Webrwanda Backend

Category: Uncategorized

  • Rulindo: Urubyiruko rwasabye kwegerezwa amashuri y'imyuga n'ubumenyingiro – #rwanda #RwOT

    Mu mirenge 17 igize aka karere, hari ine itagira ishuri ry'imyuga na rimwe. Abayituye cyane cyane urubyiruko barasaba kwegerezwa aya mashuri kuko hari abatabasha gukomeza amashuri yisumbuye bakabura andi mahitamo.

    Bamwe bayoboka imirimo yo gucukura amabuye y'agaciro mu nzira zitemewe ndetse bamwe bakahaburira ubuzima bagwiriwe n'ibirombe abandi bakajya kwahira icyayi, kwishora mu biyobyabwenge n'ibindi bizitira iterambere ryabo.

    Abatuye mu murenge wa Base bavuga ko hari benshi barangije kwiga amashuri asanzwe ariko bakaba babayeho mu buzima bw'ubushomeri, bagahamya ko iyo baba bafite aho biga imyuga imibereho yabo iba yarahindutse.

    Uwitwa Nkurikiyumukiza Emmanuel wo mu mudugudu wa Bukangana, Akagari ka Cyohoha, Umurenge wa Base, yiga mu ishuri rya GS Kiruri, avuga ko bakeneye kwiga imyuga ariko bafite ikibazo cyo kutagira amashuri abegereye.

    Ati 'Twe nk' urubyiruko dukeneye kwiga imyuga cyane kuko hari benshi tubona imyuga yateje imbere…turashima RTB (Rwanda TVET Board) badushishikariza kwiga imyuga, ariko banadufashe kutwegereza amashuri yo kwigamo'.

    Imanizabayo Florence avuga ko abakobwa bahura n'ingaruka nyinshi zo kutagira amashuri y'imyuga, aho biga asanzwe bakabura akazi bigatuma hari ababashora mu bishuko byangiza ejo hazaza habo.

    Ati 'Aho kurangiza sinigurire icyo nshaka ugasanga hari abashobora kunshukisha udufaranga bakanshora mu ngeso mbi, nakwiga ibimfasha kwihangira imirimo nkikorera kandi ni bimwe mu bizana iterambere'.

    Uru rubyiruko rwagaragaje izi mbogamizi mu bukangurambaga bugamije kubigisha uburyo rwakwitabira amashuri y'imyuga n'ubumenyingiro, bwateguwe n'ikigo gishinzwe amashuri y'imyuga n'ubumenyingiro RTB (Rwanda TVET Board) n'abafatanyabikorwa b'amashuri y'imyuga bagamije gushishikariza abantu kwiga imyuga.

    Umukozi w' ikigo gishinzwe imyuga n'ubumenyingiro RTB, Habumugisha Fulgence, avuga ko bashishikariza abantu kwiga imyuga kuko bifasha kugera ku iterambere rirambye no kubasobanurira ko uwize imyuga ashobora no kwihangira imirimo akarushaho kwiteza imbere.

    Ati 'Mbere hari abacyekaga ko kwiga imyuga ari ubuzima gakondo budafite uko bwateza imbere uwabikoze, ni yo mpamvu tumenyekanisha ibyiza byo kwiga imyuga n'ubumenyingiro, kuko bigaragara ko biteze imbere uwabikurikiye ndetse bikazamura iterambere ry'igihugu'.

    Ushinzwe uburezi mu karere ka Rulindo Nuwayo Jean Dennis, avuga ko muri aka karere bashishikajwe no kongera amashuri y'imyuga kuko mu mirenge 17 harimo idafite n'ishuri rimwe washakiramwo abiga imyuga n'ubumenyingiro.

    Ati 'Kuba hagikorwa urugendo rurerure ku bana bajya kwiga imyuga turabizi ni ikibazo turi gukurikirana bitewe n'ubushobozi…dukomeje gushishikariza abantu kwiga imyuga ibateza imbere'.

    Mu karere ka Rulindo habarizwamo amashuri y'imyuga n'ubumenyingiro 21, arimo 10 ya Leta na 11 yigenga asaba kuba ufite ubushobozi bw'amafaranga kugira ngo uyigemo.

    Urubyiruko rwashishikarijwe kwiga imyuga rugaragaza imbogamizi y’amashuri ayigisha

    Source : http://igihe.com/amakuru/u-rwanda/article/rulindo-urubyiruko-rwasabye-kwegerezwa-amashuri-y-imyuga-n-ubumenyingiro

  • Impungenge ku bana batendekwa n'abamotari bagiye ku mashuri – #rwanda #RwOT

    Iyo utembereye mu mihanda itandukanye cyane cyane mu masaha ya mu gitondo, ugenda uhura n'abamotari baba batwaye abana ku ishuri barenze umwe kuri moto ku buryo hari n'uba utwaye batatu.

