Webrwanda Backend

Category: Uncategorized

  • Mutesi Jolly asa nuwakomoje ku bivugwa ko ya… – #rwanda #RwOT

    Kuwa 05 Ukwakira 2022 ni bwo Prince Kid nyiri Rwanda Inspiration Back Up yari ifite mu nshingano irushanwa ry'ubwiza rya Miss Rwanda, yongeye kugaragara imbere y'urukiko.

    Kuva icyo gihe hatangiye kuzamuka inkuru zitandukanye zerekana ko Mutesi Jolly ari we uri inyuma yo gufungwa k'uyu musore, kuko ngo yaba yarifuzaga kwegukana imitegurirwe y'iri rushanwa.

    Yewe no hirya no hino mu biganiro biba bicaracara mu nsisiro no mu modoka, usanga bavuga ko Mutesi Jolly afatanije na Joel Rutaganda aribo bacuze umugambi wo guhirika burundu Prince Kid.

    Ukuri kuri ibi ntikuzwi ndetse ntawe uzi niba koko uko ibyaha uyu musore ashijwa byaje, niba yaranabikoze kuko urubanza ruracyakomeje, ndetse binagoye cyane kumenya ibyarwo kuko rubera mu muhezo ibyo abantu batakiriye na Prince Kid yasabye kuburanira ku karubanda, kuko avuga ko ntacyo afite cyo guhisha.

    Nyuma y'ibi bikomeza kugenda bivugwa ndetse byongeye gufata intera muri iki gihe Prince Kid aheruka imbere y'urukiko, Mutesi Jolly yabaye nk'uwerekana ko abibona.

    Yifashishije amagambo y’umwanditsi Sylvester McNutt, yagize ati:'Rinda amahoro yawe. Ugire amacyenga kubo wemera ko mubana. Ntutongane n'abagutera umwanya n'imbaraga ubirinde. Kuko buri umwe ntakwiye uruhande rwawe rwiza.'

    Akomeza agira ati:'Jya wirinda igihe cyose wiyegurire ab'ingirakamaro n'abizerwa.' 

    Ubu butumwa bukaba bwahise bukurikizwa inyunganizi (comments) nyinshi, zimwe zigaragaza ko Prince Kid akwiye kurekurwa.

    Nk'uwitwa Jean Paul Rudahunga yagize ati:'Murekure Prince Kid.' Uwitwa Rwagasabo Bonfils ati:'Iruke niyo tekinike ya nyuma.' Undi na we witwa Bebelando ati:'Kubera iki aya magambo.'

    Hari n'uwitwa Dominic Habakurama wagize ati:' Kwihisha mu murima w’ ubunyobwa ntawe byahiriye, gusa numva bavuga ko ari 40 gusa itarenga, ibisubizo by'ibibazo twibaza ni igihe, reka tubireke kizatubwira.'

    Si abo gusa, kuko uwitwa Louise Mujawayezu nawe yaje agira ati:' Ntabwo nabiguhamya ariko niba warabikoze uri umwana mubi, wibagiwe aho yagukuye koko niba ari wowe uzasarura urubuto wateye setu.'

    Uwitwa Niyonzima nawe ati:' Wowe uri indashima, uri umugambanyi mbese uri ikirura kiyambitse uruhu rw'intama.' Babelando ati:' Ngo niwowe wagambaniye Prince Kid?' Denyse Niyonsaba ati:' Komera umutima Jolly. Iminsi izabisobanura.'

