Category: Uncategorized

Bamwe batuye mu Murenge wa Nyange, mu Karere ka Musanze, baravuga ko bashingiwe amapoto y'amashanyarazi ariko bategereje ko bahabwa umuriro baraheba, bikaba bikomeye kudindiza iterambere ryabo.

Ni abatuye mu Kagari ka kamwumba, mu mudugudu wa Kamicaca mu murenge wa Nyange, bagaragaza ko banyotewe n'amazi meza ndetse n'amashanyarazi.

Ati 'Twe amazi n'amashanyarazi ntibiratugeraho. Dore ntuye hano nta muriro nta mazi, tuvoma epfo iriya mu bigega.'

Undi nawe agira ati 'Ahantu hageze umuriro iterambere ririhuta, kandi  Perezida wa Repubulika yavuze ko ahantu hose hagomba kugera umuriro n'amazi. Ariko twebwe rwose dufite inyota y'amazi meza namashanyarazi.

Mugenzi wabo nawe yagize ati 'Dufite ikigo cy'ishuri hano cya kamwumba, nta muriro uhari, nta mazi ahari. Abana iyo bagiye gukoropa bajya kuvoma muri za ruhurura, akaba ariyo bakoropesha.'

Igice kimwe cyo muri aka gace ka Kamwumba cyashinzwemo amapoto azanyuzwaho insiga zizatuma abaturage bagerwaho n'umuriro w'amashanyarazi, gusa barategereje amaso ahera mu kirere nk'uko babisobanura.

Umwe yagize ati 'Amapoto arahari ariko twarategereje turaheba. Twumva twarababaye tukibaza impamvu iterambere ryaduhiseho, kuko baduhiseho ntibaduha amashyanyarazi.'

Undi ati 'Ingaruka zirahari kuba nta muriro dufite, nk'ubu iyo umuturage agize akabazo, twajya kumutabara tukagenda tugwa, kuko hatabona.'

Umuyobozi w'Umurenge wa  Nyange, Ndayambaje Kalima Augustin, arizeza aba baturage ko bashonje bahishiwe bitewe nuko ku bufatanye n'Ikigo Gishinzwe Ingufu (REG) habanje igikorwa cyo gushinga amapoto mu bice bitandukanye bigize uyu murenge bitaragezwamo amashyanyarazi.

Ati:Navuga ko batirengegijwe kuko imidugudun yose yumurenge wa Nyange uri gushyirwamo amapoto kugirango umuriro ubagereho, bashonje bahishiwe kuko vuba cyane uraba wabagezeho.

Nubwo aba baturage batuye mu kagali ka mwumba by'umwihariko mu mudugudu wa  kamucaca,uyu mwaka uzarangira babonye umuriro w'amashanyarazi, ariko kukijyanye n'amazi meza byo bisa naho bitari vuba bitewe n'uko ubuyobozi bukivugana n'abafatanyabikorwa kuri iki kibazo.

Umuhoza Honore

The post Musanze-Nyange: Bashingiwe amapoto y'amashanyarazi bategereza umuriro amaso ahera mu kirere appeared first on FLASH RADIO&TV.

Source : https://flash.rw/2023/02/23/musanze-nyange-bashingiwe-amapoto-yamashanyarazi-bategereza-umuriro-amaso-ahera-mu-kirere/?utm_source=rss&utm_medium=rss&utm_campaign=musanze-nyange-bashingiwe-amapoto-yamashanyarazi-bategereza-umuriro-amaso-ahera-mu-kirere

Ni umwe mu myanzuro yatangajwe mu byemezo by'inama y'abaminisitiri ya Bénin yabaye kuri uyu wa 22 Gashyantare 2023, yayobowe na Perezida Patrice Talon.

Gougbédji wasimbuwe na Nyamulinda ku buyobozi bwa Agence Nationale d'Identification des Personnes (ANIP), asanzwe ari Umunyamabanga mukuru wungirije wa Guverinoma, akaba yari muri uwo mwanya kuva mu 2021.

