Category: Uncategorized

Ikigo cy'Igihugu gishinzwe Ubuzima (RBC) kivuga ko indwara y'igituntu ishobora kwibasira ibice bitandukanye by'umubiri harimo uruhu n'ubwonko, kigasaba abafite ibimenyetso kwihutira kujya kwisuzumisha.

Umukozi mu Ishami rya RBC rishinzwe kurwanya igituntu, Dr Byiringiro Rusisiro, yibukije ko mu bimenyetso by'ibanze by'uko umuntu ashobora kuba arwaye igituntu harimo inkorora n'umuriro birengeje ibyumweru bibiri, kubira ibyuya cyane cyane nijoro, kubura ubushake bwo kurya, no gutakaza ibiro.

Dr Byiringiro aganira n'igitangazamakuru cya leta yavuze  ko igituntu gihera mu bihaha ariko ko uko umuntu atinda kwivuza kigenda gifata n'ibindi bice by'umubiri nko kuba cyagaragara nk'ibisebe ku mubiri cyangwa kigafata no mu bwonko.

Dr Byiringiro agira ati 'Udukoko dutera igituntu tubanziriza mu bihaha, ariko tukaba twavayo binyuze mu maraso n'izindi ngingo zikaba zafatwa, aha twavuga amagufa(igituntu cyo mu magufa), mu nda, mu bwonko, hakaba n'abagira igituntu cyo ku ruhu.'

Yakomeje agira ati 'Hari abagira ibisebe, hari uwo batubwiye kuri CHUK wari umwana, yari afite igisebe mu gatuza kirengeje amezi hafi umunani bakivuza imiti yose kidakira, bafashe ibipimo bibereka ko harimo mikorobe y'igituntu bamutangiza imiti yacyo, cya gisebe cyahise gikira.'

Mu bantu bafite ibyago byo kwandura igituntu muri iki gihe harimo ababana n'abakirwaye, ab'ubudahangarwa buke bw'umubiri nk'abafite Virusi itera SIDA ndetse n'abakora imirimo isaba imbaraga nyinshi kandi bakorera ahantu hatinjira umwuka uhagije.

Dr Byiringiro avuga ko ku itariki ya 24 y'uku kwezi kwa Werurwe 2024, ubwo Isi izaba yizihiza umunsi mpuzamahanga wo kurwanya igituntu, RBC izajya gupima abakora mu birombe by'amabuye y'agaciro barenga 2,000 i Masoro mu Karere ka Rulindo.

Dr Byiringiro avuga ko kugeza ubu kwa muganga hose kwisuzumisha igituntu ndetse n'imiti yacyo bitangirwa ubuntu.

RBC ivuga ko kugeza ubu abarenga 5,600 mu Gihugu barwaye igituntu, bakaba bari ku miti kandi ngo umuntu wayifashe neza arakira.

Dr Byiringiro avuga ko ikigero cyo kwandura igituntu muri iki gihe mu Rwanda ari abantu 56/100,000, kikaba ari cyo kiri hasi ugereranyije n'ibihugu bituranye n'u Rwanda.

Yvette Umutesi

The post <strong>Igitutu imwe mu ndwara ishobora no kugera ku bwonko</strong> appeared first on FLASH RADIO&TV.

Source : https://flash.rw/2023/03/16/igitutu-imwe-mu-ndwara-ishobora-no-kugera-ku-bwonko/?utm_source=rss&utm_medium=rss&utm_campaign=igitutu-imwe-mu-ndwara-ishobora-no-kugera-ku-bwonko

Abadepite mu Nteko ishinga Amategeko y'u Rwanda, bagaragaje ko ibigo byakira inzererezi bizwi nka 'Transit Centers' bifite imikorere mibi rimwe na rimwe inahesha isura mbi Igihugu.

Ubwo bagezaga kuri Minisiteri y'Ubutegetsi bw'Igihugu, ibibazo babonye mu isesengura rya Raporo y'Ibikorwa bya  Komisiyo y'Igihugu y'Uburengenzira bwa Muntu by'umwaka wa 2021/2022, Abadepite bagize  Komisiyo y'ubumwe bw'Abanyarwanda, Uburenganzira bwa muntu no kurwanya Jenoside, bagaragaje ko ibigo byakira inzererezi bwizi nka 'Transi Centers 'bifite imikorere mibi rimwe na rimwe inahesha isura mbi igihugu.