    Akomeza gushyirwa mu majwi yo kugambanira Kid ngo yegukane irushanwa 

    Rutaganda Joel na we ni umwe mu bavugwaho gushyirishamo Kid

    Uretse kuba hazwi ibyaha Prince Kid ashijwa, nta kindi kihariye kizwi ku rubanza rwe kuko rwashyizwe mu muhezo

    Asaba kuburanira mu ruhamwe kuko ngo ntacyo asanga afite cyo guhisha, ibyo ubushinjacyaha budakozwa

    Muri Gicurasi 2022 nibwo yatawe muri yombi, ubu aburana avuye muri gereza ya Mageragere acumbikiwemo

    Zimwe mu nyunganizi (comment) zimaze gushyirwa ku butumwa bwa Miss Mutesi Jolly

    Ubutumwa Miss Mutesi Jolly yasangije abamukurikira

     

    Source : https://inyarwanda.com/inkuru/121708/mutesi-jolly-asa-nuwakomoje-ku-bivugwa-ko-yaba-ariwe-wafungishije-prince-kid-121708.html

  • Kiyovu yashyize iterura igikombe itsinze Rayon Sports #rwanda #RwOT

    Ikipe ya Kiyovu Sports yababaje mukeba wayo Rayon Sports iterura igikombe cya Made in Rwanda Cup gikinwe bwa mbere mu rwanda.

    Mu mukino w'ishyiraniro wabereye kuri sitade ya Kigali i Nyamirambo, Kiyovu Sports yatsinze Rayon Sports ibitego 2-1,iyitwara iki gikombe cyahuje amakipe 4 akomeye mu Rwanda nubwo hatabonetsemo APR FC.

    Kiyovu Sports yagaragaje imbaraga mu mukino wose ndetse ica mu rihumye Rayon Sports byatumye yegukana igikombe.

    Ku munota wa 36 nibwo Kiyovu Sports yabonye igitego cya mbere, gitsinzwe na Mugenzi Bienvenue ku mupira mwiza yahawe na Serumogo Ali, aterekaho umutwe ujya mu rushundura.

    Iki gitego cyashegeshe Rayon Sports yari imaze kubura kizigenza wayo Onana wavuye mu kibuga kubera imvune yagize ku munota wa 30 nubwo mbere y'aho yagiye yiharira imipira bikica amahirwe y'ikipe ye.

    Rayon Sports ntiyashoboye kwishyura iki gitego,bituma igice cya mbere kirangira ari igitego 1-0.

    Igice cya kabiri cyatangiye, umutoza Haringingo akora impinduka akura mu kibuga, Mugisha François Master hinjiramo Bavakure Ndekwe Felix, ndetse na Muvandimwe JMV wari wagize igice cya mbere kigoye ava mu kibuga, hinjira Ganijuru Ishimwe Elie.

    Ibi ntacyo byunguye Rayon Sports yari hasi mu kurema amahirwe y'ibitego n'urwego rwayo ntabwo rwari hejuru muri iyi mikino.

    Ku munota wa 76 Kiyovu Sports yabonye igitego cya kabiri, cyatsinzwe na Bigirimana Abedi ku mupira wari uturutse muri Koroneri awutera mu izamu adahagaritsenyuma y'uko abakinnyi ba Rayon Sports bari bagerageje kwirwanaho n'umutwe.

    Icyakora mu minota ya nyuma Rayon Sports yabaye nk'ikanguka aho Musa Esenu yayitsindiye igitego ku munota wa 90 nyuma yo gusohoka nabi kwa Kimenyi Yves atangwa umupira n'uyu munya Uganda.

    Iki gitego cyahise giha imbaraga Rayon Sports isatira bikomeye Kiyovu Sports byatumye mu minota 4 yongeweho haba igitangaza gikomeye.

    Ku munota wa 93 Nsabimana Aimable wari wagize umukino mwiza, yakoze ku mupira mu rubuga rw'amahina,umusifuzi Mukansanga Salima agaragaza ubuhanga budasanzwe yemeza ko ari penariti ya Rayon Sports.

    Uyu musifuzi yatunguye benshi kuko uyu mupira Nsabimana yawukoze ari mu kirere ariko aba yamuteye imboni yemeza ko ari penaliti cyane ko ukuboko k'uyu myugariro kwari kure y'umubiri we.

