Category: Uncategorized

Bayobowe n’Umunyamabanga mukuru w’Ishyirahamwe ry’Umupira w’amaguru mu Rwanda (FERWAFA), Muhire Henry, abakozi bashinzwe amarushanwa muri FERWAFA bakoze n’ijoro bashaka raporo yo kohereza muri CAF kugira ngo bazemerere Amavubi kwakirira kuri Stade Huye.

Ni nyuma y’uko muri raporo Impuzamashyirahamwe y’umupira w’amaguru muri Afurika (CAF) iheruka gusohora raporo igaragaza ko u Rwanda ruri mu bihugu 23 bidafite ikibuga kizakinirwaho umukino w’umunsi wa 4 w’itsinda L mu gushaka itike y’igikombe cy’Afurika cya 2023 aho ruzakira Benin, rukaba rusabwa kwakirira hanze y’u Rwanda.

Benshi batunguwe no kubona ubu butumwa cyane ko bari bazi ko nyuma y’uko Stade Huye ivuguruwe ubu yabaye mpuzamahanga cyane ko yakiniweho umukino wo gushaka itike ya CHAN aho Amavubi yasezerewe na Ethiopia, ijonjora ryo gushaka itike y’igikombe cy’Afurika cy’abatarengeje imyaka 23.

Mu gushaka ibisubizo, ejo hashize ku wa Gatanu tariki ya 3 Gicurasi, ni bwo itsinda ririmo Umunyamabanga Mukuru wa FERWAFA, Muhire Henry, abayobora Komisiyo y’Amarushanwa yayo n’abafata amashusho n’amafoto, ryagiye kuri Stade ya Huye.

FERWAFA yavuze ko ' basuye Stade ya Huye mu rwego rwo kunoza raporo iherekejwe n’amashusho ikoherezwa CAF nk’uko ibisaba mbere yo gutanga uburenganzira bwo kuhakinira umukino w’Umunsi wa Kane w’amajonjora ya CAN 2023.'

“Hagendewe ku bisabwa n’amabwiriza yo muri 2022 yo kwemeza ibibuga bikinirwaho amarushanwa ya CAF, Federasiyo isabwa kohereza raporo y’ibanze muri CAF iherekejwe n’amashusho ishobora gushingiraho igatanga uburenganzira bwo kuhakinira umukino runaka bitewe n’urwego rw’irushanwa.'

Mu mafoto FERWAFA yasangije abanyarwanda harimo agaragaza iki kibuga mu gihe umukino waba ukinwe ni njoro uko cyaba kimeze.

Kuba u Rwanda rutari rufite ikibuga mpuzamahanga cyemewe na FIFA na CAF, byatumye mu bibuga rufite hahita hatangira kuvugururwa Huye Stadium kuko ari yo yasabwaga ibintu bike cyane ko nk’Amahoro Stadium azamara kuvugururwa 2024, Kigali Stadium yo byavugwaga ko igihe bayifuriza itaba yabonetse nubwo ubu irimo kuvugururwa.

Stade Huye yari yubatswe itwaye miliyoni 550 z’amafaranga y’u Rwanda, yatangiye kuvugururwa amasiga mana ariko igihe yifuzwaga muri Kamena 2022 kigera itararangira neza biba ngombwa ko u Rwanda rwakirira Senegal muri Senegal. Bivugwa kuyivugurura byatwaye miliyari 9 z’amafaranga y’u Rwanda.

U Rwanda rufite kugeza tariki 7 Gashyantare 2023 kuba rwamaze gutanga raporo igaragaza ko ikibuga cya Huye cyujuje ibisabwa icyemezo kikazafatwa na CAF.

Amafoto agaragaza Huye Stadium uko yaba isa mu gihe umukino ukinwe ni njoro

Abakozi ba FERWAFA bayobowe n’umunyamabanga Muhire Henry baraye amajoro bashaka raporo yo kohereza muri CAF

Imikino y’umunsi wa 18 wa shampiyona y’icyiciro cya mbere mu Rwanda irakomeje, aho kuri uyu wa Gatandatu hari imikino 3, ku Cyumweru hakazaba imikino 4. 

