Category: Uncategorized

Umukinnyikazi wa filime ukomeye muri Tanzania wanabaye nyampinga w’iki gihugu wa 2006, yahishuye ko amaze igihe ari mu rukundo n’umusore wamutwaye umutima nubwo yahisemo kumugira ibanga.

Uyu mukobwa wakanyujijeho mu rukundo n’umuhanzi Diamond Platnumz, nyuma y’uko batandukanye ntabwo yakunze kuvugwa cyane mu rukundo.

Wema Sepetu yavuze ko yahisemo kugira urukundo rwe ibanga imyaka yose itambutse kuko ari byo bimuha amahoro.

Ati 'ndakeka hashize igihe kinini mpisemo kugira urukundo rwanjye ibanga. Hari umuntu uri mu buzima bwanjye ndetse ndi mu rukundo na we ariko sinshaka kumushyira hanze.'

Hari ibyavuzwe ko yaba ari mu rukundo n’umuhanzi Whozu, gusa yabiteye utwatsi aho yavuze ko ari nk’umuvandimwe we.

Ati 'Whozu ni nk’umuvandimwe kuri njye. Turi inshuti igihe kinini gishize. Namufashaga kukemura ibibazo biri mu rugo rwe. Numvise abanshinja guteretana na we, ariko sinzarekera kuba inshuti ye, ni umuntu mwiza, ni isnhuti nziza n’umuziki we ndawushyigikira.'

Wema Sepetu ni umwe mu bakobwa bazwi cyane mu myidagaduro muri Tanzania yaba muri filime no mu bindi, kimwe mu bintu azwiho ni uko ari umwe mu bakobwa bake babashije gukundana na Diamond bagatandukana batabyaranye.

Ku mugoroba wo kuri uyu wa Gatanu tariki 15 Nyakanga 2022 ku i saa tatu z'amanywa ni bwo uyu munyanigeria yageze mu Rwanda.

Singah akigera i Kigali yakiriwe n'abakobwa babarizwa muri kompanyi ya Kigali Protocal bari bakenyeye bamwiteguye.

Mu bamwakiriye kandi harimo umuraperi Ish Kevin uri mu bateguye igitaramo, Gabiro Guitar ndetse na Gilbert umuyobozi wa Envolve music n'ubundi ibarizwamo Gabiro.

Mu kiganiro n'itangazamakuru, Singah yavuze ko yishimiye gutaramira abanyarwanda ndetse ko anyuzwe no kugera i Kigali ku nshuro ye ya mbere.

Singah yijeje abakunzi b'umuziki we ko bazanyurwa. 

Abajijwe ku bahanzi azi mu Rwanda, yavuze ko azi umuhanzi Amalon ndetse ko bigeze no guhurira i Lagos.

Singah Ubwo yageraga i Kigali

Kuri uyu wa Gatandatu kuri Canal Olympia ku i Rebero ni ho hazabera igitaramo cyiswe 'Trappish Concert II' cyateguwe na Evolve Music Group ndetse na Trapish Music y'umuraperi Ish Kevin.

Kwinjira muri iki gitaramo ni 10, 000 Frw mu myanya isanzwe, 20, 000 Frw muri VIP na 30,000 Frw muri VVIP. Ni mu gihe ku meza y’abantu batandatu wishyura 300,000 Frw.

Iki gitaramo cyatewe inkunga n'uruganda rwa Skol. Kuri uyu wa Mbere, Singah yasohoye amashusho yemeza ko azataramira i Kigali ku wa 16 Nyakanga 2022.

Singah yishimiye abaje kumwakira

Abahanzi 23 bo mu Rwanda nibo bazaririmba muri iki gitarao: Ish Kevin, Gabiro Guitar, Okkama, Kenny Sol , Mike Kayihura, Kenny k shot, Ariel Ways, Bwiza, France, Nillan, Soldier the 1st, Ririmba, Bushali,Afrique, B-Threy, Jowest, Trissy Ninety six, Koladebless, Derek YMG, Slum Drip, Og2Tone, Logan Joe na Kivumbi.

