Henok Mulueberhan, umunya-Eritrea ukinira Green Project ni we wegukanye isiganwa rya Tour du Rwanda 2023 ryari rimaze iminsi ribera mu Rwanda ryanitabiriwe na Perezida w’u Rwanda, Paul Kagame.
Uyu musore kuva agace ka nyuma gatangiye yakomeje gucunganwa n’abo bari begeranye ku rutonde rusange bakomeza kugendana, bageze muri metero za nyuma arabasiga yegukana aka gace n’isiganwa muri rusange.
Kari agace ka nyuma ka nyuma ka Tour du 2023, hagombaga kumenyekana uwegukana iri siganwa mpuzamahanga rizenguruka u Rwanda. Mu bakinnyi 93 baritangiye hari hasigayemo 65.
Iri siganwa ryabaga ku nshuro ya 5 kuva rigiye ku rwego rwa 2.1 no ku nshuro ya 15 kuva ribaye mpuzamahanga, abasiganwa uyu munsi bahagurukiye kuri Canal Olympia ku i Rebero akaba ari naho gasoreje nyuma yo kuzenguruka i Kigali ku ntera y’ibilometero 75,3.
Uko inzira y’agace ka nyuma yari iteye
Ryatangiriye CANAL OLYMPIA bamanuka ku i Rebero, ariko ibihe bitangira kubarwa bamaze kugenda ibilometero 5,2 bitabarwa. Ni ukuvuga, ubwo bari bageze kuri Camp Zaïre.
Bahise bafata umuhanda wa Kanogo – Rugunga – SEGEM – Gikondo kwa Mironko – Merez 1 – Merez 2 – Umuhanda w’amabuye.
Hakurikiyeho kuzenguruka: Rond point Rebero – Miduha – LP – Kuri Tapis – Kwa Gisimba – Nyakabanda – Kwa Mutwe – Mosqué Majengo – ONATRACOM – Gitega – Gereza – Yamaha – Kinamba – Poids Lourds – Kanogo(bahazengurutse inshuro 3).
Banyuze kandi mu Rugunga – SEGEM – Gikondo kwa Mironko – Merez 1 – Merez 2 – Umuhanda w’amabuye – Rond point Rebero – Canal Olympia aho basoreje.
Ni agace kagoye cyane kandi kiganjemo imisozi igoye kuko hari amanota yatangiwe ku i Rebero inshuro eshatu no kuri Mur de Kigali (Kwa Mutwe) inshuro eshatu.
Hejuru y’iyo misozi yombi, hiyongera akazamuko ko ku rwego rwo hejuru ko kuri Canal Olympia ari nako basorezaho.
Amanota ya ‘sprint’ yatanzwe inshuro ebyiri: Kuri Sitasiyo SP ku kilometero cya 13 yegukanywe na Thomas Bonnet no ku kilometero cya 35,5.
Hari hitezwe kureba niba umunya-Eritrea, Henok Mulueberhan wari wambaye umwambaro w’umuhondo awugumana akegukana isiganwa cyangwa se niba bawumukuramo cyane ko yanganyaga ibihe na Calzoni Walter ukomoka mu Butaliyani.
Ku kilometero cya 18 abakinnyi 15 barimo Henok Mulueberhan wari wambaye umwambaro w’umuhondo bari bamaze gusiga igikundi amasegonda 30 gusa ku kilometero cya 26 igikundi cyari cyabashyikiriye.
Ku kilometero cya 48, abakinnyi 4;
Muhoza, Eyob, Piccoli na Gabburo bari bakurikiye abayoboye isiganwa aho barushwaga umunota n’amasegonda 10, igikundi cyo cyari cyasizwe 2’10”.
Umunyarwanda wari hafi ku rutonde rusange, Muhoza Eric wa Bike Aid, ntabwo yaroherewe n’aka gace ariko yakomeje kugenda ahatana ashaka kwegera abari bayoboye isiganwa ariko biramunanira.
Umunya-Eritrea, Henok Mulueberhan yaje kwegukana aka gace ndetse ahita anegukana Tour du Rwanda 2023 cyane ko ari na we wari wambaye umwambaro w’umuhondo.
Henok Mulueberhan wegukanye agace k’uyu munsi akaba yakoresheje ibihe bimwe n’Umwongereza Blackmore Peter Joseph wa 2, Umunya-Espagne De La Parte wa 3, Umubiligi Lecerf William Junior wa 4 n’Umutaliyani wa 5, Calzoni Walter bakoresheje amasaha 2 iminota 4 n’amasegonda 52.
Henok Mulueberhan ukomoka muri Eritrea ukinira Green Project ni we waje kwegukana Tour du Rwanda 2023 akoresheje amasaha 28 iminota 58 n’isegonda 1 aho yanganyije ibihe n’Umutaliyani Calzoni Walter wabaye uwa 2, barusha isegonda 1 Umubiligi, Lecerf William Junior wabaye uwa 3.
Umunyarwanda Muhoza Eric ukinira Bike Aid, yatangiye agace ka nyuma ari ku mwanya wa 6 ku rutonde rusange ariko ntiyahiriwe n’agace ka nyuma byatumye no muri 15 ba mbere atabonekamo.
11:12″abakinnyi 15 barimo Henok Mulueberhane wambaye umwenda w’umuhondo nibo bayoboye isiganwa.
Henok Mulueberhane uyoboye abandi ku rutonde rusange, yiteguye guhatana
Ethan ukomoka mu Bwongereza, niwe wegukanye agace ka mbere n’aka kabiri ka Tour du Rwanda 2023, aba n’umwongereza wa mbere ubikoze
Henok umwe mu bakinnyi bakunzwe muri iri siganwa yaje kwegukana agace ka gatatu, kuri ubu akaba ariwe ufite n’umwenda w’umuhondo
Thomas Bonnet niwe wegukanye agace ka kane kavaga i Musanze kerekeza i Karongi
Umusuwisi Badilatti Matteo niwe wegukanye agace ka gatandatu kavaga i Rubavu kerekeza i Gicumbi 
Manuele Tarozzi ukomoka mu Butariyani, niwe wegukanye agace ka karindwi abenshi bavuga ko ariko gace kari kagoye muri iri siganwa uyu mwaka 
Muhoza Eric niwe munyarwanda uhagaze neza kuko arushwa amasegonda 8 n’umukinnyi wa mbere 
Mugisha Moise wari amizero y’abanyarwanda yaje kuva mu isiganwa ubwo hakinwaga agace ka gatandatu
Ku wa 27 Ukuboza 2022 nibwo Ndimbati yagiriwe icyizere n'uruganda rwa Sky Drop Industries ruherereye mu Karere ka Bugesera maze asinya amasezerano y'amezi atandatu yo kwamamaza ibinyobwa byarwo.
Yagize ati ' Bavuze ko bazengurutse ahantu hose, Abanyarwanda bonyine nibo bavuze ngo uruganda nimutuzanire Ndimbati ubundi ikinyobwa natwe tukiyoboke.'
