Category: Uncategorized

Johan Bakayoko wakiniye amakipe y’abato y’u Bubiligi, arabunza imitima avuga ko atarafata umwanzuro w’igihugu azakinira, avuga ko n’u Rwanda arutekereza.

Uyu musore w’imyaka 19 ukinira ikipe nkuru ya PSV Eindhoven mu Buholandi yavuze ko bitewe n’abakinnyi barimo kubyiruka mu Bubiligi nta mahirwe yiha yo kuba yakinira iki gihugu.

Mu kiganiro yahaye ikinyamakuru Le Soir, uyu musore yavuze ko atazi niba azakinira ikipe y’u Bubiligi nkuru.

Ati 'buri gihe nari mbizi ko hari impano mu makipe y’abato. Byinshi byaravuzwe ku mpano zitangaje zirimo kubyiruka muri iyi myaka, ariko abarimo kubyiruka ubu baratanga icyizere.'

Yakomeje avuga ko atazi ubwenegihugu azahitamo kuko nyuma y’u Bubiligi afite andi mahitamo 2.

Ati 'nkubwije ukuri ntabwo nzi ubwenegihugu nzahitamo. Ntabwo ndabitekerezaho. Aho nkomoka nshobora gutoranya Côte d’Ivoire cyangwa u Rwanda. Bizaterwa n’ibintu byinshi.'

Uyu rutahizamu usatira anyuze ku mpande yinjiye muri PSV Eindhoven muri 2022 aho mu mikino 17 amaze kuyikinira yayitsindiye ibitego 5. Yakiniye abatarengeje imyaka 15,16,17,19 na 21 b’u Bubiligi.

Johan Bakayoko yavuze ko n’u Rwanda ruri mu bihugu atekereza kuzakinira

Yabigarutseho mu gitondo cyo kuri uyu wa Kane, tariki ya 16 Werurwe 2023, aho yitabiriye Inteko Rusange ya FIFA yateraniye muri BK Arena.

Umukuru w'Igihugu, Paul Kagame, yashimiye FIFA yatoranyije u Rwanda nk'igihugu gikwiriye kwakira iyi Nteko Rusange yayo ihuriza hamwe ibihugu by'ibinyamuryango 211.

Yagize ati 'Ni iby'agaciro gakomeye, cyane ko mwashoboraga guhitamo kujya ahandi.'

Perezida Kagame yagaragaje ko binyuze mu miyoborere ya Gianni, amakipe ya Afurika yongerewe amahirwe yo kwitabira Igikombe cy'Isi.

Ati 'Namenye Gianni mu myaka umunani ishize ubwo yiyamamarizaga kuyobora FIFA. Nanyuzwe n'indangagaciro ze n'icyerekezo cye ku ruhare rwiza umupira w'amaguru wagira muri Sosiyete. Yari Umuyobozi FIFA yari ikeneye muri icyo gihe, kandi ibyo nabonye kuva icyo gihe, bimpa icyizere ko ashobora gukomeza kuyobora uyu muryango.'

Umukuru w'Igihugu yavuze ko Igikombe cya Afurika atari irushanwa rito ahubwo ko ikinyuranyo kiba hagati y'umukinnyi mwiza wo muri Afurika n'uwo mu Burayi, atari impano.

Yakomeje ati 'Ikinyuranyo ni ukuba nta bikorwaremezo biboneye byo kwitorezaho ndetse n'ubufasha.'

Perezida Kagame yavuze ko icyo Isi ya none ikeneye ari uguharanira ko siporo yunga abantu aho kuyivangira na politiki zibatanya.

Ati 'Dukeneye guheza politiki mbi ntihagire aho ihurira na siporo.''

Yatanze urugero rusa n'urugusha ku buryo amahanga yavuze Qatar kuva yakwemererwa kwakira Igikombe cy'Isi cya 2022, kugeza kibaye kikanarangira mu mahoro.

Yakomeje ati 'Nk'uko twabibonye umwaka ushize, mu kunenga kuzuye uburyarya mu Gikombe cy'Isi umwaka ushize. Aho kubaza impamvu imikino ibereye hariya, banza ubaze uti kuki ubundi itahabera?'

'Keretse niba turi kuvuga ibintu bimeze nko kwikubira aho bamwe muri twe kuri iyi Si ari bo bafite ibyo bakwiriye kugerwaho na byo bakanyurwa bonyine. Abantu bakwiriye kuguma mu myanya yabo, ariko imyitwarire nk'iriya yari ikwiriye kuba ubu yarasiye inyuma mu mateka.'

Perezida Kagame yavuze ko abakinnyi na bo bafite ijambo ryo kunenga ibitagenda neza mu gihe babona bibangamiye bo n'imiryango yabo.

Ati 'Bafite uburenganzira. Politiki muri siporo igaragaza ibibazo sosiyete ifite. Iyo abafana bajugunye imineke ku mukinnyi w'umunyafurika cyangwa se bakibasira umusifuzi w'umugore, ibyo biterwa n'imiterere itari yo y'ibibera muri sosiyete ihembera iyo myitwarire mibi. Dukeneye gukorera hamwe, mu guharanira ko nta muntu uhezwa kandi ko umupira wubahisha buri wese.''

Tariki ya 2 Ukuboza 2010 ni bwo Qatar yahawe Igikombe cy'Isi mu 2022. Ku wa 5 Gicurasi 2011, uwari Visi Perezida wa FIFA, Jack Warner, yasohoye email yerekana ko hatanzwe ruswa. Qatar yishyuye CAF yayoborwaga na Issa Hayatou miliyoni 1,5$ ariko ibi birego yarabihakanye.

Ku wa 25 Nzeri 2013, The Guardian y'Abongereza yanditse ko abakozi benshi bo muri Nepal bafashwe nabi ndetse bakoreshwa igisa n'ubucakara.

Tariki ya 18 Ugushyingo 2013, raporo ya Amnesty International na yo yerekanye ko hari ibibazo by'abakozi bakoreshwa mu bwubatsi bahabwa intica ntikize mu mishinga ya miliyoni z'amadolari.

Imibare ya The Observer yo mu 2014, yerekanye ko abakozi b'abimukira 400 bo muri Nepal baguye mu mirimo y'ubwubatsi kuva Qatar yahabwa kwakira Igikombe cy'Isi mu 2010. Ni imibare yerekanwe nk'iteye inkeke kuko Abanya-Nepal bihariye 20% by'abakozi bose barimo abo muri Bangladesh, u Buhinde na Philippines.

Muri Gashyantare 2021, The Guardian yatangaje ko abimukira 6,500 baguye mu mirimo yo kubaka stade. Imibare yatanzwe na za Ambasade.

Qatar ivuga ko atari yo kuko harimo n'impfu zisanzwe zirimo uburwayi n'izabukuru zidahuye n'imishinga y'Igikombe cy'Isi.

Imibare yizewe ni uko hagati ya 2014 na 2020, abakozi 37 mu bahawe akazi ko kubaka stade, muri bo batatu ari bo baguye mu mirimo bifitanye isano.

Mu bindi bihugu byakiriye Igikombe cy'Isi, muri Afurika y'Epfo [yacyakiriye mu 2010] habaruwe babiri, Brazil [2014] ni umunani n'u Burusiya [2018] ni 21.

Usesenguye usanga amahanga yarashegeshwe no kubona Qatar yakira Igikombe cy'Isi, cyane ko ahandi mu Burayi amakosa ashyirwa kuri sosiyete zahawe imirimo yo kubaka aho kuba igihugu.

Mu kwerekana ibitagenda neza hifashishwa ibitangazamakuru bikomeye ndetse n'imiryango iharanira inyungu z'abakozi ikerekana ko uburenganzira bwabo buhonyorwa.