Mu Rwanda, Nyamulinda yakoze imirimo itadukanye, aho ku wa 17 Gashyantare 2017 yatorewe kuyobora Umujyi wa Kigali asimbuye Monique Mukaruliza wari umaze kugirwa Ambasaderi w' u Rwanda i Lusaka muri Zambia.

Yahise aba Meya wa munani w'Umujyi wa Kigali, icyakora yaje kwegura muri Mata 2018.

Mbere yaho, yayoboye Ikigo gishinzwe Irangamuntu (NIDA) kuva muri 2007 kicyitwa Umushinga w'Irangamuntu, kugeza ku wa 3 Gashyantare 2017.

ANIP yashyizweho n'itegeko ryo muri Kamena 2017, ihabwa inshingano zo kwegeranya imyirondoro n'amakuru y'irangamimerere by'abaturage bose ba Bénin, haba mu nyandiko zifatika no mu ikoranabuhanga, kandi amakuru yabo akaba arinzwe neza.

Nk'umuntu wabikozemo imyaka myinshi, yitezweho umusanzu ukomeye m guhuza amakuru y'irangamimerere muri Bénin, urwego rukirimo ibyuho byinshi.

Nyamulinda w'imyaka 58 yahawe izi nshingano hisunzwe itegeko ryatowe mu 2017, rigena ko Guverinoma ya Bénin ishobora kwitabaza abanyamahanga mu gutunganya imirimo imwe n'imwe, mu gihe babifite ubushobozi bukomeye.

Si ubwa mbere u Rwanda rusangije ibindi bihugu inzobere mu mirimo itandukanye, kuko nko mu 2017, Torero Eugene yagizwe Umuyobozi Mukuru w'Ikigo gishinzwe imisoro n'amahoro muri Sudani y'Epfo, nyuma yo kwemezwa n'Inteko Ishinga Amategeko y'icyo gihugu.

Nyamulinda Pascal agiye kuyobora Ikigo Gishinzwe Irangamuntu muri Bénin, ANIP

---

Source : http://igihe.com/amakuru/u-rwanda/article/nyamulinda-pascal-yagizwe-umuyobozi-w-ikigo-gishinzwe-irangamuntu-muri-benin

Urukiko rwisumbuye rwa Nyarugenge rwagize umwer Dr Kayumba Christopher ku byaha yari akurikiranyweho byo gusambanya undi ku gahato n'icyubwinjiracyaha muri icyo cyaha rutegeka ko ahita arekurwa.

Dr Kayumba Christopher yahoze ari umwarimu muri kaminuza, mu ishuri ry'itangazamakuru n'itumanaho.

Icyemezo cy'Urukiko cyasomwe kuri uyu wa gatatu.

Dr Kayumba Christopher yakunze kuburana ahakana ibyaha yashinjwaga, avuga ko ari ibihimbano ahubwo ko afunze kubera impamvu za politiki.

Yagaragaje ko ubuhamya bwatanzwe n'abarega burimo kudahuza no kunyuranya bityo ko budakwiye guhabwa agaciro.

Urukiko rumaze gusuzuma ingingo z'ubwiregure bw'impande zombi, umucamanza yavuze ko nta cyaha gihama Kayumba mu byo akurikiranyweho kubera ko n'ibimenyetso bitangwa bishidikanywaho.

Yategetse ko Dr Kayumba Christopher agirwa umwere kuri ibi byaha yari akurikiranyweho.

Source : https://umuryango.rw/amakuru/mu-rwanda/ubutabera/article/dr-kayumba-christopher-yagizwenku-umwere-ku-byaha-birimo-gusambanya-undi-ku

Igipolisi cya Kenya cyataye muri yombi umunyarwenya Eric Omondi n'abandi bari kumwe mu myigaragabyo yabereye imbere y'inteko ishingamategeko ya Kenya, bamagana icyiguzi cyo kubaho gikomeje kuzamuka muri iki gihugu.

Omondi niwe wari uyoboye itsinda ry'abigaragabya, bakaba bashinjwa gushaka kwinjira ku mbaraga mu ngoro y'inteko ishingamategeko.

