Category: Uncategorized

Perezida Kagame yakiriye Sheikh Abdulla bin Mohammed bin Butti Al Hamed n'itsinda ry'abamuherekeje mu biro bye Village Urugwiro ku gicamunsi cyo kuri uyu wa 9 Nzeri 2025.

Ubutumwa bwashyizwe ku mbuga nkoranyambaga za Village Urugwiro bugaragaza ko 'ibiganiro byabo byibanze ku gushimangira ubufatanye mu by'itangazamakuru hagati y'u Rwanda na Leta Zunze Ubumwe z'Abarabu, bashimangira uruhare rw'Itangazamakuru mu guteza imbere umubano w'impande zombi no kuwongerera imbaraga.'

Urwego rushinzwe Itangazamakuru (National Media Office) ruyobowe na Sheikh Abdulla bin Mohammed bin Butti Al Hamed rwashyizwe ku rwego rwa Minisiteri kuva muri Mutarama 2024.

Rushinzwe iterambere ry'itangazamakuru, guhugura abarikoramo, no guharanira ko amakuru arebana n'igihugu cyabo avugwa ku rwego mpuzamahanga aba ahuye n'uko kibyemera.

Guverinoma y'u Rwanda n'iya UAE bisanzwe bifitanye umubano mwiza, washimangiwe n'ubufatanye bumaze igihe mu guteza imbere inzego zirimo ubukungu, umutekano n'ibikorwaremezo.

UAE imaze imyaka myinshi ku mwanya wa mbere mu bihugu u Rwanda rwoherezamo ibicuruzwa byinshi kandi by'ubwoko bunyuranye.

Perezida Kagame n’itsinda ryavuye muri UAE baganiriye ku bufatanye mu by’itangazamakuru

Ibi yabivuze ku wa 9 Nzeri 2025, mu nama Nyafurika yiga ku mihindagurikire y'ikirere yabereye Addis Ababa muri Ethiopia.

Minisitiri Arakwiye yagaragaje ko muri Afurika nibura 5% by'umusaruro mbumbe w'igihugu ugendera mu guhangana n'imihindagurikire y'ikirere kandi ugasanga icyo gihugu ntako kitagira ngo gishyireho ingamba zirinda imihindagurikire y'ikirere.

Ati 'Mu Rwanda hashyizweho gahunda zitandukanye zo kugabanya imyuka ihumanya ikirere, binyuze muri gahunda zitandukanye zirimo Green Fund, Ireme Invest, n'izindi ziteza imbere imishinga irengera ibidukikije. Ariko nk'uko mwese mubizi ibyo ntibihagije ngo bigabanye icyuho gihari.'

Yakomeje avuga ko ibi bibazo bituma Afurika ihorana imyenda kuko ifata amafaranga menshi yo gukoresha mu guhangana n'ingaruka z'imihindagurikire y'ikirere, bityo ibihugu bitanga imyuka myinshi ihumanya ikirere bikwiye gufasha Afurika.

Ati 'Turasaba ubufasha n'imikoranire ifatika yo kuziba icyuho cy'imari ikoreshwa mu guhangana n'imihindagurikire y'ikirere, tugafashwa mu guhangana na byo, ndetse tugafashwa mu bikorwa byo guhangana n'ingaruka zacyo biciye mu nkunga aho kuba inguzanyo kugira ngo bitongera imyenda y'Afurika.'

Yavuze ko Afurika ari umugabane mwiza ufite ubutaka bwiza, bwera n'ikirere cyiza, ibituma haba ahantu heza ho gukorera imishinga irengera ibidukikije ndetse n'ihangana n'ihindagurika ry'ikirere.

Ibi yabitangaje mu gihe hategerejwe inama Mpuzamahanga yiga ku bidukikije izaba mu Ugushyinga 2025 muri Brazil.

Minisitiri w’Ibidukikije Dr. Bernadette Arakwiye, yavuze ko ibihugu byangiza ikirere cyane ari nabyo bikwiye gufasha Afurika mu guhanga n’ihindagurika ry’ikirere biba byateje

Ibi bitanganjwe mu gihe abarwanyi ba Wazalendo kuva ku itariki ya 2 Nzeri 2025 batangiye imyigaragambyo ikomeye mu Mujyi wa Uvira mu Ntara ya Kivu y'Amajyepfo basaba ko umusirikare wa RDC, Brig Gen Gasita Olivier Leta yahohereje ngo ayobore ibikorwa bya gisirikare, ahava.