    Bamwe mu batuye mu Mujyi wa Kigali basaba inzego zibishinzwe gukurikirana iki kibazo cy'aba bamotari kuko bishobora kuba intandaro y'impanuka.

    Mukalisa Aline yagize ati 'Ubu se koko akoze impanuka ubwishingizi afite bwariha bariya bantu bose? Ibi polisi yagakwiye kubihagurukira nk'uko yahagurukiye imodoka zatendekaga abanyeshuri.'

    Bihoyiki Emmanuel we yagize ati ' Birakabije! Hari ubwo ubona umumotari yatendetse abana ukagenda ubasengera kuko uba ubona ko bakoze impanuka nta warokoka.'

    Umuvugizi w'Ishami rya Polisi rishinzwe umutekano wo mu muhanda, SSP Irere René yavuze ko iki kibazo bakizi, aboneraho gusaba bamotari gukora ibyo amategeko ateganya.

    Ati 'Turabizi kubera ko hari abo dufatira muri ayo makossa. Moto yemererwa gutwara umuntu umwe kandi wambaye ingofero yabugenewe. Bivuze ko ku mugenzi urenzeho hari amande umumotari acibwa.'

    Ababyeyi kandi basabwe kugira uruhare mu kubungabunga umutekano w'abana babo bakanashishoza ku myitwarire y'umumotari ubatwarira abana.

    Abaomtari batwara abana ku mashuri babatendetse baburiwe

    Source : http://igihe.com/amakuru/u-rwanda/article/impungenge-ku-bana-batendekwa-n-abamotari-bagiye-ku-mashuri

  • #TduRda: Umunyafurika y’Epfo yegukanye agace ka 5, Chris Froome ahura n’ibibazo, umunyarwanda aza mu ba mbere (AMAFOTO) #rwanda #RwOT

    Callum Ormiston w’imyaka 23 ni we wegukanye agace ka 5 ka Tour du Rwanda 2023, isiganwa umwongereza Chris Froome yaje guhuriramo n’ikibazo cy’igare ryamutengushye mu gihe yari yasize bagenzi be.

    Ni isiganwa ritoroheye Thomas Bonnet wari ufite umwambaro w’umuhondo kuko yaje kuwutakaza ukambarwa na William Licerf wahageze mu ba mbere, Muhoza Eric afata umwanya wa 7 ku rutonde rusange arushwa amasegonda 11 n’uwa mbere.

    Isiganwa mpuzamahanga rizenguruka u Rwanda mu mukino wo gusiganwa ku magare “Tour du Rwanda 2023”, ryari ryakomeje kuri uyu wa Kane hakinwa umunsi wa ryo wa gatanu, mu gace kahagurukiye i Rusizi kerekeza i Rubavu ku ntera y’ibilometero 195,5.

    Ni agace karimo imisozi itandatu; uwa Kadehero wegukunywe na Gelders, Berasategi aba uwa 2 n’aho Badilatti aba uwa 3, umusozi wa Jarama na wo wegukanywe na Gelders, umusozi wa Mugonero na wo wegukanywe na Gelders, umusozi wa Congo Nil amanota ya wo yegukanywe na Chris Froome, umusozi wa Gishwati Ormiston yahatanze abandi n’umusozi wa Nyamyumba.

    Amanota ya ‘sprint’ yatanzwe inshuro ebyiri: Mu Rugabano yegukanywe na Fouche akurikirwa na Badilatti mu gihe Vernon yabaye uwa 3. Aya Rubengera kuri Sitasiyo ya SP yegukanywe na Chris Froome.

    Isiganwa rigitangira, abakinnyi bigananyijemo amatsinda menshi, gusa hari itsinda ry’abakinnyi 10 bari imbere ariko na bo baje gufatwa n’igikundi ku kilometero cya 13 ubwo amatsinda yasaga n’ayasubiranye noneho barimo kugendera hamwe.

    Ubwo bari bageze ku Kinini Vernon (Soudal-QuickStep) wegukanye uduce tubiri tubanza ni we uyoboye isiganwa wenyine hari ku kilometero cya 24.

    Ku kilometero cya 40 isiganwa ryari riyobowe n’abakinnyi 5: Tolio (Green Project), Berasategi (Euskaltel), Vercher (TotalEnergies), Gelders (Soudal-QuickStep), Main (Afrique du Sud)

    Bari imbere ho amasegonda 25 kuri Teklehaimanot (Erythrée) n’amasegonda 35 ku gikundi.

    Itsinda ry’abakinnyi 14 bayoboye isiganwa ku kilometero cya 74, abo ni; Currie, Christensen (Bolton), Etxeberria na Iturria (Euskaltel), Gabburo, Fiorelli, Tarozzi na Tolio (Green Project), Grellier na Vercher (TotalEnergies), Mugisha (Rwanda), Reinderink na Gelders (Soudal-QuickStep), Eyob (Terengganu), basigaga igikundi amasegonda 30.