Iyi mikorere mibi ishingiye kukuba hari abasangwa muri ibi bigo badakwiye kuba barimo, nk'aho basanze hari n'abashinjwa kunyereza imisoro babijyanywemo,  ikindi ngo hamwe na hamwe muri ibi bigo  nta buryo buhamye bwo kwita ku mibireho y'ababirimo n'ibindi.

Umudepite umwe Ati 'Ba nyakubahwa iyi ni komisiyo y'igihugu y'uburenganzira bwa muntu irebana n'ibigendanye no guteza imbere uburenganzira bwa muntu ndetse no kububungabunga. Iyo isohoye muri raporo yayo ko abantu bajya mu bigo binyurwamo by'igihe gito, haba harimo abantu banyereje imisoro ukareba na politike igihugu cyacu kirimo, bishobora gutanga isura mbi.Umuntu wanyereje imisoro ubundi hari icyo itegeko rimusaba.'

Undi yungamo ati 'Abavuye muri biriya bigo binini bagira uburyo bakurikiranwa,umuntu uvuye iwawa arigishwa imyuga akagira n'ukuntu akurikiranwa, ariko abavuye muri izi 'transit centers' hari ubwo rimwe na rimwe badakurikiranwa. Hari ikintu kibabaje giherutse kuba ejo bundi twanavuga ko cyagize n'ingaruka ku mutekano, abantu bashinzwe irondo, hari uherutse kwicwa, yicwa n'umwe mu bantu bavuye muri biriya bigo.'

Minisiteri y'Ubutegetsi bw'Igihugu, yagaragaje gusa n'iyemera ko hari ibibazo bigaraga mu mikorere ya 'Transit Centers', nubwo muri rusange ngo ugereranyije n'imyaka yashize, ubu hari intambwe yatewe mukikorere yazo.

 Minisitiri w'ubutegetsi bw'igihugu Musabyimana Jean Claude, yabwiye intumwa za rubanda ko ubu hafashwe ingamba yo gushyiraho komite yihariye ishinzwe kugenzura imibereho ya buri munsi  y'abari muri 'Transit centers'.

Ni Komite izaba igizwe abantu banwe barimo uhagarariye RIB, Polisi, ushinzwe Gender n'abana ndetse n'umuyobozi wa Transit Centers.

Aba ngo ni nabo bazajya basuzuma umunsi ku munsi niba ntawe uri mu kigo runaka atabikwiriye.

Ati 'Umuntu ufata umuntu akamushyira muri 'transit center' kubera ko batonganiye mu mudugudu ntabwo ari umwanzuro wa polisi. Uko abapolisi bafata abajya muri ibyo bigo birazwi, abayobozi ba RIB bajya mu iperereza uko bikorwa birazwi, rero nta nyungu bafite y'indi yo gukora ibihabanye n'amabwiriza ariho kandi uko bikorwa turabizi. Ahubwo cyeretse tubihaye abayobozi b'imidugudu n'utugari wenda ho byaba ari ikibazo, kuko akenshi nibo bazana abo bantu.'

Minisiteri y'Ubutegetsi bw'Igihugu yasobanuye ko nta mwana ugejeje igihe cyo kwiga uzongera gutinzwa mu bigo by'inzererezi, ahubwo bazajya bagororwa basubizwa mu ishuri.

Muri ibyo bigo kandi ngo ubu hagiye gushyirwamo abahanga mu mitekerereze n'imyitwarire bya muntu.

 Gusa Minaloc yagaragje ko ibikorwa by'igororamuco bikwiye kongererwa ingengo y'imari, ariko intumwa za rubanda zivuga ko ahubwo ingengo y'imari ikwiye kongerwa mu bikorwa bikumira ibituma abantu bajyanwa mu bigo by'igorororamuco.

Daniel Hakizimana 

The post <strong>Uko abantu bajyanwa muri 'Transit Centers' bigiye gusubirwamo</strong> appeared first on FLASH RADIO&TV.