    Icyizere mu bakinnyi n'abafana ba Rayon Sports cyagarutse ndetse benshi bemeza ko amakipe yombi agiye kunganya hagaterwa penaliti.

    Icyakora siko byagenze kuko umupira watewe na Mbirizi Eric utagiye mu izamu kuko wakubise igiti cy'izamu uragaruka.

    Umukino wahise urangira Rayon Sports itsinzwe bituma ijambo perezida wa Kiyovu Sports,Mvukiyehe Juvenal yabwiye iyi kipe ko itazigera imutsinda ayiyobora rikomeza kuba impamo.

    Kiyovu Sports yahawe igikombe na miliyoni 5, Rayon Sports yabaye iya kabiri ihabwa miliyoni 4, Mukura victory sports yabaye iya 3 ihabwa miliyoni 3 naho Musanze FC yabaye iya kane ihabwa miliyoni 2.

    Mukura VS&L yabonye umwanya wa 3 nyuma yo kunyagira Musanze FC ibitego 4-0.

    Source : https://umuryango.rw/imyidagaduro/imikino/article/kiyovu-yashyize-iterura-igikombe-itsinze-rayon-sports

  • Musanze: Basuzumwe ku buntu indwara zitandura #Rwanda #RwOT via @kigalitoday #rwanda #RwOT

    Abaturage bo mu Karere ka Musanze, by’umwihariko abatuye mu gice cy’umujyi n’inkengero zawo, bashimishwa no kwegerezwa serivisi zituma bamenya uko ubuzima (…)

    Source : https://www.kigalitoday.com/ubuzima/indwara/article/musanze-basuzumwe-ku-buntu-indwara-zitandura

  • #MadeinRwandaCup2022: Kiyovu Sports itwaye igikombe itsinze Rayon Sports 2-1 #Rwanda #RwOT via @kigalitoday #rwanda #RwOT

    Ikipe ya Kiyovu Sports yegukanye igikombe cy’irushanwanwa rya Made in Rwanda Cup nyuma yo gutsinda Rayon Sports ibitego 2-1 mu gihe Mukura VS yegukanye (…)

    Source : https://www.kigalitoday.com/imikino-11/football/article/madeinrwandacup2022-kiyovu-sports-itwaye-igikombe-itsinze-rayon-sports-2-1

  • Hari abaretse ibirego by’ihohoterwa kubera gusiragizwa mu nkiko #Rwanda #RwOT via @kigalitoday #rwanda #RwOT

    Bamwe mu bana basambanyijwe bagaterwa inda bavuga ko kubura amikoro yo kubageza mu Bugenzacyaha no gusubika imanza z’ababahohoteye bituma ababahohoteye (…)

    Source : https://www.kigalitoday.com/amakuru/amakuru-mu-rwanda/article/hari-abaretse-ibirego-by-ihohoterwa-kubera-gusiragizwa-mu-nkiko

  • Rwamagana: Umugabo afunzwe azira guha ruswa ya 70.000 umupolisi #rwanda #RwOT

    Polisi y'u Rwanda, mu Karere ka Rwamagana, ku wa Gatanu taliki ya 7 Ukwakira, yafashe uwitwa Gashema Tumani w'imyaka 49 y'amavuko, ukurikiranyweho kugerageza guha Ruswa umupolisi ingana n'amafaranga y'u Rwanda ibihumbi mirongo irindwi (70,000 Frw) kugira ngo imodoka ye ihabwe icyangombwa cy'ubuziranenge.

    Ni nyuma y'uko yari amaze gukoresha isuzuma ry'imiterere (Controle Technique) y'ikamyo abereye umushoferi mu Kigo gishinzwe gusuzuma imiterere y'ibinyabiziga cya Rwamagana bikaza kugaragara ko itujuje ibisabwa byose ngo yemererwe guhabwa icyangombwa.

