Category: Uncategorized

Kuri uyu wa Gatanu tariki 17 Werurwe 2023, Abasenateri bamurikiye ibikorwa byabo abagize Inama y'Igihugu y'Urubyiruko ku rwego rw'Igihugu n'Umujyi wa Kigali n'abahagariye abandi mu Mashuri Makuru na za Kaminuza.

Sena yatekereje ku rubyiruko ari ukugira ngo ibagaragarize ibikorwa byayo, yakire ibitekerezo n'ibyifuzo byabo kugira ngo bakomeze kugira uruhare mu iterambere ry'Igihugu.

Ibiganiro byahuje urubyiruko n'Abasenateri byibanze ku iyubarizwa ry'amahame remezo ateganywa mu Itegeko Nshinga.

Senateri Dushimimana Lambert yasobanuriye urubyiruko ko amahame remezo yashyizweho hagamije gukosora imiyoborere mibi yaranze u Rwanda.

Ni imiyoborere mibi yatangiranye n'ubukoloni no mu gihe cya Repubulika ya mbere n'iya kabiri, byagejeje u Rwanda kuri Jenoside yakorewe Abatutsi mu 1994.

Yavuze ko amahame remezo ari imirongo migari y'imiyoborere Leta y'u Rwanda n'Abanyarwanda biyemeje kugenderaho no kubahiriza: politiki, amategeko, gahunda n'ibikorwa bya Leta bigomba gushingira ku mahame remezo kandi bikaba bigamije ishyirwa mu bikorwa ryayo.

Senateri Umuhire Adrie yasobanuye inshingano z'umwihariko za Sena n'uburyo igenzura iyubahirizwa ry'amahame remezo binyuze mu gutora amategeko.

Hari kandi kugenzura ibikorwa n'imikorere bya guverinoma, gusura abaturage, kwemeza ishyirwaho ry'abayobozi no kugenzura imikorere y'imitwe ya politiki.

Agaruka ku mpamvu hateguwe iyi gahunda, Perezida wa Sena, Dr François-Xavier Kalinda yagize ati 'Ni ikimenyetso cy'umwanya mwiza Leta y'u Rwanda iha urubyiruko muri gahunda igenera Abanyarwanda.'

Yakomeje agira ati 'Biragaragara ko urubyiruko ari icyiciro cy'Abanyarwanda kigomba gutegurwa bihagije, kuko ari rwo mbaraga n'amizero by'igihugu cyacu.'

Bigereye ku isoko

Bamwe mu rubyiruko bagaragaje ko ari amahirwe adasanzwe bagize yo kuganirizwa ku mikorere ya Sena, bakamenya uko amategeko atorwa, uruhare baba bagomba kuyagiramo nk'Abanyarwanda ndetse n'ibindi bikubiye mu nshingano za Sena.

Umuyobozi w'Abanyeshuri muri Akilah -Davis College, Muhakwa Legis, yagize ati 'Ahantu nk'aha, tuba dusanzwe tuhabona mu nkuru ariko iyo ubashije kuhagera, ni nko kwigerera ku isoko. Ni umwanya mwiza wo kuvoma ibyo nsangiza abandi banyeshuri bagenzi banjye.'

'Hari abumva ko ahantu nk'aha ari ahantu hafatirwa imyanzuro gusa, ahubwo nk'uko babitubwiye, abantu batanga ibitekerezo noneho imyanzuro igafatwa ikagirira akamaro abantu bose.'

Ngirimana Shadrack wiga muri Carnegie Mellon University Africa yagize ati 'Urubyiruko ni twe tuzaba Abasenateri b'ejo hazaza. Nibo bazatora aya mategeko; kuza hano bifasha kumva amategeko ariho ubu n'uko mu bihe bizaza hari ibyo twahindura kugira ngo abe aberanye n'icyo gihe kizaba kigezweho.'

Ngirimana avuga ko kuri ubu urubyiruko rutitabira ibikorwa bya politiki ariko igihe kigeze ngo ruhindure imyumvire kugira ngo mu gihe kizaza bazabashe gukomeza bafite ubunararibonye bakuye ku babakuriye.

Ati 'Nk'ubu niba ndi urubyiruko niba mbona uko abankuriye bakora mu bihe bizaza nzagira ubunararibonye igihe nzaba ndi mukuru ndimo no gutoza abazaba bari munsi yanjye.'