Bavuga ko ubuzima bukomeje guhenda cyane bakaba bashakaga kujya kwibonanira n'umuyobozi w'inteko ishingamategeko, Moses Wetang'ula ngo bamugezeho ikibazo cyabo.

Aba baririmbaga indirimbo zirimo agahinda no gushishikariza urubyiruko rwa Kenya guhaguruka bakarwana urugamba rwo guharanira ko ibiciro byagabanuka, ubuzima bugasubira mu buryo.

Igipolisi cyabahutsemo gitangira kubarasamo ibyuka biryana mu maso ubwo izi nsoresore zageragezaga kwinjira mu nteko inshingamategeko.

Abenshi mu bigaragabyaga barimo na Eric Omondi wari ubayoboye bahise bafatwa bapakirwa mu modoka ya police ijya kubafunga.

Ibakurikiranye ho gukora imyigaragabyo itemewe, ariko bakabihakana.

Baje kurekurwa babanje gutanga ingwate y'amashiringi y'amakenya 20,000 cyangwa inyishyu y'ibihumbi 10 by'amashiringi y'amakenya.

Source : https://umuryango.rw/amakuru/mu-mahanga/politiki/article/kenya-abigaragambya-kubera-ubuzima-bukomeje-guhenda-bahuye-n-uruva-gusenya

Umuhanzi Diamond Platnumz akaba n'umuyobozi mukuru w'inzu ireberera inyungu z'abahanzi ya WCB Wasafi, yahaye impano y'ishene, umuhanzikazi Zuchu bavuzwe mu rukundo igihe kirekire ariko bakaza kubihakana bavuga ko ubu babanye nka mushiki na musaza.

Ni impano yashyizwe ku mbuga nkoranyambaga za Wasafi, hatangazwa ko ari iyo Diamond Platnumz yaguriye umuhanzikazi Zuchu.

Byavugishije abantu benshi kuko nta minsi yari iciyemo batangaje ko babanye nka mushiki na musaza aho kuba abakunzi nk'uko byahoze bihwihwiswa.

Ni impano Diamond Platnumz yaguze ku munsi w'ejo ku wa Kabiri ubwo yari mu Bwongereza.

Bamwe mu babibonye bahamije ko bari mu rukundoibyo bakora byose ari ukujijisha cyane ko bombi bagaragaza ko nta mu bano wihariye bafitanye kuva umunsi Zuchu atangaza ko nta mukunzi afite(Single) ndetse ko adakunda abantu bakomeza kuvuga ko akundana na Diamond.

Nyuma y'iminsi mike Zuchu atangaje ibi Diamond yaje yerura avuga we na Zucho nta mubano wihariye bafitanye ahubwo ko ari abavandimwe.

Source : https://umuryango.rw/imyidagaduro/article/diamond-yaguriye-impano-zuchu-yita-mushiki-we

Uwahoze ari visi perezida w'umutwe wa FDLR,Straton Musoni wagejejwe mu Rwanda umwaka ushize avuye mu Budage,yavuze ko yishimiye kuba ari mu Rwanda aho kuri ubu ari guhabwa amasomo mu kigo cya Mutobo mu karere ka Musanze.

Uyu mugabo wagejejwe mu Rwanda kuwa 22 Ukwakira 2022 nyuma yo kurangiza igifungo cy'imyaka umunani yakatiwe n'inzego z'ubutabera z'u Budage kubera ibyaha by'intambara yakoreye ku butaka bwa Repubulika ya Demokarasi ya Congo,yemeje ko yasanze u Rwanda ari igihugu cyiza ndetse yiteguye gusubira mu buzima busanzwe.

Uyu wemera ko ari ku isonga ry'abashinze umutwe wa FDLR,Tariki ya 01 Gicurasi 2000 i Lubumbashi,yavuze ko yagiye mu Budage muri 1986 agiye kwiga hanyuma muri 1993 arangiza kwiga aza gukora stage muri Engineering nyuma ahita agenda.