    Icyemezo cy'ubugenzuzi bw'imiterere y'ibinyabiziga gishyirwaho n'Iteka rya Perezida n° 85/01 ryo ku wa 02/09/2002 rishyiraho amabwiriza rusange agenga imihanda n'uburyo bwo kuyigendamo.

    Umuvugizi wa Polisi mu Ntara y'Iburasirazuba, Superintendent of Police (SP) Hamdun Twizeyimana, yavuze ko yafatiwe mu cyuho ahagana ku isaha ya saa cyenda z'igicamunsi agerageza guha umupolisi ruswa ngo imodoka ye ishyirwe mu zujuje ubuziranenge.

    Yagize ati: 'Kuri uyu wa Gatanu, ni bwo uwitwa Gashema yari yaje gusuzumisha ubuziranenge bw'imodoka abereye umushoferi, mu Karere ka Rwamagana bikaza kugaragara ko imodoka ye yo mu bwoko bw'ikamyo ifite ibibazo bya mekanike birimo kuba feri yaracomotse, kudakora neza kwa moteri imena amavuta na Parishoke yarakutse, yagombaga kubanza kujya gukoresha kugira ngo abashe guhabwa icyangombwa cy'ubuziranenge.'

    Yakomeje agira ati: 'Aho kujya gukoresha imodoka, nyuma gato yaragarutse yegera umwe mu bapolisi, amusaba ko yamuha amafaranga kugira ngo imodoka ihabwe icyangombwa, ni bwo yamuherezaga amafaranga y'u Rwanda ibihumbi 70, umupolisi abimenyesha abamukuriye ni ko guhita afatwa arafungwa.'

    Akimara gufatwa yavuze ko amafaranga yari ayahawe n'uwitwa Nteziryayo Jean d'Amour ushinzwe gukurikirana iyo kamyo yakoreshwaga mu bucuruzi ngo ayatange imodoka ikomeze akazi.

    SP Twizeyimana yanenze abagifite imyumvire yo kumva ko batanga amafaranga kugira ngo bahabwe serivisi mu buryo bunyuranyije n'amategeko.

    Yagize ati: 'Niba uje gusuzumisha ikinyabiziga ugasanga hari ibyo kitujuje mu buziranenge bwacyo si ukuvuga ko gitaye agaciro, usabwa guhita ujya kugikoresha ukagaruka ukabona guhabwa icyangombwa. Gutekereza gutanga ruswa ngo wemererwe kugisubiza mu muhanda ni ugushyira mu kaga ubuzima bwawe n'ubw'abandi bakoresha umuhanda.'

    Gashema n'amafaranga yafatanywe, yashyikirijwe Urwego rw'Igihugu rw'Ubugenzacyaha (RIB) kuri Sitasiyo ya Kigabiro kugira ngo hakomeze iperereza ku cyaha akurikiranyweho mu gihe Nteziryayo agishakishwa.

    Itegeko no 54/2018 ryo ku wa 13/08/2018 ryerekeye kurwanya ruswa, ingingo yaryo ya 4 ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose, kuri we cyangwa ku wundi muntu cyangwa wemera amasezerano yabyo kugira ngo akore cyangwa adakora ikiri mu nshingano ze cyangwa yifashishije imirimo ye kugira ngo gikorwe cyangwa kidakorwa aba akoze icyaha.

    Iyo abihamijwe n'urukiko, ahanishwa igifungo kirenze imyaka itanu (5) ariko kitarenze imyaka irindwi (7) n'ihazabu y'amafaranga y'u Rwanda yikubye inshuro kuva kuri eshatu (3) kugeza kuri eshanu (5) z'agaciro k'indonke yatse cyangwa yakiriye.

    Ibihano bivugwa muri iyi ngingo ni na byo bihabwa umuntu wese utanga cyangwa usezeranya gutanga, mu buryo ubwo ari bwo bwose, indonke iyo ari yo yose, kuri we cyangwa ku wundi muntu kugira ngo hatangwe cyangwa hadatangwa serivise.

