Category: Uncategorized

Source : https://www.kigalitoday.com/imikino-11/football/article/perezida-kagame-yashimiye-abafana-ba-rayon-sports-bamwifurije-isabukuru-nziza

Batuye mu Mudugudu wa Gacaca, Akagari ka Cyambwe, Umurenge wa Musambira, Akarere ka Kamonyi. Bari mu maboko ya RIB sitasiyo ya Musambira kuva ku wa gatanu w'icyumweru gishize, aho bikekwa ko bagize uruhare mu rupfu rw'umwana w'imyaka 4, umugore yari abereye Mukase.

Amakuru bamwe mu baturage bahaye Umunyamakuru wa intyoza.com ku wa Gatanu ubwo umugabo n'umugore bafatwaga bagashyikirizwa RIB, bavuga ko uyu Mukase( twirinze gutangaza amazina) w'umwana, yamukubise bikomeye bikagera aho umwana ajyanwa kwa muganga ariho yaje kugwa.

Bavuga ko bikimenyekana mu baturage, umugore yavuze ko umwana yaba yarahanutse ku rwego akitura hasi. Bamwe bavuga ko kwa muganga ataribyo babonye nubwo nta wemeza nyirizina icyo azi cyatangajwe no kwa muganga. Nyuma y'ibyo byasakujwe mu baturage ku rupfu rw'uyu mwana, ubuyobozi bwagiye gufata uyu mugore n'umugabo we bubashyikiriza RIB kugira ngo ikore akazi kayo.

Amakuru y'itabwa muri yombi ry'uyu mugabo n'ubugore, yemezwa kandi na Nyirandayisabye Christine, Umunyamabanga Nshingwabikorwa w'Umurenge wa Musambira nubwo avuga ko uko abaturage bayavuga nawe ariko yayumvise, ariko ko nk'ubuyobozi icyo bakoze ari ugufata umugore n'Umugabo bagashyikirizwa RIB ari nayo bitezeho kumenya by'ukuri icyabaye ku mwana.

Gitifu Nyirandayisabye yagize ati' Ndi kubyumva gutyo ntabwo nanjye nzi ngo ni ibiki?. Umwana bamujyanye kwa muganga, yaguye kwa muganga I Rukoma. Uko babivuga nanjye niko mbyumva. Birasaba ko kwa muganga na RIB aribo baduhereza amakuru arambuye. Ariko nyine ubwo nti wakumva amakuru ngo urekere aho!, twabashyikirije RIB'. Ibi yabibwiraga umunyamakuru ku wa gatanu bamaze kugeza aba babyeyi kuri RIB i Musambira.

Umwana w'itabye Imana ni Umukobwa w'imyaka 4 y'amavuko nkuko Gitifu w'aka kagari ka Cyambwe yabibwiye umunyamakuru. Amakuru agera ku intyoza.com ni ay'uko Mama wa nyakwigendera(umwana) yari yaragiye kwishakira ubuzima mu Mutara, atakibana n'uwo bamubyaranye kuko yari yarashatse undi, ari nawe bari kumwe banafatanywe, ukekwaho inkoni zakubitswe uyu mwana bikarangira aguye kwa muganga.

intyoza

Source : https://www.intyoza.com/2022/10/24/kamonyi-musambira-umugabo-numugore-bafunzwe-bakekwaho-kwica-umwa-wimyaka-4/

Umuvunyi Mukuru, Nirere Madeleine arasaba abayobozi mu nzego z'ibanze mu Karere ka Kamonyi kudahanahana abaturage kuko bituma ibibazo babagezaho bidakemukira ku gihe. Avuga ko ibi biri mu bituma bahora basiragizwa ndetse rimwe na rimwe bakagera mu nkiko bitari ngombwa, iterambere ryabo rikaba inzozi kubera guhora bagenda.

Ibi, yabigarutseho kuri uyu wa 24 Ukwakira 2022 ubwo hatangizwaga icyumweru cy'ubukangurambaga bwo gukumira no kurwanya akarengane na ruswa ( Anti-Injustice Campaign) mu karere ka Kamonyi mu murenge wa Gacurabwenge.

Yagize ati' Twatangije ubu bukangurambaga kugirango twegere abaturage. Tugamije kubatega amatwi ku bibazo bitandukanye byabo bibagoye kandi tuzagera mu turere 15 kuko mu mwaka ushize nabwo twageze mu turere nk'utu. Ikigaragara n'uko ibibazo by'abaturage birakemuka kandi neza, ariko twagiye tubona ko abayobozi bo mu nzego z'ibanze basiragiza abaturage bakabahanahana kandi ntibikwiye'.