Umuhuzabikorwa Wungirije w'Inama y'Igihugu y'Urubyiruko ku rwego rw'igihugu Nyamaswa Francis, yibukije urubyiruko ko rufite uruhare rwo kugendera ku mategeko no kubahiriza amahame ashyirwaho n'igihugu ndetse no kugira uruhare mu kuyumvikanisha muri bagenzi babo.

Urubyiruko rwafashe ifoto y’urwibutso na Perezida wa Sena

Urubyiruko rwagaragaje ko rwanyuzwe no kwitabira iri murikabikorwa rya Sena

Urubyiruko rwagaragaje ko rwanyuzwe no kwitabira iri murikabikorwa rya Sena

Imaniriho Clarisse uhagarariye urubyiruko mu Nteko Ishinga Amategeko, Umutwe w’Abadepite nawe yitabiriye ibi biganiro

Imurikabikorwa ryabereye mu cyumba cy’Inteko Rusange ya Sena

Perezida wa Sena, Dr François-Xavier Kalinda yasabye urubyiruko kwitabira ibikorwa bya politiki

Senateri Dushimimana Lambert yasobanuriye urubyiruko ko amahame remezo yashyizweho hagamije gukosora imiyoborere mibi yaranze u Rwanda

Senateri Umuhire Adrie yasobanuye inshingano z'umwihariko za Sena n'uburyo igenzura iyubahirizwa ry'amahame remezo binyuze mu gutora amategeko, kugenzura ibikorwa n’imikorere bya guverinoma

Umuhuzabikorwa Wungirije w'Inama y'Igihugu y'Urubyiruko ku rwego rw'igihugu, Nyamwasa Francis

Nibyo! Ni urubuga rw’ikoranabuhanga rwa InyaRwanda Ltd rwiteguye kwakira no gushyigikira abategura ibitaramo, kwakira amarushanwa y’ubwiza n’ibindi bikorwa biri mu Nganda Ndangamuco bisaba ko hifashishwa amatora kugira ngo hamenyekane aba mbere mu majwi.

Uru rubuga rwakira/ruberaho amatora yo mu bihembo binyuranye; ingero ni nyinshi rwakiriye amatora yo kuri internet y’ibihembo Kiss Summer Awards bya Kiss Fm, amatora y’ibihembo bya The Choice Awards bitegurwa na Televiziyo Isibo biri kuba muri iki gihe n’ibindi.

Uru rubuga rwashinzwe mu 2022. Hakizimana Samuel uri mu bifashishije uru rubuga hanyuma aguriraho itike yo kujya mu gitaramo ‘Gakondo’ cy’umunyabigwi mu muziki Masamba Intore, Ruti Joel yabwiye InyaRwanda ko rworoshye mu kuguriraho itike.

Ati “Byansabye gusa kuba mfite internet, kuko mu gihe kitageze ku munota umwe nahise mbona itike yanjye kuri Email. Nari nabanje gushidikanya, ariko mbonye uburyo byihuta nahise ngurira itike n’umukunzi wanjye.”

Gaspard we yavuze ko mu minsi ishize yanifashishije uru rubuga, ubwo yatoraga umwe mu bakobwa bari bahatanye mu irushanwa 'Rwanda's Global Top Model'.

Ati 'Mu minsi ishize nararwifashishije mu gutora umuvandimwe wanjye wari mu irushanwa n'ubwo atagize amahirwe yo gukomeza, ariko byaranyoroheye mu gihe cyo kumuha amajwi, kuko hariho inzira zoroshye zo gutora no kwishyura.'

Hakizimana aravuga ibi mu gihe kuri ubu wifashishije uru rubuga, ushobora kuguriraho itike yo kwinjira mu gitaramo 'Urwejeje Imana' cy’itorero Inyamibwa, kizaba ku wa 19 Werurwe 2023 muri Kigali Conference and Exhibition Village ahazwi nka Camp Kigali.

Uru rubuga kandi ni rwo rwabereyeho amatora y’irushanwa ‘Rwanda’s Global Top Model’, yasize hamenyekanye abanyamideli batandatu bazaserukira u Rwanda mu bikorwa by’imideli bitandukanye bizabera mu Mijyi irimo Dubai n’ahandi.

