Webrwanda Backend

Category: Uncategorized

  • Geofrey Zawadi yatorewe kuba Visi Perezida wa Kabiri wa FRVB #rwanda #RwOT

    Inama idasanwe y'inteko rusange y'ishyirahmwe rya volleyball mu Rwada ( muri FRVB), Geofrey Zawadi atorewe kuba visi perezida wa Kabiri ushinzwe Amarushanwa w'iri shyirahamwe kuri uyu wa Gatandatu tariki 18 Werurwe 2023.

    Geoffrey Zawadi usanzwe ari Perezida wa REG VC asimbuye Bagirishya Jean De Dieu uzwi nka Jado Castar, weguye kuri uyu mwanya muri Gicurasi 2022 akimara gufungurwa.

    Castar yari yarafunzwe azira amakosa yakozwe ubwo u Rwanda rwakiraga irushanwa ry'ibihugu bya Afurika mu ikipe y'abagore, rugakinisha abanya-Brazil binyuranije n'amategeko.

    The post <strong>Geofrey Zawadi yatorewe kuba Visi Perezida wa Kabiri wa FRVB</strong> appeared first on FLASH RADIO&TV.

    Source : https://flash.rw/2023/03/18/geofrey-zawadi-yatorewe-kuba-visi-perezida-wa-kabiri-wa-frvb/?utm_source=rss&utm_medium=rss&utm_campaign=geofrey-zawadi-yatorewe-kuba-visi-perezida-wa-kabiri-wa-frvb

  • CHENO yifatanyije n'abatuye Ngororero kwibuka ubutwari bw'abanyeshuri b'Inyange #rwanda #RwOT

    Urwego rushinzwe intwari z'igihugu imidari n'impeta z'ishimwe,CHENO, rwifatanjje n'abaturage b'akarere ka Ngororero n'abanyeshuri bo ku kigo cy'ishuri ryisumbuye rya Nyange kwibuka ku nshuro ya 26 ubutwari bw'abanyeshuri b'Inyange.

    Hari mu ijoro rya tariki 18 rishyira tariki 19 Werurwe 1997, ubwo abanyeshuri ba Nyange baterwaga n'abacengezi bagasabwa kwitandukanya hagendewe ku moko,basabwa ko abatutsi bajya ukwabo n'abahutu ukwabo.

    Abanyeshuri barabyanze maze bamwe baricwa abandi barakomereka.

    Yaba abakiriho n'abapfuye bose bagizwe intwari bakaba bari mu cyiciro cy'Imena.

    The post <strong>CHENO yifatanyije n'abatuye Ngororero kwibuka ubutwari bw'abanyeshuri b'Inyange</strong> appeared first on FLASH RADIO&TV.

    Source : https://flash.rw/2023/03/18/cheno-yifatanyije-nabatuye-ngororero-kwibuka-ubutwari-bwabanyeshuri-binyange/?utm_source=rss&utm_medium=rss&utm_campaign=cheno-yifatanyije-nabatuye-ngororero-kwibuka-ubutwari-bwabanyeshuri-binyange

  • Abatuye mu Mirenge ya Mareba na Musenyi bugarijwe n'indwara z'inzoka zituruka ku mazi mabi #rwanda #RwOT

    Abaturage batuye mu mirenge ya  Mareba na Musenyi, baravuga ko bugarijwe n'indwara z'inzoka zituruka ku mwanda w'amazi banywa yo mu gishanga cya Mwogo Nord.

    Icyo aba baturage bo muri iyi mirenge ibiri barahurizaho,  ni uko bakomeje kurwara indwara z'inzoka zikomoka  ku kunywa amazi mabi y'ibishanga ,bityo ngo barasaba guhabwa amazi meza kimwe n'abandi banyarwanda.

    Umwe ati 'Tutabonye amazi meza n'abana tubyara barazonzwe nizo nzoka nta mwana ufite isura nziza ngo ubone ko afite umubiri. Ayo mazi tunywa ni mabi rwose.'

    Undi ati 'Kubera ko ari mabi bituma turwara inzoka , tukarwara amib, tukarwara maraliya idashira, nagira ngo mudukorere ubuvugizi.'

