Webrwanda Backend

Category: Uncategorized

  • Kenya yanyujije ibikoresho bya gisirikare mu Rwanda ibijyanye I Goma #rwanda #RwOT

    Imodoka za gisirikare za Kenya zitwaye ibikoresho,zinjiriye ku mupaka w'u Rwanda zijya mu mujyi wa Goma, aho ingabo ziri, mu rwego rwo kwitegura kurwanya imitwe y'inyeshyamba irimo na M23.

    Ingabo za Kenya (KDF) mu ntangiriro z'uku kwezi k'Ugushyingo zinjiye muri Repubulika Iharanira Demokarasi ya Congo (RDC) ku mugaragaro, zijya gufasha icyo gihugu guhangana n'imitwe yitwaje intwaro.

    Icyo gihe hoherejwe ku ikubitiro abasirikare 1000 bafite intego yo kurandura imitwe y'inyeshyamba n'umutwe wa M23 ukomeje kuzengereza igisirikare cya leta, FARDC. Kuwa 11 Ugushyingo nabwo tsinda ry'abasirikare ba Kenya ryageze i Goma rigizwe n'abasirikare 903.

    Kuri uyu wa mbere tariki 28 Ugushyingo 2022, i Nairobi muri Kenya hari kubera ibindi biganiro byiga ku kibazo cy'umutekano muke mu Burasirazuba bwa Repubulika ya Demokarasi ya Congo, umutwe wa M23 wongeye guhezwa ku nshuro ya gatat

    Ibi biganiro byitabiriwe n'abahagarariye imitwe yitwaje intwaro y'abanye-Congo irenga 40, hamwe n'abandi bafite uruhare mu gushaka amahoro mu burasirazuba bwa kiriya gihugu.

    Source : https://umuryango.rw/amakuru/mu-mahanga/umutekano/article/kenya-yanyujije-ibikoresho-bya-gisirikare-mu-rwanda-ibijyanye-i-goma

  • Portugal yatsinze Uruguay iba ikipe ya 3 irenze amatsinda mu gikombe cy'isi #rwanda #RwOT

    Ikipe ya Portugal nayo yabonye umwanya muri 1/16 cy'igikombe cy'isi itsinze Uruguay ibitego 2-0 mu mukino utoroshye wabereye kuri Stade Lusail.

    Uyu mukino wari hasi kubera imikinire y'amakipe yombi warangiye uhiriye Portugal yahise iba ikipe ya 3 ikatishije itike yo kurenga amatsinda.

    Ku munota wa 54 nibwo Portugal yabonye igitego ku mupira watewe na Bruno Fernandes,hanyuma Cristiano Ronaldo arasimbuka ashaka kuwutera umutwe
    ariko ntiyawukoraho wigira mu izamu.

    Portugal yagerageje kwirwanaho nyuma yo gutsinda iki gitego kuko Uruguay yayisatiriye bikomeye.

    Ubwo hari hongeweho imikino 9 kuri 90, Portugal yabonye penaliti ubwo myugariro Jose Gimenez yagaruraga umupira n'ukuboko VAR yemeza ko ari penaliti.

    Iyi penaliti yatewe neza na Bruno Fernandes ku munota wa 3 mu nyongera bituma Portugal ibona igitego cya kabiri.

    Muri uyu mukino,Uruguay yabonye amahirwe 2 akomeye ariko iyapfusha ubusa.

    Mu gice cya mbere,Uruguay yahushije amahirwe akomeye cyane mu gice cya mbere ubwo Rodrigo Bentancur yacengaga ab'inyuma ba Portugal asigarana n'umunyezamu Diogo Costa ariko ashatse kumuroba undi arawugarura.

    Maxi Gomez winjiye asimbura nawe yahawe umupira ari mu rubuga rw'amahina awuteye ugarurwa n'igiti cy'izamu.

    Fernandes yari hafi kubona igitego cya 3,mbere y'uko umukino urangira ariko umupira yagaruwe n'umutambiko w'izamu.

