Category: Uncategorized

Gufasha iteka si uko wowe uba udakeneye gufashwa, ahubwo bisaba kwigomwa icyo wari ukwiye ukagiha undi ukamwigurana. Mu buzima rero bwa buri munsi haba hari ibibazo, ariko iyo bigeze ku burwayi  bikaba ibindi. Kuri ubu umukobwa uvuka mu Bugesera Chantal, wanyuze mu mavuriro anyuranye mu Rwanda arasaba ubufasha.

Mu kiganiro yagiranye na INYARWANDA, yatangiye agira ati:'Mfite imyaka 26 nkaba nararwaye kanseri yo mu maraso yo mu bwoko bwa 'acute myeloid leukemia', Natangiye ndwara umutwe njya kwivuza biza kuvamo anjine bampa ibitaro i Nyamata. Mu gihe cyose namazeyo uburwayi bwanjye bwari butaramenyekana, babonye nkomeje kuremba banyohereza i Kanombe bapimye basanga mfite ikibyimba mu muhogo bampa imiti.'

Yongeraho ati:'Mbonye ntacyo iri kumarira kandi haciyeho igihe njya kwa Kanimba, niwe wabonye kanseri anyohereza muri CHUK nabo bakoze ibizamini basanga ni kanseri, bashatse kunyohereza muri FAISAL ariko ubwishingizi nkoresha buba imbogamizi kuko bashakaga ko nivuza ijana ku ijana kandi ntabona ubwo bushobozi.'

Agaruka ku buryo yoherejwe mu Buhinde ati:'Nyuma ariko n'ubwo nari ndwariye CHUK, ibizamini byanjye byoherejwe muri FAISAL basanga ni kanseri yo mu maraso ariko yamaze no kugera mu magufa, nibo bemeje ko igishoboka ari ukuba nahindurirwa umusokoro.'  

Nyuma n'ubwo bwose ubwishingizi rusange bwa Mutuelle de Santé butari butume abona uko ajya kwivuza, ariko RSSB na MINISANTE bafatanije bamwemereye kumuvuza mu Buhinde kuko ariho honyine babasha kumuvura, ariko hasigara ikibazo cya tike n'uburyo bwo kubayo.

Ati:'Nyuma y'uko hamenyekanye indwara mfite, MINISANTE yanyemereye kuba yamfasha kwivuza mu Buhinde ariko bansabye gushaka tike izanjyana na musaza wanjye uzampa umusokoro kimwe n'umurwaza, n'ibizadutunga, dukoze imibare y'igihe tuzamarayo twasanze hakenewe miliyoni 8Frw, nkaba nsaba ubufasha bw'amafaranga ngo mbashe kwivuza.'

Ubusanzwe Chantal yize mu ishuri ry'INDANGABUREZI mu Ruhango, aho yasoreje mu ishami rya Electronic Telecommunication kuri ubu kandi afite umwana umwe w'umukobwa. Kugeza ubu amafaranga atangwa binyuze ku rubuga rwa 'saveplus'. Kubindi bisobanuro wahamagara nimero ya Telefone:+250788709004 inanyuzwaho nayo ubufasha, ibaruye kuri Ufitese Henriette kimwe n'uko wamwandikira kuri email:[email protected].

KANDA HANO UTANGE UBUFASHA BWAWE KURI UWINGABIRE CHANTAL UDWAYE KANSERI YO MU MARASO

Uwingabire Chantal arasabwa kujya kwivuza muri uku kwa gatanu 

Yari umukobwa wishimye mbere yo gufatwa n’uburwayi wamufasha akongera kugira ubuzima buzira umuze

Afite umwana muto umukeneye, gukira kwe byamuha amahirwe arimo no kurera uwo mwana

Mu Buhinde niho bamwohereje, arasabwa miliyoni 8Frw ngo abashe kwivuza, aragukeneye kandi nta mafaranga aba macye

Kuwa gatandatu w’iki cyumweru (ejo hashize), ubutumwa bwo kuri YouTube bwatangiye kuvuga ko shene ya ‘Duma TV’ yahagaritswe, kubera ihonyorwa ry’amategeko agenga imikorere ya YouTube.