IBIKORWA BIRI KUBERA KURI NONEHO.COM CYANGWA SE BYABEREYE KURI URU RUBUGA:

1. The Choice Awards 2022:

Ni ibihembo bitegurwa kandi bigashyirwa mu bikorwa na Televiziyo Isibo, bigamije guteza imbere uruganda rw’imyidagaduro, hagamijwe gushyigikira abarubarizwamo barimo abahanzi, abakinnyi ba filime, abanyarwenya n’abandi.

KANDA HANO UBASHE GUTORA UWO USHYIGIKIYE MURI THE CHOICE AWARDS 2022

Aya matora yo kuri internet yatangiye ku wa 6 Werurwe 2023 azarangira, ku wa 25 Werurwe 2023 ari nabwo hazamenyekana abahize abandi. Buri wese uhatanye muri ibi bihembo, ari gukora uko ashoboye kugira ngo azahige bagenzi be bari mu cyiciro kimwe.

2. Rwanda’s Global Top Model 2023-Final

Ni amatora yari ahuje abanyamideli b’abasore n’abakobwa bahataniraga kuvamo batandatu, baserukira u Rwanda mu marushanwa akomeye ku Isi arimo azabera mu Mujyi wa Dubai n’ahandi.

REBA HANO ABARI BAHATANYE MURI RWANDA’S GLOBAL TOP MODEL

Aya matora yabaye ku wa 14 Gashyantare 2023 arangira ku wa 24 Gashyantare 2023, ategurwa na sosiyete ya Embrace Afrika Rwanda.

3. Bright Generation Awards

Ni ku nshuro ya mbere ibi bihembo byari biteguwe mu Rwanda, aho hari hahatanyemo filime zahize izindi, abanyamuziki, abanyarwenya, abasizi, ababyinnyi b'imbyino zigezweho n’abandi.

Amatora y’ibi bihembo yabereye ku rubuga rwa Noneho.com, kuva ku wa 1 Mutarama 2023 arangira ku wa 5 Gashyantare 2023. Byateguwe na Sosiyete ya KA. Bright Business Group Ltd.

4. Story Telling Night:

Iyi ni gahunda itegurwa na Interact Rwanda igamije guhuriza hamwe abantu banyuranye bakiyungura ubumenyi, binyuze mu biganiro bitangwa n’abahanga n’abandi baba bafite byinshi bashaka gusangiza abantu cyane cyane urubyiruko.

KANDA HANO UBASHE KUGURA ITIKE YO KWINJIRA MURI STORY TELLING NIGHT

Kuri iyi nshuro iki gikorwa kizabera kuri Olympic Hotel, ku wa 31 Werurwe 2023. Ndetse, ushobora kugura itike yo kuzinjira muri iki gikorwa unyuze ku rubuga rwa Noneho.com.

5. Bene u Rwanda Album Launch by Sengabo Jodas

Ku wa 3 Gashyantare 2023, umuhanzi mu muziki gakondo Sengabo Jodas yakoze igitaramo gikomeye, yamurikiyemo album ye ya mbere yise ‘Bene u Rwanda’.

Iki gitaramo cyabereye ku Kimironko, aho Sengabo yari ashyigikiwe n’abarimo Angel&Pamella, Audia Intore, Iganze Gakondo Group, Rumaga n’abandi.

UKO BATORA KURI SYSTEM YA NONEHO EVENTS IMAZE KUBA UBUKOMBE MU KWAMAMAZA IBITARAMO N'AMARUSHANWA

Inzira ya mbere (Step1): Kugera ku rubuga

Usura urubuga rwa https://events.noneho.com

Inzira ya kabiri (Step 2): Guhitamo igicyenewe

 Iyo umaze kugera kuri uru rubuga ujya muri 'voting' ugahitamo irushanwa ushaka gushyigikiramo uhatana, cyangwa se igitaramo ushaka kuguramo itike.

Inzira ya gatatu (Step3): Guhitamo irushanwa

Iyo umaze kugera aho irushanwa riri kubera, uhitamo uwo/umukobwa/umuhungu ushaka gushyigikira

 

Inzira ya kane (Step4): Gutora n'inzira yo kwishyura

Iyo umaze guhitamo uwo ushyigikira uhita ukanda ahari 'button' ya 'Vote', ugahitamo uburyo bwo gukoresha yaba: Mobile Money or Airtel Money cyangwa Master Card or Visa card.