    Impuzandengo y’umuvuduko mu isaha ya kabiri y’isiganwa yari 36 km ku isaha.

    Ku kilometero cya 86 byari Cyigizimbuga itsinda ririmo Froome ryashyikiriye iry’uwambaye umwenda w’umuhondo. Igikundi cyari cyasubirabye abakinnyi bari hamwe.

    Chris Froome watsinze Tour de France inshuro 4, yaje gucika igikundi ayobora isiganwa wenyine, ku kilometero cya 98 yari amaze gushyiramo iminota 2 n’amasegonda 15.

    Chris Froome isiganwa ryatangiye ari ku mwanya wa 21 ku rutonde rusange arushwa 1’08' na Thomas Bonnet wari wambaye umwambaro w’umuhondo. Ku kilometero cy’121 yari amaze gushyiramo iminota 3 n’amasegonda 40 ku gikundi cyarimo umwambaro w’umuhondo, bivuze ko yari yamaze kuwumwambura by’agateganyo.

    Ku kilometero cy’130, igikundi cyasize Thomas Bonnet wari wambaye umwambaro w’umuhondo ari na ko Chris Froome yagaragaje ko yatangiye kuruha.

    Uyu mwongereza yaje gutobokesha, yongeye gusubira mu muhanda igare rye rigira ikibazo kiri tekinike, yahise anyurwaho n’umunya-Espagne Mikel Iturria. Froome yahise afatwa n’igikundi ku kilometero cy’154. Igikundi na cyo cyaje kumusiga basigaje ibilometero 20 cyari cyamushyizemo iminota 3.

    Hasigaye ibilometero 5 gusa, isiganwa ryari riyobowe n’Umunyafurika y’Epfo w’imyaka 23, Callum Ormiston.

    Uyu musore ukiri muto ni we waje kwegukana aka gace.

    Ormiston yakoresheje amasaha 4 iminota 59 n’amasegonda 51, yarushije umutalitani Calzoni Walter wabaye uwa 2 amasegonda 6, Eyob Metkel yabaye uwa 3 na we arushwa amasegonda 6 kimwe na William Licerf umubiligi wabaye uwa 4, umunyarwanda Muhoza Eric yabaye uwa 11 na we arushwa amasegonda 6. Kugeza ku mwanya wa 15 bose barushwaga amasegonda 6.

    Ku rutonde rusange William Licerf Junior ukomoka mu Bubiligi ni we wahise afata umwambaro w’umuhondo awambuye Thomas Bonnet utagaragaye muri 23 ba mbere uyu munsi.

    Licerf William amaze gukoresha amasaha 19, iminota 40 n’amasegonda 50, Budiak Anatoli, umunya-Ukraine ni we wa 2 arushwa amasegonda 2, Umufaransa Vercher Matteo ni uwa 3 ararushwa amasegonda 3, umunya-Espagne De La Parte Victor ni uwa 4 ararushwa amasegonda 7, Umutalitani Calzoni Walter ni uwa 5 ararushwa amasegonda 11 kimwe na n’umunya-Eritrea Eyob Metkel wa 6 n’Umunyarwanda ukinira Bike Aid, Muhoza Eric wa 7.

    Uyu munsi ryari isiganwa rigoranye

    Nubwo hari ubukonje byasabye gufungura umwenda w’isiganwa ngo umuyaga winjire

    Thomas Bonnet wari wambaye umwenda w’umuhondo ntabwo yorohewe

    Chris Froome yatatse maze asiga abandi agenda wenyine

    Chris Froome yaje gutobokesha

    Callum Ormiston ni we wegukanye agace k’uyu munsi

    Source : http://isimbi.rw/siporo/article/tdurda-umunyafurika-y-epfo-yegukanye-agace-ka-5-chris-froome-ahura-n-ibibazo-umunyarwanda-aza-mu-ba-mbere-amafoto

  • Cristiano yaserutse mu myambaro ya Islam nin… – #rwanda #RwOT

    Tariki 22 Gashyantaree 2023, aba ari umunsi ukomeye muri Saudi Arabia, uyu niwo munsi bizihirizaho ishingwa rya Leta yabo yashyizweho mu 1727 ku buyobozi bwa Imam Muhammad Bin Saudi.

    Kuri uyu munsi nta kindi gikorwa kiba muri iki gihugu usibye kwitabira ibirori byizihiza uyu munsi gusa.

    Rutahizamu wa Al Nassr, Cristiano Ronaldo mu mashusho n’amafoto yagiye hanze yari kumwe n’abakinnyi bagenzi be bakinana ndetse n’abaturage bo muri Saudi Arabia bishimira uyu munsi.