Uyu munsi wa 18 watangiye kuri uyu wa 5 Gasogi United ikina na Gorilla FC, mu mukino wabereye i Bugesera, urangira Gasogi United itsinze Gorilla FC ibitego 2-1 ihita ifata umwanya wa mbere.

Kuri uyu wa Gatandatu, As Kigali irakira Police FC, Rutsiro FC yakire Mukura Victory Sports, Sunrise FC yakire APR FC. 

Umukino twavuga ko uhagarariye imikino yo ku wa Gatandatu, ni umukino Sunrise FC iri bwakiremo APR FC. Aya makipe azira kunganya, amaze guhura imikino 12 mu mateka yayo, aho Sunrise FC imaze gutsinda imikino 2 itsindwa 10.

APR FC ishobora kongera kwisarurira amanota 3 i Nyagatare

Ubwo izi kipe zahuraga bwa kabiri muri shampiyona, nibwo bwa mbere Sunrise FC yatsinze APR aho yayikubise ibitego 3-0 tariki 17 Gicurasi 2015. Bwa kabiri nabwo, byari tariki 23 Mutarama 2019 nabwo Sunrise FC yari yakiriye ikipe ya APR FC iyitsinda ibitego 3-2. 

Abantu benshi bakunze kuvuga ko Sunrise FC iri mu makipe atajya abasha APR FC, ndetseko kuri iyi nshuro nabwo biza kugorana dore ko iyi kipe yitegura umukino wa Rayon Sports kandi kikaba kizira kuwujyano ihagaze nabi.

As Kigali nayo iherutse gukuba itako i Ngoma, irakira Police FC mu mukino simusiga igomba gutsinda igakomeza umuvuduko w’igikombe cya shampiyona. 

Police FC nayo iherutse gukubitwa na Espoir FC irashaka kuzanzamura umutwe, ngo irebe ko yabona andi manota atatu ayemerera kwigira imbere.   

Ku cyumweru

Ku cyumweru hari imikino ine, harimo umukino Espoir FC izakiramo Bugesera FC, umukino Marine FC izakiramo Rwamagana City, Musanze FC yakire Etincelles FC, Rayon Sports yakire Kiyovu Sports.

Rayon Sports ishobora kuba inyantege nke imbere ya Kiyovu Sports mu mujyi no mu cyaro

Kuva mu 2009, aya makipe amaze guhura inshuro 26, Rayon Sports imaze gutsinda inshuro 11 banganya 6 itsindwa 9. 

Kuva mu 2019 Rayon Sports ntirabasha gutsinda Kiyovu Sports kuko ibiheruka tariki 1 Ukuboza 2019 iyitsinda igitego 1-0. 

Kiyovu Sports yiteguye gukora ibyo imaze iminsi imenyereza Rayon Sports ndetse biteguye kubikorera no mu ntara nk’uko babitangaje kuri Twitter yabo.

Kuva Covid-19 yagera mu Rwanda Kiyovu Sports ntiratsindwa na Rayon Sports

Rayon Sports imaze imikino 5 ya shampiyona idatsinda Kiyovu Sports kuri iyi nshuro nabwo biyinaniye, byaba inkuru mbi ishobora no gusiga inkuru mbi mu ikipe. Rayon Sports igiye muri uyu mukino iherutse kunganya na Mukura mu buryo budasobanutse.

Marine FC iri gukandagira umuriro bucece

Marine FC niyo kipe ihagaze nabi muri shampiyona, ndetse bishobora kuba bibi mu gihe itatsinda Rwamagana City kuri iki cyumweru. 

Aya makipe amaze guhura inshuro 3 muri shampiyona, Marine FC imaze gutsinda 2 itsindwa rimwe. Rwamagana City ni imwe mu makipe ahagaze neza mu mikino yo kwishyura kuko imaze gutsinda imikino 2 hanze no mu rugo.

Mu gihe Rwamagana City yatsinda Marine F,C yahita igira amanota 19, mu gihe Marine yagumana amanota 7, byazayigora kuguma mu cyiciro cya  mbere. 