Inzira ya gatanu (Step5): Kwememeza amafaranga bitewe n'amajwi

Iyo birangiye uhitamo amajwi ushaka, ndetse waba wakoresheje ikarita bagusaba gukurikiza amabwiraza ukuzuza imyirondoro ukishyura.  

Umuhanzi Sengabo uzwi mu ndirimbo zirimo ‘Bene u Rwanda’ aherutse kumurika album ye ya mbere, aho yagurishije amatike y’igitaramo cye yifashishije urubuga ‘Noneho.events’ 

Amatora yasize hamenyekanye abanyamideli 6 bazaserukira u Rwanda muri ‘Rwanda’s Global Top Model’, yabereye ku rubuga rwa Noneho.events 

Ubu ushobora gukomeza kugura itike yo kwinjira mu gitaramo ‘Urwejeje Imana’ kizabera Camp Kigali, unyuze ku rubuga rwa Noneho.events 

Kugura itike yo kwinjira mu gitaramo: Urugero igitaramo ‘Urwejeje Imana’ ufungura urubuga Inyarwanda.com, ugakanda ahanditse ‘events’ ugahitamo

 

Ukanda ahanditse ‘Buy Ticket’. Bakwereka ibiciro (5,000Frw; 15,000Frw, 20,000 Frw na 200,000 Frw)- Uhitamo ubwoko bw’itike ushaka kugura- wemerewe kugura itike irenze imwe, Iyo umaze guhitamo umubare w’amatike ugura ukanda kuri ‘Check Out’

 

Nyuma yo gukanda kuri ‘Check out’ bakwereka uburyo bwo kwishyura harimo MTN Mobile Money, Airtel Money, Visa Card ndetse na MasteCard- Amategeko n’amabwiriza birakurikizwa

Byatangajwe n'Ishyirahamwe ry'abahoze bakina ruhago ku Isi, FIFVE (Féderation Internationale de Football Vétéran) ku gicamunsi cyo kuri uyu wa Gatanu tariki 17 Werurwe 2023, mu kiganiro n'itangazamakuru cyabereye kuri Kaminuza ya Kepler ishami rya Kigali.

Abakapiteni 8 batangajwe ni: Umunya-Espanye Gaizka Mendieta, Umunya-Cameroun, Patrick Mboma, Umunya-Canada Charmaine Elizabeth Hooper, Umufaransa, Robert Pires, Umunya-Brazil, Maicon Douglas, Wael Kamel Gomaa El Hawty ukomoka mu Misiri, Tsuneyasu wo mu Buyapani na Jimmy Gatete.

Igikombe cy'Isi cy'abakanyujijeho mu mupira w'amaguru [Veteran Clubs World Championship-VCWC] kizitabirwa n'amakipe umunani (8) arimo abiri yo muri Amerika y'Epfo na Ruguru, atatu yo muri Afurika, abiri yo mu Burayi na Asia na Oceania aho bazaba bafitemo ikipe imwe imwe.

Iyi mikino izabera mu Rwanda kuva ku wa 10 Gicurasi kugeza ku wa 20 Gicurasi 2024, aho izitabirwa n'abakinnyi barenga 150 bo mu bihugu bitandukanye ku Isi.

Ibi bikorwa bizarangwa n'amarushanwa hagati y'amakipe azatoranywa na ba kapiteni bamaze gutangazwa, ariko kandi biri mu murongo wo guteza imbere umupira w'amaguru no kuzamura impano z'abakiri bato muri uyu mwuga.

Iyi mikino izatabirwa n’abo mu Burengerazuba bw’Afurika no hagati, Uburasirazuba n’Amajyepfo y’Afurika, Amajyaruguru n’igice cyo hagati ushyira uburasirazuba, Amajyaruguru n’Uburengerazuba bw’u Burayi, Uburasirazuba n’Amajyepfo y’u Burayi, Amerika y’Amajyepfo, Amajyaruguru y’Amerika ndetse na Asia ndetse na Oceania.

Ku wa 6 Gicurasi 2022, nibwo byatangajwe ko u Rwanda ruzakira igikombe cy'Isi cy'abakanyujijeho.