    Portugal yabaye ikipe ya 3 ibonye itike yo kwerekeza mu kindi cyiciro nyuma y'Ubufaransa na Brazil.

    Source : https://umuryango.rw/imyidagaduro/imikino/article/portugal-yatsinze-uruguay-iba-ikipe-ya-3-irenze-amatsinda-mu-gikombe-cy-isi

  • Cameroon yiyongereye icyizere cyo kurenga amatsinda ihagama Serbia #rwanda #RwOT

    Kameruni yagaruye amahirwe yayo yo kugera muri 1/16 mu gikombe cy'isi,nyuma yo gutsindwa ibitego bibiri hanyuma ikaza kubyishyura mu mukino uryoshye yanganyijemo na Serbia ibitego 3-3,mu itsinda rya G.

    Kameruni yafunguye amazamu ku gitego cyatsinzwe na Jean-Charles Castelletto ku munota wa 29 ariko Strahinja Pavlovic na Sergej Milinkovic-Savic bafasha Serbia gutsinda igice cya mbere ibitego 2-1 byinjiye mu minota y'inyongera y'igice cya mbere.

    Aleksandar Mitrovic yongeyemo icya gatatu ku munota wa 53 bituma iki gihugu cyizera intsinzi nubwo ibyishimo byabo byakomwe mu nkokora na Vincent Aboubakar winjiye mu kibuga ahindura umukino bigaragara.

    Vincent Aboubakar yishyuye igitego cya kabiri ku munota wa 63 hanyuma bidatinze kuwa 66 aha umupira mwiza Eric Maxim Choupo-Moting ashyiramo igitego cya 3 cyo kwishyura.

    Impande zombi zatsinzwe umukino wo gufungura bituma aya makipe anganya inota rimwe aho ategereje kureba uko birangira hagatiya Brazil n'Ubusuwisi bahura saa 18:00.

    Kubera ibitego byinshi byabonetsemo,uyu n'umwe mu mikino ishimishije cyane muri iri rushanwa kugeza ubu nubwo hari n'indi yabonetsemo ibitego.

    Ikipe ya Rigobert Song ifite ibyiringiro byo kuva mu itsinda ku nshuro ya mbere kuva mu 1990,niramuka itsinze Brazil mu mukino wa nyuma.

    Source : https://umuryango.rw/imyidagaduro/imikino/article/cameroon-yiyongereye-icyizere-cyo-kurenga-amatsinda-ihagama-serbia

  • Malawi: Visi Perezida akurikiranyweho ruswa #Rwanda #RwOT via @kigalitoday #rwanda #RwOT

    Urwego rushinzwe kurwanya ruswa muri Malawi (The Anti-Corruption Bureau – ACB) rwatangaje ko hagati y’Ukwezi kwa Werurwe n’Ukwakira 2021, Saulos Klaus (…)

    Source : https://www.kigalitoday.com/amakuru/mu-mahanga/article/malawi-visi-perezida-akurikiranyweho-ruswa

  • Dr. Sabin Nsanzimana yagizwe Minisitiri w’Ubu… – #rwanda #RwOT

    Iri tangazo rigaragaza ko mu buyobozi bwa Minisiteri y’Ubuzima habayemo impinduka zikomeye dore ko hashyizweho abayobozi batatu ari bo Dr. Sabin Nsanzimana wagizwe Minisitiri w’Ubuzima; Dr. Yvan Butera wagizwe Umunyamabanga wa Leta muri Minisiteri y’Ubuzima; na Lt. Col. Dr. Tharcisse Mpunga wagizwe Umuyobozi Mukuru w’Ikigo cy’Ubuvuzi no kwigisha ku rwego rwa Kaminuza cya Kigali (CHUK).

