Category: Uncategorized

Uyu mugore wamenyekanye cyane mu ndirimbo 'Apwana' yahuriyemo n'abaraperi Dope Zilha na Mapy, mu minsi ishize yasohoye iye wenyine yise 'Postinga'.

Izi ndirimbo uko ari ebyiri azikoze nyuma y'igihe gito atangiye gukora umuziki, afashijwe na sosiyete 'The Savanis' yashinganye n'umukunzi we Mfurankase.

Iyi sosiyete bashinze ni nayo ifasha umuraperi Dope Zilha uri mu bari kuzamuka neza muri iyi minsi mu njyana ya Hip Hop.

Mu buryo butunguranye, uyu muhanzikazi mu minsi ishize yasangije abamukurikira ku mbuga nkoranyambaga amashusho n'amafoto amugaragaza ari kwa muganga yagiye kwipimisha nk'umubyeyi witegura kwibaruka.

Aline Ruseka ni Umunyarwandakazi wavukiye mu Mujyi wa Goma mu 1996. Ubwo yari afite umwaka umwe gusa w'amavuko, we n'umuryango we baje gutahuka mu rwababyaye.

Mu 2008 ni bwo uyu mugore n'umuryango we bagiye muri Ethiopie bahamara imyaka irindwi mbere yo kwerekeza muri Leta Zunze Ubumwe za Amerika mu 2015.

Source : https://umuryango.rw/imyidagaduro/article/muchomante-ari-kwitegura-kwibaruka-umwana-wa-gatatu-amafoto

Ishami rya Loni ryita ku buringanire n'iterambere ry'abagore (UN Women),  ryagaragaje ko kugira abagore benshi mu nteko ishingamategeko ari ingenzi cyane, risaba ko ibihugu bikwiye gufatira urugero ku Rwanda bikagira abagore barenze 50% mu nteko zishinga amategeko zabyo.

Byagarutsweho kuri uyu wa 6 Ukwakira 2022, mu biganiro uhagariye UN Women mu Rwanda yagiranye na Perezida w'Inteko ishingamategeko y'u Rwanda umutwe w'Abadapite.

Mu kiganiro kigufi yagiranye n'abanyamakuru, Madamu  Jennet Kem uhagarariye UN WOMEN mu Rwanda, yagaragaje kunyurwa n'uburyo u Rwanda rushyize imbere iterambere ry'umugore, aho yatanze urugero rw'uburyo mu Nteko Ishingamategeko y'u Rwanda, harimo abagore benshi barenga 50% ibintu udapfa gusanga mubindi bihugu.

Icyakora yanagaragaje ko mu Rwanda hari icyuho cy'uburinganire mu nzego z'ibanze no mubikorera.

Ati 'Ni ibihugu bicye wasanga bifite abagore barenge 50% mu nteko ishingamategeko none hano dufite 61% by'abagore mu nteko, iyo ni ntambwe ikomeye. Urajya no muri Guverinoma ugasangamo abagore benshi, urajya no mubucamanza ugasanga rwose hari umubare munini w'abagore.Gusa ariko turacyafite icyuho mubuyobozi bw'inzego z'ibanze, turacyanafite icyuho mu nzego z'abikorera  kandi ibi ni ikibazo usanga kiri mubihugu byinshi bya Afurika no ku Isi muri rusange,hari ikibazo cy'imyumvire n'imigirire idindiza abagore. Uburinganire ni igikoresho cy'impinduka, ariko kugira ngo uzane impinduka  bisaba kubanza guhindura muri wowe.'

Perezida w'Inteko Ishinga Amategeko y'u Rwanda umutwe w'Abadapite, Mukabalisa Donatille  yavuze ko UN WOMEN  ari umufatanyabikorwa ukomeye w'u Rwanda  mu bikorwa bitandukanye,bigamijeguteza imbere uburinganire n'iterambere ry'abagore. 

Ati 'UN Women rero yabaye umufatanyabikorwa w'imena w'inteko ishinga amategeko, ariko by'umwihariko w'ihuriro ry'Abanyarwandakazi bari mu nteko kuva ryashingwa kugeza ubu ng'ubu. Hari byinshi bagiye badufasha kandi twamugaragarije ko twishimiye, kandi byatanze umusaruro ugaragara tunabagaragariza ibyo duteganya gukora imbere, tunifuza ko ubwo bufatanye bwarushaho kugira imbaraga, kandi bugatanga umusaruro kurushaho.'