    Muri ibi birori Cristiano Ronaldo yari yambaye imyambaro ikunda kwambarwa n’abaturage bo muri Saudi Arabia y’aba-Isla. Uyu mukinnyi watwaye Ballon d’Or 5 wabonaga aberewe no kwambara ikanzu y’umweru ndetse n’umwitero n'ubwo atari umu-Islam.

    Mu mashusho yashyize kuri Instagram ye na Twiter wabonaga asekana n’abandi ndetse hari naho afite inkota mu ntoki, amagambo yaheresheje aya mashusho yanditse ati 'Umunsi mwiza wo gushinga Saudi Arabia ni uburambe budasanzwe bwo kwitabira ibirori ndi muri AlNassr FC.”

    Cristiano Ronaldo yageze muri Al Nassr mu mwaka ushize nta kipe afite nyuma yo gutandukana na Manchester United.

    Uyu mukinnyi kuva yagera muri iyi kipe amaze gutsinda ibitego 5 ndetse yanatanze imipira 2 ivamo ibitego.

    Kuba kizigenza Cristiano Ronaldo ari muri Al Nassr biri kuyifasha kuko kugeza ubu niyo iyoboye urutonde rwa shampiyona yo muri Saudi Arabia n’amanota 40 mu mikino 17, banganya amanota na Al-Ittihad ndetse na Al-Shabab ariko icyo babarusha ni ukwinjiza umubare w’ibitego byinshi.

    Cristiano Ronaldo mu ikanzu y’umweru n’umwitero

    Kizigenza Cristiano Ronaldo afite inkota mu ntoki

    Cristiano Ronaldo aseka ubona aberewe n’ikanzu y’umweru

    Byari ibyishimo gusa

    Cristiano Ronaldo amaze kumenyera muri Saudi Arabia cyane

    Cristiano Ronaldo afatwa nk’umwami muri Saudi Arabia

    Source : https://inyarwanda.com/inkuru/126347/cristiano-yaserutse-mu-myambaro-ya-islam-ninkota-mu-ntoki-mu-birori-bya-saudi-arabia-amafo-126347.html

  • Uwishe Nipsey Hussle yakatiwe gufungwa imyaka… – #rwanda #RwOT

    Ermias Joseph Asghedom ni umuraperi wamamaye cyane ku izina rya Nipsey Hussle ufite inkomoko muri Ethiopia, akaba yarakoreraga umuziki n’ubucuruzi muri Leta Zunze Ubumwe z’Amerika.

    Yitabye Imana tariki 31 Werurwe muri 2019 ubwo yari amaze kuraswa n’umugiziwanabi Eric Holder Jr. wamurasiye imbere y’iduka rye riherereye mu mujyi wa Los Angeles.

    Ku wa Gatatu tariki 22 Gashyantare 2023, nibwo Eric Holder Jr. yitabye urukiko rukuru i Los Angeles aho yasomewe igifungo yahawe nyuma yo guhamwa n’icyaha cyo kwica yabigambiriye umuraperi Nipsey Hussle witabye Imana afite imyaka 33. Urukiko rwakatiye Eric Holder Jr. igifungo cy’imyaka 60 muri gereza.

    Imyaka 60 y’igifungo Eric Holder yakatiwe harimo imyaka 40 yo kwica Nipsey Hussle, imyaka 15 yo kurasa abandi bagabo babiri yarashe akabakomeretsa ku munsi yiciyeho uyu muraperi, ndetse yanahawe imyaka itanu (5) yo gutunga imbunda mu buryo bunyuranyije n’amategeko. Iyi myaka yose uyiteranije ingana na 60.

    Umuvandimwe wa Nipsey Hussle witwa Blac Sam wari witabiriye uru rubanza yagize icyo atangaza nk’umwe mu bahagarariye umuryango w’uyu muraperi.

    Aganira n’ikinyamakuru Los Angeles Times, Blac Sam usigaye uyobora uruganda rw’imyenda rwitwa ‘The Marathon Clothing’ rwashinze na Nipsey Hussle, yagize ati 'Umuryango wacu wishimiye ko Nipsey abonye ubutabera. Nibyo byari bikenewe ko uwamwishe ahanwa natwe tukabona umutozo mu mitima yacu”.


    Hashize imyaka 4 Nipsey Hussle yitabye Imana arashwe na Eric Holder

    Eric Holder wishe Nispey Hussle yakatiwe igifungo cy’imyaka 60

    Eric Holder mu rukiko ubwo yasomerwaga igihano yahawe

    Source : https://inyarwanda.com/inkuru/126346/uwishe-nipsey-hussle-yakatiwe-gufungwa-imyaka-60-126346.html

  • Kaminuza y'u Rwanda yazanye uburyo bushya bwo kuguriza abanyeshuri mudasobwa #rwanda #RwOT

    Kaminuza y'u Rwanda yemeje ko igiye kongera guha abanyeshuri mudasobwa ku nguzanyo ariko bitandukanye nuko yabikoraga mu myaka yashize.