    Dr. Sabin asimbuye Dr Ngamije Daniel ku mwanya wa Minisitiri w’Ubuzima wari umaze imyaka 2 n’amezi 9 kuri uyu mwanya. Dr. Ngamije nawe yari yasimbuye Dr. Diane Gashumba kuri ubu usigaye ari Ambasaderi w’u Rwanda mu Bwami bwa Suwede.

    Dr. Sabin Nsanzimana wagizwe Minisitiri w’Ubuzima, yari asanzwe ari Umuyobozi Mukuru w’Ibitaro bya Kaminuza bya Butare (CHUB) kuva tariki 04 Gashyantare 2022. Yahawe kuyobora CHUB nyuma yo guhagarikwa kuwa 07 Ukuboza 2021 ku mwanya w’Ikigo cy’Igihugu cy’Ubuzima, RBC. Icyo gihe ariko ntihatangajwe impamvu zatumye ahagarikwa.

    Dr. Nsanzimana afite ubunararibonye mu bijyanye na Porogaramu zo kurwanya Sida, gukora igenamigambi muri iyo ngeri n'ubushakashatsi ku bufasha bukwiriye guhabwa abantu babana n'iyi virusi. Afite Masters Degree mu bijyanye n'indwara z'ibyorezo yakuye muri Kaminuza y'u Rwanda ndetse afite n'Impamyabumenyi y'Ikirenga yakuye muri Kaminuza ya Basel mu Busuwisi.

    Dr. Sabin yagizwe Minisitiri w’Ubuzima

    Dr. Sabin yagizwe Minisitiri w’ubuzima

    Source : https://inyarwanda.com/inkuru/123294/dr-sabin-nsanzimana-yagizwe-minisitiri-wubuzima-123294.html

  • Perezida Kagame asanga gukemura ibibazo bya DRC bikwiye guhera mu mizi #rwanda #RwOT

    Ku nshuro ya gatatu i Nairobi kuri uyu wa Mbere habereye inama igamije gushakira umuti ikibazo cy’intambara n’umutekano muke mu burasirazuba bwa Repubulika Iharanira Demokarasi ya Congo. Ni ibiganiro biyobowe n’Umuryango wa Afurika y’iIurasirazuba bigahuza Leta ya Congo n’imitwe yitwaje intwaro iyirwanya.

    Perezida wa Repubulika Paul Kagame witabiriye iyi nama hifashishijwe ikoranabuhanga yagaragaje ko bitari bikwiye ko iki kibazo kimara hafi imyaka 30 kitarakemuka.

    Yagize ati “Impamvu y’ibanze ituma aka kaga katarangira ni ukunanirwa gushyira mu bikorwa imyanzuro myinshi yagezweho ku nzego zitandukanye no mu bihe binyuranye mu myaka ishize. Ndizera ntashidikanya ko ubu noneho ubu bushake buza gutanga umusaruro mwiza. Kongera kubyutsa umutwe kw’umwe mu mitwe yitwaje intwaro byitaweho cyane ku rwego mpuzamahanga ariko ibyo ni kimwe mu biri ku isonga mu bibazo byinshi bya politiki n’umutekano. Bityo rero dushyigikiye umuti urimo gushakwa n’ibihugu by’akarere ndetse n’uburyo bwashyizweho kugira ngo harengerwe ubuzima bw’abantu mu burasirazuba wa Congo [DRC] ndetse ikibazo kidakomeza kototera ibihugu bituranye na Congo birimo n’u Rwanda.”

    Umukuru w’Igihugu yuzemo ati “Igikenewe uyu munsi kurusha ikindi gihe cyose ni ubushake bwa politiki buhamye bwo gushyira mu bikorwa ibyemezo byo ku rwego rw’akarere by’umwihariko ibiva mu biganiro bya Nairobi biyobowe n’umuryango wa Afurika y’Iburasirazuba ndetse n’iby’umuryango wa Afurika yunze Ubumwe biyobowe n’umuhuza Perezida Joao Lorenco wa Angola.”

    Perezida Paul Kagame avuga kandi ko gukemura iki kibazo bigomba guhera mu mizi yacyo kugira ngo haboneke umusaruro.