Evolve Music ivuga ko iki gitaramo 'ari cyo cya mbere kigiye guhuriza hamwe abahanzi benshi nyuma ya Primus Guma Guma Super Stars'. Bavuga ari umwanya w'abahanzi bashya kandi batanga icyizere wo kwigaragariza abakunzi babo.

Kigali Protocal yari yaje yakenyeye niyo yaje kumwakira

Singah ugiye gutaramira mu Rwanda ku nshuro ye ya mbere, abarizwa mu inzu ifasha abahanzi mu bya muzika 'P Classic Records' yashinzwe n'umuhanzi Peter Okoye 'Mr P'. Ni nyuma y'uko atandukanye n'umuvandimwe we Paul Okoye 'Rudeboy'.

Ibinyamakuru bitandukanye byo muri Nigeria, bivuga ko Singah ari umuhanzi ufite umuziki uri gukura uko bucyeye n'uko bwije.

Ni umuhanzi w'imyaka 26 ukora injyana ya Afropop. Yabonye izuba ku wa 20 Nzeri 1995, avukira mu Majyepfo ashyira Uburasirazuba bwa Nigeria mu muryango ukunda umuziki, wamushyigikiye cyane ubwo yatangiraga urugendo rw'umuziki.

Impano ye yigaragaje cyane ubwo yashyiraga hanze indirimbo yise 'Teyamo' yatumye Mr P ahita amusinyisha mu inzu ifasha abahanzi yashinze.

Ubu agezweho mu ndirimbo zirimo 'Balance It', 'Somebody', 'Mon Amour', 'Touching', 'Attencion' n'izindi.

Umuhoza Barbara ni Umunyarwandakazi, Umubyeyi w'abana babiri, Rwiyemezamirimo, Umusemuzi, Pasiteri, Umwanditsi ndetse akaba n'Umunyamakuru uzwi mu kiganiro The Barbara Show gica kuri Isibo Tv ndetse no kuri shene ye ya Youtube. Yamenyekanye cyane mu gusemurira Apostle Dr. Paul Gitwaza Umushumba Mukuru wa Zion Temple.

Kuri ubu Pastor Barbara Umuhoza yamaze gushyira ku isoko igitabo cye cya mbere 'Shaped' cyashibutse ku buzima yanyuzemo. Ni igitabo gifite amapaji 230, kikaba cyaracapiwe i Kampala muri Uganda. Ugishaka akigura muri Charisma Bookstore, Ikirezi Library, Librairie Caritas, Kigali International Airport na BK Arena. Kiri kugura 17,000 Frw mu Rwanda.

Iki gitabo “Shaped” kigiye hanze nyuma y'imyaka ibiri umwanditsi wacyo yamaze acyandika

Mu kiganiro cyihariye yagiranye na InyaRwanda.com, Barbara Umuhoza yavuze ko 'Iki gitabo nacyise Shaped (mu cyongereza) cyangwa se Uwabumbwe (mu Kinyarwanda) maze gusanga ko ibintu nanyuzemo nari maze kwandika mu gitabo byangize uwo ndi we uyu munsi, nsanga mu by'ukuri inararibonye z'ubuzima zarambumbye zingira umuntu runaka umeze uko ameze, uko ateye uyu munsi'.

Yavuze ko mu gushaka izina aha iki gitabo cye byabaje kumugora, yiyambaza inshuti zinyuranye, baza kwanzura ko cyitwa 'Shaped'. Ati 'Twanyuze mu ma Titles menshi [Imitwe y'Ibitabo] ariko tuza guhuriza kuri iri jambo 'Shaped' kuko risobanuye kuba uwo ndiwe bishingiye ku byo nanyuzemo, kandi si jye njyenyine, twese ubuzima buraturema, ubuzima bufite iforomo buduha'.