Icyo gihe, Siewe Fred uyobora Ishyirahamwe ry'Imikino y'Abakanyujijeho ku Isi (FIFVE), yavuze ko yishimira ko uyu mushinga bawutekereje kandi biteguye kuwushyira mu bikorwa ari abanyafurika, anavuga ko u Rwanda ari igihugu kibikwiye kuba kigiye kwakira iri rushanwa.

Ati 'Ni iby'agaciro kuba turi i Kigali aka kanya, byari inzozi kuba twaza hano none turahari, u Rwanda ni igihugu kibikwiriye kuba cyakwakira uyu mushinga'.

Mboma uri mu bashinzwe gukurikirana ishyirwa mu bikorwa ry'uyu mushinga yavuze ko yizeye ko u Rwanda binyuze mu banyarwanda bazatuma uyu mushinga w'igikombe cy'Isi ugenda neza, ariko by'umwihariko ashingiye ku cyizere afitiye Perezida Kagame w'u Rwanda kubera iterambere igihugu cyagezeho mu myaka mike.

Ni ubwa mbere igikombe cy'Isi cy'abakanyujijeho kizaba kibereye ku mugabane wa Afurika, kuko ibindi bikombe biheruka gukinwa byabereye ku mugabane w'i Burayi.

Jay Jay Okocha n'abandi bakanyujijeho baganirije abanyeshuri bo muri Kaminuza ya Kepler

Iki kiganiro cyatanzwe n'abarimo Anthony Baffoe (Ghana), Maicon Douglas (Brazil), Patrick Mboma (Cameroun), Geremi Njitap (Cameroun), Khalilou Fadiga (Senegal), Gaizka Mendieta (Spain), Robert Pires (France), Jay Jay Okocha (Nigeria) na Charmaine Elizabeth Hooper (Canada).

Basubizaga ibibazo by'abanyeshuri bo muri Kaminuza ya Kepler, abo muri UNILAK, Kaminuza ya Kigali n'abandi. Ibibazo byabo byibanze cyane ku ndangagaciro zikwiye kuranga urubyiruko, icyo bakoze kugira ngo bagera ku ntsinzi, ibihe by'urwibutso bafite ku makipe banyuzemo, uko Arsenal ihagaze muri iki gihe n'ibindi.

Jay Jay Okacha yabajijwe niba inzira y'urugendo rwe rwo gukina umupira w'amaguru yari iharuye. Uyu munyabigwi mu mupira w’amaguru, yavuze ko atorohewe n’urugendo rwe. 

Kuko ubwo yari afite imyaka 17 y’amavuko ari bwo yavuye muri Nigeria ajaya mu Budage gukina no mu yandi makipe. Avuga ko atorohewe ‘bitewe n’uko ururimi bavugaga rwari rutandukanye n’urwo nari nsanzwe nzi’.

Yavuze ko kandi yari agiye kure y’umuryango we n’inshuti bityo ko atorehewe no kuba muri ibi bihugu, ariko muri we yiyumvaga ko ashaka kugera kure no gukurikira inzozi ze.

Augustine Azuka Okocha [Jay-Jay Okocha] ati “Icyifuzo cyanjye cyo kugera ku ntsinzi cyari hejuru cyane kuri njye kurusha kuba nari kure yanjye n’ubwo buzima nari ndi kunyuramo.”

Okocha wakiniye AC Milan yo mu Butaliyani avuga ko ‘mu buzima bwose umuntu yerekejeho amaboko habamo ibyiza n’ibibi’ ariko ‘iyo ukomeje guhagarara kucyo ushaka ugera kure’.

Charmaine Elizabeth Hooper (Canada), uyu mugore yakiniye ikipe y’Igihugu cya Canada hagati ya 1986 na 2006. Ubu yujuje imyaka 55 y’amavuko, kuko yavutse ku wa 15 Mutarama 1986.

Yabajijwe icyamuteye imbaraga akinjira mu mukino w'umupira w'amaguru. Yavuze ko yiyemeje gukina umupira w’amaguru biturutse ku muvandimwe we nawe wakinaga uyu mukino. Avuga ko buri teka yakinaga ashaka kurenga ‘urwego rwe (rw’umuvandimwe we)’.

Ati 'Numvaga nshaka kurenga intera agezeho. Buri gihe uko namubonaga numvaga nakora uko nshoboye kugira ngo mbashe kurenga aho we yageze.”