Guverinoma ya Qatar yavuze ko abanyamahanga 30.000 bahawe akazi mu kubaka stade.

Ibi byatangajwe mu ibaruwa Minisiteri y'Uburezi yandikiye abayobozi b'uturere twose mu gihugu kuri uyu wa 15 Werurwe, igaragaza ko abanyeshuri bafite amahitamo yo kugira imyemerere itandukanye.

Ni nyuma y'aho muri Kanama 2022, Umuryango w'Abahamya ba Yehova mu Rwanda wandikiye Minisiteri y'Uburezi uyigaragariza ko hari abanyeshuri 59 b'abayoboke bawo bamaze kwirukanwa mu bigo bitandukanye kubera kutifatanya n'abandi mu bihe by'amasengesho.

Minisiteri y'Uburezi yisunze itegeko Nshinga mu ngingo ya 20 igaragaza ko buri munyarwanda wese afite uburenganzira ku burezi, ubwisanzure mu kwiga no kwigisha ndetse n'iya 37 igaragaza ko buri wese afite ubwisanzure mu mitekerereze no mu myemerere, yihanangiriza ibigo byirukana abana kubera ko batagiye gusenga hamwe n'abandi.

Minisiteri y'Uburezi yagaragaje ko umuntu ubuza umunyeshuri kwiga nta mpamvu ifatika ihari cyangwa ugira uruhare mu kuva mu ishuri kw'abana aba akoze amakosa kandi ahanirwa mu rwego rw'imiyoborere.

Yakomeje igira inama abayobozi, abakuru b'ibigo by'amashuri kwirinda kwirukana umwana mu gihe adahuje imyemerere na bagenzi be.

Mineduc yakebuye ibigo by’amashuri byirukana abanyeshuri bazira imyizerere

Umunyamideli ukiri muto cyane Zaya Wade akomeje kugarukwaho cyane muri Leta Zunze Ubumwe za Amerika nyuma yaho yahawe uburenganzira bwo guhindura amazina y’abahungu yari yariswe akivuga maze hakemezwa aya gikobwa yiyise nyuma yaho yihiduje igitsina.

Zaya Wade ni umwana wa Dwayne Wade icyamamare muri NBA wakiniye ikipe ya Miami Heat ariyo yatumye amenyekana akanajya ku rutonde rw’abakinnyi ba Basketball b’ibihe byose muri NBA.

Zaya Wade yavutse mu 2007 ubwo Se yari akiri kumwe n’umugore we wa mbere witwa Siohvaughn Funches babanye kuva 2002 kugeza mu 2010.

Zaya ari kumwe na Se Dwayne Wade icyamamare muri NBA

Dwayne Wade n’umwana we mbere y’uko yihinduza umukobwa

Zaya Wade ufite imyaka 15 y’amavuko, yavutse ari umuhungu bamwita Zion Wade gusa aza guhindura izina mu 2021 ubwo yatangazaga ko atakiri umuhungu ahubwo ko ari umukobwo kandi ko yifuza kubagwa agahabwa imyanya y’ibanga y’abakobwa. Iki gihe yarafite imyaka 13 y’amavuko.

Zaya Wade avutse ari umuhungu nyuma aza kwihinduza umukobwa

Zaya Wade arangwa no kwambara gikobwa

Ubwo Zaya yatangazaga ibi byateye amagambo menshi mu itangazamakuru no ku mbuga nkoranyambaga, aho benshi bavugaga ko akiri umwana muto atabasha kumenya ibijyanye no kwihinduza igitsina mu gihe abandi batungaga urutoki ababyeyi be ko bamurangaranye kugeza ubwo ashaka kwihindura uko atari.

Umukinnyi wa filime Gabrielle Union yashinjwe ko ari we watumye Zaya yihinduza umukobwa

Zaya Wade na Grabielle Union wamubaye hafi ubwo yihinduzaga umukobwa

Mu batunzwe agatoki rugikubita ni mukase witwa Gabrielle Union usanzwe ari icyamamare muri sinema, aho yashinjijwe kuba ariwe watije umurindi Zaya Wade akiyumva nk’umukobwa kandi ari umuhungu. 

Ibi byaterwaga n’uko Gabrielle Union na Zaya bakundaga gushyira amashusho yabo kuri Tik Tok bari kwisiga ibirungo (Make Up) bigatuma benshi bamugaya ko asiga ibirungo by’ubwiza umwana w’umuhungu.

Mu kiganiro Zaya Wade yahaye Vogue Magazine mu 2021 yatangaje ko kuba yifuza kuba umukobwa ntawabimutegetse ahubwo ko ari uko yiyumva. Yagize ati: ”Uko ngaragara inyuma siko meze imbere. Ibyuyumviro byanjye nib iy’abakobwa ariko inyuma ndi umuhungu, ndifuza guhindura igitsina kugira ngo mpuze inyuma yanjye n’imbere hanjye”.

Zaya Wade yavuze ko uko asa inyuma ntaho bihuriye n’uko yiyumva imbere

Ibi byatumye nyina umubyara Siohvaughn Funches atangaza ko atewe agahinda no kubona umwana yibyariye ari umuhungu ashaka kwigira umukobwa. 

Yakomeje avuga ko ibi ntakabuza yabitewe n’uburangare bwa Se umurerana na mukase batamwitayeho ndetse ko mukase yabikoze abishaka agatoza umwana we kwigira umukobwa.

Se yaramushyigikiye mu rugendo rwo kwihinduza umukobwa

Muri Werurwe 2022 Dwayne Wade yatangaje ko ashyigikiye umwana we Zaya Wade wifuza kuba umukobwa ndetse anatangaza ko amaze igihe aterwa imiti irimo imisemburo y’igitsinagore kugirango bizamworohere kwihunduza umukobwa. 

Ibi ntabwo abakoresha imbuga nkoranyambaga babyakiriye neza ahubwo baramunenze banamusaba ko yabuza umwana we kwihindura umukobwa akaguma ari umuhungu.

Zaya Wade amaze kwihinduza umukobwa

Nyuma y’amezi atanu Dwayne Wade atangaje ibi, Zaya Wade yahise atangaza kumugaragaro ko yamaze kubagwa agahabwa imyanya y’ibanga y’abakobwa akaba asigaranye urugamba rwo guhinduza igitsina n’amazina mu mategeko. Ibi ntabwo byakiriwe neza na nyina Sioghvaugh Funches wahise amwihakana akavuga ko ibyo yakoze bimeze nko kwica umwana w’umuhungu yibyariye.

Mu kiganiro Sioghvaughn Funches yagiranye na televiziyo ya CBS yatangaje ko atakiriye neza ibyo umwana we Zaya Wade yakoze. 

Yagize ati: ”Ntabwo nkibasha kumenya umwana nibyariye. Bimeze nkaho yishe umuhungu nabyaye kuko ntagihari. Kumubona kuriya birambabaza kuko iyaba tukibana ntiyari kumera kuriya. Uriya mubona si umwana wanjye. Ntabwo ndi umubyeyi we kuko uwo nabyaye yaramwishe”.

Nyina wa Zaya Wade yaramwihakanye akimara kwihinduza umukobwa

Ntibyagarukiye hano kuko kugeza ubu Sioghvaughn Funches yajyanye mu nkiko Dwayne Wade na Gabrielle Union abashinja guhindura umwana we umukobwa mu nyungu zabo bwite kuko amafaranga akura mu mideli aribo bayafata kandi ko babikoze mu rwego rwo gukomeza kuvugwa. Ibi ariko byatewe utwatsi na Dwayne Wade ndetse amusaba ko yakwakira umwana wabo uko ari bakamushyigikira.

