsi w'igihugu w'Abagore (National Woman's Day).

N'ubwo ariko wakomeje kuba umwihariko muri ibi bihugu mu 1977 ni bwo Umuryango w’Abibumbye (UN/ONU0 wemeje ko uyu munsi uba umwe mu minsi 87 mpuzamahanga, nk'umunsi Mpuzamahanga w'Abagore, aho ku isi yose mu bihugu byose abantu bizihiza uyu munsi bakongera gutekereza ku iyubahirizwa ry'uburenganzira bw'umugore.

Integuza y’igitaramo The Ben agiye gukorera muri leta ya Texas

Kuri uyu munsi mu bihugu bitandukanye ku Isi abagore bagira umwanya uhagije wo kugaragaza ibitekerezo byabo, bakabasha kwerekana aho babona uburenganzira bwabo butubahirizwa, bakishimira ibyo bagezeho bakanategura ejo habo hazaza. Ahenshi ku isi abagore bakora ibirori bikomeye ariko hari n'abahitamo kwigumira mu ngo iwabo bakishimira ko isi yabashije guha agaciro k’umugore.

Masamba umwe mu bahanzi bakunzwe mu njyana Gakondo azaririmba muri iki gitaramo

Itorero Indatwa rimenyerewe mu mbyino Gakondo muri Amerika naryo rizaririmba muri iki gitaramo

KANDA HANO UREBE INDIRIMBO WHY YA THE BEN AFATANYIJE NA DIAMOND

Amakuru avuga ko uyu mukecuru yatangiye ishuri mu myaka irenga itanu ishize. Atangira kwiga yatangiriye mu mashuri abanza ku ishuri ribanza rya Leaders Vision Preparatory School riri mu gace ka Ndalat, mu gihugu cya Kenya.

Priscilla Sitienei aherutse kugira isabukuru y'imyaka 99 y'amavuko mu minsi micye ishize, mu mwabaro w'ishuri iyo ari mu ishuri aba yandika mu ikaye hamwe n'abanyeshuri bagenzi be arusha imyaka irenga mirongo inani.

Uyu mukecuru uzwi cyane ku kazina ka Gogo yatangaje ko yavutse ndetse akura mu gihe kwiga byari bigoye akaba ariyo mpavu yatumye atagera mu ishuri.

Priscilla bivugwa ko ashobora kuba ariwe muntu ukuze ku Isi wiga mu mashuri abanza. Ku ishuri yigaho ninaho higa abana batandatu b'abuzukuruza be (ubuvivi).

Mu mwambaro w'ishuri uyu mukecuru yavuze ko yasubiye mu ishuri kugira ngo abere urugero rwiza abuzukuruza be ndetse akomeze urugendo rwo kugera ku nzozi ze zo kuba umudogiteri.

Mu magambo ye ubwo yaganiraga n'ibiro ntaramakuru by'Abongereza, Reuters yagize ati: 'Ndashaka kuzaba umudogiteri kubera ko nigeze kuba umubyaza.' Yakomeje avuga ko abana be bamushyigikiye ubwo yafataga iki cyemezo cyo gusubira mu ishuri.

Priscilla afite inzozi zo kuba umugoditeri

Mu mwaka ushize kandi uyu mukecuru aheruka kujya mu mujyi wa Paris mu Bufaransa mu gikorwa cyo kumurika filime yiswe 'Gogo' ivuga ku rugendo rwe rwo gutangira ishuri, hari nandi makuru avuga ko mu minsi iri imbere azajya muri Leta Zunze Ubumwe za Amerika kumurika iyi filime.  Iri zina 'Gogo' risobanura Nyogokuru mu rurimi rwa Kalenjin ruvugwa muri Kenya.

Priscilla yavuze ko abana be bamushyigikiye ku cyemezo yafashe cyo gusubira mu ishuro

Ubwo yaganiraga n'itangazamakuru Priscilla yavuze ko ashimishwa cyane no kuba ari ku ishuri hamwe n'abuzukuruza be ndetse n'umwarimu umwigisha yatangaje ko mu ishuri ariwe uba ucunga abanyeshuri ngo badasakuza iyo atari mu ishuri.

 

Abitabiriye itorero ngo baryitezeho byinshi mu kuzamura ubumenyi buzabafasha mu kazi kabo

Ni amahugurwa yateguwe ku bufatanye na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE), ku nsanganyamatsiko igira iti 'Twimakaze indangagaciro n’imyitwarire mbonezamurimo'.

Ubwo hatangizwaga iryo torero ku wa gatatu tariki 09 Gashyantare 2022, abo bakozi baranzwe n’akanyamuneza na morale nyinshi, babwiye Kigali Today bimwe mubyo biteze muri ayo mahugurwa.