Uyu mugore ureshya na 1.7m, avuga ko buri gihe yumvaga ko ibyo akora bigomba kuba umwuga ‘bigatuma mporana n’imyitwarire myiza yamfashije kugera aho ndi uyu munsi’. 

Umunya-Nigeria Jay-Jay Okocha wagize ibihe byiza mu mupira w'amaguru, yavuze ko imyitwarire myiza (ikinyabupfura) ari wo musemburo wo kugera kure mu buzima 

Anthony Baffoe (Ghana- uri ibumoso) na Maicon Douglas (Brazil -uri iburyo)

Patrick M'Boma, rutahizamu wa Cameroun wayikiniye imikino 57 akayitsindira ibitego 33 [Ubanza ibumoso]

Charmaine Elizabeth Hooper wo muri Canada wakiniye amakipe atandukanye nka FK Donn, Lazio, Chicago Carbas, Atlanta Beat n'andi [Uri Uburyo] 

Geremi Njitap, umunya-Cameroun wakiniye amakipe arimo Real Madrid, Chelsea, Newcastle; yari myugariro yakinaga ku ruhande rw’iburyo 

Umuna-Senegal Khalilou Fadiga uri ibumoso na Gaizka Mendieta wo muri Espagne uri iburyo

Uhereye ibumoso: Anthony Baffoe (Ghana), Maicon Douglas (Brazil), Patrick Mboma (Cameroun), Geremi Njitap (Cameroun), Khalilou Fadiga (Senegal), Gaizka Mendieta (Spain), Robert Pires (France), Jay Jay Okocha (Nigeria) na Charmaine Elizabeth Hooper (Canada) 

Abanyeshuri bo muri Kaminuza zinyuranye bagiraniye ibiganiro n’abakanyujijeho mu mupira w’amaguru, hagarukwa ku kugira ikinyabupfura no guharanira kugera ku ntego 

Jimmy Gatete, ni umwe mu bakinnyi bakunzwe ‘cyane’ mu Rwanda mu myaka ishize

AMAFOTO: Renzaho Christophe-Rwandamagazine

Umutoza w’ikipe y’igihugu Amavubi, Carlos Alós Ferrer yamaze gutangaza abakinnyi 26 agomba guhagurukana mu Rwanda yerekeza muri Benin batarimo umunyezamu wa mbere, Kwizera Olivier ukinira Al Kawkab muri Saudi Arabia.

Amavubi arahaguruka mu Rwanda mu ijoro ryo kuri uyu wa Gatanu aho agomba kunyura muri Ethiopia azakina n’iki gihugu umukino wa gicuti ku Cyumweru tariki ya 19 Werurwe agahita yerekeza muri Benin.

Umukino wa Benin n’u Rwanda ni uw’umunsi wa 3 w’itsinda L mu gushaka itike y’igikombe cy’Afurika cya 2023 kizabera muri Côte d’Ivoire. Umukino ubanza uzabera muri Benin tariki ya 22 Werurwe 2023 ni mu gihe uwo kwishyura uzabera mu Rwanda tariki ya 27 Werurwe 2023.

Yari yahamagaye abakinnyi 30, yahagurukanye abakinnyi 26 batarimo Kwizera Olivier usanzwe ukinira Al Kawkab muri Saudi Arabia wagombaga kuzahurira n’abandi muri Ethiopia ejo ku wa Gatandatu.

Benshi batunguwe no kutabona uyu musore ku rutonde, gusa amakuru avuga ko yagize ikibazo cy’imvune mu mukino wa shampiyona ikipe yanganyijemo na Al Najmah FC 1-1 uyu munsi ku wa Gatanu tariki ya 17 Werurwe 2023.

Abandi bakinnyi basigaye ni Nyarugabo Moise wa AS Kigali, Mucyo Didier wa Police FC na Iradukunda Simeon wa Gorilla FC.

