Category: Uncategorized

Youvia yagersgeje kwishyura ibitego ariko biranga

Mu mukino ubanza wa ½ wabereye i Kayonza, ikipe ya Kayonza WFC yari yatsinze Youvia WFC ibitego 4 ku busa, bivuze ko byasabaga ikipe ya Youvia kuzakora iyo bwabaga igatsinda ibitego biri hejuru ya 4 ku busa mu mukino wo kwishyura, kugira ngo yizere gusezerera Kayonza WFC, ndetse inerekeze mu kiciro cya mbere.

Ntabwo bwakuze rero kuko mu mukino wo kwishyura wabaye ku wa Gatandatu taliki 12 Gashyantare 2022 i Masoro warangiye ikipe ya Youvia WFC itsinze Kayonza ibitego 4-2, bituma ihita itakaza amahirwe yo kwerekeza mu kiciro cya mbere, kuko ikipe ya Kayonza WFC niyo yahise izamuka ku giteranyo k’ibitego 6-4.

Tuyishimire Angelique aracyari muri koma

Nyuma y’uwo mukino, abakinnyi ba Youvia WFC bananiwe kubyakira dore ko ari nawo mukino bari batsinzwe rukumbi kuva batangira shampiyona, maze amarira aba benshi mu bakinnyi ba b’iyo kipe, ndetse bamwe birakomera bajyanwa no kwa muganga. Uwitwa Tuyishimire Angelique we yananiwe kubyakira ahita ajya muri koma (coma) biba ngobwa ko yoherezwa i Kigali mu bitaro bya CHUK, kugeza magingo aya akaba ataranakanguka, gusa abo bari kumwe bandi batatu bo bakaba barahise basezererwa basubira mu rugo.

Aganira na Kigali Today, umuyobozi wa Youvia FC, Ndarama Mark, yavuze ko amakuru bahabwa n’abaganga avuga ko angelique ameze neza nta kindi kibazo afite, umutima uratera neza usibye kuba akiri muri koma kandi bizeye ko aza gukanguka, ndetse anasobanura icyaba cyateye ibi.

Youvia WFC

Ati 'Angelique we aracyari kwa muganga ubu ari CHUK niho arwariye, ari muri koma ariko amakuru abaganga baduha batubwira ko ameze neza. Bagenzi be bo bamaze gutaha n’ubu turi kumwe ndetse turimo kubaganiriza tubabwira ko bibaho. Icyateye ibi ni ukunanirwa kwakira gutsindwa na Kayonza WFC ndetse bakabura n’amahirwe yo gukina mu kiciro cya mbere, kuko kuva twatangira shampiyona bari bataratsindwaho na rimwe'.

Abandi bakinnyi bari batwawe kwa muganga harimo Dukuzumuremyi M. Claire umaze gutsindira iyi kipe ibitego byinshi, ndetse akaba yari yanatsinze ibitego 2 muri uyu mukino wabaye ku wa gatandatu. Hari kandi Muhayimpundu Ratif ukina hagati ndetse na myugariro wabo w’ibumoso Umutoniwase Denise.

Kayonza FC izakina mu cyiviro cya mbere umwaka utaha

Youvia WFC yasoje ku mwanya wa mbere mu itsinda rya mbere, aho mu mikino 10 yakinnye yatsinzemo 9 ikanganya umwe. Ibyo byatumwe ihura n’ikipe ya Kayonza WFC yo yari yabaye iya 2 mu itsinda rya B birangira inayisezeye, bivuze ko amakipe y’Iburasirazuba, Kayonza WFC na IPM WFC, ari zo zizahura ku mukino wa nyuma, ndetse zikazakina mu kiciro cya mbere umwaka utaha.

Basohoka mu Rwambariro

Abafana bari benshi bakaniye

Abayobozi muri Somalia baraganira n’ab’u Rwanda ku bijyanye n’imiyoborere

Ni ibiganiro bitangira guhera kuri uyu wa Mbere tariki 14 kugeza 18 Gasyantare 2022, bikaba bigomba kwakirwa n’Ihuriro ry’Uturere n’Umujyi wa Kigali mu Rwanda (RALGA), ikaba yarabiteguye ku bufatanye na Minisiteri y’Umutekano n’Ububanyi n’amahanga ya Somalia.

Abayobozi bo mu gihugu cya Somalia nibo bahisemo guteranira mu Rwanda, ahanini hagamijwe kugira ngo bigire ku mikorere y’inzego z’ibanze mu Rwanda, no ku ntabwe u Rwanda rumaze gutera mu zindi nzengo zitandukanye, zirimo Ubumwe n’Ubwiyunge ndetse n’Iterambere.