Akomeza avuga ko ibibazo byiganje bakiriye bishingiye ku mitungo, amasambu, gutanga ingurane, amakimbirabe n'imanza zicibwa abaturage bakavuga ko habayemo akarengane.

Ati' Dufite ibibazo byinshi twakiriye by'aturage badusaba ko twabyigaho tukabarenganura. Ibisaga 1650 twarabyakiriye kandi bigenda bisuzumwa kimwe ku kindi ndetse tugasanga hari ibidasobanutse tugasaba ko byakosorwa, tukandikira inzego zitandukanye. Hari ibibazo bishingiye ku mitungo, amasambu, gutanga ingurane kubimurwa ku nyungu rusange, amakimbirane ndetse n'imanza zicibwa abaturage ntibishimire imyanzuzo yatanzwe'.

Bamwe mu baturage, bavuga ko bakunda gusiragira basaba serivisi maze urwego rukajya ruboherereza urundi cyangwa bagasabwa ibyangombwa bigashakwa bigatangwa ariko ugategereza ko baguha ingurane cyangwa ibindi ugasanga bifata igihe kirekire.

Ndagijimana Lazaro, avuga ko yaburanye urubanza ararutsinda ariko kururangiza byarananiranye kugera ubwo yongeye gusubizwa ku rukiko kurusaba ko rwagaragaza ikigomba kurangirizwaho urubanza kandi ibyo baburanye bizwi ari iminani yabo.

Yagize ati' Maze igihe naraburanye urubanza ndanatsinda ariko kururangiza byabaye ikibazo nongera gusubira ku rukiko bambwira ko ikigomba kurangirizwaho urubanza kitagaragara kandi ibyo twaburanaga na bashiki banjye bavugaga ko ababyeyi bacu batigeze batanga iminani, kandi hari n'impapuro zanditswe itangwa ariko bakirengagiza ukuri bazi'.

Mukarwego Melanie, yemeza ko hari igihe umuyobozi abona ikibazo cy'umuturage cyaba kivugwamo ibikomerezwa aho kugikemura ahubwo bakagihunga bigatuma habamo na ruswa kuko ubucuti bwabo na siniteranya bituma umuturage ahora asiragira. Yemeza ko ibi byamubayeho, abizi neza.

Umuyobozi w'Akarere ka Kamonyi, Dr Nahayo Sylvere yabwiye intyoza.com ko ibi bibazo abaturage bagaragaza akenshi bidakunze guhura n'ukuri kuko hari n'igihe babeshya inzego ku makuru ajyanye n'ibibazo byabo.

Akomeza yemeza ko nta muyobozi ukwiye gusiragiza umuturage kuko ariwe uri ku isonga ry'ibyo bakora, bityo ko baba bagomba kubibakorera. Ahamya ko uwirengagiza inshingano aba asuzuguye uwamutumye gukorera abaturage. Asanga bidakwiye kuko inshingano bahabwa zigaragaza icyo bazakorera umuturage.

Urwego rw'umuvunyi ruvuga ko hari ibibazo 1650 bagiye bakira mu bihe bitandukanye, ko ibisaga 3, 3% by'imanza 460 zaciwe n'inkiko babisuzumye bagasanga zarabayemo akarengane ndetse bandikira urwego rugenzura inkiko kuzisesa hagatangwa ubutabera bwa nyabwo.

Akimana Jean de Dieu

Source : https://www.intyoza.com/2022/10/24/kamonyi-guhanahana-abaturage-bituma-ibibazo-byabo-biba-agatereranzamba-umuvunyi/

Perezida wa Repubulika Paul Kagame asanga hakiri byinshi byo gukora kugira ngo u Rwanda rugere ku buringanire n'ubwuzuzanye hagati y'abagabo n'abagore mu buryo busesuye kabone nubwo hari intambwe ndende imaze guterwa.

Umukuru w'Igihugu yabigarutseho kuri uyu wa Mbere mu nama y'ihuriro ry'abagiraneza bakorera ku mugabane wa Afurika, African Philanthropy Forum 2022.

Ni inama isuzumira hamwe uruhare rw'iyo miryango mu guteza imbere uburinganire hagati y'abagabo n'abagore hazibwa icyuho n'ubusumbane bikigaragara hagati y'abagabo n'abagore ku mugabane wa Afurika.

Ubuyobozi bw'iri huriro buvuga ko kuba iyi nama ibereye mu Rwanda atari impanuka kubera insanganyamatsiko iganirwaho kuko u Rwanda ruri ku isonga muri Afurika no ku Isi yose mu guteza imbere uburinganire, nkuko raporo z'imiryango n'ibigo mpuzamahanga zidahwema kubigaragaza.