Nk'uko Leta y’ u Burusiya ibitangaza, Duma-TV isanzwe ifite abafatabuguzi (subscribers) barenga 145,000, isanzwe yerekana ibiganiro mpaka bihuza abagize inteko ishinga amategeko y’ u Burusiya.

Ikinyamakuru Forbes cyanditse ko u Burusiya bwababajwe no guhagarikirwa uyu murongo w’itangazamakuru, kuko bigaragaza ko America ishaka kwiharira uburyo bwo gutangaza amakuru ku ntambara y’ u Burusiya na Ukraine.

Umukuru w’inteko ishingamategeko y’ u Burusiya Vyacheslav Volodin, ashinja Amerika guhonyora uburenganzira bw’Abarusiya.

Ku rubuga rwa Telegram, Volodin yagize ati “Leta Zunze Ubumwe [z’Amerika] zirashaka kugira ukwiharira itangazwa ry’amakuru. Ibyo ntabwo twabyemera.”

Inteko ishinga amategeko 

Ku wa kane w’iki cyumweru, ikigo kigenzura itangazamakuru mu Burusiya, cyavuze ko kizahagarika ibikorwa byo kwamamaza mu gihugu by’urubuga rwa internet rwa Google rwo muri Amerika.

Iki kigo gishinja YouTube y’urwo rubuga, ko 'yahindutse imwe mu mbuga z’ingenzi zikwirakwiza amakuru y’ibinyoma' ku byerekeranye n’ibikorwa byose by’ingabo z’ u Burusiya muri Ukraine.

Mu minsi ishize, u Burusiya bwahagaritse byinshi mu bitangazamakuru n’imbuga z’amakuru bitari ibya leta, ndetse biravugwa ko Google igiye gukurikiraho guhagarikirwa ibikorwa.

Kuva u Burusiya bwatera Ukraine muri Gashyantare, Leta yahagurukiye abatavuga rumwe n'ubutegetsi, aho ikomeje kuburira no kwihanangiriza abatangaza 'amakuru y’ibinyoma' ava ku rugamba.

Rutahizamu wa Manchester United Cristiano Ronaldo yasabye imbabazi nyuma yuko hatangajwe videwo imugaragaza nk'umena telefone y'umufana.

Amashusho yashyizwe ku mbuga nkoranyambaga, yaherekejwe n'amagambo avuga ko yamennye iyo telefone ubwo yavaga mu kibuga nyuma yuko ku wa gatandatu ikipe ye itsindiwe kwa Everton igitego 1-0.

Ronaldo, w'imyaka 37, nyuma yagiye ku mbuga nkoranyambaga avuga ko asabye imbabazi.

Yagize ati: 'Nta na rimwe byoroha kugenzura amarangamutima mu bihe bikomeye nk'iki gihe turimo'.

Umusaza Tereraho Berchmans yari atuye muri Segiteri Karama, Komini Mushubati, Perefegitura ya Gitarama.

Mutangana avuga ko iyo abana n'abuzukuru be bazaga kumusura baturutse mu mahanga, ubutegetsi bwabafungaga cyangwa bukabirukana, na we agasigara akorerwa icyo ubutegetsi bwitaga 'kumwihaniza'.

Ubushakashatsi bwatangajwe n'iyahoze ari Komisiyo y'Igihugu yo Kurwanya Jenoside (CNLG) bwiswe 'Jenoside yakorewe Abatutsi mu yahoze ari Perefegitura ya Gitarama 2019', bwagaragaje ko uyu musaza ari mu batotejwe cyane muri Gitarama mbere ya 1994.

Mu myaka ya 1972-1973, ubwo bushakashatsi bugaragaza ko Abatutsi bishwe, inzu zabo zigatwikwa.