Umunyamabanga Mukuru wa RALGA, Ladislas Ngendahimana

RALGA ivuga ko ibi biganiro ari umwanya mwiza wo kuganira ku miyoborere mu gihugu cya Somalia, ibibazo bijyanye n’igihugu cyabo, birimo iterambere ry’Imijyi, kwegereza ubuyobozi abaturage, ibibazo by’ubuhunzi, guhangana n’ibiza ndetse n’imitangire ya serivisi.

Ibyo u Rwanda rumaze kugeraho mu miyoborere byakwifashishwa nk’ingero, n’icyitegererezo cy’ibyo abayobozi ba Somalia bakwigira mu Rwanda, mu bijyanye no kugerageza guteza imbere igihugu cyabo.

Muri urwo ruzinduko bikaba biteganyijwe ko abayobozi bo muri Somalia, bazasura ibigo n’ibice bitandukanye yaba mu Mujyi wa Kigali ndetse no mu bindi bice by’igihugu, hagamijwe kugira ngo bamenye byimbitse inzira yo kwiyubaka u Rwanda rwanyuzemo rwishakamo ibisubizo.

Umunyamabanga Mukuru wa RALGA, Ladislas Ngendahimana, avuga ko ari iby’agaciro kuba u Rwanda rwakiriye iyi nama kuko bigaragaza icyizere ku bimaze kugerwaho n’inzego z’ibanze mu Rwanda, mu kwegereza ubuyobozi abaturage ndetse n’iterambere.

Minisitiri Gatabazi na we yitabiriye ibyo biganiro

Umuyobozi Mukuru muri Minisiteri y’Umutekano, n’Ububanyi n’amahanga ya Somalia, Said Abdullahi Alasow, avuga ko kuba u Rwanda hari byinshi rwagezeho mu myaka 20 ishize mu bijyanye n’ubumwe, ubwiyunge ndetse n’iterambere, ari iby’agaciro kuba bagiye kurwigiraho, kuko bizafasha igihugu cyabo mu rugendo cyatangije, mu rwego rwo kugerageza kwiyubaka.

Mu gitondo cyo kuri uyu wa Mbere, tariki 14 Gashyantare 2022, amazi y’umugezi wa Nyabarongo nibwo yabaye menshi ku Cyiraro cya Cyome urujya n’uruza rurahagarara nyuma y’uko ku ruhande rw’Akarere ka Ngororero amazi afunze umuhanda.

Polisi y’u Rwanda yifashishije urukuta rwayo rwa Twitter, yavuze ko umuhanda Muhanga-Ngororero-Mukamira utakiri nyabagendwa kubera amazi y’umugezi wa Nyabarongo, basaba abagenzi bakoresha uyu muhanda kwifashisha umuhanda wa Kigali-Musanze-Rubavu.

Ubutumwa batanze bugira buti: “Turabamenyesha ko kubera imvura nyinshi, amazi y’umugezi wa Nyabarongo yafunze umuhanda Muhanga-Ngororero-Mukamira, ubu ukaba utari nyabagendwa. Muragirwa inama yo gukoresha umuhanda Kigali-Musanze-Rubavu.”

Mwaramutse,

Turabamenyesha ko kubera imvura nyinshi, amazi y’umugezi wa Nyabarongo yafunze umuhanda Muhanga-Ngororero-Mukamira ubu ukaba utari nyabagendwa.

Muragirwa inama yo gukoresha umuhanda Kigali-Musanze-Rubavu.

Murakoze

— Rwanda National Police (@Rwandapolice) February 14, 2022

Bizimana Sixbert, Umunyamabanga Nshigwabikorwa w’umusigire w’Umurenge wa Rugendabari mu Karere ka Muhanga, avuga ko ku ruhande rwa Muhanga ntakibazo hafite ndetse n’icyiraro cya Cyome kitarengewe ahubwo amazi yafunze umuhanda hafi n’aharemera isoko rya Cyome.

Yagize ati: “Bitewe n’imvura yaraye igwa ari nyinshi, kugeza mu gitondo n’aya masaha ku ruhande rwa Muhanga ntakibazo dufite, ahubwo urenze ikiraro gato hakurya muri Ngororero nibwo muri iki gitondo amazi yamaze gufunga umuhanda kubera ko kuva mu gitondo yagiye yiyongera bigaragara none ubu yamaze kuzura umuhanda si nyabagendwa.”

Bizimana Sixbert akomeza avuga ko n’abanyamaguru batabasha kwambuka kuko bakajije umutekano barinda ko hari uwatwarwa n’amazi ashaka kwambuka.