Aya makipe yose, arajya mu kibuga abizi ko Gasogi United yamaze gufata umwanya wa mbere n’amanota 35, ikurikiwe na APR FC ifite amanota 34, As Kigali amanota 33. 

Umukino w’amagambo watangiye aho buri kipe iri kwivuga imyato hagati ya Rayon Sports na Kiyovu Sports

Ni igikorwa cyabaye kuri uyu wa Gatanu tariki 3 Gashyantare 2023, aho Ndayishimiye usanzwe aba muri Amerika aho akorera ubushabitsi ariko ubu uri mu Rwanda yasabye umukunzi we kuzamubera umugore, undi arabyemera.

Umurungi usanzwe ari umuganga akaba n’umunyamakuru wa Isango Star, yabwiye InyaRwanda ko uyu ari umwe mu minsi y'ibyishimo kuri we.

Ati ''Yaje mu Rwanda mbizi ariko ambwira ko hari ibindi bimuzanye ndetse azahita asubirayo, gusa ambwira ko tuzahura byanga bikunze kuko yari ankumbuye. Uyu munsi rero nibwo yantunguje impeta nanjye sinazuyaza.''

Iyo ubajije Umurungi ibye n'umukunzi we, akubwira ko babanje kuba inshuti kuva mu 2015. Batangiye gukundana mu 2020.

Ati ''Gusa buri wese yumvaga undi atamwemera.  Mbese ari high class kuri we. Tuba inshuti buri wese ari mu rukundo n'abandi, dukomeza ubucuti bwacu dutandukanye n'abakunzi bacu biza kurangira bigeze hano, ariko bigoranyemo.''

Avuga ko yabanje kubona amarenga y'urukundo, ariko buri wese ntamenye aho bigana.

Ati ''Yambwiraga ko ankunda nkumva arashaka kwirira ntabwo yanyiteza. Ariko naje gusanga ari umusore uzi icyo ashaka kandi ufite urukundo pe. Aruzuye. Duhuje ingano n'ejo hazaza, mbese duhuriye kuri byinshi.''

Yavuze ko umugabo yamaze kumwambika impeta, akanamubwira ko ashaka ko barushinga mu mpeshyi. Ndetse ubu nta gihindutse ku wa 9 Gashyantare bazasezerana mu mategeko.

Umurungi ubusanzwe ni 'Health professional', 'Private consultant', 'Journalist' akaba na  'Businesswoman'.

Afite impamyabushobozi y'icyiciro cya kabiri cya kaminuza 'Clinical Pharmacy'. Ajya akora igenzura  muri RBC, ndetse anakora ku bitaro bya Muhima. Afite na Pharmacy  ye yitwa Maxphar.

Umurungi na Ndayishimiye batangiye umushinga wo kurushinga vuba aha

Aba bombi bamaze igihe bakundana 

Urukundo rwabo rwatangiye ari imikino 

 

 

Ibi yabigarutseho mu kiganiro yagiranye n'urubyiruko 600 rwari ruteraniye mu nyubako y'Akarere ka Gasabo, nyuma y'urugendo rwakoze rusura Urwibutso rwa Jenoside yakorewe Abatutsi ruri ku Gisozi n'Ingoro Ndangamateka y'Urugamba rwo guhagarika Jenoside, iherereye mu nyubako y'Inteko Ishinga Amategeko y'u Rwanda ku Kimihurura.

Yabivuze nyuma y'ikibazo cy'umwe mu bari bitabiriye ikiganiro yatanze.

Mu gusubiza yagize ati ''Mu nyamanswa zose, intare niyo yoroshye kurwana nayo. Mu 1982 Leta ya Uganda yirukanye abanyarwanda batari mu nkambi. Ubwo umutegetsi witwaga Obote yatangaga iryo tegeko, natwe aratwirukana.''

Akomeza avuga ko baje mu Rwanda bakavuga ko ari Abagande bakabura amajyo, kuko nta gihugu na kimwe ubwo bari bafite. Ati ''Tugeze ku mupaka ku kagezi kitwa Umuyange twahagazemo, abasirikare ba Habyarimana baratwirukanye n'Abagande baravuga ngo ntabwo badushaka iwabo.''