    Ikibazo cyo kurwara zimwe mu ndwara ziterwa n'umwanda gisa nk'icyamenyerewe kuri abo baturage, gusa igiteye inkeke niko ngo abana bo muri Mareba na Musenyi basigaye bamwe basiba ishuri, abandi bagasanga hari amwe mu masomo arangiye kubera kuzamuka imisozi bajya kuvoma mu gishanga cya Mwogo Nord. Abaganiriye na Radio na TV flash barasaba guhabwa Robine hafi.

    Umuyobozi mu kigo cy'Igihugu gishinzwe gukwirakwiza Amazi Isuku n'Isukura WASAC, Bwana Vincent De Paul Mugwaneza, ushinzwe ishami ryo gukwirakwiza amazi mu bice by'icyaro, aramara impungenge aba baturage ko bitarenze muri Kamena uyu mwaka  bazaba bavoma amazi meza.

     Ati 'Muri Musenyi mu Mudugudu wa Rugarama, nk'uko abaturage babibawiye nta tiyo ihaca ariko kuko ari mu gice Wasac itangamo serivisi, binyuze mu ishami rya Wasac ya Bugesera umuyobora uzagurwa ukagera mu mudugudu wa Rugarama muri uyu mwaka w'ingtengo y'imari. Ni ukuvuga ngo bitarenze ukwezi kwa 6 k'uyu mwaka […] kugira ngo abo baturage babashe kubona amazi.'

    Muri muri bareba nabo bahawe  icyizere ko umwak wa 2023 uzarangira bafite amazi meza.

    Vincent De Paul niwe ukomeza agira ati   'Tukazageza amazi muri Mareba yose ku kigero cy'100%, tukaba turi kwiha amezi ane uhereye mu kwezi kwa Karindwi ko aribwo umushiga washyirwa mu bikorwa , bivuze ko nibura nabo uyu mwaka wa 2023 warangira abaturage bo muri Mareba nabo bafite amazi.'

    Imwe mu mirenge igize Akarere ka Bugesera ikunda kugarukwaho cyane n'ibibazo by'ibikorwaremezo bitabasha kugera ku baturage, cyane cyane nk'ibura ry'amazi meza  ni  Mwogo,Rilima,Rweru,Musenyi na Mareba.

    Ali Gilbert Dunia

    The post <strong>Abatuye mu Mirenge ya Mareba na Musenyi bugarijwe n'indwara z'inzoka zituruka ku mazi mabi</strong> appeared first on FLASH RADIO&TV.

    Source : https://flash.rw/2023/03/18/abatuye-mu-mirenge-ya-mareba-na-musenyi-bugarijwe-nindwara-zinzoka-zituruka-ku-mazi-mabi/?utm_source=rss&utm_medium=rss&utm_campaign=abatuye-mu-mirenge-ya-mareba-na-musenyi-bugarijwe-nindwara-zinzoka-zituruka-ku-mazi-mabi

  • Iradukunda yasobanuye ibyo kujya gukina mu cyiciro cya kabiri mu Budage #rwanda #RwOT

    Iradukunda Elie Tatou wamaze kubona ikipe yo mu Budage, yavuze ko aba yaranagiye uretse ko yabanje kugorwa no kubona ibyangombwa.

    Uyu mukinnyi ukiri muto w’imyaka 16 usatira anyuze ku mpande, akinira ya Mukura VS yamaze kumvikana na Sport-Club Paderborn izwi nka SC Paderborn yo mu Budage ikina mu cyiciro cya kabiri.

    Elie Tatu yabwiye ISIMBI ko aba yaragiye umwaka ushize ariko agorwa no kubanza kubona ibyangombwa.

    Ati 'ahubwo mba naragiye umwaka ushize ariko hari ibyangombwa ntari mfite ariko ubu narabibonye, isaha n’isaha nagenda.'

    Avuga ko ataramenya igihe azagendera kuko bategereje ko iyi kipe ibabwira igihe azagendera, gusa ngo umwaka utaha w’imikino azaba ayikinira.

    Ati 'ntabwo ndemenya igihe nzagendera, dutegereje ko ikipe itubwira ariko ibindi byose biri mu buryo. Urumva n’ubundi ntabwo nagenda ngo mpite nkina kuko bari muri shampiyona hagati, umwaka utaha bwo nzaba nyikinira.'

    Iradukunda Elie Tatou avuga ko yabonye iyi kipe abifashijwemo n’umujyanama we, Tuyisenge Aimable ari na we uvugana na yo umunsi ku munsi.

