Category: Uncategorized

Ikipe ya Volley Ball ya Sosiyeti ishinzwe ingufu z’amashanyarazi mu Rwanda (REG), REG VC yatsinze ikipe ya Gisagara VC amaseti atatu kuri abiri (3-2), mu (…)

Uwo yari Juvénal Habyarimana wayoboye u Rwanda kuva tariki y 5 Nyakanga 1973 kugeza tariki 6 Mata 1994. Uruzinduko rwe i Kampala rwari rwahuriranye n’ibirori byo kwambika amapeti bamwe mu basirikare bari barafashije Museveni gutsinda urugamba.

Muri abo basirikare, harimo n’abana b’Abanyarwanda nka Maj Gen Fred Gisa Rwigema n’abandi batandukanye bari barafashije Museveni kurwana urugamba yari ahanganyemo n’abari ku butegetsi muri Uganda y’icyo gihe.

Umujyanama wa Perezida wa Repubulika mu by’Umutekano, Général James Kabarebe, ni umwe mu bari muri ibyo birori ndetse yibuka neza amagambo Perezida Museveni yabwiye Habyarimana amusaba gucyura Abanyarwanda, undi akabyanga.

Ku mugoroba wo ku wa 2 Ugushyingo 2022, ubwo yaganiraga n’urubyiruko rw’Abakorerabushake bari kumwe n’abanyeshuri bo mu Ishami rya Kaminuza y’u Rwanda ryigisha Ubumenyi n’Ikoranabuhanga [UR- CST], Gen Kabarebe yakomoje ku kuntu byagenze kuri uwo munsi Habyarimana asabwa gucyura Abanyarwanda.

Ati 'Icyo gihe Museveni nibwo yari agifata ubutegetsi, yabufashe mu 1986, Habyarimana yamusuye mu 1987, aza muri Uganda ndetse n’igikorwa cyo kwambika amapeti abasirikare bari bamaze kubohora Uganda barimo na Nyakwigendera Fred Gisa Rwigama, babambitse Habyarimana ahari abireba, kuko ni perezida wabambikaga aho ngaho imbere.'

Yakomeje agira ati 'Habyarimana twaramubonaga, icyo numvise ni uko Museveni yamubwiye ati muri izi ngabo zanjye mfitemo Abanyarwanda benshi, byaba byiza ushatse uko ubacyura. Undi ntiyabyitaho arabyihorera.'

Nyuma yaje kuvuga ko u Rwanda ari ikirahure cyuzuye amazi

Ni kenshi Abanyarwanda bari barameneshejwe bagiye basaba gutaha mu gihugu cyabo ku neza, ariko Leta yari irangajwe imbere na Habyarimana ikababera ibamba kugeza n’ubwo yaje kuvuga ko igihugu cyamaze kuzura bo batabona aho bajya.

Ni ibintu byagiye bivugwa mu mbwirwaruhame z’abayobozi bakuru b’igihugu kugeza kuri Habyarimana wari Perezida. Ibyo byakomeje kubaho kugeza ubwo Ingabo za RPA, zateguye urugamba rwo gutaha mu gihugu cyabo ku gahato.

Nyuma yo kuva muri Uganda abwiwe ibyo gucyura impunzi z’Abanyarwanda, Habyarimana yageze mu Rwanda avuga ko 'u Rwanda ari nk’ikirahure cyuzuye amazi’ utakongeramo andi kuko yameneka. Ni ibintu kandi byaje no kwemezwa na Komite Nyobozi y’Ishyaka MRND.

Gen Kabarebe ati 'Biriya by’uko ikirahure cyuzuye amazi utakongeraho andi, ibyo yabivuze kenshi ntabwo ari rimwe.'

Mu mwaka wa 1989, Habyarimana yashyizeho Komisiyo ifite inshingano zo kwiga ku kibazo cy’Abanyarwanda baba mu mahanga n’impunzi zirimo.

Mu kiganiro cyihariye Perezida Habyarimana yagiranye n’umunyamakuru Marie Roger Biloa w’ikinyamakuru Jeune Afrique yasobanuye inshingano iyo yahaye komisiyo (Jeune Afrique, No 1474-5 Avril, 1989 p.9).

Habyarimana yamushubije ko iyo komisiyo iziga ku bibazo by’Abanyarwanda baba mu mahanga harimo n’icy’impunzi gikomeye ku buryo bwihariye. Habyarimana ati ' Iyo Komisiyo izashakisha ibisubizo ifatanyije n’abo bireba bose, barimo ibihugu duturanye bicumbikiye izo mpunzi rimwe na rimwe bikanabaha ubwenegihugu.'