Yakomeje avuga ko uwari uhagarariye abasirikare ba Habyarimana, yavuze ko ubwo ibihugu byose bibanze ndetse n'Imana yabanze.

Avuga ko yaje kurwana n'intare, aragira ati ''Ubwo twarakase, dukata hafi y'Akagera aho twageze ngo twicare; Intare iratera irivuga. Twari dufite inkoni turayitegura, twari dufite Inka irayiterura ikubita hasi. Ijoro ryose turwana n’intare turayinesha iragenda. Ariko intare biroroshye kurwana nayo.''

Arakomeza ati ''Upfa kwirinda ikintu kimwe gusa, ubwoba. Ahubwo iyo ije igusanga nawe urayisanga. Amateka abantu baba baranyuzemo. Twageze mu Rwanda Habyarimana adushakira inkambi mu 1986 Museveni afashe ubutegetsi dusubirayo, Abanyarwanda bongera kugaruka mu 1994 nyuma ya Jenoside yakorewe Abatutsi.''

Muri iki kiganiro Gen. Kabarebe yagarutse ku bindi bintu byinshi byerekeye uko we na bagenzi be barwanye intambara yo kubohoza igihugu, n'uko bageze mu Rwanda bakirukana umwanzi.

Gen Kabarebe aganiriza uru rubyiruko Gen. avuga ibi yaganirizaga urubyiruko 600 rwari ruteraniye mu nyubako y’Akarere ka Gasabo

Ni mu rugendo uru rubyiruko rwakoze kuri uyu wa Gatanu tariki 4 Mutarama 2023. Rwabanje gusura Urwibutso rwa Jenoside yakorewe Abatutsi mu 1994  rwa Kigali ruri ku Gisozi, ndetse rukurikizaho n'Ingoro Ndangamurage y'Urugamba rwo guhagarika Jenoside no kubohora Igihugu.

Ni muri gahunda yiswe ''Rubyiruko Menya Amateka Yawe''. Iyi gahunda yateguwe na Minisiteri y'Urubyiruko n'Umuco ku bufatanya na Minisiteri y'Ubumwe bw'Abanyarwanda n'Inshingano Mboneragihugu, Umujyi wa Kigali ndetse n'Inama y'Igihugu y'Urubyiruko.

Uru rubyiruko rwatumiwe muri iki gikorwa rukora imirimo itandukanye muri Kigali, harimo abakarani, abanyonzi, abamotari, abakora mu tubari n'amahoteli, abacuruzi ba Me2U, Abanyeshuri, abakirangiza kwiga n'abandi batandukanye.

Uru rubyiruko ku rwibutso rwazengurutse ibice bitandukanye bihagize bagenda baganirizwa amateka ya Jenoside n'ubunyamaswa yateguranywe, hagamijwe kubakangurira kwimika ubumwe no guharanira ko ibyabaye mu Rwanda  bitazongera ukundi.

 Mu Ngoro Ndangamurage y'urugamba rwo guhagarika Jenoside no kubohora igihugu, basobanuriwe akantu ku kandi amateka y'iyi ngoro; bahereye ku masezerano ya Arusha yatumye abasirikare ba FPR Inkotanyi ndetse n'abanyapolitiki baho bagera muri iyi ngoro.

Basobanuriwe uburyo izi Ngabo zahoze ari iza RPA-Inkotanyi, zahagaze gitwari zigakura abanyarwanda mu icuraburindi mu gihe cyari gikomereye abazizwaga kwitwa 'Abatutsi'.

Bamwe mu baganiriye na InyaRwanda nyuma y'iki gikorwa bagaragaje cyabafashije kunguka byinshi bitandukanye byerekeye amateka y’u Rwanda mu bihe rwanyuzemo by’icuraburindi, biha intego yo kubwira aya mateka bagenzi babo bababwira n’ingaruka yagize kugira ngo ibyabaye bitazongera ukundi.