Nyina wa Zaya yashinjije Dwayne na Gabrielle guhindura umwana we umukobwa mu nyungu zabo

Ku itari 13 Werurwe 2023 nibwo byatangajwe ko amazina ya Zaya Wade yemewe n’amategeko kandi ko yemerewe guhindura igitsina mu mategeko akaba yahindutse umukobwa. Ibi byabaye nyuma yaho yari aherutse gutangaza ko abantu benshi bakimwita umuhungu kandi yaramaze kuba umukobwa.

Zaya Wade mu birori by’imideli bya Paris Fashion Week 2023

Inzira y’imideli ya Zaya Wade yayitangiriye ku mugaragaro mu 2022 ubwo yatangiraga kwamamariza imyenda y’inzu z’imideli irimo nka Dolce & Gabbana, Balenciaga n’zindi. Mu minsi ishije Zaya Wade yitabiriye ibirori bya Paris Fashion Week 2023 aho yamuritse imyambaro ya Yves-Saint Laurent (YSL).

Zaya yamamariza inzu z’imideli zikomeye zirimo Balenciaga, YSL na Miu Miu

Kugeza ubu Zaya Wade w’imyaka 15 akomeje kugarukwaho cyane nk’umwe mu bantu bihinduje igitsina bakiri bato ndetse bikanatuma ahita atangira kubyinjirizamo amafaranga dore ko nyuma yo kuba umukobwa yahise atangira kwamamariza inzu z’imideli zikomeye zinamwishyura agatubutse.

Zaya mbere y’uko yihinduza umukobwa yitwaga Zion Wade

Zaya Wade yatangiye inzira yo kwihinduza umukobwa afite imyaka 13

Mu nama ya 73 ya FIFA yateraniye i Kigali kuri uyu wa 16 Werurwe 2023, umuyobozi w’ishyirahamwe ry’umupira w’amaguru ku Isi (FIFA), Gianni Infantino, yagarutse ku rugendo rwe yiyamamariza kuyobora FIFA, ndetse agaragaza ko inzira ye ifitanye umubano wihariye n’u Rwanda kuva mu mikino ya CHAN u Rwanda rwakiriye mu 2015.

Mu 2015 ni bwo Gianni Infantino yatangiye ibikorwa byo kwiyamamariza kuyobora FIFA aho iyi gahunda yayitangiriye mu Rwanda. Muri uwo mwaka, u Rwanda rwakiriye igikombe cy’Afurika gikinwa n’abakinnyi bakina imbere mu gihugu CHAN. 

Ifantino avuga ko ubwo yazaga mu Rwanda yahakuye imbaraga zikomeye zo kuyobora FIFA n’ubwo yabanje gucika intege. Yagize ati: 'Mfitanye isano yihariye n’u Rwanda, ubwo niyamamarizaga kuyobora FIFA mu 2015, ari nabwo u Rwanda rwakiriye imikino ya CHAN 2015″. 

“Naje inshuro ebyiri mu Rwanda, inshuro ya mbere byari ugutangiza iyi mikino aho nahuye n’abantu batandukanye bahagarariye amashyirahamwe y’umupira w’amaguru muri Afurika.'

Infantino yavuze ko ku nshuro ya mbere aza mu Rwanda 'nari mfite imbaraga n’icyizere cyinshi, ariko ku nshuro ya kabiri ngaruka mu Rwanda nari nabwiwe n’abantu ko bankunda ariko batazanshyigikira mu matora'.

Infantino yakomeje avuga ko muri we yumvise acitse intege, ku buryo yumvaga yabivamo, ariko amateka y'u Rwanda akamwongerera imbaraga. 

Ati: 'Icyo gihe ntabwo nari mfite itike yo kujya kureba umukino wa nyuma wa CHAN, mu gihe gito nsanganirwa n’umuntu wanshyikirije itike yo kujya kureba uwo mukino. Uwo muntu yarambwiye ngo iyi ni itike yawe yaguzwe na Perezida Kagame.”

Infantino yavuze ko yabitekerejeho, nyuma ajya gusura Urwibutso rwa Jenoside yakorewe Abatutsi ruherereye ku Gisozi. Uyu mutaliyani yavuze ko ibyo u Rwanda rwanyuzemo n’urugendo rwo kwiyubaka ‘bitera imbaraga Isi yose’.

Yavuze ko ataciwe intege n’abo bantu bamubwiraga ko batazamutora, ahubwo yagiye kureba umupira, hanyuma akomeza gahunda ye yo kwiyamamaza nyuma y’amezi macye atorerwa kuyobora FIFA.

Infantino yasoje avuga ko u Rwanda rwanyuze mu bihe bikomeye ariko rwongera kwiyubaka binyuze mu cyizere, umuhate, gukora cyane ndetse n’ubuyobozi bwiza. 

Yavuze ko ‘u Rwanda ari igihugu cyiza kandi nzi ko benshi muri mwe muzagaruka atari ugusura Kigali gusa, ahubwo n’ibindi bice’.

Perezida Kagame yagenewe umupira na FIFA uriho nimero 23 ugaragaza ko umupira w’amaguru wunga Isi yose 

Gianni Infantino ni ku nshuro ya 3 aje mu Rwanda mu myaka 8 itambutse 

Ni rwo rugaburira izindi nganda mu myidagaduro nk'umuziki cyane ko abakobwa bifashishwa mu mashusho y'indirimbo, abenshi baba ari abamurika imideli; muri filime n’ibindi.

Kera bamwe barufataga nk'uruganda rw'inkundarubyino kugeza igihe rwatangiye kugaburira bamwe mu buryo bufatika.

Kuri ubu rwaruhuye benshi bajyaga bashaka kwambara neza bagatumiza imyambaro ku yindi migabane, kuko Made In Rwanda yamaze gushinga imizi kugeza ubwo n'abayobozi bakomeye mu gihugu uhereye ku muryango wa Perezida Paul Kagame bageze aho bisanga mu myambaro yakorewe mu Rwanda.

Ubu abanyarwanda bogoga amahanga bagiye mu birori bikomeye byo kumurika imideli nka Milan Fashion Week, Paris Fashion Week, New York Fashion Week n'ibindi.

Kugeza ubu uwavuga ko rumaze gutera intambwe ikomeye ntabwo yaba abeshye n'ubwo hakiri inzira ndende kugira ngo uko rwakabaye rufatwa abe ari ko rufatwa.

Uruganda rukwiriye guhangwa amaso!

Uwimbabazi Moniah ushinzwe iyamamazabikorwa muri Rwanda Cultural Fashion Show, yabwiye InyaRwanda ko hari ibyo kwishimira muri uru ruganda.

Ati 'Icyo nishimira ni uko rumaze kugera ku rwego mpuzamahanga kandi abarurimo babeshejweho na rwo. Rutanga umusanzu munini nk'izindi nganda zose, rutanga akazi, rwishyura imisoro kandi rugatanga n'ubumenyi.''

Avuga ko icyarukomeza ari uko abaruhuriyemo bashyira hamwe kandi rukaba rwagira ingengo y'imari.

Umunyamideli Umufite Anipha uheruka gusinya amasezerano y'umwaka yo kumurika imideli muri Elite Modeling Agency Network, ikigo mpuzamahanga cy'Abafaransa mu kumurika imideli; nawe avuga ko aho uruganda rw'imideli rugeze ubu ari aho kwishimirwa.

Ati 'Nishimira ko ibyo twabonaga biri kure (kugera ku rwego mpuzamahanga) ku banyamideli twabigezeho n'ubwo tukiri bake ariko byibura twamaze kubona ko bishoboka ari na byo bigomba gutera imbaraga abandi babyifuza bose.'