    Source : https://umuryango.rw/amakuru/mu-rwanda/umutekano/article/rwamagana-umugabo-afunzwe-azira-guha-ruswa-ya-70-000-umupolisi

  • Yahaye impano y'imodoka umugore we nk'impozamarira y'uko yashatse uwa kabiri #rwanda #RwOT

    Muri Tanzaniya, umukunzi w'umupira w'amaguru, Haji Sunday Manara, yahaye umugore we Rubyana, imodoka nshya nk'impano yo kumuhoza nyuma yo kumushakiraho umugore wa kabiri.

    Muri Mata 2022, uyu muvugizi w'ikipe ya Tanzania premier league,Yanga Sports Club yashakanye n'umugore we wa kabiri, Rusha.

    Nk'uko Manara abitangaza, ngo yahaye Rubyana imodoka yo kumuhoza amarira, kuko icyemezo cye cyo gushaka undi mugore cyamubabaje cyane.

    Ati”Ntabwo ari ibisanzwe kuri njye guha umuntu impano mu ruhame. Dufite umuco twarazwe n'aba sogokuru ko iyo ushatse umugore mushya, umuco w'abaturage ba Dar es Salaam nuko uha umugore wa mbere impano yo kumuhanagura amarira.

    Umuco uvuga ko ugomba kumuha impano imbere y'umuryango ninshuti. Iyo urebye ubukwe bwanjye bwa mbere nubwa kabiri, bwavuzwe cyane kuri interineti niyo mpamvu natekereje kumuha impano ku mugaragaro.”

    Bwana Manara akomeza avuga ko ubukwe bwe bushya bwababaje umugore we wa mbere, ariko kubera ko ari Umuyisilamu, agomba kubaha inyigisho za Islamu.

    Ati: 'Ibi ndabikora kugirango ndebe ko abagore banjye bishima nkuko meze. Kurongora undi mugore ufite umwe birababaza cyane. Ntabwo tubikora kugirango tubababaze, ariko ni ku bw'impamvu z'umubiri no kororoka.”

    Ku rundi ruhande, umugore we, Rubyana yatangaje ko yishimiye iyi mpano nshya. Ati: “Nk'umugore wa mbere, ntabwo nakiriye we gusa, ahubwo n'abandi babiri bari mu nzira. Nishimiye cyane umugabo wanjye '.

    Source : https://umuryango.rw/ubuzima-115/udushya/article/yahaye-impano-y-imodoka-umugore-we-nk-impozamarira-y-uko-yashatse-uwa-kabiri

  • Babo yakoze impanuka Imana ikinga akaboko – #rwanda #RwOT

    Mu kiganiro umwe mu bantu ba hafi b'uyu muhanzikazi yagiranye n'inyaRwanda.com, yasobanuye iby'iyi mpanuka.

    Ati: 'Yari wenyine avuye kudepoza inshuti ze, ni hariya ku muhanda ugana Bralirwa.'


    Akomeza avuga ko ntacyo yabaye mu bigaragara, ati:'Nta kintu yangiritseho, nta n'umuntu yagonze  imodoka niyo yangiritse.'

    Yongeraho ko basabwe ko yajya kuryama nyuma akaba aribwo bazamujyana kwa muganga kureba niba nta kindi kibazo yaba yagize.

    Iyi mpanuka ikaba yabaye mu ma saa moya z'igitondo cy'uyu munsi tariki 09 Ukwakira 2022.

    Mu busanzwe Babo ni umwe mu bahanzikazi nyarwanda bagezweho wagiye akora n'abahanzi bakomeye, barimo The Ben na Ariel Wayz.

    Uretse kuba kandi akora umuziki, afite n'inzu y'imideli, bimugira umwe mu bashabitsi.