Source : https://flash.rw/2023/03/16/uko-abantu-bajyanwa-muri-transit-centers-bigiye-gusubirwamo/?utm_source=rss&utm_medium=rss&utm_campaign=uko-abantu-bajyanwa-muri-transit-centers-bigiye-gusubirwamo

Umuryango mpuzamahanga wita ku mpunzi HCR watangaje ko umaze kugira umubare munini w'impunzi kubera imirwano ikomeje gushyamiranya ingabo z'igihugu FARDC n'inyeshyamba za M23

Intara ya ituri yonyine irabarura miriyoni imwe n'ibihumbi maganatandatu by'impunzi(1 600 000) nk'uko byatangajwe na Comiseri mukuru wa agashami gashinzwe impunzi ku isi muri L'ONU.

Umuyobozi umwungirije ushinzwe kurinda impunzi, Pierre Atchom, yavuze ko hakenewe ingamba zihamye ngo ikibazo cy'impunzi kibonerwe umuti.

Uyu yatangaje ibi nyuma yo gusura impunzi zaturutse Bunia mu gace kayo ka Rho,muri teritwari ya Djugu.yemeje ko bugarijwe n'inzara kubera inkunga y'ibiribwa yagabanutse.

Impunzi mu burasirazuba bwa Congo zikomeje gutaka inzara ,ari nako akaga kintambara hagati y'igisirikare cy'igihugu na M23 ibugarije kandi isa nitazarangira vuba.

Ku bimeze , ni ko HCR iheraho itabaza imiryango mpuzamahanga n'abafite umutima wo gufasha kwerekeza amaso ku mbaga y'abaturage bugarijwe n'ibyago by'intambara muri icyo gice.

Uruzinduko rw'impuguke za l'ONU rwaburiye amahanga kwitegura no kwitwararika akaga k'inzara kazagwira intara ya Ituri nayo yugarijwe n'intambara.

Source : https://umuryango.rw/amakuru/mu-mahanga/umutekano/article/rdc-abaturage-basaga-1-600-000-bakuwe-mu-byabo-n-imirwano-muri-ituri

Iburanisha mu rubanza rwa Félicien Kabuga uregwa ibyaha bya jenoside yakorewe Abatutsi mu Rwanda mu 1994 ryakomeje kuri uyu wa kane, umwe mu bagize itsinda ry'inzobere zakoze raporo ku buzima bwe — ko butamwemerera “kwitabira urubanza rwe mu buryo bwa nyabwo” — abazwa n'uruhande rw'ubushinjacyaha n'ubwunganizi.

Itsinda ry'abashinjacyaha ryari rikurikiye mu buryo bw'amashusho riri i Arusha muri Tanzania, mu gihe ubwunganizi bwa Kabuga bwari mu rugereko rw'i La Haye mu Buholandi, rwasigaye ruca imanza zasizwe n'urwari urukiko mpuzamahanga mpanabyaha rw'Arusha rwari rwarashyiriweho u Rwanda.

Kabuga, wari ukurikiye iri bazwa ari kuri gereza y'urukiko, nta kanya yahawe ko kuvuga ku buhamya bw'iyi nzobere. Mu gihe cyashize, Kabuga yahakanye ibyaha bya jenoside aregwa.

Iburanisha ryashyizwe mu muhezo nibura inshuro imwe, ubwo iyi nzobere yari itangiye kuvuga ku makuru y'umwihariko ajyanye n'ubuzima bwa Kabuga, arimo nko kuba arwaye diyabete yo mu bwoko bwa kabiri.

Profeseri Henry Kennedy, inzobere ku buzima bwo mu mutwe wo kuri Kaminuza ya Trinity College Dublin muri Ireland, uri muri batatu bakoze iyo raporo, yatangiye abazwa n'umushinjacyaha Rupert Elderkin.

yakurikiye iburanisha ari kuri gereza y'urukiko

Mu iburanisha ryo ku itariki ya 8 y'uku kwezi kwa gatatu — mbere yuko gutanga ibimenyetso by'ubushinjacyaha biba bihagaritswe — raporo y'inzobere yavuzweho mu rukiko ko irimo uko ubuzima bwa Kabuga bumeze “budatuma ashobora kwitabira urubanza rwe mu buryo bwa nyabwo”.