Yadutangarije ko iki gitabo cye kirimo amateka y'ubuzima bwe bwite, ati 'Gikubiyemo amateka y'ubuzima bwanjye, ubunararibonye butandukanye bw'ubuzima bwanjye, ibintu nagiye nyuramo mu buzima. Nibwira ko abasomyi bishobora kubungura ibitekerezo'.

'N'abanyibazagaho byinshi bafite amatsiko yo kwibaza uriya mudamu yize hehe, akora iki, hari icyo wenda baza kwigiramo bamenya. Ariko abasomyi nashakaga kubasangiza ubuzima bwanjye, ariko iyo usomye iki gitabo ugenda usangamo amasomo yo muri ibyo bintu by'ubuzima bwanjye yagira icyo afasha undi muntu'.

Pastor Umuhoza Barbara yanditse igitabo ku buzima yanyuzemo

Muri iki gitabo 'Shaped', Barbara avuga uburyo mu bwana bwe yabanye n'umuryango we mu gihugu cy'u Burundi, nyuma akajya kuba i Burayi yibana. Yasabye abana bibana kimwe n'abana b'imfubyi 'kugumana icyizere kuko ejo ari heza, ejo hazaba heza”.

Aragira ati “Kandi nubwo tunyura mu bintu bitandukanye turi bato biremereye tutakabaye tunyuramo, Imana ijya ibikoresha kugira ngo iduhindure abantu yifuza bazafasha abandi, natwe ikatwigishirizamo amasomo atandukanye y'ubuzima;

Gusa ndabakomeje ntabwo ari ibintu byoroshye kuko uricara ukavuga uti ‘nanjye iyo nza kuba mfite umuntu unyitaho, nanjye nari kuba mfite umuntu umpangayikira’ bikaremera umutima kumva ko nta muntu uguhangayikira ufite, ariko Imana irahari, kandi Imana iraduhangayikira ikatwambutsa ibyo byose'.

Pastor Umuhoza yavuze ko afite abantu benshi afatiraho urugero mu bintu bitandukanye ndetse no mu bihe bitandukanye, gusa avuga ko yubaha cyane umwali n'umutegarugori uwo ari we wese aho ariho hose, wa wundi ubyuka mu gitondo akavuga ati 'ibyambayeho ejo ntabwo biri buneshe, ndabyuka nongere ngerageze, sindi bwicare, sindi bubivemo'.

Iki gitabo cya Pastor Barbara gikomeje kwishimirwa cyane n'ababashije kugisoma. Mu bantu b'ibyamamare banyuzwe n'iki gitabo harimo umunyamakuru Antoinette Niyongira wa Kiss Fm, umutaramyi Yvan Ngenzi, Gérard Mbabazi w'Ikigo cy'Igihugu cy'Itangazamakuru (RBA), Cynthia Umurungi [Ginty] wamamaye kuri K Fm, Ambasadari wa Israel mu Rwanda, Dr Ron Adam, Pamela Mudakikwa, Rose Nishimwe, Mike Karangwa na Egidie Bibio wa RTV.

Amb. Ron Adam yagaragaje ko yanyuzwe cyane n'iki gitabo ndetse avuga ko Barbara atangiye urugendo rutera abandi imbaraga. Kuwa 12 Nyakanga 2022, Amb. Adam yashyize kuri Twitter ifoto ari kumwe na Barbara anafite igitabo 'Shaped' mu ntoki, arandika ati 'Uyu munsi nahuye na Barbara Umuhoza, mbona kopi yasinywe y'igitabo cye 'Shaped' azamurika mu mpera z'iki cyumweru. Turagushimiye Barbara! Ni urugendo rutera abandi imbaraga'.