    Babo yakoze impanuka 

    Imodoka niyo yangiritse we nta kibazo yagize

    Source : https://inyarwanda.com/inkuru/121707/babo-yakoze-impanuka-imana-ikinga-akaboko-121707.html

  • Ibihembo Isango na Muzika Awards bigiye gut… – #rwanda #RwOT

    Nk'uko byatangajwe, umuhango wo gutanga ibi bihembo uzaba ku mugoroba wo ku wa 17 Ukuboza 2022, kuri Park Inn Hotel mu Kiyovu mu Mujyi wa Kigali.

    Ibi bihembo byatanzwe bwa mbere mu 2020, byongera gutangwa mu 2021. Kavukire Alex [Kalex] uri mu bategura ibi bihembo, yabwiye InyaRwanda ko izi nshuro zabahaye ishusho y'uko hafi 85% by'Abanyarwanda bemeranya n'abashyirwa muri ibi bihembo n'ababyegukana.

    Ati 'Mu nshuro ebyiri ibi bihembo bimaze kuba, twishimira ko byibuze abanyarwanda nka 85% bavuga ko dukoresha ukuri. Haba muri 'Nomination' (abahatana), haba n'ababyegukana.'

    Kavukire akomeza avuga ko bishimira ko Isango na Muzika Awards igira uruhare mu gutera 'ingabo mu bitugu abahanzi bagakomeza gukora cyane ibihangano birimo ubuhanga n'udushya'.

    Yanavuze bishimira ko abahanzi bakira neza ibi bihembo kandi 'nka Isango Star tubafasha mu kumenyekanisha ibihangano byabo'.

    Ati 'Bishimira no kuba dushima ibikorwa byabo binyuze muri Isango na Muzika Awards.'

    Yavuze ko hari zimwe mu mpinduka zizagaragara muri ibi bihembo zizatangazwa mu minsi iri imbere.

    Umwaka ushize ibi bihembo byatanzwe mu byiciro 18. Bitangwa ku bahanzi mu byiciro bitandukanye, abakinnyi ba filime, abatunganya indirimbo (Producer) mu buryo bw'amajwi n'amashusho mu rwego rwo gushyigikira urugendo rw'iterambere rw'umuziki w'u Rwanda.

    Abegukanye ibihembo bya Isango na Muzika Awards 2021:

    1.Igihembo cy'umuhanzi mushya [Best New Artist] cyegukanwe na Confy.

    2. Umukinnyi wa filime w'umugabo witwaye neza [Best New Actor] yabaye Rusine Patrick wamamaye muri filime 'Mugisha na Rusine'.

    3. Umukinnyi w'umugore wa filime w'umwaka [Best Actress] yabaye Uwamahoro Antoinette wamenyekanye cyane ku izina rya Siperansiya.

    4. Icyiciro cy'umuhanzi ukora umuziki wa Gakondo [Best Culture& Traditional Artist] yabaye Ruti Joel wamamaye mu ndirimbo 'Igikobwa'.

    5.Album y'umwaka [Best Album] yabaye 'Inzora' ya Butera Knowless.

    6. Indirimbo ihuriweho y'umwaka [Best Collabo] yabaye 'Away' y'umuhanzikazi Ariel Wayz na Juno Kizigenza.

    7. Umugabo watunganyije neza amashusho [Best Video Director] yabaye Easy Cuts.

    8. Umuhanzi ufite indirimbo y'amashusho meza [Best Video of the year] yabaye Kenny Sol abicyesha indirimbo ye yise 'Say my name'.

    9.Igihembo cy'itsinda rikora Gospel [Best Gospel Artist] cyegukanwe na Vestine na Dorcas.