 Nka Bayisenge Melissa, yagize ati ”Kumenya amateka y'u Rwanda ni iby'agaciro ku rubyiruko. Nkanjye hari ibyo nungutse byinshi; hari intwari ntari nzi, n'ibyabereye muri Jenoside.”

Arakomeza ati ”Icyo nabwira urubyiruko ni ukumenya ibyabaye muri Jenoside ndetse bagafata ingamba z'uko bitasubira ukundi, ndetse bakabiganiriza n'abandi batabizi cyangwa n'abandi batamenye amateka.”

Muvunyi Moise we yavuze ko  yungutse ari ukumenya bya nyabyo uko igihugu cyabohowe. Ati ”Icyo nungutse ntari nzi, ntabwo nari nzi uko FPR-Inkotanyi yabohoye igihugu cyacu. Namenye  icyatumye bashaka gufata igihugu ngo babashe kudukiza.”

Uwihoreye Noella nawe yavuze ko gusura Urwibutso rwa Jenoside yakorewe Abatutsi mu 1994 rwa Kigali ruri ku Gisozi n'Ingoro Ndangamurage y'Urugamba rwo guhagarika Jenoside no kubohora Igihugu; ari amahirwe akomeye kuri we n'urundi rubyiruko bari kumwe.

Uru rubyiruko rwahereye ku Rwibutso rwa GisoziUru rubyiruko rwasobanuriwe amateka atandukanye ajyanye na Jenoside yakorewe AbatutsiBunamiye imibiri ishyinguye muri uru rwibutso Bashyize indabo ku mva iruhukiyemo imibiriMbere yo gusura urwibutso babanje gusobanurirwa gato ibijyanye n’uru rwibutso rwa GisoziUrubyiruko 600 nirwo wasuye urwibutsoBasuye ibice bitandukanye birimo n’ikirimo abana bishwe muri JenosideBeretswe bamwe mu bagize uruhare mu guhashya abicaga abatutsiUru rubyiruko ku Ngoro y’Urugamba rwo guhagarika Jenoside hahoze hitwa CNDKuri iyi Ngoro hagaragara ibibumbano bya bamwe mu basirikare baharwaniye

AMAFOTO: SANGWA Julien

VIDEO: Bachir NYETERA

USHAKA KUREBA  ANDI MAFOTO WAKANDA HANO
REBA URU RUBYIRUKO RUSURA AHA HANTU HABUMBATIYE AMATEKA AKOMEYE Y'U RWANDA 

 

Ni muri gahunda yiswe ''Rubyiruko Menya Amateka Yawe''. Iyi gahunda yateguwe na Minisiteri y'Urubyiruko n'Umuco ku bufatanye na Minisiteri y'Ubumwe bw'Abanyarwanda n'Inshingano Mboneragihugu, Umujyi wa Kigali ndetse n'Inama y'Igihugu y'Urubyiruko.

Iki kiganiro cya Minisitiri cyabaye nyuma y'urugendo uru rubyiruko rwakoze, kuri uyu wa Gatanu tariki 4 Mutarama 2023.

Uru rubyiruko ku ikubitiro rwasuye Urwibutso rwa Jenoside yakorewe Abatutsi mu 1994 rwa Kigali ruri ku Gisozi, ndetse rukurikizaho n'Ingoro Ndangamurage y'Urugamba rwo guhagarika Jenoside no kubohora Igihugu.

Nyuma nibwo habayeho ibiganiro byatanzwe n'Umujyanama wa Perezida Kagame mu by’Umutekano, Gen James Kabarebe na Minisitiri w’Urubyiruko n’Umuco Rosemary Mbabazi, mu gihe Meya w'Umujyi wa Kigali Prudence Rubingisa we yahaye ikaze uru rubyiruko ndetse n'abashyitsi bari barusuye.

Minisitiri w’Urubyiruko n’Umuco Rosemary Mbabazi yatangiye ashimira uru rubyiruko rwaretse imirimo rwari gukora kuri uyu wa Gatanu rukemera kuza kumva impanuro, ndetse no kumenya amateka yaranze ibihe byari bikomeye ku gihugu.