Amb. Ron Adam yashimiye cyane Pastor Umuhoza Barbara wandise igitabo ‘Shaped’

Pamela Mudakikwa — inzobere mu Itumanaho – uri mu basomye iki gitabo 'Shaped' agashira inyota, yabwiye InyaRwanda.com ati 'Inkuru yandyoheye ni 'Shaped by Parents' kuko isa n'inkuru yanjye bwite- nk'abantu batavukiye mu Rwanda. Ariko tukagira amahirwe yo kugira ababyeyi bakunda igihugu cyabo natwe bakakidukundisha, bakaturerera mu muco nyarwanda, tugakura tuvuga Ikinyarwanda ndetse tugatangira kwiga kubyina Ikinyarwanda ku myaka itatu gusa. Nishimiye cyane rero kumva ko atari ababyeyi banjye gusa batureze gutyo Ahubwo ko hari n'abandi babyeyi babikoraga'.

Bibaye ngombwa ko aha Kopi y'igitabo cye umuntu umwe ku Isi w'agaciro, ni nde yayiha?

Barbara Umuhoza yabwiye InyaRwanda.com ko umuntu w'agaciro ku Isi yakwishimira guha impano y'igitabo cye 'Shaped' ari Perezida wa Repubulika y’u Rwanda Nyakubahwa Paul Kagame. Yavuze ko yamuha iyi mpano atagendeye ku cyo yamukorera, ahubwo yabikora mu rwego rwo kumushimira ku bw'ibyiza byiza amaze kugeza ku Rwanda n'Abanyarwanda nyuma ya Jenoside yakorewe Abatutsi mu 1994 yahitanye ubuzima bw'inzirakarengane zisaga Miliyoni mu munsi 100.

Ati 'Kopi nayiha Perezida wa Repubulika Paul Kagame. Ntabwo naba nyimuhaye ngo amfungurire imiryango ngo anyamamarize, ibyo bintu ntabwo bishoboka, ntibibaho. Nayimuha nk'impano, nk'ikimenyetso cy'ishimwe ko ubuyobozi bwe butwemerera kurota nk'urubyiruko, ubuyobozi bwe budutinyura bukatwereka ko dushoboye, ubuyobozi bwe buha icyizere umwali n'umutegarugori muri iki gihugu akumva ko nawe hari ibintu yakora'.

Arakomeza ati 'Ndatanga urugero kandi rworoshye kandi twese tuzi twumva, iyo ubona ahantu igihugu cyacu kivuye mu myaka itageze na 30, uyu munsi tukabasha gutegura inama ikomeye mpuzamahanga nka CHOGM, u Rwanda rugategura CHOGM nk'uko rwayiteguye, iyo umanutse wowe uri umuturage usanzwe, uri urubyiruko, uri umubyeyi usanzwe, u Rwanda rukubera ‘inspiration’ ukavuga uti 'Wow niba igihugu cyanjye gishobora gukora ibintu nk'ibi, nanjye rero nshatse nahaguruka, ibyo nshaka gukora nabikora nanjye nabigeraho'.

Arakomeza ati 'Nayimuha (Kopi y’igitabo cye) nk'impano, ntabwo nayimuha kugira ngo iki gitabo akigeze kure. Namuha impano yo kumushima, ndagushimiye ko watweretse ko bishoboka, ndagushimiye ko watweretse ko kurota inzozi zacu zemewe, kandi inzozi zacu dushobora kuzikorera zigasohora turiho, ntabwo ari ibintu bizategereza abana bacu, abuzukuru bacu, twebwe dshobora kubibamo'.

Ni ikihe gitabo Barbara akunda cyane kurusha ibindi?

Ubwo yabazwaga n'umunyamakuru igitabo kimuryohera cyane ndetse n'abanditsi akunda, yavuze ko akunda cyane igitabo cya Bibiliya, ati 'Nibaza ko ubwenge bwose umuntu yabona yabukura muri Bibiliya kuko Bibiliya ivuga ku bintu bitandukanye by'ubuzima. Muri Bibiliya nkundamo igitabo cy'Imigani, gusa ibihe bitandukanye by'ubuzima bwanjye nagiye nkunda ibitabo bitandukanye muri Bibiliya bitewe n'ibyo ndimo kunyuramo muri ibyo bihe, ariko nkunda igitabo cy'Imigani'.