Iyo mvugo y’uko ikibazo cy’impunzi hari abandi cyarebaga cyane batari u Rwanda yakoreshwaga cyane na leta y’u Rwanda icyo gihe. Ahanini ari uburyo bwo kwihunza ikibazo kireba igihugu cy’inkomoko y’izo mpunzi.

Habyarimana yakomeje agira ati 'Twiteguye kubakira impunzi, baba bafite ubwo bwenegihugu bw’ibihugu bibacumbikiye cyangwa batabufite, ariko, ibi ntibivuze ko dushaka ko baza gutura mu Rwanda. Aho duhagaze kuri iki kibazo harazwi.'

'U Rwanda ruratuwe cyane, rwaruzuye ku buryo nta na santimetero n’imwe y’ubuso bw’ubutaka bwaturwaho. Mubona se abo batahuka bagatura he mu gihe turi mu biganiro n’ibihugu duturanye ngo bireke na bamwe mu banyarwanda bari mu gihugu babe babyimukiramo ? Ibi byaba ari ukwivuguruza.'

Habyarimana we yasobanuraga ko kubera impamvu z’ubukungu bw’igihugu butifashe neza byiyongera ku bucucike bukabije bw’abantu bidashokoka ko u Rwanda rwakwakira Abanyarwanda benshi b’impunzi.

Ivomo:Igihe

Ku mugoroba wo kuri uyu wa Gatanu tariki 4 Ugushyingo 2022, nibwo aba basore basesekaye ku kibuga cy'indege Mpuzamahanga cya Kigali, bakirwa n'itsinda riri gitegura iki gitaramo kigiye kuba ku nshuro ya kabiri.

Tricky uzwi cyane mu biganiro bya ‘Churchill Show’, yabwiye itangazamakuru ko ageze mu Rwanda nyuma y'igihe cyari gishize inshuti ze zo muri Kenya zimubwira ko 'Kigali ari nziza', avuga ko yasanze abantu bataramubeshyaga kandi hari abakobwa beza nk'uko yabibwiwe.

Yavuze ko igitaramo yahuriyemo na Zuby Comedy ari cyo cyabaye imvano yo gutumirwa i Kigali, kuko 'Abanyarwanda yataramiye icyo gihe nibo babisabye'.

Uyu musore yavuze ko yiteguye gutanga ibyishimo ku banya-Kenya baba mu Rwanda, kuko bamaze iminsi bamwandikira ubutumwa bamubwira ko biteguye kumwakira.

Ati 'Ubwo twakoraga iki gitaramo ku nshuro ya mbere muri Kenya na Zuby Comedy, nari umushyitsi icyo gihe. Nakunze uburyo nakiriwe, abanyarwanda bansaba kuzaza mu Rwanda, narababwiye nti nibategura igitaramo bazantumire. Ndi hano rero kugira ngo nshimishe abanya-Kenya bagenzi banjye, baranyandikira, bambwira ko bantegereje, twese hamwe rero twiteguye gutanga ibyishimo.'

Kanyamukwego yavuze ko nta muntu ukwiye gucikwa iki gitaramo, aho ahamya ko afite icyizere cy'uko kizagenda neza ashingiye ku kuba Zuby Comedy izwi cyane mu Rwanda. Ati 'Abantu bose mugomba kuhaba utazahagaragara ubwo ni ibimureba.'

Yavuze ko atazanwe n'amafaranga Zuby Comedy yaba yaramuhaye, ahubwo aje gushyigikira 'abavandimwe'.

Tricky ni umwe mu banyarwenya bakomeye muri Kenya, ahanini binyuze mu gitaramo cy'urwenya Churchill Show agaragaramo buri cyumweru.

Yafashije Zuby Comedy gukorera igitaramo cyabo cya mbere muri Kenya, ubwo bahuriraga ku rubyiniro mu gitaramo bahakoreye ku wa 19 Kamena 2022.

Samson Mucyo [Samu] aherutse kubwira InyaRwanda ko abakunzi b'urwenya bakwiye kwitega ibyishimo bisendereye muri iki gitaramo.

Yagize ati 'Abantu bitege ibyishimo byinshi n’udushya tubahishiye muri iki gitaramo nk’ibanga, kubera ari igitaramo cyacu tugiye gukora bwa mbere nk’uko ubizi twagikoze muri Kenya. Natwe twari dufite amatsiko yo gukora igitaramo hano iwacu.'