Icyo gihe, ibyavuzwe muri iyo raporo harimo ko “ubuzima bwo ku mubiri no mu mutwe” bwe “bwagabanutse” kandi ko afite ikibazo gikomeye cyo kwibagirwa (“clinical dementia”).

Umushinjacyaha Elderkin yabajije Profeseri Kennedy niba abona ko gukomeza urubanza byagira ingaruka kuri Kabuga, nuko asubiza asubiramo ibyo mu kiganiro bagiranye mu kumusuzuma, aho ngo yamubajije ati:

“Urashaka ko urubanza rukomeza?” Kabuga ngo arasubiza ati: “Oya, ndarwaye cyane. Sinakwifuza ko urubanza rwanjye rukomeza”.

Profeseri Kennedy yanabajijwe igihe we na bagenzi be bamaranye na Kabuga mu isuzumwa rye riheruka, avuga ko atacyanditse ariko ko bahereye mu gitondo bakageza mu gice cya nyuma ya saa sita.

Yanavuze ko Kabuga afite ikibazo cyo kugira urujijo no kudasobanukirwa aho aherereye, cyavuzwe mu rukiko nka “delirium”.

Umushinjacyaha Elderkin yabajije Profeseri Kennedy niba icyo kibazo umuntu ashobora kukigira icyarimwe no kwibagirwa cyane (dementia), asubiza “yego”.

Yanavuze ko ibyo bigabanya ubushobozi bwo mu bitekerezo, ko umuntu ashobora kumva igisobanura cy'amagambo ariko ntiyumve icyo ashatse kuvuga kindi (cyangwa “implication”).

Mu izina ry'itsinda ryunganira Kabuga, Maître Dov Jacobs niwe wabajije Profeseri Kennedy. Amubaza niba ubu yakwemeza ko Kabuga afite uburwayi bwo kwibagirwa cyane, asubiza ko ubu bishoboka kuvuga ko afite ubwo burwayi.

Yamubajije niba bishoboka ko umuntu yabyigira ko afite ubwo burwayi kandi akabikora mu gihe kirekire kandi ku bantu benshi.

Profeseri Kennedy amusubiza ko adasobanukiwe n'icyo yashatse kuvuga ku gihe kirekire, ariko ko bishoboka ko umuntu yabeshywa kandi ko ibyo abizi, ariko ko ubu ashingiye ku bimenyetso aho gushingira ku marangamutima, indwara yo kwibagirwa cyane ashobora kuvuga ko Kabuga ari yo arwaye.

Yanavuze ko ubwoko bwa “vascular dementia” Kabuga arwaye budashobora gukira.

Umucamanza Iain Bonomy ukuriye iburanisha yahise abaza Profeseri Kennedy niba ari byo ko kwibagirwa cyane bitavuze ko umuntu adashobora kuburanishwa, asubiza “yego”, ko ashobora kuburanishwa.

Maître Jacobs yanabajije ku byo avuga ko ubushinjacyaha bwatanzeho igitekerezo, ko Kabuga yajya abazwa mu buryo butaziguye, hatabayeho undi muntu hagati. Profeseri Kennedy yasubije ko ibyo Kabuga yasubiza ubu “byakwizerwa gacyeya ugereranyije na mbere”.

Bonomy yavuze ko kuba Kabuga “adashobora kwitabira urubanza rwe mu buryo bwa nyabwo”, nkuko biri muri iyo raporo y'inzobere, ari urukiko rwo kubifataho icyemezo. Profeseri Kennedy yemeranyijwe nawe kuri iyo ngingo.

Maître Dov Jacobs yanamubajije niba byashoboka ko Kabuga yaburanishwa mu bundi buryo nk'ubwo mu nyandiko, amubaza ko uko ibyo byashoboka, mu gihe ibyo bisaba kubanza gusobanukirwa icyo ibimenyetso bishatse kuvuga kindi byaba birenze ubushobozi bwe.