Ati ''Twagira ngo tubashimire. Mwakoze kwigomwa. Tumaze iminsi mu 'Isangano ry’urubyiruko'. Ibyo mukora mujye mwumva ko bifite agaciro ku muryango nyarwanda. Icyatugaragariye, byagaragaje ko mufite inyota yo kumenya amateka […] Ibi twaganiriye uyu munsi ni umusingi ntacyo wakora utazi amateka y'igihugu cyawe, utagikunda, mwitwa inkomezamihigo.''

Yakomeje abwira urubyiruko ko rufite 'Misiyo' eshatu. Yabaganirije ku ya mbere ati ''Mushinzwe kurinda igihugu cyacu. Ugomba kuba ijisho ry'igihugu kugira ngo kidahungabanywa.''

Yakomeje avuga ko kurinda igihugu bitavuze ko uba uri umusirikare, cyane ko buri wese mu byo akora ashobora kukirinda. Yatanze urugero ati ''Ushobora kuba uri umumotari ugatwara umuntu ufite grenade agiye kuyitera ahantu, ukabyirengagiza, mu kanya ugasanga ahantu yayiteye hagendeyemo n'abawe.''

Misiyo ya kabiri yabwiye uru rubyiruko ni 'Uguteza imbere igihugu'. Yaruganirije arubwira ko gukura amaboko mu mufuka ari cyo cya mbere cyatuma igihugu gitera imbere kandi ko umuntu ashobora guhera kuri bito akagera kuri byinshi.

Misiyo ya gatatu yababwiye ko ari 'Ugusigasira ibyagezweho'. Yabwiye uru rubyiruko ko inyubako rubona kuri iki gihe zitahozeho, rukwiriye kwitwararika kugira ngo umuvuduko w'iterambere igihugu kiriho utazasubizwa inyuma no kudasigasira ibyagezweho.

Yavuze ko izi 'Misiyo' zizagerwaho uru rubyiruko mu gihe ruzaba rufite Indangagaciro, kuko arizo zitandukanya umuntu n'undi cyangwa  igihugu n'ikindi.

Mu ndangagaciro yabasangije harimo; Ugukunda Igihugu, Ubumwe, Ikinyabupfura, Kugira Intego n'izindi.

Yasoje ababwira ko Perezida Paul Kagame yamutumye kuri uru rubyiruko, arwifuriza umwaka mushya. Arubwira ko hari byinshi ruhishiwe na Leta mu minsi iri imbere, kuko ihora iruzirikana.

Minisitiri Mbabazi yafashije urubyiruko ubwo rwari ruri gutera morale Meya w’Umujyi wa Kigali Rubingisa Prudence, Minisitiri Rosemary Mbabazi ndetse na Gen. James Kabarebe bafatanyije n’urubyiruko kungurana amateka no kuruha impanuroMbere yo gutanga ikiganiro Minisitiri Mbabazi yaganirije urubyiruko ku ndangagaciro ndetse na misiyo rugomba kugira Yabwiye uru rubyiruko 600 ko arirwo mbaraga z’igihugu bityo rukwiriye kureba ku hazaza harwo rugendeye kuri Misiyo n’IndangagaciroGen. Kabarebe James usanzwe ari Umujyanama wa Perezida mu by’umutekano ubwo yatangaga ikiganiro

Abayobozi mu nzego zitandukanye bari bahariMuri ‘sale’ y’akarere ka Gasabo harimo urubyiruko 600Ubwo abaganirije uru rubyiruko batahaga 

Ushaka andi mafoto wakanda hano

AMAFOTO: Sangwa Julien

Mbere y’uko hakinwa indi mikino y’umunsi wa 18 wa shampiyona 2022-23, Gasogi United yafashe umwanya wa mbere itsinze Gorilla FC 2-1.

Ni umukino wabereye kuri Stade ya Bugesera kuri uyu wa Gatanu tariki ya 3 Gashyantare 2023.

Gorilla FC ni yo yafunguye amazamu ku munota wa 31 gitsinzwe na Habimana Yves.