Akomeza avuga ko uruganda rw'imideli rubamo guhanga udushya mu buryo butandukanye ku buryo ari rumwe mu zagahawe agaciro gakomeye mu myidagaduro.

Ati 'Imideli ni ubuhanzi kandi ibamo guhanga udushya mu buryo bwinshi butandukanye. Uko uruganda rw'imyidagaduro rutera imbere ibitaramo by'imideli birushaho kwiyongera. Kandi, urabizi ko abanyamideli bifashishwa mu ndirimbo ndetse no muri filime bigakomeza guteza imbere imyidagaduro.''

Avuga ko uruganda rw'imideli rufite akamaro kanini kuko hari akandi gaciro bizana ku ndirimbo iyo hari umurika imideli wayigaragayemo.  Ngo kuko  ibintu byiza binyuranye biri mu ishusho ni byo bituma ritarambirana rikarushaho gukundwa kandi abanyamideli babigiramo uruhare rukomeye.

Umuhanzi Icyoyitungiye Jules Bonheur wamamaye mu muziki nka Jules Sentore, avuga imideli ari ikintu kigari cyunganira ibindi bisata birimo umuziki.

Ati 'Umumaro wabo ni munini kuko nabo ni abahanzi navuga ko ari indi nyongera mu bigira indirimbo. Mu bigize umuhanzi, n'imideli irimo. Niyo mpamvu bose babita abahanzi. Umuntu ukora imideli nawe ari mu bigize umuhanzi. Ni abantu bagendana ariko imirimo iba itandukanye, umwe aba akora imideli undi akaririmba.'

Akomeza avuga ko indirimbo itagirwa n'uburyo yanditse cyangwa umudiho ahubwo igirwa n'ibintu byose bishobora kugaragaramo birimo n'abo banyamideli.

Ati 'Ibyo ni byo biba bigize indirimbo. Indirimbo mu iyubakwa ryayo, usanga iba irimo ibintu byinshi. Umuhanzi ni ikintu gito mu bigize indirimbo.''

Nzamwita Olivier Joseph wamamaye mu muziki nka M1, we yavuze ko abanyamideli bagira akamaro kanini mu ndirimbo ku buryo hari n'abantu bashobora kuyikunda batitaye ku butumwa burimo ahubwo bakurikiye abanyamideli bagaragaramo.

Umunyamakuru wandika ku nkuru zijyanye n'imideli, Mukahirwa Diane, nawe ntabwo ajya kure y'ibyo bagenzi be bavuga.

Ati 'Icya mbere Abanyarwanda bamaze kumva no gushyigikira abahanga imideli n'abayimurika. Abantu batandukanye bambara Made in Rwanda cyane, bitandukanye n'iyo uganiriye n'abahanga imideli ubu bakubwira ko mbere abantu bangaga no kwambara imyambaro yabo ku buntu.'

Arakomeza ati 'Imyambaro iri ku rwego rwo hejuru. Imyambaro ni myiza kandi ni byo bifashisha. Hari 'standard' yo ku rwego rwo hejuru ku buryo imyenda yo hanze itaruta iyo mu Rwanda. Icya gatatu, uruganda rw'imideli rwarenze u Rwanda, ruri ku rwego mpuzamahanga. Mu birori mpuzamahanga ntiwaburamo umunyarwanda.'

Akomeza avuga ko imyambaro yo mu Rwanda imaze kugera kure ku buryo ibyamamare bitandukanye bidaterwa ipfunwe no kuyambara.

Ati 'Ikindi imyambaro yo mu Rwanda imaze kugera kure. Urebye nk'imyambaro ya Moshions imaze kwambarwa n'ibyamamare byinshi, urebye House of Tayo umupira we wambawe n'ibyamamare byinshi, urebye nka Asantii ya Mbonyumutwa Maryse nayo ni inzu ihanga imideli itanga icyizere gihambaye.'

Mukahirwa akomeza avuga ko imyambaro n'inkweto bikorerwa mu Rwanda byifashishwa n'abahanzi ndetse n'abakina filime mu mashusho ndetse abahanzi bagakorerwa 'make up', bityo bigatuma bitanga umusanzu ukomeye mu myidagaduro.

Atanga urugero ati 'Nk'umuntu ushaka kugaragaza u Rwanda mu ndirimbo ye ashobora kwifashisha umupira wa House of Tayo.''

Yunga mu rya bagenzi be, akavuga ko icya mbere ari ugufatanya kugira ngo uruganda rukomeze gutera imbere. Atanga urugero ati 'Nka Moses Turahirwa agira icyo yise 'Vendredi d'artiste' aho ahuriza hamwe abanyempano mu mideli bakizamuka.''

Uwamahoro Joyce watangije inzu ihanga imideli izwi nka Joyce Fashion Designs, we yavuze ko kuba abahanzi baratangiye gukangukira kwambara 'Made in Rwanda' ari byiza ari na byo bikomeza kongerera agaciro imyambaro ikorerwa mu Rwanda.

Yakomeje avuga ko kandi uko indirimbo y'umuhanzi irimo ya 'Made in Rwanda' irebwe cyane ari na ko ba bantu bo hanze y'u Rwanda bagenda banamenya ko mu Rwanda hari abahanzi b'imideli beza.

Ati 'Njye ndavuga nk'uhanga imideli, urabona nk'indirimbo iyo irebwe cyane umuhanzi yarakoreshejemo 'Made in Rwanda', bikomeza kuzamura ibendera ry'u Rwanda yaba mu mideli kuko umuntu wishimiye ya myambaro igaragaramo ashobora kuzaza mu Rwanda, ahageze yagira amatsiko yo kumenya abahanga imideli bahakorera.'

'Ikindi ni abanyamideli bagaragayemo, bizaryoshya indirimbo ari na ko kandi abantu bamenya ko na none mu Rwanda hari abanyamideli beza bagaragara bityo babe bakwifashishwa n'abandi batari n'abanyarwanda.'  

Hakenewe Rwanda Fashion Council, no korohereza abahanga imideli

Moniah avuga ko we na bagenzi be bo mu ruganda rw'imideli bifuza ko bahangwa amaso. Ati 'Icyo dusaba Leta ni ukutwumva kandi bakadushyigira tukagira abaduhagarariye tuzi ndetse n'umuyoboro w'amakuru ukaba umwe mu buryo bwo guca utuzu turi muri uru ruganda.''

Ntawirema Célestin utegura Rwanda Cultural Fashion Show, avuga ko buri gihe hari ikibazo ahora yibaza ku buryo ahuye na Perezida Kagame yakimubaza.

Ati 'Mfite ikibazo nanjye ubwanjye nifuza kubaza Nyakubahwa Perezida wa repubulika Paul Kagame umunsi nzagira amahirwe yo guhura nawe. Namubaza nti ‘kuki imbaraga zo gufasha abahanzi cyane abanyamideli zitatanye mu nzego kandi zose za leta?’'

Arakomeza ati 'Urasanga hari icyiciro cy'abanyamideli ngo bafashwa na PSF, ukumva ngo hari icyiciro gifashwa na RDB, ugasanga ngo hari icyiciro gifashwa na Imbuto Foundation hamwe na ArtRwanda-Ubuhanzi, ukumva ngo hari icyiciro gifashwa n'Inteko y'Umuco ari nayo ireberera abahanzi.'

Avuga ko Leta ifasha abamurika imideli ariko uburyo bikorwamo bivangavanze, ku buryo harimo abafashwa kabiri ndetse na gatatu, hari ugitegereje ko n'ibaruwa ye yanditse asaba guhura n'umuyobozi isubizwa.