Profeseri Kennedy yasubije ko icyo yavuga ari uko mu gihe cy'umwaka ushize ubushobozi bwa Kabuga “bwacitse intege cyane”, ariko ko umucamanza ari we wo gufata icyemezo ku cyakorwa kuri uru rubanza.

Umucamanza Bonomy yavuze ko iburanisha rikomeza ku munsi w'ejo ku wa gatanu, Profeseri Kennedy akomeza kubazwa n'ubwunganizi bwa Kabuga, no gusubiza ibindi bibazo by'inteko y'abacamanza.

BBC

Source : https://umuryango.rw/amakuru/mu-mahanga/ubutabera/article/kabuga-ngo-ntiyifuza-ko-urubanza-rwe-rukomeza-kubera-uburwayi

1. Yumva mwahorana:

Nkuko hagati y'abantu bakundana bigenda,umukobwa ugukunda kandi ukwiyumvamo aba yumva iteka mwahorana, muganira.

2. Kukwereka inshuti ze

Iki nacyo ni ikimenyetso kigaragaza umukobwa ugufitiye amarangamutima. Nubwo utaramubwira ko umukunda, akunda kukwereka inshuti ze. Uzatungurwa no gusanga hari abakuzi kandi wowe ari ubwambere muhuye, uzi impamvu? Ni uko ahora abakubwira ndetse abakuratira.

3. Iyo mugirana ikiganiro aba ahari wese

Niba umukobwa akunda guha agaciro ibiganiro mugirana ndetse ukabona bimushishikaje, nacyo twagishyira mu bimenyetso ko wamutwaye uruhu n'uruhande.

4. Aho ari hose yumva mwaba muri kumwe

Ibi bituma ahora gusaba ko mwajyana mu birori runaka, iminsi mikuru, amakwe yatumiwemo n'ahandi hanyuranye. Impamvu ibimutera ni ukugira ngo mube inshuti zihariye kurushaho, umubano wanyu ube wavamo urukundo rufatika.

5. Iyo wisanzuye ku bandi bakobwa ntabyishimira

Kuba hari abandi bakobwa mwagirana ibihe byiza bituma abura amahoro ndetse ukabona ko bimubanganamiye. Nubwo utigeze umubwira ko umukunda ariko we agufata nk'umukunzi we nubwo ntabyo yakubwiye. Kukubonana n'abandi bias nkaho wamurutishije abandi

6. Indoro

Umukobwa ugukunda kandi ukwiyumvamo akureba indoro ya gira icyo umbwira. Uretse ko ijisho rikurebye nabi n'irikureba neza utabura kubitandukanya.

7. Ibiganiro by'urukundo

Kenshi iyo muganira akora uko ashoboye ngo muganire ibiganiro by'urukundo. Niba akunda kukubaza niba ufite inshuti y'umukobwa, ntakabuza ni uko ashaka ko ugira icyo wibwira.

Uzumva akenshi akunda no kukubaza uko umukobwa ukunda cyangwa wakunda yaba ateye n'imico igomba kumuranga. Ibi bimufasha kumva niba hari ingeso udakunda yaba afite yamubuza kukugiraho umukunzi.

8. Umunsi w'amavuko

Umukobwa ukwiyumvamo aba azi byinshi bikwerekeyeho kugeza ku munsi wavukiyeho cyangwa indi minsi ifite icyo ivuze mu buzima bwawe. Niba umunsi w'izihizaho italiki wavukiyeho ubonayashyashyanye , akanagutegurira impano kandi ihuje n'ibyo ukunda , ntakabuza aragukunda.

9. Ni umufana wawe ukomeye

Ibintu byose ukora arabyishimira kandi akabikwereka. Akora uko ashoboye ngo akwereke ko atandukanye n'abandi.

10. Gukora ibikorwa bikureshya

Mu gushaka ko umureba, umukobwa agerageza gukora uko ashoboye ngo umwiteho , umurebe. Ibi bigendana no kwambara imyambaro ikureshya, ijwi rituje, inseko nziza,..

Source : https://umuryango.rw/imyidagaduro/article/dore-ibimenyetso-bizakwereka-umukobwa-wagukunze-akabura-aho-ahera-abikubwira

Myugariro wa Manchester United witwa Diogo Dalot yateye ivi asaba umukunzi we Claudia Lopes ko yamubera umugore undi arabyemera.