    10. Umuraperi w'umwaka [Best Hip Hop] yabaye Bull Dogg.

    11. Utunganya indirimbo w'umwaka [Best Producer] yabaye Element wo muri Country Records.

    12. Indirimbo y'umwaka [Best Song of the year] yabaye 'Away' ya Juno Kizigenza na Ariel Wayz.

    13. Producer w'ikinyacumi [Producer of the Decade] yabaye Ishimwe Karake Clement.

    14. Umujyanama w'ikinyacumi [Manager of the Decade] yabaye Muyoboke Alex.

    15. Umunyamakuru w'ikinyacumi [Journalist of the Decade] yabaye Uncle Austin.

    16. Umuhanzi mwiza w'ikinyacumi [Artist of the Decade] yabaye Meddy ubarizwa muri Leta Zunze Ubumwe za Amerika.

    17. Umuhanzikazi mwiza w'ikinyacumi yabaye Butera Knowless.

    18. Umuhanzi w'umwaka [Best artist] yabaye Bruce Melodie.     

    Ibihembo Isango na Muzika Awards bigiye gutangwa ku nshuro ya gatatu hashimirwa abanyamuziki

    Umwaka ushize abanyamakuru 17 bahawe ibihembo bashimirwa uruhare rwabo 

    Umwaka ushize Butera Knowless yegukanye ibihembo bibiri: Icy'umuhanzikazi w'umwaka [Best Female Artist] n'icy'umuhanzikazi w'ikinyacumi [Artist of Decade] 

    Indirimbo 'Away' ya Juno Kizigenza na Ariel Wayz yegukanye ibihembo bibiri

    Igihembo cy'umuraperi w'umwaka 'Best Hip Hop Artist' cyegukanwe na Bull Dogg. Cyakiriwe n'umuraperi Fireman

    Igihembo cy'umuhanzi mushya utanga icyizere [Best New Artist] yabaye Confy

    Source : https://inyarwanda.com/inkuru/121705/ibihembo-isango-na-muzika-awards-bigiye-gutangwa-ku-nshuro-ya-gatatu-121705.html

  • MU MAFOTO 30: Ikimero cya Nabbi n’iby’urukund… – #rwanda #RwOT

    Kwikuramo umukunzi we bisa nk'aho bikomeje kugora Otile Brown, wafashe umwanya akamwifuriza isabukuru nziza mu magambo aryohereye agira ati:'Umunsi mwiza w'amavuko kuw'ubwiza burenze ufite roho y'agatangaza mubo namenye Nabbi ramba, utsinde wuzure ibyishimo.'

    Nyuma yo kubona ubu butumwa twifuje gusa kubereka ubwiza bwa Nabbi, no kwinjira gato mu rukundo rw'aba bombi. 

    Urukundo rwabo rwatangiye muri Werurwe 2019 ariko rukagenda rurangwa no gutandukana bya hato na hato bidashira, ndetse muri iyi minsi bikaba byari bizwi ko bashyize akadomo ku rukundo rwabo.

    Muri Kamena nibwo Otile Brown yari yatangaje ko yamaze gutandukana n'umukunzi we ukomoka mu gihugu cya Ethiopia, Nabayet, aya makuru akaba yarayasangije abamukurikira ku mbuga nkoranyambaga.

    Otile Brown yari yagize ati: 'Njyewe na Nabbi ntabwo tukiri kumwe, twagerageje kureba ko twakomezanya ariko byaranze. Ni umuntu w'agatangaza, kubw'ibyo nzahora mwubaha, mwitaho, kandi mworohera. Nta kindi namwifuriza, uretse amahirwe mu buzima buri imbere.'

    Mu mwaka wa 2021 kandi Otile yari yafashe umwanya avuga ibintu bimukurura kuri uyu mwari, ati: 'Si ubwiza gusa ni ikirango cy'amahoro, ubumuntu, urukundo, ibyishimo, ubwenge, umutuzo, ubwubahane, ubwumvikane kandi inseko ye n'uko amwenyura byavura na Kanseri.'

    Icyo gihe kandi yanakomoje ku kubana kwabo agira ati: 'Kandi ibyo nibyo nifuje ndagusezeranya ko mu gihe cya vuba tuzabana.'

    Source : https://inyarwanda.com/inkuru/121701/mu-mafoto-30-ikimero-cya-nabbi-nibyurukundo-rwe-na-otile-brown-121701.html