Avuga ko kugira ngo ibi bibazo bikemuke byasaba ko Leta ishyiraho Fashion Council, ari nayo yaca akavuyo usanga gahari cyangwa se urundi rwego rushya.

Ati 'Leta nishyireho Fashion Council cyangwa se urundi rwego rushya ruharanira inyungu z'abanyamideli by'umwihariko #MadeinRwanda hagamijwe kwirinda kwigana kuko ubu usanga biganana cyane.'

Arakomeza ati 'Ntabwo wamenya imyenda yakozwe na runaka kuyitandukanya na Moshions, LITORIS cyangwa Matayo Rugamba, bivuze ko tugomba kumenya ni nde ukora iyi brand? Igizwe n'iki? Bigaragarira he?'

Umufite hano agaragaza ko abahanga imideli n'abayimurika bose bakwiriye gushyirirwaho uburyo buborohereza akazi kabo.

Ati 'Ntihabaho abanyamideli nta mideli ihari! Nibaza ko icyakorwa cyose kigomba guhera mu gufasha abahanga imideli koroherezwa ku buryo bakora ibintu bifite ubudasa kandi biri ku rwego rushimishije (material wise). Hanyuma ikindi ni ku bijyanye n'ibitaramo koroherezwa ndetse no gufasha kubona abaterankunga.'

Mukahirwa nawe ntabwo ajya kure yabo cyane aho agira ati 'Leta nishyire ukuboko mu buryo bugaragara mu myidagaduro. Bakabafasha mu buryo bw'amafaranga bakanabagira inama kuko baratanga umusanzu muri gahunda ya 'Made in Rwanda'. Ikindi bakoroherezwa kubona 'products' ziva hanze kuko ni nacyo gituma imyambaro bakora ihenda.''

Avuga ko habaho koroshya imisoro cyangwa se Leta ikaba yareshya abashoramari bakaza gushora muri uru ruganda ndetse hakaba hanabaho imikoranire n'ibihugu bivanwamo ibyifashishwa n'abahanga imideli ndetse n'abakora 'make up' kugira ngo bijyanye bibageraho byoroshye ku kiguzi gito.

Akeza karigura …

Franco Kabano watangije inzu ifasha abamurika imideli mu Rwanda yitwa We Best Models afatanyije na Sarah Nynthia, we avuga ko mbere ikibazo cy'uko mu ruganda rw'imideli batitabwaho mu myidagaduro atari ho kiri gusa.

Ati 'Icyo si ikibazo kiba mu ruganda rw'imideli gusa, ni ingeri zose. Ntabwo igihugu cyacu kikiyubaka cyabona ubushobozi bwo gufasha buri wese ukeneye inkunga yo kuzamura ibyo akora nk'akazi. Icyo nababwira ni uko akeza kigura.'

'Kora cyane ahubwo ube mu bafasha igihugu kuzamura ubukungu, uwo amahirwe azasekera, azahabwa ubwo bufasha koko nk’uko hari igice kimwe gifashwa cyane n'inzego za Leta abandi bakirengagizwa.'

Atanga inama ariko ku bashwinzwe gusaranganya ubufasha igihugu kigenera abahanzi muri rusange, akavuga ko bakwiye kutita ku bantu bamwe gusa ahubwo bakajya bahora bareba ahapfupfunyuka impano nshya bakaziha urubuga, bakazitiza umurindi mu bumenyi n'amikoro kugira ngo hubakwe inganda zifite ireme.

Uwimbabazi Moniah avuga ko kimwe mu bizakomeza imideli ari ugushyira hamwe agasaba Leta ko yafasha abanyamideli

Umufite usanzwe amurika imideli ku rwego mpuzamahanga yavuze ko uruganda rw’imideli ari rumwe mu zikwiriye guhangwa amaso

Uwamahoro Joyce watangije Joyce Fashion Designs yavuze ko umuziki n’imideli byunganirana 

Jules Sentore afata uruganda rw’imideli nk’ishami umuziki ushamikiyeho kugira ngo ugire amashusho meza 

Jules Sentore ntabwo ajya kure cyane ya Jules Sentore nawe avuga ko abanyamideli bagirira umumaro munini abahanzi Kabano ashishikariza abanyamideli gukora cyane kuko akeza kigura, ikindi agasaba abashinzwe gutanga inkunga kujya bita ku mpano nshya 

Umunyamakuru Mukahirwa avuga ko Leta ikwiriye korohereza abahanzi b’imideli kujya babona ibyo bifashisha mu buryo butagoranye kuko ari byo bituma bamwe binubira kwambara ‘Made in Rwanda’ bavuga ko ihendaNtawirema Celestin watangije Rwanda Cultural Fashion Show yazamukiyemo abamurika imideli benshi n’abayihanga mu Rwanda uyu munsi, avuga ko hakwiriye gushyirwaho Rwanda Fashion Council cyangwa urundi rwego rushinzwe abanyamideli rwashyirwaho na Leta

Misa yo kumusabira iri kubera muri Paruwasi Regina Pacis i Remera, ahateraniye inshuti, abakoranye na we, ababanye na we n'abandi bo mu muryango we. Arashyingurwa mu irimbi rya Gisirikare rya Kanombe.

KURIKIRA UKO UYU MUHANGO URI KUGENDA

12:10 Umufasha wa Gen Gatsinzi yavuze ko nubwo yitabye Imana, bashima ko mu gihe yari akiriho 'yabaye umubyeyi, umukristu n'ingabo y'igihugu, yaratabarutse ntiyapfuye […] yakunze igihugu cye, aragikorera.

Yavuze ko mu buzima bwe bwose, nk'abandi bose yahuye n'ibyiza n'ibibi, icyakora byose 'yagiye abyakira n'umutima utuje. Harimo no kwiyoroshya, yari azi kwiyoroshya.Yari azi kwiyumananganya akarenzaho, agafata icyemezo.'

Umufasha we yavuze ko ari 'gake cyane yashyiraga imbere inyungu ze, kenshi yumvaga ashimishijwe n'inyungu rusange aho kwirebaho.'

Yashimiye ubuyobozi bw'igihugu n'inshuti, bababaye hafi mu burwayi bwe haba akiri mu gihugu na nyuma yo kujya mu mahanga.

Ati 'Yagiye anezerewe, afite umucyo ku maso'

11:35: Padiri wayoboye igitambo cya Misa yo gusezera kuri Gen Gatsinzi Marcel, yavuze ko mu maso y'Imana buri wese afite agaciro gakomeye, ari nayo mpamvu ibyiza akora mu buzima busanzwe bizazirikanwa ku munsi w'umuzuko.

Yavuze ko nubwo Gen Gatsinzi yitabye Imana, abantu badakwiriye guheranwa n'agahinda kuko bizeye ko umunsi umwe bazongera kumubona, icyo basabwa ari ukurangamira 'Yezu wabambwe ku musaraba agatsinda urupfu. Ntimugaheranwe n'ishavu nk'abantu batagira icyo bizeye, abapfuye bizeye ntibazakorwa n'isoni.'

11:20: Hasomwe ivanjili iri mu gitabo cya Matayo 25:31-36.

Hagira hati 'Igihe Umwana w'umuntu azaza afite ikuzo ashagawe n'abamarayika bose, azicara ku ntebe ya cyami afite ikuzo rimukwiriye. Abatuye amahanga yose yo ku isi bazakoranyirizwa imbere ye, maze abavangure nk'uko umushumba avangura intama akazitandukanya n'ihene.