Avuga ko icyatumye adataha vuba ari uko amakuru yamusangaga mu Budage aho ari ari uko mu Rwanda ngo buri munsi 'uba witeze ko wakwicwa.aTI “Ibyo rero nta muntu byatera umwete wo gutaha ahubwo uravuga uti “nzapfire aho ndi”.Yaba abari mu Burayi no mu bindi bihugu, ubwo bwoba buhoraho.”

Yavuze ko mu mezi 4 amaze mu Rwanda yatunguwe n'ibyo yabonye ati “Ngeze mu Rwanda nakiriwe neza ndetse n'ubucamanza navuganye nabwo bavuga ko ntacyo bunkurikiranaho bunyohereza muri iki kigo cya Mutobo kugira ngo mbashe kwimenyereza ubuzima bwa hano.

Yemeje ko iki kigo gikora neza kuko ngo 'abo bahuriyemo bari kumubwira ko bibereye hanze amahoro n'abahamaze umwaka umwe cyangwa ibiri bose bagarutse bari kutubwira ko iyo ugeze hanze uba uri umunyarwanda nk'abandi.

Rwose turashima,nanjye niyo mizero mfite mu mezi ari imbere nzaba ndi hanze.Nahamagarira ahubwo abandi bari hanze niba koko ntabyo bishisha,uwagize uruhare muri jenoside we birumvikana ko icyaha gihanirwa.Hari benshi banavukiyeyo na jenoside yararangiye,nibaza icyo bahakora.

Abajijwe ku masomo bahabwa i Mutobo,yavuze ko amasomo bahabwa ari ay'ingenzi cyane ku bantu bamaze iminsi myinshi bari hanze y'igihugu.

Ati “Baguha byihuse kandi bifite akamaro uburyo bwo kubaho hano mu Rwanda,ibintu byahindutse,uko abantu babana neza.Indwara zariyongereye,ubukene ariko hari igisubizo cy'ubwo bukene.Uburyo bwo kubaho,guhinga,barabitwigisha hano,imyug itandukanye hano barayitwigisha.Mbese muri makeya iyo urebye ku muntu umaze hanze imyaka 20,30 ubona ko ibintu byahindutse,igihugu cyateye imbere.

Ibyo rero hano turabyiga,barabitwereka,bakabitwigisha bakatwereka n'impamvu amajyambere ahari,umutekano uhari n'impamvu abantu babana neza,ya myiryane yabagaho kera yashize.ni ibintu bifite akamaro,turashimira abagize icyo gitekerezo cyo gushyiraho aya masomo.”

Yavuze ko yatinze gutaha kubera ko ngo yategereje ko abana be bakura ndetse hajyamo gufungwa bituma atinda kugeza Ubudage bumwohereje mu Rwanda ku ngufu kubera ko yafunzwe.

Uyu yavuze ko muri FDLR bashatse gutaha mu Rwanda bashaka gushinga politiki bagahatana nk'abandi ariko ngo ntibyakunda nubwo ngo bashakaga gushyira hasi intwaro.

Yasabye abanze gutaha bakaba bari mu mashyamba ya RDC ko gutaha baba “bahunga ibintu bibi bakaza mu byiza “bityo yabasaba gutaha kuko ngo “nta kintu kiruta guhunga ibibi ukajya mu byiza”.

Mu 2015 nibwo Urukiko rwo mu Budage rwakatiye Straton Musoni imyaka umunani y'igifungo. Icyo gihe Ignace Murwanashyaka wari Umuyobozi wa FDLR we yakatiwe gufungwa imyaka 13.

Musoni yavutse mu 1961, atura mu Budage kuva mu 1986, aho yakoraga mu bijyanye n'ikoranabuhanga. Ni naho bahurizaga ibikorwa bya FDLR.

Source : https://umuryango.rw/amakuru/mu-rwanda/ubuzima/article/musoni-wahoze-ari-visi-perezida-wa-fdlr-yavuze-byinshi-ku-buzima-abayeho-mu

Bamwe mu batashye bava mu mashyamba ya RDC bari bamazemo imyaka myinshi, batangaje ko bicuza igihe bayamazemo kubera ikinyoma gikomeye babwiwe ko nibagera mu Rwanda bazahita bicwa.