Nkurunziza Victorien ati 'Icyo numva niteze muri iri torero, ni ugukarishya indangagaciro na kirazira zikwiriye umukozi ukora mu kigo ngororamuco, turushaho kunoza umurimo. Uzabona nk’umukozi wabaswe no guhora akererwa ku kazi, nk’iyo mbogamizi tuzava hano irangiye. Tuje gukarishya, si uko tutari tubizi ariko gukarishya tukumva neza icyo twakora bizarushaho kuba byiza mu mitangire ya serivisi'.

Mu batanze ibiganiro harimo na CP Bruce Munyambo kuri gahunda y’uburyo Polisi y’igihugu ibona gahunda yo guca ubuzererezi n’ibikwiye kwitabwaho

Gumyusenge Sandrine ati 'Turashimira ubuyobozi bwa NRS n’ubw’igihugu muri rusange, bwatugeneye aka kanya ko kuza gutorezwa muri ikigo cy’Ubutore cya Nkumba, bizadufasha kunguka indangagaciro ziranga Umunyarwanda'.

Arongera ati 'N’ubundi twari dusanzwe hari izo dufite ariko tuje kuzishimangira, ibyo bikazadufasha kwita ku rubyiruko duhura narwo mu buzima bwa buri munsi dufasha kugororoka, kugira ngo nabo tubinjizemo izo ndangagaciro zizabafasha guhindura imyitwarire, imigirire n’imikorere, bavemo Abanyarwanda beza babereye igihugu'.

Mu ntego nyamukuru z’iryo torero rigabanyije mu masibo atanu, harimo gutoza abakozi indangagaciro z’umuco nyarwanda n’imyitwarire mbonezamurimo, hasuzumwa n’ishyirwa mu bikorwa ry’inshingano za NRS, hafatirwa hamwe ingamba zo kunoza imikorere.

Hari na gahunda yo kwisuzuma mubyo bakora muri gahunda y’igororamuco, no kwemeranya uburyo bushya bukoreshwa mu kugira igihugu kitarangwamo ubuzererezi, nk’uko Kigali Today yabitangarijwe na Mufulukye Fred, Umuyobozi mukuru wa NRS.

Mufulukye Fred, Umuyobozi wa NRS

Ati 'Kugira igihugu kitarangwamo ubuzererezi ni inshingano twahawe. Dufite ibigo bitatu birimo ikiri i Nyamagabe cyashinzwe muri 2019, ikiri i Gitagata mu karere ka Bugesera cyashinzwe kera cyane ariko kigenda gihindurirwa inshingano, n’ikigo cya Iwawa cyashinzwe muri 2010, hakabaho n’abakozi bo ku cyicario gikuru. Twese twahuriye hano kugira ngo dusubize amaso inyuma, dutekereze cyane kuri iyo nshingano igihugu cyadushinzwe, ese tuyikora dute?'

Arongera ati 'Twaje rero kugira ngo twisuzume, tunahuze uburyo bwo kugorora bariya baba baragaragayeho ibikorwa by’ubuzererezi n’indi myitwarire itari myiza. Iirasaba ko dushyiraho ingamba zajyanye no gukumira'.

Abo batozwa bitezweho ubumenyi, umuco w’ubutore n’indangagaciro zizabafasha kurushaho kunoza inshingano bashinzwe, nk’uko Kayitesi Anitha, Umuyobozi Nshingwabikorwa ushinzwe ubumwe n’itorero n’uburere mboneragihugu muri MINUBUMWE yabibasabye, ubwo yafunguraga ku mugaragaro iryo torero.

Yagize ati 'Turagira ngo iyi minsi itanu tuzayimare tuganira ku mirimo bashinzwe, ariko cyane cyane tuganira ku muco w’ubutore ari nawo twifuza ko bazageza ku babaca mu biganza, akenshi baba bafite uko barebwa muri sosiyete'.

Arongera ati 'Bazamenya uko babakira kandi bamenye n’icyo babagaburira, ikintu cyiza bazamubibamo kizatuma igihe azaba asubiye muri sosiyete bazamubonamo akazagenda ari undi muntu. Turagira ngo tuganire nabo tureba tuti ese ni iki gikenewe, wa wundi uza abasanga ni iki aba yabuze gutuma abasanga aho ngaho'.

Kugeza ubu mu bigo ngororamuco bitatu, Iwawa, Gitagata na Nyamagabe, hamaze kunyura abagera ku 41,100, biyongeraho umubare utari muto w’abanyuzwa mu bigo by’uturere bizwi ku izina rya 'Transit centers'.

Leta y’u Rwanda ikaba irajwe ishinga no gushyira imbaraga mu gutoza Abanyarwanda, gukumira icyo kibazo cy’ubwiyongere bukabije bw’abakomeje kugana ibyo bigo, ishyiraho ingamba zinyuranye zirimo kongera abakozi bize ibijyanye n’imitekerereze muri ibyo bigo.

Abahugurirwa mu bigo ngororamuco bigishwa imyuga inyuranye