Iki gitabo kiri kuboneka ku maguriro yo mu Rwanda no ku masoko mpuzamahanga yo kuri interineti

Uyu mwanditsi mushya u Rwanda rwungutse yasobanuye ko akunda ibitabo bya Salomo kuko 'bibamo ubwenge bwinshi'. Yavuze kandi ko akunda inyandiko za Pawulo, ati 'Pawulo yari umuhanga cyane mu myandikire, yandikaga neza, yaratekerezaga, yari umuntu wo kwizera, atarahura na Kristo yari umuntu w'umunyedini icyo gihe niba ari ko nabyita, ariko n'aho ahuriye na Kristo ubona inyandiko ze ziri 'deep', ziba zishaka ngo uzitekerezeho uzumve neza'.

Yunzemo ati 'Bibiliya yanditswe n'abanditsi batandukanye n'ubwo yahumetswe n'Imana'. Yavuze ko mu banditse Bibiliya, Pawulo na Salomo aribo banditsi akunda cyane kubera ubwenge n'ubuhanga abona mu myandikire yabo 'bitavuze ko n'abandi badafite ubwenge'.

Ni izihe nama Barbara atanga ku bashaka gutangira kwandika ibitabo?

Nk'umuntu uzi imvune ziri mu kwandika igitabo cya mbere, Pastor Barbara yavuze ko inama ze ku mwanditsi mushya, icya mbere ari ukumwibutsa ko 'Umwana atavuka ngo yuzure ingobyi umunsi umwe'. Ati 'Umwanditsi najya kwandika ntarebe ibitabo byamaze gusohoka ngo avuge ngo nanjye ndakenera gukora ikintu kimeze kuriya, noneho ahite areba akazi karimo, ahite acika intege, bihite bimutera igitutu, bimubuze kwandika ibimurimo;

Ahubwo inama namugira ni ukwiha akanya agakomeza kwandika agahozaho, yakwandika mu ikayi, yakwandika kuri mudasobwa, yakwandika muri Note Book, icyo yakwandikamo cyose, ahozeho, ntarekure kuko kwandika hari ahantu bigera bikarambirana ukabireka, ukabibika. Hanyuma ibindi bijyanye no kuzasohora igitabo ibyo abyihorere hari abazabimufasho, turahari gutanga izo serivisi.'

Barbara arasaba abanditsi bashya kudacika intege ahubwo bagahozaho

Arakomeza ati 'We, niyandike ibimurimo, ntatekereze ngo ibi se biri ku murongo?, Ko bidatondekanyije neza nk'ibya kanaka, ubu se bazagisoma?. Narwane no kwandika ibintu bimurimo, abishyire ku rupapuro, ahozeho, nihanagira aho acika imbaraga, yongere yishakemo imbaraga, akomeze. Kwandika ni urugendo rurerure, njyewe uyu mushinga nywumazemo imyaka ibiri, kandi hari abarenza ibiri, itatu, itanu, icumi….Hari abantu bamaramye imyaka cumi n'ingahe ibitabo banibagiwe, n'ibyp bitekerezo barabisize'.

Pastor Barbara yahishuye ko ari umufana w'umuziki anakomoza ku ndirimbo za Yvan Buravani

InyaRwanda.com yabajije Barabara Umuhoza indirimbo ziri kumuryohera muri iyi minsi asubiza agira ati 'Simperutse kumva indirimbo z'inyarwanda ngo numve indirimbo nkomeze nyisubiramo, ariko hambere aha nari ndimo ndumva Album nshya ya Yvan Buravani. Narayikunze, ikoranye ubuhanga, nkunda cyane umudiho. Irimo ‘Beat’ nziza, narayikuze cyane cyane 'Twaje'. Yavuze ko akunda kumva iyi ndirimbo iyo arimo gukora siporo cyangwa iyo agenda n'amaguru, yongeraho ati 'Ni indirimbo y'imbaraga, sinzi n'ibyo ishatse kuvuga, ibyo yayihimbiye abisobanura, ariko 'nkunda' ‘Beat’ yayo [umudiho]'.