    Iradukunda Elie Tatou, ni umukinnyi wakuriye mu bato ba Mukura VS, mbere y’uko umwaka w’imikino 2022-23 utangira akaba yarazamuwe mu ikipe nkuru akaba yakinaga umwaka we wa mbere mu cyiciro cya mbere.

    Elie Tatou yavuze ko isaha n’isaha azerekeza mu Budage

    Source : http://isimbi.rw/siporo/article/iradukunda-yasobanuye-ibyo-kujya-gukina-mu-cyiciro-cya-kabiri-mu-budage

  • Amavubi adafite Kwizera Olivier 11 ashobora kuzabanza mu kibuga #rwanda #RwOT

    Bneshi batunguwe no kumva ko ku munota wa nyuma umunyezamu Kwizera Olivier, umunyezamu wa mbere w’ikipe y’igihugu y’u Rwanda, atazaboneka ku mukino wa Benin kubera imvune.

    Ni umukino w’umunsi wa 3 uzabera muri Benin tariki ya 22 Werurwe muri Benin, n’uw’umunsi wa 4 uzabera mu Rwanda tariki ya 27 Werurwe 2023 w’itsinda L mu gushaka itike y’igikombe cy’Afurika cya 2023 kizabera muri Ivory Coast.

    Amakuru avuga ko yagize ikibazo cy’imvune mu mukino wa shampiyona ikipe ye yanganyijemo na Al Najmah FC 1-1 uyu munsi ku wa Gatanu tariki ya 17 Werurwe 2023.

    Amavubi yamaze guhaguruka mu Rwanda ndetse ubu yageze muri Etiopia aho agomba kubanza gukina umukino wa gicuti na Ethiopia ku munsi w’ejo ku Cyumweru akabona kwerekeza muri Benin.

    Mu bakinnyi 26 umutoza yahagurukanye harimo abanyezamu 2 gusa ari bo Ntwali Fiacre na Ishimwe Pierre.

    Bivuze ko Ntwali Fiacre agomba guhita afata umwanya wa Kwizera Olivier akaba ari we ubanza mu kibuga.

    Abakinnyi 26 umutoza yahagurukanye

    Abanyezamu: Ntwali Fiacre (AS Kigali) na Ishimwe Pierre (APR FC)

    Ba myugariro: Mutsinzi Ange (FK Jerv), Omborenga Fitina (APR FC), Serumogo (Kiyovu Sports), Emmanuel Imanishimwe (FAR Rabat), Ganijuru Elie (Rayon Sports), Christian Ishimwe (APR FC), Nsabimana Aimable (Kiyovu Sports), Abdul Rwatubyaye (Rayon Sports), Manzi Thierry (AS Kigali)na Clement Niyigena (APR FC)

    Abakin hagati: Bizimana Djihad (KMSK Deinze), Muhire Kevin (Yarmouk) Ally Niyonzima (Bumamuru), Mugisha Bonheur (APR FC), Steve Rubanguka (FC Zimbru), Yorl Rafael (Gefle), Hakim Sahabo (Lille) na Hadji Iraguha (Rayon Sports)

    Ba Rutahizamu: Muhozi Fred (Kiyovu Sports), Mugisha Gilbert (APR FC), Meddie Kagere (Singida Big Stars), Mugenzi Bienvenue (Kiyovu Sports), Bizimana Yannick (APR FC), na Habimana Glen (Victoria Rosport)

    11 umutoza ashobora kuzabanzamo

    Umunyezamu: Ntwali Fiacre

    Ba myugariro: Manzi Thierry, Mutsinzi Ange Jimmy, Rwatubyaye Abdul, Omborenga Fitina na Imanishimwe Emmanuel

    Abakina hagati: Bizimana Djiad, Rafael York na Niyonzima Ally

    Ba rutahizamu: Habimana Glen na Meddie Kagere

    Fiacre agomba gusimbura Kwizera Olivier

    Source : http://isimbi.rw/siporo/article/amavubi-adafite-kwizera-olivier-11-ashobora-kuzabanza-mu-kibuga

  • Jado Castar yabonye umusimbura #rwanda #RwOT

    Nyuma y’amezi 10 yeguye ku nshingano ze nk’Umuyobozi wa 2 wungirije ushinzwe amarushanwa mu Ishyirahamwe nyarwanda ry’umukino wa Volleyball, Bagirishya Jean de Dieu [Jado Castar], yasimbuwe na Geoffrey Zawadi.