Wazalendo ivuga ko uwo musirikare ari Umunyarwanda w'Umunyamulenge ndetse ibyo byaje no gutuma irasana n'igisirikare cya Leta, FARDC.

Mu kiganiro Senateri Uwizeyimana yagiranye na Mama Urwagasabo TV yavuze ko Wazalendo nk'ihuriro ry'imitwe yitwaje intwaro ryashinzwe na Leta ari yo yagombaga kuyiha amabwiriza igenderaho ku buryo kuba uyu munsi iri gukora ibyayo atari ikintu cyoroshye.

Ati 'Niba Leta [ya RDC] yamaze kuvuga ko nta bubasha ifite kuri Wazalendo ni nko kuvuga ngo bari kuturusha imbaraga n'ibyo bazakora ntituzabibazwa. Kuba Wazalendo ishaka no kwirukana Ingabo z'u Burundi ziri ku mupaka ntabwo byaba bitandukanye no kuhirukana FARDC kuko izo ngabo z'u Burundi zaratumiwe ziza gufata Leta ya Congo.'

Yavuze ko ikibazo cya Wazalendo na FARDC kitoroheye RDC ku mwanzuro ishobora kugifatira kuko ari nko guhitamo hagati y'ibibi bibiri.

Ati 'Leta ya RDC irasa n'ifite ihurizo ry'inkota y'amugi abiri ishobora kugutema kuri buri ruhande. Icya mbere ni uko nifata umwanzuro wo gukura Brig Gen Gasita hariya iraba igaragaje ko hari abantu b'ibirara bitwa Wazalendo bayiha amabwiriza kandi bayirusha imbaraga […].'

'Wazalendo baraza kwigira abantu b'ibirara basa n'aho baremye Igihugu mu cyindi. Leta niyanga kuva ku izima ngo idaseba kandi yamaze kuvuga ko Wazalendo itayifiteho ububasha niba yabananiye iraza kubabana nka FDLR kandi ubundi ni bo bayishinze bagombye kuyirasa bakayambura intwaro.'

Yongeyeho ko uko kuba Leta ya FARDC yakomeza guhangana na Wazalendo muri Uvira na byo biteje ibyago kuko ubuzima busa n'ubwahagaze muri uwo mujyi ku buryo na byo atari amahitamo akemura ikibazo ubuyobozi buhanganye na cyo.

Senateri Uwizeyimana yavuze ko Wazalendo inshobora kwigomeka kuri RDC nk'uko mu Rwanda byagenze hashingwa umutwe w'Interahamwe ariko nyuma hamwe na hamwe zitangira kudakurikiza amabwiriza zihabwa na Leta kuko ngo guha abarwanyi nk'abo intwaro baba batamenyereye imyitwrire ya gisirikare no gukurikiza amabwiriza ari ikintu kigora.

Yagaragaje kandi ko ibyo Wazalendo iri gukora bishora kuzavamo ibyaha by'intambara kandi ko RDC yabibazwa kuko nubwo yavuze ko itayifiteho ububasha ari yo yayitoje ikanayiha intwaro.

Senateri Uwizeyimana abona Wazalendo izananira RDC

Ishyirahamwe ry’Umupira w’Amaguru mu Rwanda ryamaze kwemeza ko guhera umwaka utaha ikipe izajya isinyisha umukinnyi w’umunyamahanga izajya yishyura miliyoni 2 Frw zo kumwandikisha.

Ni umwe mu manzuro wafatiwe mu nama ya Komite Nyobozi ya FERWAFA yateranye ejo hashize ku wa Mbere tariki ya 8 Nzeri 2025.

Iyi nama yafatiwemo imyanzuro igera kuri 4 irebana n’iterambere ry’Umupira w’Amaguru mu Rwanda no gukomeza shampiyona y’icyiciro cya mbere mu Rwanda.