Umunyamahanga wasaba Barbara kumutembereza mu Rwanda, ni he yabanza kumujyana?

Mu busanzwe Barabara aratebya cyane ku bamuzi! Ubwo yasubizaga iki kibazo yari abajijwe n’umunyamakuru, yabanje gutwenga cyane ati 'Ehhhh iki kiragoye!'. Yahise asubiza ati 'Umunyamahanga wansanga mu Rwanda, nabanza nkamujyana kuri Question Coffee ku Gishushu, ndahakunda, tukabanza tukajya kunywa Ikawa, tukaganira, nkamwereka ukuntu mu Rwanda turimo kugira umuco wo kuganirira ku Ikawa, dusigaye dukunda Ikawa, tunywa Ikawa'.

Arakomeza ati: 'Namuvana Question Coffee nkamutembereza mu Mujyi, nkabanza nkamutembereza muri Rond Point ya Convention Centre, nkunda iyiya Rond-Point [soma Rompuwe] ya Convention (yahise akubita igitwenge), uyu muhanda wa Gishushu-Kimihurura ujya mu Mujyi, tukagenda tukagera kuri Kigali Marriott Hotel, tukajya i Nyamirambo, tukagaruka, tukajya ku Kicukiro. Nabanza nkamukatisha umujyi wa Kigali'.

Yavuze ko nyuma yo kumutembereza Kigali yakurikizaho mu Rukari i Nyanza – ni ho hari Ingoro y’Abami b’u Rwanda. Ati 'Noneho byaterwa n'iminsi afite, twazajya mu Rukari ndahakunda cyane, narahasuye kandi hari amateka meza yacu y'umuco. Nazamuvana mu Rukari nkamujyana mu Akagera [National Park] ndahakunda cyane. Gusura inyamaswa kuri Parike biraryoshye. Hanyuma tukazasoreza ku birunga no kureba ingagi, ariko sindasura ingagi (yahise aseka!). Ngomba gusura ingagi. Aho mvuze nahamujyana. No ku Umusambi Village, kujya kureba inyoni, nigeze kujya kureba inyoni numvaga nakoze ibintu bihambayaye kujya kureba inyoni ni ukuri!'.

Ibanga akoresha mu guhuza inshingano afite zo kuba ari Umubyeyi, Pasiteri, Umunyamakuru n'Umwanditsi?

Yavuze ko ibanga akoresha ari ugukorera kuri gahunda, gukora ikintu mu gihe cyacyo no kubyaza umwanya umusaruro. Ati 'Ni ibintu biba mu bihe bitandukanye, ibanga ni ukumenya iby'ibanze, ni ukugira ubuzima bufite intego, ni ukugira ubuzima bupanze, ntabwo njya nkora ibintu uko binguyeho, mva mu rugo napanze uko umunsi uri bugende, iki kirafata umwanya ungana gutya'. Avuga ko n'abantu bahura ndetse n'abo bavugana, buri umwe amugenera umwanya utari burenge kuko 'ntabwo wakora ibintu byinshi udakorera kuri gahunda'.

Yunzemo ati 'Ubuzima bwanjye buba buri kuri gahunda, naho ubundi mbivanze hari ibyakwangirika, hari ibyapfiramo, gusa ntibibera icyarimwe'. Avuga ko mu rusengero akuriye itsinda ry'abasemuzi, akaba afite umuntu bakorana yahaye inshingano zo gukurikirana inshingano za buri munsi. Kwandika nabyo ni bishya kuko abimazemo imyaka ibiri, gusemura nabyo bigira igihe cyabyo, ubunyamakuru 'iyo mfite ibiganiro mba mfite iminsi nashyizeho yo gukora ibyo biganiro'.

Kuki Pamela ari we uri gufasha Barbara mu kumenyekanisha igitabo cye “Shaped”?