Muri Mata 1973, uwari Burugumesitiri wa Komini Mushubati, Rwanyabugigira Melchior, yamenyesheje Perefe wa Perefegitura ya Gitarama, Karuta Tharcisse, uko umutekano wifashe, avuga ko amazu yatwitswe ari 208, Abatutsi bishwe bagera kuri 29, impunzi zigera ku 1.075.188.

Umusaza Tereraho Berchmans, Sekuru wa Mutangana Steven, ari mu bahungiye kuri Komini Nyamabuye icyo gihe. Perezida wa Repubulika Grégoire Kayibanda n'abandi bategetsi baje kureba izo mpunzi, zukwa inabi cyane mu gihe zasobanuraga iby'itotezwa zagiriwe, ku buryo Perezida wa Repubulika Grégoire Kayibanda yakubise uwo musaza.

Mu gitabo 'Rwanda: Ukwakira90. Data muri cya gihugu cy'amata n'ubuki' Mutangana Steven agiye gushyira hanze mu gihe cya vuba, harimo ubuhamya yahawe n'umusaza wari kumwe na Sekuru icyo gihe bahungira i Nyamabuye.

Umutangabuhamya yagize ati 'Perezida Grégoire Kayibanda yadusanze kuri Komini Nyamabuye aho twari twahungiye, inzu zacu zatwitswe. Yari kumwe n'abaminisitiri, batubwira nabi, batwuka inabi […] Byavugwaga ko ubutegetsi bwashakaga kutujyana kuturoha muri Nyabarongo. Sogokuru wawe Tereraho twari kumwe, icyo gihe Perezida Kayibanda yamubwiye nabi, amujomba urutoki mu matama, amukubita urushyi. Yamuhoye ko yasobanuraga ikibazo twari dufite.'

Amabaruwa y'ubutegetsi muri icyo gihe ahamya uko uyu musaza n'abamukomkaho batotejwe i Mushubati

Nubwo Kayibanda yavuye ku butegetsi, ingoma ya Habyarimana Juvenal na yo ntiyahaga agahenge uyu musaza. Ibaruwa No 92/02.2.1 ushinzwe Ibiro by'abava n'abajya mu mahanga, mu Buyobozi bwa Serivisi z'Iperereza zabarizwaga mu Biro bya Perezida wa Repubulika y'u Rwanda, yandikiye Burugumesitiri wa Komini Mushubati ku wa 17/09/1984, yahaye iminsi itatu Se wabo wa Mutangana wari waje gusura umusaza Tereraho Berchmans, yo yasubiye muri Zaïre aho yari yarahungiye.

Ubutegetsi bw'icyo gihe bwimye uyu musaza uburenganzira bwo kwakira abe bamusanze mu Rwanda.

Ibaruwa No 107/02.4.1.8 uwari ushinzwe Ibiro by'abava n'abajya mu mahanga, Usabyisa Ambroise, yandikiye Burugumesitiri wa Komini Mushubati ku wa 16 Kanama 1985, yanze ko umwuzukuru w'uyu musaza wari waje kumusura yakirwa muri iyo komini.

Uwo mutegetsi yamenyesheje Burugumesitiri wa Mushubati ko uwo mwuzukuru wa Tereraho Berchmans atemerewe kuba muri Komini Mushubati ndetse no mu Rwanda hose kuko atari Umunyarwanda.

Muri iyo baruwa, ushinzwe ibiro by'abava n'abajya mu mahanga yasabye Burugumesitiri wa Mushubati guhora agenzura uyu musaza no kumwihaniza.

Ati 'Musabwe kandi guhora mugenzura uwo musaza sekuru kuko namenye ko akunda gucumbikira abantu nk'abo buri gihe, ndetse byaba ngombwa mukamwihaniza gucumbikira abantu atarabanza kubakugezaho.'