    Kuri uyu wa Gatandatu tariki ya 18 Werurwe 2023, habaye Inteko Rusange Idasanzwe y’Ishyirahamwe ry’Umukino wa Volleyball mu Rwanda (FRVB).

    Ku murongo w’ibyigwa hari ingingo 2, gahunda ya shampiyona n’amarushanwa ateganyijwe mu mwaka wa 2023 ndetse no kuzuza inzego.

    Hagombaga gushakwa umusimbura wa Jado Castar weguye ku mwanya we wa visi perezida wa 2 ushinzwe amarushanwa muri FRVB.

    Uyu mugabo usanzwe ari n’umunyamakuru wa siporo akaba na nyiri B&B FM, yeguye muri Gicurasi 2022 aho yavuze ko bitewe n’aho avuye (yari afunguwe) atari kubasha kuzuza inshingano ze.

    Abanyamuryango ba FRVB nyuma y’amezi 10 yeguye bakaba batoye Zawadi Geoffrey nk’umusimbura wa Jado Castar. Zawadi akaba yari asanzwe ari umuyobozi wa REG VC.

    Zawadi Geoffrey yatorewe kuba visi perezida wa 2 wa FRVB ushinzwe amarushanwa

    Yasimbuye Jado Castar weguye muri Gicurasi 2022

    Source : http://isimbi.rw/siporo/article/jado-castar-yabonye-umusimbura

  • Abakinnyi basaga 1200 bagiye guhurira mu Rwanda mu mikino ya EAPCCO ihuza Abapolisi bo muri Afurika y'Iburasirazuba #rwanda #RwOT

    Mu cyumweru gitaha u Rwanda ruzakira imikino  ihuza ibihugu bigize umuryango w'abayobozi ba Polisi zo mu bihugu byo mu Karere k'Afurika y'iburasirazuba (EAPCCO).

    Ni amarushanwa azamara icyumweru, aho azatangira ku wa kabiri, tariki ya 21 Werurwe, ahuza abitabiriye imikino 13 itandukanye, baturutse mu bihugu 8 bigize uyu muryango.

    Ni ku nshuro yayo ya 4, ku nsanganyamatsiko igira iti: 'Guteza imbere ubufatanye bwa Polisi mu kurwanya ibyaha byambukiranya imipaka binyuze mu mikino n'imyidagaduro.'

    Muri iyo mikino harimo umupira w'amaguru, netball, volley ball, basketball, darts, Karate, Taekwondo, Judo, iteramakofe, kurasa n'indi itandukanye.

    Ibihugu bizitabira iyi mikino ni u Burundi, Uganda, Tanzaniya, Kenya, Sudani, Sudani y'Epfo, Ethiopia ndetse n'u Rwanda ruzakira irushanwa.

    Imikino izabera ku bibuga 20 bitandukanye byo mu mujyi wa Kigali no mu Karere ka Bugesera mu gihe umuhango wo gufungura amarushanwa uzabera kuri Sitade ya Kigali yitiriwe Pele, uwo gusoza ubere kuri BK Arena.

    Imikino kandi izaba itambuka irimo kuba ako kanya  ku murongo wa You Tube wa Polisi y'u Rwanda.

    Izitabirwa n'abakinnyi barenga 1250 bagize amakipe 83 ahagarariye inzego za Polisi mu bihugu bigize uyu muryango, arimo ay'abagabo 55 n'ay'abagore 28.

    Polisi y'u Rwanda izitabira amarushanwa yose uko ari 13.

    Mu nama n'abanyamakuru ku mikino ya EAPCCO yabaye kuri uyu wa Gatanu, tariki ya 17 Werurwe, ku cyicaro gikuru cya Polisi ku Kacyiru, CP John Bosco Kabera yavuze ko kwinjira ku mikino yose ya EAPCCO ari ubuntu. 

    Yagize ati: 'Aya ni amakipe ya Polisi, ariko anahagarariye igihugu muri rusange. Turahamagarira abanyarwanda bose kuza gushyigikira amakipe yabo.'

    Komiseri w'ishami rishinzwe guhuza ibikorwa bya Polisi n'abaturage, CP Bruce Munyambo, yavuze ko imyiteguro yo kwakira iyi mikino yateguwe neza kandi ko hari icyizere cy'uko izagenda neza.