Niba ukoresha urubuga rwa Twitter nta kuntu waba utazi izina Pamela Mudakikwa [Pam wa Mudakikwa] kuko ari mu bakurikirwa cyane kuri uru rubuga aho afite abayoboke barenga ibihumbi 50. Ubu, Pamela ni we uri gufasha Barbara mu kumenyekanisha igitabo 'Shaped'.

Hari abakeka ko aba bombi banashobora kuba bafitanye isano bitewe n’uko basa cyane, ariko si ko biri nk'uko Pamela abisobanura ati 'Barbara se buriya turaza we? Ntabwo dufitanye isano y'amaraso ariko dufitanye iririsumba- turi inshuti turafatanya turashyigikirana kandi turi abana b'Imana'.

Pamela yabwiye inyaRwanda.com impamvu afasha Pastor Barbara kumenyekanisha igitabo cye, ati 'Ni inshuti yanjye, ni umugore nkunda, nemera, nubaha kubera ‘esprit ye iri positif’ kandi ni umunyembaraga z'umutima, ni umukozi (si umunebwe) kandi ari smart haba uko agaragara ndetse n'akazi akora'.

Arakomeza ati 'Kubera izo mpamvu mvuze haruguru rero nahisemo kumufasha nkoresheje ubumenyi mfite mu bijyanye na Communication (Itumanaho), Public Relation (Inozamubano) na Marketing (Iyamamazabikorwa) kuko mfite na kompanyi ibikora yitwa 'Vantage Relations'.

Yavuze ko indi mpamvu rusange 'ni uko nkunda abanditsi, ibitabo, gusoma no kwandika. Nkaba numva nakora ibishoboka byose ngo umuntu wabashije kwandika amenyekane, ashyigikirwe, umuco wo kwandika no gusoma ukomeze gutera imbere. Kugira abanditsi benshi b'abanyarwanda ni ishema ku gihugu mu ruhando mpuzamahanga by'umwihariko gushyigikira umugore uteye intambwe mu buzima nanjye biranyubaka (women supporting women)'.

'Shaped' ni igitabo cya mbere ariko hazaza n'ibindi vuba

Pamela yaduhishuriye ko hari na gahunda yo gutangiza ubukangurambaga bwiswe 'Our Stories Matter Initiative'. Abisobanura muri aya magambo 'Ahubwo azagishyira hanze anatangiza 'Our Stories Matter Inititaive' igamije gushishikariza abandi kuvuga inkuru zabo kugira ngo duce umuco wa 'ceceka' ndetse dufashe abantu kwivura mu bijyanye n'ubuzima bwo mu mutwe (Mental health) ari na ko dusangira amasomo y'ubuzima yadufasha kuba beza kurushaho ndetse no kugera ku nzozi zacu'. 

Iki gitabo “Shaped” kiramurikwa ku mugaragaro kuri uyu wa Gatandatu tariki 16/07/2022 muri Kigali Convention Centre kuva saa kumi n’imwe z’umugoroba.

Pastor Barbara Umuhoza (Iburyo) hamwe na Pamela Mudakikwa (Ibumoso)

Ku masoko yo mu Rwanda iki gitabo kiri kugura 17,000 Frw

Pamela hamwe na Yvan Ngenzi

Gerald Mbabazi mu bishimiye iki gitabo

Rose Nishimwe yakunze iki gitabo

Barbara hamwe na mugenzi we Dimitrie Sissi wanditse igitabo “Don’t Accept To Die”

Yavuze ingorane yahuye nazo ubwo yatangiraga kuba rwiyemezamirimo

Adaciye ku ruhande, yavuze ko atangira gusemura byari ihurizo rikomeye kuko gufata mu mutwe imirongo yo muri Bibiliya bitari byoroshye

Muri iki gitabo cye avugamo uko yatandukanye n’umuryango we akiri umwana akajya kwibana i Burayi

REBA IKIGANIRO BARBARA UMUHOZA YAGIRANYE N’UMUVUGIZI WA RDF

IKIGANIRO PASTOR BARBARA YAGIRANYE NA REV. DR RUTAYISIRE CYARAKUNZWE CYANE

Ku munsi w'isabukuru y'amavuko ya Kenny Imfura, umusore bigaragara ko yabaye mu Rwanda ariko no mu bindi bihugu birimo na France, Miss Liliane yafashe umwanya amwifuriza isabukuru y'amavuko mu magambo asigirije agira ati: 'Isabukuru nziza ku muntu unyura kuruta abandi.'