Komisiyo yo gusezerera no gusubiza mu buzima busanzwe abari abasirikare igiye gusubiza mu buzima busanzwe icyiciro cya 68 cy'abari abasirikare n'abatahutse bavuye muri RDC bamaze igihe bigishirizwa mu kigo cya Mutobo giherereye mu karere ka Musanze.

Gatabazi Joseph wahoze mu mutwe wa FDLR akaza guhunguka afite ipeti rya Koloneri, yatangaje ko yageze mu Rwanda mu mwaka wa 2019 ariko yicuza kuba ataratashye kare kubera ibyiza yasanze mu Rwanda.

Yagize ati “Ndi mu bashinze FDLR kuko yagiye ihindura amazina,nayinjiyemo mvuye i Lubumbashi mu ngabo za Guverinoma.

Benshi baba mu mashyamba bafite ubwoba ngo bageze mu Rwanda babica.Harimo n'abandi baba bagendera ku bandi noneho abakuru muri bo bakabashuka bati nimutaha bazabica.Bo ubona bafite ikintu cy'ubwoba,cyo gutinya.”

Uyu yavuze ko ataha we nabo bazanye bafashwe ku ngufu n'ingabo za RDC,baza bafite ubwoba ko bari bubice ariko amaze imyaka ibiri ahugurwa mu kigo cya Mutobo kandi nta kibazo.

Ati “Ubu turi mu buzima busanzwe ntushobora kudutandukanya n'undi muturage uwo ariwe wese.

Turashima Guverinoma y'u Rwanda kuko n'udafite umuntu yaje asanga iramufasha.N'udafite aho aba bamufasha kuhabona.Nyakubahwa Perezida Paul Kagame n'abo bakorana badufashe neza mu buryo bushoboka,kuko benshi muri twe tumaze kubona akazi ku rwego rwe.”

Uyu yemeje ko umutwe wa FDLR ukiriho n'ubwo ufite abayoboke bake gusa yemeza ko nka Gen Omega babanye akorana n'Ingabo za RDC.

Uyu yavuze ko ubutumwa yagenera abari mu mashyamba ari uko bataha ndetse n'abakoze ibyaha bya Jenoside bakwiriye kurekura abana babo bagataha mu Rwanda.

Madamu Uwiduhaye Anne Marie nawe wahoze muri FDLR yavuze ko yatangiranye na FDLR ndetse yemeza ko yari ayimazemo imyaka 24.

Yavuze ko icyatumaga adataha ari uko “hari inyigisho ko mu Rwanda hari umwanzi bakavuga ko nimusubirayo bazabica,n'abatashye bajya babica.

Akomeza agira ati “icyo nicuza nuko nataye igihe cyo gutaha kuko aho ngereye mu gihugu nasanze ari igihugu cyiza gitemba amata n'ubuki.Abavandimwe,inshuti bose bameze neza.Icyo nicyo nicuza ko nataye igihe.

Yakomeje agira inama abatarataha ko 'bashyira ubwenge ku gihe bagataha,bagacyura abana bato bariyo kuko ubuzima bwaho atari bwiza kuko akenshi na kenshi babaho nabi bashakisha,hakabaho n'igihe bapfiriye mu mashamba .”
Uyu mugore yavuze ko yabanaga na Gen Omega ndetse agafatanya nawe mu gusenga no mu kazi gasanzwe akaba ari umukozi we.

Ku rundi ruhande,Umuyobozi wa Komisiyo ishinzwe gusubiza mu buzima busanzwe abahoze ari abasirikare,Madamu Valerie Nyirahabineza,yavuze ko aba batashye bari bamaze igihe bigishwa i Mutobo bameze neza ndetse bishimiye umwanzuro bafashe wo gutaha.

Yavuze ko bamaze igihe bigishwa uko bagomba kubana n'abandi igihe bazajya mu miryango,bigishwa gahunda na porogaramu by'igihugu nka Girinka,Mitiweli n'izindi gahunda nyinshi zigamije imibereho myiza y'umuturage.

Yakomeje avuga ko iyo batashye bakomeza kwitabwaho kuko baba bataye umwambaro wa gisirikare bagiye kuba abasivili nk'abandi.