Raporo iheruka y'ihuriro mpuzamahanga ry'Ubukungu ku Isi (World Economic Forum), u Rwanda rwaje ku mwanya gatandatu mu bihugu 146 muri uyu mwaka wa 2022, byitwaye neza mu guteza imbere uburinganire.

Rukaba rwaraje  ku isonga mu guteza imbere abagore, nk'aho mu Nteko bagize 61%, muri Guverinoma bangana na 55%.

Daniel Hakizimana

The post UN Women yagaragaje ko kugira abagore benshi mu Nteko ari ingenzi appeared first on FLASH RADIO&TV.

Source : https://flash.rw/2022/10/07/un-women-yagaragaje-ko-kugira-abagore-benshi-mu-nteko-ari-ingenzi%EF%BF%BC/?utm_source=rss&utm_medium=rss&utm_campaign=un-women-yagaragaje-ko-kugira-abagore-benshi-mu-nteko-ari-ingenzi%25ef%25bf%25bc

Source : https://www.kigalitoday.com/ubukungu/ishoramari/article/iburasirazuba-banki-ya-kigali-n-abikorera-biyemeje-kwagura-imikoranire

Muri Mata umwaka ushize, bimwe mu bitangazamakuru byo mu Rwanda byatangaje ko Rwatubyaye Abdul yasezeranye n’uwari umukunzi we Hamida.

Uyu Hamida kandi muri Nyakanga umwaka ushize wa 2021 yari yatangaje ko yitegura kwibaruka umwana wa gatatu ndetse ko yari uwa Rwatubyaye Abdul.

Uyu wari umukunzi wa Rwatubyaye kandi mu kiganiro yakoranye n’abamukurikira kuri Instagram, yari yavuze ko yasezeranye na Rwatubyaye mu idini ya Islam.

Uyu myugariro ubu uri gukinira Rayon Sports, yanyomoje aya makuru, avuga ko uyu wari umukunzi we yabitangaje ashaka kumva abantu.

Ati 'Nkeka ko wenda yabivuze ashaka kumva ko wenda nafashwe ntawundi muntu ushobora kuba yanyegera cyangwa yamvugisha cyangwa twakundana ariko ntabwo gushakana cyangwa gukora imihango ya kisilamu, nta kintu kigeze kibaho.'

Rwatubyaye yasabye abakunzi be kwemera aya makuru yitangiye kuko ari yo y’ukuri.

Ati 'Ntabwo naza imbere ya camera ngo mvuge ikintu nk’icyo gikomeye mvuge ngo ndakubeshya.'

Avuga ko na bo ubwabo ku mbuga nkoranyambaga zabo bari barashyizeho ko barushinze [Married] ariko ko ntabyabye.

Ati 'Icyabaye ni ugukundana bisanzwe…ni ukuvuga ko turimo gutegura icyo gikorwa cy’ubukwe ariko ubu nta bukwe buri gutegurwa na relationships [gukundana] ntabwo tukiyifite yararangiye.'

Abajijwe impamvu yabiteye, Rwatubyaye abinyuze hejuru, yagize ati 'Burya ahantu utabona ko hakurimo cyangwa ahantu ubona urimo gutakaza mu buzima bwawe ntabwo ari ngombwa kuhaguma.'

Rwatubyaye avuga ko nta mukunzi mushya bari kumwe ngo kuko atava mu rukundo ngo ahite ajya mu rundi ahubwo ko ari mu kiruhuko cyo kwakira urugendo rushya.

Hamida yatandukanye na Rwatubyaye mu gihe byavugwaga ko basezeranye imbere y’Imana

Source : http://www.ukwezi.rw/Imyidagaduro/article/Ukuri-ku-Bukwe-bwa-Rwatubyaye-na-Hamida-n-iherezo-ry-urukundo-rwabo

Source : https://www.kigalitoday.com/amakuru/amakuru-mu-rwanda/article/ralga-yabonye-umuyobozi-mushya

Biravugwa ko ikipe ya APR BBC yamaze gusinyisha abakinnyi babiri bakiniraga REG BBC ndetse n’umwe wa Patriots BBC, aba bakaba biyongera kuri Kaje Elie wahoze ari kapiteni wa REG BBC.