Nyuma y'uko ashyizeho ubu butumwa yanyujije kuri Instagram by'umwihariko akabushyira aho buzahora, ibintu bikora urubyiruko rucye rwo muri iki gisekuru, Kenny Imfura nawe yahise anyura mu nyunganizi 'comment' amugaragariza ko yishimye cyane.

Kenny yagize ati: 'Urakoze mukundwa ndagukunda cyane.'  Mu busanzwe kuva irushanwa rya Miss Rwanda ryabaho, Nyampinga w’u Rwanda 2018, Liliane Iradukunda niwe ubanziriza Miss Muheto mu bamaze kwambara ikamba rya Miss Rwanda bafite imyaka micye aho agwije 22.

Liliane Iradukunda yavutse kuwa 18 Nzeri 1999, avukira mu mujyi wa Kigali mu bitaro bya CHUK. Ni umwana wa 7 mu bana umunani bavukana nawe. Amashuri yisumbuye yayize kuri APADE ayasoza mu mwaka wa 2017, mu ishami ry'Ubukerarugendo.

Mu mwaka wa 2018 nibwo yinjiye mu marushanwa y'ubwiza ya Miss Rwanda aza no kuyegukana, kuwa 24 Gashyantare yambikwa ikamba rya Nyampinga w'u Rwanda wa 2018. Mu gihe yari yambaye ikamba, yakoze ibikorwa binyuranye birimo kuzamura umuco w'ubukerarugendo mu mashuri yisumbuye abinyujije mu maserukiramuco yagiye ategura.

Yagize kandi uruhare mu bikorwa byo kurwanya imirire mibi mu bana, aho yagiye asura uturere tunyuranye dufite ibi bibazo biri hejuru two mu Rwanda, agafasha mu kubaka uturima tw'igikoni kugira ngo imiryango ibashe kubona imboga zabafasha gutegura ifunguro ryuzuye.

Liliane Iradukunda yahagarariye u Rwanda mu marushanwa ya Nyampinga w'isi 'Miss World 2018', aza no mu bakobwa bitwaye neza muri uwo mwaka. Mu buzima busanzwe, akunda gutembera no kubana n'abantu neza.Miss Liliane Iradukunda na Kenny Imfura babwiranye amagambo meza y’urukundo

Miss Ishimwe Naomie yabarase amashimwe agaragaza ko baberanye

 

Kuri uyu wa Gatanu tariki ya 15 Nyakanga 2022, ni umunsi udasanzwe mu rukundo rwa Kubanatubane Jean Phillipe na Umutoni Sarah, kuko aribwo aba bombi imbere y'amategeko bemeye kuba umwe, kuzasangira akabisi n'agahiye mu rugendo rw'ubuzima basigaje ku Isi.

Uyu muhango ukaba wabereye mu Murenge wa Gisozi mu karere ka Gasbo, mu mujyi wa Kigali.

Nyuma yo gusezerana mu mategeko, hakurikiyeho umuhango wo gusaba no gukwa, umuhango wabere kuri Hope Garden mu karere ka Kicukiro mu mujyi wa Kigali.

Kuri uyu wa Gatandatu tariki ya 16 Nyakanga 2022, nibwo biteganyijwe ko Phillipe na Sarah bazasezerana imbere y'Imana, umuhango uzatangira saa saba z'amanywa ukazabera muri E.P.R Kamuhoza mu murenge wa Kimisagara.

Guhera saa Kumi abatumiwe bazakirirwa muri Hope Garden Kicukiro.

Banatubane ukinira APR BBC yasezeranye mu mategeko, asaba ndetse anakwa umukunzi we Umutoni Sarah