Category: Uncategorized

Ni ubutumwa yatanze mu gikorwa cyo kwibuka ku nshuro ya 28 Jenoside yakorewe Abatutsi by'umwihariko abari abavoka bishwe muri icyo gihe.

Dr. Nteziryayo yagaragaje ko Politiki yari iriho y'ivangura mu byerekeye urwego rw'ubutabera aho Abanyarwanda b'Abatutsi bahezwaga mu nzego zitandukanye z'ubutabera na bake bari barimo bashyirwagaho igitutu gikomeye.

Yavuze ko abanyamategeko kuri ubu bafite akazi gakomeye ko guharanira ko urwego rw'Ubutabera rukomeza kuba nta makemwa mu Rwanda no ku ruhando mpuzamahanga.

Yagize ati 'Abanyamategeko turi hano dufite inshingano ikomeye, uko inzego zitandukanye zihurira ku runana rw'ubutabera cyane cyane urugaga rw'abavoka nk'urwego rwibutse abari abavoka. Dufasha igihugu cyacu kubaka umuco w'igihugu kigendera ku mategeko kandi kiyubahiriza kuri buri wese nta vangura iryo ari ryo ryose.'

Yagaragaje ko nyuma ya Jenoside yakorewe Abatutsi hari hakwiye kwishimira intambwe ikomeye yatewe mu kwiyubaka kugira ngo abakekwaho icyaha cya Jenoside yakorewe Abatutsi bakurikiranwe no gukomeza guhangana n'abahakana n'abapfobya Jenoside.

Yavuze ko Urwego rw'Ubucamanza rufatanyije n'izindi nzego zitandukanye ruzakomeza gutanga umusanzu no guharanira kubaka iguhugu kizira akarengane kandi hubahirizwa uburenganzira bwa buri wese.

Yagaragaje ko nubwo abantu batinya Urugaga rw'Abavoka bifite ishingiro kuko bagaragaza ukuri ari naho yahereye abasaba kugukoresha mu kubaka inzego zihamye z'ubutabera.

Ati 'Mpora nizera ko uko kuri muzajya muguharanira kugira ngo igihugu cyacu gikomeze guhamya ibirindiro mu kubaka ubutabera bukibereye.'

Yasabye ko mu gihe cyo kwibuka Jenoside yakorewe Abatutsi, by'umwihariko abakoraga mu nzego z'ubutabera bakwiye kumva ko bari abantu b'intangarugero kandi na bo bagaharanira kugera ikirenge mu cyabo.

Umwe mu batangabuhamya yavuze ko abari Abavoka mbere ya Jenoside bahuye n'ibibazo bikomeye birimo no kwirukanwa mu mashuri bakiri bato kuko bari Abatutsi.

Yagaragaje ko mbere y'uko Jenoside iba hari ubwo bamwe bafatwaga bitwa ibyitso by'inkotanyi bakabakubita ku buryo babamugaza cyangwa bakabafunga.

Yavuze ko ivangura ryatangiriye no ku bantu batangiye kugura imodoka kuko no kuri nomero iyiranga bayitangaga bakurikije agace uyiguze abarizwamo.

Umuyobozi w'Urugaga rw'Abavoka mu Rwanda, Me Nkundabarashi Moïse, yavuze ko igihe cyo kwibuka ari icyo kongera gutekereza ko ibijyanye no gushyiraho inzego zibereye z'ubutabera atari ko byahoze.

Yagaragaje ko hageragejwe kenshi gushyiraho urugaga ariko ubuyobozi bwariho bukavuga ko byakwemerwa gusa ribaye Ishami rya MRND kandi ari ibintu bitabaho aho ariho hose ku Isi kuko nta rugaga rw'abanyamwuga rushobora kuba ishami ry' ishyaka rya politiki.

Yavuze ko kumenya ayo mateka byabafashije kwirinda ko ibyabaye byazongera kuba ari na wo murage ukomeye bakwiye gusigira abazabakomokaho.