Ngo nubwo bimeze bityo ariko Perezida Paul Kagame asanga hakiri byinshi byo gukora buri wese agahindura imyumvire ku buringanire kugira ngo bubashe gushinga imizi uko bikwiye.

Aha Umukuru w'Igihugu yavuze ko abagabo bagomba gufata iya mbere ariko n'abagore bagashira amanga bagatinyuka kwanga no kwamagana imikorere n'indi migirire yose ibaheza inyuma.

Perezida Kagame yanasabye by'umwihariko abagore bari mu myanya y'ubuyobozi n'imirimo itandukanye kudapfusha ubusa amahirwe bafite ahubwo bagaharanira kuba indashyikirwa n'intangarugero ndetse bagakoresha ayo mahirwe mu guteza imbere bagenzi babo.

Umuyobozi w'inama y'ubutegetsi y'ihuriro African Philanthropy Forum Madamu Tsitsi Masiyiwa avuga ko ubushakashatsi bwerekanye kugira ngo Afurika igere ku buringanire bwuzuye hagati y'abagabo n'abagore bisaba indi myaka 140 ukurikije umuvuduko uyu mugabane ugenderaho mu kuziba icyo cyuho.

Ni mu gihe kandi kuziba icyo cyuho mu rwego rw'ubukungu bisaba ko umusaruro mbumbe wa Afurika wiyongeraho miliyari zisaga 360 z'amadorali ya Amerika.

Muri iyi nama y'iminsi 2 ibera i Kigali, biteganyijwe kandi ko hazanatangizwa gahunda y'iterambere ry'uburinganire harimo n'ikigega cyiswe Africa Gender Fund cyo guteza imbere abagore mu nzego zitandukanye.

@RBA

The post Haracyari urugendo ngo u Rwanda rugere ku buringanire busesuye-Perezida Kagame appeared first on IRIBA NEWS.

Source : https://iribanews.rw/2022/10/24/haracyari-urugendo-ngo-u-rwanda-rugere-ku-buringanire-busesuye-perezida-kagame/

Source : https://www.kigalitoday.com/amakuru/amakuru-mu-rwanda/article/ines-ruhengeri-ishusho-ya-mutagatifu-yohani-pawulo-ii-yahawe-umugisha

The post 'Babyeyi mwigishe abana banyu gukoresha agakingirizo' appeared first on IRIBA NEWS.

Source : https://iribanews.rw/2022/10/24/babyeyi-mwigishe-abana-banyu-gukoresha-agakingirizo/

Source : https://umuryango.rw/amakuru/urukundo/article/uwandemewe-episode21-naratumwe-ngeze-mu-mayira-abiri-imitima-imbana-ibiri

Umwami Charles III yashyize ku isoko amwe mu mafarashi yo gusiganwa yarazwe na nyina Umwamikazi Elizabeth II uherutse gutanga. Uyu mwamikazi yari umworozi ukomeye w'amafarashi yo gusiganwa ndetse bizwi ko yakundaga kujya ku masiganwa yazo no kuzitwara. 

Kuri uyu wa mbere, inzu ya cyamunara ya Tattersalls yatangaje ko irimo kugurisha amafarashi 14 'y'icyororo' y'Umwamikazi Elizabeth II.  Muri izo harimo iyitwa Just Fine, yatojwe n'uwitwa Sir Michael Stoute watoje izigera ku 100 z'i Bwami zatsinze amarushanwa, n’iyitwa Love Affairs.  

Jimmy George, umuvigizi w'iyi nzu y'ubucuruzi, yagize ati: 'Nta kidasanzwe. Buri mwaka bashoboraga kugurisha amafarashi. 'Umwamikazi yari afite iz'icyororo ze bwite, yarazororaga akazazigurisha. Ntabwo zose wazitunga.' Umwamikazi, yari afite kandi ibiraro by'amafarashi mu gace ka Sandringham mu burasirazuba bw'u Bwongereza. 

Umwamikazi Elizabeth II yari umworozi w’amafarashi.

George avuga ko kugurisha izi farashi bidasobanuye ko i Bwami batandukanye n'ibyo gusiganwa kw'amafarashi. Yagize ati: 'Buri mwaka benezo hari izo bagurisha. Umwami ubu arimo gukora ibyo abazifite bakora.'  Ibiraro by'amafarashi by'i Sandringham bizwiho korora amafarashi yatsinze kenshi, Umwamikazi Elizabeth yabirazwe na Se, Umwami George VI. 