Uyu myugariro wa United yinjije uyu mukunzi we mu cyumba cyuzuye indabo za roza ahita atera ivi amusaba ko yazamubera umugore, undi arabyemera.

Inyuma y'izo ndabo hari handitse ijambo 'Marry Me?' hejuru hari n'ibipurizo by'umutuku n'indabo z'umutuku.

Dalot yateye ivi avuye muri konseri ya Chris Brown kuri AO Arena i Manchester hamwe n'uyu mukunzi we Claudia.

Aba bombi bahise basangira n'abakinnyi bagenzi ba Dalot muri United n'abakunzi babo.

Bagenzi be bakoresha ikinya Portugali barimo Fred na Antony na Lisandro Martinez bari bitabiriye iki kirori.

Dalot abinyujije kuri Instagram yanditse ati: ” kuwa 02.03.2023 Yego y'ubuzima bwacu bwose busigaye.”

Abandi bakinnyi ba United barimo David De Gea, Anthony Martial na Tom Heaton bamwifurije amahirwe.

Source : https://umuryango.rw/ubuzima-115/imibereho/article/myugariro-wa-manchester-united-yateye-ivi-umukunzi-we-yemera-ko-bazabana

Kuri uyu wa kane, tariki ya 16 Werurwe, Perezida Paul Kagame, yahamagariye abayobozi b'isi kwirinda politiki mbi muri siporo.

Perezida Kagame yagejeje ijambo ku ntumwa zigera ku 2000 zirimo abayobozi bakuru b'umupira w'amaguru bo mu mpuzamashyirahamwe y'umupira w'amaguru ku isi (FIFA) yabereye i Kigali muri Kongere ya 73 ya FIFA.

Kongere ya FIFA, urwego rukuru rushinzwe amategeko muri FIFA,yahurije hamwe abayobozi bakuru ba FIFA, abahagarariye impuzamashyirahamwe zitandukanye ku migabane, n'abanyamuryango 211 ba FIFA n'abandi bafatanyabikorwa mu mupira w'amaguru.

Perezida Kagame yavuze ko uruhare rwa siporo mu mibereho y'abantu, cyane cyane umupira w'amaguru, rugenda rwiyongera cyane kandi rukomeye, bigendanye n'uko n'ubundi buryo bwo guteza imbere ubufatanye bw'isi bugenda bworoha.

Imbere y'imbaga y'abantu muri BK Arena,Perezida Kagame yagize ati: “Icyo isi ikeneye ni ukubona umwuka mwiza nk'uwa siporo muri politiki yacu, aho kuzana amacakubiri ya politiki muri siporo.”

Yongeyeho ko ibyo ariyo mpamvu Qatar yishimiye kwakira amarushanwa y'igikombe cy'isi umwaka ushize kandi n'u Rwanda rukishimira kwakira iyi nama ya FIFA.

Perezida Kagame yashimangiye ati: “Tugomba kwirinda politiki mbi muri siporo, nk'uko twabibonye umwaka ushize,kunenga kuzuye uburyarya mu gikombe cy'isi.”

Perezida Kagame yavuze ko aho kubaza impamvu igikombe cy'isi cyabereye muri Qatar, igikwiye ari ukubanza kubaza impamvu bidakwiriye ko icyakira.

Yongeyeho ati: 'Keretse niba tuvuze ko hari uburenganzira bumwe na bumwe bamwe muri twe bakwiriye kwishimira bonyine.

Ati: 'Ahubwo bijyanye no gukomeza gushyira abantu bamwe mu mwanya wabo, ariko imyifatire nk'iyo yari ikwiye kuba yarasigaye inyuma cyane mu mateka kugeza ubu.'

Perezida Kagame yavuze ko muri siporo hakenewe ko buri wese yibonamo ndetse hakabaho kubaha buri wese.

Yavuze ko “Politiki muri siporo igaragaza ibibazo abantu muri rusange bahura nabyo” mu buzima bwa buri munsi.