Me Nkundabarashi yasabye abavoka bagenzi be gukorana neza mu rwego rwo guhesha ishema umwuga wabo no guharanira guteza imbere ubutabera bw'u Rwanda.

Kugeza ubu Urugaga rw'Abavoka mu Rwanda rumaze imyaka 25, rubarizwamo abavoka 1515 bagizwe n'abavoka bakuru 1233 n'abandi barimo abari kwimenyereza uwo mwuga.

---

Babivuze kuri iki Cyumweru, tariki ya 1 Gicurasi 2022, ubwo bizihizaga Umunsi Mpuzamahanga w'Umurimo.

Mu byo aba banyonzi bishimira bagezeho harimo kuba barabashije kwigurira ishyamba n'umurima by'asaga miliyoni 9 Frw.

Habyarimana Théophile yavuze ko yatangiye umwuga wo gutwara abantu n'ibintu ku igare mu 1996 kandi amaze kugera kuri byinshi birimo inzu yubatse, ashaka umugore ndetse akaba yoroye n'amatungo.

Yishimira ko mbere koperative yabo yari iyobowe nabi ariko nyuma yaho batoye komite nshya, hari byinshi imaze kubagezaho muri rusange.

Yagize ati 'Mbere twamaze imyaka irenga 10 tuyobowe na komite itagira ibikorwa itugezaho ariko mu mwaka umwe tumaranye n'iyi komite nshya tumaze kwigurira ishyamba n'umurima kandi turabyishimiye dukomeje iterambere. Kuri uyu munsi w'umurimo ndishimye kandi twese twishimiye kuza kureba ibikorwa by'iterambere bya koperative yacu.'

Uwizerwa Mafubo Liberatha na we yavuze ko imiyoborere myiza basigaye bafite muri koperative yabo yabafashije gukora neza kandi bishimira ibyo bamaze kugeraho mu gihe gito.

Ati 'Ubu mbasha kubona mituweli, isabune n'ibyo kurya mbikesha igare kandi nkaba nshimira ubuyobozi bwadufashije gushyiraho komite ituyoboye neza kuko murabona ko mu mwaka umwe ibyo imaze kutugezaho kandi twaramaze imyaka irenga 10 nta bikorwa bifatika tugeraho kubera imiyoborere yari mibi.'

Abanyonzi baganiriye na IGIHE bose bahuriza ku byiza byo kuba muri koperative, bagasaba bagenzi babo na bo kugira umuco wo gukorera hamwe ariko bakita ku kwitorera abayobozi beza bazaharanira iterambere rusange nta munyamuryango basize inyuma.

Habyarimana Emmanuel ati 'Abantu bataba muri koperative ndabakangurira kuyizamo kuko hari benshi babonye turi gukora neza baraza dukorera hamwe.'

Umuyobozi wa Koperative Intumwa za Huye, Umurerwa Emerance, yavuze ko bagihabwa inshingano z'ubuyobozi bashyize ingufu mu gukemura ibibazo birimo amadeni no guha abanyonzi nimero, bakurikizaho kubatoza kuzigama kugira ngo bagere ku iterambere.

Ati 'Twasanze umunyamuryango atagira umugabane shingiro none ubu mu mwaka umwe tumaze, imibare itwereka ko buri munyamuryango mu bantu 600 afite uw'ibihumbi 17 Frw. Ikindi ni uko twicara tukajya inama y'ibikorwa tugomba gukora biduteza imbere.'

Mu mitungo bamaze kugura harimo ishyamba ry'asaga miliyoni 2 Frw ndetse n'isambu y'asaga miliyoni 7 Frw.

Bagaragaje imbogamizi bagifite

Zimwe mu mbogamizi bagifite bifuza gukurirwaho ni ukutagira ahantu hahagije baparika amagare.