Zuby Comedy babaye ubukombe binyuze muri filime y’uruhererekane batambutsa kuri shene yabo ya Youtube bise ‘Miss Mulenge’. 

Iki gitaramo cyabo kizabera muri Kigali Conference and Exhibition Village ahazwi nka Camp Kigali, cyatewe inkunga n’abarimo Ndoli Safaris.

Bagitumiyemo abanyarwenya bagezweho muri iki gihe barimo Mugisha na Rusine, Fally Merci n'abandi. Ni mu gihe Clapton afatanyije na Muyango Claudine aribo bazayobora iki gitaramo.

Ubu ushobora kugura itike ukanze *182*8*1*111552#. Kwinjira ni 5000 Frw mu myanya isanzwe, 10,000 Frw muri VIP, 20,000 Frw muri VVIP na 200,000K ku meza y’abantu 10. 

Umunyarwenya MC Tricky yishimiye kugera mu Rwanda ku nshuro ye ya mbere 

Tricky yavuze ko abanya-Kenya bajyaga bamubwira ko Kigali ari nziza none yabyiboneye 

Ni ibyishimo kuri Tricky na Kanyamukwego nyuma yo kuza gufatanya na Zuby Comedy bashyigikiye muri Kenya 

Kanyamukwego na Tricky bahawe indabo (bakiriwe) n’abakobwaa bo muri Kigali Protocal 

Samu yavuze ko Zuby Comedy igiye kwandikisha amateka mashya mu batera urwenya mu Rwanda [Uri iburyo] 

Umukinnyi wa filime Natacha Ndahiro ari mu bakiriye Kanyamukwego na Mc Tricky 

Kanda hano urebe amafoto menshi

AMAFOTO: Iradukunda Jean de Dieu-INYARWANDA.COM

Kuri uyu wa Gatanu tariki 4 Ugushyingo 2022, Madamu Jeannette Kagame ni umwe mu babyeyi bashyigikiye abana babo basoje amasomo yabo ya gisirikare binjira muri RDF.

Mu muhango wabereye mu mbuga ngari y'ikigo cya Gisirikare i Gako mu Bugesera, Perezida wa Repubukika y'u Rwanda akaba n'Umugaba w'Ikirenga w'Ingabo z'u Rwanda (RDF), yahaye ipeti rya Sous-Lieutenant abagera kuri 500 barimo n'umuhungu we Ian Kagame.

Ku mugoroba wo kuri uyu wa Gatanu, Madamu Jeannette Kagame yashyize kuri konti ye ya Twitter amafoto atatu; imwe imugaragaza ari kumwe n'umuhungu we bahoberanye, indi bari kumwe na Perezida Paul Kagame, Ange Kagame, Ian Kagame n'umwuzukuru wabo.

Jeannette Kagame yanditse avuga ko ari 'umwanya w'ishema'. Ashima Ian Kagame 'ku bw'ibyishimo watuzaniye (yazanye mu muryango)'. Avuga ko umuhango wo guhabwa ipeti wari umwe mu byo bari bategereje.

Mu ijambo rye, Perezida Kagame yibukije abashinzwe umutekano ko inshingano bafite ari ukurinda igihugu n'abagituye. Yavuze ati 'Iyo ibyo bihungabanyijwe n'intambara ubwo nibwo nyine ibyo bindi biza, ibyo navuze ko bizaba nyuma [intambara]…bitandukanye no kubaka ingabo mu buryo zishoza intambara, ntabwo ari byo.'

Umukuru w'Igihugu, yanasabye abasoje aya masomo kurangwa n'ikinyabupfura. Abagera kuri 24 binjiye muri RDF bize amasomo ya gisirikare hanze y'u Rwanda mu bihugu birimo nka Leta Zunze Ubumwe za Amerika, u Bwongereza, U Burusiya, Kenya, Qatar na Sri Lanka. Aba bahurije hamwe n'abandi kuvuga indahiro y'uko bazakorera u Rwanda n'Abanyarwanda.

Abasoje amasomo muri rusange ni 568, barimo abasore 515 n'abakobwa 53. Muribo, 475 basoje amasomo y'umwaka umwe, naho 93 basoje amasomo y'imyaka ine.

Muri aba kandi, 58 basoje amasomo mu ishami ry'imibanire y'abantu, mu gihe 20 bize mu ishami ry'ubuvuzi rusange naho 15 barangije mu ishami ry'ikoranabuhanga.