    Ubusanzwe abanyeshuri ba UR bahabwaga mudasobwa hatitawe ku ngano n'ubushobozi bwayo ku buryo nk'umunyeshuri wiga ubwubatsi ukenera mudasobwa ifite ubushobozi bwo kwakira porogaramu ziremereye agahabwa inganya ubushobozi n'uwiga ibitagenera izo porogaramu.

    Kuri ubu ngo byahindutse kuko umwaka w'amashuri 2023/2024 uzatangira byose byagiye mu buryo aho buri munyeshuri azajya ahabwa imashini bijyanye n'ibyo yiga, ibyumvikana ko n'amafaranga azishyurwa atazaba angana.

    Ni gahunda iyi kaminuza yafashe nyuma y'uko hari hashize imyaka itatu idatanga mu dasobwa ku banyeshuri bijyanye n'ibibazo izo mudasobwa zakorwaga n'Uruganda rwa Positivo zabaga zifite.

    Haheruka gutangwa mudasobwa ku banyeshuri bo mu mwaka w'amashuri wa 2028/2019 kuva ubwo abakurikiyeho ntazo bahawe ku buryo kugeza ubu bageze mu mwaka wa gatatu bamwe birwariza abandi bakisunga izitagendanwa za kaminuza.

    Umuyobozi muri UR ushinzwe Itumanaho, Ignatius Kabagambe yabwiye IGIHE dukesha iyi nkuru ko iyo gahunda izahera ku batarahawe izo mudasobwa muri icyo gihe kuko bagifite igihe kinini mu ishuri kandi bakaba bazikenera mu masomo yabo.

    Yagize ati 'Kuko bakizikeneye bazahabwa inguzanyo ya mudasobwa. Ni kimwe no ku banyeshuri bashya kuko bazajya bahabwa inguzanyo y'amafaranga y'ishuri (tuition fees), iri kumwe n'amafaranga yo kubatunga ndetse n'imashini.'

    Ibi bitandukanye n'uburyo bwari busanzwe aho amasezerano y'inguzanyo y'amafaranga y'ishuri yatangwaga atandukanye n'ay'iya mudasobwa kuko ay'icyo gikoresho yasinywaga ku ruhande.

    Kabagambe yavuze ko impamvu bazahabwa mudasobwa zitandukanye ari uko amasomo biga atandukanye, ibigaragaza ko na mudasobwa zikenerwa ziba zitandukanye, bikumvikana ko n'amafaranga azajya azitangwaho azaba atandukanye.

    Ati 'Niba zitandukanye mu bushobozi no mu biciro birumvikana ko ziba zitandukanye. Nta mpamvu yo kuguha mudasobwa y'ibihumbi 600 Frw ni urugero kandi iy'ibihumbi 400 Frw ishobora kugufasha. Iyo tuvuga itandukaniro ni aho tuba dushingiye.'

    Yagaragaje ko inguzanyo iyo ari yo yose yaba iy'amafaranga y'ishuri, iya mudasobwa cyangwa iy'amafaranga atunga umunyeshuri izajya ihabwa uyisabye bijyanye n'icyo akeneye kurusha ibindi ariko bidakuyeho ko uzashaka byose yujuje ibyangombwa atazayihabwa.

    Ati 'Ntabwo ari ukuvuga ko niba uhabwe inguzanyo isanzwe na mudasobwa izajya iba iri kumwe nk'itegeko. Ushobora kuba ukeneye amafaranga y'ishuri nta mudasobwa ukeneye, kuko ari ibyo uba uzishyura uwo mwenda ntawe ufata.'

    Yagaragaje ko abari gusoza ariko batari barahawe icyo gikoresho ko bo batari mu mubare kuko 'bari bayikeneye bari kwiga. Ntabwo wafata inguzanyo ya mudasobwa kandi wararangije kwiga.

    Abajijwe niba imashini zigiye gutangwa ari iz'Uruganda rwa Positivo na none cyane ko zagiye zihura n'ibibazo bitandukanye bigatuma abanyeshuri batiga neza, Kabagambe yavuze ko icyemezo cy'ubwoko bazahabwa kitarafatwa gusa yemeza ko baramutse barabikosoye nta kibazo byaba bitwaye.

    Ati 'Amasezerano azahabwa ibigo bifite mudasobwa zishoboye kuko igenzura twakoze mu gihe twatangaga izo mu bwoko bwa Positivo BGH rizashingirwaho, hirindwa gutangwa izimeze nk'izateje ibibazo.