Indi mbogamizi bafite ni uko abenshi muri bo bagizweho ingaruka n'icyorezo cya Covid-19 kibateza ubukene, mu gihe batakoraga bagurisha amagare yabo ku buryo kuri ubu ayo bakoresha bisaba kuyakodesha.

Umurerwa ati 'Dufite aho guparika amagare hakeya ku buryo tubashije kubona henshi twakwinjiza umusaruro bikarushaho kuba byiza. Ikindi ni uko dukeneye abaterankunga badufasha kubona amagare.'

Umuyobozi w'Akarere ka Huye wungirije ushinzwe Iterambere ry'Ubukungu, Kamana André, ashingiye ku iterambere koperative Intumwa za Huye iri kugenda igeraho kubera imiyoborere myiza, yasabye n'abandi kugira umuco wo gukorera hamwe.

Ati 'Kuba bakorera hamwe ni byo bizatuma no kwizigama bishoboka bagere ku iterambere bifuza kandi bateze imbere n'igihugu cyacu.'

Yabijeje ko imbogamizi bahura na zo bazakomeza gufashwa kuzikuraho nk'uko byagenze mu kubafasha gushyiraho ubuyobozi bwa koperative bwiza.

Umunsi Mpuzamaganga w'Umurimo muri uyu mwaka ufite insanganyamatsiko igira iti “Ahazaza h'Umurimo, Intego dusangiye.”

[email protected]

---

Minisiteri y’Ubuzima (MINISANTE) iratangaza ko ku Cyumweru tariki 01 Gicurasi 2022 mu Rwanda habonetse abantu bane banduye Covid-19, bakaba babonetse mu (…)

Kuri iki cyumweru kuri sitade ya Kigali i Nyamirambo, ikipe ya APR FC mu mukino w’umunsi wa 25 wa shampiyona, yahatsindiye Etoile del’Est ibitego 3-1 (…)

Kuba icyamamare bisaba ibintu bitandukanye, kimwe muri byo ni ukuba abantu bahora bakurikirana aho unyuze hose. Abapaparazzi ahantu hose bashaka amakuru aboneye n'ataboneye, ibyo uvuze bisobanurwa uko biri n'uko bitari.

Kimwe mu bintu kandi ibyamamare biba bisabwa akenshi ni ugutanga ibiganiro ku ngingo zitandukanye mu binyamakuru no mu nama zinyuranye, ariko n'ubwo bimeze gutyo hari ibyamamare ku isi bigoye kuba wabasha kubona.

Muri abo harimo nka Beyonce, Taylor Swift na J. Cole aba bamaze kugaragaza ko rwose ibyo gutanga ibiganiro atari ibintu byabo, bikaba binagoye kuba umuntu uwo ariwe wese yamenya iby'ubuzima bwabo. Hano INYARWANDA tukaba twabateguriye ibyamamare 5 bigoye kubona bitanga ikiganiro, n'icyo bavuga kugutanga ibiganiro.

Nicolas Cage

Kuvuga ko umukinnyi kabuhariwe muri filimi Nicolas Cage adakunda gutanga ibiganiro si ukubeshya, kuko yamaze imyaka 14 adatanga ikiganiro na kimwe kuri televiziyo.

N'ubwo ajya aganira n'ibinyamakuru byandika, ariko biragoye kubasha kuvugana nawe mu buryo bw'imbona nkubone habe no mu kwamamaza filimi yakinnyemo cyangwa yatunganije.

BeyonceMu ntangiriro z'umuziki wa Beyonce  yakoze ibiganiro byinshi mu bitangazamakuru bitandukanye, ariko kugeza ubu kumubona bisigaye bigoye kuko ubuzima bwe yabugize ibanga.