Icya mbere ni ikirebana n’umubare w’abanyamahanga aho ubusanzwe abajyaga ku rupapuro rw’umukino bari 10 noneho mu kibuga hakajyamo 6. Byahindutse ubu guhera mu mwaka w’imikino 2025-2026 abazajya bajya ku rupapuro rw’umukino ni 8, nta mubare ntarengwa wemerewe kujya mu kibuga.

Icya kabiri ni uko guhera mu isoko ry’igura ritaha (muri Mutarama 2027), kwandikisha umukinnyi w’umunyamahanga ikipe izajya imwishyurira miliyoni 2 Frw.

Umwaka utaha w’imikino wa 2026-27 buri kipe irasabwa kuzajya iba ifite ku rupapuro rw’umukino abakinnyi batatu b’abanyarwanda bari munsi y’imyaka 21.

Icya nyuma ni uko ikijyanye no kugurisha amatike byahawe Rwanda Premier League. FERWAFA ikaba izakorana na Rwanda Premier League mu kugena no kwemeza uburyo inyungu zizajya zisaranganywa hagati y’impande zose bireba.

Igitego kimwe rukumbi cya Mugisha Gilbert yatsinze Zimbabwe, cyatumye Amavubi asubira ku mwanya wa 2 mu gushaka itike y’igikombe cy’Isi cya 2026.

Umukino ubanza wari wabereye i Huye amakipe yombi yanganyije ubusa ku busa.

Uyu mukino w’umunsi wa 8 mu itsinda C mu gushaka itike y’igikombe cy’Isi, wabereye muri Afurika y’Epfo kuri Orlando Stadium kuri uyu wa Kabiri tariki ya 9 Nzeri 2025.

Amavubi yagiye gukina uyu mukino nyuma yo gutsindwa na Nigeria 1-0 ku wa Gatandatu w’icyumweru gishize.

Mu gice cya mbere Amavubi yagerageje gusatira ishaka igitego igenda ibona amahirwe atandukanye ndetse biza kuyiha igitego ku munota wa 40 cyatsinzwe na Mugisha Gilbert.

Hari ku mupira w’umuterekano watewe na Kwizera Jojea maze bawukuraho usanga Mugisha Gilbert watereye ishoti rikomeye nko muri metero 32 maze umupira uyoboka mu rushundura. Amakipe yagiye kuruhuka ari 1-0.

Mu gice cya kabiri Amavubi yagiye akora impinduka zitandukanye nka Gitego Arthur yasimbuye Biramahire Abeddy, Ngwabije Bryan Clovis na Ishimwe Anicet bajya mu mwanya wa Bizimana Djihad na Kwizera Jojea.

Muri iki gice Zimbabwe ni yo yihariye umukino, wabonaga Amavubi yasubiye inyuma mu mikinire, ahubwo yarwanaga no kurinda igitego yatsinze. Umukino warangiye ari 1-0.

Iyi ntsinzi yatumye Amavubi asubira ku mwanya wa 2 n’amanota 12 mu gihe ategereje ibiva mu mukino wa Benin na Lesotho n’uwa Afurika y’Epfo na Nigeria.

Kugeza ubu Afurika y’Epfo ifite 16, Amavubi 12, Benin 11, Nigeria 10, Lesotho 6 na Zimbabwe ifite 4.

Ni impanuka yabaye saa tanu z'amanywa kuri uyu wa 9 Nzeli 2025, aho urukuta rwubakwaga kuri uru rugomero rwaguye bitunguranye.

Uru rugomero ruri kubakwa mu Mudugudu wa Rwaramba, Akagari ka Bisumo, Umurenge wa Cyato.

Umuyobozi w'Akarere ka Nyamasheke, Mupenzi Narcisse, yabwiye IGIHE ko aya makuru bayamenye ndetse ko bari kwerekeza aho iyi mpanuka yabereye mu bikorwa by'ubutabazi no guhumuriza abaturage.

Ni urugomero ruri kubakwa ku bufatanye bwa Leta n'abikorera (HYDRONEO-DNG Rwanda) rugeze ku gipimo cya 70%. Igihe ruzaba rwuzuye ruzatanga Mgwt 0.909 akaba ari umuriro wacanira ingo zisaga ibihumbi 15.