    Yagize ati: 'U Rwanda rwiteguye neza kwakira imikino ya EAPCCO kandi ubufatanye hagati ya Polisi y'u Rwanda n'itangazamakuru ni ntamakemwa, niyo mpamvu tubashishikariza nk'uko bisanzwe kuba abafatanyabikorwa bacu beza kugira ngo iyi mikino imenyekane kandi ishyigikirwe na benshi u Rwanda rubashe gutsinda.'

    Imikino ya EAPCCO igamije gushimangira ubufatanye bwa za Polisi zo mu Karere k'Afurika y'Iburasirazuba mu kurwanya ibyaha ndengamipaka, guteza imbere impano z'abapolisi mu mikino itandukanye no gushimangira ubufatanye mu kubungabunga umutekano w'abaturage mu bihugu bigize uyu muryango hashingiwe ku bunararibonye bw'inzego za Polisi zo mu bihugu bihuriye muri uyu muryango.

    Ku nshuro ya mbere imikino ya EAPCCO yabaye mu mwaka wa 2017 ibera muri Uganda, ku nshuro ya kabiri yakirwa na Tanzaniya muri 2018, mu gihe ku nshuro ya 3 yabereye muri Kenya mu mwaka wa 2019.

    Yagombaga kubera mu Rwanda mu mwaka wa 2020 ku nshuro ya kane, iza guhagarikwa n'icyorezo cya COVID-19.

    Ku nshuro ya gatatu, ku rutonde u Rwanda rwaje ku mwanya wa kabiri nyuma ya Kenya, rwegukana imidari 46; irimo 27 ya zahabu, itandatu ya feza na 13 ya bronze.

    EAPCCO ni urwego rwa za Polisi mu karere rugizwe n'ibihugu binyamuryango 14.

    Yashinzwe mu mwaka w' 1998, igamije gushimangira ubufatanye bwa za Polisi n'ingamba zihuriweho zo gusangira amakuru ajyanye n'ibyaha no guhuza amategeko hagamijwe kongerera ubushobozi inzego zishinzwe kubahiriza amategeko ndetse no kurwanya ibyaha byambukiranya imipaka.

    The post Abakinnyi basaga 1200 bagiye guhurira mu Rwanda mu mikino ya EAPCCO ihuza Abapolisi bo muri Afurika y'Iburasirazuba appeared first on RUSHYASHYA.

    Source : https://rushyashya.net/abakinnyi-basaga-1200-bagiye-guhurira-mu-rwanda-mu-mikino-ya-eapcco-ihuza-abapolisi-bo-muri-afurika-yiburasirazuba/?utm_source=rss&utm_medium=rss&utm_campaign=abakinnyi-basaga-1200-bagiye-guhurira-mu-rwanda-mu-mikino-ya-eapcco-ihuza-abapolisi-bo-muri-afurika-yiburasirazuba

  • Minisitiri w'Umutekano mu Bwongereza yunamiye inzirakarengane za Jenoside yakorewe Abatutsi (Amafoto) – #rwanda #RwOT

    Braverman yari kumwe na Ambasaderi w'u Bwongereza mu Rwanda, Omar Daair. Bakiriwe n'Umujyanama muri Minisiteri y'Ububanyi n'Amahanga, Monique Mukaruliza.

    Suella Braverman nyuma yo gusobanurirwa amateka yagejeje u Rwanda kuri Jenoside, yunamiye inzirakarengane zayizize ziruhukiye mu Rwibutso rwa Gisozi.

    Uyu muyobozi ari mu Rwanda mu rugendo rugamije gushimangira ubufatanye bw'ibihugu byombi ahanini ku ngingo ijyanye n'amasezerano yo kwakira abimukira binjira mu Bwongereza mu buryo bunyuranyije n'amategeko.

    Ayo masezerano agena ko abimukira bazajya binjira mu Bwongereza mu buryo bunyuranyije n'amategeko, bazajya boherezwa mu Rwanda mu gihe hari kwigwa uburyo burambye bwo kubafasha.

    Uru ruzinduko rwe ku Gisozi ruje mu gihe u Rwanda rumaze igihe kinini rusaba u Bwongereza gutanga ubutabera ku bantu batanu bakekwaho uruhare muri Jenoside yakorewe Abatutsi bari mu Bwongereza.

    Abo barimo Celestin Mutabaruka, Vincent Bajinya wiyise Vincent Brown, Celestin Ugirashebuja, Charles Munyaneza na Nteziryayo Emmanuel.