Bashimira inzego zibanze ko zimaze kumva ko abatashye baba ari abaturage nk'abandi ndetse ko “igihawe abandi baturage nabo bagihabwa.”

Ati “Nkibabona bahise bambwira bati 'muzadushimire Perezida wa Repubulika,twarakiriwe,haba mu miryango,yaba abaturanyi.Tugenda mu mihanda uko dushaka kandi abenshi muri bo bahawe n'akazi.

Twabigishije imyuga ari nacyo kintu cyatumye bagaruka hano kuko bize mu mashami menshi harimo ububaji,ubufundi,ubuhinzi,kudoda,gukora imisatsi,gukora amashanyarazi…”

Madamu Nyirahabineza yavuze ko amasomo bize ariyo azabafasha mu buzima busanzwe gusa mu cyiciro cya 69 gishya harimo imvange z'abahunze imirwano,abihishahisha.

Yavuze ko nibura muri iki cyiciro hamaze gutaha abagera kuri 70 gusa bakomeje kubahumuriza no kubaha amasomo abasubiza mu buzima busanzwe.

Madamu Nyirahabineza yasabye abatashye kubwira abakiri mu mashyamba “gushakisha inzira,bajye ku nzego dusanzwe dukorana.Barambike intwaro hasi,bave muri ayo mashyamba,bazane abana bige,bumve icyiza cyo kuba umunyarwanda n'Umunyarwandakazi.Nibwo butumwa turi kubaha.Nibaze,nibahumure kuko Guverinoma iravuga iti “nta mwana w'u Rwanda wakagombye gupfira ishyanga.”

Kuva ikigo cya Mutobo cyatangira gutanga amasomo yo gufasha gusezerera no gusubiza mu buzima busanzwe abari abasirikare cyatangira muri 2001 imaze guhugura ibyiciro 69 birimo n'icyiciro cya 68 kizasezererwa kuri uyu wa Kane,tariki ya 23 Gashyantare 2023.

Abahuguwe barimo abahoze ari abasirikare ba RPA,FDLR n'abandi bo mu mitwe yagiye ivuka.Abamaze gucyurwa barenga ibihumbi 70.Abasezerewe banyuze i Mutobo ni ibihumbi 12,679.

Aba iyo basezerewe bahabwa ibihumbi 120 FRW abafasha gushyira mu bikorwa ibyo bize muri ayo masomo yo kubasubiza mu buzima busanzwe.

Source : https://umuryango.rw/amakuru/mu-rwanda/ubuzima/article/abavuye-mu-mashyamba-ya-rdc-bahishuye-icyo-bicuza-n-icyatumye-badataha-kare

Ku munsi w'ejo nibwo hazakinwa umukino wo kwishyura, wa Manchester United na Fc Barcelona. Mbere y'uko uyu mukino uba umutoza wa Fc Barcelona, Xavi Hernandez yavuze abakinnyi abona mu mboni ze ko bakomeye, ndetse ko bazanamugora aribo Marcus Rashford, Jadon Sancho, Bruno Fernandes na Fred.

Ntawabura kuvuga ko abakinnyi ba Manchester United bavuzwe haruguru bazamuye imikinire yabo cyane, babifashijwemo na Erik Ten Hag muri shampiyona. Ubu barimo gukina bafite ikizere, kandi nibo bagiye bakora itandukaniro mu mikino iheruka ya Manchester United.

Xavi Hernandez yakomeje ashimagiza Erik Ten Hag, avuga ko ariwe wazamuye urwego rw'abo bakinnyi bane. Yagize ati “Ten Hag ni mwiza cyane, ndamukunda cyane. Yubatsemo ikipe nziza kandi arimo kugenda abona ibyiza mu bakinnyi be bose. Ibyo bimugira mwiza cyane. Mu bijyanye n’amayeri ni mwiza cyane, kandi azi n’ukuntu atwara abakinnyi be ntihazemo umwuka mubi”.