Yagize ati 'Ubu impande zose harafunze, urahazi ahegereye aho Abashinwa bakoreraga niho Nyabarongo yuzura ikarenga igishangwa ikaza mu muhanda kuko ni ahantu hari hasi haringaniye. N’abanyamaguru ntabwo babasha kwambuka, hafunzwe hose kugirango bitagira impanuka biteza kugeza uruzi rusubiye hasi abantu bakabasha kwambuka.'

Aya akaba atari ubwa mbere afunze uyu muhanda kuri iki cyiraro cya Cyome, biterwa akenshi n’imvura iba yaguye ari nyinshi mu turere twohereza amazi mu mugezi wa Nyabarongo, gusa Bizimana Sixbert, yabwiye UMUSEKE ko kubera muri Muhanga nta mvura iri kugwa bidashobora gufata igihe kirekire amazi ataragabanuka.

Ati: “Ubu muri Muhanga dufite umucyo ntabwo mu gitondo ivura yigeze igwa bivuze ko ari amazi y’imvura ari kuva aho yabyutse igwa. Nk’ubu dufite umucyo biragaragara ko bimara amasaha makerukaba rumanutse, byaba ikibazo dufite imvura nyinshi iri kugwa ariko kubera hari umucyo mu isaha imwe cyangwa ebyiri ruraba rumaze gusubira hasi.”

Usibye ko aya mazi ya Nyabarongo yafunze umuhanda, nta myaka irangizwa nuko amazi yageze mu nkuka z’uruzi rwa Nyabarongo, gusa ku ruhande rw’Umurenge wa Rugendabari bakajije umutekano bagenzura niba amazi adakomeza kuba menshi mu gishanga ndetse hakaba hari uwatwarwa nayo.

Abantu basabwe kwirinda kwishora mu mazi mu gihe bikigaragara ko ari menshi, basabwa kwihangana bagategereza ko amazi agabanuka kuko bitari buze gufata igihe kirekire ngo amazi agabanuke.

Bitwe nuko uyu muhanda wa Muhanga-Ngororero ku cyiraro cya Cyome ku ruhande rw’Akarere ka Ngororero uri hasi, bituma uko imvura iguye ari nyinshi amazi afunga umuhanda ubuhahirane bugahagaraga. Ibintu bikwiye gutekerezwaho uyu muhanda ukaba wakigizwa hejuru ku buryo amazi atabasha kuwurenga.

Uyu muhanda Polisi yaburiye abawukoreshaga bifashishije ibinyabiziga, wangirikiye mu Karere ka Ngororero mu Murenge wa Gatumba mu Kagari ka Cyome mu Mudugudu wa Birambo.

Aho hantu amazi y’imvura n’ibyondo bituruka mu misozi byiroshye mu muhanda birawufunga.

Mu itangazo ryanyijijwe ku rukuta rwa Twitter ya Polisi y’u Rwanda muri iki gitondo, ryaburiraga abasanzwe bakoresha uyu muhanda kwifashisha uwa Kigali-Musanze-Rubavu.

Rigira riti” Turifuza kumenyesha rubanda ko bitewe n’imvura ikabije, inkangu yatumye umuhanda Muhanga-Ngororero-Mukamira utaba nyabagendwa. Turabagira inama yo gukoresha umuhanda Kigali-Musanze-Rubavu. Murakoze.”

Meteo Rwanda iheruka gutangariza Abanyarwanda ko muri uku kwezi kwa Gashyantare hateganyijwe imvura nyinshi mu bice by’igihugu cyane mu Burengerazuba no mu Majyaruguru basabwa gufata ingamba zizabafasha guhangana n’ibyo bihe.

Mu bihugu byiganjemo abayoboke ba kiliziya gatolika uyu munsi ufatwa nk'uwabakundana, ariko hari ibice by'isi ufatwa nabi cyane ndetse bakawamagana, ahandi ho amategeko abuza kuwizihiza.

Ariko mbere y'ibyo byose, uyu munsi ukomoka he?

Uyu munsi uvana izina ryawo ku mugabo witwa Valentin, gusa hari inkuru nyinshi zivuga ibye.

Iyamamaye cyane ni ivuga ko yari umupadiri w'i Roma mu kinyejana cya gatatu (mu myaka ya 200 na…) nyuma ya Yesu/zu Kristu.

Umwami w'abami Claudius II aza guca ibyo gushyingira kuko yemezaga ko abagabo bafite abagore bavamo ingabo mbi.

Padiri Valentin ibi ngo ntiyabishyigikiye, arenga ku itegeko akajya ashyingira ababishaka mu ibanga.

Claudius abimenye, Valentin yarafunzwe nyuma akatirwa urwo gupfa.