Mu minsi ishize nibwo APR BBC yaviriyemo 1/2 itabashije kugera ku mukino wa nyuma wa kamarampaka, yasinyishije Kaje Elie wari kapiteni wa REG BBC.

Iyi kipe y’ingabo z’igihugu ntabwo yagarukiye aho gusa kuko yakomeje gushaka uburyo yiyubakamo kugira ngo umwaka w’imikino utaha izagere ku mukino wa nyuma wa kamarampaka.

Amakuru avuga ko yasubiye muri REG BBC ikuramo abandi bakinnyi babiri bafashije iyi kipe ari bo Nshobozwabyosenumukiza Jean Jacques Wilson ndetse na Axel Mpoyo.

Ntabwo byari bihagije kuko bivugwa ko APR BBC yamaze kurangizanya na Ntore Habimana umwe mu bakinnyi ba Patriots BBC bitwaye neza muri shampiyona iheruka.

APR BBC irimo kwiyubaka mu gihe imaze imyaka 2 yikurikiranya itabasha kugera ku mukino wa nyuma wa kamarampaka isezererwa itarenze 1/2.

Axel Mpoyo bivugwa ko yamaze kwerekeza muri APR BBC

Nshobozwabyosenumukiza na we ari mu bakinnyi bivugwa ko barangizanyije na APR BBC

Kaje Elie ni we wabimburiye abandi kwerekeza muri APR BBC

Ntore Habimana wakiniraga Patriots BBC yerekeje mu ikipe y’ingabo z’igihugu

Source : http://isimbi.rw/siporo/article/apr-yikojeje-muri-reg-na-patriots-ikuramo-inkingi-za-mwamba

Source : https://www.kigalitoday.com/ubuzima/indwara/article/covid19-abantu-babiri-banduye-babonetse-mu-bipimo-1-467

Umugore wo muri congo washakanye nabagabo babiri avuga ko abakunda cyane. Francine Jisele abana n'abagabo be bombi, Remi Murula, na Albert Jarlace.

Nk'uko byatangajwe na Afrimax English, Jisele yashakanye na Murula babyarana abana babiri. Ibintu byaje kubakomerera, bituma Murula asiga umugore we n'abana ajya gushakira ahandi.

Uyu mugabo yamaze imyaka itatu atavugana na Jisele wakomeje kwihangana aramutegereza igihe kinini.

Uyu Jarlace abonye uyu mugore ari wenyine yamusabye ko babana uyu abyemera, atazuyaje.

Icyakora, hashize hafi umwaka ashyingiranywe na Jarlace, Murula yaragarutse asanga umugore we yarongeye gushaka.

Yatonganye n'uyu mugabo 'mushya' Jarlace amusaba kugenda, ariko na we yari afitanye umwana na Jisele kandi ntaho kujya yari afite.

Uyu mugore nawe yaramwinginze ngo bagumane,Murula yemera kuhaguma basangira umugore umwe.

Murula yagize ati: 'Iyo bigeze mu bihe byo gutera akabariro, umwe muri twe aharira undi. Umuryango wanjye uzi ukuri kandi wangiriye inama yo gutuza kuko nataye umugore wanjye.”

Ariko, ni ibintu bitoroshye kuri Jisele. Yifuza ko buri mugabo yagira inzu. Ntashaka ko babana mu cyumba kimwe ari batatu.

Ati: “Turira ku meza amwe, turara mu cyumba kimwe no ku buriri bumwe. Ndabakunda bombi. Tubanye mu mahoro mu rugo.”

Source : https://umuryango.rw/ubuzima-115/udushya/article/umugore-yavuze-urukundo-akunda-abagabo-babiri-babana-mu-nzu-imwe

Rwatubyaye Abdul yatangiye kuvugwa mu rukundo muri 2019 na Hamida, umunyarwandakazi usanzwe wibera muri Indonesia, muri 2020 urukundo rwabo rwaje gukomera noneho batangira no kujya barwerekanira ku mbuga nkoranyambaga.