Abakinnyi 26 umutoza agomba guhagurukana

Abanyezamu: Ntwali Fiacre (AS Kigali) na Ishimwe Pierre (APR FC)

Ba myugariro: Mutsinzi Ange (FK Jerv), Omborenga Fitina (APR FC), Serumogo (Kiyovu Sports), Emmanuel Imanishimwe (FAR Rabat), Ganijuru Elie (Rayon Sports), Christian Ishimwe (APR FC), Nsabimana Aimable (Kiyovu Sports), Abdul Rwatubyaye (Rayon Sports), Manzi Thierry (AS Kigali)na Clement Niyigena (APR FC)

Abakin hagati: Bizimana Djihad (KMSK Deinze), Muhire Kevin (Yarmouk) Ally Niyonzima (Bumamuru), Mugisha Bonheur (APR FC), Steve Rubanguka (FC Zimbru), Yorl Rafael (Gefle), Hakim Sahabo (Lille) na Hadji Iraguha (Rayon Sports)

Ba Rutahizamu: Muhozi Fred (Kiyovu Sports), Mugisha Gilbert (APR FC), Meddie Kagere (Singida Big Stars), Mugenzi Bienvenue (Kiyovu Sports), Bizimana Yannick (APR FC), na Habimana Glen (Victoria Rosport)

Kwizera Olivier ntabwo azakina umukino wa Benin

Abakinnyi 26 buriye indege

Umuhango wo kumurika uyu mushinga wabereye muri Kigali Convention Centre, witabirwa n'Umuyobozi Mukuru wa NIRDA, Dr. Christian Sekomo, Ushinzwe ibikorwa muri IKEA Foundation, Annelies Withofs, Ushinzwe Ibikorwa muri World Resource Institute muri Afurika, Dr. Rebekah Shirley, ndetse n'abandi bafatanyabikorwa.

Icyiciro cya mbere cy'uyu mushinga w'imyaka itatu cyasojwe mu Ukuboza 2022, gitanze umusaruro cyari cyitezweho.

Icyiciro cya kabiri cyawo kizamara imyaka ibiri, kigiye gushyirwa mu bikorwa mu gihe u Rwanda n'Isi yose muri rusange bihanganye n'ikibazo cyo gupfa ubusa kw'ibiribwa byangirikira bitaragera ku masoko cyangwa bikangirikira aho bicururizwa, kubera kutagira uburyo bwiza bwo kubibika ngo bimare igihe kirekire.

Ni mu gihe hari n'ikibazo cy'ibiryo bihiye bipfa ubusa bikamenwa, kandi byakabaye bitegurwa mu bundi buryo bikagira undi mumaro, bikavamo ibyo kurya by'amatungo, ifumbire iteguwe neza ndetse n'ibindi.

Uyu mushinga watewe inkunga na IKEA Foundation, ushyirwa mu bikorwa n'ibigo bigera kuri bitandatu biyobowe na World Resource Institute, birimo ibyo ku rwego rwa Afurika ndetse no ku rwego rw'Isi.

Umuyobozi w'uyu mushinga muri World Resource Institute, Eric Ruzigamanzi, avuga ko ishyirwa mu bikorwa ryawo ari igisubizo ku kibazo cy'iyangirika ry'ibiribwa.

Ati ''Dufite ibisubizo bifasha abantu kugabanya ibyo kurya byangirika mu isarura, cyangwa se n'ibyangirika byageze mu ngo, buriya hari ikoranabuhanga rishobora gukoreshwa kugira ngo biriya byangirika byageze mu ngo, ibingibi tumena bishobore kuvamo ikindi kintu''.

Ruzigamanzi avuga ko mu ishyirwa mu bikorwa ry'uyu mushinga hazanibandwa ku kuba ibiribwa bimwe byatunganyirizwa mu nganda kugira ngo bibashe kubikika neza igihe kirekire, aho kwangirikira mu mirima, ku masoko cyangwa no mu ngo.

Anavuga kandi ko mu kuwunoza hazarebwa ko ushyirwa mu bikorwa ariko ukanarengera ibidukikije, aha hakazagaragaramo n'uruhare rw'abanzi, kuko bazagirwa inama zo gukora ubuhinzi buvuguruye bukoresha ifumbire ikomoka ku ngufu zisubira, hakagabanywa iva mu nganda.

NIRDA igiye gushyira mu bikorwa uyu mushinga binyuze mu Kigo kigamije kunoza Imikoreshereze y'Umutungo no guhanga udushya mu guhangana n'Imihindagurikire y'Ibihe (Rwanda Cleaner Production and Climate Innovation Centre, CPCIC).

Umuyobozi Mukuru wa NIRDA, Dr. Christian Sekomo, avuga ko uyu mushinga uzafasha mu kugabanya ikibazo cy'ibura ry'ibiribwa.