Imirimo yo kurwubaka yatanze akazi ku baturage basaga 800 bikaba byarabafashije kwiteza imbere. Abari kwegerezwa ibyo bikorwa remezo bakaba basabwa kubibungabunga kuko ari ibyabo.

Abantu 8 bapfiriye mu mpanuka y’urukuta rwagwiriye abari kubaka urugomero rwa Nyirahindwe I

Igitego kimwe rukumbi cya Mugisha Gilbert yatsinze Zimbabwe, cyatumye Amavubi asubira ku mwanya wa 3 mu gushaka itike y’igikombe cy’Isi cya 2026.

Umukino ubanza wari wabereye i Huye amakipe yombi yanganyije ubusa ku busa.

Uyu mukino w’umunsi wa 8 mu itsinda C mu gushaka itike y’igikombe cy’Isi, wabereye muri Afurika y’Epfo kuri Orlando Stadium kuri uyu wa Kabiri tariki ya 9 Nzeri 2025.

Amavubi yagiye gukina uyu mukino nyuma yo gutsindwa na Nigeria 1-0 ku wa Gatandatu w’icyumweru gishize.

Mu gice cya mbere Amavubi yagerageje gusatira ishaka igitego igenda ibona amahirwe atandukanye ndetse biza kuyiha igitego ku munota wa 40 cyatsinzwe na Mugisha Gilbert.

Hari ku mupira w’umuterekano watewe na Kwizera Jojea maze bawukuraho usanga Mugisha Gilbert watereye ishoti rikomeye nko muri metero 32 maze umupira uyoboka mu rushundura. Amakipe yagiye kuruhuka ari 1-0.

Mu gice cya kabiri Amavubi yagiye akora impinduka zitandukanye nka Gitego Arthur yasimbuye Biramahire Abeddy, Ngwabije Bryan Clovis na Ishimwe Anicet bajya mu mwanya wa Bizimana Djihad na Kwizera Jojea.

Muri iki gice Zimbabwe ni yo yihariye umukino, wabonaga Amavubi yasubiye inyuma mu mikinire, ahubwo yarwanaga no kurinda igitego yatsinze. Umukino warangiye ari 1-0.

Iyi ntsinzi yatumye Amavubi asubira ku mwanya wa 3 n’amanota 11 mu gihe ategereje ibiva mu mukino wa Afurika y’Epfo na Nigeria.

Kugeza ubu Afurika y’Epfo ifite 16, Amavubi 12, Benin 11, Nigeria 10, Lesotho 6 na Zimbabwe ifite 4.

Umunyarwenya akaba n’umunyamakuru, Nkusi Arthur yatomagije umukunzi we Muthoni Naringwa Fiona amubwira ko imyaka igisagaye ari myinshi baryohewe n’ubuzima.

Imyaka ibaye 4, Igisonga cya 3 cya Nyampinga w’u Rwanda 2015 akaba n’umunyamakurukazi, Muthoni Naringwa Fiona akoze ubukwe na Nkusi Arthur biyemeza kubana akaramata.

Nyuma y’imyaka 4 babana, Nkusi Arthur yagaragaje ko aryohewe n’urugo ndetse ko nta mpano nziza iruta kubana n’uwo wihebeye.

Ati 'Impano nziza iruta izindi mu buzima ni ukubusangira n’uwo ukunda. Haracyari imyaka myinshi turi kumwe undi iruhande nanjjye nkuri iruhande.'

Aba bombi babanye muri 2021, umwaka ushize wa 2024 nibwo bibarutse imfura yabo, ni nyuma y’imyaka itatatu bakoze ubukwe.

Muri Kanama 2021 nibwo Nkusi Arthur wamenyekanye nka Rutura yarushinze na Miss Muthoni Fiona, mu birori byabereye ku nkengero z’Ikiyaga cya Kivu mu Karere ka Rutsiro.

Ubu bukwe bwabereye ku mucanga wa Rushel Kivu Lodge Hotel, ku wa 14 Kanama 2021. Bwatashywe n’abantu bake b’inshuti z’abageni bombi bitewe n’uko icyorezo cya Covid-19 kitatumaga abantu bahurira ahantu hamwe ari benshi.