Azashyira intama iburyo bwe, naho ihene zijye ibumoso.Noneho Umwami azabwira abari iburyo bwe ati 'Nimuze abo Data yahaye umugisha, mugabirwe ubwami yabateguriye kuva isi ikiremwa. Igihe nari nshonje mwaramfunguriye, ngize inyota mumpa icyo kunywa, nje ndi umushyitsi murancumbikira. Igihe nari mbuze icyo nambara muranyambika, ndwaye murandwaza, ndi imfungwa muza kunsura.'

11:00: Misa yo kumusabira iratangiye

10:55: Abayobozi bakuru barimo Minisitiri w'Ingabo Maj Gen Albert Murasira, Umujyanama wa Perezida mu by'umutekano, Gen James Kabarebe bitabiriye uyu muhango wo gusezera kuri Gen (Rtd) Marcel Gatsinzi.

Umuhango wo gusezera kuri Gen Gatsinzi wakozwe mu cyubahiro gikwiriye umusirikare mukuru, wafashije igihugu mu buryo butandukanye

Ubwo umubiri wa Gen Gatsinzi wagezwaga kuri Kiliziya ahabereye Misa yo kumusezeraho

Ni umunsi w’agahinda ku muryango wa Gen Gatsinzi

Abavandimwe, inshuti n’umuryango wa Gen Gatsinzi baje kumusezeraho bwa nyuma

Ubwo umubiri wa Gen (Rtd) Gatsinzi wagezwaga muri Kiliziya ya Regina Pacis

Amateka avunaguye ya Gen (Rtd) Marcel Gatsinzi

Gen Marcel Gatsinzi yaboneye izuba ku Muhima mu Karere ka Nyarugenge mu 1948. Amashuri abanza yayize mu Ishuri ribanza rya Saint Famille, akomereza ayisumbuye muri Saint André aho yize Ikilatini na Siyansi. Aha hari mbere yo kwinjira mu gisirikare afite imyaka 20.

Gatsinzi yamaze imyaka ibiri ahugurwa mu Ishuri rikuru rya Gisirikare 'Ecole Supérieure d'Officiers Militaires (ESM)', ahavana ipeti rya Lieutenant mu 1970.

Kubera ubuhanga bwe, yahawe akazi akajya ahugura abandi basirikare ndetse bituma nawe abona amahugurwa menshi yaherewe mu Bubiligi hagati ya 1971-1976 mu Ishuri ryigisha iby'Intambara 'Institut Royale Supérieure de Défense' aho yavanye ubumenyi bwo kuyobora ingabo.

Muri Jenoside yakorewe Abatutsi mu 1994, Gatsinzi yari afite ipeti rya Colonel ndetse yari Umuyobozi w'Aba-Ofisiye bato mu Ishuri rya Gisirikare 'ESO' (Ecole des Sous-Officiers) ryari muri Komini ya Ngoma, ubu ni mu Karere ka Huye.

Nyuma y'iraswa ry'indege ya Perezida Juvénal Habyarimana ku wa 6 Mata 1994, General Marcel Gatsinzi yahise agirwa Umugaba Mukuru w'Ingabo z'Igihugu kuko Gen Maj Augustin Nsabimana wari uwuriho yari yapfanye na Habyarimana.

Uyu mwanya yawumazeho iminsi 10 mbere yo kwirukanwa n'ubutegetsi bw'inzibacyuho bwariho, asimburwa na Col Augustin Bizimungu.

Ingabo za FPR Inkotanyi zafashe Kigali, Gatsinzi wari ufite ipeti rya Brigadier General ari mu Nkambi ya Kigeme, hamwe n'abandi basirikare. Aha yahavuye agana muri Repubulika Iharanira Demokarasi ya Congo anyuze i Rusizi.

Gatsinzi yabaye muri RDC mu gihe cy'ukwezi mbere yo gutaha, akinjira mu Ngabo za RPF. Akigeramo yahawe ipeti rya Colonel.

Inshingano za mbere yahawe muri RDF [ingabo za RPF zimaze guhuzwa n'izahoze muri FAR] zari izo kuba Umugaba wungirije w'Ingabo zirwanira ku Butaka, ndetse yayoboye Urwego rw'Igihugu rushinzwe Umutekano n'Iperereza, NISS. Iki gihe yari afite ipeti rya General Major.

Mu 2004 ni bwo Gatsinzi yagizwe General, aba umusirikare wa mbere wabonye iri peti.

Yabaye Minisitiri w'Ingabo guhera 2002 kugeza 2010. Nyuma y'imyaka irindwi n'amezi atandatu muri iyi minisiteri, yagizwe Minisitiri w'Impunzi n'Ibiza hagati ya 2010 na 2013.

Mu Ukwakira 2013 ni bwo Gen Gatsinzi Marcel yagiye mu kiruhuko cy'izabukuru. Icyo gihe yari kumwe n'abajenerali batanu.

Gen Gatsinzi Marcel wari uhagarariye abagiye mu zabukuru, yavuze ko nubwo basezerewe mu gisirikare bazakomeza gutanga imbaraga zabo mu kubaka umuryango Nyarwanda.

Amafoto: Ntare Julius, Ganza Kelly

Mu bihe bishize abagenzi bashaka kuva mu Mujyi wa Kigali berekeza mu ntara cyangwa abazivamo berekeza i Kigali, binubiraga ko imodoka zabuze ku buryo hari n'abarara muri gare bategereje ko mu gitondo babaheraho.

Mu Mujyi wa Kigali, ikibazo kigaragara iyo werekeje amaso mu bigo abagenzi bategeramo imodoka cyangwa ku byapa ahahora imirongo miremire bitewe n'uko zatinze kubageraho.

Ibi ariko bifite ikibyihishe inyuma nk'uko ishyirahamwe ry'ibigo bitwara abagenzi mu Mujyi no mu Ntara, ATPR ryabitangaje mu ibaruwa ryandikiye Minisitiri w'Intebe.

ATPR igizwe n'ibigo 27 bitwara abagenzi harimo 25 bikorera mu ntara n'ibindi bibiri (KBS na Royal Express) bikorera mu Mujyi wa Kigali. Ahagana mu mpera z'umwaka ushize byavugwaga ko ibi bigo bifite imodoka zigera ku 1350.

Muri iyo baruwa, ATPR ivuga ko ibigo biyigize byazonzwe n'ibibazo bitandukanye biturutse ku kudahabwa nkunganire yashyiriweho umugenzi hagamijwe koroshya igiciro cy'urugendo uhereye mu bihe bya Covid-19.

Iyo nkunganire ingana n'amafaranga y'u Rwanda icyenda ku kilometero kimwe mu gihe umugenzi yiyishyurira 21 Frw ku kilometero.

Ni icyemezo cyatangajwe n'Urwego Ngenzuramikorere, RURA ku wa 21 Ukwakira 2020, ko ibiciro bigabanyijwe kubera ingaruka z'icyorezo cya Covid-19 ahubwo leta yemera kunganira umugenzi yishyura ikinyuranyo ku bigo bitwara abagenzi.

ATPR yatangaje muri iyo baruwa ko mu gihe cyose gishize iyi nyunganizi ibi bigo bitigeze biyihabwa ku gihe ndetse ubu amezi arenga atanu akaba ashize bitayihabwa. Ni ukuvuga ko ari uguhera mu Ukwakira 2022 kugeza muri Gashyantare 2023.

Iki kibazo cyatumye bimwe mu bigo bitwara abagenzi biparika imodoka ndetse izirenga kimwe cya kabiri kuri ubu ntizikiri mu muhanda.