    Ati “Ibyo bigomba kujyana no gukemura burundu impamvu-muzi z’umutekano muke kuko ari byo bizaba itandukaniro nyaryo mu gukemura ibibazo by’umutekano muke muri Congo no mu bihugu by’ibituranyi. Uburyo buriho bwashyizweho n’abayobozi mu karere ndetse n’ibyemezo byafashwe mu cyumweru gishize mu nama ya Luanda ni amahirwe yo kugera ku gisubizo kirambye. Biri mu nyungu zacu twese rero gukomereza aho aho kugirango ikibazo gimomeze kuba karande. Aha ndabizeza umusanzu w’u Rwanda mu gushaka umuti urambye.”

    Uretse Perezida Paul Kagame, Abakuru b’ibihugu bya Uganda na Repubulika iharanira Demokarasi ya Congo ndetse n’abahagarariye ibihugu bya Tanzania na Sudani y’epfo na bo bitabiriye iyi nama bifashijwe ikoranabuhanga, mu gihe Perezida w’u Burundi Evariste Ndayishimiye ari nawe uyoboye Umuryango wa Afurika y’Iburasirazuba muri iki gihe we yari i Nairobi imbonankubone kimwe na Perezida wa Kenya William Ruto.

    Ibiganiro bya none kandi byitabiriwe n’intumwa idasanzwe y’Umunyamabanga Mukuru w’Umuryango w’Abibumbye mu karere k’ibiyaga bigari Huang Xia, indorerezi z’Umuryango w’Abibumbye, iz’Umuryango wa Afurika yunze Ubumwe ndetse n’abadipolomate b’ibihugu byatumiwe.

    Source : https://imirasire.com/?Perezida-Kagame-asanga-gukemura-ibibazo-bya-DRC-bikwiye-guhera-mu-mizi

  • Ruhango: Mu Murenge wa Mbuye bateye ibiti 500 bya avoka #Rwanda #RwOT via @kigalitoday #rwanda #RwOT

    Umunyamabanga wa Leta muri Minisiteri y’Ubutegetsi bw’Igihugu, Ingabire Assumpta, yasabye abaturage, kwitabira gahunda yo gutera ibiti byera imbuto ziribwa (…)

    Source : https://www.kigalitoday.com/amakuru/amakuru-mu-rwanda/article/ruhango-mu-murenge-wa-mbuye-bateye-ibiti-500-bya-avoka

  • Dr. Sabin Nsanzimana yagizwe Minisitiri w’Ubuzima #Rwanda #RwOT via @kigalitoday #rwanda #RwOT

    Itangazo riturutse mu biro bya Minisitiri w’Intebe, rivuga ko Dr. Sabin Nsanzimana agizwe Minisitiri w’Ubuzima, guhera kuri uyu wa Mbere tariki 28 Ugushyingo (…)

    Source : https://www.kigalitoday.com/amakuru/amakuru-mu-rwanda/article/dr-sabin-nsanzimana-yagizwe-minisitiri-w-ubuzima

  • RDC: Itariki y'amatora ya Perezida yamenyekanye #rwanda #RwOT

    Akanama k'amatora ka Repubulika ya Demokarasi ya Congo katangaje ko amatora ya perezida azaba ku itariki ya 20 y'ukwezi kwa cumi na kabiri mu 2023.

    Kuri ubu, umutekano mucye wibasiye uburasirazuba bw'iki gihugu, ukaba uterwa n'imitwe myinshi y'inyeshyamba.

    Mu cyumweru gishize, kugerageza gutuma umutwe w'inyeshyamba wa M23 wemera guhagarika imirwano, kuboneka nk'ukwananiwe kubigeraho.

    Ibiro ntaramakuru AFP byatangaje ko Denis Kazadi, umukuru w'akanama k'amatora ka DR Congo, yemeye ko 'umutekano mucye ukomeje kubaho mu bice bimwe' by'igihugu uzatuma bigorana gukora amatora 'mu bwisanzure, muri demokarasi no mu mucyo'.