Afunze yakunze umukobwa wari impumyi w'uwamuciriye urwo gupfa — waje kumusura — maze ubwo yari ajyanywe kwicwa tariki 14 Gashyantare/Ruhuhuma amwoherereza ibaruwa y'urukundo isinyeho ngo 'uwawe Valentin'.

Arasaba uwamenya amakuru y’irengero ry’igare rye kumufasha kuko ubu atabasha kugenda

Uyu mugabo utuye mu Murenge wa Kimonyi mu Karere ka Musanze, yavukanye ubumuga bw’ingingo z’amaguru yombi yihinahinnye, ku buryo iyo atari ku igare, agenda akambakamba.

Mu joro ryo ku wa Gatatu tariki 9 Gashyantare 2022, ngo nibwo yahamagawe n’abakora irondo ry’umwuga, barimo bagenzura uko umutekano uhagaze muri santere ya Kimonyi, bamubwira ko ritagaragara aho asanzwe aribika.

Yagize ati 'Ni igare ryihariye, rigenewe kwifashishwa n’abafite ubumuga. Narifataga nk’aho ariyo maguru yanjye kuko ari ryo ryamfashafaga mu buryo bw’ingendo, mu gihe ngiye gushakisha ibitunga urugo. Ubumuga navukanye bw’amaguru yihinahinnye, butuma ntabasha kuyagendesha n’iyo mbigerageje ubwo ni ugukambakamaba kandi nabwo nkakora akagendo gato cyane'.

Ati 'Rero aba home guard, uwo munsi bampamagaye mu masaha ya nijoro, bambwira ko aho nsanzwe ndicumbikisha batarihabona. Twihutiye kurishakisha hose, ndarirangisha, ariko kugeza n’ubu nabuze irengero ryaryo'.

Ngo yajyaga ariparika muri santere y’ubucuruzi ya Kimonyi, ari naho abaryibye barisanze, kuko ubusanzwe atabonaga uko arigeza iwe, bitewe n’uko nta muhanda ugerayo.

Avuga ko yari yararihawe n’abagiraneza muri 2004, ubwo yari agiye kwiga mu mashuri yisumbuye, ngo rijye rimwunganira mu ngendo. Kuva icyo gihe, iryo gare ngo yarifataga nk’akabando kamwunganira mu rugendo, bikamurinda kwisakasaka amafaranga yo gutega bya hato na hato.

Agira ati 'Kuri njye, ryari nka ka kabando abageze mu za bukuru bishingikiriza ngo bagere iyo bajya. Nanjye ryandindaga gutega kwa hato na hato, cyane ko munazi ukuntu muri iki gihe kubona ibitunga umuryango ukongeraho n’amafaranga yo gutega ujya kubishaka ari ibintu biba bigoranye'.

Akomeza ati 'Muri iyi minsi nari naronse akaraka none ubu nagahagaritse kuko kugerayo ntafite ikingezayo urumva ko ni ikibazo. Abaryibye ubu bashyize ubuzima bwanjye mu ihurizo ry’uburyo nkomeza kubaho n’abo nahahiraga; mbese ubu nashobewe. Kuryiba ni nko kumfata ukanca amaguru imibereho yanjye yacungiragaho'.

Iyakaremye ukomoka mu Karere ka Gakenke, ariko akaba yaraje kuhava ajya gutura i Musanze, bitewe n’imiterere y’ako gace k’iwabo k’imisozi miremire, byamugoraga kubona uko ashakisha imibereho.

Ubumuga yavukanye bw’ingingo butuma atabasha kugenda yanabigerageza bikamusaba gukambakamba

Uyu mugabo wubatse akagira n’abana babiri, asaba abagiraneza bashobora kubona igare yibwe, kuba bamuha amakuru, by’akarusho ngo uwagira umutima wo kumugoboka, akamuha ubufasha bumwunganira kubona uko agura irindi gare, abifata nko kumubyara bundi bushya.

Yagize ati 'Ubusanzwe ririya gare riri mu gaciro k’amafaranga abarirwa mu bihumbi biri hagati ya 480 n’ibihumbi 500 y’u Rwanda. Mu buzima buciriritse mbayemo, kuba nakongeraho ubushobozi bwo kwigurira irindi gare, birangoye cyane; ari na yo mpamvu nsaba ko uwamenya amakuru ashobora kumfasha kumenya uwaryibye cyangwa aho riherereye, cyangwa umuntu wagira umutima utabara, akaba yangoboka uko ashobojwe, byamfasha kubona uko ngura irindi ririsimbura, bikamfasha gukomeza gushakisha imibereho sintege amaboko'.