    Mu mwaka wa 2015 nibwo uruganda Positivo rwatangiye gukorera mu Rwanda ku cyifuzo cya Leta cyo guteza imbere ikoranabuhanga cyane cyane mu mashuri.

    Mu masezerano Leta yagiranye n'urwo ruganda, ni uko yagombaga kujya irugururira mudasobwa ibihumbi 150 ku mwaka zo kujyana mu mashuri abanza n'ayisumbuye ngo hatezwe imbere uburyo bwo kwigisha hakoreshejwe ikoranabuhanga (Smart Classroom).

    Byageze hagati Leta isanga intego yo kugura mudasobwa ibihumbi 150 itazabigeraho kubera ingengo y'imari nke, irazigabanya bemeranya kujya bagura imashini ibihumbi 40 ku mwaka.

    Mu kwirinda igihombo gikabije, izo mashini zahawe na bamwe mu bigaga muri Kaminuza ndetse n'abantu ku giti cyabo bazishaka.

    Zatanzwe bwa mbere muri Kaminuza mu kwaka w'amashuri wa 2015/2016 aho bahawe udutoya dufite ububiko bwa gigabytes 300 nyuma barazihindura batanga inini z'umweru zifite gigabytes 500, mu 2018/2019 nabwo barahindura bazana iz'umukara za Terabytes imwe ariko byose biba kimwe ikibazo nticyakemurwa.

    IVOMO:IGIHE

    Source : https://umuryango.rw/amakuru/mu-rwanda/uburezi/article/kaminuza-y-u-rwanda-yatangaje-uburyo-bushya-bwo-kuguriza-abanyeshuri-mudasobwa

  • Perezida Biden yanenze uburusiya ku kwikura mu masezerano ya Nikleyeri #rwanda #RwOT

    Perezida wa Leta zunze ubumwe za Amerika, Joe Biden, asanga icyemezo cyo kwikura mu masezerano ya New Start y'intwaro za Nikleyeri uburuaiya bwafashe ari ikosa rikomeye.

    Kuri uyu wa Kabiri tariki 21 Gashyantare 2023, nibwo Perezida w'u Burusiya Vladimir Putin yatangaje igihugu cye cyikuye muri aya masezerano.

    Aya masezerano yemejwe muri 2010 ashyiraho umubare ntarengwa w'ibisasu Uburuaiya n'Amerika bigomba gutunga, Kandi agaha uburenganzira buri ruhande kugenzura intwari za buri ruhande.

    Amasezerano yo muri 2010 kuri nikereyeri hagati ya Amerika n'Uburusiya, niyo yonyine yari agisigaye hagati y'ibihugu bibiri bikomeye mu birebana n'intwaro z'ubumara bwa nikereyeri, ariko ibyo bihugu uko ari bibiri bikunze gushinjanya kutayubahiriza.

    The post Perezida Biden yanenze uburusiya ku kwikura mu masezerano ya Nikleyeri appeared first on FLASH RADIO&TV.

    Source : https://flash.rw/2023/02/23/perezida-biden-yanenze-uburusiya-ku-kwikura-mu-masezerano-ya-nikleyeri/?utm_source=rss&utm_medium=rss&utm_campaign=perezida-biden-yanenze-uburusiya-ku-kwikura-mu-masezerano-ya-nikleyeri

  • INGINGO Z'INGENZI Z'IMPAMVU YO GUSABA GUHINDUZA AMAZINA #rwanda #RwOT

    Turamenyesha ko uwitwa KAGAME Avent mwene Gashagaza na Murebwayire, utuye mu Mudugudu wa Gasharu, Akagari ka Kamutwa, Umurenge wa Kacyiru, Akarere ka Gasabo, mu Mujyi wa Kigali wanditse asaba uburenganzira bwo guhinduza amazina asanganywe ariyo KAGAME Avent, akitwa KAGAME Avent Callixte mu gitabo cy'irangamimerere.

    Impamvu atanga yo guhinduza izina ni Niyo mazina nakoresheje mu ishuli kuva ngitangira kwiga.

    The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.

    Source : https://rushyashya.net/60322-2/?utm_source=rss&utm_medium=rss&utm_campaign=60322-2

  • Abarundi barakaye, Moses na Moshions bimwe ikaze i Burundi #rwanda #RwOT

    Bamwe mu Barundi bagaragarije Inzu y’Imideli ya Moshions iteganya kujyanayo ibikorwa bya yo ko bashatse bakwigumira mu Rwanda batayikeneye.

    Ni nyuma y’uko mu nteguza igaragaza ibikorwa izakorera mu Burundi yarise iki gihugu 'Urundi Rwanda’, birakaza benshi.