Iri tangazo rikomeza rigira riti 'Hashingiwe ko bamwe mu batwara abantu bari kugenda baparika imodoka zabo, ubu izirenga kimwe cya kabiri zimaze guhagarara kubera kubura ubushobozi, ibirarane by'imyenda bafite muri banki ndetse n'imyenda y'aho banywera mazutu n'ababaha ibyo gukora imodoka zapfuye (Spare parts) ikomeje kwiyongera.'

Ibi bigo kandi ngo biremerewe n'ibirarane by'imishahara ndetse imanza zifitanye n'abakozi babyo zikomeje kwiyongera kubera kutabahemba.

Ibi byose ngo ni yo ntandaro ya serivisi mbi ihabwa abagenzi kandi ngo hari impungenge ko mu gihe cyo gutwara abanyeshuri bizahura n'ikibazo kirenze icyo byahuye na cyo ubushize.

ATPR yabwiye Minisitiri w'Intebe ko abanyamuryango bayo bagerageje kwihangana ariko ko ubu ubushobozi burarangiye bakaba basaba guhabwa iyo nyunganizi. Bitabaye ibyo ngo hari ibigo bishobora gufunga kubera kubura ubushobozi bwo gukora umwuga wo gutwara abantu.

Aho abagenzi bategera imodoka mu Mujyi wa Kigali imirongo ihora ari miremire

Minecofin na yo yatuwe ibibazo nk'ibi

Ibikubiye mu ibaruwa ya ATPR bijya gusa n'ibyo ibigo bitwara abantu mu Mujyi wa Kigali byandikiye Minisitiri w'Imari n'Igenamigambi ku wa 10 Werurwe 2023 bitabaza kubera ibibazo bibyugarije.

Ibyo bigo ni Jali Transport Ltd, Kigali Bus Services Ltd na Royal Express Ltd.
Mu ibaruwa yabyo bivugwa ko umutwaro w'ikiguzi cy'urugendo wavanywe ku muturage wikorezwa ibigo bibatwara mu myaka ibiri ishize.

Na byo bivuga ko bitigeze byishyurwa nkunganire ku gihe ndetse ko byateje ibihombo by'ubwoko bwose birimo ibihano by'ubukererwe ku nguzanyo byafashe mu mabanki, serivisi mbi ku bagenzi, kunanirwa kongera imodoka zitwara abagenzi n'ibindi.

Ibi bibazo ni byo byasubije inyuma urwego rwo gutwara abagenzi mu Mujyi wa Kigali ku buryo kuruzahura bigoye nk'uko tubisoma muri iyo baruwa.

Ibi bigo na byo ngo bifitiwe umwenda w'amezi atandatu uhereye mu Ukwakira 2022 ukageza muri Werurwe 2023 ku buryo ibintu bizarushaho kuba bibi nihatagira igikorwa mu maguru mashya.

Twagerageje gushaka ubuyobozi bw'Uwego Ngenzuramikorere, RURA ariko ntibaragira icyo bavuga kuri ibi bibazo.

Perezida Kagame yatanze umurongo

Mu ntangiriro za Mutarama uyu mwaka, ubwo yarahizaga Perezida mushya wa Sena, Perezida Kagame yagarutse ku kibazo cyo gutwara abantu n'ibintu mu gihugu kimaze iminsi cyinubirwa n'abagenzi. Icyo gihe yasabye abayobozi babishinzwe kugishakira igisubizo.

Ati 'Numvise ko hari ikibazo cyo gutwara abantu. Ibyo ni ibyo numva hanze mu baturage mu babishinzwe ntawe urakingezaho. Muve aha mujya gukurikirana kugira ngo mumenye ikibazo uko giteye, mugishakire umuti gikemuke kive mu nzira.'

Umunyamabanga wa Leta muri Minisiteri y'Ibikorwa Remezo, Uwase Patricie, ubwo yari mu Nama y'Igihugu y'Umushyikirano mu mpera z'ukwezi gushize, yavuze ko ikibazo cyo gutwara abagenzi kimaze iminsi muri Kigali, cyafashe indi ntera kubera imodoka zagiye zisaza, kuzisimbuza bikagorana.

Icyo gihe yavuze ko mu gihe kitarenze amezi atatu, mu mihanda y'Umujyi wa Kigali hazongerwamo imodoka zitwara abagenzi zisaga 300 kandi ko hanateganywa byinshi mu gukemura ibibazo bigaragara mu ngendo zijyana abantu mu ntara.

Ibibazo mu rwego rwo gutwara abantu byageze no mu byerekezo byo mu Ntara

Ni ibyatangajwe na Minisitiri w'Ubutegetsi bw'Igihugu, Musabyimana Jean Claude, ubwo yari yitabye Komisiyo y'Ubumwe bw'Abanyarwanda, Uburenganzira bwa Muntu no Kurwanya Jenoside mu Nteko Ishinga Amategeko, Umutwe w'Abadepite.

Ni mu gitondo cyo kuri uyu wa Kane tariki 16 Werurwe 2023, aho Minisitiri Musabyimana yari arimo kuganira na komisiyo ku isesengura rya Raporo y'ibikorwa bya Komisiyo y'Igihugu y'Uburenganzira bwa Muntu by'umwaka wa 2021/2022 n'Iteganyabikorwa ry'umwaka wa 2022/2023.

Yari kumwe n'Umuyobozi Mukuru ushinzwe Ubutegetsi bw'Igihugu, ikurikiranabikorwa n'isuzuma muri iyo minisiteri, Mulindwa Prosper.

Ni ibiganiro kandi byari byitabiriwe n'Umuyobozi w'Ikigo cy'Igihugu gishinzwe igororamuco (NRS), Mufulukye Fred ndetse n'Umunyamabanga Nshingwabikorwa w'Inama y'Abantu bafite ubumuga mu Rwanda (NCPD), Ndayisaba Emmanuel.

Perezida wa Komisiyo, Nyirahirwa Veneranda yagaragaje ko mu isesengura bakoze hari aho basanze abantu bajyanwa muri ibi bigo kandi mu by'ukuri batagakwiye kuba babirimo.

Depite Nyirahirwa avuga ko ibindi bibazo babonye birimo ubucucike mu bigo binyurwamo by'igihe gito, kuba ibi bigo bya leta usanga bidacungwa neza ugereranyije n'iby'abikorera n'ibindi.

Ibindi bibazo bishingiye ku miterere y'ibi bigo aho usanga nta bikorwaremezo bifite, nta buryo bwo gufasha ababigororerwamo kubona amakuru ndetse no kwidagadura.

Komisiyo kandi yasanze ibigo binyurwamo by'igihe gito nta mpuguka mu bijyanye n'imitekerereza bifite ku buryo usanga uwagiyemo agiye kugororwa arinda ataha nta muganga cyangwa umufasha mu kumugira inama abonye.

Ikindi ni ikibazo cyatanzwe na Depite Nizeyimana Pio wagaragaje muri ibi bigo hagaragaramo abagore batwite ndetse n'abafite abana, bityo hakwiye gushyirwaho uburyo bwihariye bwo kubitaho.

Ku rundi ruhande ariko, avuga ko hakwiye no gushyirwaho uburyo bwihariye bwo kugenzura neza abo bagore kubera ko hari n'ababa bashobora gukora uburiganya bakabeshya ko batwite kugira ngo barekurwe.

Ati 'Hari abagore batwite byagaragaye ko bajya bagaragara muri kiriya kigo ariko ndagira ngo mbabwire ko hari n'abagore bashobora kwitwitisha kubera ayo mafuti cyangwa amanyanga, kugira ngo baborohereze bashobore kuba bataha.'

'Hari n'abagore batira abana, ukamucaho mu kwezi kwa mbere afite uruhinja, ukwa kabiri ugasanga afite uruhinja[…]batandukanya gute abagore bashobora kuba bakwitwaza abana kugira ngo batagororwa mu buryo bukwiriye.'