King Charles III yashyize ku isoko amafarashi yarazwe n’Umwamikazi Elizabeth II.

John Warren ukuriye ibikorwa bye byo gusiganwa kw'amafarashi yavuze ko aya matungo yari 'irembo ryiza' rye hanze y'indi mirimo, kandi kubijyamo kwe byateye imbaraga zikomeye gusiganwa kw'amafarashi mu Bwongereza.  Ati: 'Nzi neza ko iyo Umwamikazi ataba yaravukiye kuba ku ngoma yari kuba umuntu wibera mu mafarashi. Byari ibintu gusa bimurimo.'

Source : https://inyarwanda.com/inkuru/122187/king-charles-yashyize-ku-isoko-amafarashi-yarazwe-numwamikazi-elizabeth-uherutse-gutanga-122187.html

Kuri iki cyumweru tariki 23 Ukwakira mu Karere ka Gicumbi habereye inteko rusange y’abanyamuryango ba Gicumbi FC aho yari igamihe kurebera hamwe ubuzima ikipe imazemo iminsi ndetse n’uko izabaho mu minsi iri imbere, ndetse bigendanye no gutora ubuyobozi bushya buzareberera iyi kipe.

Ubwo hari hagezweho uburyo iyi kipe izabaho ndetse n’abakinnyi, hatangajwe ko Gicumbi FC mu rugendo rwo kugaruka mu cyiciro cya mbere izakoresha miliyoni 70 Frw nk’amafaranga umuterankunga mukuru akarere ka Gicumbi yabahaye.

Gicumbi FC irashaka kugaruka mu cyiciro cya mbere byihuse

Mu kiganiro kihariye Niyitanga Desire yagiranye na InyaRwanda, yavuze ko intego za mbere zibazanye ari ukugarura ikipe mu cyiciro cya mbere. Yagize ati “Ikipe uwavuga ko idahagaze neza ntabwo yaba abeshye, gusa tuzanye intego yo kugira ikipe ikomeye. Njye na komite yanjye tugiye gushyiramo imbaraga turebe ko ikipe hari aho twayikura n'aho twayigeza, nk'uko mubizi iyo ikipe iri mu cyiciro cya kabiri kandi isanzwe ikina icyiciro cya mbere, intego nyamukuru ziba ari ukugaruka mu cyiciro cya mbere. Ibi nibimara gukorwa ikipe ikazamuka, tuzubaka n’uburyo igomba kuhaguma bihoraho. Dufite inzego zuzuye, igisigaye rero ni ukubaka ikipe ihatana kandi bihoraho.”

Kubijyanye n’amafaranga ikipe izakoresha, perezida yavuze ko amafaranga yose azaba ahari azakoreshwa. Yagize ati ” icyo nemera ni uko amafaranga yaba macye yaba menshi ikipe igomba kuzabaho kandi mu buzima bw’ikipe umuterankunga wacu mukuru ni akarere, ndetse n’abandi banyamuryango, ikizaba cyose mwamenya ni uko ikipe izabaho kandi nta kibazo igize. Aho bizaba ngombwa ko twongera kwicara n’umuterankunga bizabaho, kandi nibiba ngombwa ko amafaranga yongerwa nayo azongerwa.”

Perezida yashoje asaba abakunzi ba Gicumbi FC kuba hafi y’ikipe yabo kandi buri muntu agakora inshingano ze neza, aribyo bizatuma Gicumbi FC isubirana ijambo yahoranye.

Bivugwa ko amafaranga akarere kahaye komite nyobozi yari iriho ari miliyoni 70 Frw kandi zagombaga gutunga ikipe, gusa muri ayo mafaranga miliyoni 20 zahise zihabwa ikipe yo muri Ghana yari ifitanye ikibazo na Gicumbi FC kubera gukinisha umukinnyi wayo Paul Laal Guaria.

Andi mafaranga agerakuri miliyoni 20 nazo zakoreshejwe mu bikorwa byo kubaka ikipe harimo abakinnyi bagera kuri 25 iyi kipe ifite, bivuze ko nibura miliyoni 30 arizo Gicumbi FC izatangirana shampiyona y’icyiciro cya kabiri.

Source : https://inyarwanda.com/inkuru/122186/muri-miliyoni-70-frw-gicumbi-fc-izakoresha-hasigaye-30-komite-shya-irabivugaho-iki-122186.html

Source : https://www.kigalitoday.com/uburezi/amashuri/article/abanyeshuri-basaga-100-000-n-abarimu-6-000-ntibaragera-ku-ishuri