    Tariki ya 20 Gashyantare 2023, nibwo Moshions yatangaje ko kuva ku wa Gatanu tariki ya 24 kugeza ku Cyumweru tariki ya 27 Gashyantare 2023, izaba iri mu Mujyi wa Bujumbura mu Burundi mu rwego rwo kugeza ku bakunzi ba yo ibyo bakora no gusobanura mu buryo barumbuye umushinga mushya wa 'Kwanda Season1′.

    Ni itangazo ryari riherekejwe n’amagambo yo kurarikira abantu iki gikorwa atangirwa n’ijambo 'Urundi Rwanda’.

    Ni amagambo atarishimiwe na benshi yaba Abarundi ndetse n’Abanyarwanda aho basabye iyi nzu y’imideli kuyahindura.

    Bamwe mu Banyarwanda bavuze ko bahubuka kuko nta rundi Rwanda rubaho ni mu gihe Abarundi bo babifashe nk’agasuzuguro.

    “Urundi Rwanda”, notre premier arrêt!

    Chères #Abatwip , partager des nouvelles à tous les #Moshionsmen et #Moshionsqueens au Burundi!

    Vous pouvez vous attendre à :

    – Vente de prêt-à-porter sur place
    – Les pré-commandes seront livrées, aucun frais de port ne sera facturé pic.twitter.com/b0ppaEQvNc

    — Moshions (@Moshions) February 20, 2023

    Iyi nzu yavuze ko yarikoresheje mu rwego rwo kugaragaza ko u Burundi n’u Rwanda ari abavandimwe.

    Yagize iti 'Mwiriwe! Ijambo 'Urundi Rwanda’ hano ryakoreshejwe nk’ikimenyetso cy’ubuvandimwe no kwibukiranya byinshi Abanyarwanda n’Abarundi duhuriyeho harimo n’amateka.'

    Ntabwo banyuzwe ahubwo bakomeje kuyinenga no kuyatsaho umuriro kugeza ejo hashize ku wa Gatatu tariki ya 22 Gashyantare 2023 isabye imbabazi

    Iti 'Turashaka gusaba imbabazi buri wese wahungabanyijwe n’ijambo twahisemo gukoresha 'Urundi Rwanda’. Intego yacu ntabwo kwari ugutuka cyangwa kugira uwo ducisha bugufi ahubwo kwari ugushimangira ubuvandimwe n’ubushuti bwacu. Twizeye kubonana vuba no gukomeza kwigiranaho.'

    Nubwo yasabye imbabazi bamwe barabyumvise ariko umubare munini w’Abarundi basabye iyi nzu ko yakwigumira mu Rwanda batayikeneye iwabo.

    Ibi bikiyongera ku ifoto ya Moses Turahirwa umuyobozi wa Moshions yashyize kuri Twitter na Instagram yambaye ubusa buri buri afite ibendera ry’u Burundi, ibintu bafashe nko gusuzugurwa bikomeye.

    Notre intention n’est jamais d’insulter ou de faire en sorte que quiconque se sente inférieur, mais de souligner notre fraternité et notre harmonie.

    Nous espérons vous voir bientôt et continuer à apprendre les uns des autres!

    With love,
    Moshions Team#kwandaseason1 #Abatwip

    — Moshions (@Moshions) February 22, 2023

    Ibendera y’igihugu c’Uburundi,igihugu canje,wararicafuje.Ubwirizwa kuvyicuza. Hariho ibintu ku gihugu,vyubashwe.

    — Habona Mariya (@habona_mariya) February 22, 2023

    Bazokumesa nibendera ryabo wanduje

    — ISHAMI 🇷🇼 (@ShamiShibuka) February 22, 2023

    kalibu ubisigurire i Burundi niho twovyumva

    — Sibaméé (@SibomanaAmedee) February 22, 2023

    Nukumureka akabanza agahonyoza ukuguru mugihugu hama ibikurikira bikaba yashitse

    — Sini (@Sini89227649) February 22, 2023

    Nabangire kuza kabisa ntanyota yiwe dufise.

    — Umurundi Asanzwe (@asanzwe) February 22, 2023

    Uwoca amuraza nkaharya Bruce Melody yaraye

    — Sini (@Sini89227649) February 22, 2023

    Ivyobintu vyanyu vyo kwanda numvise bifise iyindi nsiguro mubiha vyiza wobigumiza iyo nimba arivyo hama ntavyama excuses kubintu vyo gucafuza igihugu!! Nkirya photo????