Aha yatanze urugero ko “Iyo abafana bateye imineke abakinnyi b'umupira w'amaguru bo muri Afrika cyangwa bagasebya umusifuzi w'umugore,biba biterwa n'imitekerereze mibi sosiyete abo bantu baturukamo ibagaburira.

Ati “Tugomba rero gukorera hamwe, kugira ngo umukino wisangemo buri wese, kandi wubahwe na buri wese. '

Perezida Kagame yashimiye FIFA kuba yarahisemo u Rwanda ngo rwakire iyi nama.Avuga ko bari guhitamo kujya ahandi anashimira Qatar kuba yarakiriye neza igikombe cy'isi cya 2023 na Argentina yacyegukanye.

Source : https://umuryango.rw/imyidagaduro/imikino/article/mujyane-politike-mbi-kure-ya-siporo-perezida-kagame-abwira-abo-mu-nama-ya-fifa

Gianni Infantino wari usanzwe ari umuyobozi w’ishyirahamwe ry’umupira w’amaguru ku Isi, FIFA, yari umukandida rukumbi, ari byo byari byitezweko ahangana n’amajwi y’abifata ubundi yabaganza akegukana uyu mwanya.

Gianni Infantino w’imyaka 52, ni ku nshuro ya gatatu atorewe kuyobora FIFA. Yafashe uyu mwanya mu 2016, mu 2019 yongera gutorerwa kuyobora iri shyirahamwe, none no kuri uyu wa Kane atsinze amatora ntawe bahanganye.

Gianni Infantino ufite ubwenegihugu bw’u Butariyani n’u Busuwisi, ni umuperezida wa cyenda uri kuyobora FIFA, akaba yaragiye kuri uyu mwanya asimbuye Issa Hayatou wari umusigire nyuma yo Sepp Blatter wari usanzwe ayobora FIFA yari yegujwe.

Arsene Wenger watoje ikipe ya Arsenal, ari kumwe na Minisitiri wa Siporo Aurore Mimosa Munyangaju, bari mu bashyitsi bakuru muri iyi nama.

Perezida wa FIFA Gianni Infantino, yatangaje ko muri manda ye nshya amaze gutorerwa, agiye gushyiraho uburyo bwa VAR (Uburyo bw’amashusho bwunganira abasifuzi mu gufata ibyemezo) ku bihugu bifite ubushobozi buke hifashishijwe camera nkeya.

Inama ya 73 ya FIFA yateraniye i Kigali kuri uyu wa Kane, yaririmo ingingo nyamukuru y’amatora y’umuyobozi ugomba kongera kuyobora FIFA muri manda y’imyaka 4 iri imbere.

Inama ya FIFA yabareye muri BK Arena akaba ariyo nama ya mbere ibereye muri Afurika irimo amatora ya Perezida wa FIFA.

Source : https://inyarwanda.com/inkuru/127121/gianni-infantino-yongeye-gutorerwa-kuyobora-fifa-127121.html

Umunyarwenya Mazimpaka Japhet yasazwe n’ibyishimo nyuma yo gutaramira muri Nigeria mu mujyi wa Logos.

Uyu musore umenyerewe mu itsinda Bigomba Guhinduka ahuriyemo na 5K Etienne, bwa mbere yakoreye igitaramo cye hanze y’u Rwanda.

Ni igitaramo cyaraye kibaye ku wa Gatatu tariki ya 15 Werurwe 2023 ari na wo munsi uyu munyarwenya yagereye muri Nigeria.

Nyuma yo gutaramira muri Nigeria, Japhet yagize ati “Nashimishijwe cyane no kuyobora iki gitaramo, ariko inkuru y’ukuntu narebye ibice bitandukanye bya Kigali ndi mu ndege ni indi nkuru y’umwihariko ubutaha.”

Uyu musore muri iki gitaramo cya 'JJC (Jokes, Jabs & Chill)’ yahuriyemo n’abandi banyarwenya nka Deeone na Phronesis.

Mazimpaka Japhet ategerejwe mu kindi gitaramo kizaba ku wa 19 Werurwe 2023 cyateguwe n’umunyarwenya Basketmouth.