Mu mukino ubanza amakipe yombi yakinnye umukino mwiza

Mu mukino ubanza wabereye kuri Camp Nou amakipe yombi yari yanganyije ibitego 2-2. Xavi Hernandez akomeza avuga ku mukino w'ejo kuri Old Trafford, yemeye ko mu by’ukuri ari umurimo utoroshye wo guhura n’ibihangange byo muri Premier League, ariko ashimangira ko ikipe ye igomba kubona intsinzi.  

Yagize ati 'Biragoye ariko nibyiza, turabizi ko twanganyije. Turi ikipe y'intwari ikunda gutsinda buri gihe. Uyu mukino ntabwo uzaba udasanzwe. Ni nk’umukino ukomeye wa Champions League ariko kubera ko twakoze amakosa kandi amakipe yombi akaba ari mu cyiciro cyo kubaka, niyo mpamvu twisanze muri Europa League.”

“Ariko ku bafana, ni umukino ushimishije cyane. Ndetse no ku bakinnyi ni umwe mu mikino buri wese ashaka gukina, byibura rimwe mu buzima bwe.”

Bruno Fernandes uri mu bakinnyi 4 batangajwe n’umutoza wa Fc Barcelona ko ari uwo kwitondera

Fred nawe ari mu bakinnyi bakomeye muri Manchester United

Xavi Hernandez utoza Fc Barcelona yiteguye ejo guhangana na Manchester United

Source : https://inyarwanda.com/inkuru/126334/umutoza-wa-fc-barcelona-yatangaje-abakinnyi-4-bo-kwitondera-muri-manchester-united-126334.html

Muri aya mashusho ubwo Perezida Kagame yari agezweho ariwe ufite inkoni agiye gukina, byamusabye kwicara kugira ngo arebe neza umwobo umupira werekezamo, ibintu bikorwa n'abahanga muri uyu mukino.

Nyuma yo kwicara amaze kubona umwobo yerekezamo uyu mupira, Perezida Kagame yahise arambura inkoni maze yerekeza wa mupira mu mwobo yari amaze kureba.

Muri uko gutera inkoni hari Bertrand Ndengeyingoma bari barimo gukinana, ndetse n'abandi bagera muri batanu bo mu muryango bakurikiye uwo mukino, n'abandi bicaye hirya barimo na Bryan Kagame.

Muri ayo mashusho agaragaramo benshi mu bagize umuryango wa Perezida Kagame, hagaragaramo Perezida ku meza akinirwaho billard ari kumwe na Ndengeyingoma.

Ntibizwi neza igihe amashusho yafatiwe ariko agaragaza umuryango wa Perezida uri mu busabane, bamwe bari gukina abandi biyakira.

Ni amashusho yavugishije benshi, ahanini bagaruka ku buryo Perezida Kagame ataburira umwanya umuryango we, hejuru y'izindi nshingano ziremereye zo kuyobora igihugu.

Ange Kagame na Ndengeyingoma bafitanye abana babiri, umwe wavutse muri Nyakanga 2020 n'undi wavutse muri Kanama 2022.

Ndengeyingoma wakinanye billard na Perezida Kagame ni umukwe we guhera muri Nyakanga 2019, ubwo yashyingirwaga na Ange Ingabire Kagame, umukobwa wa Perezida Kagame.

Uyu yashimishijwe n’ukuntu Perezida azi ibintu byose

Source : https://inyarwanda.com/inkuru/126337/amashusho-ya-perezida-kagame-na-bertrand-ndengeyingoma-bari-gukina-billard-yavugishije-ben-126337.html

Ku wa 29 Mutarama 2023, nibwo Bahavu abinyujije muri BahAfrica Entertaiment yatangaje ko filime zirimo 'Impanga'. 'Aba-Ex' n'izindi zari zisanzwe zitambuka ku muyoboro wa Youtube witwa Impanga Tv zigiye gutangira ku rubuga rwa www.aba.rw.

Yavuze ko kugira ngo umuntu abashe kureba izi filime bizajya bisaba ko yishyura. Ni icyemezo cyakiriwe neza n'abarajwe ishinga n'iterambere rya cinema mu Rwanda, ariko kandi hari abakunzi b'izi filime bavuze ko batazoroherwa no kuzireba bitewe n'ibiciro.