    — Thmr 🇧🇮 (@KA_Divin_) February 22, 2023

    iyi dayimoni kweri iri gusebya ibihugu byacu, cyeraka nkufashe wa pede we, nagukuramo ingoto

    — Warrior 🇷🇼 (@Undispu06102951) February 23, 2023

    nkawe wohura nuwuraho ngaha mw’ikambi ico kigongwe wogisaba neza sha

    — sPeCiAl bOy🇧🇮 (@heggyexode) February 22, 2023

    Ntabwo turimo kukwumva ga… uzaze ubidusigurireho ku manwa yihangu. Byaba byiza cyane. Tukakubaza ryari wigez kwambara ibendera ry’U #Rwanda uri Naked. Bizadushimisha @KifleMike

    — #BurundiBwigenga (@jalas4jesus) February 22, 2023

    Uzoze ubidusigurire uhagaze ngaha i Burundi

    — ROYAL DOG (@swallowbabe) February 23, 2023

    Turavyanse

    — The next Big thing 🇧🇮🇷🇼 (@Hopejoe12) February 22, 2023

    You should also apologise for holding our Country’s flag while naked and YOU are NOT welcome in Burundi 🇧🇮!

    We are no longer 'Urundi'. Our country is an independent nation with dignity!!

    — Ir.R🅰️J🅰️🅱️ 👷🏻‍♂️ (@AbuSharif1) February 22, 2023

    Vous avez tout gâté. Sur notre pays et particulièrement notre relation bilatérale toucher égale jouer. Ne rêve même pas attérir à Buja. 'Un homme averti en vaut deux'!

    — muti urura (@CanjeGihugu) February 22, 2023

    Merci d’avoir le courage de demander pardon mais tu n’es pas la bienvenue dans notre pays du lait et du miel #Burundi . Restes chez-toi.

    — BAKANIBONA Isaac (@ibakanibona) February 22, 2023

    Source : http://isimbi.rw/imideli/article/abarundi-barakaye-moses-na-moshions-bimwe-ikaze-i-burundi

  • RDC: Abatavuga rumwe n'ubutgetsi bavuga ko amatora ya Perezida azibwa #rwanda #RwOT

    Abanyapolitiki batavuga rumwe n'ubutegetsi muri Kongo Kinshasa, batanze intabaza ko hatangiye kugaragara ibimenyetso ko amatora yo mu kwezi k'Ukuboza, azibwa mu nyungu zishyaka riri ku butegetsi.

    Ibiro ntaramakuru by'Abongereza Reuters byanditse ko abanyapolitiki barimo Martin Fayulu na Moïse Katumbi, bahora bahabwa amahirwe yo gutegeka Kongo Kinshasa, bavuze ko kubarura abazatora biri kugenda nabi, kandi ibikoresho bizifashishwa biri gutangwa mu turere bizwi ko dushyigikiye Perezida Tshisekedi kurusha ahandi.

    Ikinyamakuru Politico cyanditse ko aba banyapolitiki, bavuga ko amanyanga ari mu kwandika abazatora, hamwe bari gushyiraho igihe ntarengwa cyo kwiyandikisha kuri lisiti y'itora, ahandi bakabareka.

    Ikindi bashingiraho ni uko ikoranabuhanga rizakoreshwa muri aya matora kandi kugeza ubu mu bice bishyigikiye Felix Tshisekedi, bahawe imirasire y'izuba n'amamashini, mu ahari abatavuga rumwe nawe nta gikoresho kirahagera, bivuze ko bazacikanwa ntibatore.

    Imibare y'ibanga ya Komisiyo y'amatora yabonwe n'ibiro ntaramakuru by'abongereza Reuters, yerekana ko hari ibiro by'itora bigera hafi kuri 800 basuye basanga ntibiratangira kwandika abantu, ndetse ahandi basanga 52% by'abagombaga kwiyandikisha, aribo banditswe gusa.

    Martin Fayulu avuga ko hari ibiro by'itora komisiyo yabeshye ko bihari, nyamara bagenzuye bagasanga biriho ku izina gusa, utamenya aho biherereye.

    Martin Fayulu na Moise Katumbi, bavuga ko intara ya Kasai ahavuka Perezida Tshisekedi, ariyo yitabwaho mu bikoresho kurusha n'izindi, bizwi ko zituwe cyane nka za Katanga.

    Impuguke mu gusesengura amatora yaba izo muri Kongo na mpuzamahanga zanze kugaragaza imyirondoro yazo, zavuze ko ziboneye ko ibice bishyigikiye Thisekedi biri guhabwa ibikoresho byinshi, kurusha mu bice by'abatavuga rumwe nawe.

    The post RDC: Abatavuga rumwe n'ubutgetsi bavuga ko amatora ya Perezida azibwa appeared first on FLASH RADIO&TV.

    Source : https://flash.rw/2023/02/23/rdc-abatavuga-rumwe-nubutgetsi-bavuga-ko-amatora-ya-perezida-azibwa/?utm_source=rss&utm_medium=rss&utm_campaign=rdc-abatavuga-rumwe-nubutgetsi-bavuga-ko-amatora-ya-perezida-azibwa