Byasabye umunota wa 56 kugira ngo Ravel Ndjoumekou yishyurire Gasogi United, umukino wasubiye ibubisi.

Gorilla FC yagerageje amahirwe atandukanye ishaka igitego cya kabiri ariko ntibyakunda kubera ko ba rutahizamu barimo Camara, Onesme na Yves batabyaje umusaruro amahirwe babonye.

Gasogi United yaje kubona igitego cy’intsinzi ku munota wa 90 gitsinzwe na Malipangu ku mupira wari uhinduwe na Hakim.

Gutsinda uyu mukino Gasogi United yahise ifata umwanya wa mbere n’amanota 35, ni mu gihe indi mikino y’umunsi wa 18 izaba ejo no ku Cyumweru.

Gahunda y’umunsi wa 18

Ku wa Gatanu tariki ya 3 Gashyantare 2023

Gorilla VS Gasogi United

Ku wa Gatandatu tariki ya 4 Gashyantare 2023

Sunrise FC vs APR FC
Rutsiro FC vs Mukura VS
AS Kigali vs Police FC

Ku Cyumweru tariki ya 5 Gashyantare 2023

Espoir FC vs Bugesera FC
Marines FC vs Rwamagana City
Musanze FC vs Etincelles
Rayon Sports vs Kiyovu Sports

Uyu mugore w'imyaka 23 uri mu bafite ubwiza butangaje n'umugabo we bakaba baribarutse umwana wabo w'umukobwa, kuwa 01 Gashyantare 2023.

Aba bombi bakaba nyuma y'umunyenga w'urukundo bariyemeje kuwukomeza babanye nk'umugabo n'umugore, kuwa 17 Ukwakira 2021.

Mukangwije Rosine ari mu bakobwa bagerageje amahirwe mu irushanwa ry'ubwiza rya Miss Rwanda, ryo mu mwaka wa 2020.

Icyo gihe yari ahagarariye Intara y'Amajyaruguru. Ni nyuma gato y'uko hageragejwe uburyo bwo kumwambura ikamba rya Miss Elegancy mu wa 2019, akabera ibamba abategura iri rushanwa.

Miss Elegance 2018 Mukangwije RosineMiss Mukangwije na Christophe biyemeje kubana mu 2021Bungutse imfura yabo nyuma y’imyaka igera hafi kuri 2 barushinzeMubamwambariye harimo Miss Rwanda 2020, Nishimwe Naomie

Mu masaha ashize, nibwo inyaRwanda.com twifashishije amakuru yatangajwe n'ikigo cy'igihugu cy'itangazamakuru, twabagejejeho inkuru y'akababaro y'urupfu icyo gihe babarirwaga mu 10 bitabye Imana bazize impanuka y'ubwanikiro bw'ibigori.

Muri aka kanya Guverinoma y'u Rwanda ikaba imaze gushyira hanze itangazo ry'ihumure no kwifatanya n'imiryango yaburiye ababo muri iyo mpanuka, nk'uko bigaragara mu itangazo bamaze kugera kuri 11 n'abandi bakomeretse bakomeje kwitabwaho.

Itangazo rigira riti: 'Nyuma y'impanuka yabereye mu Murenge wa Rusororo, Akarere ka Gasabo muri iki gitondo cy'uyu munsi, aho ubwanikiro bw'ibigori bwaguye bugahitana abantu 11 abandi bagakomereka, Guverinoma y'u Rwanda yihanganishije ababuriye ababo muri iyo mpanuka.'

Rikomeza rigara riti: 'Abakomeretse bajyanywe kwa muganga, ubu barimo kwitabwaho. Guverinoma iratanga ubufasha bukenewe ku miryango yabuze ababo no kubakomerekeye muri iyi mpanuka.'

Risoza rigaruka ku kigiye gukorwa riti: 'Ingamba zo gukurikirana ireme ry'imyubakire zizongerwamo imbaraga, kugira ngo dukomeze kwirinda impanuka nk'izi.'

Iri tangazo rikaba ryashyizweho umukono na Minisitiri w'Intebe Dr Eduard Ngirente, kuri uyu 03 Gashyantare 2022.