    Amafoto: Irakiza Augustin

    Source : http://igihe.com/amakuru/u-rwanda/article/minisitiri-w-umutekano-mu-bwongereza-yunamiye-inzirakarengane-za-jenoside

  • Rubavu: Abana bandikishwa mu irangamimerere biyongereho 54% – #rwanda #RwOT

    Umwana wavutse afite uburenganzira bwo kandishwa mu bitabo by'irangamimerere kugira ngo igihugu kimumenye, kimushyire mu igenamigambi kandi kinabashe kumurinda ihohoterwa iryo ari ryo ryose yakorerwa.

    Ibi ni byo ubushakashatsi ku buzima n'imibereho y'abaturage bukorwa buri myaka itanu hashyirwamo ingingo yo kubaza buri rugo mu zikorwamo ubushakashatsi niba abana babo bari munsi y'imyaka ine banditse mu irangamimerere.

    Imibare yavuye muri ubu bushakashatsi bwakozwe muri 2019 na 2020, igaragaza ko Akarere ka Rubavu ari ko kongereye ku kigero cyo hejuru umubare w'abana bandikishwa mu irangamimerere kuko bageze 87% kavuye kuri 33%.

    Mukeshimana Chantal wo mu Murenge wa Gisenyi yabwiye IGIHE ko icyatumye bitabira kwandikisha abana bakivuka ari uko ubuyobozi bwabegereje iyi serivise.

    Ati 'Mbere ababyeyi benshi babyarigaraga mu rugo, umubyeyi akaba afite iminsi yo kuba yamaze kujya kwandikisha umwana ya minsi yarenga bakamuca amande, aya mande rero hari igihe twayaburaga bigatuma umwana atandikwa'.

    Sibomana Jean Claude, ufite abana batatu avuga ko icyatumaga mbere abana benshi batandikwa mu irangamimerere ari uko abagabo batari basobanukiwe akamaro ko kwandikisha umwana.

    Ati 'Mbere twabihariga abagore tukumva ko kwandikisha abana twe nk'abagabo bitatureba ariko ubu nsigaye nanjye mbikurikirana nkibukiranya n'umugore wanjye niba serivise zose zigenewe umwana, uwacu yarazihawe'.

    Umuyobozi wungirije w'Akarere ka Rubavu ushinzwe imibereho myiza Ishimwe Pacifique yabwiye IGIHE ko nyuma yo kubona ko hari abana benshi bo muri aka karere batanditse mu irangamimerere bashyizeho gahunda yiswe 'Icyumweru cy'irangamimerere' aho abakozi batanga iyi serivise bajyaga mu midugudu bagatanga iyi serivise ku buntu.

    Ati 'Kugira ngo abaturage basobanukirwe akamaro kwo kwandikisha abana twifashishijwe ubukangurambaga muri gahunda zitandukanye nk'umugoroba w'imiryango, Umuganda, Inteko z'Abaturage n'umuturage ukeneye iyi serivise agataha ayibonye'.

    Bitewe n'uko iyi gahunda yo kwandika abana bavutse isigaye itangirwa kwa muganga, abaganga bareba niba umwana bagiye guha inkiko yanditse mu irangamimerere basanga atanditse bagahita bamwandika.

    Ati 'Twashyize imbaraga mu mikoranire hagati y'ibigo nderabuzima n'imirenge ku buryo umubyeyi wabyariye ku kigo nderabuzima ahita ahabwa serivise yo kwandisha umwana'.

    Ishimwe avuga ko ikoranabuhanga rya CRVS (Civil Registration and Vital Status) ryagize uruhare mu kongera umubare w'abana bandikwa mu irangamimerere kuko iyi serivise isigaye itangirwa ahantu hatandukanye harimo ku kagari, ku kigo nderabuzima no mu yandi mavuriro mu gihe mbere yatangirwaga ku biro by'umurenge gusa.

    Ati 'Buri munsi hahuzwa imibare y'abana bavutse ndetse n'abanditswe mu bitabo koranabuhanga ry'irangamimerere bigakorwa no muri weekend kugira ngo umuturage ukeneye iyi serivise ayibone bimworoheye'.

    Intego igihugu cyihaye ni uko abana bose bavutse bagomba kwandikwa mu irangamimerere 100%. Mu gihugu hose kwandikisha abana mu irangamimerere abana bavutse bigeze kuri 86%.