Ati ''Icyo dushaka kureba, ni ukureba ngo ese ni gute twajya turushaho gukoresha ibiryo neza tugabanya ibyangirika? Twangiza byinshi na none ugasanga hari igice kinini cy'abaturage gishonje kitabona ibiryo''.

Dr. Sekomo avuga ko muri uyu mushinga hazanarebwa uburyo hafashwa abacuruza ibiribwa byangirika nk'imboga n'imbuto, ku buryo abibumbiye hamwe bashobora gufashwa kugurirwa ibyuma byabugenewe bizikonjesha ntizangirike nyuma y'igihe gito.

Ushinzwe ibikorwa muri IKEA Foundation , Annelies Withofs, yatangaje ko mu gukora uyu mushinga, hazanaboneka andi mahirwe atandukanye ku baturarwanda.

Ati ''Dufasha mu kubaka politike zihanga udushya zashyizweho na Leta y'u Rwanda mu guteza imbere ubukungu bwisubira (Circular Ecomony), ndetse no gufasha umuhate wa ba rwiyemezamirimo barimo abagore n'urubyiruko, bari guhanga imirimo''.

NIRDA n'abafatanyabikorwa bayo, bazafasha kompanyi nto n'iziciriritse zigera muri 20 zirimo n'amakoperative , zisanganwe imishinga myiza yagira uruhare mu guteza imbere ubukungu bwisubira, nyuma hagende hongerwamo izindi.

U Rwanda ruri gufatanya n'Isi mu gushaka igisubizo gikuraho iyangirika ry'ibiribwa, mu gihe ubushakashatsi butandukanye burimo n'ubwakozwe n'Ikigo cya World Wildlife Fund cyita ku Bidukikije n'icya Tesco Plc gikorera mu Bwongereza, bwagaragaje ko imyaka y'ibiribwa ingana na toni miliyari 1.2 ku Isi hose isigara mu mirima mu gihe cyo gusarura na nyuma yacyo.

Ikigo cy'Ubushakashatsi n'Iterambere ry'Inganda (NIRDA) n’abafatanyabikorwa bacyo, bahuriye hamwe mu gikorwa cyo kumurika umushinga uzagabanya iyangirika ry’ibiribwa mu Rwanda

Ushinzwe Ibikorwa muri World Resource Institute, muri Afurika, Dr. Rebekah Shirley, yavuze ko iki kigo cyagize ubufatanye muri uyu mushinga hagamijwe guteza imbere ubukungu bukoresha bicye

Umuyobozi w’Agateganyo muri CPCIC, Mugabekazi Sylvie, asaba abari mu nganda cyangwa ahandi hatunganyirizwa ibindi nk’ibiribwa kubona imyanda ibivamo nk’andi mahirwe y’ubukungu bwisubira

Umuyobozi Mukuru wa NIRDA, Dr. Christian Sekomo, avuga ko uyu mushinga ugiye gushyirwa mu bikorwa, mu rwego rwo guca isesagurwa ry’ibiribwa, hashyirwaho uburyo bwo kwita ku musaruro ubikomokaho

Ushinzwe ibikorwa muri IKEA Foundation , Annelies Withofs, avuga ko iki kigo kiri gufasha mu gushyigikira politike zashyizweho n’u Rwanda, hagamijwe guteza imbere ubukungu bwisubira

Umuyobozi w'uyu mushinga muri World Resource Institute, Eric Ruzigamanzi, avuga ko uje nk’igisubuzo cyo guhangana n’iyangirika ry’ibiribwa

Bakurikiranyweho ibyaha byo gutanga isoko rya Leta mu buryo bunyuranyije n'amategeko, kutubahiriza ihame ryo kuzigamira Leta mu itangwa ry'amasoko, gutanga inyungu zidafite ishingiro ndetse n'akagambane bagiranye na rwiyemezamirimo watsindiye isoko bigateza Leta igihombo.

Iperereza rirakomeje kugirango dosiye zabo zikorwe kandi zishyikirizwe ubushinjacyaha mu gihe abafashwe bo bafungiye kuri sitasiyo ya RIB ya Kimihurura, Kicukiro na Rwezamenyo.

RIB irongera kwihanangiriza abasesagura cyangwa bakanyereza umutungo wa Leta, ibibutsa ko Ibi byaha bimunga imari n'ubukungu by'igihugu bitihanganirwa.