Minaloc yatangaje ko mu mikorere mishya y’ibigo ngororamuco binyuzwamo abantu mu buryo bw’igihe gito hateganyijwe no kuzajya harebwa niba umuntu ajyanwa mu bigo nka Iwawa cyangwa asubizwa mu muryango mbere yo kujyanwa

Bigenda bite ngo umuntu yoherezwe muri 'Transit Center' kandi atabikwiriye?

Ibigenderwaho mu kujyana abantu mu bigo bigororerwamo by'igihe gito [Transit Center] biteganywa n'iteka rya Minisitiri rigena inshingano n'imikorere y'ibigo ngororamuco binyuzwamo abantu by'igihe gito.

Ni iteka riteganya ko abajyanwa muri ibyo bigo ari abantu bafite imyitwarire ibangamiye abaturage, irimo uburaya, gukoresha ibiyobyabwenge, ubuzererezi, gusabiriza, ubucuruzi bwo mu muhanda n'indi myitwarire ibangamiye abaturage.

Minisitiri Musabyimana yavuze ko ibibazo by'abantu bagaragara muri za Transit Center kandi mu by'ukuri batagakwiriye kubamo bigaragara cyane mu baturiye imipaka, ugasanga baba baketsweho gukora ubucuruzi bwa magendu cyangwa ibiyobyabwenge birimo inzoga zitemewe, urumogi n'ibindi.

Ati 'Tugira imbogamizi zituma dusangamo abantu batagakwiye kubamo […[ abantu bakora ubucuruzi bwa magendu, kandi ugasanga uburyo busanzwe bwo guhana nta hantu buri. Hari aho dusanga ibintu bijyanye na byo ariko bifite aho bihuriye n'ibiyobyabwenge, abo bagafatwa bakajyanwa muri Transit Center.'

Yakomeje agira ati 'Akenshi bajya babikora nk'ingamba zo kugira ngo abantu bafite imyitwarire mibi bafatwe kuko akenshi biba bizwi ko kubihindura ibyaha bigoye.'

Minisitiri Musabyimana avuga ko inzego zibishinzwe hari igihe usanga zifata umwanzuro wo kujyana uwo muntu mu kigo ngororamuco kinyuzwamo abantu by'igihe gito kugira ngo abanzwe yigishwe, harebwe uko yahinduka.

Ati 'Iyo bikozwe hari igihe bitanga umusaruro kuko hari umuntu umwe ufatwa, ugasanga ibyakorwaga birahagaze. Dushyiraho n'ingamba zo kugira ngo muri Transit Center hadakomeza kuzamo abantu benshi, aha twubahiriza ibisabwa kugira ngo umuntu ajyanwe muri Transit Center.'

Avuga ko hari urwego rwashyizweho rushinzwe ubugenzuzi ku buryo nka Minaloc ibona raporo zihoraho z'abantu bari muri ibyo bigo ndetse n'impamvu zatumye babijyamo.

'Transit Center igiye guhindurirwa izina

Ubwo izina rizaba ryahindutse, iki kigo ntabwo kizongera kwitwa 'Ikigo Ngororamuco kinyuzwamo abantu by'igihe gito [Transit Center] ahubwo kizajya cyitwa Ikigo Ngororamuco cy'Ibanze [Basic Rehabilitation Center].

Minisitiri Musabyimana yavuze ko guhindura izina bizajyana no kuvugurura imikorere no kongera ubushobozi bw'ibi bigo cyane cyane ku bijyanye no kuba umuntu azajya agororwa byagaragara ko yagororotse akarekurwa.

Ati ''Harimo n'abantu udashobora gupfa kurekura ngo bagende, bikaba ngombwa ko bahaguma igihe kinini. Abantu bafite ibibazo byoroshye bakazajya bagarukira aho ngaho, abafite ibibazo bikomeye bakajya za Gitagata, Iwawa, Nyamagabe n'ahandi.''

Minaloc igaragaza ko ibigo biriho uyu munsi byagiyeho ari byinshi ku buryo nta buryo bwihariye bwabayeho bwo gukora iyo nyigo y'imikorere yabyo, inshingano zabyo ndetse n'ubushobozi bwo gushyira mu bikorwa izo nshingano.

Minsitiri Musabyimana yavuze ko hari nk'abantu benshi usanga bari muri za gereza b'urubyiruko ariko mu by'ukuri rwagakwiriye kuba ruri mu bigo ngororamuco.

Ati ''Umwana wanjye wigishijwe kunywa urumogi, akarunywa kenshi uwo ntabwo yagakwiye gufatwa nk'urucuruza, abo bakagombye kugororwa kurusha uko bajyanwa muri za gereza. Birasaba ko zivugururwa uko zikora, zigahabwa ubushobozi kugira ngo zijye zibasha kudufasha gukemura ibibazo. Dufite ubushake bwo kubikora nka leta.'

Minisitiri Musabyimana yavuze ko ibijyanye no gihindura izina ry'ibi bigo bizakorwa mu gihe gito. Ati 'umushinga twatangiye kuwutegura, tuzashyikiriza guverinoma kugira ngo ibyemeze.Ikindi ni ingengo y'imari.Turateganya ko mu mezi abiri cyangwa atatu, iryo tegeko rizaba ryaremejwe.'

Biteganyijwe ko nta gihindutse mu mwaka utaha w'ingengo y'imari [2023/24] iri tegeko rishya rizaba rihindura izina ry'ibi bigo ngororamuco binyuzwamo abantu by'igihe gito rizaba ryamaze kwemezwa.

Ikaze Bazaar ni imurika riteganyijwe ku wa 26 Werurwe 2023 kuri Rwandex ahitwa Mundi Center.

Rizahuriramo ba rwiyemezamirimo b'abanyabugeni n'abanyabukorikori basaga 15 bazamurika ibihangano byabo n'ibindi bicuruzwa by'ubugeni. 

Iyi ambasade iherutse gutegura ibirori byari byatumiwemo imiryango itandukanye irimo iyegamiye kuri leta n'iyikorera irimo iharanira abafite ubumuga. 

Muri uyu muhango, Ambasaderi w'u Bwongereza mu Rwanda, Omar Daair, yavuze ko iki gikorwa nacyo kigamije guteza imbere uburenganzira bw'amatsinda atandukanye y'abanyarwanda agaragara nk'ay'asigajwe inyuma n'amateka.

Muri iri murikagurisha ryahawe izina Ikaze Bazaar, hitezwemo ibihangano byakozwe n'amatsinda y'abahanga mu myambarire, imitako, ubugeni ndetse na serivisi zitandukanye. 

Hazaba harimo abagurisha nka Inkanda House, Talking Through Arts, Wase, Deaf Art Gallery, Tubiteho, Icyeza n'abari muri Rwanda Union of the Blind.

Iki gikorwa kandi kizarangwa n'imyidagaduro, ibihangano nk'imivugo ndetse no gusangira no gusabana kubitabiriye. 

Abazagana iyi Ikaze Bazaar bashishikarijwe guhaha mu rwego rwo guteza imbere ibyiza bikorwa n'amatsinda atandukanye y'abafite ubumuga, abagore n'urubyiruko.  

Abana nabo ntibahejwe kuko bahishiwe byinshi birimo nk'ibizwi nka face painting. 

Ubugeni n'ubukorikori ni ibikorwa bisigaye byitabirwa na benshi mu rubyiruko rw'u Rwanda rwamaze kubona ko nabwo bwavamo isoko yo kwinjiza agatubutse. By'umwihariko ku bafite ubumuga, ni umwanya wo kugaragaza ko nabo bashoboye.