Muri Jenoside yakorewe Abatutsi mu 1994, Tereraho Berchmans yiciwe iwe hafi y'ibiro bya Komini Mushubati. Umubiri we warabonetse, ashyingurwa mu cyubahiro mu rwibutso rwa Jenoside yakorewe Abatutsi i Kabgayi mu Karere ka Muhanga.

Babiri mu bana be na bo barishwe. Abo bishwe bari bubatse, bakaba ari bo bana be bari baturanye bya hafi. Umwe ni Murangira Innocent, bamwiciye mu ishyamba ry'ibiti rya se, hepfo y'urugo rwe aho bakundaga kwita kuri Runyinya.

Undi ni Ngarambe Gaspard, bamwicanye n'umugore we babakuye i Kabgayi aho bari bahungiye. Babajyanye mu mabisi, babaroha mu ruzi rwa Nyabarongo ku rugabano rwa Gitarama na Ngororero. Ngarambe yigishaga mu kigo cy'imyuga cya Kavumu kafi y'i Kabgayi.

Iby'aya makuru byose bikubiye mu gitabo Mutangana Steven azamurika mu minsi ya vuba.

Igitabo “Rwanda: Ukwakira90. Data muri cya gihugu cy'amata n'ubuki' cya Mutangana kizashyirwa hanze mu minsi ya vuba

Steven Mutangana agiye gushyira hanze igitabo kirimo ubuhamya ku itotezwa sekuru yakorewe na Leta zateguye zikanashyira mu bikorwa Jenoside

Ni umwanzuro w'inama y'abaminisitiri yateranye kuri uyu wa Gatandatu tariki ya 9 Mata 2022.

Iyo myanzuro ivuga ko abagenzi bose binjira mu Gihugu bakoresheje Ikibuga cy'indege Mpuzamahanga cya Kigali bagomba kuba bafite icyemezo cy'uko bipimishije Covid-19 (Rapid test), mu gihe cy'amasaha 72 mbere y'uko bahaguruka.

Ikomeza iti “Abo bagenzi bongera gupimwa bakigera ku kibuga cy'indege (PCR test), biyishyuriye.”

Ni mu gihe abagenzi bose bava mu Gihugu bakoresheje Ikibuga cy'indege Mpuzamahanga cya Kigali bagomba kuba bafite icyemezo cy'uko bipimishije Covid-19, cyaba Rapid Test cyangwa PCR hakurikijwe igipimo gisabwa n'igihugu bagiyemo.

Icyo gipimo kigomba kuba kitarengeje amasaha 72 mbere y'uko bahaguruka.

Imyazuro ya Guverinoma ikomeza iti “Abanyarwanda bose bava mu Gihugu bagomba kuba barakingiwe Covid- 19.”

Aya mabwiriza asimbura ayari asanzwe, avuga ko abantu bose binjira mu Rwanda bavuye mu mahanga bagomba kuba bafite icyemezo cyerekana ko batanduye COVID-19.

Ibipimo byari byemewe ni SARS-CoV 2 Real-Time Polymerase Chain Reaction (RT-PCR) byapimwe mu masaha 120 mbere yuko ahaguruka.

Abagenzi bose binjiye bagombaga kumara amasaha 24 muri hoteli yateganyijwe bategereje igisubizo cy'ikizamini gikurikira icyo bapimwe, mbere yuko baza mu Rwanda.

Muri hotel bapimaga umuntu COVID-19 ku $60, harimo $10 ya serivisi y'ubuvuzi.

Abantu basohotse mu gihugu nabo basabwaga kuba barapimwe COVID-19 hakoreshejwe PCR, mu masaha 120 mbere yuko ahaguruka.

Abagenzi baturutse mu bihugu by'abaturanyi bateganya gufatira indege mu Rwanda, bapimwaga ibimenyetso bakigera ku mupaka hanyuma bakerekeza kuri hoteli yateganyijwe aho bapimwa COVID-19.

Ibipimo bya COVID-19 bitanga ibisubizo byihuse byemewe ku bajya mu mahanga