Ukoresha izina rya Munezero kuri Instagram yavuze ko ubwo 'haje ibijyanye no kwishyura' ahagaritse kureba filime 'Impanga' avuga ko agiye gutangira kureba izindi.

Ukoresha izina rya Mimi we yanditse ati 'Ubwo namwe muzanyemo bimwe bya Application kandi rero murabeho gusa yarinziza pe ariko ubwo butumwa ubwo abakene ntibukitureba.'

Bonhettebon kuri Instagram ye yasabye Bahatu kutazishyura amafaranga menshi kugira ngo umuntu arebe iyi filime. Yavuze ati 'Ubwo hajemo Application mutazatwishyuza menshi kuko hari abakunda 'Impanga' ariko batabona ubushobozi bwo kwishyura kuri 'Application' sibyo chou.'

Abandi bakomeje gutanga ibitekerezo basaba ko igihe kimwe izi filime zagarurwa ku rubuga rwa Youtube, cyangwa se ibiciro bikamanurwa kugira ngo buri wese abashe kureba.

Filime 'Impanga' iri mu zikunzwe muri iki gihe. Ahanini biturutse ku butumwa umwanditsi yakubiyemo n'abakinnyi b'abahanga bagaragaramo. Inatambuka kuri Televiziyo y'u Rwanda.

Igeze kuri Season ya Gatandatu, Episode ya Kabiri. Bahavu Usanase Jannet yabwiye InyaRwanda ko nta mukunzi w'iyi filime ukwiye kumva ko azagorwa no kureba iyi filime, ahubwo yagakwiye kwishimira intambwe nka BahAfrica Entertainment bateye.

Yavuze ati 'Niba koko uri umukunzi wacu ukaba ukunda 'Impanga Series' n'izindi filime dukora ndetse ukaba wifuriza iterambere cinema Nyarwanda muri rusange wakabaye ushimishijwe cyane n'intambwe itoroshye duteye, ugaharanira kudushyigikira kugirango turusheho kubakorera filime nyinshi kandi nziza.'

Bahavu akomeza avuga ko bashyizeho ibiciro batekereje ku bushobozi bwa buri wese.  Akomeza ati 'Kuko ku kwezi kose ni ukwishyura 4000 Frw gusa ukirebera filime zose ziriho. Ushobora no kwishyura ku cyumweru 1800 Frw yonyine.'

Iyi filime 'Impanga' ikinamo abakinnyi barimo nka Bahavu Janet Usanase [Kami], Ingabire Davy Carmel [James], Nteziryayo Cyprien [Martin], Irakoze Billy Jacks [Rwema], Uwase Rehema [Tracy], Urwibutso Pertinah [Lydia], Byukusenge Adeline [Noella], Kampire Sarah [Micky], Byiringiro Rick Ozil [Chris] n’abandi.

Ni mu gihe muri filime ‘My Ex’ hakinamo MC Nario [Alpha], ‘Pertina Urwibutso [Kessy], Musoni Julius [Trevor] na Glyaine [Tina].

Kanda hano ubashe gukurikirana filime kuriwww.aba.rw

Bahavu yatangaje ko kuri uyu wa Gatatu ari bwo filime ‘Impanga’ itangira kunyura kuri www.aba.rw

Bahavu yavuze ko bashyizeho igiciro batekereje ku bushobozi bw’abakunzi b’izi filime batunganya

Bahavu aherutse gutangaza Francis Zahabu nk'umwe mu bakinnyi ba filime 'Impanga'

Inzira wanyuramo kugira ngo ubashe kureba filime ku rubuga rwa Bahavu Jeannette

KANDA HANO UREBE INTEGUZA Y'AGACE GASHYA KA FILIME 'IMPANGA'

“>

KANDA HANO UREBE INTEGUZA Y'AGACE KA FILIME 'MY EX'

“>

Source : https://inyarwanda.com/inkuru/126331/bahavu-yasubije-abatarishimiye-gushyira-filime-impanga-ku-rubuga-bisaba-kwishyura-126331.html