Ubu bukwe bwabaye nyuma y’aho ku wa Gatatu tariki 11 Kanama 2021, Nkusi Arthur na Miss Muthoni Fiona basezeranye imbere y’amategeko.

Yabigarutseho ubwo mu Ishuri rya Gisirikare rya Rwanda Peace Academy hatangirizwaga amahugurwa agamije gufasha abayobozi b'ingabo zihuriye muri EASF kwiyungura ubumenyi.

Ni amahugurwa arebana no kuyobora urugamba aho yagenewe abasirikare bakuru basanzwe bagira uruhare mu gutoza no guhugura abandi 'The Battle Group Commanders' Training of Trainers course'.

Yatangijwe ku wa 8 akazageza ku wa 19 Nzeri 2025. Yateguwe ku bufatanye na Rwanda Peace Academy, ubunyamabanga bwa EASF na African Peace and Security Architecture (APSA).

Umuvugizi w'Ingabo z'u Rwanda, Brig Gen Ronald Rwivanga, yavuze ko ubumenyi abo bayobozi b'ingabo bazahabwa, buzabafasha kuzuza neza inshingano zabo anabasaba kurangwa n'ubunyamwuga.

Ati 'Ni iby'ingenzi guha agaciro inshingano zacu, mu kurinda abasivili, ndabashishikariza kwitabira aya masomo mwagutse mu myumvire kugira ngo tugere ku byo twiyemeje mu kurinda nta kubogama kubayeho ku mutekano w'abasivili.'

Yagaragaje ko ayo mahugurwa ari n'inzira nziza yo gukomeza gushyira mu bikorwa inshingano zo kurinda no kubungabunga amahoro no guharanira iterambere ry'umugabane wa Afurika.

Brig Gen Rwivanga yavuze ko ayo mahugurwa ajyanye n'ibiteganywa n'Umuryango wa Afurika Yunze Ubumwe ku ngabo zihora ziteguye gutabara aho rukomeye bityo nk'Umuryango wa Afurika y'Iburasirazuba ukwiye gukomeza kuba intangarugero.

Umuyobozi wa Rwanda Peace Academy, Col (Rtd) Jules Rutaremara, yavuze ko guhugura abasirikare bakuru biba bigamije kubungura ubumenyi, nabo bakazabuha abo bayoboye.

Abitabiriye ayo mahugurwa bagaragaza ko bitezemo ubumenyi buzabafasha gukomeza kuzuza neza inshingano zabo zirimo kuyobora ingabo uko bikwiye nk'uko Lt Col Muganga Mbungo yabigarutseho.

Ati 'Kuza muri aya mahugurwa, dufite icyizere cyo kuzunguka uko twakwigisha bagenzi bacu mu kuyobora za batayo no kugira ngo abo bayobozi ba za batayo bazajye bakora inshingano zabo mu buryo bwa kinyamwuga.'

Umusirikare mu ngabo za Kenya, Lt Col Humprey Kimutai Lang'At, yagize ati 'Ndi hano muri Rwanda Peace Academy nk'umwe mu bitabiriye bahagarariye ingabo muri EASF. Ni iby'agaciro mu ku kwagura amahoro n'umutekano w'akarere duherereyemo. Aya mahugurwa azatuma twaguka kandi tunashyire hamwe, bitumen twubaka ubushuti no gusenyera umugozi umwe.'

Ayo mahugurwa yitabiriwe n'abasirikare baturutse mu bihugu bitandukanye birimo, u Burundi, Djibouti, Ethiopia, Kenya, u Rwanda na Uganda ndetse n'abari mu bunyamabanga bwa EASF.

Abasirikare bo mu Karere basabwe kuba abanyamwuga mu kurinda abasivili

Ayo mahugurwa yitabiriwe n’abasirikare batandukanye

Umuvugizi w'Ingabo z'u Rwanda, Brig. Gen Ronald Rwivanga, yasabye ingabo za Afurika y'Iburasirazuba zishinzwe gutabara aho rukomeye EASF kurangwa n'ubunyamwuga

Hagaragajwe ko guhugura abasirikare bakuru bifasha kuko basangiza abo bayoboye ubwo bumenyi