    Source : http://igihe.com/amakuru/u-rwanda/article/rubavu-abana-bandikishwa-mu-irangamimerere-biyongereho-54

  • Rusine yasohoye igitabo yanditse mu myaka 11… – #rwanda #RwOT

    Alexis Rusine ni umwanditsi w’indirimbo n’ibitabo, akaba n’umugishwanama. Akunze gutanga inyigisho zishishikariza abanyarwanda guhanga agashya kuko ahamya ko ari moteri y’iterambere. Abikora binyuze mu ndirimbo ndetse no mu bitabo.

    Atuye i Nyamirambo, akaba ari umugabo wubatse. Arambye mu muziki kuko indirimbo ye ya mbere yayihimbye mu 1998 yitwa ‘Bakumenye’. Ibindi bihangano bye harimo ‘Amahoro yataha iwanyu’, ‘Ngira umugabuzi w'amahoro yawe’, ‘Nimwakire amahoro’, ‘Turakwiragije’, n’izindi.

    Ubu, azanye igitabo gishya yise ‘Nawe Hanga Agashya’, kigizwe n’amapaji 109. Aganira na inyaRwanda, Rusine Alexis yavuze ko iki gitabo yatangiye ku cyandika mu 2012, ibisobanuye ko amaze imyaka 11 ari kucyandika. Avuga ko kirimo amosomo akomeye y’impamvu buri wese akwiriye guhanga agashya.

    Ati “Igitabo natangiye kucyandika mu 2012. Cyantwaye igihe kuko nagombye gukora ubushakashatsi ku bumenyi bugezweho mu byo guhanga agashya nkabihuza n'icyo nise Igicaniro Gakondo cya guhanga, ari na ko ndema amuga yerekeye guhanga agashya nagitangaho amahugurwa y'igeragezwa kuri cyo! Kigizwe n'amapaji 109”.

    Uyu mwanditsi akaba n’umugishwanama, avuga ko “guhanga agashya ni moteri y'iterambere!”. Yongeraho ati “Nasanze abantu babikangurirwa ariko ntaho byigishwa cyane cyane mu bihugu bikiri mu nzira y'amajyambere. Hari aho wabyize?”.

    Asobanura ko impamvu yacyanditse mu Kinyarwanda “ni uko mu bushakashatsi nakoze, nasanze gakondo nyarwanda yibitsemo inkingi n'amabanga menshi byafasha guhanga agashya! Icya gatatu ni uko buri wese mu cyiciro cy'imirimo akora, ashobora kugira agashya ahanga”.

    Yungamo ati “Ni nayo mpamvu nagishyize mu kinyarwanda ngo ubwo bumenyi buhambaye bwo mu ma kaminuza nka Havard, bugere ku munyarwanda wese kandi bihujwe n'umuco we.

    Guhanga agashya mbere na mbere bisaba kumenya uko bikorwa no kwigiramo icyo twita imyumvire ndemagashya. Ni cyo gishoro cy'ibanze muri isi y'iki gihe aho ubukungu bushingiye ku bumenyi”.

    Rusine avuga ko iki gitabo agituye ababyeyi be. Ni igitabo cya gatatu yanditse nyuma ya “Ibanga ry’Ubukire” yanditse mu 2019 ndetse na “Serivisi Ihebuje”. Ateganya kuzashyirwa muri Librairie Caritas kuko ari yo isanzwe imucururiza ibitabo.

    Uwaba yifuza guhanga agashya akabura aho atangirira wamugira inama yihe? Ushobora kwibaza iki kibazo, ariko Rusine afite igisubizo. Aragira ati “Dutanga amahugurwa ku guhanga agashya yubakiye kuri iki gitabo. Ushaka guhanga agashya yatugana tukamuhugura tunabitangira ‘Certificat’. Hari abo twahuguye benshi yagiriye akamaro”.

    Rusine yashyize hanze igitabo cye cya 3 yise “Nawe Hanga Agashya”

    Umuhanzi akaba n’umwanditsi Rusine Alexis

    REBA INDIRIMBO “BURI WESE YUBAHWE” YA RUSINE ALEXIS

    Source : https://inyarwanda.com/inkuru/127189/rusine-yasohoye-igitabo-yanditse-mu-myaka-11-gishishikariza-guhanga-agashya-kuko-ari-moter-127189.html