Igitaramo Japhet yataramiye abanya-Nigeria

Japhet yataramiye muri Nigeria

Source : http://isimbi.rw/siporo/article/umunyarwenya-japhet-yasazwe-n-ibyishimo-nyuma-yo-gutaramira-hanze-y-u-rwanda

Umuyobozi w’Impuzamashyirahamwe y’Umupira w’Amaguru ku Isi (FIFA), Gianni Infantino yavuze ko itike y’umukino wa nyuma wa CHAN 2016 yabereye mu Rwanda yaguriwe na Perezida Kagame ari yo yamugaruriye icyizere mu gihe yari yatangiye gucibwa intege ko atazatorerwa kuyobora FIFA.

Yabigarutseho muri Kongere ya FIFA ya 73 yateraniye i Kigali uyu munsi ku wa Kane tariki ya 16 Werurwe 2023 aho yongeye kugirirwa icyizere cyo kongera kuyobora FIFA kugeza 2027.

Infantino yabigarutseho ashaka kugaragaza igihango afitanye n’u Rwanda kubera ko ubwo yatangiraga kwiyamamaza kuzayobora FIFA, yahereye mu Rwanda.

Ati “ubwo narimo niyamamariza kuyobora FIFA, u Rwanda rwakiriye CHAN. Naje inshuro ebyiri mu Rwanda nifitiye icyizere, inshuro ya mbere byari ugutangiza iyi mikino aho nahuye n’abantu bahagarariye amashyirahamwe, nagarutse ku mukino wa nyuma.'

Yavuze ko ku nshuro ya mbere aza yari afite ibyiringiro ariko ku nshuro ya kabiri byatumye yiheba ku buryo yari agiye no kubivamo.

Ati “Inshuro ya mbere nza nari mfite imbaraga n’ibyiringiro. Inshuro ya kabiri nza barambwiye no urabizi, turagukunda ariko ntabwo tuzagushyigikira mu matora, byaranjagaraje ndetse nshaka no kubivamo, nari namaze no kuzinga ibikapu.”

Mu buryo butunguranye ni bwo haje umuntu akamuha itike yo kureba umukino wa nyuma wahuje DR Congo na Mali akamubwira ko ari Perezida Kagame wayimuguriye, byahise bimwongerera icyizere.

Ati “Mu buryo butunguranye umuntu yaje kundeba arambwira ngo akira itike ya we yo ku mukino wa nyuma kuko nta tike nari mfite y’umukino wa nyuma. DR Congo yaratsinze. Yarambwiye no iyi ni itike ya we nahawe na Perezida Kagame, nabitekerejeho mfata umwanzuro. Ndabyibuka nasuye Urwibutso rwa Jenoside, nabasaba mwese kujya gusra Urwibutso.”

“Naravuze ngo ndi nde wo kubivamo? Ibyo iki gihugu cyanyuzemo n’uburyo cyongeye kwiyubaka kigashikama bitera ishyaka Isi yose Nyakubahwa Perezida (Paul Kagame), nahise nisubiraho narahagumye ndeba umukino nkomeza kwiyamamaza, naje gutorerwa kuyobora FIFA mu mezi make yakurikiyeho.”

Uyu mutaliyani w’imyaka 52 watorewe kuyobora FIFA ku nshuro ya 3, yavuze ko u Rwanda ari igihugu cyiza cyavuye ku busa kikaba ubu ari Umurwa Mukuru w’Isi, byose kikaba kibikesha ubuyobozi bwiza bwa Perezida Paul Kagame.

Gianni Infantino tariki ya 26 Gashyantare 2016 ni bwo yatorewe bwa mbere kuyobora FIFA, tariki ya 5 Kamena 2019 yongeye kugirirwa icyizere, uyu munsi tariki ya 16 Werurwe 2023 yongeye gutorerwa kuyobora FIFA ku nshuro ya 3, manda ye izarangira 2027.

Itike Perezida Kagame yaguriye Infantino yamugaruriye icyizere akomeza kwiyamamariza kuyobora FIFA

Source : http://isimbi.rw/siporo/article/uko-itike-perezida-kagame-yaguriye-infantino-yamugaruriye-icyizere-cyamugejeje-ku-nzozi-ze