Umuhango wo kwakira iyi nkunga wabereye ku cyicaro gikuru cya NBG, aho ikorera ku Gisozi mu Mujyi wa Kigali. Uruganda rwa NBG Ltd rwenga inzoga yitwa United Gin ikunzwe na benshi kubera uburyo igera ku nyota, rwatanze ubwisungane mu kwivuza ku baturage batishoboye bagera kuri 2,395 bo mu karere ka Gasabo.

Ni umuhango witabiriwe n'abayobozi banyuranye harimo Umunyamabanga Nshingwabikorwa Wungirije mu Karere ka Gasabo, Bwana Mudaheranwa Regis, ndetse n’ab’amazina azwi mu myidagaduro barimo umuraperikazi Abayizera Marie Grace wamamaye nka Young Grace ndetse na Benimana Ramadhan uzwi nka Bamenya muri sinema.

Mu ijambo rye, Bwana Regis Mudaheranwa yashimye igikorwa cyatekerejweho na NBG Ltd. Yagize ati: “Ubwisungane magirirane mu kwivuza, bwashyizweho na Leta y’u Rwanda hagamijwe gufasha abaturage kwivuza bitabahenze”.

Yakomeje ati “Rero, Mutuelle de Santé ni igisubizo ku buzima bw'abanyarwanda. Iyo uyifite uba wifitiye icyizere, uba wumva ko nta kibazo cy'ubushobozi wagira ngo unanirwe kwivuza. Ni mu gihe mbere umuntu yaremberaga mu rugo, bitewe no kutabona amafaranga yo kwishyura kwa muganga.”

Umuyobozi Mukuru wa NBG Ltd, Madamu Urayeneza Anitha, yashimangiye ko n'ubwo inshingano yabo ya mbere ari ugukora no kugurisha inzoga; gutanga umusoro neza ku gihe, ariko batibagiwe ibikorwa by'urukundo no gufatanya na Leta mu bikorwa bigamije kuzamura imibereho myiza y'Umunyarwanda.

Yagize ati: 'Nk'umubyeyi, nzi ukuntu kurwara cyangwa kurwaza umwana bibabaza. Biba bigoye cyane kurushaho iyo urwaje kandi ukabura ubushobozi bwo kwivuza. Iki gikorwa cyo kwishyura Mutuelle ni ingenzi kuri twe”.

Yasobanuye ko impamvu iki gikorwa ari ingenzi ari ukubera ko bizeye badashidikanya ko “hari abaturage n'imiryango yabo bazabyungukiramo, bityo bakabasha kwikorera indi mirimo ibateza imbere kuko ubuzima bwabo buri mu maboko meza ya mutuelle'.

NBG Ltd yatanze ubwisungane mu kwivuza ku miryango itishoboye

Hatanzwe ubwisungane mu kwivuza ku miryango itishoboye igera ku 2,395

Inzoga ya United Gin igera ku nyota! Uzabaze Miss Pascaline Umuhoza azaguha ubuhamya

Bamenya na Young Grace ni bamwe mu bitabiriye iki gikorwa cy’urukundo

Mu muhango wabereye mu Ishuri Rikuru rya Gisirikare rya Gako riri mu Karere ka Bugesera mu gitondo cyo kuri uyu wa 4 Ugushyingo 2022, Perezida Kagame yashimiye aba basirikare ko bitwaye neza, ababwira ko inshingano yabo ari ukurinda igihugu n’abagituye.

Yagize ati “Kuba muri hano ni uko mwabyifashemo neza mukarangiza ayo masomo neza, mwavanyemo ubumenyi, mwavanyemo ubushobozi butandukanye, bijyanye n'imbaraga n'imyifatire myiza, hanyuma icyo mwashakaga mukaba mukigezeho turabibashimira cyane.

Sinshidikanya ko ubu mwiteguye bihagije, kandi mufite ibisabwa byose kugira ngo mwuzuze inshingano zanyu zo kurinda umutekano w'igihugu n'amajyambere y'abagituye.'

Abasirikare barangije amahugurwa kuri iki cyiciro ni 568 bagizwe n'abasore 515 ndetse n’abakobwa ni 53. muri aba, 475 bahawe imyitozo mu gihe cy'umwaka umwe, naho 93 bize imyaka ine amasomo asanzwe n'ajyanye n’igisirikare.

Uretse aba 568 bigiye mu ishuri rya Gako kandi, hari abandi basirikare 24 bize mu bihugu byo hanze nabo barahiriye gukorera u Rwanda, barimo na Ian Kagame, umwe mu bana ba Perezida Kagame, uherutse gusoreza amasomo mu Bwongereza.

Ian Kagame ni umwe mu barahiriye gukorera u Rwanda