    Ariko yavuze abategetsi biyemeje gukurikiza ingengabihe y'amatora.

    Ibiro ntaramakuru Reuters byasubiyemo amagambo y'umuvugizi wa leta ya DR Congo Patrick Muyaya agira ati:

    'Si ikibazo cyo kuganira ku matariki ntarengwa ateganywa n'itegekonshinga, ni ikibazo cyuko twebwe tuyubahiriza no gushimangira demokarasi yacu'.

    Muyaya yagereranyije ko aya matora azatwara leta miliyoni hafi 600 z'amadolari y'Amerika, nkuko bitangazwa na Reuters. Ayo agera kuri miliyari 650, uyavunje mu mafaranga y'u Rwanda.

    Perezida Félix Tshisekedi uri ku butegetsi muri iki gihe, wabugezeho bwa mbere mu kwezi kwa mbere mu 2019, yamaze kuvuga ko aziyamamariza manda ya kabiri, nkuko bitangazwa na AFP.

    Yageze ku butegetsi asimbuye Joseph Kabila. Ni bwo bwa mbere hari habayeho isimburana ku butegetsi mu mahoro muri DR Congo.

    @BBC

    The post RDC: Itariki y'amatora ya Perezida yamenyekanye appeared first on IRIBA NEWS.

    Source : https://iribanews.rw/2022/11/28/rdc-itariki-yamatora-ya-perezida-yamenyekanye/

  • Igikombe cy’Isi: Cameroon yishyuye Serbia yih… – #rwanda #RwOT

    Uyu mukino wo mu itsinda ‘G’ watangiye i Saa Sita (12:00) kuri Stade ya Al Janoub, aho amakipe yombi yawutangiye adafite inota na rimwe kuko mu mukino wa mbere Cameroon yatsinzwe n’ u Busuwisi naho Serbia igatsindwa na Brazil.

    Cameroon yabanje kubona igitego ku munota wa 29, gitsinzwe na Victor Catelleto wari uhawe umupira mwiza na Nicholas Nkolou wigaragaje bikomeye muri uyu mukino.

    Mu minota 3′ yongerewe kuri 45′ y’igice cya mbere, Cameroon yahahuriye n’uruvagusenya, itsindwa ibitego bibiri byihuse bya Strahinja Pavlović na Sergej Milinkovic Savic, bajya kuruhuka Serbia iyoboye umukino.

    Ku munota wa 53′ rutahizamu Aleksandar Mitrovic yaboneye Serbia igitego cya gatatu yinjiza neza umupira yari ahawe na Andreja Zizkovic, bituma Rigobert Song utoza Cameroon atangira gushakira ibisubizo mu basimbura.

    Ku munota wa 55′ Vincent Aboubakar yagiye mu kibuga asimbuye Martin Hongla, ahita anabona igitego cyiza cyaje ku munota wa 63′ ndetse nyuma ku munota wa 66′ atanga umupira mwiza kuri Chupo Moting wahise atsindira Cameroon igitego cya gatatu.

    Amakipe yombi yasimbuye abakinnyi batanu hashakwa igitego cy’intsinzi kuri buri ruhande ariko iminota 27 ya nyuma y’umukino ndetse n’indi yongereweho yose yarangiye amakipe yombi anganya 3-3.

    Muri iri tsinda, Brazil irakina n’ u Busuwisi i Saa 18:00, mu gihe imikino ya nyuma yo muri iri tsinda izaba ku ya 2 Ukuboza, Cameroon ihangana na Brazil naho Serbia icakirana n’ u Busuwisi.

    Abakinnyi ba Serbia ubwo bishimiraga igitego cya Savic

    Source : https://inyarwanda.com/inkuru/123290/igikombe-cyisi-cameroon-yishyuye-serbia-yihuta-ijya-gutegereza-brazil-123290.html