Muri Kamena 2021 ubwo yari yatanze umwanya ku bantu ngo bamubaze ibibazo bifuza kuri Instagram, Hamida nyuma yo kwemeza ko Rwatubyaye ari umugabo we cyane ko yari asigaye anitwa Mrs Rwatubyaye kuri Instagram, umwe mu bakunzi be yamubajije niba yaba yarakoze ubukwe maze amubwira ko imbere y'Imana byabaye ariko imbere y'amategeko ari mu minsi mike.

Icyo gihe yagize ati 'Imbere y'Imana twarasezeranye, imbere y'amategeko icyo twita umurenge ni mu minsi mike.”

Mu kiganiro Rwatubyaye Abdul yahaye ikinyamakuru Isimbi yavuze ko nta bukwe bwigeze buba ahubwo ashobora kuba yarabikoze kugira ngo abantu bumve ko yafashwe.

Ati 'Ikintu navuga ni ugukuraho ibihuha byagiye bivugwa, ashobora kuba wenda yarabivuze ashaka kuvuga ko wenda nafashwe, ko nta wundi muntu ugomba kuba yanyegera cyangwa se yamvugisha cyangwa se twakundana ariko ntabwo gushakana cyangwa se gukora imihango ya Kisilamu, ntabyigeze bibaho.'

Yakomeje avuga ko icyabaye ari ugukundana ndetse no gutegura ubwo bukwe ariko ubu bukaba ntabwo kuko bamaze no gutandukana.

Ati 'Icyabaye ni ugukundana bisanzwe. Ikintu cyabaye ni ugutegura icyo gikorwa (ubukwe), byabaye igihe gishize ariko ubu nta bukwe buri gutegurwa, n'urukundo nta rugihari rwararangiye.'

Abajijwe icyo bapfuye, yagize ati 'Ntabwo navuga ngo ndarasa ku ntego iyi n'iyi uko byagenze cyangwa mvuge ngo uyu ng'uyu yakoze iki n'iki, twarumvikanye hagati yacu turatandukana.'

Source : https://umuryango.rw/imyidagaduro/article/rwatubyaye-yahishuye-ko-yatandukanye-n-uwari-umukunzi-we-uherutse-gutangaza-ko

N'icyemezo cyafashe kuri uyu wa 5 ukwakira 2022, bavuga ko impande zombie ziteguye bidasubirwaho kwinjira mu biganiro bigamije amahoro, nyuma y'ubutumire bw'ishyirahamwe ry'ubumwe bw'Afurika muri Afrika y'Epfo.

Umuvugizi wa minisitiri w'intebe muri Etiyopiya muby'umutekano yavuze ko leta yemeye ubwo butumire.

Umukuru w'inyeshyamba na we mu ntara ya Tigre yemeye ko biteguye kohereza intumwa muri ibyo biganiro.

Izo mpande zombi zatumiwe muri ibyo biganiro muri Afrika y'epfo mu mpera z'icyumweru gishize, na komiseri w'ubumwe bwa Afrika, Moussa Faki Mahamat.

Ni ibiganiro bigamije kugerageza kurangiza intambara imaze imyaka hafi ibiri hagati y'abanyagihugu ba Ethiopia ubwabo.

Amakuru ava mu badiplomate Ijwi ry'Amerika rifite , avuga ko ibi biganiro bihagarariwe n'ubumwe bwa Afrika bizafashwamo n'abahuza babiri, Olusegun Obasanjo wahoze ari prezida wa Nijeriya na Uhuru Kenyatta yahoze ari perezida wa Kenya.

Minisiteri y'ububanyi n'amahanga y'Amerika, kuri uyu wambere yatangaje ko intumwa idasanzwe y' Amerika, Mike Hammer azagirira ingendo muri Kenya, Afrika y'Epfo na Etiyopiya muri uku kwezi.

Source : https://umuryango.rw/amakuru/mu-mahanga/politiki/article/etiyopiya-n-inyeshyamba-bemeye-kwitaba-au-mu-biganiro-by-amahoro