Ibi bikaba byaratangiye nyuma yo gushyira hanze Album ye yo mu mwaka wa 2013 mu mwaka wa 2014. Yabisobanuye avuga ko burya icy'ingenzi ari ibihangano umuhanzi aha abafana be kuko ibindi birimo uko yaraye n'uko yiriwe atari ngombwa, kuko ntacyo byongera kugukunda cyangwa kwanga ibihangano bye.

Taylor SwiftMu ruhande rumwe mu mwuga wa Taylor Swift yahagaritse burundu gutanga ibiganiro, ubwo habonekaga amahirwe yo kumubaza ku cyemezo mu kiganiro na Apple Music.

Yagize ati:'Ibi nabitangiye ngira ngo mbone umwanya neza wo gushyira Album yanjye 'Reputation' ku murongo, ariko na nyuma yayo byarangiye nsanze kujya mu  bitangazamakuru nta kamaro bifite kuko atari umwenda mbereyemo umuntu uwo ariwe wese.'

The Weekend

The Weekend ari mu bahanzi bakunzwe kandi batangaje ku isi kuva yakwinjira mu muziki n'ibiganiro mbarwa yatanze mu itangazamakuru, bikaba ari ibintu yiyemeje kuva mu gutangira kwe avuga ko azagerageza kubaho ubuzima bunyuranye n'ubw'abandi bahanzi, cyane ko yabonaga nta gishamaje kuri we kindi akwiye kujyana mu itangazamakuru.

J ColeUyu muraperi uheruka mu Rwanda yigeze kumara imyaka igera kuri 4 atagaragara habe namba mu itangazamakuru, ibintu yasobanuye avuga ko muri icyo gihe cyose aribwo yize ko gutanga ibiganiro atari ngombwa kuko abifuje kumenya uko ahagaze, aho aherereye ari mbarwa muri iyo myaka yose yamaze.

APR FC yatsinze Etoile del’Est 3-1 ishimangira umwanya wa mbere ku rutonde rw’agateganyo nyuma y’umunsi wa 25 wa shampiyona 2021-22.

Ni umukino wabaye kuri iki Cyumweru tariki ya 1 Gicurasi 2022, ubera kuri Stade Regional i Nyamirambo.

Etoiledel’Est yatangiye nabi, maze hakiri kare ku munota wa 11 ku makossa y’umunyezamu Allan, manishimwe Djabel yatsindiye APR FC igitego cya mbere.

Umutoza Abdou Mbarushimana yaje gukora impinduka ku munota 39, uyu munyezamu avamo hajyamo Yves wahise utsindwa igitego cya kabiri na Buregeya Prince ku mupira w’umuterekano wari utewe na Manishimwe Djabel ku munota wa 43.

Mbere y’uko igice cya mbere kirangira, Mugisha Gilbert yatsindiye APR FC igitego cya gatatu maze amakipe ajya kuruhuka ari 3-0.

Etoile del’Est itari mu mukino ndetse itanabonye amahirwe menshi yaje kubona igitego cya mbere ari nacyo rukumbi babonye ku kunota wa 65 gitsinzwe na Jimmy Kibengo.

APR FC yagiye ikora impinduka zitandukanye ishaka ibitego havamo abakinnyi nka Bizimana Yannick, Manishimwe Djabel, Ruboneka Bosco hajyamo Mugunga Yves, Itangishaka Blaise waje no kugira ikibazo cy’imvune asimburwa na Nshuti Innocent ndetse na Rwabuhihi Placide ariko biranga umukino urangira ari 3-1.

Nyuma y’umunsi wa 25 APR FC niyo iyoboye n’amanota 57, ikurikiwe na Kiyovu Sports ifite umukino na Rutsiro ku munsi w’ejo.

AMAFOTO: Canisius KAGABO / ISIMBI.RW

Minisiteri y’Abakozi ba Leta n’Umurimo (MIFOTRA), ku gicamunsi cyo kuri iki Cyumweru tariki 1 Gicurasi 2022, yemeje ko ku wa Mbere tariki ya 2 no ku wa (…)